رواية خيط وابرة الفصل الثاني والاربعون 42 بقلم شمس العراقية

مساء الخير أحبتي

نور ...

‏من بعد غيابه أسابيع بعد طلاقنا ‏عرفت حجم غلطي ما أبرر غيابه لكن كان اله سبب ‏والي كسرني وحطمني أخر مشكله بيني وبين أخواتي ‏واستغفالهن وغبائي مشيت ورى أمي بدون ما اسأل منين المصدر

و‏قررت أفض الشراكة ‏وطلبت مساعده من عمي محمود تدخل وفضها بس كالي بس خلصي من البضاعه علمود يفرغ ويعرضه ويأجره حاله حال المحل الثاني

وشلي بهل السالفه صح تعبت هواي يله وگفته ونجح بالأخص الشغل عالكتروني لأقه نجاح بس الظاهر ماكو حظ وياج يا نور گلشي بيوم وليله عكس وتغيرات الموازين ..

‏أفتر بالمحل وأباوع على تعبي شكد انقهرت شكد سهرت شكد حاولت اصعد الحساب والشغل ‏شكد ةهتميت و‏شكد حسيت بطعم نجاحي بس أنغريت حيل بس الاجه الي صحاني على غروري ‏من ارجع لللبيت الكى روحي ابرر أفعاله

‏يجي أبالي وصورته شون نطق كلمه الطلاك تحرك گلبي قبل روحي ‏واخر شي من كال ‏شكد متمني أحضنج وأنهي هالمهزله بالأخير ‏ما فادني لا فلوس ولاشغل

‏مو كلشي فلوس مو كلشي أحنا عدنا فلوس راتب ولأيجارات بس مفتقدين حنيه ..

‏هاي الفلوس يمكن سبيل نجاة لهواي نساء ‏بس ما كانت سبب سعاده لا لينا ولا الي ولا لبنى ‏بالعكس كانت سبب فتنه وفراق ومشاكل‏يمكن هي هاي مشاكل الاغنياء فقرة المحنه بس الطمع عوذه منه ..

دزيتله خبر بخصوص بنين يچي بس كذب أني أريد أحجي وياه أريد أواجهه بس متردده من نفسي كبريائي ما يسمح لي كل شوي برأي ..

كاعده أشتغل وفزيت على صوت يندك باب المحل رفعت رأسي هو باوعلي وصفنت عليه ما توقعت التقي بيك بعد هالسنين وبهذا الحال .

غافر أجييت علمود بنتي ، كالوا دازه عليه خير شتردين؟

سلامتك هو علمود بنتك وبس ، واحجي وأباوعله واترس عيني من عيونه الما تباوعلي ما كدرت أوقام أكثر أنطيته ظهري مسحت دموعي كوني قويه مو وگتها من يروح عود أنهاري وأبجي براحتج .

أني رايح أخلص شغلي وأمرلج الظاهر مشغوله

لا لا ما عندي شيء أنداريت وهو مشى سريع حسيته هو هم تهرب مني ما أعرف أحساسي صح لو خطأ!

.. وقبل لا يوصل الباب باوعلي بنظرات حزينه نفس نظراته القديمه الحنينه بس اني خاليه منهن همست بداخلي لوتعرف شكثر مشتاقتلك جان ركضت حضنتني ولميتني بحضنك..

" ضلينا واحد صافن بوجه الثاني وكل ماضينا صار كدامنا لابينا نمشي للأمام ولا بينا نرجع للخلف ضلينا عالقين وبين الخيط والأبره توجد فتحه ما اظن نعبرها ...

من ‏بعد ما راح أتصلت عليه

غافر ‏الو

نور ‏الو شنو رحت

‏لا بعدني واكف شتردين

‏غافر خلينا نحجي

‏دطلعيلي شويه إذا رايده تحجين

‏اي ياريت وسد الخط رحت أخذت جنطتي وخذت التفاته للمحل باقي بضاغه قليله و‏العامله بقت كاعده وأني طلعت وجو ربيع وحلو ‏لكيته واكف فتحلي الباب صعدت

‏شغل السياره والجكاره بحلكه جان ما يدخن شي قليل ساكت ومتغير كلشي بي حتى نضراته تختلف ..

‏غافر أحجي شرايده مني .

‏غافر السبب الي حاجي لنافع عنه وأنتَ ما إنطيتني مجال أحجيلك وأفهمك

نور ‏سدي الموضوع أني لو ما نافع يلح عليه ويحلفني بروح أبويه ما أفكر أحجي بهيج موضوع وأذا أنتِ مفكرته لعنة ماضي ولاحقتج للحاضر اني أعتبره تفاهه وما أحب أحجي بي وما وحب اسمع منج تبرير هذا مو ذنبج ولا الج دخل وما تمنيت أشوفج تبريرين ما تمنيت أشوف ضعفج هسه

‏خليج قويه مثلما عرفتج‏وأني غلطت بحقج هذا الي دائماً حفظي أني الي تركتج سنه ونص أني الي ما وهتميت ولا حنيت الج ولا لبنتي اني الي كنت أني

‏اني الي غددرت بيج وما سمعت وما تعمقت خليت الشكوك تحفر مثل السوس بدماغي ‏الصوج صوجي

‏وصوج الأكبر لصاحبي أخويه حزام ظهري من أحتفظ بهيج شغلات وخلاج على لسان وحده ما متربيه وتطعن بيج

‏ولا تتوقعين أني أبرر تصرفات أمي واكول هي ما غلطت لا أمي حيل غلطت بحقج وأنت اصيله تحملتي

‏وأحنه الي غلطنا بحقج بس ‏رجعنا وأعتذرنا منچ بس مع الأسف ‏تجاوزتي قللتي أحترام لبستي ثوب مو ثوبج

‏عذرتج تدرين ليش؟ ‏كلت حقها هالشيء مو هين إنهيارها وتراكمات عليها خلقت منها أنسانه عدائيه

‏حتى إهانتج وصوتج العالي تفهمت كلشي منج

‏بس إخير دكه لا هاي ثكيله ما گدرتلها و‏شايفه من دكين بسمار بخشب والخشب يتفطر لان الجاكوج جان ثكيل ‏هيج سوايتج ما أكدر أغفرها الچ

‏يمكن أغفر كلشي تسوينه ‏بس الأ هاي ثكيله نور

‏يحجي واني دموعي تجري أسحها والتفت للجامه إشسويت بروحي بقيت دقايق أبجي وأباوع هالشارع وهو ساكت وجعت ‏باوعتله يسحب بالجكاره ويرجع يعد الثانيه وأنطاني كلنكس

كافي تبجين والبجي ما يرجع شيء أحنه أنتهينا

‏

ما حجيت بس دموعي تعبر عن حالي

‏صدك المحل فارغ شعجب

‏مسحت دموعي حاول يغير الموضوع المهم طلع الي بگلبه .. جاوبته ‏راح اسده واجره لغير ناس نبقي مثل قبل

‏ليش شعجب

‏فكيت الشراكه ورأس مال ما عندي رجعته ل أخواتي بقىٰ بس شيء قليل والأرباح وما تفتح ويراد تعب جبير وفلوس

‏ أنطيج راس مال لأن ‏حرامات تعبتي بي ونجحتي وأول إنجاز الج ليش تتنازلين عنه

هيج أحسن

‏ أنطيج مبلغ هديه وفدوه الج

باوعتله يبتسم أتذكرت من كال فدوه لصماخج

جاوبته و‏منو يروح الكويت علمود البضاعه هنا ماكو شيء يعجبني و‏منو يآمن المعمل والشراكه فضيتها

وياه

‏منو المعجب الشريك قصدچ

‏اي الشريك

‏لا تشيلين هم بس خل احل مشكلة وظيفتي وأتفرغلج بس بلليل أدزلج الفلوس وصي على بضاعه بين ما أرتب وضعي .

‏تمام وأعتبره دين

‏نجبي نور أنتِ ام بنين

تمام .. ‏رجعني للبيت مشغل أغاني تحرك الگلب ‏نزلت ودخلت البيت بعده واكف يتأملني ‏شصار بينا ليش هيج ..

‏ضليت أيام اروح للمحل هو هالفتره أختفى سمعت من لبنى هو ونافع يحاولون يحصلون مقابله ويه الوزير علمود ملف وظيفته حرامات تعبه خطيه ..

‏ضليت حياتي بارده ولينا رجعت يمنا وفرحت بيها وأذكر من نكسرت هي الوحيده أجتني وكفت وياي طلعت أحسن مني تعرف تداري الخواطر وتحترم المشاعري عكسي أني كنت أنانيه وياها ..

.. كاعده دخلت عليه وصفنت بوجهي

لينا ها شلونج أشو كاعده بالغرفة لوحدچ

نور شسوي .. أحسن

تبقين هيج حابسه نفسج وتقهرين بروحج وأنتِ ما الج ذنب

لا الي ذنب والصوج مني أني ما عرفت أمشي حياتي صح من نافع لحد غافر خربطت هواي بحياتي ما لكيت أحد ينصحني گلشي متوفرلي گلشي يتم على طلبي أني تماديت بحياتي لينا ويمكن يكون هذا عقابي على اغلاطي أرتكبتها بالماضي كل ظني اكون من نصيبه وناسيه ممكن يصير شيء يغير كل موازين حياتي تالي صار وأثر على الحاضر وتدمرت ورجعت لنقطة العدم ..

ما عليج من حجيهم بكيفهم يحجون وهو دام يدري بيج مو غلطانه وما الج ذنب ليش يتهرب خو يچي يسألچ

ونافع هم لاتهتمين اله هو لو صدك مقهور عليج ما يحجي هالحجي ويقهرچ ويذب الصوج بيچ وهو خل يسگت الغلط كله منه وغافر لو يدري بنافع يحبج هو الينسحب مو يضحي مثل ما نافع ضحى بحبه علمود صاحبه دسكتي محمله نفسج الذنب وشمدريج عبالج الحبيتي يطلع كفو وصار اللي صار شتكدرين تسوين بعد لاتضلين تقهرين بروحج كومي يله .

هسه أجي .. لينا مشكوره

لا يمعوده شمسويتلچ أنتِ هم نشلع گلبچ منو بينا مرتاح علمود نكعد نلوم ونحاسب والله كريم الحياة كدامنا .. أني رايحه الدكتوره

تمام عيني .. راحت ورجعت فرحانه مصوره بيها ولد

‏اليشوفها فرحانه يكول ما على گلبها هم تدرس وتروح وترجع وياه ‏بس الله يدري شون تنام بليل ..

‏تمشي وتوكع رجلها ثكلانه ‏ضغطها يصعد الابره صارت أثنين وثلاثه وإمتنعت من الحلويات وسكر مشكل خفيف عدها ‏مثل طير المذبوح بس من تشوفهه تحسها تعيش ..

‏واني ما أحس بشيء بين دوامي أروح وارجع بنين صارت تبات يوم ويومين بعد ماجانت ما تنام إلا بحضني هسه عادي ما تفكر بيه و‏ليل نهار يفرفر بيها بالسياره ويشتريلها العاب ‏اليشوفها يكول شارده من سبيستون ..

