رواية انت البارود وانا النار الفصل التاسع والثلاثون بقلم شمس
﷽
﴿وَلَسَوْفَ يُعْطِيكَ رَبُّكَ فَتَرْضَىٰ﴾
گـلـي نتـهت ويـاك كتـله وعسـاهـا...
عـشره وتخلص عتاب من امـداهـا....
୨୧ ───────── ୨୧
يمامه:
مد راسه من باب غرفه وگلي
ضـرغام: شوفيلج بيت يلفيج وروحي وي ايـه
اخذيها وياج فهمتيييي
گمت انا اجر بروحي جر ركضتلي ايـه وانـا ماحس ضال شي بجسمي صاحي من راجديات
ايـه: الله يگسر ايده انشالله كومي
يمـامه:ايـه بس احضر هدومي ونروح ماضل بعد هنا
طلعت ايـه من الغرفه گمت انـا وحلفت مارجع بعد هذا البيت شماصار اخذت كل ملابسي الي هنا وكل حق الي اخذت حته ذهب سگينه الي ذممته يمي وكالت هذا گله الج ولميتهن بجنطه ونزلت اسحل بروحي سحل خليت الحجاب ع راسي شلون ماجان وايه مخابره سالم وجاي علينه وضرغام كاعد بديوان والباب مفتوح
صرت يم ألممر وحجيت باعله صوتي
يمامه: انـا راح انتضر اخوي بره ايـه لان هذا البيت يحرم عليه من اليوم ورايح وصلي گلامي اخوچ ورقه طلاكي تجيني بيت خواني والله تحرم عليه شوفتي
وطلعت بره ماتاخرت ايـه وطلعت وياي واكفه لان كلش ماعجبها تصرف ضـرغام وصايره وياي
يمـامه: انتي شجابج ايـه شلون اجيتي؟
ايـه: سالم وصلني اجيت عود أروح لسوك منا اقرب نومت إيهاب واجيت كلت خاف نايمين حتلو عصر خلي اجيب مفتاحي وفتحت الباب مال هول وسمعت الصريخ سالم بالباب خلاني وراح رڪضت انـا بسـاع بسـاع الج وصار الي صـار
يمـامه: شكلتي سالم؟
ايـه: لاتخافين محد راح يفتح وياج موضوع منا لمن نوصل للبيت ارتاحـي
ضلينه ننتضره شويه واجه بسياره شاف حالتي ودموعي بس ماعرف ايـه شكالت اله بحيث ماسئل اي شي وسوه الوضع طبيعي وانـا هم سكتت وصلنا ونزلت جان حوالي المغرب وجاي ياذن
دخلت ولڪيت أدم وأيهاب بحضن اسعد ورنـا ڪاعده.
سلمت عليهم وضاهر عرفو انـا زعلانه وسالم كايلهم الازم حجه سالم بس دخل ودخل جنطتي
سالم:يمامة، لا تسكتين احنا إخوانچ، مو غرب أحجي شني صار هلمره بينچ وبينه
رفعت عيوني عليهم، وصوتي طلع مبحوح.
يمامة:كل مرة نفس الشي ماكو شي جديد
أسعد: شلون يعني نفس كل مره فهميني
يمامه: يمد ايده عليه نفس گل مره بكل عصبيه يطگني
سالم:ضرغام مد إيده عليچ أكثر من مرة يعني
يمامه: أي ومافكيت حلكي ولايوم حجيت بس والله اناا تعبت ماتحمل بعد وعركه ع شي تافهه مايفهمني
أسعد:إحنا ما نريد مشاگل يمامه بس هم ما راح نخلي أحد يجبرچ على شي
سالم:إنتي إذا گلتي خويه ما أرجع اله وماتردي صدڪ محد بالدنيا يجبرچ ترجعين صدگيني يحلم يشوفج
يمامة:ما أريده وحلفت قبل لا اطلع تحرم عليه شوفتي بعد بس اذا حاول يرجعني اوكفو بوجهه لاتخلو يرجعني
أسعد: طلعي بعد من السالفه مالج علاقه يمي وسدو ألموضوع وانتي دانشي عقلج اكثر من مره مو نتعارك وي رجال وبالاخير تكولين اريده
يمامه: ماريده
كامن بنات يسون العشه كمت انـا لغرفتي، ما أدري شلون وصلت للغرفتي حتى العشه ما أكلت
ما جان بيّه حيل آكل ولا أحچي ولا حتى أسمع أحد.
