رواية حماتي والسر المجهول الفصل الثاني 2 والاخير بقلم هويدا زغلول

هشام 

ايه يعني الحاجه اللي هتزعلنا مالها يعني في ايه 

فتحيه 

الداده اللي هجيبها لكم ملتزمه ومنتقبه بصراحه واستحاله تقلع النقاب لما وافق تمام مش موافق شوف غيرها بقى 

نادين 

الله انا عارفه النقاب ده جميل جدا انا المس بتاعتي في المدرسه منتقبه يا بابا الله يخليك انا عايزه الداده دي تيجي وتلعب معايا انا اهم حاجه حد يلعب معايا ويعمل معايا الواجب عشان كثير قوي ولو ما جبتهاش هفضل مخاصماك ومش هاكل 

هشام 

حاضر يا حبيبتي طب توعديني لو جبتها هتصالحيني وتضحكي وتاكلي وتشربي عشان اطمن عليك وعلى صحتك يا قلب ابوكي 

نادين 

ايوه يا بابا اوعدك لو الداده المنتقبه جت هعمل كل اللي انت عايزه بس اهم حاجه تيجي عشان خاطري 

هشام 

خلاص على بركه الله خلي الداده المنتقبه تيجي من بكره وان شاء الله كله خير 

فتحيه 

طيب يا اخويا يا دوبك بقى هقوم انا اروح اتفق معاها عشان تيجي بكره

وبعديها فتحيه روحت البيت عند كارما وطبطبت على كتفها وقالت 

فتحيه 

يا بت يا كارما البت نادين ذكيه زيك واللي انت اتفقتي معاها عليه قالته بالحرف الواحد 

كارما بدموع 

احمدك يا رب يعني هقدر من بكره اخش الفيلا كاني الداده 

فتحيه 

ايوه تقدري ونص كمان 

كارما 

ربنا يخليكي ليا يا خالتي فتحيه يوم ما انحرمش منك ابدا يا حبيبتي 

وبعديها كارما قعدت وافتكرت اللي حصل 

                        فلاش بااااك 

بالليل خالص والفيلا كلها نايمه كارما قررت ان هي تكلم نادين في التليفون بتاعها واول ما اتصلت نادين لقيت رقم غريب لانها اتكلمت من تليفون فتحيه ردت وقالت 

نادين 

الو مين 

كارما 

ايوه يا نادين انا ماما اوعي تبيني ان انا ماما وكمان ما ترديش عليا اسمعيني وبس بكره طنط فتحيه اللي انت شفتيها عند جدو على السلم هتيجي وتقعد تتكلم مع بابا كانها بتسال عليا وعايزاك تدخلي في الموضوع علشان كنت فتحيه هتجيب لك داده منتقبه تبقى معاكي وبابا ممكن يكون متردد عايزاك انت تفضلي موافقه وتصممي على رايك وتقولي ان انت عايزه الداده منقبه عشان بتشبهك بالمدرسه بتاعتك اللي انت بتحبيها تمام

نادين 

حاضر وبعدين 

كارما 

وبعدين يا قلبي انا اللي هكون الداده المنتقبه ما تخافيش هدخل البيت وهحافظ عليك وهحميكي وما تقلقيش من اي حاجه يا نور العين انا شفت بتاع حماتي وهي تضربك والله لاجيب لك حقك يا بنتي 

في الوقت ده نادين سميره خبطت عليه عشان بتفتح الباب وكان مقفول بالمفتاح واتعصبت وقال 

سميره 

افتحي يا بنت انت هو انت بتقفلي الباب ليه مفكره نفسك كبيره ولا ايه صحيح ما هي كارما هتخلف ايه غير واحده قليله الادب زيها بقول لك افتحي 

كارما كانت سامعه كل كلمه هو قالت لنادين 

كارما 

اوعي تفتحي لها الباب اقفل التليفون وامسحي الرقم على طول ونامي يا حبيبتي وما تقلقيش علي انا كويسه وما ترديش على حد يا قلب ماما لحد ما اجي لك 

