رواية فصلية بديلة ( شموخ ) الجزء الثاني الفصل التاسع والثلاثون 39 بقلم ام ملكوت

:-رفعت راسي واجت عينه بعيني بقيت اتامل بجمالهن واحس صار سنين مامتمعنه بيهن وشوق بداخلي عميق لعمق نظراته مسح دموعي بثنين

اديه عن خدي و تقرب طبع بوسه خفيفه على شفايفي بس سرعان ما فزينه على صوت بثينه لمن شهكت وصاحت بصوت عالي ....

_هاااي شكااعد تسووون بالزاوويه ..

باوعلهه محمد باستنكار وعصبيه ابتعدت عن حضنه وراح هوه يهف عليهه لزمهه من ردن قميصهه وهزهه وهوه يحجي من بين سنونه..

_احترمي نفسج لج وصوتج لا تعلي الكاعد نسوي لا عيب ولا حرام ومايخصج اصلا 

_محمد لا تضحك عليك تره هاي مو خوش بنيه

_انجبي ادبسزز جنه تاج راسج وتسواج وتسوه امثالج

_لا والله ليش منو هيه وتدافع عنهه هيج تاثيرهه قوي وكدرت تضحك عليك بشفطه ..

التموا الكل على صوتهه وكلامهه وانه اشتاطت روحي غضب من وره كلامهه وصوتهه اليلعلع رحت عليهه بسرعه وخرت محمد عنهه ولزمتهه 

من رقبتهه وهيه صارت تنتفض تريد تبعد ايدي جان بنفسي من زمان اخنكهه واعدمهه صوتهه وهسه فرصتي ان اخذهه منهه لزمتهه بيدي الثانيه من حجابهه كدام الكل وحجيت..

_محمد خطيبي وكاعده احجي واضحك واحبحب بي بس انتي منو وشنو علاقتج بي حتى تشوفين الج حق تحاسبينه وتحجين وياه بهل طريقه يا لعوبه يا ماضاله بنفس واحد 

_انننه المااا ضاااله بنفسس واااحد 

_اي انتي ام البوبجي لو غيرهه ..

فتحت عيونهه بصدمه وباوعت لمحمد رادت تحجي وعاط بينه المدير نروح وراه نترتهه من ايدي وتراجعت خطوتين باوعت لمحمد وهوه لزم

_استاذ انه كتلك من قبل اني مخطوبه ومحمد هوه خطيبي 

_شنوو 

_اي نعم استاذ ومحد يدري بهل شي غير زميلاتي وقبل كم يوم خبرتهن وبثينه عبالهه ان بيناتنه علاقه محرمه ولهذا السبب حبت تفضحنه 

_بس هذا مايعني انج تفضحينهه وتشهرين بيهه كدام الموظفين

_ليش استاذ لمن حاولت تفضحني وتتبلى علي وتمس شرفي شتوقعت مني اسكت لو اتوسل بيهه 

_جان اجيتي واشتكيتي عليهه ماجان اكو داعي تحجين هيج عليهه وتخنكيهه همين 

_ اسفه استاذ بس لمن شخص يمس شرفي وكرامتي اسحله واخذ حقي بيدي ماروح اتشكى مثل الصغار لمديري 

_بس استاذ

_ تكدرين ترحين جنان وهيج تصرفات بالشركه بعد مامقبوله حياتكم الخاصه خلوهه خارج الشركه لا تطرحون الغرام بشركتي ..

ردت احجي وتقدم محمد وهوه يكول للمدير..

_تطمن استاذ انه بس يخلص المشروع بعد اسبوع اقدم استقالتي من الشركه وهيج محد يطرح الغرام يصير بشركتك العزيزه ..

باوعله المدير باستنكار وسحبني محمد وطلعنه من المكتب وانه امشي وراه وكفت وهوه التفت علي مستغرب تقربت عليه وحجيت بصوت مخنوك..

_جنتي كايلج انه عن خططي من قبلما نخطب واصلا طولت جان المفروض اقدم استقالتي من شهر

_بس هسه خلصت التقديمات عل معاهد

_اي وانه خليت اسمي وانقبلت من فتره وصرت اداوم يوم هنا ويوم بالمعهد 

_وليش مادري بهذا الشي انه

_ليش هوه وضعنه جان يسمح ان احجيلج 

_محمد

_جنته

_يعني مانوكف بالحديقه بعد ونسولف سويه مثل قبل يعني من اجي للدوام ماراح اشوفك بمكانك

_بس لفتره قصيره بعدها تصير النه حديقتنه الخاصه ومكتبنه الخاص وحتى اذا تردين افتحلي بيت بالطابق الثاني من الشركه ونصير نعيش بيهه 

_ههه لا مو هيج قصدي بس

_بس شنو 

_هيج انسه 

_تمام مدام رجعتلي يهون كلشي غير الفراك

_احبج جنه ايامي

_اموت عليك يخضار سنيني

_اويليي

_هههه 

_يله نرجع نكمل سوالفنه لو نشتغل

_خلي نكمل سوالف لان الشغل كله مكملينه 

_تمام يله نرجع للحديقه

_تمام ..