‏لحد ما يوم طلعت من البيت لگاني بالباب

غافر ‏ها شلونج .. شُنوْ طالعه

‏نور أي أروح أصفي المحل فرغ

‏اي زين تعاي صعدي نحجي

‏صعدت شُنوْ مبدل سيارتك

‏اي هذيج بعتها ورجعت أشتريت ورجعت بعت يلا أستقريت على هاي

‏اي ناصيه أحسن من هذنيج

‏ههههه بس كشخه

‏هاي تفيدني ناصيه

‏ أي تفيدج .. صدك نور ‏راح اروح باجر للكويت تحبين تصاميم شي بالج لو أروح واتفق هناك

ها ‏ليش ما أروح وياك

‏شسوي بيج مأخذج

‏هيج عبالي أني اختار

‏لا أني ذوقي يفوز ويروح ويايه صاحبي

‏تمام والمعمل

‏هو هناك راح وخذ فلوس ادخل سهم بالمعمل يكلفني بس ميخالف تستاهلين .

‏يعني يصممون الشيء الي تريده

‏هسه أني رحت وصار وكفنا عالمصمم كلشي لوكته

‏بس نظفي المحل هاي الستاندات رخيصه وقديمه

‏لا والله جدايدات حتى غاليات

َ ‏لا رخيصات بس أنتِ ونافع ازواج هيج سوالف ما تنشرى بهيج سعر وهيج نوعيه رديئه

‏ ما أعرف بعد

‏ أي بعد شويه توصل الستاندات الجديده شغلج يبقى على الكتروني والمودل من أرجع اتفق وياها تعرض

‏اها

أي و‏تبقين المديره تجين ساعتين تفترين وترجعين

‏تثبيت طلبات وبس

‏ أها ‏اي هذا هو

‏ إذا تردين اختاري وحده ثقه تثبت على الكتروني

‏ ما أعرف الله كريم

‏اي يلا نزلي عندي شغل

‏نزلت باب المحل وطلع هو كلامه شكد بارد وسطحي

‏المهم هذا الي أني ردته ليش زعلانه! لا ‏زعلانه على روحي وقراراتي وتسرعي .. دخلت المحل وأجتني لبنى فرحت بيها هلا بيج عيني

لبنى والله مشتاقتلج أني والبنات كتله نافع ممررنه عليها نشوفها وسمعت تردين تعزلين المحل ‏لج والله حرامات تعبج ينسد هيج شكد حرامات فارغ انطيج الله عليج وأفتحي من جديد ومشروعج نجح ما شاء الله .

‏لا ما يحتاج عيني تسلمين ما تقصرين أدري بيج بس غافر أتكفل بكلشي

‏ أها يعني يفتحه من جديد الچ

‏ أي هيج والله

‏اي زين الحمدلله

تقربت حضننتني وحضنتها وكعدنا حجينا

‏لج والله گلبي ممرود عليج ما ناويه گلبج يلين وترجعون

خلينا هيچ ما أعرف أحس صعبه بعد نرجع وخاصه هو صار يعرف بگلشي الصوج بينا ثلاثتنا واحد ضم عالثاني

لادوخين رأسج بهل الموضوع أكوم أسد المحل ورجعت عليها بنات يلعبن كلشي فارغ ‏كعدت بالكاع مو المحل فارغ

.. بس ‏‏هيج حياتي فارغه ما أعرف شريد ‏ولا أعرف هو شنو يريد

‏التالي خما تضلون هيج

‏لبنى أني ليش هيج حظي ‏لا أبويه بقى سندي ولا نافع الجان مثل خيالي ولا حتى عمامي العشت كل طفولتي بيتهم

‏لبنى اني جنت أروح وارجع واطب الدنيا گلها تضحكلي

‏هسه ماكو كلها إنسدت بوجهي أني ما قدرت نعمتي لو هيه عكست ويايه ...

‏غافر الي جنت أزامط وما أرجعله هسه أتمنى منه نظره

‏اني أفتقر الحنيه ‏ليش اباوع لبعيد ‏ماأكدر ارتبط بغير شخص ‏ولا أكدر أعيش ويه غيره

‏بس يا نور الحياة مو بس رجال

‏ أعرف بس وني ما أكدر حنيته كلامه أهتمامه ضحكته اني احبه ما نسيته يوم كل الي سويته من حركه گلبي ومحبتي اله

‏اني دا أموت عالبطيئ أبجي احس نار تسعر بداخلي

‏ربي عوضني خير اني غلطت وهاي اأتعاقب على كلشي بس برد گلبي ‏حضنتني

الله يبرد كلبج بجاه محمد وال محمد

‏ضلت كاعده يمي ونضفنا المحل وصلت الستاندات هو نزل رتب كلشي و‏ضل واكف وأجه نافع ما سلم عليه

‏وكت .. والصار هيج أحسن حتى لا يخسر صاحبه

‏وجود نافع واني غافر توتر كلشويه يباوعلي سحبت روحي لحد ما راح توقعته راح وياهم أجه مدلي ايده

‏نستله نمبر ون

‏هاي الج

‏شكراً .. أخذتها واني أبتسم و‏هو يهز برأسه ويضحك

‏يلا أودعناچ

الله وياك .. ‏طلع هي نستله ليش ترست روحي ما أنطاني روحه هي نستله و‏خليتها بالجنطه اطلعها اتأملها

‏جان لازمها اشتراها الي ذكرني بيها

‏أضحك ويه روحي عزلت المحل وطلعت شفت سيارته هم وكفت .

‏ ترى نسيتچ والله

‏لا عادي ارجع لوحدي

‏دصعدي لا أطير مخج

تمام ضحكت وصعدت

‏ تردين شيء محتاجة شيء

‏سلامتك ما محتاجه شيء

‏ باجر أسافر أبالج شيء عطر شيء

‏لا سلامتك

‏تمام

أباوعله يدك بإصابعه عالستيرن .. ‏وصلنا نزلت خله ايده وره طلع كارتون نمبر ون إبتسمت ‏ليش كلفت على نفسك

‏هاي الج

بس غمض عيونه أخذتهن وراح من ‏شاف إبتسامتي بدال الوحده كارتون .. ‏شلون أكدر أرجعك بدون ما أذل روحي الك ..

‏

‏رجعت للبيت ‏ليش هيج طفت روحي وصارت أقل التفاصيل تفرحني شفت ‏لينا كاعده تأكل خيار

لينا ‏لج نور الجالي موتني شسوي

‏ أكلي روبة وخضروات ماي دافي

‏لج أكل خيار ما يفيد اريد شيء يبرد معدتي كلشي أشرب عصير تزيد الحموضه

‏ يبووه الله يساعدج من هسه كرع رأسج

‏هههه لا بالعكس شعري ثخنان

‏أي زين

‏شايله كارتونه شسوين بيها

‏غافر أشتراها

‏دنطيني منها بليل أجوع

‏انطيتها تاكل وترجع ليوره مفجوعه .. و‏تعشيت وضليت أتكلب اجت بنين كبل نامت من التعب حضنتها وغفيت باجر جمعه ..

‏يومين مرت ‏أشتاقله لصوته أتصاله لكلشي يعود اله

‏وأمي كالت نروح لخالتج تعبانه وغافر رايح ماكو مسافر

‏وأني ما كتلها سافر للكويت ولا حجيت بموضوع المحل

و‏رحنا العصر دخلت البيت وگلبي انعصر الحوش المطبخ كل التفاصيل أجت كبالي وشفت ‏بنيه مرتبه بس شكلها جبير هي تعتني وتدير بالها على خالتي وتهتم بالبيت و‏كلشي نظيف وريحته طيبه ..

‏جانت نايمه ضلينا كاعدين

سميعه نروح عود بليل نجيها خطيه

نور گيفچ ماما .. ‏حالها يبجي بعدها تعبانه و‏طلعنا بعدني بالصاله وهو دخل بيده جنطته وأبتسملي

‏غافر ها اليوم يمنا هلا بيكم

نور ‏هلا بيك الحمدالله عالسلامه

‏الله يسلمج يابه

‏

يحجي وأمي تحجي وياه وتسآله على خالتي وأنطاني الجنطه مالته

كلاص ماي نور

‏ أخذت الجنطه ورحت جبتله ماي كعد يشرب

‏بس بلا أمر عليج خليها بالغرفه

‏ليش مو وصخات

‏لا خليهن اني اخلص شغل واغسلهن

‏خليتهن باب الغرفه ما كدرت افتحها يباوعلي بطارف عينه و‏حس بيه ما أكدر افتحها..

عاد ‏سلمنا عليه وطلعنا طلع ويانه عبالك أحسه متعمد يطخني بإيده و‏بنين تفتر تستكشف أخذها من الكاع انطانياها ‏وهو ينطيناها لزم كتفي مسح على كتفي أباوعلك وبداخلي أتمناك من عزه بعينج نور ثكلي مبين هو مستوي بس ما يبين عود ثكيل وكذا .. ‏طلعنا واني مدخنه من الخجل

‏سميعه لج شفتي لو ما شويه الا يجلب بيج

‏نور عزه ماما شيجلب

‏ دأصبري جم يوم يجيج ماشفتي عيونه رادت تطلع من شافج

‏الله كريم

‏الله يفرحج يا أمي ويرجعلج وأفرح بيكم.

و‏رجعنا لللبيت سوينا عشا وامي كالت

دخابري ادزله عشه هاي ما تعرف تطبخ وهو خطيه كله مطاعم خل يجي يتعشى يمنا

‏ أنتِ خابري ماما

‏ أي أني أخابره شلي على منيتج

مسوين كص دجاج لفات صاج و‏طلعت كبه هم كليت

و‏كبستهن اندك الباب باوعت لروحي تراك ربيعي ‏شعري كبه ومكنفش وخذت الشال ‏وطلعت فتحته وأول ما شافني يباوع من فوك ليجوه عيونه فاضحته ويرفع حواجبه

غافر ها وين عشاي

نور ‏ضحكت ها أي موجود أتفضل

غافر ‏اي ليش لا نتفضل .

‏دخل اني أمشي هو يسد الباب وأ‏ني اريد افتح باب الاستقبال وهو ركزت عليه يفر برأسه ويتلفت بعدنا بالطرمه هستوني أريد أمشي بالغلط طخت أيدي بإيده گبل سحبني ‏غافر غافر شبيك غافر

أش صوتج فضحتينا

‏يسحبني عليه ‏وگف كلبي و‏التقارب البينا فضيع

‏شتسوي .

‏شمسوي أني

‏بعدت إيديه المحاوطتني ‏ولزمني اقوى

‏منين الزمج أحير متت ترى

‏جسمي كله يرجف بقربه و‏خله ايده وأحتضن وجهي والايد الثانيه محتضن بيها خصري وأخذ شفايفي بوسه طويله يروي عطش السنه ونص و‏بادلته برغبه وأحضنه من ركبته و‏لكيت نفسي اشتم بعطره وأيديه متمسكه بي بكل طاقتي

و‏فجآه توقف كلشي صحينا على نفسنا ‏هو يضحك ويعض بشفته واني فد موقف يخزززي وسخيف يبووه

‏عافني بدون ما يحجي ومشيت عصبيه و‏رفعت رأسي وتفلت حتى تفله ترجع عليه كبر يلفج شكد نفسي فارغه ودنيه أني ضعيفه ‏كبور تلفج ينور والحرام أمداني شگد خزي ..