نادين قفلت السكه ومسحت الرقم ونامت على طول 

وكارما قالت في نفسها 

كارما 

يا رب الخطه تبقى ناجحه واقدر اخش لبنتي واكون جنبها حتى لو خدامه بس احميها من الشر اللي حواليها 

    

                             باااااااك 

كارما 

كده انا لازم اجيب نقاب والبسه واخذ معي واحد احتياطي وان شاء الله مش هخلي حد ياخد باله مني ابدا 

فتحيه 

يا اختي وتنزلي ليه خدي نقاب بنتي سهيله الله يرحمها اهو ما انت عارفه انها راحت في عز شبابها وكل لبسها اللي جوه زي ما هو خدي كله يا بنتي وربنا يقف جنب اخويا وينصرك عليهم

كارما بدموع 

ربنا يخليك يا خالتي فتحيه انت جارتنا في الحقيقه لكن في قلبي انت في مكان امي بالضبط حافظتي عليا وحاميتيني وما خفتيش من هشام انا من غيرك ما كنتش عارفه هعمل ايه 

فتحيه 

يا اختي انا واحده بصون العيش والملح وامك حبيبتي وانت بنتي اللي كنت مربياكي مع سهيله احنا واكلين مع بعض عيش وملح وان شاء الله يا بنتي هفضل جنبك لحد ما توصلي لبر الامان 

كارما 

ربنا يخليك يا خالتي خلي دايما تليفونك مفتوح عشان لو حسيت باي شر او خوف هكلمك عشان تبلغي البوليس وتيجي على طول تنقذيني انا وبنتي 

فتحيه 

بعد الكلام اللي سمعته منك واللي عرفته هم بيعملوا ايه في المخزن ربنا معاكي يا بنتي وخلي بالك من نفسك دول شر وما بيخافوش من حاجه 

وثاني يوم كارما راحت وهي لابسه النقاب وما حدش متعرف عليها واول ما دخلت غيرت صوتها وقالت 

سعاد 

مين حضرتك 

كارما 

انا المربيه الجديده ممكن اعرف فين استاذ هشام 

سعاد 

اتفضلي في الصالون وانا هدي له خبر 

وبعد شويه هشام نزل وكانت كارما في الصالون قرب منها وقال 

هشام 

اهلا وسهلا بحضرتك انت اللي جايه من طرف الحاجه فتحيه مش كده 

كارما 

ايوه يا فندم ممكن اعرف فين البنت الصغيره عشان اعرف فعلا هعرف اتفاهم معاها ولا لا 

هشام 

لا الله يخليك اوعي تفكري نفسك ان انت ممكن تمشي ده هي اول ما سمعت ان انت منتقبه افتكرت المدرسه بتاعتها ووافقت عليك على طول 

كارما

ما فيش مشكله ربنا يخليها لحضرتك 

هشام 

طب ممكن اعرف انت هتروحي وتيجي في نفس اليوم ولا ايه عندك اولاد 

كارما 

انا لسه انسه ما اتجوزتش وما عنديش اي اولاد واهلي مسافرين يعني قاعده هنا عند خالتي عادي لو قعدت ومشيت اخر اسبوع 

هشام 

طب الحمد لله كده عال قوي عشان انا مسافر وخايف عليها كده هكون مطمن اكتر خلي بالك منها يا استاذه قلت لي اسمك ايه 

كارما 

اسمي اسمي نسمه 

هشام 

تمام يا استاذه نسمه اتفضلي اوريكي اوضه نادين 

وفعلا كارما دخلت عند نادين وهشام عرفها عليها وقال 

هشام 

دي تبقى نسمه الداده الجديده اديني سمعت كلامك اهو جبتها لك خليكي بقى شاطره واسمعي الكلام