مشينه واجت بثنيه عبرت من يمنه ودخلت لغرفه المدير هزيت ايدي ورحنه كعدنه عل كراسي بمكانه بالحديقه تحمحمت وكتله وهوه يباوع بعيوني مبتسم ...

_سالي

_شنو حجيتو انت وبابا لمن اتصل عليك اول مره قبل ايام 

_ ليش 

_صار عندي فضول بيومهه ومنا انت كتلي حاجيته عل طلاك زاد فضولي معقوله صدك حجيت وياه بخصوص الانفصال

_اي 

_والله تحجي صدك

_ههه لا حبيبي جان يريد يشتري قطعه زراعيه تابعه لعمي تصير قريبه من مزرعتكم فانطيته رقمه وعنوانه واخذتلنه موعد حتى اخذه ونروح نتفق وياه على سعر ونشتريهه هيه هاي 

_شلون

_هيج سالتهه نفس السؤال وكالت جوابك

_اي وبس هذا الصار

_لعد شلون تجذب علي وتكلي حاجيت ابوج وكتله اريد اطلك

_جا شلون اشعل نار كلبج لازم نزيد شويه حطب

_بسيطه يجي يوم واردهه الك

_شتسوين يعني

_اخليك تغار وتشتعل مثلما شعلت روحي

_شحدج غير اكسر ضلوعج لو حاولتي تتقربين من غيري لو تحجين وياه

_يول يول على كوله احسان عجل هيج انت تغار وسويت بيه هل سوالف

_بعدج ماتعرفيني حلالي خط احمر وبهذاك الوكت لوما شفت الحب بعيونج منسوب لغيري جان

طلعتج من حلك السبع وماسمحت لاحد ياخذج مني بس هسه مدام عرفت كلبج الي بعد هاي هيه اقري على روحج السلام

_لا بربك

_و ربي

_احبهه لهل غيره انه 

_واحبهه لهل جنه انه

_اشتاقيتلك 

_مو اكثر مني والله روحي تمرمرت وانه الزمهه عنج 

_لا تخلي اي شخص يدخل بيناتنه بعد خلينه نتفق ان احنه لبعضنا ومحد اله نصيب ومجال يدخل بينه ويخرب حبنه

_حاضر انتي بس انطيني كلبج وانه اشد روحي بي ماتيهج لو صرتيلي جنه 

_واذا ماصرتلك جنه

_ههه تمام اتفقنا لعد هاك كلبي وانت انطيني كلبك همين اربطه بضلوعي حيل

_لا سلم واستلم 

_تمام هاك كلبي

_وهاج كلبي

_يمه فديته ابو البتيته

_هههه اروحلج فدوا انه وكل العكول البالعشيره

_يبعد كل ناسي وهلي انته..

ابتسم وبادلته وهوه شاد اديه بديه صفنه لحظات بعيون بعضنه ويااالله شكد اشتاقيت لهل عيون الخضره ولمعه الحب الي بيهه رفع ايدي باس

باطنهه بعذوبيه وخلاهه على جهه كلبه واحساسي بنبضه بعث السلام لروحي وشحن كلبي حب ودفو .. دقايق مرت على هل وضع تالي دخلنه

وكوه تفارقنه كلمن لمكتبه كعدنه نشتغل وكل شوي نرفع راسنه اوديله بوسه ويوديلي غمزه لو يعضلي شفته متحلف .. ضحكت على سوالفه

وزفرت براحه واخيرا ومن بعد سنين عذاب وحيره وتعب ربي جبر خاطري بحبيب روحي محمد وماخيب وكسر كلبي بي .. جريت حسره

ورتاحيت بيهه رجعت كملت شغلي بسرعه ومر الوقت عبالك سنه مو كم ساعه اخيرا خلص الدوام وبثينه بعدما طلعت من المدير خلت وراحت لبيتهه

مدري ليش عساهه انفصلت وريحتني المهم باوعت لمحمد شفته يلم بملفاته اخذت نقالي

💬ايي يا الله واخيرا انفكت العقده الله ريحني من روحاتج وجياتج وريحنه من نحوسيتج كل فتره طايحه علينه بعد عندج رجل هوه يلتهي بضيمج فكينه

💬هيج مطلعه روحكم ومالين مني ياخويه

💬لا تتنوحسين الله عليج تره اتشاقه وياج بس من فرحتي بيكم هيج كلت ردت الطف الجو شمالج

💬رطب وجهك هسه انت جنه تنكه مخسفه

💬ايا وجه القوري 

💬هههه يله خلي اكوم احضر شغلاتي

💬تمام يله روحي وانه راح اطلع من الجامعه همين اشوفكم بالبيت 

💬تمام باي

💬باي..