‏طلعت وراه بس شُنو تعصبت من نفسي شون ذلتني كدامه وضعفت وأنطيته العشا بس شنو دخنت ومن طلع ورد رجع أريد اسد الباب

غافر ترة هاي لحظه إحتياج اثنينا ضعفنا وأنتِ بعدج حلالي .

نور ‏رفعتله حواجبي وأباوعله بطرف عين

‏مو افكسهن لعيونج لا تباعيلي هيج

‏ أي واضح يلا

‏ مو أرجعلج والله

‏ أي يلا سديت الباب وشگد قهرني يگولي لحظه أحتياج يعني مرايدني أني أعلمك غافر ..

‏ثاني يوم خابرني التسعه و‏جنت بدوام جاوبته هلاو

‏غافر هلاوات يابه وين أنتِ مريت البيت دكيت الباب ماكو أحد

نور بالدوام أني

زين شوكت تخلصين

‏فد ساعتين بعد محاضرتين تقريباً اذا ما أجلها ل١٢ونص

‏ أها أنتظرج نشوف البضاعه وصلت

‏ أها جيد جداً

‏اي راح أجيج انتظرج

‏تمام .. ‏دخلت محاضره وحده تأجلت على باجر لغاها لان يومين بالاسبوع بس .. ‏اتصلت عليه

‏ها كملتي

‏اي كملت راح اطلع

‏ديلا إنتظرج بالبوابه ‏أني

تمام طلعت ودگلي هورن و‏صعدت بالسياره

‏ما حجيت وياه .

‏شبيج مبوزه

‏ماكو شيء

شُنوْ بعدج مسطوره

‏باوعتله صفح ما عاجبني كلامه يستفزني

‏ الله شون لحظات حلوه من العمر

‏ولا حجيت يستفزني وصلنا المحل ‏البضاعه شكد تارس المحل گبل ‏سد المحل وشغل الاضويه والبنگات وبلشنا وأفتح واعلك أيدي انهلكت هو هم يصفط بالستاندات

‏ذوقه صدك يفوز يا اني يا نافع يعني القطع صدك تجنن ..

‏رتبنا كلشي هو كعد بالكاع موصي على غده توصيل

‏وصاحلي اكل كعدت كباله اتغده وهو ‏ياكل ويبتسم

‏خليني أكل غافر

‏ أك يابه من لازمج

مو أنت بس تباوع

أي يلا اني خلصت

‏كمل وكام وأني هم كملت اخذت الجنطه رتبت المحل عالسريع العصر ارجعله و‏قبل لا يفتح الباب شون فرصه تجي للحلك وما يفوتها أخذني من خصري وأحتضني

‏خنزرت بوجهه گبل باسني من وجهي من عيوني خدودي وخشمي وسحب الحجاب من ركبتي .

‏نور نور اني چاي اموت بلياج ما أكدر

‏

أخذ شفتي بوسه خفيفه ما كدر يسيطر على روحه حضني بكل قوته يشفي نار الإشتياق.

‏نور أي مابيه أتحمل مو حجر ترجعيلي .

‏سحبت روحي منه وبقيت ساكته وهز راسه

‏وطلعت وراه عالمره دخن حتى الباب ركعه بكل قوته ولما وصلنا هو ساكت ‏للعصر حتى ما طلعت ولا هو خابر ولليل هو مختفي ‏مابيه نمت من وكت

‏كعدت بالخمسه ونص و‏فتحت موبايلي أتصفح شبعانه نوم رحت صليت ورجعت لكيته مراسل .

غافر ‏كاعده أي نوم الظالم عباده

‏شبيك من الصبح

شبيه تسألين شبيه

غافر شگو

نور أني بالدوام من أجي من الدوام اجيب الشيخ ونعقد ولو هو طلاكنا باطل سألت الشيخ ‏بس أجدد العقد ميفيدني الحجي

‏

أممم

‏ ووجع أحجي

‏شحجي قابل دتكول أجيب الشيخ اخذت رأيي

‏ ما تريدني نور كولليلي مو عشيرتي أشتعلت بالقرأن

أنتِ ما تحبيني مثلما أني اكن الج مشاعر بگلبي

‏هذا هو كيفك

ب ثمانيه هيج أجي

‏ وأني اروح لدوام عندي إمتحان ومحاضره ب١١هيج أطلع

‏تمام أجيج بس أروح البيت أسبح وأبدل ..

‏

أنتظرك

‏فدوه لصوتج سديت الخط خجلانه وفرحانه وحت كشخت وسويت ريوك وأجواء صباحيه وكهوه ستوري نزلت . ‏ردلي

‏غافر أخر يوم بيت إبوج مو بإحضاني

نور ‏ضحكت وساعه كاعده اقرأ اذكار الصباح وأندك الباب طلعت ‏اخذ الجنطه وفتح الباب و‏بس يبتسم دوخني هاي صفه جديده طلعت عنده ‏وصلنا الجامعه

‏نزلت ..

‏غافر راح نتظرج هنا أصف السياره وانام بيها من تكملين بلغيني

‏نور ليش ما ترجع

‏گلبي ما يخليني أرجع وأنتِ مو وياي

أبتسمت .. ‏تمام براحتك ‏رحت ما أعرف شون أمتحنت شون الوكت يركض بسرعه وطلعت لكيته منتظرني وصلني وكظى الطريق بس يباوع ويبتسم و‏من رجعنا للبيت الشيخ ينتظر ونافع وناجح موجودين وأي ودت الجاي رجعه

نافع ‏نريد ببسي كيك عصير شُنوو عدنا فاتحه تضحكون علينا

نور ‏راح غافر جاب واجه وماما قدمتلهم ورحت ‏حضرت كل جنطتي وأغراضي وكل شيء يخصني و‏عقدنا وتم كلشي متوتره وفرحانه وهو أخذ الجنط واخذ بنين وراح

‏ماما شو هيج وأني

‏سميعه ما أدري والله مبين طلع عصبي

‏نور عزه شبي انكلب هستوه راد يطير بيه رجعت أتصل بيه ما يجاوب وأحتركت حرك ‏للعصر هم ماكو خبر وأمي راخت كالت تعزل وترتب الملابس وهم تسأل ليش ما أخذني خاف نساني عزه لعد المن عقد خاف جنيتي راحت وياه .

‏ضليت الطخها منا اجيبها منا دخت اجت أمي

سميعه يگولي ‏شعايزها بيت أبوها كاعده

‏نور هذا ديسوي حقاره بيه .. و‏اتعشو ضليت أني مزوهره لحد ما اندك الباب وطلع ميثم غافر ونافع وناجح وخالي مشعان عمي محمود وعمي قادر وخالي منعم وحبوبه وخالتي لميعه وعماته أربعتهن وخالتي صبيحه والاستقبال قبط ‏جايب وياه الضيافه ..

‏وأمي نخبصت لان صدمنا كلها جايه وأخر شيء حربي

‏طلعتله لينا ما أعرف شجايبلها وأسمعهم يتهامسون بينهم

‏

لينا ‏عبالي ما تجي

‏حربي لا أجي بس هي نور ما تستاهل قبيحه بس غافر خوش غافر

لينا ‏ههههه لا تسمعك

‏حربي وإذا سمعت خايف منها مثلاً

نور ‏عوذه منكم دخلت هي تضحك وهو مخنزر بوجهي

‏خنزرت بوجهه

حربي ‏لج عيونج أفگسهن لاهيج تباوعين

‏نور أذا كدرت ميخالف

‏شكد صلفه

‏ميخالف شكو جاي ترجعني

‏مو صوجج صوج غافر

‏اي هذا هو

‏وجع لها وجهه

‏ ما جاوبته بس ضحك وهو يبتسم خبيث لأن أخر فتره ثكلت وجهي بوجهه هاي أول مره يطيح ميانه وياي ويحجي بهل الأسلوب ..

‏ودزوا عليه ‏ويحجون وياي وأني ماخليت بالي شيحجون من كدما فرحانه شلون رجع قيمتي واجه هو وأهله وخوالي وأهلي وكدامهم ‏عكسي أني ردت بس أرجع بس هو شلون يفكر فدوه لعقله ..

‏

‏خلصوا وكاموا راحوا وحبوبه وكفت تحجي وياه على صفحه وهو يباوعلي ومبتسم ويهز برأسه وطبطت على أكتافه وخالتي صبيحه هم راحت وياهم ضل بس هو واكف ولينا بالطرمه واكفه وحربي ضحك وحجه

حربي گلها رجعت بس حظي ..

نور باوعتله لگيته صافن عليه ونظراته أكلتني عفته

و‏رحت بدلت گلت هاي العايزه هم ما يأخذني وهو طلع بالباب وودعت أهلي حربي بعد واكف على صفحه يجر جگاير ما رايح بعده ..

طلعت ‏باب الحوش ينتظر و‏فتحلي الباب

غافر ‏يلا ست قصرت بشيء غلطان وأعتذرت وهسه وبيتج ينتظرچ وأني وگلبي مشعولين شعل من وراج

نور وصلنا البيت ودخلت غرفتي نفسها ريحتها نفس ترتيبها بعدني واكفه ومتوتره وأجه فزيت بنرة صوته!

غافر رجعتج مو لخاطر عيونج

‏نور باوعتله ملامحه جديه ‏مو مالت شقه ..عفواً أنت شتحجي

السمعتي وحتى تعرفين هذا گلبي من زمان ميت

شلون يعني والبارحه ولهفتك وكلشي جان خدعه منك ما أصدك غافر يطلع منك هالشيء تمثيل تضحك على مشاعري!

‏حتى تعرفين بيدي أصعدج وبيدي انزلج ولأن مقرر من زمان أرجعج ميمشي كبريائج يمي

شلون يعني

‏يعني ردت أعرف شيطلع منج وللأسف شيء يخجل

‏لا تخبلني غافر

ليش أخبلج عيني ما عاتبتج ردت كلشي عالمكشوف

‏ غافر لاتلعب بإعصابي

‏ هاي مو لعبتي هاي لعبتج واللعبه أنتِ شاطره بيها

‏رجعني يلا رجعني

‏مو العب أني يلا ميخالف شتكولين للجاهه الجبته اني قليله أدب وأحترام تضحكين عليهم

غافر رجعني

سويلي عشه وبله لغوه يلا

‏شكد غبيه مشيت وره مشاعري من خرب بعقلي شجنت أحس وكل عقلي هذا غافر رجعلي أمداني

مشيت والدمعه بعيني مثل الماعون اليتكسر وما تكدر تلمه تخاف تنجرح أني هيج اخاف اشغل تفكيري حتى لا إنقهر

‏هو راح للغرفه يبدل وأني افتر بالبيت و‏نزعت عبايتي

‏جنت لابسه دشداشه فانيل ربيعيه بنفسجيه وذبيت الشال ‏باوعت بالمرايه غسلت وجهي رحت فتحت الثلاجه كلشي بيها ‏شسوي ‏عفتها رحت لغرفه خالتي تقربت عليها نايمه وشگلها تعبانه كسرت گلبي غطيتها وبستها ورجعت كلش انقهرت على حالها

.. وكفت باب الغرفه هو متمدد بالسرير يتصفح بالجهاز أي ‏شتريد اسويلك عشه .