نادين بفرحه 

حاضر يا بابا ده انا هسمع كلامك وهاكل وهشرب وهلعب وهعمل الواجب كمان شكرا جدا ربنا يخليك ليا يلا بقى يا طنط نسمه نلعب مع بعض 

هشام فرح جدا ان نادين فرحانه وبعديها خرج ونادين قفلت الباب وكارما رفعت النقاب ونادين اول ما شافتها اترمت عليها وفضلت تعيط وقالت 

نادين 

يا حبيبتي يا ماما وحشتيني قوي الله يخليك خديني من هنا ونمشي انا مرعوبه تيته وحشه وعمو اوحش تخيلي هو اللي كان بيصورني وهي بتضربني وكان عمال يضحك 

كارما بدموع 

ما تزعليش يا قلب امك والله لاجيب لك حقك وهتشوفي بنفسك بس ما ينفعش نمشي من هنا دلوقتي هيعرفوا يوصلوا لنا وهيجيبونا من تحت تقاطيق الارض احنا هنفضل موجودين لحد ما ربنا يسهل ونشوف هنعمل ايه 

وفعلا بعد يومين سميره رضيت بوجود الداده ومعتز وهشام سافره وفي يوم كارما كانت لابسه النقاب واقفه في المطبخ بتعمل الفطار لنادين قربت منها سميره وقالت 

سميره 

انت بتعملي ايه 

كارما بتوتر 

بعمل الفطار لنادين يا هانم 

سميره بصت على الطبق بصدمه وبعديها بصه لكارما وقالت 

سميره 

طيب ماشي هو انت هتفضلي منزله النقاب كده كتير ما خلاص الرجاله اللي كانوا موجودين سافروا اتفضلي ارفعيه 

كارما بتوتر 

كل الحكايه ان انا خدي مشوه بسبب حادثه حريقه زمان حصلت لي وما بحبش حد يشوف وشي وهو مشوه يا هانم 

سميره 

لا معلش انا عايزه اشوفه حتى لو مره واحده وبعد كده نازلين النقاب براحتك ارفعي النقاب حالا يا نسمه 

كارما كانت بترفع النقاب وهي متوتره لكن في الوقت ده اللي لحقتها نادين قربت من كارما ومسكتها من ايديها وقالت 

نادين 

هو في ايه يا طنط نسمه ما انت عارفه ان انا جعانه ليه لحد دلوقتي مش جايبه الفطار على فكره بقى انا ممكن امشيكي من هنا هاتي الفطار وتعالي ورايا بسرعه 

كارما فعلا خدت الفطار ومشيت بسرعه ورا نادين وطلعت الاوضه وكانت متوتره بصت لنادين وقالت 

كارما 

برافو عليك يا نادين ده انت لحقتيني دي كانت سميره هتكشفني الحمد لله 

نادين 

ما انا خدت بالي يا ماما وهي كانت عايزه ترفع النقاب عشان كده جيت لك بسرعه ما تخافيش يا حبيبتي انا معاكي على طول 

كارما 

يا حبيبتي يا بنتي دايما معايا وفي حضني وهحميكي من الدنيا كلها 

لكن عند سميره كانت قاعده في الجنينه بتشرب كوبايه قهوه وقالت في نفسها 

سميره 

معقوله صدفه الداده اللي اسمها نسمه بتعمل الطبق الفطار نفس كارما بالظبط ده نفس رصه الخضار وكمان بتحط لها الاكل اللي هي عايزاه شكل كده البنت دي كارما هي اللي بعتها انا حاسه بكده بدل جايه عن طريق فتحيه ولازم اعرف في الحقيقه 

وثاني يوم كارما كانت في الجنينه بتسقي الورد ونادين جنبها وجه واحد سال على سميره والجنايني قال 

