رواية حين تتغير الاقدار الفصل الرابع بقلم سناء الهموندي
"العيش بعفوية مع أشخاص نواياهم طيبة ذلك مايقال عنه الحظ الجيد في الحياة
جوريه : خجلت من حجيه (واحجي بكلبي ليش هيج يكول جا أنا مقصره بشي وماعرفن) وكتله أنا جبيره والله جاوبته بجديه شوفني كلشي اعرفن اسوي اخبز واطبخ .ذاك اليوم من سويت الباميه مو كلت بحياتي ماماكل هيج طبخ .
محمد : جوريه انتي كلش بريئه وعلى نياتج مراح تفهميني الا بوكته انايجوري اخافن عليج من نفسي ومن كلشي اخافن عليج من دنيانه المانعرف شضامتنه اخافن عليج عبنج طيبه وعلى نياتج .
جوريه :لا تخاف أنا سبعه ومادامك ويايه أنا ماخافن .
محمد : عفيه يبعد ابوج هيج اريدنج سبعه وماتهابين شي يالله أنا رايح تردين شي اروحن شوي ويه ربعي قبل الصلاة الغروب أنا راد .
جوريه : ردتك سالم روح الله وياك .
ضويه: صار فتره أوضاعي متخربطه والشهرية ما بينت واستحي اسال عمتي حياتي زينه ويه صادق الحمدلله يحبني ومراعيني يطلع للمدرسه الصبح ويرجع الضهر وتعبان يتغده ويرجع يدرس يكول بس هلجم شهراتعب روحي وذا نجح يروح كليه مادري شنهي هاي بس يمكن هم مدرسه جبيره كاعدين كلنه بلهول عمي يسولف بأمور سياسه هوه و فرقد وصادق يتناقشون عمي يدافع للأمير عبد الإله يكول خوش حاكم بس مايخلو يشتغل .
فرقد : بويه شنهي هوه عبد الإله ودافعله هوه من سنه ال٣٩حاكم وهاي احنه طبينه الخمسينات وماشفنه منه شي عبن ماعده شخصيه تحسه ضعيف شخص مو كد المسوليه .
صادق : أنا ويه فرقد حجي ماتذكر من صار الانقلاب بحركه مايس هوه خله وشرد ..
ابو صادق ؛ ماكو بشر ما معيوب بس انا اكولن احسن من غيره.
ضويه : هم يحجون وانا كلشي ما فتهم عليمن يحجون احجي بكلبي هوه منهوا عبد الإله يجوز صاحبهم بيت عمي كلش مثقفين وخصوصا فرقد هواي يحب أمور السياسه فرقد يدرس بغداد يم خواله فرقد أساس متفهم وعقله اكبر من عمره هوه اصغر من صادق بسنه لتافيت الفضه كاعده تقره بكتاب بصفي.
اكولن فضه منهو هذا عبد الإله شنهي هذا تاجر يو كرابتنه.
فضه : هههههههه انزول عليج ضويه جا ماتعرفين عبدالاله ..
ضويه : لاله وروح امي ماعرفنه.
فضه : ههههه هههه اخخخ يمه لحكي ليه وكليله منهو عبد الإله.
ام صادق : بسج خايبه صوتج منا ابوج كاعد وذا سالتج جا غير ماتعرفه يمه ضويه هذا يصير الأمير الحاكم العراق هساع عرفتي..
ضويه ياعع عودن صدك جا هذا شوكت حكمنه .
ام صادق : يمه اتي جتي صغير بحرب العالميه الثانيه بسنه اال١٩٣٩ولهساع هوه حاكمنه .
ضويه : صفنت وحسبات بالي شو كت احسن شي عصر معدتي وجهي نكلب عمتي ام صادق انتبهت عليه سالتني
ام صادق:يمه ضويه شبيج احوالج متغيره وصايره صفره .
ضويه :سكتت ودنجت ستحيت اكلهه الشهريه غايبه من شهر واحوالي كلهه تغيرت عمي وصادق وفرقد كاعدين من حجت مرت عمي نتبهو عليه شافتني دنجت وسكتت راحت الحجرتهه وصاحتني .رحت وراهه ودشيت لحجرته
ام صادق: شبيج يمه اهيسج مو على بعضج شنهي شتحسين موجوعه.
