رواية حين تتغير الاقدار الفصل الثلاثون بقلم سناء الهموندي
يسويهة البخـــــت واتلاكة وياك
واسولف عن وجـع كلش ضهدني
واكلك احضني على الصــدر حيل
حط صدري على صدرك لاتهدني
خايف من جـــــرح فركاك لو عاد
على فراش المرض جم مرة مدني
شاورني على كيفك كلبي ملهـوف
واتگــــــــــرب شوية شوية وادني
خليني اشمك وانتــــــــــرس بيك
وكلي براحتــــــــــــك بالك تردني♥
تفاعلووووووو وووووووووووووو
سلطانه : شمس سمعين السمعته .
شمس : بضحك اي راح تزوجين ونخلص منج .
سلطانه : ولج لتنسين انتي الراح نخلص منهه بس شنو خاله فضه تكلهه الأمي انطيهه حتى لو اكبر منهه شنو تريد تزوجيني لشايب .
شمس : خل نفوت ونفتهم .
سلطانه : اي صدك .
شمس : فتنه لكينه خالتي فضه كاعده ويه امي يسولفن شافنه سكتن امي تباوعلي من فوك ليجوه خاف ناقصني شي ضحكت بداخلي حقهه تخاف علينه كعدنه يمهم كلبو الموضوع وضلينه سوالف وضحك خالتي فضه زوجت بنته وابنهه خاطبتله الموضوع السمعنا أنا وسلطانه جان يخص عريس جاي متقدم السلطانه بس ليش محجو بي كبالنه مر اليوم مثل باقي الايام وعدت سبوع واجه موعد نزله غلام للبيت كل هل وقت امي مفتحت موضوع سلطانه لحد ما فد يوم كاعدين نسولف أنا وسلطانه على هناء انحسهه مهمومه ومتغيره والمشكلة متشاركنه بهمومهه مندمجين بالسوالف وأمي صاحت سلطانه جاوبتهه سلطانه وطبت امي وكعدت يمنه بالحجره وكالت .
جوريه : بعد ما اجتي فضه وفاتحتني بموضوع كالت انو جايتهه جارتهه تصير زوجت ابن عم محمد الله يرحمه وطالبه سلطانه الابنهه أنا فرحت بداخلي ابن عم محمد خوش آدمي ولده وبناته خوش بنات بس كلت أخذ رأي غلام هوه يعرف شوكت دائما يلتقون سوه وفعلا اجه غلام وحجيت ويا وكال خوش ولد وابن عمنه اكيد راح يراعي الله بيهه طلب اول شي أخذ راي سلطانه وبعدين اردلهم جواب وفعلا اجيت على سلطانه وكعدت احاجيهه يمه احبيبه سلطانه تعرفين غلاتج عندي وكلكم نفس المعزه بس يا يمه كل احنه طريقنه واحد وهوه الزواج والاستقرار فيا امي ابن عم ابوج شوكت متقدملج داز أمه على خالتج فضه بحكم خالتج وأم شوكت جيران .
سلطانه : بس يا يمه أنا شوكت حته مشايفته ولا اعرفنه .
جوريه : يمه اخوج يكول عليه خوش وليد وأهله ناس أهل حموله واكيد يا يمه راح تنخطيبن وتزوجين وتتعرفين عليه أكثر .
سلطانه : صفنت بداخلي شمنتضره خل اقبل اشو اولني وتاليتي اتزوج اقلها هذا ابن عمنه وانعرف اهله .
جوريه : ها يمه اعوفنج تفكرين براحتج .
سلطانه : لا يمه ما يحتاجلهه تفكير اذا انتوا شايفينه مناسب ليه وخوش ولد هاي هيه .
تستمر القصة أدناه
شمس : بضحك يمه خل نقره الفاتحه .
سلطانه : بابتسامه على روحج .