طلعت من المحادثه وخليت النقال بالجنطه هوه والاقلام مالتي قفلت الحاسبه واخذت لابتوبي وتمشيت للمصعد اجه محمد وكف يمي باوعتله

وتحمحمت دخلنه وانسد باب المصعد نازل بينه لزم ايدي بيده وابتسمت على جديته وتملكه .. طلعنه سويه ركبت بالسياره بعدما فتحلي الباب

ورجع هوه ركب همين شغل اغنيه "دكتوري /حاتم العراقي " حرك السياره واخذني فره عل مطاعم

وهوه يغني ويه حاتم وياشر علي كلما كال "ردت اصبر ومافاد ، شوكي وحنيني زاد ، مشتاك الك حنيت ، حضنك حضن بغداد " 

ضحكت عليه ورتاح كلبي لمن شفت الفرحه والسعاده بعيونه رجعت وكأن عيونه خلقن حتى يلمعن فرح مايلوك الحزن بيهه ..و وكأن روحي

خلقت وراحتهه بفرحه عيونه .. جريت حسره براحه ورخيت راسي عل كشن وصفنت بي وهوه يسوق ومره ينتبه علي ويبوس ايدي ويشمهه ومره

يندمج بالطرقات .. سرحت بجماله وعكده حواجبه نزلت عيني على السوار الاسود يلي بايده وشلون

هيج منطي جماليه .. ماتحملت ورفعت ايدي مسدت على راسه من وره نازل لرقبته هوه ابتسم بخبث وكال ..

_ايدج حبيبي شارع وانه توازيت عل لمسه 

_مو بكدي عشكتج وكأنج جنتي الوحيده عل ارض ومن غيرج عمري جحيم 

_اووف يامحمد 

_يبعد حيله وتعبه 

_خلي الثكل والخجل على جهه تريد الصراحه ماودي افاركك هسه ولا ابتعد عنك لحظه 

_وانتي وياي انسي شي اسمه خجل وثكل خليج على طبيعتج والبكلبج على لسانج احب اسمع كلشي يتراود لخاطرج حتى لو جان عيب 

_هههه لا ماكو شي عيب فقط اريد انام بحضنك بكل برائه

_متاكده 

_اي ليش اكو شي ثاني بالك

_لا بس كلت عود نكمل البديناه بالشركه 

_احم لا سوالف الشركه خليهن بالشركه 

_اويليي

_هههه شبيك وين راح بالك

_لا هيج بس حسبه اجت بالي شعلت الخلفوني

_هههه لا تتحسب وانتبه الطريقك محد يفيدك غير تركيزك هسه

_وانه كل تركيزي يمج وداعتج

_هههه كافي أخجل تره خلي بيناتنه حشمه شوي شهل كلام 

_اشبعج حشمه منا ورايح تدللين

_هههه منحرف

_اصيرلج سايكو اذا تردين مو بس منحرف 

_ياا وتحرك العالم 

_لا بس احرك كل زوايا جسمج بوس ..

خليت ايدي على وجهي بخجل وضحكت خفيف درت وجهي عل جامه وهوه سمعته ضحك وباس ايدي حيل ورجعهه عل ستيرن وعم الهدوء وبس

الاغنيه تطرب مخليهه .. لحدما وكف كبال مطعم فخم نزلنه تغدينه سويه وجانت اول طلعه النه بعد الخطوبه واحلى طلعه بحياتي كلهه ..كملنه غده

وهوه على طول يوكلني بيده كمنه غسلنه دفع الحساب وطلعنه اخذلنه حلويات وبقلاوه ودهينه ورجعنه للبيت فتحلنه احسان الباب دخل سياره

للكراج ونزلنه اجه احسان مبتسم سلم على محمد وتكاتفوا ومشوا سويه ومحمد لازم ايدي بيده وامشي وياهم طلع بابا وراح سلم عليه وعلى امي

ودخلنه للديوان عفتهم يسولفون وطلعت جبتله ماي بارد فرغت بقلاوه ودهينه بصحون مقبلات

خليتهن بصينيه مرتبه وخليت كلاصات عصير واخذتهن الهم ردت اطلع وكال بابا موجه الكلام الي..

_تعالي بويه كعدي يم خطيبج احنه رايحين للمزرعه 

_هاا بابا اوكي ديربالكم بالطريق

_انشاءالله بويه ..

طلعوا من الديوان هوه واحسان وراحوا بره البيت سديت باب الديوانيه بعدني ما ملتفته وماحس الا انشاليت من الكاع من خصري فرني بالوسطه 

وهوه دافن وجهه برقبتي يبوس بيهه وكف ونزلني التفتت وانه دايخه ولازمه راسي وعاكده حواجبي بانزعاج وكتله ..

