رواية صاعقة الحب الفصل الرابع
بسم الله والصلاه والسلام علي رسول الله
يحيي جاي وبعد ما دخل الغابه سمع صوت ضرب نار وهنا عرف ان معاذ في خطر وبعد ما قرب من الصوت وقف العربيه وبدأ يستكشف المكان وعلي ما وصل لمعاذ واميره كان معاذ مرمي علي الارض والضابط بيقرب من اميره وبيمد ايده عشان يقلعها الحجاب وهنا يحيي بداء يتحرك بالراحه عشان محدش يحس بيه واول ما الضابط مسك الحجاب ولسا بيشدو ومعاذ يصرخ و خايف على اميره وهى بتحاول تضرب الضابط لكن العساكر مسكنها وهنا بيهجم يحيي بسرعة البرق علي الضابط و يمسك ايده و يكسرها و بخفة يد بياخد المسدس من الضابط و يحطه في دماغه والكل بيوجه سلاحه علي يحيي واميره بتتفاجئ ومعاذ بيبص له اخيرا جيت يا صاحبي يحيي يبتسم معلش يا خويا اتاخرت عليك الضابط بيصرخ انت مين وازي تتجراء تعمل كده
يحيي انا الموت لكل كلب يتجري ويفكر يلمس اي بنت انا زلزال الباطل واسد الحق انت مين يا خسيس يا زباله يا احقر خلق الله
الضابط انت وديت نفسك في داهيه هديك فرصه واوعدك هسيبك
يحيي بس انا مش هديك فرص يلا سيبه البنت ومعاذ
منتصر لا مستحيل اقتلوهم الضابط لا كله ثابت سبوهم منتصر انت اتجننت ازاي تسيبهم احنا ما صدقنا نمسكهم الضابط زي ما مسكتهم مره هنمسكهم التانيه لكن انا مش هموت عشانك يلا يا عسكري انت وهو نفذوا و العساكر بيسيبه معاذ واميره
ويحيي بياخد الضابط ويرجع وحده وحده لي وراء يحيي هسيبك بس احسن لك تبعد عن سكتنا عشان دي هتكون نهايتك
منتصر بيخطف البندقيه و بيضرب اميره بالنار لكن يحيي بيضرب الضابط علي دماغه بظهر المسدس ويرمي نفسه قدام اميره و الطلقه بتيجي فيه وهو بيدوس علي الزناد وبيضرب الدكتور بالنار وبيوقع علي الارض معاذ بيحضنه يحيي انت بخير يحيي بيقوم انا بخير يا معاذ بس لازم نبعد بسرعه و يرجعه وراء ويحيي ماسك المسدس و موجهه عليهم و بيجرو العساكر عشان ياخدوا الضابط و بيطلبه الاسعاف عشان الدكتور ويحيي ومعاذ واميره بيجرو في الغابه عشان يبعده علي قد ما يقدره
يحيي بينزف بس بيحاول يظهر انه كويس بس الالم كان بيزيد العربيه في الناحيه دي يا معاذ تعالى عشان نطلع من الغابه معاذ مش هنقدر الضابط اتصل وطلب دعم و زمانهم محاصرين الغابه يحيي والعمل ايه معاذ مفيش قدامنا غير اننا نحاول نطلع من هنا مشي ٠
اميره بتقاطعهم بس الاول لازم نطمن عليك ولأول مره اميره بتبص ليحيي و عنيهم تتلاقى وكان في صاعقه ضربة قلوبهم وسكتو معاذ بص عليهم يحيي ايدك بتنزف لازم نشوفها يحيي انا بكلمك انت مش سامعني يا يحيي ويحط ايده علي كتفه .