الجنايني 

اه موجوده يا باشا ثواني هديها خبر 

الجنايني طالعه عندها سميره وقال لها واول ما سمعت اسمه اتوترت ونزلت بسرعه وقفت على جنب في الجنينه اللي ورا هي وهو وقالت بعصبيه 

سميره 

انت اتجننت يا فؤاد انت ايه اللي جابك لحد هنا لا بقول لك ايه انت لو مفكر نفسك هتلف وتدور عليا تبقى غلطان مش انا 

فؤاد 

بقول لك ايه يا حلوه انا عارف ان انت ست كبيره وناصحه وعارفه كل حاجه انا ممكن اروح دلوقتي لابنك معتز واقول له ان انت اللي مخلياني اروح لمراته عشان البسها التهمه دي وهي ولا خانته ولا حاجه ولا تديني كمان مليون واقفل بوقي 

سميره بخوف 

الله يخرب بيتك هو انت بتهددني ماشي يا فؤاد والله لا هوريك خلاص الفلوس هتكون عندك بكره بس مش عايز اشوف وشك هنا تاني احمد ربنا ان معتز مسافر عارف لو جاب موجود كنا كلنا رحنا في داهيه يلا امشي من هنا 

فؤاد 

طيب ما تخافيش قوي كده انت خايفه على حياتك وبيتك ممكن خدي بالك انا ما عنديش اي حاجه اخاف عليها ولا باقي على الدنيا ولا متجوز ولا عندي عيال واهلي راحوا من زمان يعني عليا وعلى اعدائي المليون بكره يكون عندي 

سميره 

ما قلت لك مره خلاص يلا امشي بسرعه 

فؤاد 

طب استني شويه يا حلوه مش هعرفك حتى فين عنوان الجديد 

وفعلا فؤاد قال على عنوانه وكارما سمعته وبعديها فؤاد مشي وكانت كارما ونادين واقفين بعيد عنهم وسامعين كل حاجه وكارما اخذت نادين وطلعت على الاوضه بسرعه اما سميره راحت عند البواب وقالت 

سميره 

بقول لك ايه يا عبده مش عايزه حد يعرف ان الراجل ده جاي هنا تمام ولو جه ثاني اقول له ان انا مش موجوده وخليه يمشي 

الجنايني 

من عيني الاتنين يا ست هانم 

وبعديها سميره طلعت اوضتها وكانت خايفه وقالت في نفسها 

سميره 

وانا اللي كنت عايزه اعرف مين الداده انا دلوقتي اللي اسمه فؤاد ده طير نفوخي كلها كده انا مش فايقه لحد كل اللي هفوق ليه ازاي اخلص منه لازم يمشي من الدنيا انا وهو الدنيا مش هتكون سيعانه ابدا 

وبدات سميره تفتكر كل اللي حصل 

                     فلاش بااااك 

سميره كانت واقفه وبتودي بضاعه جديده لصفقه جديده وكان واقف قدامها اشرف باشا صاحب الصفقه وقال 

اشرف 

كده تمام قوي يا سميره وده مش هيكون اول تعامل بينا فلوسك معاكي في العربيه عديهم براحتك البضاعه معايا سلام 

وبعديها اشرف مشي بالرجالته الا فؤاد كان واقف وقرب من سميره اللي سرحانه وقال 

فؤاد 

مالك يا هانم احط لك الشنط في شنطه العربيه اؤمريني انا في اي حاجه اقدر اساعدك فيها ده انا اسمي فؤاد الشاطر 

سميره بصيت له وفضلت تفكر وقالت 

سميره 

طيب لو اتفقت معاكي ان انت تعمل تمثيليه صغيره كده هتوافق بس فيها شويه خطوره 

فؤاد بضحك 

هههههه ما فيش خطوره على فؤاد الشاطر وبدل الفلوس موجوده يبقى كل حاجه محلوله 

سميره 

حلو الكلام يبقى لازم نتكلم دلوقتي عشان مش عايز اشوف وشك ولا في الفيلا ولا في الشركه سامع ولا لا 