_افترت بيه الدنيا اشتعلت عشيرتك 

_ههه تعالي لحضني يجنه انتي حتى لا تدوخين 

_وينه حضنك بله ..

رجع خطوتين وفتح اديه ابتسمت ورحت اركض دفنت نفسي بين ملابسه شد على حضني حيل واسترجعت شعور اول حضن بيناتنه بيوم الخطوبه

وجان هل حضن احلى بعد منه لان متبادل ومليان حب .. ابتعد عني وشالني من رجلي نزلت راسي باوعت بعيونه وقربت وجهي لوجهه وهوه رافع

راسه واندمجت شفايفنه ببوسه خفيفه توالت بعدها دقايق غير معدوده من الاحضان والبوس ..

خليت راسي على كتفه وانه كاعده بحضنه وباس راسي وكال بعدما تنهد..

_جنه 

_يفرحه سنينهه

_يبعد دنيتي انتي اريد اكلج شي

_كول

_احنه متاكدين راح نصبر سنتين عل عرس

_ههه ليش 

_بعد يلي صار هل شهرين احس تعلقت بيج زايد ولا اريد ابتعد هسه وارجع لبيتي بدونج

_شرايك تاخذني ونشرد سويه لبيتكم

_لا بس ياريت تصير صدك واخذج وياي لبيتنه نعيش سويه ونكضي ليلنه أحضان وسوالف عشاك 

_اي والله بس شنسوي دراستك وشغلك شلون بي كتلك انه خلينه نشيل هل مسؤؤليه سويه بس انت ماقبلت واصريت تكمل دبلوم ياله نتزوج 

_ماجنت هيج ادري بحضنه وبوسه منج تخربط كل افكاري واصراري ولا جنت هيج راح اتعلق بيج بسبب الضروف المرينه بيهه

_فات الاوان بعد ياحبيبي بس ميخالف خلينه ننتظر سنه وانه يمك يمته ماتشتاقلي تعال شوفني ولمن

تكمل اول سنه معهد خلينه نتزوج ولو زواج بسيط نسوي حفله خطوبه وحنه وعرس بيوم واحد شرايك

_هيج رايج

_اي حتى هم نوفر فلوس وهم نوفر وقت ليش بعد يوميه حفله ويوميه تعال اعزم الفين نفر واحتار بيهم 

_على كولتج بس وانتي مرتاحه بهل شي

_اي جا ليش اقترحت عليك لو مامرتاحه وانه كايلتلك ماحب الهوسه وطلبت حفله بسيطه بس بعد الاقارب هواي ويرادلهم قاعه وحفله جبيره ياله تكفيهم

_تمام لعد استبينا 

_استبينا يولو

_فديتو للانباري 

_ههههه ..

ابتسم وكلبني عل قنفه نام على صدري وجر حسره مغمض عيوني وادينه متشابكه سويه فتره وثكلت انفاسه عرفته نام عاد غمضت عيوني انه هم

واخذنه غفوه ساعتين اندك الباب علينه وفزينه بسرعه وطفرنه كلمن بجهه يعدل بروحه تحمحمت وكمت فتحت الباب ومسويه طبيعيه شفتهه امي باوعتلي وكالت مبتسمه..

_يمه حبيبتي الدنيا غروب وابوج واحسان على جيه هسه

_اي امي ماعدنه شي هلا بيهم

_اي كتلج خاف كلشي يصير

_ههه تمام..

ابتسمت وانه وجهي انوكل من الخجل سديت الباب واجيت يم محمد فاتحلي اديه وهوه يكول مدلعني..

_شبي حبيب روحي خديداته حمرن 

_استحيت امي عبالهه جنه نسوي شي 

_محمددد

_هههه يله ماحجي بعد عمتي مفتهمه غلط لا يضل بالج

_راح يجون بابا واحسان واذن هسه تكوم تصلي 

_لا اريد ارجع للبيت تاخرت على اهلي وحاركين النقال علي هناك بعد اصلي 

_تمام 

_انتي كومي صلي هسه على ما اصحصح حتى اطلع 

_جا ابقى للعشه وين رايح 

_ماكدر وداعتج اهلي مامنطيهم خبر اني هنا وهسه امي يضل باله تدرينهه

_همم تمام 

_يله كومي اريد اشوفج شلون تصلين 

_احم مو هسه بعدين اصلي

_ليش

_مو شسمه اريد اسبح 

رفعت راسي باوعتله وهوه يباوعلي بخبث ويدور وجهه عكدت حواجبي بازعاج وكتله..

_محمدد بشنوو تفكرر ليش تباوع هيج

_لا مافكر بشي

_ادري بيك منحرف كول بشنو تفكر ..

ضحك وحضن وجهي بثنين اديه وصار يوزع بوساته على ملامحي ابتعد وهمس يم اذني بفحيح حار كزبر جسمي رفعت حواجبي بتعجب وكلت بخجل..

