رواية حين تتغير الاقدار الفصل الخامس بقلم سناء الهموندي
فرقد : سلام عليكم .
صادق : وعليكم السلام ورحمه الله وبركاته شعجب اليوم هنا ليش ماسبقتني علبيت نتغده سوه .
فرقد : هوه أنا جيت حته اتغده عدكم واحجي وياك بموضوع .
صادق : خير نشالله نروح نتغده وترتاح ونحجي ياله يخوي امشينه.
ضويه :مرت شهرين على جيتنه لبغداد وانا مرتاحه ويه صادق الحمدلله وحملي زين مو متعب بطني برزت نوبات اشتاق لديرتي ولجوري صادق نوبات يأخذني بيت جده قريبين علينه ناس مثقفين وكلهم مكملين مدرسه وأخلاقهم حلوه من اروحن ماحسن بغرب عدهم كلش خوش ناس ونوبات يأخذني للسوك وانا من اشوفن أغراضهم الهنا تخبل مو مثل العدنه كمت كلما اروحن ششتري الي اشتري لجوريه واضمنهن من اروحن اخذلهه كاعده اصلي وكت الضهر خلصت صلاة ونفتح الباب وفات صادق كال .
صادق: قبل الله حبيبه .
ضويه: منا ومنكم صالح الأعمال.
صادق : حضري غده فرقد وياي .
ضويه:كل الهلا بي الغده جاهز بين متصلون اصبن .
صادق : طلعت للهول لكيت فرقد يصلي انا هم رحت توضيت وصليت خلصنه صلاة وطبت ضويه.
ضويه: شونك خويه شون كيفك .
فرقد : ياهلا بخيتي اليوم جيت شويه اضوجنكم هههه.
ضويه : افه انخليك على راسنه البيت بيتك امت ماتحب تنورنه .كملو الصلاه صبيت وكعدنه تغدينه وبعدهه صبيتلهم جاي وفتت للحجره حسيتهم عدهم حجي بينهم كلت اعوفنهم ياخضون راحتهم.
صادق : اي يخوي احجي شنهي الحسبه العندك .
فرقد : ماعرف منين ابدي راح احجيلك بدون مقدمات أنا رايد اتقدم لبنت خالي ضمد واريندك انت تفاتح ابوي بلموضوع عبن انت اخوي العود .
صادق : مو تدلل أنا هلشهر اروحن أحاجي ابوي وروح جدي هساع بس تسمع امي تفرح ماطول سبوع وزوجكم وخالي مايعارض يحبك ويريد خاطر امي .
فرقد : صحيح بس أنا أريدن بس احجزهه هسه خلي هيه تروح سادس وانا أرتب اموري ياله .
صادق :وليش الانتضار اخذهه وكعد يمي بلبيت شو جبير وفارغ .
فرقد: لا يخوي ماريدن هسه بس احجزهه وكطع حقهه .
صادق : هاي هيه أنا سبوع أكثر اروحن وانطي خبر لبوي .
فرقد : نشالله أنا حتمال ماجي وياكم عبن عدي شغل .
صادق : براحتك يخوي.
جوريه: بعد ما محمد كال نروح نعيش عد اهلي ثاني يوم اخذت غراضي ورحت ويه محمد لبيت اهله وصلنه مو كلش بعيد علينه مسافه ساعه أقل عبن البيت الكاعده أنا بي صاير بطرف البستان وبيوت قليله يمنه وهم بعيده عنه طبينه جانت أمه كاعده سلمت وبستهه براسهه وسلمت على مرت محمد ردتلي بس شكلهه ماقابله على جيتي
ام محمد: روحي للحجره حطي غراضج وتعالي ساعدي ضرتج صفيه بلخبز .
جورية :جيت اساعد صفيه مرت محمد كالت.
صفيه : روحي لمي الخبز راح اخلص .
جوريه: كعدت الم بلخبز وحجت صفيه وتسأل بيه.
صفيه : انتي بت صبريه يو بت جميله الفصليه.
جوريه : أنا بت الثانيه.
صفيه: يعني انتي بت الفصليه الاجت لصالح.
جوريه: جاوبت بغصه اي أنا بنت جميله .
صفيه : جا امج شون ماتت
جوري: حجيت بخنيك دنجت وحجيت عضتهه حيه وماتت.