فؤاد 

تمام يا يا هانم اؤمريني 

سميره 

كل اللي عايزاه منك هديك عنوان فيله ابني مرات ابني قررت ان هي تفصل عن حياتنا وانا لازم اطلعها قدامه شيطانه هي البنت كويسه وبتحبه لكن لا هديك مخدر وتحاول تخدرها وتقعد جنبها كانك عاشقها وفي الوقت اللي انا هقول لك عليه عشان ده وقت رجوع معتز من الشركه وعايزه يعرف ان انت اللي بتحبها وهي بتحبك بس تهرب قبل ما يمسكك سامع 

فؤاد 

صراحه الموضوع في خطوره جامده قوي بس من عيني الاثنين وده هيكلفك كثير مليون كامل 

سميره 

وانا موافقه بس اهم حاجه بعديها تختفي 

سامع ومهما حصل ما تقولش الكلام ده لحد ولا تعترف في اي حاجه لو مثلا معتز لقاك

فؤاد 

عيب عليك يا هانم ولا اي حاجه هتحصل كله هيبقى زي ما انت عايزه بالظبط 

وبعديها فؤاد خد الفلوس من سميره وفعلا راحه عند فيله فيفي واول ما اخبط فتحه الباب دخل عندها وحط المنديل المخدر على مناخيرها اغمى عليها خدها وقعدوا هم الاثنين مع بعض واول ما دخل معتز وشافهم وفؤاد كان بيلعب في شعري فيفي وهي كانت يا دوبك بدات تفوق الدم جري في عروقه وعرف ان هي بتخونه 

                           باااااااك 

سميره 

يا نهار ابيض ده لو معتز عرف كل حاجه هتبقى سنه سوداء

اما في اوضه كارما كانت خايفه وقالت 

كارما 

احنا عايشين مع شيطانه دي مستحيل تكون بني ادمه الحمد لله ان انا صورت فؤاد وهو بيكلم حماتي كده لما يجي معتز لازم يعرف وانا هحاول اعرفه وربنا يعديها على خير 

وفعلا بعديها بيومين معتز وهشام جم من السفر والصفقه نجحت وسميره كانت فرحانه بيهم وهشام دخل الاوضه عند نادين ولقى كارما قاعده ونفس ترتيب الاوضه بالظبط وقال 

هشام 

غريبه يا نسمه انت مرتبه الاوضه ما كارما امها بترتبها بالظبط ونفس تسريحه شعرك يا نادين زي ما ماما بتعملها لك 

نادين بتوتر 

لا يا بابا ده انا اللي عاملاها لنفسي طنط نسمه طلعت ما بتعرفش تعمل اي حاجه حتى الاوضه كانت مروقاها بطريقه وحشه انا اللي قلت لها تروقها ازاي بصراحه طلعت ما بتفهمش حاجه 

كارما عملت نفسها زعلانه وبصت في الارض وهشام زعق لنادين وقال 

هشام 

نادين كده عيب دي اكبر منك وما ينفعش تتكلمي معاها بالطريقه دي فهميها وعرفيها انت عايزه ايه لكن عيب كده 

وبعديها هشام خرج من الاوضه وراح يدور على كارما في كل مكان نفسه يلاقيها لكن مش عارف وقلبه اطمن انه لحد دلوقتي البوليس ما جاش عندهم يبقى كارما ما قدمتش الفيديو 

وعلى اخر اليوم والكل نايم الباب خبط على معتز وكارما غريب بسرعه معتز فاتح ما لقاش حد لكن لقى فلاشه وكمان ورقه الورقه مكتوب فيها 

المكتوب 

افتح الفلاشه وانت هتفهم ايه هو السر والورقه دي فيها عنوان فؤاد وعلى فكره فيفي مظلومه ما كانتش بتخونك