_لااا محمدد لا تحجي هيج استحي خرب ان

_اي مالهه كلمه ثانيه هوه بس هذا التعبير شلون اوضح قصدي اذا ماحجي هيج خلينه نسمي مطر خير

_هههه يمه من سوالفك

_يعني صدك لهل سبب تردين تسبحين

_محمددد

_ههههاي..

ضربته خفيف ببطنه وهوه يضحك وطلعت من يمه وانه وجهي موجر نار رحت للمغسله البره غسلت ومسحت السايح من الكحله جوه عيوني ورجعت

دخلت للغرفه مالتي رحت للحمام بسرعه سبحت ونشفت وطلعت لبست ترواكه صفره مشطت شعري سويته كصيبه على طوله خليت حمره وكحل

رحت اتبختر بمشيتي اله سحبني من ايدي مكعدني على رجله ولف ايده على خصري ردت اكوم ورجع ثبتني بحضنه رفع ايده وراي

وسحب الكصيبه مشاهه على كف ايده ولزمهه شماهه حيل وشهك تقرب على رقبتي وشم عطري وكذلك زفره براحه وكال بصوت راخي..

_ادمنهن لهل تفاصيل شلون هان عليج توديلي ذيج الصوره وانتي حارمتني منج

_ردتك تعتبرهه اشاره لشوقي الك ولحضنك 

_اويلي لو ادري هيج جان اجيت ماخليت على حالهن حال ..

_بعدج مصره تحرميني منهن

_ههه محد حارمك ولك بس دنيا مغرب ووقت صلاة 

_اي صدك شكلج وعطرج دوخني ماصرت اعرف ليلي من نهاري

_هههه

ضحكت وكرصني من خصري لزمته متوجعه وهوه ضحك على شكلي اجالنه صوت دكه الباب التفتنه وشفنه احسان واكف بالباب وداير شوي من وجهه

عنه فزينه سويه ووكفنه على حيلنه كلمن صار بصفحه وكف محمد تصنع الكحه وعدل وضعه انه خليت وفلتت مريت من يم احسان وضربني خفيف

على راسي وهوه مبتسم .. كلش استحيت منه خرب نوب شافني وانه كاعده بحضن محمد وهوه

يشم برقبتي والله اعلم من يمته جان واكف اويلي على حظي المصخم وين انطي وجهي هسه وشلون اخلي عيني بعينه بعد ياربيي.. 

بقيت الوب بالغرفه وانه اهفي على وجهي الصار جمر من الخجل صاحتني امي وطلعت بسرعه باوعتلي وهيه مبتسمه وكالت..

_يمه خطيبج يريد يروح دز عليج روحي وصلي للباب

_اي امي رايحتله..

وديتلهه بوسه بالهوى وطلعت للحديقه شفته واكف يم بابا يسولف عن الاراضي انتبه علي ومد ايده الي اجيت لزمتهه ووكفت يمه مقابيل بابا وهوه

مندمج يسولف فتره وختموا كلامكم بموعد للمكاتبه على قطعه الارض وتسالموا دخل بابا للبيت والتفتت على محمد مسد على شعري ورفع عينه

تجولت بانحاء المكان من شاف محد موجود تقرب بسرعه باسني بشفايفي حيل وابتعد وهوه يكول افييش ابتسمت بخجل ورفع راسي باصابيعه وهوه يكول..

_للاسف لو بيدي ابقى يمج حتى لو طردوني اهلج افرش بابكم ونام بس شبيدي

_يله ميخالف نعبرهه الك اليوم لانك تعبان ولازم تروح 

_وعد الزياره الثانيه ابقى يمج للصبح 

_تمام انشاءلله 

_بس عادي عند اهلج لوو

_لا عادي اصلا همه يكيفون لو تبات يمنه 

_ميخالف احنه ندعبلهه ونشوف رايهم

_يعني تريد تبقى لوكت متاخر علمود يكلولك ابقى وبات يمنه مو

_فديته اليفهمني عل طاير

_هههه خربت عشيرتك منيلك هل تفكير هذا جا خو كلهم راح ابقى يمكم تره احنه عائله وحده وهمه معتبريك مثل ابنهم

_لااا زحمه حبيبي شيكولون علي خفيف وماشايف مره

_ليش انت شايف مره من قبل وهيج سوالف

_لا والله

_جا معناهه صدك كلامهم مو جذب ههه

_ههه اووف منج اووف شسوي بيج هسه اريد اضمج بجيبي واخذج وياي وين ماروح

حجاهه بشوغه وكرصني من خصري طفرت متوجعه واضحك وهوه سحبني عليه حضن وجهي بثنين اديه عصره وباس شفتي واخذني لحضنه

عصرني حييل وانه اضحك ابتعد باسني بجبيني واخذ ايدي توجهنه لسيارته وهوه يكول..

