رواية السر اللي قلب الفرح ل جنازة الفصل الثاني 2 والاخير بقلم هويدا زغلول

وعند ابراهيم بيكون قاعد وساعتها الباب  بيخبط ولما  بيروح علشان يفتح بيتصدم لما بيلاقي واحده واقفه ومخبيه وشها 

ابراهيم 

انتي مين يا ست انتي وجايه في وجت زي دا عاوزه اي عاد 

وساعتها الست مبتردش عليه وبتروح زاقاه وداخله وقافلع الباب بسرعه 

ناهد 

هدي حالك  ومتخافش دا اني ناهد 

ابراهيم 

الله يخربيتك هو دا وجت تيجي فيه هو انتي عاوزه حد يشوفك وانتي داخله عندي وجتها هتبقي مصيبه والمعبد هيتهد فوقينا ومش هتجوم لينا اوما وجتها

ناهد

هو انا عبيطه علشان اعمل ده ما تقلقش انا عامله حسابي كويس واخده بالي زين من الي بيحصل متجلش بصراحه اكده مقدرتش امسك حالي ولا اجي ليك بعد ما عرفت الي محروس عملو 

خلاص هخلص منيه زي ما احنا متفقين متعرفش انا فرحانه اد اي ان انت لبستو في حيط 

ابراهيم 

انتي خابره زين علشان خاطر عيونك عندي استعداد اعمل اكثر من اكده علشانك كفايه اني اني كل يوم ما بنامش الليل وانا عارف ان اللي اسمه محروس ده نايم جنبيكي

ناهد بدلع 

حجك عليا بس خلاص مبقاش الا القليل وجتها هنبقي سوا العمر كلياته وكل دا ومعنا فلوسهم كمان الي هيعيشنا ملوك  انا واياك بس عملتها كيف واقنعت محروس يعمل في كارم اكده وبالذات ان همه كيف الاخوات ومكنش حد يقدر يفرقهم عن بعضيهم 

ابراهيم بخبث 

هجولك علشان تعرفي ان اني مش ساهل وان ابراهيم لما يحط حاجه في دماغو ينفذها 

وبعدها بيبدا ابراهيم يفتكر الي حصل لما كان واقف مع ناهد الي قالت بحقد 

          #فلاش باك 

ناهد 

اني بجد مش فاهمه هو انت كيف لسه مصاحب الي اسمو محروس بعد ما خدني منيك واتجوزني اني لو مكانك كنت مستحيل ابص في وشه حتى 

ابراهيم 

هو انت مفكره ان انا ممكن انسى حاجه زي كده انت عارفه كويس اللي انا ما بنامش الليل بسبب ان انت بعدتي بعيد عني بسببه اني بعمل اكده علشان احومو جومه مخلهاش يقومها تاتي وخلاص لجيتها 

اول لما ناهد بتسمع كده بتفرح وبتقول 

ناهد

طيب اتحدث بسرعه انت مستني ايه انت ما تعرفش انا مستنيه اليوم اللي انا اخلص منيه ازاي 

ابراهيم 

انا من الفتره اللي انا جربت منه فيها عرفت ان هو وكارم ماشيين في سكه الاثار وكارم واخد من جوزك فلوس ملهاش عدد اني بقا هعرف ادخلو داخله كويسه اخليه  يوقعو ببعض

ناهد 

حلو الكلام اللي انت بتقوله ده يبقى كده تكون ضربت عصفورين بحجر واحد وبالذات اني لو ده حصل هيحصل عداوه كبيره بين العيلتين 

ابراهيم 

ما تقلقيش انا مستني الوقت المناسب وكل حاجه هتحصل وهتشوفي بنفسك 

وبعدها بتعدي الايام وفي مره بيكون قاعد مع ا محروس وقال بخبث

ابراهيم 

اني مش فاهم صابر على كارم اكده ليه  هو انت مش واخد بالك ان هو كل يوم يقول لك بكره هيدي لك الفلوس وهو بيضحك عليك انا حاسس كده ان هو عاوز يضحك عليك في الفلوس ان هو اخذها ومش عاوز يرجعها لك 

محروس.