بس أريد أنام نمت ع الجربايه وطلعت الي البطانية وبقيت أباوع للسگف ودموعي تنزل وحدها بس شلون أنام كل ما أغمض عيوني أشوفه. أشوف ضرغام...
أشوف وجهه من يضحك إليّ، من يحچي وياي، من يصيح باسمي
واتذگر كلشي من البدايه لنهايه شنو اللي صار بيناتنه
شلون وصلنا لهنا للطلاق؟
انـا ما جان ببالي يوم من الأيام أجي لبيت أهلي وأنا زعلانة منه لهالدرجة لو اشوف يكره يشم ريحتي حته
ولا جان ببالي يوم أكول ما أريده.وانـا فنيت عمري واهلي علموده أتذكر أول مرة حسيت بيها إن ضرغام يحبني واعترف بحبه الي
شلون جان يباوعلي وعبالك ما يشوف غيري وهواي اجته فرص بس ضل يمي
جان كل همّه يعرف وين انـا شسويت، ليش تأخرت، شبيّه وجهي إذا تغير وانـا ابد ماقصرت ويا بشي
انـا جان كل همي أرضيه إذا زعل أراضي
حتى مرات كنت أنسى نفسي وأنا أحاول أخليه مرتاح
ما جان ببالي يصير يوم أخاف من عصبيته لو يوم يمد ايده عليه نمت وماڪعدت منا للصبح ع فد نومه فزيت الساعه ب٦ لگيت رنـا كاعد تحضر الريوك ل اسعد
رنـا: صباح الخير
يمـامه: صباح ألنور
رنـا؛ البارحه نمتي وشفتج تعبانه كلت ماڪعدها
يمـامه: أي تعبانه والله خيه
رنـا: يله گعدي حته تتريكين ويانا فد نوب
ڪعدنا خلصت رنـا الريوڪ فرشت النه السفره وخليت الاكل البيض سلك والاجبان والطمامه والخبز والجاي و حليب
أسعد: اتريكي خويه انتي البارحه ماتعشيتي
يمـامه: أي خويه جاي اكل
ضليـت أكل كوه ابلع الگمه والله ماتنبلع أحس غصه ضاله شافني أسعد هيج
أسعد: لاينشغل بـالچ بشي يمامه
يمامه: ماريد اشوف ضـرغام شي اكيد راح يجي ويحجي وياك
أسعد:إذا إجا نحچي وياه هلا بي
يمامة:وإذا گال يريد يحچي وياي ماريد اشوفه انـا
أسعد:إذا إنتي تريدين تحچين أحجي إذا ما تريدين محد يجبرچ لا ضـرغام ولا غيره
اكلت شويه وكمت نزل ادم هستوه كاعد شلته وبوسته وخليته بحضني طول الليوم رنـا وايـه يحجن وياي وثنينهن ماراضيات ع فعل ضـرغام
رنـا: مشكلة من وراي خيه انا خليت عندج مانع
يمامه: شتحجين أنتي خيه اكلج ضـرغام ماينام وياي ولايريد يشم ريحتي يعني اول وتالي راح يدور زله ويعارڪني بس انا ماحجيت احد لان اكول خصوصيتي
ضلينا ع هذا حال أسبوع كامل لا انا عرفت. أخبار ضـرغام ولاهوه اجاني ولا اخواني التقو بي بس ب الديوان يم الشيوخ خارج الديوان ماشافو بعد
بهاي ألاسبوع انـا وضعي ماعرف شبي أدوخ اتقيء تلعب نفسي
جنه كاعدين العصر والولد طالعين نزلت ايـه وكالت الي
ايـه: يمامه وجهج مال وحده حبلـه
يمامه: منين احبل من الحايط
ايـه: والله انا اعرف لان عيونج مثل عيوني ذبلن بـ الحمل والله حامل حللي
يمامه: منين أحلل
ايـه: انـا عندي تحليل بيتي قبل فتره شكيت بروحي حامل وجبت ثنين وحللت طلع ماكو وضل ثاني
رنـا: اي كومي حللي
يمامه: بناتت صدك تحجنن شبيجننن يعني اذا حامل شلون اخلص من ضرغام ماريد شي يربطني بي انـا وحلفتتت يحلم يشوفني
ايـه: حتلو حامل؟
يمامه: أذا صدك طلعت حامل يحلم يشوف حته ابنه بس انـا متاكده من نفسي مو حامل
ايـه: هسه كومييي امشن نصعد بغرفتي جربي مانخسر شي.