_صلي وادعي ربي يصبرني منا لبعد سنه 

_هههه انشاءلله ويصبرني همين 

_هاا ولج على شنو يصبرج

_على نفس اليصبرك عليه 

_وانتي تعرفين على شنو اريد يصبرني

_لااا انتي اليوم ترديني ابات يمج موو 

_ههههاي 

_ولج صوتج انفضحنه و رب الكعبه

_لا خلص سكتت لا نصير خفاف خلينه نتادب روح يله لاهلك حبيبي روح

_هاا هسه ردتي تتادبين من حطيتيهه براسي 

_كافيي ولكك روحح لاا صدك اخليك تبات يمي اليوم 

_اويلي ربي صبرني بجاه هل مغربيه 

_هههه احبك 

_ميت بروحج انه

_ديربالك بالطريق ومن توصل طمني

_انشاءلله وانتي همين ديري بالج على نفسج

_انشاءلله..

رجع حضني وباسني براسي صعد بسيارته وطلع سديت باب الشارع وراه ورجعت امشي واضحك على سوالفه والابتسامه ماغابت عن وجهي دخلت

للمطبخ ولاكتني امي مبتسمه وعيونهه مدمعه اجيت حضنتهه وابتعدت بقت تمسح بدموعهه وتحجي ..

_لا تضيعينه من ايدج يمه محمد قدر الله يكون نصيبج وسعادتج فحافظي عليه وحبي تراه شاري عيونج بثمن سنينه

_حاضر امي حبيبتي لا توصيني عليه محمد صار قطعه من روحي وحتى بموتي راح ابقى احبه 

_اسم الله عليج بنيتي الله يديمكم سويه ويحفظكم ويهدي سركم

_بعد حيلي امي احبج انه

_انه هم احبكم بنيتي..

بست راسهه واخذت كلاص ماي شربتهه ورحنه للصاله شافني بابا ابتسم واشرلي بيده اجي يمه

ابتسمت ورحت يمه واحسان عل جهه الثانيه حضني من اكتافي وكال بحنيه..

_ انشاءالله انحل سوء التفاهم يلي بيناتكم

_اي بابا الحمدلله انحل كلشي 

_لا بس محمد كاعد يدرس معهد وجنه متفقين بالبدايه ان نطول خطوبتنه سنتين بس بعد

المشاكل يلي صارت قررنه هسه نبقى بس سنه على مايكمل اول سنه معهد و نتزوج بالعطله 

_تمام براحتكم بس هوه مو كاعد يشتغل هذا المعهد مال شنو

_يريد يكمل دبلوم حتى يصير مبرمج ويكدر يفتحله شركه خاصه بي هوه وابن اقاربه

يتساعدون وطبعا انشاءلله اذا نجح بهل شي استقال انه همين واروح اشتغل وياه ونصير رؤساء مو مرؤسين ..

هز راسه بابا باعجاب واحسان كال ..

_هههه لا انشاءلله ماراح يصير هيج شي بعد بس على كيفك تره انه اختك مو هوه اخوك

_لا اخت ولا اخو انه اوكف ويه الحق ان جنتي انتي او هوه وياه الحق اوكف بصفه ومايهمني 

_كاعد تسمعه بابا يعني اذا بيوم تعاركت ويه خطيبي راح يوكف وياه ضدي وهوه عود اخوي 

_هاا يعني بويه تدرين بروحج الغلطانه والحق وياه 

_ههه لا بس هيج نفترض يعني هسه شبيكم وياي الاهل لازم يوكفون ويه بتهم حتى لو جانت هيه غلطانه مو صحيح

_لا يابويه البنيه اذا غلطت لازم تتحاسب وتنصح وتتعاقب اذا اضطر الامر حتى تتوب وتردع وتتصرف صح بينما لو وكفنه وياج عل غلط رح

تستمرين عليه ورح يكول احنه اصحاب باطل ونشجع عل غلط ترضيهه يابويه

_لا بابا طبعا مارضاهه ووياك كل الحق لو غلطت البنيه او الولد لازم يتحاسب مانماشي على غلطه ونسامحه عليه بسهوله

_اي يابويه..

ابتسم واحسان بهتت ملامحه بشكل غريب وتوتر بقه صافن بابوي ومتردد هنااك ياله فضهه وحجه متوتر..

