رواية جثة التلاجة الفصل الثالث بقلم محمود الأمين
المفاجأة اللي كانت في انتظاري إن الريحة مش جاية من شقة طليقة سيد، مدام إيمان سليمان.. ورغم إن هي نفس العمارة اللي ساكنة فيها، إلا إن الريحة الوحشة دي جاية من شقة جارتها سماح.
واللي عرفته من الجيران إن سماح دي كانت ست مش سهلة، وبتحب تتدخل في حاجات مالهاش فيها.. وكذا مرة يمسكوها وهي بتتصنت على الجيران.
المهم إن الريحة اللي كانت موجودة كانت بشعة لأقصى حد، وده اللي خلاني أتكلم مع الظابط اللي واقف، واللي كان من قسم شرطة شبرا، على إننا نكسر الباب ونشوف إيه اللي جوه.
وفعلًا، بمجرد ما اتكسر الباب، الريحة زادت بشكل مبالغ فيه.. لدرجة إن الناس كلها جريت من قدام الباب، أما إحنا فخرجنا مناديل بسرعة وحطيناها على مناخيرنا عشان نمنع الريحة دي.
واللي اكتشفناه إن الست دي ميته من فترة، الجث. مان كان وصل لمرحلة التعفن، وده معناه إنه تقريبًا مر على وف. اة الست دي أسبوع أو أكتر.
ولما سألنا الجيران، أكدوا المعلومة إنهم فعلًا مشافوش الست دي من أسبوع، وكانوا متعودين يشوفوها كل يوم، بس عشان هي ست مش كويسة، فالناس لما اختفت ماحدش لاحظ اختفائها.
بس اللي لاحظته إني وأنا واقف وسط الناس، إن إيمان وعيالها ماخرجوش من الشقة عشان يشوفوا في إيه، رغم إنها الشقة اللي قبالها على طول.. معقول هي في حالها للدرجة دي ومش بتحب تتدخل في أمور ماتخصهاش؟
طبعًا وصل فريق من الطب الشرعي والمعمل الجنائي لفحص الجث. مان ومسرح الجري. مة، أما أنا فتقدمت وخبطت على شقة مدام إيمان، وانتظرت شوية لحد ما فعلًا الباب اتفتح.
وواضح إن الست إيمان كانت لسه صاحيه من النوم، ولما شافت الشرطة والدوشة اللي حاصلة قدام الشقة، سألت: هو في إيه؟!
فبلغتها باللي حصل في شقة جارتها، وهي كانت فاكرة وقتها إني عاوز آخد أقوالها في م. وت الست دي، ولكن في الحقيقة أنا بلغتها إني مش تابع لقسم شبرا، وإني تابع لقسم المرج وعاوز أتكلم معاها ضروري.
الست سمحت ليا بالدخول، وطلبت مني أقعد، وقدمت كمان واجب الضيافة، وبدأت أتكلم معاها.
_ مدام إيمان، حضرتك عندك علم إن طليقك سيد اتق. تل في شقته؟!
= أيوه.. أهلي بلغوني بكده، ربنا يرحمه ويسامحه.
_ طيب، أنا كنت عاوز منك شوية معلومات، يعني يمكن تساعدينا شوية عشان نقدر نوصل للي ارتكب الجري. مة، خصوصًا إن اللي عمل كده خلص كمان على أخته نعيمة، وإحنا دلوقتي بنحقق عشان نوصل للي ارتكب الجري. مة.
= حضرتك عاوز إيه بالظبط؟ ممكن تسألني وأنا لو عندي علم هجاوب حضرتك على طول.
_ عاوز أعرف سبب الطلاق.. وعيشتك كانت مع سيد عاملة إزاي؟!.. وعلاقته بأخواته، وهل سبق قبل كده إن المشاكل اللي ما بين إخواته كبرت، مثلًا لدرجة التهديد؟
= طيب حضرتك، أنا هجاوب على حاجة حاجة.. أول حاجة، العيشة مع سيد كانت صعبة. أنا بنت على ولدين، وأهلي كانت ظروفهم صعبة وعلى قدهم، وكانوا عاوزين يخلصوا من همي، ومع أول عريس يتقدم، واللي كان سيد، وافقوا عليه.
وأنا وقتها كنت صغيرة وفرحانة إن في عريس اتقدملي، ولكن بعد الجواز اكتشفت إنه سيد إنسان عصبي وبخيل ومش عاوز يصرف عليا، وكان بيخليني أنزل أشتغل وياخد مني الفلوس عشان يشتري بيها مخد. رات ويشربها.
استحملت كتير إهانة ومذلة، ولما لجأت لأهلي مفيش حد وقف في ضهري.. وعشان كده قررت أتطلق منه.
أما بالنسبة لإخواته، فكل اللي أعرفه إن سيد كان واكل عليهم فلوس في موضوع بيت الأقصر، ووصلت في مرة إن سعيد هدده إنه لو ماخدش حقه هيخل. ص عليه.
= دي كل حاجة تعرفيها؟
_ آه يا باشا، دي كل حاجة أعرفها عن الموضوع.
= تمام يا مدام إيمان، بس خلي بالك إن أنا ممكن نستدعيكي في أي وقت عشان نستكمل التحقيق.
...
