رواية جثث البدروم الفصل الثاني بقلم محمود الأمين
الراجل الشاهد ده اتكلم وقال:
_ انا كنت راجع من شغلي بالعربيه بتاعتي، ومن حظي الاسود إنها عطلت في المكان ده.. نزلت من العربيه، وأنا أصلا مش بفهم في الصيانه بتاعتها، وزي ما حضرتك شايف الطريق صحراوي، حاولت أعمل أي حاجه، لحد ما لمحت عربيه فيرنا كان لونها أسود ركنت قدام شويه، كنت هتحرك عشان أسألهم لو كانوا يعرفوا في صيانه العربيات ولا لا؟..
ولكن فجأه في واحد نزل منها، وكان لابس أسود في أسود، وعلى دماغه كمان كان في كاب أسود، زي ما يكون مش عايز حد يعرفه، الراجل ده نزل وفتح شنطه العربيه، ولقيته بيخرج جث. ة، أنا أول ما شوفت المنظر ده اترعبت، مكنتش مصدق، وكنت خايف أكتر إنه يشوفني، بس اللي لاحظته إنه لافف الجث. ة كويس أوي بملايه بيضة، ونزلها على الرملة، وقولت إنه هيحفر ويدفنها، بس اتفاجئت إنه جايب بنزين وبيولع فيها، فضلت جوه عربيتي ساكت ومستني الشخص ده يمشي، وساعتها كان في كذا عربيه معديين وشافوا المنظر، وفي حد بلغ الشرطه.
= طيب بما إنك شوفت إيه اللي حصل.. تقدر تقولنا نمر العربيه إيه؟.. والجث. ة اللي طلعت قدامك من شنطه العربيه دي كانت جث. ة راجل ولا ست؟
_ العربيه كانت من غير نمر يا باشا... بس موضوع هي جث. ة راجل ولا ست الله أعلم، عشان زي ما فهمت حضرتك، الشخص اللي نزل من العربيه ده كان لافف الجث. ة كويس بملايه بيضة.
....
بعد ما سمعت كلام الشاهد... اتمشيت ناحيه رجاله الطب الشرعي والمعمل الجنائي، وساعتها رجاله المعمل الجنائي قدرت تاخد بصمه من صباع إيد كان لسه سليم وما اتحرقش، والبصمه دي هتنفعنا، خصوصا لما نفحص بلاغات التغيب.
المهم إن الجث. ة بتتنقل لمصلحه الطب الشرعي، وبعدها بنتحرك على القسم، وبتبدأ عمليه فحص البلاغات، خصوصا في المناطق القريبه من المكان اللي لقينا فيه الجث. ة، بس للأسف الموضوع كان مش سهل.. مكنش فيه بلاغات تغيب خالص في التوقيت ده.
ولحد ما يظهر تقرير المعمل الجنائي والطب الشرعي، كان عندنا حاله من العجز، دي جث. ة متفحمه، مش عارفين إذا كانت جث. ة راجل ولا ست؟ وحتى لو عرفنا، مفيش بلاغات تغيب تخلينا نشك إن الجث. ة دي تبقى جثته.
وعشان كده أنا اتحركت على دار المسنين اللي كلمني أثناء اكتشاف الجريمه الاخيره، عاوز أفهم إزاي الراجل المسن ده اللي بيمشي بالعافيه قدر يهرب من الدار؟
ولما وصلت هناك قابلتني مديره الدار مدام يسرا، وقالت إنه لما تم فحص الكاميرات اللي خارج الدار، تبين إن في حد خطف الراجل ده؟!
في عربيه كانت واقفه قدام باب الدار، وصاحبها هو اللي خطف الراجل، ولما فحصت تسجيلات الكاميرا اللي بتقول عليها مديره الدار، ساعتها لقيت نفس العربيه اللي اتكلم عليها الشاهد في الجريمه، عربيه فيرنا لونها أسود وكانت من غير نمر، والشخص اللي نزل منها كانت أوصافه نفس أوصاف الشخص اللي اتكلم عليه الشاهد، كان لابس أسود في أسود، وعلى دماغه كاب أسود.
وساعتها اتأكدت إن الجث. ة اللي عند الطب الشرعي دلوقتي هي جث. ة الاستاذ علام.. الراجل اللي بلغ عن اختفاء عيلته بالكامل، واللي لقينا عيلته مقت. وله كلها في بدروم الفيلا.
..
بس السؤال هنا مين الشخص ده، وبيعمل كده ليه؟
رجعت على مكتبي بعد ما اتكلمت مع الموظفين في الدار وحققت معاهم شويه، وساعتها كان لازم نوصل لصاحب العربيه دي.. ولكن بعد 24 ساعه بيوصل بلاغ تغيب.. في راجل وست بيوصلوا لقسم الشرطه، وبيبلغوا عن اختفاء بنتهم، وإن بنتهم دي اسمها مروه، وبتشتغل في شركه، والمفاجاه إن مروه دي تبقى سكرتيره في نفس شركه ماهر علام.