صفيه : وانتو ضليتو وحدكم وره ما ماتت يعني ماعشتوا ويه بيت جدكم.
جوريه: اي اختي ضويه وأخوي مهدي وانا ضلينه بيت ابوي .
صفيه :سمعت اخوج كاطع بيكم جا شماله انتم مو خواته أنا اخوي دوم يجيني ويفكدني شنهي اخوج ماعنده حنيه.
جوريه:لا ما كاطع بس كاعد بغير محافظه وملتهي بعياله كملت الخبز وين اودي .
ام محمد : لفي وشيلي وتعالي احاجيج.
جوريه: تامرين أمر حجيه شلت الخبز وجيت لميت مكان الخبز وكعدت يم ام محمد .
ام محمد : شوفي اكلنج أنا عشت عمري واتجنب الحجي والمشاكل فأنا اريندج شيصير متوصلي لمحمد وسمعين جلمه الاكولنهه واي زايده منج أنا اتصرف غير تصرف مايعجبج.
جوريه: هويت راسي بخوف اي حجيه تامرين
صفيه : انتي تعرفين كلش زين محمد خذاج علخلفه وهاي صارلج قرب السنه وانتي كلشي ماكو فأنا اكولن انتي مالج أحد بعد غير محمد اخوج وختج وراحو من الديره وخلوج والسمعته عمامج زوجوج حته يخلصون من مسوليتج فأنا اريدنج تمشين على ماينه وسمعين الجلمه احسن ما تتهجولين وانتي مالج أحد .
جوريه: هزيت راسي ودموعي متجمعه بعيني للضهر اجه محمد وصبينه غده وانا احسن كلشي ختلف عندي مكاني ناسي احسن بستغراب وخوف محمد ياكل ويباوعلي وعيونه تحجي بس هوه مايكدر يحجي عبن أمه واخته وخوته كاعدين وراهه خلصو غده ورجعو للزرع عبن عدهم شغل بلكيعان لليل رجعوا وراح يم صفيه بات وانا نمت بغرفه الحجيه ثاني يوم كعدت الفجريه ويه الصلاة رحت اتوضه وشفته توه مخلص وضوء باوعلي وحجه.
محمد: صبحج الله بلخير حبيبه كونج نمتي زين عبن تغير عليج المكان.
جوريه : لا مرتاحه الحمدلله اهلك هم اهلي والمكان الراحتك بي أنا راحتي وياك .
محمد : بارك الله بتربيتج معدله وبت اصول .
جوريه: ويه هل حجي رفعت راسي واشوف صفيه واكفه وره محمد تخزر بيه أنا خفت من نضراتهه وهيه عيونهه شذر بلون السمه ترعب بلزايد راح محمد يصلي وانا اتوضه وتقربت صفيه عليه .
صفيه : شبيه محمد شجان يحاجيج بدينه بسوالفج مال تختل .
جورية: خلصت وضوء وجاوبت ماكو شي والله جان يسالني عن شغله وجاوبته هزت راسها مقتنعة وحجت
صفيه: خلصي صلاة وعجني حته تخبزين للريوك ولاضلين تتلزكين بي وتتشكين لا تشوفيني ساكته أنا مايعجبني جيتج هنا بس سكتت اريدن اشوفن وين تصفى وياج.
جورية: نشالله ما تشوفين مني اله الخير أنا لا نفسي اخرب بيتج ولا أخذن رجلج أنا حالي حالج ماكدرت أمانع على الزواج عبن عمامي وخوي نطو جلمه وانتي بت عرب وتعرفين الزلمه عدنه اذا رجع بجلمته شنهي معناهه عافتني وراحت مجاوبت شي وانا هم رحت صليت ورحت عجنت ونضفت الحوش وهيه سوت ريوك لمحمد وطلع اختمر العجين وكعدت اشنك طلعت الحجيه جانت تصلي كلتلهه صباح الخير حجيه جاوبتني صباح النور .
ام محمد : كملي البيدج وروحي انطي لكمه للحلال عبن من البارحه عايفي ولا تنسين تنضفين مجانهن وتلمين المطال .
جوريه : انشالله حجيه جيمت التنور وخبزت كملت الخبز رحت نطيت العلف للحلال ونضفت المكان بس شني هاي ريحته تكتل جا هنه شمالهن مايرحن مثلنه بيت الراحه ضالات بوصاختهن.