معتز بصدمه 

ايه ده مين اللي حط الورقه دي هنا والفلاشه دي عليها ايه هو في حد غريب دخل البيت ولا ايه 

معتز دخل عشان يشغل الفلاشه لكن في الوقت ده كارما حضرت نفسها وخدت بنتها عشان تخرج من الفيلا لكن للاسف بتفتح باب الاوضه لقيته مقفول بالمفتاح وكانت سميره هي اللي قفلته عشان شافت كارما وهي بتحط الورقه والفلاشه قدام اوضه معتز وكانت خايفه وقالت في نفسها 

سميره 

يا ترى حاطه ايه وايه السر اللي هي مخبياه البنت دي مش طبيعيه انا لازم اعرف هي مين النهارده 

اما معتز اول ما شاف الفيديو اتصدم وبقى خارج من الاوضه بيصرخ وبيقول 

معتز بصريخ

ليه كده يا امي عملت لك ايه علشان تخربي بيتي حرام عليك انت فين تعالي واجهيني وبصي في وشي وعرفيني انت عملت لي كده 

سميره قربت منه بخوف وقالت 

سميره 

اهدى بس يا حبيبي هو ايه اللي حصل لكل ده 

معتز 

في فيديو موجود انت والحيوان اللي كان مع فيفي وكمان عنوانه موجود انا هعرف كل حاجه دلوقتي وانت هتكلميه وهيجي ولا زين كل حاجه تبان يا اما والله هبلغ البوليس وعليا وعلى اعدائي 

سميره 

يا نهار اسود يبقى البنت اللي جوه دي مش داده ولا اسمها نسمه ولا نيله البنت دي تبع كارما انا متاكده 

هشام 

في يا جماعه انا مش فاهم حاجه 

وبعديها معتز قال كل حاجه وهشام قال 

هشام 

معقوله الكلام ده يا ماما هاتي تليفونك انا هكلم الحيوان ده خليه يجي حالا 

وفعلا اجبروا سميره تكلم فؤاد علشان يجي وبعد ساعه كان فؤاد وسميره وهشام ومعتز واقفين قدام بعض وهشام فتح الباب على نادين وخرجت هي وكارما وقفت جنبهم وسميره قالت 

سميره 

ممكن نهدى بقى الموضوع بقى صعب وكلنا في دايره واحده واكيد هيكون في ضحايا وانا مش عايزه الضحايا يكون معتز وهشام يا ولادي انا بعمل كده عشان خايفه عليكم فيفي ما كانتش بتحبك يا معتز 

معتز بصريخ 

اوعي سيبيني عليه انا لازم اخلص منه دلوقتي حالا هو انت مفكر نفسك يا حبيبي هتطلع من الفيلا حي تبقى غلطان ده انت هتطلع على نقاله 

فؤاد ببرود 

والله براحتك مكالماتي انا وامك كلها متسجله ولا يفرق معايا حاجه انا كده كده هتحبس عادي لكن امك بقى لما تتحبس بالموضوع كبير قوي 

وهشام وسميره كانوا بيحوشوا معتز عن فؤاد وفي الوقت ده سميره بصت لكارما وقالت 

سميره 

انت يا بنت انت ارفعي النقاب انت اكيد كارما بعتاكي علشان تعرفي كل حاجه عننا انت اللي صورتيني انا وفؤاد وعرفتي معتز كل حاجه ارفعي النقاب بقول لك 

في الوقت ده كارما كلمت فتحيه وحاطت التليفون في جيبها ورفعت النقاب وقالت 

كارما

لا يا حماتي مش انا اللي كارما بعتاني انا كارما بنفسها انا جيت جنب بنتي عشان اقطع لك ايديك اللي انت ضربتيها بيها واندم معتز لما كان بيضحك على بنتي وهي بتعيط واكشف اللي انتم عملتوه في المخزن سر المخزن هيتكشف دلوقتي والفيديو لو مفكراه ان هو معايا انا بس تبقي غلطانه ده مع خالتي فتحيه كمان وان شاء الله دلوقتي هي هتروح للبوليس وهتقول له كل حاجه 

