رواية فارس الفصل الثالث
داليا : انجز يا جمال وقول، انت اللي لبست الواد حوار الوصولات ده؟
جمال : انتي متخلفه رسمي… ازاي تقوليلي أنا كده أنا جمال الشاذلي صاحب اكبر شركة عقارات انزل للمستوي ده؟!!
داليا : مستوي؟!! ده ابن اخوك! انت فاهم بتتكلم عن مين ولا مش فاهم؟
جمال بزعيق : ما يتحرق ابن اخويا ولا ابن اختي ده حتت عيل
داليا : يتحرق؟!!! يتحرق ده ايه… ده ابن اخوك يا جمال يعني انت عمه المفروض تكون بتحبه انت ازاي كده!
جمال : عايزه تعرفي أنا اللي عملت كده ولا لا يا داليا؟؟… أنا اللي عملت فيه كده يا داليا ولو اطول اموته هموته
داليا : للدرجادي؟!! ايه الغل والحقد اللي جواك ده
جمال وهو بيضرب علي المكتب بعصبيه : عيزاني ابقا بحبه بعد ما ابوه مات وسابله نصيبه ف الشركه والفلوس؟؟؟؟
داليا : أنا أول مره اعرف انك مادي بالشكل ده
جمال بزعيق : اه يا داليا أنا مادي ويلا اطلعي بره بيتي
داليا : بيتك؟ بيتك ده ايه، انت ناسي ان البيت ده بفلوسي
جمال : يعني ايه
داليا ببصه كلها انتصار : يعني اطلع بره انت يا جمال ومش عايزه اشوف وشك تاني… أنا نازله ارجع مش عايزه ألاقيك ف البيت
تمشي وترجع تاني
داليا : اه.. وسيب البنات اياك تلمس ضفر واحده فيهم عشان لو لمستهم مش هتشوف غير كل وحش مني يا جمال وهوريك وش عمرك ما شوفته فحياتك مني… سلام يا جوجو
تطلع داليا تقعد ف الصاله ويدخل جمال الحمام وتدخل الاوضه تلاقي تليفونه علي المكتب مفتوح
داليا : ايه ده؟ ده نسي التليفون هنا
تمسك داليا الموبايل وتفتح الواتساب تشوف شات واحد اسمه "احمد المزور"
داليا : المزور!! حلو ده اوي
تدخل الشات تلاقي
احمد : خلصتلك الوصولات يا باشا
جمال : جدع يلا أنا قولت برضو محدش هيخلصلي الموضوع ده غيرك
احمد : طب فين حلاوتي بقا يا باشا ولا هو الشغل بالحب ولا ايه
جمال : لا عيب عليك… عدي عليا بكره ف الشركه وهديك حلاوتك
احمد : خلصانه يا باشا
داليا تاخد اسكرين من الشات وتبعته لنفسها وتمسحها من عند جمال وتسيب التليفون وتمشي
**********
**داليا ف العربيه تتصل علي المحامي**
داليا : الو… ايوه يا متر
محمود : ايوه يا مدام اتفضلي
داليا : أنا عيزاك تطلعلي فارس من السجن بكره الصبح
محمود : ازاي ده؟
داليا : محتاجه اقابلك دلوقتي علي كافيه هبعتلك اللوكيشن
محمود : تمام
تقفل المكالمه وتبعت اللوكيشن لمحمود ويجيلها
داليا : تشرب ايه يا متر؟
محمود : الله يخليكي ولا اي حاجه
داليا تنده للويتر : لو سمحت…. عايزه اتنين شاي سكر بره
الويتر : عنيا يفندم
محمود : ها يا مدام داليا في ايه قلقتيني!!