ويوم بعد يوم مشت الايام كمت احبن شغلي عبن التهي بلحلال ساعه انضفهن ساعه احلبهن وحتى تعلمت اسوي كيمر ولبن وجبن صارلي شهرين على جيتي بيت اهل محمد جيته للبيت قليله وبليل ينام عد صفيه بس نوبتين يو تلاثه اجه عدي عبن بيوم الينام عدي صفيه تكلبهه مناحه علينه اليوم كعدت الصبح بطني وضهري يوجعني كلش بيه ومابيه كمت لشغلي اكضي كملته وجيت اطبن اسبح وأشوفن شي ناز مني خفت وماعرفت شسوي سبحت ورحت كعدت ارجف عبن ماعرف شنهي جاريلي واخافن اسال عمتي عبنهه مره كويه ماتنطيني مجال احاجيهه وانا كاعده وحايره جتي صدفه اخت محمد حسنه شافتني وجهي اصفر ومكومه روحي جتي يمي وسألتني.
حسنه : شمالج حبيبه ليش وجهج مخطوف لونه امي مكدره خاطرج بشي أحد غاثج احجي حبيبه أنا حسبت اخيتج.
جوريه : هزيت راسي بلا.
حسنه : جا واجعج شي تشكين من حاجه.
جوريه : بجيت من الخوف تقربت مسحت على جتفي وكالت.
حسنه ؛ بداعت اهلج كليلي لا تضمين بلجم اكدر اسويلج شي .
جوريه : بطني وضهري صبحن يوجعني ومن طبيت اغسلن لكيت شي نازل وخفت خافن بيه مرض واموتن.
حسنه : بستغراب جا انتي ماتغسلين.
جوريه : لا وروح امي يوميه اغسل .
حسنه : ههههه موش هذا كصدي بس انا كصدي انتي هلساع بلغتي وصرتي مره وهلسالفه لازم ماتصلين عليه ليما تكضى ياله تصلين ياله حبيبه أنا اروحن عبن جيت اشوفن امي ولكيتهه نايمه عفت الجهال بلبيت ال روحن ليهم عندج العافيه .
جوريه : الله يعافيج حبيبه اله شمالهه حسنه تكلي صرتي مره جا أنا جنت رجال ومن جتني هاي المادري شسمهه ياله صرت مره حسنه اصغير من محمد بسنه متزوجه وكاعده قريب على اهلهه.. الايام مشت وخلصت المادري شسمهه وحتى نسيتهه ولتهيت بلحلال وبيوم كاعده اسوي جبن طبلي محمد طبعا طول هلفتره اشوفنه كلش قليل .
محمد: سلام عليكم
جاوبنا وعليكم السلام
محمد : لبسي عباتج ومشينه اخذنج لبيت عمج جايه رضيعتج من بغداد اليوم عمج ستاذن مني حته اخذنج ليهم وانا اردن عبن عفت شغلي وجيت.
ام محمد: خلهه تكمل البيدهه اختهه ماطايره وذا تريد تجي تشوف اختهه هنا جا شنهي احنه ناكل وادم
محمد : حجيه الله يرضه عليج قابل الجبن طاير شو نسوان خير من الله وإذا محد كدرت تكمله عود هيه من ترد تكمل أنا اريدن اوديهه عبن عندي شغل ولازم ارد .
ام محمد: أنا كلت تكمل شغلهه اول عدهه خبز بعد عجينهه هم تعوفه
جوريه: محمد راد يحجي وانا جاوبته بقهر اذا تكدر بليل أخذني شنهي عمي كالك ضويه ترد نفس اليوم يو تبات باوع لامه بعتب وحجه.
محمد : لا اعتقد تبقه حسب ماسمعت صادق عنده شغل ٠
جوريه : جا خوش بليل أخذني هز رأسه وراح لشغله .
صفيه : شنهي اخيتج ماتكدر تجيج هيه تشوفج شدعوالهه وانتي شلون تردين تعوفين شغلج عليه جا أنا شنهو ماعندي شغل وعمل اكعد اشتغل شغلج.
جوريه: لا ماعوفنه أكملنه وبليل اروحن .
ام محمد: خلصي شغلج وروحي مالنه غرض بيج.
