رواية حضرة الظابط والمراكمه الفصل الثالث
_إنتِ ازاي كدا؟؟
" تنحت من كلامها، يعني لو مرقباني هتعرف التفاصيل دي كلها"
_ بت إنتي بتراقبيني؟؟
_ اراقبك، والله من كتر الروايات اللي بتقرائيها اتهبلتِ.
_ لأ بس دا اللي حصل بجد والله.
_ طيب يا" هاجر" ابقي استغطي وإنتِ نايمة ويالا علشان نلحق المواصلات.
_ تمام بس متجيش تقوليلي أحكيلي تاني ها.
" مش معنى إن الموقف اللي حصل دا مقارب للحواديت يبقى محصلش في الحقيقة، كلامي وتعبيراتي كلها كانت جد ودا اللي خلاها تتأكد من صدق كلامي وتسألني تاني"
_ "هاجر" هو دا بجد؟؟
_ معرفش.
_ خلاص بقا قلبك أبيض، ياه جوز أختي هيبقي ظابط.
"قالت الجملة بحماس ضحكني من فرط تخيل الأمر "
_ جوز أختك إيه ونيلة إيه، امشي.
_ ماشي يست بكرا تقولي" ليلي" قالت.
_ يالا يـٰ لولي مع السلامة، ادعيلي ألاقي عربية.
_ اهربي تهربي بكرا مش بعيد، أول ما توصلي طمنيني.
"ودعنا بعض علشان كل واحده فينا من بلد مختلفة، لكن نصيبنا كان نفس الجامعة ودي كانت البداية لصداقتنا ومغامراتنا".
يُخلق كل منا في مكان وزمان مختلف
وتأتي صدفة عابرة تجمعنا معًا
في مكان وزمان لم يكونوا في الحسبان
فيصبحوا بداية لآمن وآمان ورحلة
أختارها كل منا بإرادته؛
لنكمل السير معًا في درب الحياة
بِـونس و اطمئنان، هكذا تكون العلاقات.
ك/هاجر وائل" أوركيدا ".
" الخاطرة دي كانت بتعبر عني أنا وليلى جدًا، كنت عاملة حسابي اني مش هصاحب حد تاني ومن البيت للجامعة ومن الجامعة للبيت لحد ما ظهرت هيا أخدت بإيدي علشان نكمل سوا الرحلة، ويا محلا الرحلة لو مع حد شبهك ".
################
_ حُـسـام.
_ إيه في إيه؟؟
_ اتخضيت مش عيب تبقي ظابط وتتخض كدا؟
_ عيب؟؟ طيب مش عيب انت تبقي ظابط وتدخل كدا؟ وإيه الحماس دا؟.
" ضحكوا على جو المناقرة اللي بيدخلوا فيه كل ما يشوفوا بعد ولكن قرر الأستاذ آدم إنه يوضح سبب حماسه الغير طبيعي للموقف واتصدم من رد فعل حسام".
_ عملت اللي في دماغك برضوا يـٰ آدم.
_ أيوه كلمت والداها وحدد اليوم اللي هنتقابل فيه.
_ إنت ليه مستعجل، أنا مش فاهم.
_ علشان هيا تستاهل، بُص إنت مش هتفهم غير لما تقع.
_ وإنت وقعت من يوم؟؟
_ دا في خيالك إنت وبس، إنما الحقيقة من فترة شوفتها صُدفة في فرح لحد من أصحابها كانت جميلة وهادية مختلفة عن كل الموجودين، ولقيت عيني مش قادره تتشال من عليها، حسيت اني وقعت فيها من غير مجهود منها، ومن بعد اليوم دا وأنا بحلم بيها و بوجودها في حياتي، والمرة دي كانت الأولى والأخيرة قبل ما أنقل للشغل في "القاهرة " وبعدين لما رجعت هنا شوفتها تاني وإنت عارف الباقي يا بتاع اليوم.
_ دا إنت طلعت حبيب يـٰ عم آدم.