واه وا حديث اللي انت بتقوله ده ده ساعتها هتقوم قومه محدش هيقعدها 

هو كارم مفكرني ان انا عيل قدامه عشان يعمل كده ولا ايه

ابراهيم 

ما تزعلش مني يا محروس في الحديث اللي انا هقوله بس فعلا كارم شايفك ده لو مفكرك راجل زين كان اول لما جالك كلمه ويوم الفلوس هتاخدها كان اديهالك اما الي بيعملو دا لعب عيال

محروس

معجول الحديث دا تصدق ان انت عندك حج بس اني هعرف كارم ازاي يلعب معايا 

اني هروح ليه دلوقتي واخد منه الفلوس حالا

ابراهيم 

وعلى اساس ان انت لما تعمل اكده هيديها لك طوالي بصراحه اكده انت لازم تهدده علشان الفلوس يديها لك طوالي ويعرف زين ان هو بيتعامل مع راجل ما يقبلش ان حد يضحك عليه واصل 

محروس 

طب خبرني زين اعمل الحديث ازاي الي بتجول عليه وبالذات يعني مش طايق نفسي ان كارم  يعمل فيا كده ويعلم عليا في الاخر

ابراهيم وهو بيطلع مسدس من جيبه وبيقول

ابراهيم 

خلي المسدس ده معاك  ولو لجيت كارم طول معاك في الحديث خرجو  وهددو بيه واكيد لما يشوف المسدس مش هيقدر يتحدث وياك وهيديك الفلوس بتاعتك كلياتها 

واول لما محروس بيشوف المسدس بيتوتر

محروس 

مسدس اي الي اطلعو رجعو مطرح ما كان الامور ما توصلش بيناتنا بالشكل ده 

ابراهبم

مالك وشك اتخطفك ده ليه هو انا بقول لك اقتله انا بقول لك بس هددوا بيه لو الموضوع وصل لك اكده علشان تبين نفسك جدامي ان لحمك مر ومحدش يقدر يقف في وشك زي ما هو مفكر 

وساعتها محروس بيبقف دقيقه بيبص ليه وبعدها بياخد المسدس وبيمشي مع ابراهيم وبعدها بيحصل الي بيحصل في دقيقه مكنش متخيلها 

          #باك 

ناهد بخبث 

عفارم عليك يا ابراهيم فعلا لما حبيتك محبتكش من شئ شويه بجد اني مبسوطه بلي سويته انت متعرفش اني مبسوطه كيف وان بسبب الي عملتو العلاين هيخلصو ع بعض واحنا هنقف نتفرج اكده 

ابراهيم 

سيبك من الحديث دا عاد خلينا نحتفل انتي متعرفيش انا تعبت  ازاي لحد ما اقنعت  محروس ان هو يعمل اكده 

وبعدها بياخدها وبيدخلو علي جوه

وفي الوقت ده عند هنيه بتكون قاعده عماله تعيط وساعتها بتلاقي الموبايل بتاعها بيرن واول لما بتشوف الرقم بتفرح لما بتلاقي سليم وبتروح فاتحه بسرعه وبتقول 

هنيه بدموع 

كويس اان انت كلمتتي يا سليم اني بجد لو بعدت بعيد عني ممكن يحصل لي حاجه بالله عليك ما تسيبنيش انت عارف زين اني ما ليش دعوه بالحصل ولا اللي في بطني كمان 

سليم بحزن

اني عارف كل الحديث ده بس مين اللي يسمع ومين اللي يجول بقول لك ايه يا هنيه سيبي كل اللي في يدك وانزلي حالا انا واقف في الجنينه تحت عاوز اتحدث وياكي