جوريه: نشالله ....كملت شغلي محمد ما اجه للغده اجو إخوته وكالو ماقبل يجي يتغده بلكاع ويه الفلح ولليل ياله اجه وره العشه أنا ايست كلت بعد ماياخذني لبيت عمي اليوم كلت خليني اصلي صلاة واهديهه لامي وأبوي مثل كل يوم وفات للحجره ذب روحه على فراشي وضل يباوعلي بتعب لما كملت الصلاة كال
محمد : قبل الله حبيبه.
جوريه: منا ومنكم صالح الاعمال اصبلك عشه تتعشه .
محمد :لا يحبيبه لبسي اخذنج لاخيتج تشوفينهه.
جوريه : فرحت وبتسمت كتله جنك تعبان اذا تريد خلهه على باجر .
محمد : لا يبوي خلني اوديج وعود أنا ارجع ارتاح .
جوريه: يعني اباتن عدهم ..
محمد : ولو مايهلي ادش البيت ومالكاج والمفروض اليوم اباتن عدج عبن لازم تتعودين عليه .
جوريه: بتسمت الله يخليك خيمه على راسنه محمد ماعرف اوصفن حبي اله حب اب او أخ أو زوج حبي لمحمد خليط لكل ذول عبن لا حسيت حنان اب ولا اخ اله ويا ابوي مالحكت اشبع منه وأخوي ناسينه وأمي عمت عيني عليهه راحت بزهرة شبابهه كمت لبست عباتي ورحنه لبيت عمي وصلنه لبيتهم طلع عمي مارضه يروح محمد اله وهوه كاعد وشارب جاي وياهم وفعلا كعد شويه شرب جاي ودعني وراح وانا فتت جوه لكيت فضه ومرت عمي وضويه كاعدات يكلبن بغراض مبين صوغه جايتهم من شافتني ضويه طفرت عليه وانا رحت بلهفه حضنتهه وبجيت وهيه بجت وتسالمنه ورحت ورهه سلمت عى مرت عمي وفضه وكعدت وضويه سولف على بغداد وشنو بيهه وشنو شافت .
ضويه : خيه بغداد عالم غير عالمنه كلشي بيهه حلو بيوتهه وسوكهه بس يبعد اخيتج همه موش مثلنه نسوانهم ماتلبس عبي وحتى شيله مايلبسن أنا ضاله الحلك والعين مفتحه عليهن.
جوريه : ياااا جا شنهي يطلعن بلدشداشه ومن غير عبايه .
ضويه : لاله يلبسن غير لبس.
فضه : اي صدك همه عدهم هيج يلبسون مثل بيت جدي .
جوريه : يا خيه كونج تردين ذبين شيلتج وعباتج .
ضويه : شجاج شنهي نسيتي صادق غير يذبحني .
جوريه : جا عاشت أيده .
ام صادق : هههههه والله عليج سوالف يجوري جا تردين اختج تنذبح علمود شيله .
ضويه. خايبه جوريه رحت للامام الكاضم سلام الله عليه شكد حلو كبتين بي أنا من طبيتله كلبي نفتح وصليت ودعيتلج .
جوريه : هيه تحجي وانا فرحانه الفرحهه شويه ومرت عمي راحت عمي صاحهه وفضه كاعده ويانه تسولف وتضحك فضه كلش حبابه ضويه راحت شويه الحجرتهه ورجعت شايله بيدهه غراض خلتهن بلكاع وكعدت طلع وشوفني شجايبتلي وانا كلش فرحت بيهن ملابس ماكو منهن هنا عدنه وبخور وشيله شوفني وانا فرحتي بيهه وبلغراض .
ضويه: بعد موضوع فرقد بشهر تقريبا بيوم اجه صادق كال حضري روحج باجر اروح لديرتنه عندي شغل حسبت سبوع ومنهه اخذنج تشوفين جوريه .
انا طرت ورحت لميت الغراض الجبتهه المرت عمي وفضه وجوريه وحته الجده جبت شيله وانا اخذتلي جم غرض خليتهن بقجه وحضرت نفسي وانا متلهفه اول مره افارك جوري هلكثر.