‏غافر أكو تگه تبلتلها أشويها بلا زحمه اذا ماكو تكلفه

نور تمام أكولك ‏بنين ضلت يم أمي كالت تبات يمها

‏وليش تبات شنو النيه

‏ماكو شيء تكدر تروح تجيبها

‏لا خليها مالي خلك نعسان أريد انام إستعجلي بالعشه بلا زحمه

‏رحت بس شنو كلمه زايده أنفجر بي بلشت اشوي واسوي زلاطه خبطت عصير ‏كملته وديته اله .

‏تعاي اتعشي

‏ ما أريد

‏لا يفوتج والله ريحته طيبه

‏كتلك ما أريد لا تلح

فدوه للعصبي دتعاي لتسوينه سم تعاي

‏رفعت عيوني هو يضحك إبتسمت ورحت أكل وياه

‏شيء طبيعي وأحس بي مقلب ماكو دليل گملنا وأ‏خذت المواعين غسلتهن وهو ‏يصيح

جاي جاي وين صرتي

أخذته ورحت اتفضل عيني

‏زاد فضلج مدام

هذا شلون يحجي رسمي أنگلب مدير عام مو غافر

عفته و‏رحت سبحت وطلعت أنشف بشعري و‏دخلت الغرفه هو مظلمها ونايم ولاف رأسه عشتوا كاتله روحي عليك فتحت الضوه وشغلت السشوار وأنشف ضهري اتبلل نزعت الفانيله ضليت بالكيمونه بس بردت خليت المنشفه وبين ما أنشف اروح البس غيره و‏كملت خليت مرطب ورشيت عطورات ومسكات و‏هو متلفلف بالبطانيه و‏رحت بدلت ونايم هو هسه أيقنت هذا مو مقلب هاي حقيقته و‏بلشت تطلع

‏خابت أمالب ولهفتي تجاهه كلها طفت ‏تمددت بالكاع نمت وتغطيت بالبطانيه ‏حتى ما حس عليه نايم

‏لحد الصبح وهو حتى ما تحرك تعبان من الخفاره والنهار مالحك ينام حاير يرجعني و‏ليش أبررله هو حقير أستغل مشاعري

‏كعدت غسلت وصليت هي فايته الصلاه بس شسوي ما حسيت و‏هو مصلي ونايم بالكاع لان جايب جاي مسوي وگمت ‏رحت سويت ريوك كعدته ‏قافل حتى ما يباوعلي ‏غسل وأجه ينشف

غافر البارحه ليش ما كعدتيني

‏نور غير أنت نمت شسويلك

‏ليش ما كعدتيني من طلعتي من المهجوم الحمام

‏ ما أدري كلت نعسان .

‏وشعليج بيه كعديني

‏وشصار قابل ما كعدتك ‏لأتسويلك عركه

‏صبيلي سم

‏ ترى أسمه چاي مو سم

‏ أي وشعليج أنتِ

‏اووو دخت صبيت هو تريك وراح واني ضليت افتر وأمي جابت بنين واني افتر بالبيت غسلت ملابس سويت ترتيب للبيت سويت غده

‏المره الي جايبها لخالتي هي تسوي اكل الها ومهتمه بيها بكلشي يخصها

‏رحت يمها سولفنه شويه وكالت اطلع اتشمس طلعتها ساعه ودخلنا للظهر هو اجه نفس روتين اتغدة وطلع ما رجع غير لليل و‏جايب عشه وياه و‏تعشينا أخذ بنين وهم طلع

‏هاي شنو حتى المحل ما كالي روحي بس أثبت طلبات وارسلهن ل رهف هذا شبي تسودن ل ١١ يله أجه وبنين نايمه .. ‏وين جنتوا

‏يم نافع تعبت من گدما لعبت ويه تكاتها

أي هههه حيل تحبهن

‏ عبالك توم سبحان الله نفس الخباثه بس هاي رانيه شكد عرمه سبحان الله تذكرني فد وحده عرمه ولوتيه

‏هزيت رأسي عرفت يقصدني ‏خليتها بفراشها .. تريد أفرشلك بالكاع بالجربايه تنام .

‏كيفج لا على الجربايه .. وأنتِ ليش تنامين بالكاع

‏

أرتاح

ها ترتاحين هم كيفچ

‏بروده ذبحني وشكد أناني فرشت أسناني ورجعت تلگاني بالباب واكف و‏لازم يده الباب دخلت لزمني

‏حصرني عالحايط و‏بعدته بإيديه ‏وخر هسه عرفت نور ما وخر

أ‏نجبي أريدج أريدج بس ما بيه گلبي أبن السطعش گلب محترك عليچ

‏مقيد أيديه ويحتضني وأني أبجي وأبعد بي و‏تحرك گلبي هيج يهون عليك

‏نور گلبي يوجعني منج وعليج

‏يحاول يحتضني واني رافضه وقافله عوفني غافر

‏لج بس أنطيني مجال نتفاهم

‏ ما ما عوفني غافر عوفني ‏قيدني وحضني

‏وأرتخت أيديه وهو ركبتي انفاسه صارت بيها لأ أرادياً أحتضنته وضل حاضني بكل قوته وأني هم هيج حضن نزيل كل تعب الفراك العشناه متمسكه بي بكل قوتي وهو كذلك ومخلي رأسه برگبتي يبوس ويشم بيها

‏يلزم وجهي بين أيديه وصفن بعيوني بعدها تقرب

‏أخذ شفتي بجوله طويله إنكطع حتى نفسي وأيديه تاخذ فره على ظهري وخصري ..

‏لا أرداياً صرت ﭢسحبه لروحي وايديه تشابك بشعره ناهيك عن شعور الرغبه أني داموت .

‏مو أكثر مني والله اكلج هسه ما يبرد گلبي

‏تغلفت لهفتنا بحب وهي روحي تزهر بإحضانه

‏بريحته بلمساته بإنفاسه بكلامه بعصبيته بگلشي يخصه ..

‏نمت بحضنه مخليني على صدره وحاضني بكل ما يملك طاقه يشتم بشعري ويبوس بخدي

‏هذا مكانج لا تحلمين بإحلامج بعد تزعلين

‏ أبداً ما أزعل گلبي يوجعني من دونك

‏ فدوه لطولچ شگد أحبچ ..

‏

وأني أحبك كلش هوايه غمرني بحنانه وأخيراً أرتاحينا من بعد معاناة وتعب وفراك وأذيه حسبي الله عليچ نورس من فرگتينا ولوعتينا ..

مرت فتره وعايشين مثل أول أيام زواجنا مرتاحه بيتي ويه خالتي مو مثل قبل فقيره بس تكعد يمي من أطبخ الغده وبنين بحضنها وهالفتره الحمدلله اشوف وضعها احسن وسلمى هي قايمة بكل شغلها ملابسها غرفتها گلشي يخصها ..

وغافر من رجع الوظيفته بس عالخفارات هو ما يحبها متعلم على الصباحي ومكتب وسبحان الله نافع جان خفارات صار صباحي ومكتب وحياتنا حلوه أروح لأهلي ويجوني بس بيت لبنى لا ما أروح أبداً تجنبت أشوفه وهيج أحسن لطرفين حتى عالمواقع والبرامج لكيته لاغي المتابعه وهذا الأفضل ...

والمحل هو تكفل بي ومرات يأخذني وياه العصريات وشغلي على الكتروني والف الحمدلله تطور وتحسن وگلشي نوزعه بالتساوي ..

وحياتي بين عائلتي وبيتي ودوامي ومحلي وأهلي وأخواتي لكيت نفسي مستقره نفسياً الف الحمدلله

________________________

لينا رجعت للبيت أبويه عالرغم اللي صار بس يبقون أهلي ميخالف تصير هالأمور بس حزت بداخلي ليش أستغلت عاطفتنا لصالحها الله يسامحج يا خاله ..

مرت الايام وعايشه عذاب ويه هالمرض ومعانات ما تنوصف والابر وأثرها ومنا دوامي ونفسيتي أحس كلش ضغط عليه بس مع ذلك المصبرني البطني واليوم رايحه لدكتوره عندي موعد يمها ومأخذه لبنى وياي بس حربي يودينا لان نافع عنده دوام من ٨ الصبح ل ٨ بالليل يله يرجع ..

دخلنا أني ولبنى .. السلام عليكم دكتورة

الدكتورة وعليكم السلام يا هلا بلينا شلونج إن شاء الله التزمتي بالعلاج

لينا الحمدالله دكتوره احس وضعي احسن بهواي من أخر مره شفتيني بيها .

تمام ‏صعدي خل نجيك النونو

‏صعدت بعد مسحات خفيفه ‏وشكل الطفل ما مبين بصوره واضحه أني شعوري بدايه كان جامد ‏وراها ظن شفته والتصوير كان رباعي ‏حتى هذا يكشف عن كلشي واني تركيزي بي

شُنو أحساسج ولد بنيه

‏ ما أعرف بس اني أحسه ولد

‏وهذا الولد بالطريق بس ‏زوجج موجود

‏اي موجود

‏لعد بشري خل يفرح

إبتسمت و‏مسحت بطني وعقلي مو وياه ضل عالق ما بين الصوره وتخيلاني ‏كتبت تحاليل ولبنى فرحانتلي

لبنى يمه صلولات عالنبي بالمبارك عيوني الله يتتم على خير

لينا الله يبارك بعمرج يوم الج وكعدت بمكاني

هلا لبنى شلونج

لبنى الحمدلله دكتورة

ما صار حمل

لا والله دكتورة والتزمت بالعلاج أبداً ما قطعته بس هم نزلت عاد تنظفت واجيتچ .

تمام صعدي .

لينا بقيت أنتظرها

دكتورة لينا روحي سويلي التحاليل .

لينا أن شاء الله .. طلعت اني شايله صوره السونار

‏فرحانه ‏هو متكتف ومركز بالارضيه ‏لحد مصرت كباله

بيه ولد ضل ساكت بس ملامحه تحجي شگد هو فرحان

إنهضمت فرحتي مو گامله ‏ليش أستكثرتي عليه فرحتي وياه ليش هجمتي حياتنا ‏كل شويه يرفع رأسه يباوعلي ‏يتلفت .

حربي أمشي كملي التحاليل وبعدها نحجي

لينا بشنو نحجي ماكو حجي وأنت من الأساس عاجبك الوضع فخلينا هيج أحسن

تردين تتعاركين أمشي يله

مشيت كدامه سويناه التحاليل وطلعنا كعدنا بمكان وأثنينا ساكتين وضليت صافنه ‏أفكاري كلها تزاحمت باللحضه ‏هو كبالي كل ثانيه يحرك أيده ‏يشوف الساعه يفر الحلقه ‏يعدل شماغه

‏

وين وصلنا وين صرنا هاي راح يجي أبنك وأنت مگتف أيديك! برأيك أرجع لخاطر أبني لا مستحيل مااطول أنت ما مسوي شيء ما أرجع وسوسن بعدها على ذمتك لاتنسى هالشيء ..