ضويه : حجيتلهه بخجل شو شهريتي ماكو واحسن نفسي ممروده ودايخه شو هاي صلت على محمد وفرحت كلت بداخلي شنهي سالفه .
ام صادق: يمه الله لا يجذبني انت شايله أنا ملاحضتج من سبوع وضعج ما عاجبني شرايج اوديج للجده ونتأكد .
ضويه : يااا عمه خلهه اليوم عيب الولد كاعده باجر نروح.
ام صادق: انشالله بس انا متاكده انت شايله .
ضويه : دنجت خجلانه وصاحني صادق كالي تعاي للحجره طبيت اشرلي يمه كعدت وهوه حجه وعيونه ملهوفه.
صادق: تعرفين صارلنه بلسبع اشهر متزوجين وانا مامصدك عبن جنت ليل ونهار احلمن بيج أنا شمسوي والله نطاج الي تعرفين من جنت اشوفنج تسيرين بيت جدي يو بيتنه وانا احترك عليج اكولن بداخلي ماريدن احد غيري يشوفهه عبن هاي مالتي وانا ماحبن أحد يباوع لحجاتي وخصوصا من عمتي سعديه رادتج لابنهه ردت اكتل حته عمتي وكلت شوكت تصير بذمتي واضمنهه من العيون ضويه انتي كل حياتي وانا احبن اشاركج بكلشي يخصني وهسه جيت أخذ رايج بشي يبعد اهلي تعرفين أنا ما باقيلي بس هلشهر ونص وامتحن وذا نحجت نشالله اداوم كليله بغداد أنا ماكدر اعوفنج شرايج اخذج ونستقر بغداد عبن اريدن ابني حياتنه هناك انا وياج .
ضويه : هوه يحجي وانا صافنه بي وبحجيه شكد مثقف شكد حلو يحجي أحسنه بلسم لكل جروحي من كال على بغداد كيفت أنا اروحن لبغداد يوم الهنه والمنه صدك انا اروحن وعيشن هناك بس جوريه شلون هاي تتخبل عليه أن سمعت اعوفنهه جاوبت صادق أنا وياك عبن انت صرت كل هلي شلون اعوفنك بس شلون بجوريه اذا سمعت.
صادق : لا تخافين جوريه معززه مكرمه عد رجلهه وانا وعد مني كل فتره اجيبنج ليهه تشبعين منهه شوف .
ضويه : خوش أنا شريدن من الله غير ابقى وياك ونعيش سوه بلحلوه وبلمره .
صادق : طفي لاله وتعالي نعيش شويه بحلوه هههههه .
ضويه : هههه انت ماجوز من سوالفك هاي التخجل ثاني يوم الضهر ماكو احد بلبيت عمي وصادق كلمن الشغله وفرقد سافر لبغداد وفضه كاعده تسوي طابك مرت عمي جابت الجده وكشفت عليه وصدك طلعت حامل مرت عمي كامت تهلهل ونطت للجده زايد مو ناقص باركتلي وكعدت تحاجيني.
ام صادق: لا شيلين ثكل لا تخلين صادق يتقربلج هلفتره خل يثبت الجاهل أنا أريدن افرح بخلفه صادق.
ضويه : فرحت كلش هيه تحجي وانا بس اهزن براسي.
فضه : بفرح يمه يعني راح يجينه جاهل بلبيت .
ام صادق: بقهر انشالله اذا ما اخوج بقى مصر على روحته لبغداد صدك ضويه لاتسوين عشه بيت جدج مسوين ثواب بروح الموتى يجي عمج والولد ونروح للعصر اجوي كلهم و رحنه بيت جدي بليل يوم خميس هوسه كلهه ملتمه عمامي وعماتي وجهالهم عمتي خبرتهم بحملي وكلهم كيفولي حتى صبريه صادق عيونه كامت تلمع من الفرح عبن عمتي فاجاته طبت جوري جايبهه زوجهه سلمت وجت يمي كالت شكو شوكلهه تبارك الج والصادق كلتلهه أنا حبله حضنتني وباركتلي وفرحت أكثر مني .