طلعنه من ال١٢بليل دنيه امان وطريق بعيد وصلنه الصبح عمتي ام صادق من شافتنه كامت تبجي حضنتهه وبجيت وياهه عبن اول نوبه هيج ابتعد عنهم فضه بلمدرسه وعمي بعده بلبيت اليوم مطالع للكاع هم سلمت عليه وكال مادامني رايح لكاع أهل محمد عندي شغل هناك راح اكله لمحمد يجيب جوريه .أنا كتله يا ريت والله عمي كلش مشتاقتلهه طلع عمي وصادق راح ويا كال اسلم على ربعي وانا انتضر جورية وماكو لحد ما رجع عمي وصادق وسألته على جوري .
ابو صادق: والله يا بنتي أنا كتله لمحمد وكال من عيوني اجيبنهه بس يجوز صار عنده شغل .
ضويه : نقهرت جي ما جتي صادق كال أنا باجر اخذنج عدهه . حجتلي مرت عمي انهه انتقلت لبيت أهل محمد صار فتره عبن اهله كايليله البيت مابي بس انت واخوك ابوهم رايح ويه القافله للزياره صارله شهر أمه كالتله جيبهه عدنه احسن ما رايح راد.... ولليل كاعده اطلع بصوغه الجبتهه المرت عمي وفضه وطبت جورية جن اجه عليه العيد كمت بلهفه ودموع الشتياق هيه العبرت حالنه كعدت وسولفتلهه على بغداد واسالهه عن عيشتهه جاوبتني الحمدلله مرتاحه رحت جبتلهه الغراض الجبتهن الهه وانا اشوفنهه وهيه فرحت بيهن .كلتلهه اليوم تنامين يمي عبن أنا كلبي نار عليج فضه كالت.
فضه: اي جوريه نامي انتي وضويه عدي بحجرتي .
جوريه : نشالله ...تقربت على ضويه وكلتلله شوكت يطلع من بطنج الجاهل .
ضويه : هههههه بعد مابقاله شي نشالله يوم الالج .
جوريه : امين هيج وافرح محمد ويصير عندي جاهل منه أنا بلصلاة ادعي ليه وصفيه عبن هيه هم خطيه مايصير عدهه.
فضه وضويه: نشالله بس كولي الله كريم وربنا يرزقجن.
جوريه : الله كريم فرشتلنه فضه أنا وياهه وضويه بحجرتهه وكعدنه نسولف وراهه نمت بصف ضويه وانا مرتاحه . وثاني يوم وره الضهر اجه محمد رجعني للبيت وصلنه طبيت سلمت وفتت لحجرتي اخلي الغراض وفات محمد ورايه.
محمد : ها حبيبه شبعتي من اخيتج .
جوري: هوه أنا اشبع منهه اتمنا تبقى وماتروح .
محمد : جا أنا مقصر بشي وياج ليش تخليني احسن أنا ضالمج أنا حتى ابتعد عنج خطار ماضايقج واخليج تتعلمين عليه على كيفج عبنج بعدج طفله وماريدن اضغط عليج تعرفين أنا أول ما ابوي طلبج كدام الوادم سكتت عبن ماكدرت اكسر حجايته بس وروح جدي من رجعت للبيت تحاجيت ويه ابوي وكتله شون ترضاهه اعليه احذن جاهله بس هوه كالي البت يتيمه ومالهه أحد وان كسرت بحجايتي اتبره منك وبيوم كطعت حقج خشيتي بكلبي عبن حسيتج طفله مكسورة جنح قررت اخذنج واربيج عدي وهاي أنا وياج صار سنه وانا مامكمل زواجي عبن انتي بنضري جاهله واخافن عليج بحسبت بتي .
جوري : حشاك من القصور انت سندي وراعي بيتي ومالي غيرك بهلدنيه .
محمد : بستهه براسهه و سكتت واحسنهه مو كد الحجي الاكولنه كلت خلني بعيد عنهه لما تكبر عبن تكسر خاطري برائتهه
جوريه : راح محمد وانا طلعت من الحجره وشافتني صفيه.
صفيه : شنهي مابقى مستحه بهلبيت اخذتي الزلمه وختلتي بلحجره صار ساعه موعيب ماتكولين اخلي حترام لهل البيت ما تحجين ليش سكتي كولي وادم كاعده خلني احترمهم شنهي اعوفنهم بضهري وادشن للحجره.
ام محمد: سمعي اكللج انتي يلصغيرونه منا وهيج ماتتختلين بلزلمه كدامنه اكو ليل يستر وعود بليلتج اانتي حره مو كاعده تسوين هاي سوالفج حتى ضرتج تغار .