داليا : أنا معايا اللي يثبت براءة فارس ف القضيه دي
محمود : معاكي دليل يعني؟
داليا : اه ودليل قوي اوي اوي
محمود : هايل.. وريني فين الدليل
تطلع داليا تليفونها وتسمع محمود تسجيل لجمال وهو بيعترف ان هو اللي حبس فارس
تعابير وش محمود اتغيرت من الصدمه
محمود : ياااهه كان فين من زمان
داليا : لا ده أنا كمان معايا اسكرينات من شاته هو واحمد المزور اللي زورله الوصولات دي… بص اهو
محمد : تمام ده حلو جداً فعلاً
داليا : كده بقا اظن فارس يطلع ونحبس جمال صح؟
محمود : صح الصح يا مدام داليا، بكره الصبح نروح الزياره وانا هطلب جلسه للقضيه بتاعت فارس وبإذن الله الدليل ده يطلعه براءه
داليا : تمام يا متر تسلم والله ربنا يخليك
ترجع داليا بيتها ومحمود يروح بيته
**********
داليا ببرود وهي بتقفل باب الشقه : انت لسه هنا
جمال ميردش
داليا : عموماً أنا طالعه انام، وزي ما قولتلك اياك تيجي جمب البنات يا جمال أنا بحذرك ل آخر مره… تصبح علي خير
تطلع اوضتها تنام وتصحي علي صوت المنبه
هاجر تخبط ع الباب
داليا : ادخل
هاجر : صحيتي يا حبيبتي ولا صحيتك
داليا : لا يقلبي أنا صاحيه اهو
هاجر : طب يلا مش هنروح لفارس؟؟
داليا : ايوه أنا هقوم البس اهو بسرعه وهننزل
هاجر : ماشي
داليا : هي سلمي صاحيه ولا نايمه؟
هاجر : لا نايمه صحيتها قالتلي مش قادره تنزل
داليا : خلاص سيبيها مش مشكله أنا هلبس اهو
هاجر : ماشي مستنياكي بره
تطلع هاجر وتلبس داليا وينزلوا، ف الطريق
*********
هاجر : صحيح يا ماما، امبارح سمعت صوتك وانتي بتتخانقي مع بابا هو ايه اللي حصل؟؟
داليا : بصي يا جوجو انتي كبيره دلوقتي وتقدري تميزي بين الصح والغلط وانا مش عايزه اكون الام اللي مش مصاحبه بناتها ولازم اقولك اللي بيحصل عشان تكوني فاهمه ومحدش يضحك عليكي… بصي اللي حصل ان جمال…. وتحكي اللي حصل امبارح
داليا : بس كده والمفروض النهارده محمود يطلب جلسه لقضية فارس ويعرض فيها التسجيل ده وفارس يطلع براءه إن شاء الله
هاجر : طب وليه بابا يعمل حاجه زي كده!!
داليا : زي ما قولتلك يا جوجو هو مادي وكلب فلوس وميستاهلش اي حد يعامله كويس، وانا والله مش بقسيكي عليه ده مهما كان بابا بس أنا لولا اني عارفه وشايفه انه مش بيحبكو وميستاهلكوش مش هقولك الكلام ده عنه والله وربنا يعلم
هاجر : يا ماما أنا عارفه والله وعارفه انك بتحبينا وبتخافي علينا من الهوا وعشان كده بتحذريني منو.. يعني كده المفروض بابا يتحبس بعد ما نعرض التسجيل ده ف الجلسه صح؟؟
داليا : ايييوه بالظبط كده بس يارب فارس يطلع براءه ياااارب، رني كده علي دينا يلا قوليلها احنا تحت
هاجر : حاضر…. الو
دينا : ايوه يا حبيبتي وصلتوا؟
هاجر : ايوه يا دودو احنا تحت اهو انزلي يحبيبتي
دينا : ماشي أنا نازله اهو يلا باي
تنزلهم دينا ومعاها مريم
داليا : عامله ايه يا مريومه وانتي عامله ايه يا دينا بقيتي احسن؟؟؟
دينا : محمد ربنا ونشكره يا داليا والله
مريم : وانا الحمدلله كويسه
داليا بفرحه : دايماً ينور عيني… عندي ليكي خبر بمليون جنيه يا دينا
دينا : ايه قولي والنبي فارس هيطلع صح؟؟؟؟؟
داليا : ايوه صححح افرحيييييي
دينا : الله يا داليا انتي بتهزري ولا ايه والنبي هيطلع بجد؟؟؟؟؟؟
داليا : لا والله ما بهزر بإذن الله هيطلع عشان عندي الدليل اللي يطلعه براءه
دينا بفرحه ودموعها تنزل : ياما انت كريم ياربببب، طب ايه هو الدليل طيب قوليلي