جورية : اليوم محمد من الصبح كال اروحن للزرع عندي شغل كتله خوش بس ردت اكلك ارد اروحن لبيت جدي العصر اذا عندك مجال ذبني بيت جدي .
محمد :خيرج حبيبه مو من عوايدج انتي ماتحبين ترحين هناك صاير شي تقدمت عليهه ولزمتهه من جتفهه
جوريه : خجلت اول مره هيج يلزمني جاوبته برتباك ااا لا ااا ماكو بس اليوم مسوين ثواب على روح الموتى عبن اليوم دورة السنه مال جدي والبارحه من جتي ضويه كتلهه اباتن يمهم عبن ضويه هم تبات هناك وانا مشتاقتلهه .
محمد : يجرالج بس شون تباتين وانا شلون تعوفيني تعلمت على حسج بلبيت وياي .
جوريه :خجلت كتله هاي هيه بليل رجعني .
محمد: جا خوش العصر اجي اخذنج واجيج بليل ارجعج ياله أنا اروحن عبن عدي شغل بلكاع ويه ابوي .
جوريه : راح محمد وانا نضفت وكعدت احوكن شويه وتنور جان شويه مفطر خبطت طين وحطيت ويا نفيش وسويته وكضيت وكتي هيج للعصر وجا محمد.جنت كاعده ارشن بزرع الحديقه داخل البيت .
محمد : هلا بجوري كواج الله .
جوريه :الله يكويك جواعن اصبنلك .
محمد : تقدمت بستهه براسهه . جاوبتهه لا يرويحتي اكلت عند اهلي حضري اوصلج لبيت جدج واردلج بليل .
جوريه: لبست عباتي ورحنه لبيت جدي وصلنه لكينه عمي فرزدق بلباب سالمت وطبيت وأشوفن كلهم يباركون الضويه سلمت ورحت كعدت يمهه وسالتهه كالتلي حبله فرحتلهه من كل كلبي وتمنيت لو انا هم يصير عندي ضنه وافرح بي محمد صبوا عشه وكمت ويه البنات تعشينه خلصنه لمينه الماعين وغسلناهن و رحت كعدت يم جده شويه سالتني عن حياتي جاوبتهه مرتاحه الحمدلله محمد ماكو منه وأهله خوش ناس .صاحتني ضويه .
ضويه : جوري تعالي شويه اريدنج .
جوريه :رحت كعدت يمهه بلحديقه الورانيه بيت جدي كلش جبير وبنص البستان ومسيجين داير مدايره بلخوص كعدنه أنا وياهه وكالت .
ضويه: شونج يروحي شون محمد وياج .
جوريه: الحمدلله مرتاحه ويا .
ضويه : الحمدلله الله يخلي الج خيمه وسند جوريه تعرفين بصادق يداوم مدرسه وهلسنه لازم يروح البغداد يكمل وانا لازم اروحن ويا يعني نستقر هناك عبن هوه يكول اريدن ابني حياتي هناك بس انا بالي يمج شون اعوفنج.
جوريه : بدمع وغصه الله وياج خيتي أنا الحمدلله حياتي مستقره ورجلي يحبني لا تخافين عليه روحي الله يوفقكم بس انتي لا تكطعين بيه مثل مهدي اريدن كل فتره نتشاوف .
ضويه : حضنتهه وبجيت شون ماشيل همج انتي خيتي وروحي وصادق واعدني كل فتره يجيبني اشوفنج وماعوفنج وروح امي.
جوريه :نشالله أنا راحتي من راحتج لا تشيلين همي انا اكوم البس عباتي عبن محمد كال ارجع اخذنج .
ضويه : جا البارحه من جيتج مو كلتي اباتن انا وياج شجاج غيرتي رايج .
جوريه : كتله لمحمد اباتن وكالي وانا شلون انام وماكو حسج وياي بلبيت .
ضويه:ضحكت لفطرتهه تحجي كلشي يجي بالهه كلتلهه اذا هيج انا هم اروحن وره رجلي وانتي ديربالج على نفسج وعلى رجلج باين صدك يحبج .
جوريه : شعندي غيره اله صدك خيه ماعندج اخبار على مهدي .
ضويه : انا المايسال عليه ماسال عليه ماعرف عنه غير هوه بخير و ملتهي بحياته يكولون صاير عده جاهل ومرته حامل ..