هنيه 

دجيجه واحده وهتلاقيني عندك وبعدها بتقفل معاه وبتروح نازله بسرعه وهو لما بشوف سليم بتروح واخداه بتروح الحضن وبتقول 

هنيه 

علشان خاطر يا سليم  ما تسمعش كلامهم وبلاش تعمل الي ابوك عاوزك تعمله عشان لو ده حصل ما فيش امل بيناتنا ان احنا نرجع سوا 

سليم

مين اللي جالك اللي انا ممكن اعملك ده انا جاي هنا علشان خاطر اقول لك احنا هنهمل البلد كلياتها وهم يعملوا اللي هم عاوزينه انا ما عنديش استعداد اخسرك ولا اخسر اللي في بطنك 

هنيه 

معقول الحديث اللي انت بتقوله ده هو انت مفكر لما نعملك ده هيسيبونا في حالنا لا طبعا ده احنا لو كنا في بطن الارض هيجيبونا وانت عارف الحديث ده زين وانا مش عاوزه نفضل هربانين واحنا معملناش حاجه 

سليم بحزن

ما فيش الا الحل ده لاما هنتفرق  طول العمر واكيد مش ختكوني مبسوطه لو حصل اكده اسمعي كلامي وبيزيت ما بقاش ينفع نفضل في البلد اكتر من ده ولازم نحافظ علي حبنا اسمعي الكلام يا هنيه 

هنيه بحزن 

انا كان نفسي نشوف حل بدل الهروب بس لو ده هيخليني نفضل انا وانت سوا انا موافقه يا سليم وبالذات ان انا مستحيل اقدر اعيش حياتي بدونك

سليم

يبقى اتفقنا استني مني مكالمه وبعدها هنحمل البلد طوالي ومفيش حد هيقدر يفرقنا عن بعضنا 

هنيه 

يا ريت يا سليم طب ما تعرفش من ساعه الي حصل وانا جلبي بيجوعني وبعدها بيسمعوا صوت حركه واول لما هنيه بتسمع كده بتقول بسرعه 

هنيه

امشي دلوقتي عاد لحد يشوفك ويجول لابوي ان انت اهنه ولو عرف مستحيل يعديها على خير واول لما تظبط الامور كلمني وانا هكون جاهزه

اول لما سليم بيسمع كده بيروح واخد بعضه و

ولسه جايه هنيه تدخل من الباب تصدم لما بتلاقي وهدان في وشها ووشه كله علامات غضب واول  لما بتلاقي كده بتبلع ريقها بخوف 

هنيه 

في اي يا بوي واقف اكده ليه في حاجه حصلت  ولا اي تاني

وهدان 

هو انتي مفكره  مخلياني نايم علي ودني ونازله تجابلي حبيب القلب واني معرفش تبقي عبيطه ومتعرفيش ابوكي زين 

هنيه 

حرام عليك يا بوي الحديث الي انت بتتحدثو دا الي يشوفك وانت بتتحدث يجول ان بعشج واحد في الحرام دا سليم جوزي وهيفضل جوزي العمر كلياته ولو اي حصل محدش هيجدر يفرجنا عن بعضنا اني والي في بطني منيه 

وهدان 

يبجي عشم ابليس في الجنه اني هعرفك كيف عاوزه توقعي كلمتي في الارض بسبب حديثك دا 

واخليكي تنسي واصل الي اسمو سليم واخليكي تمسحيه من ذاكرتك وكانو مكنش موجود ولا دخل حياتنا مش وهدان الي يخلي واحد زي أكده يحط صباعي تحت ضرسو ويبيع ويشتري فينا اكده 

واول لما هنيه بتسمعك اكده بتحط ايديها علي بطنها وبتجول

هنيه 

حديث اي الي انت بتحدثو دا يا بوي لو انت مفكر ان انا ممكن اوافق ع الي انت عاوز تعملو يبقى انت مش خابر بنتك زين ولو  فكرت تيجي على اللي في بطني يبقي الموت اكرم ليا وجتها