قفلن البيبان الجوه وصعدنا فوك طلعت ايـه الاختبار ألبيتي وسويته وضلينه نتتضر
خلص الانتضار وكمت أشوفه ولكيته صاير خطين خطيننننن انـا حااامل صرخت وركضنن
يمامه: لااااااااااااااااااا
ايـه: حامل مووو كتلج والله كتلجج حاااامللللل
شفت البنات فرحتهن ماسايعه الگاع
وانـا لااعتراض ع حكمه ربي بس مو بهذا الوگت ماريد ضـرغام انـا ماريد شي يجمعنييي بي انـا وهسه اذا اخواني عرفو انـا حامل مستحيل يخلونييي هنا ولا اطلك
بس حسيت مرة أحس إن بداخلي روح صغيرة ما إلها ذنب بكلشي اللي صار بيني وبينه حطيت إيدي على بطني بحذر مامصدڪه انـا حامل واكو روح بداخلي
وبجيت شافني بنات ابجي كعدني ع الجربايه
رنا:ع كيفج ياكلبي لاتبجين فدوه
يمامة:انـا ما أريد أرجعله رنـا ماريده
رنا:ما گلتلچ ترجعين محد كلج رجعي
يمامة: بس طفل ضـرغام بطنيي منو يخليني هنا
رنا:الطفل شي، وضرغام شي ثاني خيه أبنج ونعمه الله انطاج هذا الطفل ما إله ذنب بأي شي صار بيناتكم شكد حاولتو حته يصير عدكم اطفال بس ماصار بس هسه بهاي مشڪله وازمه الله رزقج بطفل يجوز جايب كل الخير ويا
يمامة:لا تگلين اسعد ولا سالم هسه أريد أنا أحچي وياهم
رنـا: الله گريم خيه الله كريم
رجعت بجيت وحجيت الهن
يمامه: ماريده طفل والله ماريده خلييي يموت
ايـه: تعبج لاتحجين هيج يممامه
يمامة:بس انـا ما أريد أحد يگلي لازم ترجعين لأن حامل ب ابننننه
رنا:ولا أحد راح يگولچ والله
يمامة:وإذا ضرغام إجا وكلي ابني بس تخلفي ياخذه ويحرمني منه والله شنو هل الظلم شوف من حياتي
ايـه: خوفچ طبيعي. بس لا تخلين غضبچ من ضرغام يصير غضب على روح بريئة ما إلها ذنب شماجان يضل ابنج وابنه
حجت رنـا.
رنـا: ضرغام يبقى أبو الطفل، هذا واقع. بس هذا ما يعني إنچ لازم ترجعين تعيشين وياه
ضلن يحاجن هواي بس حته يريحني بس انـا هيهات لراحه وخايفه من يعرف ضـرغام شيحجي وشيگول.
اسبوعين مرن انـا ماحجيت اخواني عن حملي اخر يوم ألعصر شفت اسعد وسالم راجعين من الديوان بعصبيه وصياح ويكضون محسن يردون
رنـا: دخيلك ربي ابعد عنه ألشر شصاير شبيكم.
اسعد: وحككككك علي محسن نزل روسنه بيننن الوادم شكدددد نذل
يمامه: شصاير خويه
حجو ألنه ڪلشي.