جوريه :الله يهني بحياته.
ضويه: اجت عمتي نبعه صاحت جوريه زلمتهه بلباب وطرش عليهه عمج كامت جوريه بوستني وراحت وانا رجعت ويه صادق للبيت طبينه لحجرتنه وهوه جر ايدي حضني وباسني براسي وكال.
صادق : الف مبروك يا روحي متعرفين فرحتي شكبرهه أنا راح اصيرن اب تعرفين شنو من حساس حاسه هساع طاير أنا طاير من الفرح ..
ضويه: يحجي بفرح وعيونه تلمع وانا عيوني دمعت مسح دموعي وحضني .
صادق: ماريدن اشوفنج تبجين لازم تشاركيني فرحتي باسني براسي وكعد يسولفلي عن مستقبلنه شون نبني بغداد وشون نربي جهالنه ونمنه وثاني يوم راح لبغداد يدورله محل يفتح بي خياطه عبنه هوه شاطر بلخياطه كلش....
جوريه : طلعت ابتسم لمحمد جان واكف يسولف ويه عمي من شافني ابتسم وكال .
محمد : ها جوري نمشي طلعت مثل الكمر تمشي والبتسامه تنسيك هموم الدنيا .. .
جوريه : اي نمشي بس أودع جده واجي .
محمد : خوش منتضرج بلباب ...شويه وطلعت سلمت على عمهه ومشينه ها حبيبه شبعتي شوف من اخيتج .
جوريه : اي بس أنا كلش مخنوكه عبن ضويه راح تروح لبغداد تعيش وانا شلون اتحمل فراكهه ضويه كل حياتي من بعد وفات امي .
محمد :جا وانا وين بحياتج ههههه لا تخافين أنا ماعوفنج وهيه لازم تروح ويه زوجهه .فكري وخلي روحج مكانهه لو انا رحت لمكان تعوفيني .
جوريه : لاله شون اعوفنك أنا ماخليته تحس بيه مضايجه بس راح اشتاكلهه وانا مامتعلمه افاركهه ..
محمد. لا تشيلين هم انا وياج لآخر نفس بيه.
جوريه : وصلنه البيت وطبينه الجو ربيع حلو شعلت الاله وفرشت وكعدت يمه بلهول حجالي شوي على شغله وانا حجيتله على بيت جدي وذكرت ضويه وحجيت بلهفه صدك ماكتلك موش ضويه طلعت حبله وراح تصير ام .
محمد : نشالله تكوم بالسلامه بعد شتردين راح تصيرين اخاله واحلا خاله بلسلف .
جوريه :جا شو أنا ماصرت حبله اخافن أنا مايصير عدي جهال .
محمد: ارتبكت من حجيهه هاي صغيره ومتعرف شي عن العلاقه الزوجيه وانا ماريدن احجيلهه هسه واشوش دماغهه خلهه تكبر ياله ...جاوبته لا يكلبي نشالله تصيرين احلا ام بس مو هسه شويه كبري حته تكدرين تربي وتشيلين مسواليته .
جوريه :بس انا جبيره اكدر اشيلن جاهل واربي .
محمد :الله كريم حبيبه انتي ادعي الله يرزقج انتي أو صفيه ماكو فرق بينجن .
ضويه: مرت الايام وصادق امتحن وخلص جان للصبح يقره وانا كلساع اسويله حليب يو جاي واكعد من بعيد اباوعله اكولن خطيه ماريدن الهي عن دراسته حطيتله لاله وعاين عليه من بعيد .وهوه كلساع ويكلي صادق:روحي نامي حبيبه تعبين وانتي حامل أنا أكمل وانامن ..
ضويه : ما يهلي اخلي وانامن نجطلت بمكاني وغفيت .
كمل امتحانات و مرت الايام وراح صادق يجيب نتيجه مالته .
كاعده ويه مرت عمي نسوي زوري عمي عاجبه وفضه تلكط خضره وطب صادق . ..يبتسم وفرحان
صادق: وينكم ام صادق ابو صادق تعالو شوفو تعبي ماراح نجحت وحققت حلمي .