وهدان 

اخرسي خالص مش عاوز اسمع الك صوت وخلاص وهدان خد القرار ومستحيل يرجع فيه واصل وبعدها بيقرب منها وبيفضل يضرب فيها في بطنها 

وكل خبطه بيديهالها هنيه بتحس وجتها ان روحها بتتسحب. وكان الموت بيجرب منها وكل الي علي لسانها

هنيه 

بلاش يا بوي  احنا ملناش ذنب في الي حصل انا ولا ولدي كفياك  عاد الي حصل بلاش بحر الدم يزيد 

وهدان 

كل حاجه خربت  بعد الي خيك عملو مبقاش ينفع يكون في حاجه تربطنا بيهم عاد بعد اليوم وبكره هتفهمي أن الي عملتو دا في مصلحتك جبل ما يكون في مصلحتي 

وبعدها بيقرب منها وبيفضل يضرب فيها لحد لما بيلاقي هنيه نزفت والدنيا بقت بحر دم واول لما هنيه بتشوف كده مبتحسش بنفسها بعدها

وفي الوقت ده عند سليم بيوصل الدار واول لما بيدخل بيلاجي سيد جاعد علي الكنبه وعيونو كلها غضب  ونفور

سيد 

حمدالله على السلامه عاد برضو عملت الي في دماغك وروحت الي السبب ان اخوك يبعد عن حضني 

معجول مرتك اهم من حق اخوك الي عاوز تضيعو 

سليم 

حرام عليك الحديث اللي انت بتتحدثه ده يا ابوي هو انت ليه دلوقتي شايف ان هنيه هي سبب في كل ده  

سيد 

واه انت واقف تدافع قدامي اكده عليها عاد بعد الي خيها عملو فينا واحد غيرك اول لما عرف بلي حصل لخيو  كان جابها من شعرها جدام البلد كلياتها وعرف وهدان اني اني مخلف راجل يجدر ياخد حقو من الي بيحو عليهم بس شكلي كنت غلطان 

سليم 

افهمني يا بوي الي بيني وبين هنيه اكتر من اكده واني معترف ان محروس عاوز الجتل بلي عملو بس اني متعودتش اخد ذنب حد في الرجلين بسبب الي حصل وخليك فاكر زين ان اني نستحيل استغني عن مرتي ولا ولدي لو اي حصل 

.سيد 

دا انت شكلك عاوز تفرح في ي وهدان ويحول ان انا مخلفتش راجل انت شكلك اتجننت اياك ولو مفكر ان ممكن اوافق علي الحديث الي بتجولو دا تبجي عبيط دا عندي ادفنك عايش ولا تعمل الي عاوز تعملو دا 

هنا سليم بيبص لابوه بصدمة وبيحاول يتمالك نفسه وهو بيقول

سليم

اني مش هقبل انك تدفني حي يا ابوي ولا هقبل انك تخليني اختار بين مرتي وولدي وبينك لان الاتنين غاليين عندي بس لو انت مصمم تخليني اخسر هنيه وولدي فاني مستحيل اسكت على ده

سيد

انت لسه بتجادلني يا سليم انت مش سامعني واصل انا بقول لك انسى هنيه وانسى اللي في بطنها وتبقى راجل وتوقف مع خيك

سليم

واني بقول لك يا ابوي ان خيي غلط واني مش هبرر له اللي عمله بس برضو مش هظلم مرتي علشان غلطة خيي اني راجل وعارف افرق بين الحق والباطل