ع انو محسن ڪاعد بين الديوان والشيوخ وكايل مرت ضـرغام تسوي سحوره ل ضـرغام وضرغام هسه متخبل من وراها وتسوي سحورها بملابسها الداخليه وضل يألف من يمه حجي انـا وكف شعر راسي من سمعت هذا الكلام بحقي؟
سالم: كواد يكلهم انـا دخلت لبيت وشفت ملابسهااا كلهن معلكات وبيهن سحووووره
ايـه: وين هوه هسه عمي واخويه ضـرغام شنو موقفه؟
سالم: ماجان ضـرغام موجود بس الشيوخ خابرتنه وكالت تعالو محسن بديوان وجاي يحجي ع أختكم ورحنه
يمامه: حسبي الله ونعم الوكيل والله مامسويه شي من هذا الكلام خويه واريد اكلكم بشي مدام كلكم هنا
انـا حامل صارلي أسبوعين من عرف
اسعد: حامل؟
رديت عليه وانـا ابجي وبخوف ومالي سند..
يمامه: اي حامل بس والله مانزلت راسگم والله ماردت احجي الكم خاف ترجعوني اله
أسعد:الطفل ما راح يغير مكانچ ببيتنا خويه
ولا راح نخليه يصير حجة حتى أحد يجبرچ ترجعين
يمامة:بس هو ابنه يخـوي خاف ياخذه مني شلون
أسعد إي هو ابنه اله حك علينه بس هذا أبنج هم وخاله موجود
وإذا تردين تبقين هناا أبقي البيت بيتچ
يمامة:حتى الطفل يبقه وياي لو ماتردونه
أنصدمو من حجايتي وماقبلو احجي هيج
سالم:إنتي صدگ تفكرين هيچ طيح الله حظج خوية
شبكتهم وشبكت اسعد
يمامه: الله يخليك الي يخوي
اسعد: ياروح اخوج أنتي صدك جذب حاضر انـا بالخدمه نامي رغد لاتفڪرين بشي
ضحكت ع حجيهم وباسوني وحضنونـي وانـا ضل بالي كله يم محسن شلون يحجي عني هيج وشنو رده فعل ضـرغام من يعرف معقوله عرف وسكت ومارد عمه؟
ضلينه ع حال هاي اشهر ومحسن بس يحجي ويسب ويطعن بعرضي واخواني يتعاركون ويا بس الي رافع راسهم انـا يمهم وكاعده بديره ماشارده حته يثبت كلام محسن الجلب.
ضـرغام ماعرف بحملـي لان محد يتواصل ويا وانـا ضليت4أشهر طريحه الفراش ولايوم گمت بس نايمه لان رحت لدكتوره وكالت حملج صعب وجاره نازله وانـا بس اتقيء اي شي اكله اتقيء ماكدر اكوم لان ماعندي جسمي نقص كلش اليوم دخلت انـا بشهر ل5 وانتضر النساوه تروح مني بس حته اوڪف ع رجليه
ايـه ورنـا ماقصرن وياي يكومني وحته يسبحني لان انـا أنتهيت شفت الموت بهذا الحمل حجز اليوم أسعد لسونار حته نعرف اخبار الطفل ونشوف ألجنس.
رحنه انـا ورنـا واسعد
انتضرت يجي سراي ودخلت لسونار
وصدمتني بحجايتها وشنو حكمه ربي بيها؟
الدكتوره: اللهم صلي ع محمد وآل محمد بخير اطفالچ
يمامه: شنو اطفالي؟
الدكتوره: انتي حامل بتوم وبيج بنيه ولد
يمامه: دڪتوره معقوله لو متوهمه
:: لا والله ماما هاي يمي شوفي بالجهاز ڪبار
انـا چنت أگول: خلص، ما أريد شي يربطني بضرغام.