شمس : يا طركاعه بيش طالبتني وضلينه نشاقه ونضحك وأمي وره يومين ردت خبر بيد خالتي فضه كالتلهه خل يجي اخوهه الجبير سبوع الاخ ويجون يخطبون وفعلا يوم جر يوم واجه فالح وتمت خطبه سلطانه وجانت طالعه ايه من الجمال كل احنه ملكنه الجمال من امي بدون مبالغه طول بياض صافي بعيون عسليه وشعر اسود وبي خصل بسيطه من الشكار عيون وساع وبيهم جره لبست وعدلت نفسي تمار قليل يجينه بسبب امي حجت ويا وكلتله حتى لو مخطوبين بس ميصير تجي وتروح عبن تجينه حجايه وانت اكيد ماتقبلهه النه هوه استحه من امي و صار يبوك نفسه بوك ويجي من الباب يشوفني ويروح واخيرا عرفت بداخلي اني شكد احبه لتمار وعرفت ليش من أشوفه كلبي يدك غلام بلش بغرفته وكملهه صارت كلش مرتبه وجبيره وقرر بعد خطبه سلطانه يدز امي تخطب نور خلصت خطبه سلطانه الحمدلله فالح من اجه وشاف البيت غلام عدله ورتبه وبناله غرفه بي ضل يحوص ويطب ويطلع يباوع لغرفه غلام ويجر نفس رجع فالح البغداد وفاجاتنه امي بشغله كاعدين نحمي خبز على الصوبه العلاء الدين نكسب الخبز ونأكل ويه الدبس امي كلساع تباوع لغلام ودنج راسهه لحد ما كالت .
جوريه : يمه غلام اريدن اكللك شي بس خايفه لا تزعل .
غلام : كولي حجيه شون ازعل منج .
جوريه : يمه غلام فالح طلب مني طلب وانا كلبي ما انطاني ارده .
غلام : جريت نفس ونزلت الستكان الجاي من حلكي وكتلهه اكيد كل عاده اخذ منج فلوس خفضناهه هل اسطوانه يمه .
جوريه : حجت بقهر وارتباك لا هل مره تختلف السالفه .
غلام : كولي يمه اسمعج .
شمس : كاعدين كل احنه ونستمع لامي وجان تفجرلنه المجنه محسبيله حساب وكالت .
جوريه : فالح كال ابو الجار مزيد الاجار عليه وهوه ماعنده فلوس اجار ومصاريف وجهاله ومرته .
غلام : حجيت بشك وشنو المطلوب يمه .
جوريه : فالح طلب يجي يكعد بالغرفه البنيتهه عبن يكول جبيره تلمني أنا وجهالي أنا كتله غلام تعب بيهه ويريد يتزوج بس هوه كال خل يتزوج بغرفه جديتي الله يرحمهه .
غلام : صرت نار بس شنو ماريد اطلع اعصابي كدام امي واقهرهه كتلهه حجيه انتي شجاوبتي من الاخير .
جوريه : يمه أنا مثل كل الامهات كلبي ما نطاني اشوفن ابني حاير كتله تعال اكعد بيهه وانت يا يمه عدل غرفه بيبيتك واكعد بيهه .
غلام : كلش ضجت يربي ليش مجاي تسهل شغلتي جاوبت امي خل يجي يكعد والغي سالفه الخطوبه حجيت بعصبيه وطلعت .
شمس : تفاجانه بقرار امي وغلام من قهره ثاني يوم رجع التحق امي ضلت تلوم بروحهه بس شيفيد بعد ماكو أقل من 10ايام اجوي بيت فالح هوه وتهاني وسكنوا عدنه وطبعا تهاني متخلوا من الحزازيات وانتقادهه النه والعيشتنه بس احنه عرفنه شون نتجاهلهه وهيه جرت عدل ويانه الحمدلله احنه من النوع الي مندور قال وقلت وحتى اليحجي علينه نبلع الحجايه ونسكت الله هوه الي يجازي عكس هناء من النوع شرسه ومتحب حقهه يضيع سوده عليه واخيرا عرفت سبب حزنهه بعد ما اجتنه قبل عرسي باسبوع ولحينه عليهه شبيهه هيج متغيره حجت سبب حزنهه موضوع الخلفه واسيناهه وغيرنه الموضوع وخواتي استلمني تنضيف وتعديل وحتى تهاني ونهله هم اخذهن الواهس وطبكن ويانه نهله عدلت حواجبي وجهي شكلي انكلي كلب امي دكت منع التمار بعد سبوع العرسنه وهوه ميتحمل اذا ما يوميه يجي حتى لو خمس دقايق يشوفني ويروح اليوم كاعدين نحضر ويه امي بيتنه مكلوب كلب خطار بيت عمامي وعماتي وجهالهم وخالتي ضويه وبناتهه وحتى زوجه خالي حسين وجهالهه وخالتي فضه كل وحده لازمتلهه شغله تسوي أنا جيت اساعد امي بالخبز واكفه يمهه تنورنه بهذا بيتنه وره البيت مسيجي بامشبج حديد يعني اذا فات أحد من البستان ننشاف بس طبعا بستانه ماكو غريب يطبله مندمجه ويه امي بالخبز وهيه تسولف شون تزوجت ابوي واتسولفلي ايامهه قبل وأحس واحد يسوي بس ما بسسس ويلوحلي بايده ويدزلي بوسات بالهوه يا عزااا هذا تمار هسه امي اذا شافته تخزرني من ورا أنا فتحت اعيوني وااشر براسي بمعنى روح يمعود هسه امي تخلينه جيمه للتنور انتبهت عليه امي ودارت وجهه طبعا متفاجات بحركات تمار صاحت .