جوريه : همه يحجون وانا بس صافنه شحجي شكول همه يشوفون اليعجبهم ويفسرون بكيفهم لخاطر محمد ساكته اباوع مرت حماي مثلي صافنه وماتعرف شنو السالفة مرت حماي فقيره امر مني لاتحل ولا تربط حايره بجهالهه وبرجلهه وهيج أنا مشت ايامي......................
صادق : اجينه للديره أنا وضويه كلت أكمل جم شغله عندي ومنهه ضويه تشوف اخيتهه وانا أحاجي ابوي بموضوع فرقد وره موصلنه لبيت اهلي بليل تعللنه أنا وأبوي وعمي جان عدنه كاعدين بلمضيف وكلت افاتح ابوي بموضوع فرقد كتله يأبه أنا جيت افاتحنك بموضوع .
ابو صادق: احجي بويه شعندك من سالفه .
صادق : بويه انت تعرف خوالي شلون تربيتهم حلوه ومثقفين .
ابو صادق وعمي حجو سوه.ونعم منهم
صادق : بويه فرقد كلفني احجي وياك بموضوع بت خالي ضمد رايدهه مره اله .
ابو صادق : بس خالك يريد بناته يكملن دراسه وفرقد يعرف بهلشي.
عمي : وليش ماياخذ من بنياتنه بنات عمه اولى أقلها هنه مايدرسن وكد مسئوليه بيت وجهال .
صادق:عمي ونعم من بنياتكم بس فرقد هوه رايدهه تكمل دراستها ياله يزوجون يعني هسه بس يعقد عليهه ويا عمي بنوات خالي هم مابيهن اقصور ونعم منهن .
ابو صادق : هاي هيه مادامه هوه رايدهه أنا فد يوم اجي لخالك ضمد واطلبنهه منه عبن خالك ذهب وبناته كفو بتربايتهن .
صادق : نشالله امي من سمعت فرحت . مر يومين ورجعنه وبلغت فرقد كلش فرح و صدك وره أقل الشهر ابوي اجه طلب سماح لفرقد هوه وعمامي وأمي وجديتي خالي وافق وقرو الفاتحه وتفقو وره مايكمل فرقد دراسه يتزوجون ..
ضويه :مرت فتره على خطوبت فرقد وانا فتت بشهري وصادق يداوم كليه ويرجع يروح للمحل وخايف لا يصير عندي ولاده وماكو أحد يمي وصدك و سبوع بشهري ضهريه كاعده اخيط جهاز للجاهل وندك الباب ستغربت محد يجنه هلوكت صادق بلمحل كمت صحت ياهوو.
ام صادق : أنا انا يمه فتحي الباب .
ضويه : فتحت الباب وتفاجات بجيت عمتي ام صادق سلمت عليهه بلهفه جايه هيه ومرت اخوهه ام سماح خطيبه فرقد يا اهلا وسهلا بيكم منين طالعه الشمس اليوم .
ام صادق : هلا بيج يمه بشريني شونج بالي عدج كلت خافن يصير عندج ولاده وانا مو يمج الله جابلي فرقد قبل سبوع وجلبت بي من راد يرجع كلت العمج وكال روحي لحد ما جيب وتكوم على حيلهه .
ضويه : ماتقصرين عمه بس ليش تعبين رويحتج...كمت سويت جاي بعد ماسالتهم متغدين وكالت تغديت بيت اخوي اجه صادق المغرب تفاجأ بجيت أمه سلم عليهه بليل مرت خاله رادت ترجع للبيت وراح فرقد بيتهم قريب علينه وصلهه ورجع يمنه فرشت الصادق وفرقد بلهول وانا وعمتي نمنه بلغرفه ضلت يمي مرت عمي ويوميه مخليتني اشرب هيل ودارسين حته تسهل ولادتي واكل كومه تمر مر على جيتهه جم يوم وبيوم بليل فزيت على وجع قوي بضهري وبطني وجع مينحمل كمت الوبن من الوجع حست عليه وكعدت من نومهه فازه.
ام صادق : شبيج يمه ضويه عندج وجع شو وجهج اصفر يمه كليلي .