_بويه اريد احجيلك شي

_احجي بويه خير انشاءالله 

_بعد انه كبرت يابويه واريد استقر مدام صار عندي وظيفتي وراتبي 

_لا صدك

_اي والله 

_هاي الساعه المباركه يابويه من باجر اخلي امك تدورلك على عروس الزين لو عندك بنيه بالك منا منا

_اي بويه بالي وحده هذاك اليوم صديقي عادل من سالته عن بت حلال من اقاربهم اقترح علي اخته وانه بصراحه اول مره اعرف عنده اخت رغم طباتي وطلعاتي عليهم هاي

السنين كلهه الا اني مايوم سمعت حسهه ولا لمحت خيالهه ولا عرفت عنده اخت اصلا وانت تدريهم خوش ناس همه ودايس بساطهم 

_قصدك بت ابو حمزه صاحبي

_اي بويه 

_اي والله يابني زين ماختاريت ولكيت خوش ناس ومحافظين على اعراضهم برمش العين وناس فقره ومن اهل الله وبعمره محد سمع عنهم حجايه لو سمع صوت مره من بيتهم

_يعني موافق اخذكم وامي ونروح نشوف البنيه 

_انت شكلت لعادل من اقترح عليك البنيه

_كلي عندي رضيعتي توه تخرجت واذا تريد كبعهه واخذهه انت اخوي ورفيجي وماكو منك عاد انه استحيت منه ورغم فكرت ان ممكن تكون البنيه مو

حلوه او ماعدهه اخلاق بس شوفه اهلهه واخوهه تكفي لان المره تبان اخلاقهه من زلم البيت

والجمال مو ضروري فكتله احجي ويه الوالد واذا ماعنده مانع تجي النسوان تشوفهه

_هاذهو بويه شتكولين يا حلى ابنج رايد بت صديقه موافقه لو عندج وحده بالج

_يوم سعدي وابني تفك الجبسه مالته ويشوفله بت حلال تسر كلبه وخاطره واذا على بيت ابو حمزه

فبناتهم داخله عليهن وشايفه اسلوبهن وملكاتهن ونظافتهن وعين الله عليهن كلهن حلوات بس شوي سمرات على ابوهن فما ادري اذا وليدي يهوى السمره لو لا

_لا يا يمه ماعندي اشكال سمره بيضه طويله قصيره حلوه مو حلوه اهم شي اخلاقهه وتكون بت ناس ومؤدبه وخلوقه 

_وكل هل صفات بيهن تلكاهن يايمه واذا تريد اخطبلك اصغرهن

_لا شلي باصغرهن بعد هوه اخوهه كال عل جبيره التخرجت توه خو ماروح انه اختار الاصغر منهه

_اي هم صدك جا هاذهو الجبيره الجبيره هم حليوه وعين الله عليهه وهم الجبيره تصير اوعى خواتهه وافهمهن

_اي يمه هسه شنو اخابر الولد

_لا يابني لا تخابره انت خليني انه اروح لابوهه واحجي وياه واخذ الاذن منه هيج الاصول 

_تمام بويه التشوفه صح سوي عن اذنكم ..

خله وكام من يمنه طلع بالحديقه وانه كل هل نقاش الدار باقيه مصفنه بوجه نوره ونوره مصفنه بوجهي هوه مو يحب شموخ وصار سنين يفتر عليهه شلون

هسه يريد يخطب يعني هذا الشي الكال عليه قبل فتره وان ناوي يسوي ويشوفه احسن للكل .. استاذنت من اهلي ورحت وراه للحديقه شفته

يدخن وشلون انه احب الدخان اجيت بسرعه اخذتهه من حلكه وشمرتهه بالكاع سحكتهه وهوه باوعلي باستغراب وغضب وكال..

_هاي ليش ولج

_شنو معناهه سوايتك هاي تريد تورط بنت العالم وانت كلبك ويه غيرهه شتتوقع البنيه اذا اخذتهه ماراح يوصلهه حجي ماراح تحس عليك بالك

وكلبك ويه غيرهه تريد تدمرهه احسان تريد تكسر خاطرهه واكبر مثال على كسره الخاطر واكف كبالك 

_لا ماطلع شنو احسان نسيت الصار باختك نسيت تعبي وكآبتي بهاي السنين كلهه نسيت محاوله انتحاري قبل فتره الصارت كبالك بسبب كسره كلبي

وانهيار روحي شنو فرقك عن مرتضى وانت تريد هسه تسوي ببنات الناس مثلما سوه هوه بيه شنو

فرقك عنه وانت تريد تاخذ بنيه معززه مكرمه مدللة من بيت اهلهه وحضن امهه وتجيبهه هنا تعيش مثل الغريبه لا رجلهه كلبه الهه ولا هيه اهلهه يمهه 

_جنااان

_شنو جنان شنو احسان عل اقل انه الله نقذني من حافه الهاويه وجبر خاطري بمحمد هيه البنيه لو

كسرت كلبهه شلون ومنو ينقذهه ومنين تلكه مثل محمد يجبر خاطرهه لو مانت تجبره وهيه متربطه بيك 

_جنان تدريني كل زين ماراح اقصر باي من واجباتي ولا اكسر كلبهه بيوم وحب شموخ راح ادفنه باعماق كلبي وماسمح يبين الهه وتشوفه تره

انه مو الشخص الوحيد يلي تزوج وهوه يحب ثانيه ياما ناس تزوجوا وكونوا عائله والله اعلم