واليوم اكتشفت إن بداخلي روحين راح يربطوني بذكرى من حياتي للأبد ويمكن هاي نعمة ما جانت بالحسبان أنا وضرغام نريد نطلڪ
بس ربي رزقني بـ توأم. بس ماعرف
هل هذا التوأم بداية حياة جديدة لو آخر خيط يربطني بضرغام
ڪمت من السونار وحسيت بكثل من عرفت بيهم توم أگثر ياربي شلون اكدر عليهم ثننيهم هيج شفتي بهل قوه هاي بس راح أثبتت قوتي واكون كد الامتحان وانجح شافتني رنـا أبجي خافت
رنـا: شبيج يمامه لاتخوفيني
يمامه: انـا بيه توم ولد وبنيه
رنـا: اللههم صلييي ع محمد وآل محمد فدواتك ربي جا شبيج تبجين
يمامه: رنـا ثنين جهال ضـرغام
رنـا: امشيييي اسعد بره خلي نفرحه بهاي خبر
طلعنا من دكتوره وصعدت بسياره وحجينه ل اسعد كلش فرح خطيه
وصلنا للبيت والكل فرح ايـه طارت من ألفرح كعدنا كل أحنه بالبيت واعرف الموضوع راح يحجون بي شكد اتهرب منه بالاخير يحجون بي
اسعد: يمامه خويه من راح احجي مو عبالج مضايق منج بالڪعده لا الله شاهد بس ضرغام لازم يعرف بحملج دخلتي ب٥ وبيج توم مو من حقنه نضم
يمامه: لا لاتحجون اذا مليتو مني وفكرتو شلون تعيشون جهالي انـا اخذهم واعيشهم
ايـه: حبيبتي هو أبو الطفلين لازم يعرف إنچ حامل انـا والله علمودج ماتواصلت ويا بعد
يمامة:يعرف بالحمل وبعدين شنو يكلي خلفيهم ونطيني ياهم
أسعد:يعني أقل شي يعرف إن عنده طفلين بالطريق حرام نحرمه من ضناه
شدّيت إيدي على بطني وخايفه اخسـرهم
يمامة:أخاف يعرف ويعتبر الحمل حجة حتى يرجعني
ايـه: بس يمامة، مهما صار بينچ وبينه، هذا يبقى أبو أطفالچ
رفعت عيني إلها وحجيت
يمامة:أعرف فاهمتڪم
ايـه:: جا لازم يعرف
يمامة:ما گلت مايعرف انـا گلت ما أريد يرجعني إله
أسعد: بس قبل لا نحچي وياه لازم نعرف شنو تريدين بالضبط انتي
يمامة:ما أريد أرجعله وماريده بعد تعبني انـا مو صغيره وهيچ ضـرغام يسوي بيه
سالم هز راسه وكال
رنـا: يله ڪافي ام التوم لاتعبين روحج ترا يحسون وينقهرون وياج
حطيت إيدي على بطني وابتسمت مامصدڪه بمكان الواحد ثنين
من هسه لازم علمودهذول اثنين لازم أحارب الدنيا كلها علمودهم ومافرق بينهم مو مثل مشاڪل صارت لو م أمي مافرقت بيني وبين مسره ماجان صار ڪل هذا ولا مثل أبوي الي فرق وماحب ولده انـا ماسوي هيج هذول روح من روحـي
بقيت فترة ساكتة ولليل ضليت افڪر شلون بالمستقبل وشكد تعبت بيهم هاي فتـره ومستحيل أخلي بشر ياخذهم مني حسيتهم صارو اعزار اڪثر من ضرغام إيدي بعدها على بطني، وأفكاري ما إلها نهاية
چنت أتخيلهم واتئمل شلون راح يكون شكلهم؟
شلون راح تكون أصواتهم؟
منو راح يطلع يشبه الثاني
منو راح يكون أهدأ
ومنـو راح يدوخني أكثر
مرت الايام ودخلت انـا بشهر ل 6
ضـرغام عرف انـا حامل بس مارد عليهم أي شي بس بيوم من الايام اجتني ايـه وكالت ضـرغام كال يريد يحاجيني بخصوصج تعالي سمعي
بعتبار ايـه اخته ف الهم حق يحجون وينطي رايه الاساسي يمه
اتصلت عليه ايه واول شي كلها
ضـرغام: يمامه يمچ
ايـه: لا انـا فوك بغرفتي
ضـرغام: سمعيني زين ايـه عندي هل جلمتين أحجيهن واروح
ايـه: اسمعك
ضـرغام: اسمعيني زين ايـه من هسه لحد ما تولد ما أريد أحد يتصرف وكأن الأطفال ما إلهم أب وتسرح وتمرح بڪيفها ضمت عني جهالي ٦أشهـر شنو يعني اذا تعارڪنا تروح تضم جهالي عني؟
ضـرغام: هذا موضوع ثاني انـا أحچي عن جهالي
ايـه: يعني تحرمهم منا ضـرغام شبيكك
ضـرغام:ايـه لا تخليني أگول كلام ما أريده ينسمع واطلع عن طوري هذوله مو ورقة بيدها حتى تستخدمهم ضدي لو اجو من فطر الحايط ولا هم وسيلة حتى تنتقم مني إذا هي تريد تنهي كلشي بيناتنا مايهمني انـا بس مو تخليني أخسر جهالي اثنين من دمييييي شتحجين انتيييي سهله عندي عبالج
ايـه: انت مافهمتتتها وانت خربتتت ضـرغام ترا شريط حبوب مانع جان ألي انـا خليتهن يمها من اجيت علمود لايشوفها سالم
شفت ايـه شلون دافع الي وماجابت اسم رنـا وكالت انـا
ايـه: وصوج منڪ ضرغام انت مديت ايدگ. عليهااا لان شفت حبوب مانع حمل وبسببك صار هيچ وهيه هسه حامل لاتخليني احجي ڪلام عيب بحقك لان أخوي.