ضويه: كمت وكفت وابجي فرح وعمتي ركضت حضنته وتهلهل وصلي على محمد وال محمد حضنهه وباس راسهه وجه بأس راسي وباركتله وفضه هم باركتله وحضنهه .
صادق :يمه وين ابوي اريدن ابشرنه .
ام صادق :ابوك راح للبستان هساع على جيه .
ضويه : راح صادق للهول واشرلي رحت ورا طبيت بتسمت وباركتله
صادق: الله يبارك بيج حبيبه ضويه نشالله هلسبوعين أكمل شغلي هنا وننتقل لبغداد حته تتعلمين ونرتب امورنه أكثر بين ما يجي الدوام عبن أنا مكمل كلشي هناك طلع وخبر أمه بروحتنه.
ضويه :أنا جاهزه شوكت ماتريد نروح ... أمه كامت تبجي وتكول .
مرت عمي:مادري شلون اتحمل افراككم يايمه والله لو بيدي ماخليك تروح بس شسوي لابوك العاند اله تكمل اعلامك انت وفرقد الساكن بغداد وماشوفنه غير كل سنه مره وهساع انت هم راح تسكنهه وتبعدون .
صادق :يمه ماتردين ترفعين راسج بينه مو انتي جنتي تكولين اريدنكم فخر ليه .
وهاي أنا وصلت لحلمي ونشالله نفرح بفضه وفرقد. وانا يايمه جمره كتله لابوي خلنه كلنه انروح لبغداد وانتي عارضتي وتكولين هنا منفسي وحياتي ماكدر اعيشن بغير مكان عبن تعلمت .
ضويه : عفتهم يحجون ورحت أكمل الغده واجه عمي وبشره صادق وفرح وكال
عمي :أنا ناذر ذبيحه لنجاحك نشالله الخميس نذبح بيت جدك ونسوي ثواب .
صادق:نشالله يأبه .
اجه الخميس وعمي ذبح وعزم عمامي وعماتي ولتمينه بيت جدي وصادق خبرهم بروحتنه لبغداد وبيهم الفرحولنه وبيهم العارضوا.خلصنه العزيمه ورجعنه للبيت وبدينه نحضر لروحتنه لبغداد .
عمي ابو صادق عنده خير من الله املاك حته بغداد عمي نطا لصادق بيت البغداد نعيش بيه خلال سبوع صادق صفه أموره هنا وبعد يومين احنه ننطلق لبغداد..
جوريه: حياتي ماشيه وماكو شي جديد العصر كاعده بلحديقه زرعت بيهه خضره وفجل وكاعد احوشن ودجاجاتي ياكلن منهه واهشهن كلت احسن شي اخلي محمد يسيجلي البضهر البيت واخليهن بي سمعت مره صيح أهل الدار منهو هنا اول مره أحد يجينه غريب رحت باوعت من فتحت الخوص شفت مره شابه شايله تمن ابو الماش وعليه تمر عرفتهه توزع ثواب فتحت الباب وكلتلهه تفضلي تفضلي خيه طبت وكالت .
ام علي :يا خاله هاي اكو احد هنا وانا عبالي بيت فارغ لو ما ابني شايف رجال فايت البارحه وكلي يمه هذا البيت بي عالم ساكنين .
جوريه: اخذت الثواب وكلتلهه هلا بيج حبيبه أنا مصارلي اشهر كعدت هنا جاوبتني .
ام علي:وبيج أكثر حبيبه انتي منين من الديره منهو اهلج شو أنا ماشايفتج بسلفنه.
جوريه:سولفتلهه أنا من كذا عمام....... وأمي شون اخذوهه فصليه وانا زوجت واختي خذت ابن عمي وقدمتلهه جاي واكثر من ساعه مرت وانا وياهه نسولف خذتنه السوالف عبن المره بساع خشت كلبي .
ام علي : يمه حبيبه تعاي ليه كون انتي بت جميله .
جوريه: بتفاجا اي أنا بت جميله انتي منين تعرفين امي .
ام علي : حبيبه شلون ماعرفهه امج كرابتنه أنا وأبو علي يصيرون ولد عم الابو وحته انا هم ابهاتنه ولد عم .