يحيي ايوه يا معاذ بتقول حاجه . معاذ بقول انك بتنزف وهنا اميره كمان فاقت ايوه تعالى هنا اشوف جرحك ويحيي بيقعد وبيسند ظهره علي شجره واميره بتشوف جرح يحيي وبتقول الحمد لله الاصابه في الكتف والرصاصه خرجت بس لازم نوقف النزيف ده معاذ طاب والعمل ايه اميره انا بفهم في طب الاعشاب واكيد هنلاقي حاجه هنا توقف النزيف انا هروح ادور يحيي خد المسدس يا معاذ وروح معاها وانا هستناكم هنا اميره لا خالي معاذ معاك لحسن حد منهم يجي يحيي ما تقلقيش لو حد جه انا هعرف اتصرف يلا يا معاذ وفعلا معاذ بياخد المسدس ويتحرك هو واميره و يحيي يحاول يوقف و يشوف المكان حواليه وقطع القميص وربط كتفه وبداء يتحرك ولاحظ ان الطيور بتعدي عليه وتنزل في مكان بعيد عنه وهنا عرف ان اكيد فيه مياه هناك عشان كده الطيور بتنزل كلها هناك وبداء يمشي و يسيب علامات محدش يفهمها غير معاذ وكمان بيعمل فخاخ عشان لو حد جه في الطريق ده وفضل ماشي لحد ما وصل مجراه مياه عزبه وكان فيه مغاره قريبه منه واول ما وصل عند المياه كان خلاص مش قادر ونزف دم كتير ولما بترجع اميره للمكان الي كانوا سيبين يحيي فيه بتلاقي ان يحيي مش موجود وهنا بتنزل علي ركبها مكنش لازم نسيبه لوحده شكلهم اخدوه وبتبكي معاذ خد باله من العلامات اهدي يا اميره يحيي بخير اميره ازاي بخير وهو المفروض يكون هنا احنا جبنا الاعشاب عشان نوقف النزيف يا ترى هو فين معاذ يلا هنروح له اميره باستغراب هنرحله ازاي انت عارفه فين معاذ ايوه شايفه الفرع ده اميره ايوه ماله معاذ ده إشاره للمكان الي هو راح فيه و شايفه الفرع التاني ده اميره ايوه معاذ ده معناه انه عامل فخاخ وفضلوا ماشين ومعاذ بيشرح كل علامه لاميره وايه معناها وان محدش يعرف الاسلوب ده غيرهم هما وبس لحد ما بيوصلو بركة المياه وبيلاقو يحيي مرمي جنبها وبتجري عليه اميره . العساكر بيفوقو الضابط وبياخدو الدكتور وبيطلعو علي المستشفي والعسكري بيطمن الضابط ان الدعم وصل ومحاصر الغابه والضابط يبلغ القياده انهم إرهابيين وتعدو عليهم بالضرب وأخذوا سلاحه وهو بيبلغ الاشاره كان المقدم رامي موجود والمقدم رامي ده انسان صاحب خلق وكان عارف ان الضابط ده كل شغله شمال وهنا قرار انه يمسك القضيه دي بنفسه عشان يعرف الحقيقه وهو من سنين عايز يكشف الضابط الفاسد ده لكن الضابط كان مامن نفسه وكل العساكر الي معاه كانوا من نفس عينته عشان كده كان صعب انه يتكشف لكن مفيش حاجه مستحيله علي ربنا عز وجل واول ما راح الخبر للضابط ان المقدم رامي مسك القضيه وتحرك علي الغابه طلع بكل مكر وانضم الي المقدم رامي علي اساس انه يساعده وامر كل العساكر بمجرد ما يشوفوا اي حد من الثلاثه يضربوه بالنار وفعلا بدأوا التفتيش و منتصر طلعوا الطلقه منه وبداء يفوق ورن علي الضابط تامر عملت ايه تامر بياخد التليفون بعيد عن المقدم رامي احنا وقعنا في مصيبه ومعايا مقدم زميلي هو اللي مسك عملية البحث ولو مسكهم هو كده احنا هنروح في داهيه منتصر اعمل كل الي تقدر عليه بس اوعى تخليه يمسكهم حتي لو قتلته فاهم يا تامر . تامر فاهم يا منتصر ما تقلقش انا هحاول اوصل لهم قبله منتصر انا عندي فكره تامر قول منتصر التاكسي عندك صح واكيد عملتوا تحريات عن صاحبه