الكل كان مصدوم لكن فتحيه في الوقت ده سمعت الكلام وقالت 

فتحيه 

يا نهار اسود البنت اتكشفت انا لازم اروح قسم الشرطه دلوقتي وهوريه الفيديو اللي معايا لازم نلحقها يا حبيبتي يا كارما ما تخافيش يا قلب امك 

وفعلا فتحيه راحت على قسم الشرطه اما هشام كان مصدوم وقرب منها كارما قالت بصريخ 

كارما 

ابعد عني ما تقربش مني ولا من بنتي يا شيطان انت واهلك اللي حصل في المخزن انا عارفاه كويس قوي 

وبدات كارما تحكي على كل اللي حصل 

                         فلاش بااااك 

في المخزن كان معتز ماسك فيفي من شعرها وجايبها رميها في المخزن وكان هشام وسميره واقفين جنبه ومعتز قال 

معتز 

شفتي يا امي الحيوانه طلعت بتخوني دخلت عليها الفيلا لقيتها مع راجل بعد ما سمعت كلامها وجبت لها فيلا لوحدها قلت خلاص هعيش ايام سعيده  تحط راسي في الطين بالطريقه دي 

سميره 

لا يا حبيبي ما عاش ولا كان اللي يزعلك ابدا حقك وهتاخده دلوقتي منها ما انا قلت لك البنت دي مش سهله انت اللي ما صدقتنيش وعملت لها اللي هي عايزاه 

فيفي بدموع 

والله ما عملت حاجه يا معتز ده البني ادم ده خبط عليا واول ما فتحت الباب حط منديل على بقي وبعديها اغمى عليا ما فقتش غير وانت بتضرب فيا ومفكرني بخونك انا ما اعرفش ده مين اصلا 

هشام 

طب اهدى شويه يا معتز ونشوف الواد ده ونراجع الكاميرات ونجيبوا لحد هنا ونعرف هو دخل الفيلا دي ما هي مراتك ما تعرفوش ما تحكمش غير لما تفهم 

سميره توترت وحست نفسها هتتكشف مسكت المسدس من جيب معتز وضربت فيفي طلقه في قلبها راحت في وقتها في الوقت ده كان الكارما واقفه ومصوره كل ده وسميره قالت 

سميره 

ايه يا معتز مالك مصدوم كده ليه دي كلبه وما يتزعلش عليها ابدا انا هخرج من الباب الوراني اجيب شوال تحطوها فيه ما حدش يخرج من الباب ده علشان نادين وكارما والبواب ما حدش يشوفنا 

معتز 

حرام عليك يا امي ايه اللي انت عملتيه ده ليه بس كده مش كنا الاول طيب نسمعها انا كنت ناوي اطلعها اصلا بس اللي تخلصي عليها ليه 

هشام بصدمه 

انا مصدوم انت ازاي اصلا جالك قلبي امي تعملي كده حرام عليك هي النفس بالنسبه لك رخيصه قوي كده 

سميره 

اخلص انت وهو مش عايزه اسمع صوت انا جايبه رجاله مش جايبه حبه حريم دي خاينه والخاين اخرته انه يمشي من الدنيا معروفه

وفعلا سميره خرجت من الباب الثاني وما لقيتش شوال وهي معديه من قدام الباب بتطمن على البواب ما يكونش سمع ضرب النار لقيت كارما وهي بتجري وتعصبت عليها ولما رجعت الكاميرات عرفت ان هي صورت 

                        باااااااك 

سميره 

وانت بقى الشاطره الجميله اللي استخبيتي عند فتحيه واتفقت انت وهي تخشوا البيت كانك داده فاكراني يا بنت ضحكتي عليا ده انا كشفتك من اول طبق فطار عملتيه لبنتك 