_عقبالك يـٰ عم.
_ لأ مليش أنا في الكلام دا.
" وقف قدامه وشاور على قلبه وقال"
_ بكرا لما اللي معاها مفتاح دا توصل هيبقى ليك يـٰ حوس.
_ اسكت يـٰ عم، المهم الف مبروك مقدمًا يا دوما ولا أقولك يـٰ دومها.
_ امشي ياض علشان مكسرش عضم وشك.
_ عضم مين يا باشا؟؟
_ تحب تشوف؟
_ لأ يا باشا وعلى إيه الطيب أحسن.
_ بقول كدا برضوا، وأعمل حسابك جاي معايا الجمعة.
_ تحت أمرك يا سيادة العقيد.
_ على شغلك يالا.
_ شغل إيه بقا.
_ مالك؟
_ أصل "طمطم" كلميتني من شوية وقالت أجيبك ونروح علشان نتغدى سوا ومفيش حجج واعذار.
_ هيا قالت كدا؟
_ ولا حجج ولا أعذار.
_ خلاص حبيبة قلبي تؤمر، خلاص هعرفهم في البيت وأجي معاك.
_ ماشي يعم هجيب حاجتي من المكتب.
" اتحرك حسام لمكتبه يجيب منه متعلقاته الشخصيه وكذلك أدم لبس جاكت بدلته ولم متعلقاته و طلع يستنى حُسام".
#################
_ السلام عليكم ورحمة الله وبركاته.
_ وعليكم السلام ورحمة الله وبركاته يـٰ عيوني.
_ إيه يست فينك كدا، وحشاني جدًا.
_ أكتر يـٰ نرمينة والله، إنت عارفه بقا المحاضرات والسكاشن وسنينها.
_ الله يعينك يـٰ بطل.
_ فاللهم وإياك يـٰ حبيبي، إنتِ أخبارك إيه كدا.
_ بخير الحمد لله لسا مخلصة محاضرات اهو، وعندي كورس وبعدين هروح البيت.
_ أشطر كتكوته في الدنيا بجد، ربنا معاك ويوفقك يارب.
_ فاللهم وإياك يـٰ جميل، معنتقابلش ولا إيه يـٰ ست هاجر؟.
_ عيوني، هوصل البيت وأكملك في الموضوع دا.
_ ماشي يـٰ حبيبي، خلي بالك من نفسك.
_ حاضر وإنتِ كمان، مع السلامة.
"مكالمة كفيلة إنها تغير مودي وتغير مجري اليوم، قصة إن حد لسا فاكرك وبيهتم بيك وحاطك من أول أولوياته، لو مسألتش إنت تلاقيه موجود وبيسأل بحب، ومرة عليك ومرة عليه الدنيا تهون".
نرمين : الشخصية اللطيفة الحنينة اللي طلعت بيها من الثانوية العامة اللي كانت بتهون عليا كل لحظات اليأس، واللي عوضتني كتير عن لحظات الخذلان من بعض الأصدقاء، لكن الحظ كان ضدنا في إننا نكون في نفس الكلية والمكان بس إحنا كملنا بسؤالنا على بعض دايمًا والمقابلة اللي بنخطط ليها علشان ننزلها مرة كل ٣ شهور وهنا تنطبق على صداقتنا مقولة " البعيد عن العين مش بعيد عن القب" ولا حاجة بس في مشاغل.
################
_ بت يا ساره إنت يا زفته.
_ يوه يا ماما هو مفيش غيري هنا.
_ اه يختي مفيش غيرك، اخلصي روقي الشقه، هنزل السوق واجي الاقي الدنيا فله.
_ إن شاء الله.
_ إن شاء الله؟ ما هو إن شاء الله يا روح أمك على الله اجي ملاقيش اللي قولت عليه اتعمل.
"و زي أي أم مصريه نزلت وقفلت الباب وهيا بتستعوض ربنا في بنتها "