‏حربي لينا بس أسمعيني

‏ شُنو أسمع منك أني فقدت قابليه أسمع تبريرات

‏ أني أحبج حد كطع النفس

شُنو الجديد أحبج ومشيت ورى أمك طبت وتزوجت أبج وما حاولت تسمع تبريري و‏عادي شنو الجديد اني هم أحبك بس أكو فرق بيني وبينك أنيي مت اذيتك ما جرحتك ما غدرت بيك ‏ولحد هاللحضه أني أحبك

‏كلتها ودوموعي تنزل دنكت راسي العب بسحاب الجنطه

‏كومي كومي

‏سحب ايدي خلاني جوه جناحه مسح دموعي

‏ أني صوجي صوجي اني إلي دمرتج

‏دفع الحساب وطلعنا سحبت ايدي منه عتها بقوه وصعدني ‏سديت الباب وخليت راسي عالجامه ‏ليش هالتناقض أني اريده لا ما أريده بس گلبي ما منه فايده

.. ‏رجعنا للمجمع ‏التحاليل طالعه اخذناها ولبنى واكفه هم تتنظر التحاليل إنقهرت عليها ما اعرف ليش ما جاي يصيرلهم ونافع كل عقله وتفكيره يم الحمل ها عيني بشري

لبنى دكولي ما بيج شيء حتى التهابات ما عندج وأنتظري هو يصير لاتخافين وخطيه طمنتني بس نافع شطمنه شلون أفهمه وهو قالقته هالسالفه والله حتى رأسه أنترس شيب هالفتره ملاحظه عليه من كثر التفكير والجكاير ولج يحرك بروحه وأكوله اصبر هو يصير يگول لا أنتِ بحملج الأول دكتورة ما وصلتي حبايه ما أخذتي شمعنى هسه دكتوره وتراجعين وما جاي يصير

لينا قابل شگوو گولوا يالله بس هو لا يريد طفل وقاقلته السالفه وماكو شيء أن شاء والله كريم لاتفكرين ترى التفكير هم يأثر عليج

أني أفكر بي مأخذ روحي .. يله روحي لما يطلعن تحاليلي واشوف تاليها

تمام ودخلت وأنطتني علاج وطمنتني وطلعت ولبنى ضلت تتنظر كعدت يمها وحربي برى ينتظرنا وهي تراسل بنافع ها سألج

أي .. أكولج خاف اتأخر روحي لان نافع راح يجيني أخذ أجازه زمنيه هذا ما يصبر

لاتخوفينه

ما خوفته والله حجيتله كلام الدكتورة وگال راح أجيج شسويله بعد وأنتِ روحي البيت حربي ينتظرج عيب خاف عنده شغل يتعطل من وراي

بكيفج عيني بس أخاف نافع ما يرضى شلون أعوفج لوحدج

لا روحي عيب وشگو عليه وهو هسه يجيني

تمام عيني .. طلعت لگيته يخابر من وصلت قطع الأتصال وصعدنا بالسياره

حربي صدك أختج وين

لينا گالت روحوا نافع راح يجي عليها .. مشينا بالأزدحامات عالسايد الثاني شفنا نافع وحربي دگله هورن ولا أنتبه باله مو يمنا خطيه أنقهرت عليهم يارب يصيرلهم طفل ما أعرف ليش هيج تأخر ..

و‏وكف يم مطعم اشترى عشه ‏ريحه كباب إجنحه شوي مقبلات ‏بعدها اخذ مشروبات طبيعيه و‏نزلني بالبيت

‏نزل الاغراض ونزل جنطه مرتبه بيها غراض ثكيله

حربي خليني اخليها بغرفتج أفضل

‏لينا ليش شُنو هي

‏شغلات اشتريتها الج

‏بس اني ما محتاجه شيء

‏مو شرط تحتاجين أني أحب إشتريلج

دخلنا البيت و‏خالتي ونور كاعدات بالغرفه سلمت عليهن من شافن خياله سكتن دخل الغرفه ‏خله الاغراض وضل واكف

‏لينا دربالج على روحج ‏لتهملين نفسج فكري باللي البطنج ‏ثقي وإعتقدي أنتِ دتحركيني بالنار يوميه بس شسويلج صابر ومتحمل بس يجي يوم وأفضها وأرجعج

‏محجيت شيء بس هيج زردومي تطكط بي العبره كصت بلعومي ‏صرت أسحب النفس ما أريد ابجي ‏اني أدري بروحي ضعيفه كدامه أحبه

هيج حالي ‏بس شفتي ترجف وايدي اطكطك بيها اريد تخلص هالدقايق ويطلع من يمي ما أريد اضعفله أني جاي أحارب نفسي بس مو بإيدي و‏تقرب بدون قيود جرني لحضنه وأني أبجي گبل ‏حضنته كل قوتي أريد اكتفي منه اشبع من ريحته

و‏يمسح بوجهي رفع راسي باسني كصتي ‏لازم وجهي بإثنين اديه ويبوس بشوغه بحركة گلب

َ ‏شسويتي بحالي والله ليلي ما نامه من وراج متعذب عليج شسويت بيچ أني

‏رجع يحضني ‏يمكن باله يخليني بكلبه ‏لو يفتح قنيصه ويخليني ويقفل عليه أحسن واخلص من هالدنيا

‏

إبتعدت عنه طلع من جيبه مصرف كله خمسينات يمكن

ستة أوراق وبعدها طلع بدون ما يباوع وراه كعدت أنهاريت الا طگت روحي من البچي دمرتني ودمرت نفسك ما أعرف عاجبك حالي وأني أتعذب ليش هيج

‏

‏‏بس راح خابرته بس جاوبني حجيت ‏كل اللي ديصير ويانه بسببك أنت دمرتنا

حربي َ ‏يول عش ما تحجين عدل مو أرجع أفرك حلگچ

‏ والله أني أحجي وأنت تسمع عدل

‏ مو أرجع اربيج

‏مربايه من بطن أمي خلف الله عليك ‏وارجع أخذ جنطتك اني مو بعازتك وفلوسك هم مل أريد منك گلشي وطلگني هم على شُنو مبقيني هيج

‏عش خنستي بحضني وخشمج يجر

لحظه ضعف لا أكثر

‏هم يبيعون منه بالسوك

شُنوْ هو

‏هاي للحظات الضعف تأشتريها لخلقتج وتضلين خانسه بحضني

‏لاااااا

وججعاااا زين لاتصيحين

‏ما مصيحه ما مصيحه

‏نصي حسج شكيتي طبله أذني ينعل مصغبج

‏سد الخط بوجهي واني أغلي من العصبيه گبل ‏شمرت الموبايل صفنت عالجنطه شبيها فتحتهاو ‏تراكات شتويه مصفطه دشددايش الوانها تجنن و‏قفطان مبين صيفي و‏التراكات عريضه ‏واكو صيفيه هم قماشها بارد

‏عطورات ثلاثه معطرات و‏إكسسوارات الي أحببهن

‏شامبو بلسم غسول‏كماشات شعر ‏قراصات صغار فضيات ‏صبغ أضافر ‏كل الشغلات الي احبها وغرامي بيها

‏دفاتر سجلات كلها هي واقلامها خشبيه اواراقها تجنن

‏واخرها الختاميه كانت اوفر صغير لون أبيض‏مطرز اسم سيف! وجواه ما شاء الله .. ‏شكد حلمت أحلام تالي

‏هيج

‏دزيتله رساله تحلم أسمي سيف أني أريد اسم علي على اسم الامام علي زين و‏رجع دزلي

‏وووجع زين

‏غلقت الموبايل وبدلت لكيتهن يتعشن‏ اتعشن بخير زوجي

‏سميعه زواجه أي والله من أنتِ زعلانه شكو خانسه عليه بالغرفه زعلتيش هاي.

لينا والله أني ‏ما خانسه هو خانس بعدين اني وياه ما بينا شيء غير هو كسر گلبي وتزوج

‏ يالفطيره تكول ما بينا شيء لج صدك ما تصيرلج جاره ما صار هواي شلناج بالبطانيه من وراه هو متونس هو وأمه راح عرس بظرف أسبوع وجابلج ضره وخلى اليسوه والمايسوه يحجي بشرفج أمداج يالغمه ‏منطيته وجهه

‏ خاله لاتحجين عليج گتلج مشكلتي مو وياه

‏لا احجي واكسر حلكچ حتى كل ما گلبج يحن اجفص عليه واذكرج شسوا بيج هو وامه البربوك بس أنتِ عار تنسين وتمشين ورا گلبج طايحة الحظ

لاتگولين عار ما أسمحلج كافي عاد .. ‏عفتهن واسمع نور تهدي بيها

‏سميعه ما عندي بنات زايده أرجعلج اله هاليهودي هذا

‏ما خاف الله بيج من كون يهطره العباس

لينا ‏رجعتلها واني فايره ‏مالج حق لا تحجين عليه لاااا تدعين عليه وعلى شُنوْ محروك دمج إذا علىه فإطمئني أني عاجبني وضعي كافي بس تحجين عليه لما هو أبن أخوج

‏عافتني واني دمعي يجرري هيج گلبي يوجعني من احد يجيب طاري بالموزين .

‏لثاني يوم وهي كالبه وجهه بوجهي ‏كعدت بالمطبخ وهي ما تحجي ‏خاله اكو جاي

سميعه لا اكو حليب الجاي خلصان ‏شربي حليب وانجبي

لينا ‏باوعتلها بطرف عيني

‏وفكس للعين الصلفه هذا گلبج شيلي وذبي خل جلاب السايبه تشبع بي

بس أني احبه مو معناها اكرهه وأنتِ تدعين عليه

‏هو أبو ابني حجيتها وابتسمت لزمت بطني

‏بالخير عليج من وره لسانج ما بارگلتچ

والله أدري بيج تحبيني ومحترك گلبج عليه

‏ حبتج حيه ليش يغزر بيج

‏اندك الباب راحت تفتحه اني شغلت الغلايه ‏وخليت حليب بالكوب ‏واكفه شفت حليم وناجح ‏أستغربت وجودهم طلعت باب المطبخ‏ ومخليه ايديه بجيوبي

‏واسمعهم يحجون ويه خالتي

ناجح ‏هاي لحم الشيخ دزه تصدق صدقه ودزه

‏ومرت اخويه عيني لا تتغدين ‏غداج تكه ومعلاك

‏يوصلج الظهر

لينا ‏هزيت براسي ودخلت أشرب بالحليب

‏سميعه هاي فرحان ورايح ذابح ذبيحه على شرف ست لينا بيها ولد ‏هاي اذا صار يذبحلج عجل بحاله بالخير عليه

شُنوْ تسوين غده

‏هو اليوم جمعه نأكل تشريب لحم من وره أبنج

بالعافيه اني اروح اسبح وأقرأ

شعدج تسبحين شكوو

‏خاله شبيج أنتِ كلتي جمعه أمي من الاربعاء سبحت تره كطنت.