بس الازمه مش هنا، الازمه في الرساله اللي اتبعتت لأهل مروه، واللي كانت شبه شويه الرساله اللي اتبعتت على جروب الشركه، واللي كانت مبعوته وقتها من الاستاذ ماهر صاحب الشركه.. والرساله كان مكتوب فيها إن مروه بتبلغ أهلها إن في سفريه مهمه تبع الشغل، وإنها ممكن تقعد اسبوع أو اكتر.
والد مروه عارف إن لو حصل حاجه زي كده، بنته هتتصل بيه عشان تستأذنه، مش هتبعت رساله، وعشان كده قلبه مكنش مطمن للرساله دي.
فنزل من بيته وراح على الشركه، واللي هناك أكدوا إن مفيش أي سفريات، وده اللي خلاه يتوجه هو ومراته على قسم الشرطه عشان يعملوا البلاغ ده.
....
وطبعا كده مروه بتدخل في دايره الشك بالنسبه للجث. ة اللي موجوده دلوقتي عند الطب الشرعي، ولكن بنفضل إننا ما نبلغش أهلها بالمعلومه دي، اللي أصلا كان ظاهر عليهم التوتر، وأكيد مش هنوترهم أكتر، وبتبدأ التحريات عن مروه سعيد السكرتيره اللي كانت شغاله في شركه ماهر علام، عشان نعرف كل المعلومات عنها.
وأثناء ما البحث الجنائي بيعمل تحريات عنها، بيعرفوا إن مروه كانت السكرتيره بتاعت ماهر علام، وساعات كانت بتروح الفيلا لماهر، والكلام ده لما بيكون في شغل متأخر، بس الصدمه إن آخر مره مروه راحت لماهر فيها كان في اليوم اللي بعت فيه الرساله على جروب الواتساب.. طب إزاي؟
والمفاجاه إن أثناء تحريات البحث الجنائي بيظهر تقرير الطب الشرعي الخاص بالجث. ة اللي كانت مرميه في الطريق الصحراوي، وهنا يأكد التقرير إن الجث. ة دي لبنت في أواخر العشرينات، وسبب الوفاة الأساسي هو نفس السبب اللي مات بيه الـ6 أشخاص اللي كانوا في بدروم الفيلا، سكته قلبيه نتيجه لجرعه زائده من مخ. در.
بس يا ترى هل الجث. ة دي هي جث. ة مروه ولا جث. ة حد تاني؟
بيتاخد عينه من الجث. ة وعينه من الاستاذ سعيد والد مروه، عشان يعرفوا إذا كانت الجث. ة دي تخص بنته ولا لا.
....
وأثناء ما التحريات شغاله، توصل معلومه لرجال الشرطه عن شخص ممكن يكون مشتبه فيه، والشخص ده اسمه عامر حسين.
والشخص ده كان خاطب مروه السكرتيره، وكان بيشتغل معاها في شركه ماهر علام، وبالتحديد في قسم الحسابات، ولكن الشخص ده اترفد من الشركه بعد ما اكتشفوا إنه بيختلس، وساعتها ماهر علام رفض يسلمه للشرطة، ولكن فضحه، ومروه فسخت الخطوبه.
ولكن اتفاجئ الاهالي بعامر ده إنه راح المنطقه اللي ساكنه فيها مروه، وبدأ يطلع اشاعات إنها على علاقه بماهر علام صاحب الشركه، وإن مروه بنت مش مظبوطه.. وساعتها والد مروه عمل محضر، وعامر اتحبس، بس المفاجاه إن عامر لسه خارج من السجن، والكلام ده من اسبوع، يعني وارد جداً يكون هو اللي ورا خطف مروه.
وقبل ما ناخد أي خطوه ضد اللي اسمه عامر ده، ونعرف إذا كان هو اللي ورا اختفاء مروه ولا لا؟
بيظهر تحليل العينه، واللي بتكون نتيجته سلبيه، يعني الجث. ة اللي موجوده في الطب الشرعي، واللي كانت متفحمه في الطريق الصحراوي، مش جث. ة مروه، ودي حاجه خلت أهلها عندهم أمل إن بنتهم ممكن تكون لسه عايشه، ليه لا؟!
ولكن ده بيخلينا نتحرك على بيت اللي اسمه عامر، عشان نشوف هل يعرف حاجه عن مروه ولا لا؟!..
والغريبه إننا لما وصلنا بيته شمينا ريحه منظفات، والريحه كانت تقيله أوي، وعشان كده حضر فريق من المعمل الجنائي لبيت عامر، اللي كان واقف قدامنا وبينكر إنه قرب من مروه، أو إنه يعرف أي حاجه عن الموضوع ده.
ولكن رجاله المعمل الجنائي وهي بتفحص البيت بتلاقي بقعه دم على السجاده، ده غير إن في أوضه كانت مقفوله، ولما بيفتحوها بتكون فيها ريحه بشعه، وباين إن في بلاط معمول من فتره قريبه، ولما بيتم الحفر، وتكون في انتظارنا مفاجاه غير متوقعه، عشان اللي كان مدفون ده يبقى..
شكرا لزيارتكم عالم روايات سكيرهوم