أشرت الها راح اكوم انـا
وعفتها وڪمت ماريد اسمع كلام ضـرغام كل يهمني هسه جهالي وبس اريد اوصل بشهري ويحلم ضـرغام يشوفهم.
بهاي ألفتره الولد عرفو انو ضـرغام يريد جهاله وحتارو وانـا متاكده لو ضليت راح أخسر جهـالي.
بعد مـده 3 أشهر.
أليوم انـا دخلت بشهري وبطني گبرت وكلش متاذيه لان توم حباله صعبه اليوم قررت اخذ جهالييي واروح لان اعرف ضـرغام مستحيل يخليني انـا ولدي
واريد احفض اخر حب الي بداخل ضـرغام واحفض كرامتي كلها نايمه
ڪمت على حيلي اخذت ألذهب من سڪينه وباقي امنته يم ايـه لان من امها وحقها اخذت الي اريده انـا يكفيني ويعشيني واخذت كلشي يخصني وماعرف شنو اريده وين اروح وانـا بديره شيوخ
واذاطلعت مارجع اله بذبحي بس احسن من اعوف جهالي بيد ضـرغام وبعدين يطلكني اتوقع من ضرغام كلشي بس طر الفجر وبين شويه الضوه
خليت غراضي وغراض جهالي اخواني جهزوليي كلشي لولاده لبست عابتي ونقاب وكلها نايمه فوك بس انـا نايمه جوه
سميت بأسم الله وطلعت ع كيف باوعت لديره
والكيعان واخر مره رجلي تنحط بهاي الديره بعد انـا رايحه وماخذه جهالي ومارجع بعد
طلعت بنص الفجر وخايفه بس ألي يهمني اطلع من هاي ديره واروح لغير ديره ضليت امشي بالكوه بس حتـه اوصل لشارع
واهل حلال بوڪتنا جانو هواي لكيت واحد بسياره عنده حلال بسيارته ومبين من غير ديره بس شافني بشارع وكف
:: ها يبعد عمج وين رايحه وانتي بطنج واصله حلكچ
يمامه: أجيت اشوف اهلي بس لكيتهم شايلين وانـا ديرتي بـ.... وماندل اروح ورجلي مايجي عليـه متعارك وياي ياريت توصلني عمي والله خايفه ع جهالي
: صعدي صعدي يبعد عمج انـا بهاي ديره بس صعبه شويه تعرفين هناڪ ماكو لا مستشفى لاشي نجي هنا نسوك ونرجـع شلون بيج انتي
يمامه: عمي رجلي هناك وامه القابله تعرف تجيب مانجي احنه لمستشفى
:: صعدي بعد عمج جا خلي اوصلج باب بيتچ
صعدت انـا ويا وديت الله يدليني ع طريق ألصح ورحت وابتعدنا عن ألديره ...
شنو ضام القدر ليمامه والي ينتضرها بلطريق اصعب من الراح شنو موقف اهله وضرغام من يكعدون مايلكوها شنو موقفهم وشراح يصير بلايام الجايه
اللي جاي راح يغيّر مصير يمامة وضرغام للأبد.
شكرا لزيارتكم عالم روايات سكيرهوم