تستمر القصة أدناه
جوريه : وتالي احنه ويه تمار ولك يمه ما يصلح تشوفهه قبل العرس .
تمار : برزانه ومنوا كال جاي حتى اشوفهه تره انا جاي لخاطر اشوف غلام .
جوريه : ما تعبر عليهه دروب تمار كتله انت اكثر واحد يعرف بموعد نزلت غلام باجر ينزل يعني ما موجود .
تمار : اها صدك مو حسبالي اليوم خميس .
جوريه : لا حول ولا قوه الا بالله .
شمس : أنا واكفه وخربانه ضحك عليهم راح تمار وهوه دزلي بوسه بالهوه أنا سويت روحي لزمتهه هوه بتسم وراح مرت الايام واجه اجمل يوم بعمري الي مستحيل جنت راح اتخيل راح يكون بهل جمال يوم لا ينتسا مستحيل واكفه بدلتي البسيطه ومقسمه على جسمي ساطعه البياض جان شرط تمار البس بدله اردان والبركع الطويل وحذاء ابيض لبست عالي رغم ما اني طويله ولابسه عالي بس هم ما اوصل لطول تمار ضخامه بترتيب بطول وجمال سبحان السوا نهله تكفلت تسويلي شعري كيرلي بسيط ومكياج هم كلش بسيط حطتلي حمره وردي فاتح وضلال يعكس لون عيني ويبرزه أكثر ما شاء الله مبدعه بهاي الشغلات قرن البنات اهازيج العرس كاعده بنصهن مبتسمه طبعا نوره اجتي يمي تكول انا محسوبه منج وبيج ما اكدر اعوفج بهيج يوم وفرحانتلي كلش والنسوان الكبار يهوسن لمحت امي واكفه بعيد وتمسح عينهه بشيلتهه أنا راسن دمعت عيني واجتني نهله تركض .
نهله : لا لا لا عفيه لتبجين وتخربين مكياجي .
شمس : أنا ما همني كلامهه وعيني جرت شون اكدر افارك اهلي .
نهله : يمعوده صدك جذب هسه الكحله تسيل وتخرعين الرجال .
شمس : حجتهه بضحك حتى تضحكني ابتسمت وهيه رتبتني ردت كلاص ماي نور كالت أنا هسه اجيبلج .
نور طلعت اجيب ماي المطبخ فارغ وصاير بصف غرفه عمتي جوري توني اطلع من باب المطبخ وطب غلام كطع عليه الطريق وكف بالباب وكال .
غلام : بنضرات منتوصف كميت الحب البيهه تقدمت النور وكتلهه باعي بعيوني خلني اترس كلبي بنضرات عينج .
نور: بخجل شجاك يغلام حجيك صاير يخجل .
غلام: نعم لازم تسمعين هلشي عبن حسبي حسابج أنا وره تمار ماخذج عبنج الي وماصيرين لغيري لو اعرف اسويهه مجاتل .
نور : دنجت تلبكت وكتله عفيه وخر ليجي أحد ويفهم غلط .
غلام : كلمن يفهم الي يحب يفهمه ينور كلبي انتي المهم عندي انتي تفهميني افهمي عاد بعد ما تحمل نور .
نور : اكتفيت بسكوت واحسن نارررر تطلع من وجهي وكلبي يدك مليون من الخوف ليجي أحد ويشوفنه هوه شافني ساكته ضاج ضرب الحايط البصفه وراح .
شمس : اقتربت صوت الهازيج والهوسات تعلن عن وصول أهل العريس طب تمار بكامل أناقته وطبعا حاط نفس العطر الي جان يحطليا بالكلينس اميزه من الف عطر كعد بصفي والعالم تهوس تقرب عليه وهمس .
تستمر القصة أدناه
تمار : دخيل الله شطالعه اليوم شيخلصج مني لا غلام ولا امج .
شمس : ارتبكت من كلامه وكلت بداخلي هذا اذا عرف الي ضامته عليه اليوم صار اله يعوفني بيت اهلي نعلت الشيطان وكلت خل تفض الزفه وانا اكله لزم ايدي قوي وباوع عليه وابتسم وكال .
تمار : ها حبيبه نتوكل .
شمس : هزيت براسي وكمنه وتفاجات تمار جايب ربل هوه والحصان الأبيض وحتى لون الربل ابيض ومزينه غلام وفالح وسلطان واكفين بالباب فالح كال .