ضويه : بوجع وبجي عمه مادري شبيه يمكن راح اجيبن وجع مينحمل ...اهاااا ه يييييمه راح اموتن من الوجع عمه لحكيلي بروح ابوج كمت ابجي بهدوء خطيه مرت عمي راحت فورتلي هيل ودارسين شربت وكالتلي اذا زاد عدج ولاده وذا راح الوجع هاي مو ولاده وكومتني بهدوء نمشي أنا وياهه بالحوش كالت امشي شويه مشيت خطوتين واهيس سجاجين تكطع بيه رجلي شنجت وزادت بلبجي .
ام صادق : خلج مكانج مبين واصله حدهه خلني اجيبلج بعد كلاص هيل وراهه اكعد صادق يروح لمرت خاله تجيب الجده يمهم قريبه وتجي .
ضويه: مرت نص ساعه والوجع زاد وانا كمت ابجي من الوجع بعد ماتحمل راحت عمتي كعدت صادق اجه ملهوف .
صادق :بخوف سلامات حبيبه شنهي موجوعه .
ضويه: صادق فدوه اغديلك روح صيح الجده بعد ماتحمل .
ام صادق: يمه ستعجل البت مفوله .
صادق : رحت علسريع كعدت فرقد كوم كوم يمعود ضويه عدهه وجع راح جيب.
فرقد : وانا شنهو مكعدني اجيبن مكانهه بويه خليني انام واري دوام تحجي صدك انت .
صادق: فرقدددددد يمعود كوم وياي نروح لبيت خالي نجيب الجده يمعود كوم عاد أنا استحي ادكن باب بيت خالي بهليل انت عندك ميانه وياهم .
فرقد : كايم كايم صادق يخلف وفرقد يتورط اله اكلك شو مرتك مالهه حس خافنهه عضت السانهه.
صادق : فال الله ولا فالك فضنه يمعود موتت نفسهه من البجي تستحي تصيح ومنا الودام نايمه .
فرقد : وانا البس ملابسي واحجي عمي بت عمي بت أصول بس لو تكمل جميلهه وتخليهه للصبح جيب .
صادق : وحنه نحجي وطبت امي عاطت ولكممممم ياله فضوني البت وصلت حدهه فرقد لبس بسرعه ورحنه علسريع بيت خالي مو بعيدين مسافه ربع ساعه وصلنه دكينه الباب طلع خالي خطيه جان نايم .
فرقد : هله بخالي بدون أمر عليك كعد حرمتك دلينه بيت الجده لان حرمت فرقد عدهه ولاده .
صادق : خالي راح علسريع كعد حرمته خطيه ماكو دقايق وجتي ويانه رحنه لبيت الجده دكينه الباب طلعتنه مره سمينه وجبيره بلعمر اكبر من امي كوه تمشي حجت وياهه مرت خالي وراحت المره جابت غراضهه ورحنه للبيت الطريق صار علينه ساعه من وره مشيت ام غايب تمشي علكيف وانا كلبي عد ضويه اسمع مرت خالي تكلهه ستعجلي ام غايب الله يرضه عليج هيه تجاوبهه شكو ورانه خليهه حته تستوي .
فرقد : اكلك شنو مرتك دجاجه وتستوي هههههه .
صادق: يمعود اسكت أنا راح استوي على مشيه ام غايب وبعد جهد ويه ام غايب وصلنه واول مطبينه اسمع امي وضويه بلغرفه ضويه تبجي بصوت شويه مسموع وتردد يا الله يا محمد ياعلي سهلي وأمي تقراء ايات طبت مرت خالي وام غايب للغرفه فرقد راح لفراشه كمل نومته وانا الوبن بلحوش لحد ما اسمعت صوت ضويه صاحت بصوت يادوب أنا اسمعنه ياعليييييي وراهه صارت هدوءءءء خفت كلش تقربت علباب الغرفه وصحت يمه يمه طلعت امي تبجي أنا كلبي وكف حضنتني وكالت .
ام صادق: الف مبروك يمه جاك ولد يخبل يتربه بعزك يبعد امك .
صادق : رخت اعصابي و ضليت اردد الحمدلله والشكر أكثر من مية مره ودموعي غركت عيني وراهه رجعت امي للغرفه مرت نص ساعه وأمي طلعت طفل ملفلف بابيض وشكله لحمه حمره هادء كلش .نطتنيا وانا ايدي ترجف كلتلهه شلونهه ضويه .