‏اي روحي اسبحي روحي شگلتلج قابل

‏هاي عبالها صدك خانس عليه من كل عقلها عجيبه طينة هالمره ولا أحسها تحب ولد أخوها هي من يومها ما تحب أحد بس نفسها وخلفتها ..

مرت فتره ونفس وضعي ونور رجعت ورجعها بكرامتها وكعدلها قدر كدام الكل وفرحتلها بس حزت بخاطري وخالتي وكلامها وياي كلما أطلع للمعهد گام نافع يوصلني لان حربي من أخر مره ما شفته وخالتي تسمعني حجي عبالك ملت مني كعدتي ترديني

أرجع شلون ما جان

من بعد مكالمه جرت بينا ‏عزت عليه نفسه يتصل عليه

‏بس دز رساله .

‏حربي لينا راح أحجزلج مقعد ويه الخط

لينا أصلاً ما جاوبته الظاهر مل مني ةمرت أيام وأدوام وأروح وأجي بالخط وثكل الحمل تعبني حيل وضغطي صار يصعد ما أعرف ليش ودائماً أحس بدوخه صرت أبحث عن الموضوع ‏ضغط حمل ليش وأني عندي تخثر

‏كلهن وبهل حاله أشبع قهر مر أسبوعين وهو ماكو

‏كلما أرجع من الدوام اركز سيارته باب أهله هو ليش ماكو ما يسآل عني و‏من قهري دزيتله .

بعد ‏لو تسمع بيه أموت لا تجيني ولا أشوف وجهك هيج اكرهك ماطيقك بعيشه الله زين!

‏

‏وصلت وأصلاً ما يشوف الرساله گلبي وجعني هذا مو عادته و‏من يومه يگولي اني ما أزعل منج الزعل يلوك بس للدلوعات وأجبي أحتويج وأراضيج مو العكس

ما تحملت أبقىٰ أنتظر قلقت عليه لبست وطلعت

‏سميعه ها وين رايحه

‏لينا ما أدري ضايجه اريد اطلع

‏اي شو هيج بدون ما تكولين

‏خاله لا تضخمين الأمر وين رايحه قابل هو غير على لبنى.

‏كيفج واني شخصني بيچ

‏حجت هالكلمتين من وره خشمها وأخر فتره بعد رجوع نور صرت اتجنبها ‏يمكن احنى ننسى لا ما ننسى نتناسى حتى نعيش وهيج أني حاولت اتعامل لكن هي موقفها صار صارم اكثر وياي و‏تحاسبني على كلشي

‏من ارجع ماكو غده صرت اشتري لفات من النادي واكل واشتري حلويات من الطريق أعنتمد على روحي وعالعشا دائماً اوصي لو نافع لو توصيل

‏اكثر من مره وصيتها تجيبلي رمان وشوندر وتغلس هو صار اسبوعين ماكو سألت لبنى كالت ماكو وسيارته عاطله

‏قلقت اكثر ما جنت أحتاج احد دائماً هو كلشي يجيبلي

‏رحت للاسواق اشتريت كلشي احتاج ورجعت باوعت لبيتهم سيارة ماكو ورحت لبنى دكيت الباب ماكو احتمال طالعين أو ما سمعوا صوت واني مالحيت قررت أرجع

‏افتر اصلا اني دحت هوايه ‏هسه يشوفني ويكول لا زبار ولا نهار على حل شعرج و‏منطقتنا حلوه وكلها نعرفها ماكو أحد غريب ‏يعني الفرع نسوان كلهن بالباب كاعدات

‏رجعت وأخذتني رجلي لبيتهم ‏دكيت الباب طلع ناجح

ناجح ‏هلأ والله هاي أنتِ لو حلمان

‏لينا لا أني أستاذ حمايه

‏ههههه والله لايكلج تكولين حمايه ‏هلا بيج اتفضلي زارتنا البركه يا هلا بلينا ضمياء زينب وينجن ولو أنتِ ما جايه عليهن على غير ناس

‏شُنوْ قصدك

‏غير تشوفين رجلج

‏لا

‏لا شون لا غير رجلج نايم بالفراش

‏ عزه شبي

‏ طبي هسه والله كريم گبل فتحتي حلكج عزه فضحتينا .

‏طبيت وهو كدامي يمشي فتنا من باب المطبخ لاكيت ضمياء وزينب سلمت عليهن ‏ودخلت أيباه البيت ما داخلته من زمن صفا العار ..

‏ناجح الله عليك شبي

‏ماكو شيء بالريش

‏شنو شبي لا تخوفني

‏مو يشتغل بالمجمع السكني واكو بيت متأخرين بدك السكف داخل يشوف شنو الخلل واحد من العمال عاثر بالبلوگه ومتحرك الجگ واكع الجك والخشب واكع على رأسه ورأس العامل ربج ستر جك واحد جان راحوا بيها

‏يحجي واني دموعي صارت تنزل ‏فتحلي باب الغرفه

‏متغطي بالبطانيه رأسه ملفوف ‏والضوه طافي

‏راد يشغل الضوه ‏لا لا تشغله خلي نايم

‏كيفج عيني اني اطلع اخليج تشوفي

‏طلع سديت الباب تقربت يمه أيده هلخى رأسه و‏عيونه تعبانات بشرته مسمره زايد أار التعب واضحه بوجهه

‏گلبي طاوعته وطاوعت أشتياقه ‏فتحت البطانيه سحبت أيده ونمت على صدره ونزلت دموعي ‏ما أحس صرت امسح أطراف أصابعي على وجهه ‏لحد مافز وجفلني وگبل كعد من نومته يفرك بعيونه

حربي لينا!!

‏

‏لينا إبتسمت أي لينا كبل أخذني بحضنه ‏باسني من راسي

‏شلونج

‏زينه وأنت ليش ما تگولي هيج صاير بيك

‏ماردت أقلقلج ‏واتعبج وياي

‏مره ثانيه حتىٰ لو أگولك عوفني ما أريدك أكرهك ما أطيقك و‏احجي كلام قبيح لا تصدك كول هذه عقلها يخربط اعداداتها خربانه لان ‏گلبي ما يعيش بدونك تدري لو لا .

َ ‏كلشي ادري بس ثقي اني عندي كوم شغل ما أكدر اتعبج وياي ‏وهاي صار أسبوع أني نايم فطر بالجمجمه

‏الوجع يموت

سلامتك ‏تقربت بسته من راسه ودموعي تنزل

‏لا تعوفني أمانه

‏ ما أعوفج والله لا تخافين مابيه شيء بس ‏ليش ما ترحعين الله عليج رجعي وين ما تردين وين مايعجبج

‏لا

‏هو شُنوْ لا

‏لا يعني لا أنت مطلك سوسن حتى أرجع أني .. وشُنو اليضمن أهلك مايزوجوك مره ثانيه

‏ هو أنتِ انطيتي مجال رجعتي وكعدتي بيتج وأني ما طلكت

‏هسه اني من حجيت وردت أطلك أبويه گالي لينا رجعت عندك شيء اشو هي بكل الاحوال ما ترجع ليش تطلك سوسن لا ‏هذا كلامج الي كلتي الهم لازمينه راس مال

‏هي لينا ماترجع بكل الأحوال

‏كافي سد الموضوع

‏اي مو ما عندج وجهه تحجين وتناقشين

‏ ما أريد وما أرجع ومشكلتلك انت تلگى حل ويه خوالك وأهلك

‏ ترة حوصلتي صغيره على يا ساعه تنفجر

‏مشكلتك أنت الدخلت نفسك بهيح موضوع وأنت تطلعنا منه لاتجي ذب بلاك عليه ‏واذا تشوفني متهاونه وياك وأحبك لا عبالك بيوم من الايا اتنازل

‏شكد فطيره وگلبي طيب ‏بس اني حقوده وما ﭢنسى الاذيه انطي فرص هواي ‏بس حتى من أخسر ما اتندم وارجع ليوره واكول ليش وليش

‏ضعفي تجاه حنيتك أنصحك لا تستغله اني أريدك تشوفني شكد اريدك بس مستحيل اتنازل واقبل بإي شرط تفرضه والي اريده اني يصير مو غيري و‏اللي أقرره هو يصير وأني ما امشي على قرارات احد مثل ما قررت زواجي منك

‏ووحدي اقرر أنفصالي منك وحدي واقرر رجوعي الك وحدي

‏لحد هاللحظه اني أنطيك فرص اأرد اعرف هالسفينه الي بالبحر لوين توصل

‏لا تتوقع مني أشفق على بشر يأذيني ما اسامح اني

‏وأهلك واحد واحد كارهتهم و‏هالقرارات الي اتخذتوها كانت مدبره

‏وشعندك حصو اطبخه شوف شوكت يستوي اني ارجع

‏هذا هو اليريحج طلعي وسدي الباب

‏اي مو ميته عليك أني اصلاً هذا گلبي اكصه واسوي ثواب ل أبا عبدالله حتى بعد ما يحن الك

‏اي ادري ميخالف

‏لا تقشمرني ادري هسه أنت دتفور من كلامي بس عود أنت قوي وما تهتم

‏اي ميخالف كلشي تكولينه صح

‏لا تاخذني على كد عقلي من أحجي وياك ناقشني

‏اي شنو جايه وحدج

‏اي وحدي اجيت

‏ أي متطوره ست

‏ لاتغير الموضوع

‏اي هالاسبوعين شلون مرن عليج

‏مثل السم عبالك سنه

‏ليش يابه

ما أدري راسي بس يوجعني والجالي موتني

‏شو تعاي بله

‏رحت يمه لزم راسي من وره يعصر بركبتي على دمارات رأسي يسحب بيهن ‏لزمتني الدوخه وجع قوي بس سحب أيده راسي صفى وأخذني لحضنه

كافي ‏لا تقهرين بروحج أبويه اني ما أستاهل هلكد تفكرين ‏كلشي ينحل و‏راح أثث الشقه شتكولين

‏ ما أعرف غير تطلك بالأول المن تأثثها لجديتي

‏يلا هذا هو سدي الموضوع أنتِ مرتاحه بيت إبوج

‏يعني اي ولا دأحس بخنگه

‏روحي يم لبنى أرتاحيلچ كم يوم

أخاف أضايقهم يعني مره ورجال وأحس وجودي فاول بينهم كل كم يوم مداهمتهم

‏تعاي هنا غيري جو

‏لا زعلتيش هاي خليني بيت أبويه ضحك باسني من يم شفتي ‏مخليني بحظنه ويحجي يم اذاني صوته وهمساته دوختني .