داليا : لالا هقولك لما نروح عشان كمان محمود زمانه وصل هنقابله وهقولك كل حاجه هناك
دينا : يارب يطلع يااااارب
داليا : متقلقيش انتي مش واثقه فيا ولا ايييه
دينا : لالا واثقه فيكي والله… ربنا يطلعك بالسلامه يروح قلبي ويفك ضيقتك يارب
**********
يتحركوا ويوصلوا ع القسم ويقابلوا المحامي
داليا : ايه يا استاذ محمود هندخل بقا ولا زي امبارح؟؟؟
محمود : لالا هندخل تعالو ورايا
يدخل محمود ع الزياره ووراه الباقي
دينا بعياط وهي بتحضن فارس : فارس يحبيب امك وحشتني اوي اوي يحبيبي انت كويس عملو فيك حاجه
فارس : متقلقيش يا أمي أنا كويس الحمدلله وانتي والله وحشاني اوي اوي اوي
مريم تحضنه : وحشتني اوي يا فارس انت كويس طمني عليك
فارس يبوسها : أنا كويس يا مريومه انتي اللي وحشتيني خالص والله
هاجر : طمني عليك يا فارس الدنيا ماشيه ازاي معاك هنا؟؟؟؟؟ والله قلقت عليك وجيت امبارح تتحاسبن علي العسكري يدخلني وقالي لا مفيش دخول غير للزياره بكره الصبح… حقك عليا اني معرفتش ادخلك بس والله حاولت واسأل امي وامك
فارس : ولا يهمك يا يجوجو الموضوع صعب علينا كلنا والله بس الحمدلله ادينا مستنيين فرج ربنا
داليا : خليك قدها بقا يا فروسه عشان عندي ليك خبر ناااااار
فارس : ايه يا داليا قولي الخبر في ايه عرفتو مين اللي عمل فيا كده؟؟؟؟؟
داليا : بص هحكيلك انت ودينا عشان قولتلها هقولك لما نوصل بص امبارح…. وتحكي
فارس : يبن الكلب يا جمال بقا يعمل فيا أنا كده وكل ده عشان ايه عشان الفلوس
دينا : انتي بتتكلمي بجد يا داليا يعني جمال هو اللي عمل وخطط لكل ده؟!!!!
داليا : اه والله يا دينا دي ما بقولك كده استني هسمعك
تطلع التليفون وتسمعهم التسجيل……
دينا : حسبي الله ونعم الوكيل فيه والله ربنا يوريه اللي فيا
داليا : يارب بجد، أنا امبارح حاولت اجرجره ف الكلام عشان من ساعت الموضوع بتاع الكمين ده وانا اصلاً شاكه فيه وهو اول واحد قولت ممكن يعمل كده عشان الفلوس وكمان أنا عارفه جمال من زمان يعني عارفه كل تصرفاته وامتى ممكن يعمل ايه
دينا : ابن الكلب ده ربنا ينتقم منو
داليا : و اه صح ده كمان كان في شات كده بينه وبين واحد مسجله احمد المزور دخلت الشات خدت اسكرين وبعته لنفسي بصي اهو
تديها التليفون وتشوف الاسكرينات هي وفارس
فارس : طب و ده بقا اكيد يتحبس ويطلع عين امه كمان صح؟؟
داليا : اه طبعاً وبإذن الله استاذ محمود يطلعك براءه بكل الادله دي
فارس : ربنا يخليكي ليا يا داليا والله ما عارف اقولك ايه علي وقفتك جمبي دي
داليا : فارس عيب كده متقولش الكلام ده.. ده انت ابني يا فارس أنا اللي مربياك يعني انت زي ولادي بالظبط والله
دينا : أنا كمان متشكره ليكي اوي يا داليا والله علي اللي بتعمليه معانا ده ربنا يكرمك ويسترها عليكي يارب
داليا : قولتلك انتي اختي وهو ابني متقولوش الكلام ده تاني والله بزعل بجد احنا مش غُرب علي بعض احنا عيله وعمري ما اشوفكوا ف ازمه واسيبكوا ابداً
محمود : طيب أنا اسف اني بقطع الحديث ده، بس هقوم أشوف موضوع الجلسه ده عشان نظهر الدليل علي جمال ونطلع فارس
يقوم محمود ويرجع
داليا : هااا يا متر عملت ايه طمني؟؟؟؟؟؟
محمود : أنا قدمت طلب تعجيل في قلم الكتاب والتسجيل هقدمه للنيابه، والنيابه لو اقتنعت بيه هتأمر بعرضه علي القاضي والقاضي المفروض يحدد جلسه كمان يومين تلاته بالكتير اوي
**تيجي رساله لداليا**
الرقم : أنا هقولك علي كل حاجه بس والنبي ما تجيبي سيرتي……