تامر ايوه اسمه معاذ ومتزوج ومعاه بنت منتصر ابعتلي العنوان بسرعه وانا هتصرف تامر هتعمل ايه منتصر هخطفهم وكده حتي لو زميلك ده مسكهم مش هيقدرو يتكلموا تامر ده انت شيطان هبعتلك العنوان علي الواتس بس استعجل وإلا هنروح في داهيه منتصر ما تقلقش يلا سلام رامي كنت بتكلم مين ده كله يا تامر . تامر لا ده البيت كانوا عايزين شوية طلبات انت عارف طلبات البيت ما بتخلصش يا رامي المهم فيه جديد رامي الليل خلاص داخل علينا هنوقف البحث وهنبداء مع اول ضوء تامر خلاص مفيش مشكله هروح انا يلا سلام يا رامي بيه .رامي سلام يا تامر بيه . اميره بتفوق يحيي واول ما بيفتح عينه انتو جيته اميره ايوه وجبت الاعشاب يحيي في مغاره هناك تعالوا نروح فيها الليل دخل علينا معاذ هتقدر تمشي يحيي ايوه
معاذ خلاص انا هتصرف في اكل واجي وراكم اميره اكل ايه واحنا هنا يحيي ابتسم ما تقلقيش هو هيتصرف و بيقوم لكن بسبب الدم الي نزفه بيكون تعبان و بيحاول يمشي لكن اميره بتلاقيه هيوقع بتسنده و بتمسك ايده و تحطها علي كتفها و بيوصلو المغاره
معاذ بيجمع حطب ناشف عشان يولع و تليفونه بيرن بتكون رانا بيرد عليها وبيقولها ان يحيي صاحبه تعبان وهو معاه في المستشفي وبيطلب منها تروح تقعد في بيت اهلها لحد ما يطمن علي صاحبه ويرجع وهي عارفه ان يحيي ما لوش حد هنا وبتقتنع بكلامه وبتجهز شنطه صغيره عشان تروح عند بيت اهلها. معاذ بيصطاد سمك من البركه وبيروح علي المغاره وبتكون اميره بتطحن الاعشاب الي معاها بحجرين وبيولع معاذ نار عشان يشوي السمك وكمان عشان الجو برد واميره بتحط الاعشاب علي جرح يحيي وبيوقف النزيف معاذ وبعدين معاك يا صاحبي انت جسمك بيجزب الرصاص ولا ايه يحيي ابتسم طاب ده نصيبي انا هعمل ايه يا معاذ وبعدين كويس ان الرصاصه جات فيا انا لو جات في اميره ما كنتش هسامح نفسي طول العمر
اميره باستغراب انتو ازي كده بضحي بنفسك عشان شخص انت ما تعرفهوش انا لو حد قالي ان في شخص يضحي بنفسه عشان شخص تاني مستحيل كده اصدق كنت هقول ده فيلم هندي انتو الاتنين لا تعرفوني ولا اعرفكم ومع ذالك اتورطو معايا ومش عارفين ايه الي مستخبي لينا
يحيي مهما يكون مستخبي مش هنسيبك غير علي جثتنا انتي امانه عندنا وان شاء الله الحكايه تخلص وتفتكري الايام دي وتبتسمي معاذ ما تخافيش يا اميره ربنا موجود ولو الدنيا خربت خالص هنوصلك لاهلك في الصعيد يحيي هو انتي من الصعيد اميره ايوه بس بسبب المشاكل ابويا وعمي سابو البلد من زمان واتقطعت علاقتنا ببهم وانا معرفش غير اسم القريه بس يحيي حضرتك من محافظة ايه وقريتكم اسمها ايه اميره انا من محافظة سوهاج ومن قرية جزيرة شندويل يحيي احسن ناس اميره هو انت تعرفها يحيي ايوه دي جنب قريتي علي طول انا من سوهاج من الشيخ يوسف وناس الجزيره ناس محترمه وعائلات ليها مكانتها ووضعها وما تقلقيش ليا فيها حبايب كتير اميره لا انا مش عايزه اروح هناك يحيي زي ما تحبي المهم انك تكوني بخير معاذ الاكل جاهز لازم تاكل يا بطل عشان نقدر نمشي بكره من هنا وفعلا اكلو ونامو ومعاذ فضل صاحي يراقب المكان . رانا بتفتح باب الشقه ونازله لقيت تلاته قدامها حضرتك مدام رنا .رانا ايوه انا خير واحد منهم طلع رش ورشه عليها وفقدت وعيها
