رواية ورطة الفصل الثالث 3 بقلم سما

شمس: ما تعدل وشك كده.

مروان: ماله وشي..؟!

شمس: هيقولوا غصباك..

مروان: وده كلام برضو؟!

شمس: اضحك اضحك.

مروان: على خيبتي مش كده؟

شمس: يووه بقى، دانت نكدي.

هنا: يلا عشان أصوركوا.

شمس: بوس الدبلة.

مروان: مش عايز.

شمس: معلش، تعالَ على نفسك.

مروان: جيتِ على دي يعني؟!

شمس: حط الورد على وشي بقى عشان الصوره..

مروان في سره: نفسي أمسكه أضربك بيه..

شمس: إنجز.

مروان: أهو.

شمس: ااه عيني!

مروان: إيه ده؟ سوري.

شمس: ماشي، استنى عليا بس..

مروان: يا شيخة روحي.

زينب بابتسامة: حبايبي طالعين حلوين اوي ماشاء الله..

سلوي: سبحان الله كأنكم واخدين بعض عن حب..

مروان قرب من شمس وقال: ازاي بجد؟

شمس: اسكت..قول كلمه حلوه..

مروان: ليه؟

شمس: يا بني امدح فيا..

مروان: اه..تعرفي يا طنط شمس من اول يوم وهي نورتلي حياتي..

شمس: انت اللي خليت لحياتي معني والله..

مروان: دانتي هتتقلي في نار جهنم علي الحلفان ده..

شمس: سامحني يارب..

زينب: حبايبي ربنا يسعدكم..

سلوي بابتسامة: امين يارب..

شمس: ايه نورتلي حياتي دي انت مدرس عربي..

مروان: ملكيش في الرومانسية..

شمس ضحكت وقالت: ده تفكيرك عن الرومانسية دنا هعيش ايام حلوه..

مروان: استني بس عليا هوريكي اللي عمرك ما شفتيه..

شمس: طب ده تهديد ولا حاجه حلوه ولا ايه؟

مروان: ده كل خير..

شمس: مش مرتاحالك بس هعديها..

آسر: احم..ازيك..

هنا: تعرفني؟

آسر: لا بس نتعرف..

هنا: شكرا مبتعرفش..

آسر: ليه بس انا آسر..وانتي هنا مش كده؟

هنا : وعرفت منين؟

آسر: سمعت بينادوا عليكي..

هنا: دانت مركز بقي..

آسر: الصراحه اه..لعلمك انا صاحب العريس واكتر من اخووه..

هنا: الف مبروك..

آسر: طب ايه؟

هنا: طب شيلني من دماغك بقي..

آسر: ليه ما الدنيا زي الفل اهيه..

هنا: ده بيتهيألك فاسكت احسن..

آسر: لعلمك انا مبخفش..

هنا: لا انا اللي بقولك خاف..

آسر: لا بس القمر ده ميطلعش منه حاجه شرسه..

هنا داست علي رجله بالجزمه بتاعتها: لا يطلع يا خفيف..

آسر شد رجله وقال بوجع: اهه..طب خدي بس نتفاهم..

هنا بصتله بضيق وسابته ومشيت..

هنا: دانت انسان غريب..

مروان: الخطوبه دي هتخلص امتي بقي انا عايز انام..

شمس: وانا كمان..

زينب: قوموا تعالوا ارقصوا..

مروان: لا يطنط مش بحب ارقص..

شمس: سبيه انا هرقص عادي..

زينب: هترقصي من غير خطيبك..؟!

شمس ضحكت وقالت: لا دنا بهزر قوم يلا يا مارو اما نرقص..

مروان: ايه مارو دي انتي خدتي عليا اوي..

شمس وهي بترفع حواجبها : قوم يلا..

مروان بابتسامة: حاضر يا حبيبتي يلا..

شمس: ييييع..متقولش كده تاني..

مروان: اسكتي دنا بطلعها بالعافيه اصلا..

شمس : يلا ارقص..

مروان: اهوه..

شمس ضحكت عليه جامد: شكلك يموت ضحك بجد..

مروان: ضاعت الكاريزما..

شمس: كان فيه اصلا..؟!

مروان: يعني إنتي اللي ليكي شكل ولا منظر..

شمس: يا بني دنا قمر تعرف خايفه عليك والله..

مروان: ده ليه؟

شمس: احسن تحبني واما اجي سيبك تقعد بقي تتحايل عليا وتقولي متسبنيش..

مروان ضحك وقال: خيالك صورك كده بجد؟

شمس: لا اصل انا بدخل القلب علطول..

مروان: ولا الهوا بجد..انتي مش استايلي اصلا..

شمس ضحكت وقالت: ايه ده انت ليك استايل..ومواصفات وكده..

مروان: تخيلي..

شمس: يعني الطموح حلو..

>>>>>>>>>>>>>>>>>>

بعد يومين..

زينب: بت يا شمس

شمس: نعم يا ماما..

زينب: عايزه اعزم مروان وعيلته علي الغدا..

شمس: ماشي رني علي طنط سلوي واسأليها..

زينب: وانتي رني علي خطيبك وقوليله شوفي لو فاضي. 

شمس: هبقي ارن..

زينب: لا رني دلوقتي وافتحي الاسبيكر عشان اكلمه..

شمس اتوترت وقالت: يا ماما خلاص هبقي اقوله..

زينب : لا عايزه اكلمه رني..

شمس: طيب يا ماما ورنت عليه..