‏هم تشتهي أكله فاكهه

‏اي مرات كيوي مايع هاي اشتريهن من الاسواق

‏ زين اجيبلج أني من اطلع

‏ أريد هاي رمان حلو هذا اللونه غامق يسموه رمان مصري

‏ وبعد

‏وأشوندر اسوي زلاطه اصعد دمي

‏وبعد الزبيب خلصتي

‏لا هو طن شيخلصه كرهته

‏ أجيبلج عصير طبيعي

‏ أي ةحسن بس هاي ديصير عدي جالي حيل

‏ميخالف أمر لدكتوره باجر تگتبلچ علاج للمعده ‏بعد ما تردين شيء

‏شوكت اجهز للطفل كلش متحمسه

‏خلي أصير شويه زين نطلع وني وياج فد عصريه نجهزله

‏اها ماشي .. سحب الشال من راسي أحس يريد يتمادىٰ بس ما عندي دليل غير أيده الي تسحب الشال

دنگ ‏باسني من ركبتي و‏من اذاني فر رأسي عليه باسني من خدي كصتي

‏هو الحاجز الي ما كسره هي شفايفي يخاف من عواقبها بس ‏ضل لازم رأسي ويبوس بكصتي

‏ أني شلون كدرت أخذچ وهيج اسوي بيج مجرم أني

‏ليش

لأن كل مره أريد اقسي عليج الكى نفسي شكد حقير وأبطل واحاول بكل طريقه بس ارضيج وارجع ضحكتج

‏ونفس الوقت أريد شيء طول العمر يخليج تضحكين

‏ أنت

شُنوْ

‏ أنت وجودك يغمر روحي بالسعاده واضل أضحك

يعني أني الشيء اليخليج سعيده

أي أنتَ

بس أني أذيتج وكسرتچ

ميخالف تگدر تصلح گلشي أذا تحبني صدك

أرجعي وأوعدچ التردينه يجرالج

سوي الأريده قبل لا أرجعلك ليش موگف گلشي على رجعتي .. وأندك الباب بقوه وكمت من مكاني عدلت الشال ‏رتبته وفتحت الباب ‏خالتي سميعه ‏ها خاله .

سميعه ‏وخلخاله تخل عينچ ما فكرتي ما كلتي خالتي وحدها وتضل تسأل عليه ماكلتي ارجع للبيت زعلتيش هاي لو أنتِ تجينا لو هو يجيج من جان أستحيتي على نفسج يا خزي لحگتي لبيت أبوه تردين تفضحينه أنتِ وكرامتج الخبصتينه بيها چا وينها .

لينا ‏خاله علىٰ ترىٰ مريض أنطي مجال شهل الحجي

‏وشعليج بيه أمشي ولي چدامي مستفلته شفتيني ساكته كلتي أمشي على راحتي

‏من كاعده بالبيت واني المسؤوله عنج تنجبين وتسكتين طايحة الحظ بحياتي من شگت عيني لدنيا

ما شايفة وحدة تزعل سوت سوايتچ أمشي ولي للبيت

حربي ‏عمه شو هيج تحجين ترى لينا زوجتي

سميعه زوجتك تحترم نفسها وتكعد بيت أبوها وزعلانه تكعد وتنجب لما تنحل سالفتها وترجعلك مو هي بيت أبوها وملاحكتك

بس شحچي العندي أستفلت وتريد واحد يربيها أمشي دأكولج ويامن أحجي أني گبل لبتي بظهره أنتِ شلون تالي وياچ تردين تشلعين گلبي أخواتج ما شلعن گلبي بكثرج أمشي ولي كدامي .

حربي كافي عاد حجيتي ما أسمحلج وخليني محترمج لان عمتي ودمج محترك وخايفه عليها ميخالف بس ما توصل بيج تتجاوزين وتحجين عليها ما أسمح لا أنتِ ولا غيرج والمره مرتي وأني المسؤول الوحيد عنها وكلمن يكظب لسانه ويحترم نفسه

‏

‏لينا حرت شحجي وياها والأ شوي تتعارك هي وحربي شلت شغلاتي الأشتريتهن وسحبني وطلع خليناها وناجح بحجي وياها لكيت ميثم بالباب

حربي ‏أخذها وارجع للبيت

ميثم ‏ماشي

لينا طلعنا أني وياه و‏ضلت هي يمهم اني وياه نمشي شكد قهرني كلامها أسلوبها الحقير ولا تحترم

‏ميثم أشتريلج شيء لينا

‏لا باوع هيات أشتريت والله

‏أوو عبالي اخذ منچ كروه وأشتري

‏ههههه هاك فلوس كروه أشتريلي نمبر ون ‏أخذ وراح اشترى واجا رجعنا للبيت ‏سوينا اندومي كلينا فنكر

‏كناتكي اكو حميناه مال بارحه ‏زلاطه ‏كعدنه نأكل وهي

ماكو الظاهر راحت على نور راسلته موجود

گولي عيني محتاجه شيء

‏لا سلامتك بس تأخرت خالتي يمكم

‏لا أني وصلتها لعند غافر

‏ تمام تصبح على خير .. وسمعت صوتها وطلعت ونور موجوده وخالتي شافتني حچت

سميعه أم الفواين جنتي بحضنه شبعتي

نور ماما شهل الحجي

لينا خاله كافي ترى رجلي مو صاحبي شهل الحجي هذا اليسمعج يكول لازمتها ويه صاحبها

سميعه من سوالفچ والله لو هو يجيج لو أنتِ تروحين ماطول هيج كاتله نفسج عليه ما ترجعين شعندج زعلانه ولو اليشوفج ما يكول زعلانه تضحكين علينا بهل الزعل

ليش تردين أرجع هيج شلون ما جان لو بس تردين تخلصين مني أشو نور من رجعت وغافر رجعلها كرامتها كدام الكل ما حجيتي بس أني لا بس تردين شلون ما جان حقج أني مو بنتج گلبج ما يوجعج عليه .

نور ما سوت سوايتچ ما يقبط ويحضن بيها صح عاندت وأستجلبت عليه وأني ما عجبني تصرفها بس كعدت قدر لنفسها ورجعت بكرامتها ما سوت سوايتچ وأنتِ ما ارجع وما ارجع وبس يجي محاضن أنتِ وياه هم كولي لا

خلف الله عليج خاله نور خو سمعتي بإذنج

نور ماما كافي عاد عوفي السالفه وهي مريضه وينها وين هالحجي هذا ..

لينا خشمي گبل طگ دم ونور ضلت تباوعلي عفتهن رحت المغاسل ولحگتني

نور لينا بيج شيء خشمج ليش طك دم!

لينا عوفيني نور عوفيني صحت بيها وأعصابي تلفت وسمعت صوت لبنى گبل بجيت دفعت باب الغرفه وكعدت أبجي

نور أرتاحيتي هسه من ضغطها علك خشمها گام يطگ دم مو كلناج البنيه مريضه شله داعي هالحجي أجيب واوصي بيج عوفيها عوفيها

سميعه أني علمودها ما تحملت اشوفها بالغرفه وسادين الباب وهي زعلانه عندي وأريد أكعدلها قدر ترجع حالها من حالج ليش تذل بنفسها أله .

لبنى ليش خشمها يطك دم ما جان يطك دم وينها لينا وينج لينا من خرب بحظج اي والله .

لينا شفتها وگمت ابجي حضنتها لو تدرين شگد حجت عليه حتى كدامه ولا أحترمتني عبالك صاحبي مو رجلي

وأنتِ شوداچ للبيت شأخذج متگولليلي مو كاعده والله ساتر عليج ليش تجيبين الحجي عليچ ليش

هو أختفى وضل بالي ومريت عليكم محد فتحلي وأخذتني رجليه شمدريني خالتي تفضحني بلسانها

وعلى شُنوْ تفضحچ ليش شمسويه يمه وأذا على حربي ترى گايل وحاچي ومن الصبح يگدر يرجعج بس گايل علمودها وعلمود وضعها الصحي تعبان ما أريد أعاركها وأخذها غصب عنها وأجبرها وتتعب وتنقهر بالزايد خليها على راحتها ولحد يحاجيها ويضوجها وأني مأمن عليها بيت أبوها

. لما تكظي هالكم شهر وتولد بالسلامه ويأخذج وتفض سالفتج بس شدعوه خالتي ملت منچ وگامت تحجي أندري تريد مصلحتج وخايفه عليچ من حجي العالم بس مو مال تحجي هالحجي عليچ وأنت مريضه هيج أحسن

گومي خشمج گام ينفض دم خل اخابر نافع نوديج الدنيا لليل لا يصيرلچ شيء ..

گمت وخشمي نفض دم ودخت ردت أوكع لبنى سندتني وعاطت

ولج نور لحكيني نور يارب وين جانتلچ

أجتي نور وتحجي وتدردم على خالتي لبستني عبايتي وطلعنا غافر جان هو ونافع بالباب واكفين شافونه أخترعوا ركض غافر شغل السياره ونافع أخذني من أيد نور وأخذوني الطوارئ طلع ضغطي صاعد وبقيت لما أستقر وضعي ..

خلوها اليوم لما يستقر وضعها لان الضغط موزين عالطفل أخاف يرجع يصعد أثناء النوم .

لبنى تمام نبقيها نافع أني ابقى يمها بس البنات شلون

نافع يسكتن وتدبر أوديهن على نور تدير بالها عليهن بس هالليله هسه المهم وضع لينا يصير زين وهي شبيها شصار وضغطها علك

لبنى ماكو شيء

نافع لا اكو شيء أحجيلي شگو تضممين

لبنى هي وخالتي متعاركات بعدين موهسه

لينا هز رأسه وسگت وطلع وساعه ورجعلنا وضلوا يمي والصبح اجتي الدكتوره كومه حجت علينا وعلى نافع

الدكتورة اني شحجيت شوصيت مو كلت البنيه مريضه تعبانه وبنيتها ضعيفه وحامل تردون تموتونها طفل بطنها ورجلها وينه ليش ما موجود وأنتِ أختها مو وصيتج عليها .. لينا تالي وياج ماما شحجينا .

لينا سگتت وكملت الفحوصات ووصتهم عليه وطلعنا للبيت لكيت نور بايته يمنا والبنات ركضن على لبنى يبجن .. دخلتني الغرفه وشفت نافع أخذ خالتي ودخلوا الأستقبال وصوته واصل لعندي يتعارك ونور تفتر وتباوعلي مثل الفشلانه . . تعارك وياها

لبنى خلي زين يسوي بيها من البدايه كلنا وحجينا من تولدين هذا الموضوع نحجي بي شعليها تحجي وتقهرج زايده علينا أنتِ ليروح يصير بيچ شيء لو تخسرين طفلج وتعبج ليش الحباله بالسوالف شضل ما كدرت تلزم نفسها .. يله أرتاحي ما عليج من الحجي هي تصفى

أكولج حربي صار عنده علم

لا نافع ما يقبل هو مريض بس يعيط من رأسه نوب يسمع يتخبل ويگلب البيت على خالتي .

سگتت وضلت يمي وطبخت الغده ونور اجتني باستني وراحت البيتها ونافع ولبنى ضلوا يمنا للعصر يله راحوا وخالتي بعد ما حجت ..

‏ضليت أيام اروح وارجع دوامي ووضعي زين الحمدلله أضافه لدكاتره والاستاذه كلش متعاطفين وياي لكوني حامل ‏وكوه امشي وبطني بلشت تكبر بشكل دائري

‏رجليه بلشت تورم ‏هلمره حالتي تعبت ..