سيد

يبقى انت اخترت طريقك خلاص ومن النهارده متعتبرنيش ابوك لو فضلت واقف مع هنيه

سليم

لو ده تمن اني احمي مرتي وولدي فاني مستعد ادفعه

وساعتها سيد بيقوم من مكانه بغضب وبيمسك عصايته وبيقرب من سليم

سيد

اخر مره هسألك يا سليم هتسمع كلام ابوك ولا هتختار الست دي

سليم

هنيه مراتي يا ابوي واللي في بطنها ولدي ومش هسيبهم مهما حصل

وفجأة بيسمعوا صوت خبط جامد على باب الدار

سيد

مين اللي بيخبط في الوقت ده اكده افتح بسرعه يارب جيب العواجب سليمه يارب

واول لما سليم بيلاقي كده بيروح بسرعه ناحية الباب واول لما بيفتحه بيتصدم لما يلاقي واحد من رجال البلد واقف قدامه ووشه كله خوف

الرجل

الحق يا سليم بيه الحق بسرعه هنيه حصل لها حاجه والدم مالي المكان سليم

هنيه

وساعتها سليم بيحس ان الدنيا لفت بيه وبيخرج يجري من الدار من غير ما يسمع كلام ابوه ومصدوم من الي سمعو 

وبعد شويه بيوصل سليم وبيلاقي وهدان واقف قدام الاوضه  وكلو شموخ واول لما بيشوف سليم بيقول بحده 

.وهدان 

اي الي جايبك اهنه يا ولد انت هو اني مش جولت كل الي بيناتنا خلص جاي اهنه تهبب اي

سليم بحده 

جاي لمرتي وطول ما فيا نفس مستحيل اخلي حدا يفرق بيناتنا واصل اني عاوز افهم الي حصل لهنيه ولولدي حصل كيف 

وهدان 

حلو الحديث الماسخ الي انت بتجولو دا هو انت مفكر اني اصدق ان انت خايف علي بنتي اياك اني عارب ان انت بتعمل كل التمثيليه دي اياك علشان تنتقم بس طول ما اني عايش مستحيل اخليك تلمسو شعره منيها لو حصل اي وعل ما اظن الي كان رابطك بيها راح يعني ملهوش لزوم تخليها علي ذمتك اكتر من اكده عاد 

سليم 

واني مش عيل جدامك علشان تجول اعمل اي ومعملش اي وهنيه هتفضل مرتي لحد اخر نفس اتنفسو   ولو الدنيا كليتها عاوزا تفرجنا سوا 

وبعدها بيمشي سليم وبيروح للدكتور علشان يطمن ع حاله هنيه 

وفي الوقت دا سليم بيلمح ناهد وهيه عماله تتلفت يمين وشمال وفجاءه بيلاقيها دخلت اوضه  بسرعه 

واول لما سليم بيلاقي كده بيستغرب وبيروح رايح وراها يفهم هو اي الي بيحصل 

واول لما بيقرب من الباب بيتصدم لما بيسمعها وهيه بتكلم ابراهيم وقالت 

ناهد 

اني بجد زهجت كل يوم احول سليم ولا ابوه هيدخل ويخلص علي محروس بس مفيش حاجه بتحصل بجد هيحصل ليا حاجه بعد التخطيط دا كلو عاد ومفيش حاجه  من الي احنا عملناها حصلت 

ابراهيم بضيق 

اعمل اي يعني اكتر من الي عملتو دا لو تخطيط اباليس مكنش هيتخطط اكده انتي متعرفيش انا تعبت اد اي لما وجعت كارم ومحروس في بعض وخليت محروس يعمل الي عملو دا 

وكلو علشان نبجي مع بعض في الاخر وفي الاخر محصلش حاجه طب كيف واني الي جولت اول لما سيد يشوف الفديو هيجدمو البوليس ومحروس يتحبس وجتها لما تطلبي الطلاج هيكون حجك مش يحصل اكده 

ناهد 

اني ميجتش عارفه اعمل اي بجد جبت اخري من كل دا 

واول لما سليم بيسمع كده مبيحسش بنفسو وهو داخل ليهم جوه واول لما ابراهيم وناهد بيشوفوه وشهم بيقلب الوان وبيتمنو الارض وقتها تنشق وتبلعهم 