كارما 

وانا مش هيفرق معايا حاجه وعارفه ان ربنا معانا وهينقذني وانتم كلكم هتترموا في السجن وهتشوفوا بنفسكم 

معتز 

قبل ما نترمي في السجن الواد ده لازم يسيب الدنيا ويمشي كده كده انا مسجون يبقى اتسجن وانا واخد حقي 

وفي الوقت ده معتز طلع المسدس علشان يخلص على فؤاد وفؤاد وقف ورا سميره وللاسف ضرب طلقه جت في قلبها طبت ساكته وراحت الكل نادين خدت كارما في حضنها عشان ما تشوفش المنظر ده عشان البنت كانت بتصرخ وهشام ومعتز جريوا على امهم وفريد حاول يهرب واول ما فتح باب الفيلا لا الظابط وكل العساكر وفتحيه وقالت 

فتحيه 

هم دنيا حضره الظابط اللي خلصوا على البنت الغلبانه وقال ايه عايزين يخلصوا على البنت يكرمه ليه مفكرين ملهاش اهل ولا ايه خدهم الله يخليك 

كارما اطمنت ان الظابط كان موجود وجريت عليه وقالت على كل حاجه وكمان وريتوا الفيديو وكل الادله وفي الوقت ده كلهم اعترفوا على بعض لكن معتز وهشام كانوا حزنانين على امهم اللي راحت والاسعاف جت واخذت سميره والضابط قبض على فؤاد ومعتز وهشام 

لكن سميره كانت خلاص الله يرحمها وكارما عشان اصيله استلمت سميره من المستشفى ودفنتها وعملت لها عزا وبعديها مشيت الخدامه والجنايني مش علشان ان هي وحشه لا علشان عايزه تعيش بدايه جديده هي وبنتها 

وفي الفيلا عاشت كارما ونادين وجت تعيش معاهم فتحيه وكانت فرحانه وسعيده وكارما قالت 

كارما 

ما تزعليش يا بنتي حقك عليا اني انا سجنت ابوكي لكن صدقيني ده مش اب ده شيطان اللي يشتغل في الممنوعات ويدخل علينا حرام ما ينفعش يتقال عليه اسم اب ابدا 

نادين 

انا اه زعلانه ان انا مش هشوف بابا تاني لكن فرحانه ان انت وتيته فتحيه دايما معايا ربنا يخليكم ليا يا رب اول مره اكون مطمنه يا امي كنت كل يوم خايفه اني تيته سميره تدخل تضربني 

فتحيه 

ما خلاص بقى يا بنتي افتكري حاجه عدله سميره مين والناس نايمين يلا بقى الله يرحمها لكن دلوقتي الشر خلاص انتهى والخير هو اللي كسب عشان تعرفي يا بنتي ان ما ينفعش نعمل الغلط ابدا عشان ربنا بيقف مع المظلوم وبينصروا الحمد لله 

كارما 

الفضل كله ليكي يا خالتي فتحيه ربنا يخليكي ليا انا بجد مش عارفه من غيرك انا كنت هعمل ايه انت اللي سندتيني وقفتي جنبي وعامله ليكي مفاجاه حلوه انا حضرت لك الورق المفروض بس تيجي معايا عشان تحضري الباسبور عشان هروح انا وانت ونادين نعمل عمره 

فتحيه بدموع الفرحه 

انت بتتكلمي بجد يا بنت يا كارما اللهم صل على النبي جايه لك يا رسول الله يعني انا هعمل عمره والله يا بنتي كنت بطلبها من ربنا وانا بصلي بس كنت بقول انا على قد حالي هطلع ازاي بس الحمد لله ربنا نولها لي 

وفعلا راح وعملوا عمره وابتدوا حياتهم بالخير

واللي بيخون الامانة مهما خبى الحقيقة الزمن كفيل يكشفه

تمت بحمد الله