جوريه: فرحت كلش من حسيت اكو احد من ريحه امي دمعت عيني وكلتلهه متعرفين شلون فرحت أنا عرفتج .
ام علي: عمت عيني يا جميله ماتهنت بحياتهه هيه وأمي جانن كلش كريبات لبعضهن خيه جوري أنا هنا شتحتاجين تعالي ليه .
جوريه: ماتقصرين حبيبه.....
ام علي : شعجب كاعده بطرف البستان بعيده على الوادم.
جوريه : أنا صارلي اشهر تزوجت وكعدت هنا .
ام علي : ياله حبيبه ضلت عدج العافيه.
جوريه : راحت ام علي ولليل اجه محمد اول مطب ابتسمتله وكتله الله يساعدك .
محمد : يساعدج الله حبيبه.
جوريه :حضرت العشه وتعشينه وراهه حجيتله على ام علي .
محمد : كصدج بيت ابو علي أهل البستان البطرف الثاني يصيرون كرابتج .
جوريه : اي ابو امهه لام علي وابو ابو علي وجدي ابو امي يصيرون ولد عم خطيه فرحت من عرفتني وانا طرت بيهه .
محمد :ببتسامه دومج هلفرح يارب أنا اعرفن بيت ابو علي بس مادريت يعيدولج
جوريه: كملنه وشلت المواعين غسلتهن وفرشتله بلهول وانا طبيت لحجرتي نمت مرت يومين واجتني ضويه الصبح.
ضويه : باجر موعد سفرنه للولايه ودعت عمامي وعماتي وكتله لصادق اريدن اروح الصبح الجوريه اودعنهه و ارجع بليل عبن بعد الله يعلم شوكت اشوفنهه .
صادق: لبسي اخنذج ليهه وبليل بطريقي .
ضويه:وصلنه ودكينه الباب طلعت جوريه .
جوريه:ياهلا ومية هلا دشو جوه .
صادق :ماتقصرين بس والله مستعجل عندي شغل .
ضويه: طبيت وتسالمنه شلونج حبيبه حليانه هاي شيوكلج محمد عسل هههه
جوريه: والله عليج سوالف خيه ضويه اله انتي شلونج منين طالعه الشمس اليوم هل جيتيني راح صادق وهيه دشت.
ضويه:جيت اودعنج أنا باجر رايحه لبغداد حجيت بخنيك.
جوريه: عيوني جرن وعلت شهكاتي صعبه هاي امي الثانيه أنا شلون اتحمل فراكهه بجيت بعد ماتحملت
ضويه : بروح امي لا تبجين أنا كلبي كله عندج والله ماكطع أنا كل فتره اجيج .
جوريه: الله وياج خيه توصلون بلسلامه أنا شرايده غير سعادتج..مشه اليوم وحنه ساعه نسولف ساعه نبجي حجيتلهه على ام علي وكالت.
ضويه :الحمدلله لكيتيلج وحده عرف ترتاحيلهه اقلهه شوي أمن عليج عدهه .
جوريه: يعني انتو بعد ماترجعون هنا بلديره .
ضويه : صادق يكول هناك اريدن ابني مستقبلي ومستقبل جهالي.
جوريه: جا ما يبني هنا شو الكيعان مزبله بلسلف شنهي بس بغداد ينبني بيهه .
ضويه: ضحكت وكلتلهه لا خيه يعني يريد يكمل دراسه وهناك وكت الفراغ فتح محل خياطه تعرفين هوه شاطر بلخياط ونشالله نعيش احسن عيشه .
جوريه : نشالله كملت العشه اصبن لو ننتضر يأذن وره الصلاة نتعشه .
ضويه: خيه يا عشه صادق على جيه اروحن الم جويلاتي هم ياله .
جوريه : اجه محمد فات شاف ضويه سلم عليهه وفات للحجره رحتله اسالنه جوعان اصبن عشه .
محمد :لا يلحبيبه اخذي راحتج ماكل وشبعان روحي يم اخيتج عيب منهه .
جوريه: كعدنه شويه وكمت صبيت عشه تعشينه أنا وياهه آخر عشه قبل لتسافر وراهه اجه صادق عليهه طلعله محمد ضيفه .
محمد : يا كل الهلا ببو الشباب تفضل تفضل .