ناهد بخوف 

هو انت ميتي هنا علي فكره انت فاهم الموضوع غلط الموضوع مش زي ما انت فاهم واصل 

سليم 

اخرسي اني سمعت كل حديثكم وعرفت ان احنا كنا عايشين مع شياطين ومتعرفوش اني هعمل فيك اي وانت يا ابراهيم حق اخوي هجيبو منيك وبالذات انت السبب في كل الي حصل 

وبعدها بيقرب من ابراهيم وبيفضل يضرب فيه وناهد بتستغل الي حصل وبتروح ماشيه بسرعه من المستشفي 

وفي الوقت دا الدنيا بتتقلب وبيحي وهدان وبيقول بحده 

وهدان 

انت اتجننت اياك اي الي انت هببتو دا عاد ابراهيم عملك اي علشان تعمل في الي بتعملو دا 

سليم 

جول معملش اي هو السبب في كل الي حصل لينا هو والشيطانه ناهد مرات محروس وبعدها بيفول ليهم كل الي حصل 

واول لما وهدان بيسمع اكده بيتصدم ومش مصدق كل دا 

وفي الوقت دا عند ناهد بتوصل البيت وبتحاول تاخد الدهب والفلوس الي تقدر عليهم وبتتصدم لما بتلاقي محروس وراها وبيقول بحده 

محروس 

انتي بتعملي اي معجول يا ناهد بتسرقيني انتي اتجننتي 

ناهد 

وسع اياك من خلجتي اني بجولك اهو اني لما اتجوزتك اتجوزتك غصب وهمه الي غصبوني عليك 

ولو انت راجل صح طلجني والي متعرفوش ان اني بحب ابراهيم وكنت مستنيه تتحبس ولا تموت  علشان نتجوز سوا 

محروس

انتي اتجننتي اياك حديث اي الي بتتحدثيه دا بجا انتي جادره تجفي وتتحدثي وياي أكده انتي متعرفيش انا هعمل فيكي اي انتي والكلب التاني الي  كان عامل فيها صحبي وخبي

وييروح ماسكها وبيفضل يضرب فيها وناهد بتحاول تبعدو عنيه لحد لما بتلاقي سكينه علي التربيزه وبخبطه سريعه منيها بتخبطو وبيروح واقع محروس سايح في دمو 

واول لما ناهد بتشوف كده بتتصدم وبتاخد الدهب والفلوس وبتروح نازله تجري 

وساعتها بتتصدم لما بتلاقي وهدان وسليم  قدامها وبيتصدمو لما بيلاقي هدومها وايدها كلها دم 

وهدان بصدمه 

ولدي عملتي في اي امسكها يا سليم 

واول لما بيقول  بيروح داخل علي الجصر بسرعه وبيتصدم لما بيلاقي محروس سايح في دمو وبعدها بيجي البوليس وبيقبض علي ناهد  وبتعدي ايام العزا وسليم بيروح لوهدان وبيقول 

سليم 

اني عارف ان مش وقت الحديث الي اني جاي اجولو دا بس اني خدت قرار ان اني وهنيه هنعمل البلد  بكل الي فيها وكفايه ان احنا اكتر ناس اتاذينا واحنا مكنلش لينا ذنب

واخوي وابنك غلطو وكل واحد خد جزاتو وربنا يصبرك انت وابوي عل الي حصل ليكم بس ارجع واجول دا اخره المشي في السكه البطاله  ومتجلجش كل فتره والتانيه هنيجي نزوركم 

وفعلا بعدها سليم بياخد  هنيه وبيشوفو مكان بعيد عن البلد وبيسكنو فيه وبيفتحو صفحه جديده بعيد عن كل الي حصل وبتعدي فتره وهنيه ربنا بيكرمها وبتخلف توام وكان ربنا بيعوضهم عن الي حصل ووقتها بيسمو محروس وسليم وكانهم همه الاتنين اتولدو من جديد وبيعيشو بعدها بسعاده وهنا

تمت بحمد الله