‏خابرته بليل رن مرتين وفصل رجع أتصل

حربي َ ‏هلا عيني افتقدتج اتصلت الظهر وماجاوبتي كلت أحتمال نايمه

‏ هلاو

‏شبيج من وره خشمج

‏طكت حوصلتي مابيه رجليه مورمه داحس جسمي مطفش من الورم

‏ليش خير

ما أعرف شبيه

‏ دسدي خل أحجزلج

‏سديته دقايق ورجع أتصل

‏حضري روحج مسافه الطريق واجيج

‏رحت بدلت وطلعت أنتظره وأجه وصعدت ضل بالي ما بلغت خالتي خابرت ميثم كتله يخابرها

ميثم عيني هي أصلاً لا بحالي ولا بحالج ولا أدري بيها وين اشو هي من تطلع ما تكول بس احنا اذا رحنا للمغاسل لازم ناخذ أذن شهل الحكم الله يرحمك يابه

لينا سديت‏ه وكلت حقه ما نعرف بيها وين تروح وين تجي وأغلب أوقاتها يم اختها لو بيت خالي مشعان لو تروح ويه خالتي نهاوند من تجي هنا يضلن يكضن واجبات لجوارين لو سوك لو دلاله و‏قبل جانت محاصره من عمي محمود هسه لا براحتها لا حسيب لا رقيب

‏حتى مرات غده تتغده بررى البيت يم أخواتها مع العلم خالتي نهاوند بيتها بعيد

‏بس مالي دخل صرت أحسب حساب ميثم وياي لو اﻧطي مصرف لأن دوامه ظهري

‏لو حربي يجيب عشه كميه ميجيب كميه قليله

‏لان اني أجوع فيكثر حتى اشبع ومن اجوع أكل

‏وصلنا الطبيبه السرة مالتي باقي اسمين كعدت

‏اخذني اسوي تحاليل سويتهن وكعدت أتاخرنه يلا دخلنا

‏كتبت التحاليل حتى اطلع اسويهن كتلها سويتهن

الدكتورة ‏على أي اساس تسوين بكيفج

‏دكتوره هو نفس التحاليل وزوجي انطاهن لابو المختبر سويتهن .

‏تمام هذا هو ‏عندج زلال أملاح صاعده التهابات

‏ضغط يصعد مي الطفل هوايه و‏سكر تراكمي صاعد

‏شنو هاي لينا دارسه وفاهمه غير تنتبهين لنفسچ وأكلچ

‏يعني الأكل كله ملح وحامض ومشروبات غازيه وشغلات

‏يعني كتلج اتغذي هو هيج يا عيني شمرت الورقه بعصبيه

‏هذا حجي لينا وتجين توكفين بعيني من يصير شيء لطفل ما يصير هالاهمال يا ماما يينراد أكل صحي حلويات ماكو ملح ماكو مشروبات اكل مطاعم سبايسي ومنكهات ما أريد .. ‏التفتلي لروحج ‏كله يأثر على طفلج

‏شوفي هاي سكر مرتفع مصعد حجم المي عد البيبي

‏أضافه لكلشي بطنج نازله ليش هيج ‏هالاهمال اني خايفه منه كلش ‏تضرين نفسج مو غيرج

‏خنكتني العبره ‏كل هذا صاير دموعي نزلت

‏لا تبجين امي يا عيني والله إنفعلت لان مهمله هواي بنات بكدج وحبلن ليش هيج الموبايل كلشي يعلم

‏وأنتِ طالبه جامعيه

‏ ما أعرف أني أكل بس مو اكل بيت ‏وهاي مشروبات يثير عندي جالي وأشرب ‏شسوي هسه

‏ أول شيء راح أكتبلج نظام اكل كل وجبه وشكم مره بالاسبوع ‏وياريت تتنتظمي و‏عصاير اخففها شربي ماي

‏حتى اقلل الزلال ويختفي الورم وأنطيچ علاج وفيتامينات هم ..

‏

‏تمام من طلعت حضنتني

‏لا تنقهرين كلشي ينحل أنتِ بخير وهو هم أن شاء الله تكومين بالسلامه يارب

‏طلعت منها واني شايله هم ‏انطيته الورقه هو القلق واضح بعيونه ‏صعدت وهو جاب العلاج ‏بس كال شبيج انفجرت ‏وحجيتله كلشي اخذني لحضنه

‌ ‏كافي بجي أبويه كلشي ينحل

‏ أني مهمله

‏لا مو مهمله بس حقج صارت صوجي اني من البدايه ما حليتها كلت مريضه خل تكمل حملها مرتاحه تالي هسه شلت الهم همين ‏ميخالف لا تفكرين بشيء

‏خل نزل نشتري الاغراص والشغلات الي وصتني اكلهن

‏ميحتاج تعبين روحج كلشي يوصل لعندج بالوقت الي تحتاجي ‏تمام وصلنا البيت ‏نزلت وانطاني العلاج وراح

لكيت لبنى و‏كبل ﭢنهاريت بحضنها وحجيتلها

‏

لبنى والله ما أدري شون احجيها أنتِ لا رجعتي ولا جيتي يمي وضاله يم خالتي هاي اني وربع مرات اجي ما الكاها حتى ما تفكر تسال تكول مرت عليه

‏يعني لينا لا تزعلين حربي رايدج وخالتي لميعه كالت هو قافل مستحيل يرجع بنت خاله بس ينتظر لينا ترجع حتى يفض كلشي ‏درجعي واخلصي هو يفض گلشي

‏لبنى لا تزعليني منج عفتها ورحت لغرفتي ‏هوسه مخربطه وأجت هي شالت الفرشه ‏بدلت الجراجف عزلت الكتب الملازم وفتحت الشبابك هوت الغرفه

شعجب ما شايله الفراش خالتي تره حاره صايره

ما أدري أني والله إني مابيه وهي ما لافيه للبيت

‏يووو إني شعليه راح أصعد الفرشه فوك وهذا هو ما بيه ويني وين الغسل أني فرشاتي نافع ما يخليني أغسلهن

‏

أخذتها وصعدتها وإني رحت سبحت أجا ميثم كال ناجح بالباب ‏رحت عليه ‏هلاوو

ناجح ‏هلا بزوجة أخويه هاي عشاج عيني

‏لينا تگه ومعلاك وعصير رمان وسيت ماي

هذا كال لا تشرب بس منه ‏وهاي كرزات هم ومكسرات ‏وهاي ركي هم مقطع كامل وأي شيء تحتاجين مسج كافي أگون مدكوك كبالج مثل البسمار

‏تسلم عيني

‏ولو ادللي علينا ‏هاي مرت اخويه الثاني هم يمج

لبنى ‏هلاو ناجح أي لينا تصيرلها مندوب ‏بس أني جيس حب ذاك اليوم عزيت عليه من وصيتك

‏هاي لينا هاي قابل مثلج هاي عشره عمر بينا هاي ما تتسولف ‏هاي الها دين بركبتنا لما نموت اني وخواتي وأخواني ‏نصيرلها عين غطه وعين فراش

‏كلامه شكد أثر بيه واشوف الدموع بعينه ‏عفته هو ولبنى ودخلت ‏شكد شريف بحيث يذكر گلشي ‏لو رايده اني افضحهم واخزيهم ‏بس اني سكتت على ظلم اختهم وما ناسين معروفي

‏لو فاضحتهم جان مالهم عين يبقون بالمنطقه

‏يكول عشره عمر هالعشره راحت ويه صاحبتها النكرت أهلها ونكرت صحبتي ومشت وره نفسها وضيعت نفسها ‏الله يرحمج ويغفرلج

‏كلت هالكلمه وأحس الدموع ذبحتني أبجي على ظلمي وعلى موتتها البشعه وعلى نهايتها ..

‏

‏لو أني انغويت مثلها كانت نهايتي انكس منها والحمدالله الي دائماً يسخر الملاك الي بداخلنا ونتغلب على الشيطان اللعين

.. ‏ضليت أيام واشهر مرت وإني أحسب يوم يوم حتى اجيب التهيت بالأمتحانات النهائيه وهو سخر اهله كلهم حتى يوفرلي كلشي وما أحتاج أحد و‏ناجح يجيب الغده لو هو يمر يجيبه بنفسه من البيت طبخ البنت يرد الروح

‏والعشه حليم مرات زينب تجي تسأل وتجيب كرزات وتكعد ساعه ساعتين وياي وتروح

و‏هو جياته صارت قليله يمكن طگت حوصلته صدك واني اخر فترة صرت أختنك من كلشي ‏من الحمل دراسه حتى الاكل صار يخنكني

‏خالتي صارت تتضايق من تصرفات اهله وجياتهم

‏ما أعرف ليش مع انه همه ممضايقين أحد أبداً كله اليه

‏صرت ما أفكر بشيء الكاه كبالي بثلاجه الي اشتراها وخلاها بالغرفه خاصه بيه علاجي وأكلشي يخصني ..

‏

‏هالفتره اتجنبته لان كلامه صار قليل مع ان أهتمامه نفسه بس على طول مشغول وأخر مراجعه رحت ويه لبنى ‏كنت نهايه الثامن جنت مقرره إلا اخلص امتحانات يلا أروح ‏لكن بطني والتقلصات كلش اذتني و‏طلعت من يمها واني القهر زادني قاطات

لبنى ‏خير شو وجهچ مغيم

‏ماكو شيء كالت بطنج نازله وعندج توسيع تخاف لا يصير ولاده انطتني ابر للرئه

‏يلا أن شاء الله خير

‏رجعت واني كلش تعبت وحس طاقه ماكو صفر

‏راسلني دز

حربي ‏طلعيلي بالباب

‌ ‏طلعت لكيته واكف وخالتي بالمطبخ

‏ شبيج يابه

ما أعرف مختنكه بس اريد اجيب اخلص تعبت هلكت

هانت ما بقى شيء

‏شكد باقيلج إمتحانات

‏ أثنين باجر واحد وباقي واحد

‏هذا هو خلصتي الله كريم محتاجه شيء تجين يمي

‏لا لا

‏بس تجيبين أحل كلشي

‏شبعت من كلامك شفتهمت اني بس حجي

‏لينا ما أريد اخشن الكلام بس طلعت من ماعونها

‏من ماعونها من جدرها العندي كلته رجعه وهي على ذمتك تحلم أرجعلك

‏هذا هو بس لا تضوجين

‏ما ضايجه

‏يلا جا اني اروح وشتحتاجين اني ابات يم ابويه هالفتره

‏تمام

‏ أني خايف عليج حيل والله

‏الله كريم رجعت الوجع يزيد رحت على جيرانه ضربت الأبرة ورجعت و‏ثاني يوم داومت شافتني الدكتوره ريما كلش حبابه

ريما ‏ها لينا بشري رحتي طبيبه لا

‏هلا عيني رحت والله تگول خاف تصير عندج ولاده مبكره

‏والله لينا اخر فتره هو افتريتي بالمعهد هذاك اليوم يعني ما غيبناچ بس هواي دكاتره وياي كالو لو مآجله الامتحانات دور ثاني أفضل دنشوفج شون تعبانه حتى كلنا نحجي ويه رئيس قسمج

‏ ما أعرف هو ما بقى شيء هانت

‏الله كريم الله يكومج بالسلامه وتفرحينا وياج

‏تسلميلي يا عمري ‏رجعت ويه نافع اتصلت عليه لان بنات