وبعد ما خلصت كلام مع مدام إيمان، خرجت من الشقة ورجعت تاني لدكتور الطب الشرعي ورجاله المعمل الجنائي، وساعتها دكتور الطب الشرعي قال:
_ الوف. اة حدثت بسبب انقطاع النفس. في حد كتم نفس المجني عليها، وده باين من القماشة اللي مرمية جنب السرير، ولكن الغريب إنه لا يوجد أي آثار مقاومة على الجث. مان.
نفس الكلام اللي اتقال على جث. مان نعيمة بيتقال دلوقتي على جث. مان سماح.. هل ده معناه إن الق. اتل واحد؟!
بعد ما الرجالة خلصت شغلها، رجعت تاني على المكتب في قسم المرج، وساعتها جبت سعيد من الحجز عشان أتكلم معاه.
_ سعيد.. أنا اتكلمت مع طليقة أخوك، وعرفت منها إنك هددته بالق. تل لو مرجعلكش حقك، وفي نفس الوقت إحنا لقينا مبلغ مالي كبير في بيتك، وانت اختلافك أصلًا مع أخوك كان على الفلوس.
فالسيناريو بيقول إيه بقى يا عم سعيد؟.. إنك إنت اللي ق. تلت سيد أخوك بالشكل الصعب ده، وطبعًا ده كان بمساعدة نعيمة أختك، وبعد ما خلصتوا على الراجل واتشال في التلاجة، نضفتوا الشقة كويس أوي، ويمكن زيادة عن المعتاد، ورجعتوا على بيتكم من تاني.
وبعدها جيتوا على القسم وعملتوا المحضر بالتغيب على أساس إنه مش موجود، وكده ولما تم اكتشاف الجري. مة، التحريات أثبتت إنكم كنتوا على خلاف معاه.
وبعدها سبحان الله تحصل صدفة غريبة، وأختك تموت أو بمعنى أصح تتق. تل، ونلاقي في أوضتك مبلغ مالي كبير، كنت بتدعي إنك مديون لطوب الأرض.. فالسيناريو برده بيقول إيه؟ إنك إنت اللي ق. تلتها لما اختلفتوا على تقسيم الفلوس، والقسمة بدل ما تكون على اتنين، بقت على واحد.
= حضرتك الكلام ده والله ما حصل.. وبعدين أنا ماكنتش موجود أصلًا في الشقة لما اتق. تلت.
_ آه، ما إنت رجعت وإنت لابس نقاب عشان تقول إن في ست غريبة طلعت البيت وكده، وفي الحقيقة إنك إنت اللي طلعت وخلصت عليها، وبعدها نزلت من الشقة وروحت غيرت النقاب ده، ورجعت تاني لشخصيتك ورجعت على المنطقة عشان تتفاجئ بالخبر.. تخيل الق. اتل بيتفاجئ بجري. مته.
...
سعيد كان بينكر كل الكلام اللي بيتقال، وأنكر موضوع النقاب ده كمان، وقال إنه مستحيل يعمل كده لحد ما بيظهر تقرير الطب الشرعي، سواء في الجري. مة الأولى اللي بتخص سيد أو في الجري. مة التانية اللي بتخص نعيمة.
والتقريرين أكدوا على نفس المعلومة، إن سيد ونعيمة كانوا واخدين مخد. ر مخليهم مش في وعيهم.
والجري. مة اللي اتق. تل فيها سيد، الطب الشرعي أثبت إن الق. اتل خدره وبعدين قطعه، يعني الموضوع مش جري. مة ق. تل عادية، ده واحد بينتقم وصمم يخلي الجري. مة بالصعوبة دي.
أما الجري. مة اللي اتق. تلت فيها نعيمة، فالق. اتل كتم نفسها، وكانت واخدة مخد. ر، وعشان كده كانت مش في وعيها، بس نوع المخد. ر كان واحد.
وساعتها يدخل عليا الرائد كمال من البحث الجنائي عشان يبلغني بمعلومة مهمة، إن سيد اتقبض عليه قبل كده بسبب الاتجار في مواد مخد. رة، وإن الموضوع كان بلاغ مش مجرد تحري أو اتمسك بالصدفة، ولكن البلاغ كان من مجهول.
بس النقطة اللي ركز عليها الرائد كمال، إن اللي بلغ عن الموضوع أصلًا يبقى أخو مدام إيمان، واسمه صالح.
والمشكلة إنه ساعتها كانوا منفصلين عن بعض، والنقطة دي سببت إن سيد اترفد من شغله، ولكن في التحقيقات سيد طلع من الموضوع براءة.
وهنا ييجي السؤال: اتنين منفصلين عن بعض والحياة انتهت ما بينهم، وهو بيشتغل في مكان وفي حاله.. إيه اللي يخلي أخوها يبلغ عنه بلاغ كيدي زي ده؟
آه، التحريات أثبتت إن سيد كان بيتعاطى مخد. رات، ولكن مش بيتاجر فيها.
...
وبعد حوالي أسبوع، بيظهر تقرير المعمل الجنائي والبصمات في الجري. متين اللي حصلوا في منطقة المرج، وأول ما شوفت التقرير اتصدمت.. وطلعت تليفوني وكلمت النيابة، وبسرعة اتحركنا على منطقة شبرا.
عشان خلاص، إحنا عرفنا مين الق. اتل؟!..
وأول ما وصلنا لشقة مدام إيمان واقتحمنا الشقة، كان في انتظارنا صدمة غير متوقعة..
شكرا لزيارتكم عالم روايات سكيرهوم