ام صادق: الحمدلله بخير هسه تكملهه الجده وفوتلهه شراح تسمي الولد .
صادق: انور يمه اسمي انور فعلا انور حياتي هلولد ونشالله يكونلي سند .
ام صادق : امين ييمه كبر بإذنه يمه وطيني افوتنه الجو بي برد اله صدك فرقد وين .
صادق: رجع نام خطيه سحلته بهليل وهوه دوام عنده .
ام صادق : وانت هم روح ارتاح يمه لا تنسه انت هم دوام .
صادق : كبرت بإذن انور وجاوبت امي باجر اخذ اجازه يومين خافن تحتاجون شي .
ضويه : بعد تعب الطلوكه ضليت بل٣ساعات أكثر اطلك جبت ولد وعمتي ومرت خال صادق الله يرضه عليهن ماعافني نضفتني الجده وأخذت تعبهه وراحت وراهه طب صادق أمه كاعده ومرت خاله بحضنهه الولد شربه قنداخ. (مي وشكر )
صادق : طبيت للحجره ضويه كاعده شافتني بتسمت تقربت عليهه بسته براسهه حمدلله علسلامتج حبيبه .
ضويه : بتعب الله يسلمك كرت عينك بي يا بعد هلي ماكتلي شراح تسمي الولد .
صادق : شرايج بانور انتي أمه وهم الج حق تسمي اذا معاجبج نغيره.
ضويه : بلعكس كلش حلو اسم جديد مسامعه منه .
صادق : هاي هيه اسمه انور رجعت بستهه براسهه نامي عيني انتي رتاحيلج شويه .
ضويه : ثاني يوم صادق راح اخذ اجازه وكعد بلبيت يروح للمحل ساعه ويرجع يكول عنده خياط يردوه يروح يكمل ويجي متلهف يشيل انور وأمه متقبل تكله بعده صغير لاتمتنه فرقد طول ما عمتي يمنه هوه يبات بيتنه خطيه يجي بليل ياكل ويكعد شويه يمنه ويروح ينام مرات يداهر أمه خطيبته اجتي ويه امهه ثاني يوم من جبت كلش حبابه خامس يوم وره مجبت اجه عمي ابو صادق و ومن شاف انور شاله وضل يصلي على النبي وحته دموعه جرت اول حفيد اله باسه وخله بكماطه هديته وانا باسني براسي وهم نطاني فلوس وباركلي فرقد حجه بشقه.
فرقد: والله مبين بيت صادق بفضل هلنوايه انور راح يشترون بيت لأخ بويه أنا هم ابنك هوه انور شيسوي بيهن نطينياهن أنا اولى.
عمي ابو صادق:وشنهي انت جايب ومادري بيك .
فرقد : جا انور الجايب شو جنه نوايه تمر وخابصينه بي .
عمي ابو صادق: دبسك بسك بعده هاكدوته وتغار منه .
ضويه : صادق خربان من الضحك عليهم سالت عمي جا فضه وين بقت .
عمي ابو صادق: ضلت ويه بنيات عمج وصدك مريت الجوريه وحلفتني اوصللج سلام ودزت بيدي هاي الجبنات وزبد ودبس امانه ليج اوصلهن.
ضويه : عيوني دمعت شونهه هيه زينه جاوبني.
عمي :الحمدلله زينه وتكول طمنهه أنا كلش مرتاحه
ضويه :الحمدلله نشالله دومهه ......مرت ايام وكمت على حيلي ومرت عمي ردت هيه وعمي للديره وفرقد نوبات يبات يمنه وصادق مخلصهه بين دراسته وبين محل الخياطه حياتي مستقره ومرتاحه طبعن لا تخلو من بعض المواقف والمناقشات بيني وبين صادق بس هوه إنسان كلش مثقف ومتفهم .
جوريه : كاعده اخض بلشكوه .(جربه الي يسون بيهه جبن وزبد وغير...) وكاعده يمي حسنه نسولف وسمعنه صوت صياح قوي عمتي وصفيه أنا كمت مفزوعه وحسنه ركضت رحت وراهه واشوفن عمي ابو محمد يصيح.
ابو محمد : ولكمممم ماتتتتتتت ماتتتتتتتت راح الغالييييي