الشخص البكلبهم شكد بقوا عاشكينه ومنهم مات حبهم الاول وياهم بعد الف سنه يعني الشغله سهله وبسيطه لا تصعبيهه علي

_اموت واعرف ليش اتخذت هل قرار

_لان شفت هذا الافضل الي ولشموخ وللكل

_يعني خلاص استسلمت بعد ماتنتظر شموخ

_انتظرت سنين حتى تحبني وخسرتهه مره وهسه خسرتهه مره ثانيه وللابد رغم ماصارت نصيب شخص ثاني بس كلبهه صار نصيبه ولا ممكن يجي بديل لهل شخص بالنسبه الهه 

_احسان انت سمعت شي باخر زياره لشموخ النه

_اي يا جنان سمعت وياريتني ماسمعت كلماتهه نغزت بكلبي مثل السجاجين شاء القدر ماتكون نصيبي ولا يكون الي نصيب بكلبهه فليش اكون

عقبه بطريقهه خليني اخذ خطوه الاستسلام انه وابتعد عنهه حتى ينفتحلهه الطريق وينمحي الحد يلي رسمته بينهه وبين التحبه 

_بس شموخ عافت راهب مو بس بسببك وانما بسبب ريانه بتهه همين

_اعرف وريانه يجي يوم وتكبر وتعتمد على نفسهه وتكدر تتحرر شموخ من مسؤؤليتهه وتاخذ التريده بينما لو بقيت انه منتظرهه فراح تفقد الامل وتبتعد نهائيا عن الشخص التحبه 

_ بس احسان والبنيه شلون

_صدكيني ياخويه اخليهه بعيوني وماقصر عليهه بشي وادللهه وماخلي شي بنفسهه وانتي تعرفيني ماقصر

_ادريك ماتقصر بس المره ياخوي ماتريد بس اللبسه والطلعه والدلال المره تريد حجايه حلوه

ضحكه من كلب صافي المره كلبهه رجيج وبسرعه تحب رجلهه لو شافته زين وياهه فشلون اذا حبتك وطالبت ان يكون كلبك الهه وبس 

_شمدريج يجوز بهذاك الوقت يكون كلبي هم حابه مو شرط اذا حبيت شموخ ودفنت حبهه بكلبي معناهه ماراح احب المره يلي اتزوجهه وشي

اعتيادي احبهه واصونهه كزوجه وام لاطفالي ورح تكون حياتي وروحي ملكهه هيه واطفالنه مو شرط الا الكلب يصير ملكهه

_والله مادري ياخويه مدام مقرر ومخطط وتعرف كلش زين شلون راح تدير علاقتك بيهه وتخلي

زواجكم ينجح فانه وياك وبصفك وانشاءلله يارب يجبر خاطرك ببنت الحلال هاي وتسعدك وتنسيك كلشي مريت بي بحياتك 

_انشاءالله ياخويه ترحين ويه امي انتي غير 

_اي طبعا غير اخيتك انه

_تمام روحي بس انتي وياهه لا تاخذن نوره تره هاي خبله وخاف تجفص بكلمه كدام الناس عيب

_ههه انشاءلله بس اريد تنطيني وعد من اخ لاخته 

_اي كولي

_لا تخرب حياتك وصحتك بهاي الشغلات مالت الجكاير وغيرهه عرفتك طول عمرك كلبك صافي وجسمك نظيف لا توصخه بالدخان 

_والله بهاي ماكدر انطيج كلمه ياجنان مرات من تطلع روحي احتاجهه تخفف علي 

_تمام بس لا تشربهه دائما اخاف على صحتك انه 

_انشاءالله من عيني مادخن بعد بس لمن اضوج 

ابتسمت بخجل وهوه ضحك خفيف وخله معصم ايده على كتفي ودخلنه للبيت كعدنه بالصاله لل١١ بليل وكمنه كلمن لغرفته نام تمددت عل جربايه

اخذت نقالي وشفت محمد دازلي رساله كايلي ان واصل للبيت.. اتصلت عليه ورد علي بسرعه جر حسره وكال اسمي عبالك طالع من اعماق صدره..

_جنتييي

_يعيوني انته 

_وينج من مساع مختفيه

_يم اهلي جنه نتناقش بموضوع احسان

_ليش شبي

_اي والله كال صديقه انطاه اخته وكايله اشوف الاهل واردلك خبر

_اي 

_اي حجه ويه بابا وامي واحنه الناس نعرفهم واهلي داخلين عليهم وخوش ناس على كوله بابا من اهل الله 

_اي هاذهو اذا اهلج يعرفونهم معناهه بيهه خير انشاءالله 

_انشاءالله فاريد اخذ اذنك ياخطيبي العزيز حتى اروح ويه امي باجر ونشوفهه للعروس

_عدهم ولد

_اي عدهم ثنين شباب صغار بالاعداديه وبالجامعه

_ماترحين جا....