صادق : بيك أكثر ابو جاسم يأبه اليوم جينه انودعكم باجر نشالله نتوجهه لبغداد.
محمد : ترحون وتجون بلسلامه نشالله تفضل جوه ليش واكف بلحوش يأبه تعال تعشه عاد .
صادق :مشكور ماتقصر بس والله مستعجلين هم ياله .طلعت ضويه ها حبيبه شبعتي شوف من اخيتج .
جوريه: ترحون وتوصلون بلسلامه .
صادق : الله يسلمج بت عمي يأبه ابو جاسم جوري امانه عندك راح اعوفنهه .
محمد: بعيوني احطهه .
صادق : ياله في امان الله.
محمد : الله وياكم خويه توصلون بلسلامه .
جوريه : ودعت ضويه بدموع وحسره راحت ومرت على روحتهه شهرين.وسمعت من عمتي ام صادق دكول فرقد جاي و كايللهم الحمدلله مستقرين هناك ومحل صادق شغله زين يعني الحمدلله وضعهم زين ...ام علي معافتني كل يومين ثلاثه تجي تكعد شويه يمي ونسولف وتحجيلي على جهالهه .
بيوم كاعده انفش بلكطن افرشنه علشمس وارجع بليل اعبي بلوله (مخده) وخيطهن اجه محمد عصبي وشكله متغير وكال.
محمد: جوريه أنا لازم اخذنج نعيش عد اهلي ماكدر يوميه رايح راد هنا وهناك وانتي هم تتعلمين عليهم أكثر أنا ماكدر اعوفن صفيه بديره وانتي بديره .
جوريه: بكيفك انته وين متريد أنا وياك ..
محمد : نشالله باجر نروح عد اهلي امي كالت حجرتي الكم وهيه تكعد بلهول انتي لتاخذين شي منا بس هندامج .
جوريه : نشالله طب محمد للحمام يسبح جو حار وانا لميت الكطن والبيت وطلعت ثيابي حطيتهن بقجه ورحت لمحمد كعدت يمه وكال.
محمد : جوريه حبيبه هناك حياة تختلف عن بيتنه وانا وياج هناك نام فد حجره مو مثل هنا كل واحد منه بصفحه وماريدن أحد يعرف كلشي يصير بينه وأمي شتحجي لا تردين أنا اتصرف وولو انتي مايعتاز اوصيج انتي بنت اصول ونعم منج ومن تربيتج .
جوري : يحجي وانا اهز براسي كالي .
محمد : ومن اليوم انتي راح تنامين يمي روحي جيبي فراشج وتعاي هنا .
جورية: باوعتله بتفاجا.
محمد : شمالج لا تباوعين هيج نفذي الكلتله يلله حبيبيه .
جوريه: جبت الفراش فرشته وكعدت سحبني بصفه ونمت قريب عليه .
محمد : جوريه تعرفين صفيه بت عمي انا كلش اقدرنهه واحبنهه حالج من حالهه وأمي حسبيهه بحسبت امج وأبوي رجال فقير ياخذه فجر ويجيبه ليل
جوريه : لا تشيل هم أهلك حسبت اهلي نشالله ...
صادق : رحت لبغداد جهزت البيت وشتريت محل ومكينه خياطه وراهه بفتره نطلقنه لبغداد وصلنه اول ايام صعبه بالنسبه لضويه بس شويه شويه تعودت وهاي أنا اليوم بمحلي من اول ما جينه فتحته ورتبته وفرقد ماعافني أنا من صغير اهوه الخياطه وبلعطل جنت اروحن بيت جدي بغداد واشتغل ويه خالي بمحله وصرت أنا اخيط مكانه لحد ما اليوم أنا واكف بمحلي صار شهرين من فتحته وضويه فرحانه بغداد نوبات اوديهه بيت جدي تغير جو لو نروح للامام الكاضم عليه السلام نزور قريب على بيتنه الكعدنه بي نروح مشي وحته محل الخياطه كلش قريب على الامام اليوم مواعد ضويه ارجع نتغده سوه واخذنهه لبيت جدي توني جاي أعزل بلمحل واجه فرقد .كال..............
شكرا لزيارتكم عالم روايات سكيرهوم