فالح : ديربالج على نفسج وعلى رجلج .
شمس : باسني براسي بعدهه سلطان هم ودعني وباسني براسي وكال .
سلطان : ميحتاج اكلج راح نشتاقلج لان اكيد يوميه راح تجينه عبن قريبه .
شمس : ابتسمت وكفت كبال غلام هذا مو اخويه هذا أبويه غلام صارلنه الاب تحمل مسوليتنه رغم صغر سنه ما انسه حنيته علينه يحرم نفسه من الشي حتى يوفرلنه احتياجاتنه غلام حط أيده على اجتوفي وكال.
غلام : ديربالج على تمار مستحيل اكو صديق مثله لا مو صديق اخو شمس تمار معزته من معزتج لتعبينه وشيلي بعيونج .
شمس : نزلت دمعه هوه مسحهه بطرف إصبعه وباسني براسي وتقدم على تمار ضربه على جتفه بقوه وكال .
غلام : ها يا صديقي وهاي اخذت جوهره من جواهرنه اريدك هل جوهره داريهه وتعتني بيهه .
تمار : باوعت على شمس وكتله اخليهه على راسي شون ما اداريهه وهيه اخت اعز صديق على كلبي .
شمس : تحاضنوا وغلام باركلنه و صعدنه بالربل وابتسم تمار وكال .
تمار : شون مفاجاه .
شمس : بفرح مستحيل جنت اتخيل عرسنه هيج حلو ابتسم تمار ومشه الربل بينه والأهل والقارب ويه الربل يمشون ويصفكون ويصلون على محمد وال محمد افترينه عربنه وعربهن كتله تمار شعجب هيج سويت .
تمار : اول شي حبيت عرسنه يكون مميز ثاني شي الزواج اشهار وانا ردت أطبق هل شي والحمدلله انشالله ما قصرت .
شمس : ابتسمت وهزيت راسي بلا وصلنه للبيت ونزلنه صوت الهلاهل على وطبينه تلكاني عمي ابو علي وكال .
ابو علي : نور البيت بطبتج فوتي بويه .
شمس : ابتسمت وطبيت لكيت البيت مينشاف من العالم الجايه من كل المحافظات كرايبهم جايين ذابحين العجل والطليان وصبوا عشا للعالم اجتني ام علي وكالت .
ام علي : كومي حبيبه ارتاحي بحجرتج شمس كمت ويه ام تمار ومرت عمه التمار فوتوني بغرفتي وصني اكعد هسه شويه ويجي تمار طلعن وانا كمت اباوع على الغرفه كلش حلوه ومرتبيهه حلو أخذتني صفنتي يا ربي شون اكله التمار اخاف ميتقبل هل شي اخاف يضوج ضليت افكر لحد ما سمعت صوت الهوسلت تعلن على دخول العريس الغرفته تلبكت وخفت وحتاريت شعور بالنسبه اليه مرعب ومخربط .
تمار : بعد ما طببت شمس البيتنه طلعت بره ويه الولد والمعازيم انكمل العرس صبوا عشه تعشوا العالم وبدو يرحون اصدقائي ولد عمي سوولي هوسات وزفوني للغرفه وبدو يكولون زفينا بصايه حيد زفينا بصايه حيدررر وانا متشوق افوت وأشوف شمسي وصلت لباب الغرفه ودرت وجهي وكتلهم رحم الله والديكم ما قصرتوا اردهه الكم بافراحكم وهسه ياله كلمنه لبيته همه كاموا يضحكون ويصنفون على ابو بعتنه وكذا عاد ابن عمي افتهم عليه وأخذهم وراحوا وانا طبيت لكيت شمس واكفه وعيونهه مليانه نضرات خوف تقدمت نزعت سترتي والرباط وهيه صافنه وتراقبني بهدوء نزعت الحذاء وكفت فكيت الحزام وشمرته هيه عيونهه فكتهن كل قوتهه وشهكت تقدمت عليهه وصلت يمهه صفنت بعينهه وانا ابتسم ضاع مني الكلام الجنت محضره الهه تقدمت وحضنتهه بدون مقدامات حضنه رويت بيهه عطش واحد عطشان بس الي فاجأني هيه دفعتني على كيفهه وكالت .............
يا تره شنو تتوقعون شمس كالت التمار وبالنسبه النور راح تقبل بغلام أو لا .......نزلو توقعاتكم وعلقوا حتى تصعد القصه واسوي نشر يومي تحياتي لكم حبايبي
شكرا لزيارتكم عالم روايات سكيرهوم