مروان: الو يا شمس..

شمس ردت بسرعه وقالت: الو يا مروان ماما جنبي وعايزه تكلمك..

مروان:احم.. طيب يا حبيبتي اديهالي..

شمس: الاسبيكر مفتوح اتكلم..

مروان: ايوا يا طنط عامله ايه؟

زينب: بخير يا حبيبي الحمد لله انت كويس؟

مروان: الحمد تمام..

زينب: طيب انتي فاضي بكره..

مروان: ايوا بكره الجمعه مش ورايا حاجه..

واتفقوا بقي انها هتعزمهم علي الغدا..

>>>>>>>>>>>>>>

تاني يوم..

هنا: ايه ده انتي هتقابلي خطيبك كده؟

شمس: ماله ماهو زي الفل اهوه..

هنا: يا بنتي هتقابليه ببلوزه وبنطلون..

شمس: ماله يا هنا؟

هنا: يا بنتي البسي حاجه حلوه وحطي ميكب بقي وخليكي قمر كده..

شمس: حاضر يا هنا..

بعد شويه..كانوا وصلوا وقعدوا..

شمس: ايه ساكت ليه كده؟

مروان: هقول ايه يعني؟!

شمس: يعني اتكلم ولا اضحك كده باصين علينا..

مروان: اقولك نكته؟!

شمس: لا بالله عليك..اتكلم في اي حاجه..

مروان: انتي مثلا عملتي ايه انهارده؟

شمس: صحيت وكلت وشربت ولبست وساعدت ماما في الاكل..وبس

مروان: بتعرفي تطبخي..

شمس: ليه؟

مروان: بطمن علي مستقبلي..

شمس: مستقبل ايه معلش انت نسيت ولا ايه؟

مروان: اه صحيح..اصلي انا علي نياتي مش دايما فاكر انها لعبه وكده..

شمس: قصدك ايه يعني يا مروان؟

مروان: مفيش..

شمس: كان حد ضربك علي ايدك..

مروان: انتي ليه خدتي الموضوع بالطريقه دي؟

شمس: ده كلامك مش كلامي انا يعني اللي مش علي نياتي وشريره صح؟

مروان: فيه ايه يا شمس؟

شمس: اسكت اسكت..

مروان: انا مكنش قصدي كده علفكره..

شمس: خلاص يا مروان خلصنا..

زينب: يلا عشان نتغدي الاكل جاهز.. 

خلصوا اكل وشمس كان متضايقه من كلامه وهو كان ملاحظ بس كانت بتحاول تبان عادي قدام اهلهم..

زينب: شمس خدي ادي القهوه لمروان..

شمس: ماشي وراحت عنده..وقالت: اتفضل..

مروان: مظبوطه؟

شمس بضيق: معرفش..

مروان: خلاص براحه..

شمس بضيق: بقولك ايه يا مروان..

مروان ضحك وقال: الله!انا قلت حاجه..؟!

شمس: متقولش..

مروان بضحك: طب اقعدي..

شمس: مش قاعده..

مروان : خلاص خليكي واقفه..

شمس: ليه هو انا علي مزاجك..اديني قعدت..

مروان: انتي مضايقه مني صح؟

شمس: ولا انت في بالي اصلا..

مروان: طب خلاص معلش انا مكنش قصدي والله اي حاجه انا كنت بتكلم عادي..

شمس: طيب..

مروان: يعني ايه طيب؟

شمس: ايه مسمعتهاش قبل كده؟

مروان: لا يعني لسه زعلانه؟

شمس: يا بني انت كلامك ده يزعلني ولا بيدخل دماغي اصلا..

مروان: اه ما هو واضح..

شمس: اه واضح يارب نسكت بقي 

مروان: بس القهوه مره اوي..

شمس: احسن..

>>>>>>>>>>>>>>>

في يوم كان مروان راجع من الشغل وهي كانت نازله من عربيتها..

مروان وقف وبص عليها وحس انها مضايقه..

مروان: مالك كده؟

شمس لفت وقالت: مفيش حاجه..

مروان: مفيش ايه دانتي هتعيطي..

شمس: الرخصه بتاعتي اتسحبت..

مروان: ليه عملتي ايه؟

شمس: قلت اجرب مره اسوق بسرعه..وبعدين كنت هخبط حد وسحبوا مني الرخصه..

مروان: يعني بسواقتك دي المفروض يسحبوا العربيه مش الرخصه..

شمس: يعني انت كمان بتألس عليا وانا زعلانه..

مروان ضحك وقال: خلاص معلش طب وانتي مكبره الموضوع ليه؟

شمس: ياعم بابا لو عرف هيزعقلي..وممكن ياخد مني العربيه..

مروان: وايه اللي هيعرفه..

شمس: امال مين اللي هيجيبهالي يعني مش بعرف انا في الحاجات دي..

مروان: سهله يستي انا هجيبهالك..

شمس بفرحه: قول واقسم بالله..

مروان: هجيبهالك والله..

شمس: روح يا شيخ ربنا يكرمك..

مروان: امين..

شمس: ويرزقك بفلوس كتير وتشتري عربيه جديده..

مروان: يارب..

شمس: وايه تاني؟

مروان: فكري كده..

شمس: ويرزقك بواحده بنت حلال تحبك كده..

مروان ضحك وقال: انا عمري ما شفت واحده بتدعي لخطيبها ان ربنا يرزقه بواحده..

شمس: يلا اي خدمه..