رواية الخاله سكينه الفصل الخامس
ح(5)
الخالة سكينة
من تاليفي، ،
محمد منصور.
** منص **
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن جوة اوضة في مستشفي ينام بوشي علي السرير ومتعلق له محاليل وقصاد منه الدكتور وكان بيكشف عليه وكان مع في الاوضة سكينة وزوبع وبرديس وكان بوشي بيهلوس وبيقول
يا عارفة انتي فين تعالي شوفي اختك واللي عملته سكينة رئيسة عصابه يا ام نيازي صحي نيازي وقولي له سكينة نصابة انتي يا ولية ياللي بتنشري جوزك سكينة نصابة الست اللي قاعدة هناك في اخر القصة خلي بالك سكينة نصابة
ويقف بوشي مرة واحدة وهو مغمض عيونه ويقول
انا المقدم بشير الاسكندراني ومش هاسكت الا لما اقبض عليكي يا سكينة يا عارف يا معروف وحياة امك ماشي
فينيمه الدكتور مرة تانية وهو يقول
طيب نام يا حبيبي نام واذبح لك جوزين حمام
بوشي فتح عين واحدة وبص للدكتور وقال
هاتذبح الحمام باية
الدكتور
بالسكينة
بوشي وهو بيلطم
سكينة لا و اسكت مش طلعت رئيسة عصابه وانا اللي كنت بحبها زي ما حبيت امي وكنت بعتبرها ماما طلعت نصابه. امي نصابه
ويلطم بوشي علي وشه فيطبطب الدكتور علية وهو بيهدي ويقول
طيب روق روق
وهنا بوشي فتح عينه التانية وشاف سكينة وزوبع وبرديس وقال
انتم مين
فيبصو الثلاثة لبعض فيقول زوبع
دي سكي،،،،،،،،
ولكن سكينة تضرب زوبع بالكوع في بطنه فيقول وهو يتوجع
دي اللي متتسماش
فيكرر بوشي كلمه انتم مين لغايو مايروح في النوم بسبب حقنة المنوم اللي ادي هاله الدكتور ويبص الدكتور لهم ويقول
ممكن نخرج نتكلم برة،،،،،،
ومن جوة مكتب الدكتور يقعد الثلاثة قدام الدكتور اللي كان بيقول
الاستاذ بشير الحادثة قصرت علي مركز الذاكرة عنده بقي فاكر اسامي وناسي الصور. يعني مايعرفش اشكال اللي بينادي باسماهيم لان واضح انه قبل الحادثة اتعرض لصدمة عصبية شديدة . وكمان هو فاكر احداث وناسي احداث في حياتة. يعني دماغه حصل فيها وش
زوبع
يعني مخة بقي بيشخلل عشان بيوش ولا بيوش عشان بيشخلل
فيبص الدكتور لزوبع باستحقار فيقول زوبع
دة مجرد سؤال
سكينة للدكتور
سيبك منه يا دكتور. وطمنئ علي ابني اكتر والحالة اللي عندة دي هطول
الدكتور
شوفي يا مدام استاذ بشير حياتة وقفت عند انه ظابط وبيدور علي واحدة اسمها سكينة عارف معروف عشان يسلمها للعدالة لكن في نفس ذات الوقت اللي بيكره في سكينة ومن التخاريف اللي خرفها وهو في البنج اقدر اقول لك ان عارفه هي نقطة ضعفة وهي الوحيدة اللي بوشي فاكر شكلها وتقدر تخلي يخف من اللي هو في
سكينة بمكر
عارفة.
برديس
بس عارفه دي امه و تايهة من زمان وماحدش يعرف لها طريق
سكينة لبرديس
مين قال كدة. ماما جت
زوبع
اية ماما جت دي لبن اطفال جديد
سكينة لزوبع
انت تخرس خالص بدل ما وانت عارف بقي
زوبع خائفا
لا والنبي بلاش انا بخاف من المجهول بتاعك
سكينة لزوبع
وعايزك تتصلي ببتاع ماكياج كويس
زوبع
اعتبري حصل يا خالتي
سكينة لبرديس
وانتي تروحي اوضه بوشي في الفيلا وتجيبي صورة خالتك عارفة من الدولاب
برديس
لية يا ماما
سكينة وهي بتبص بصه كلها مكر
عشان سكينة هاتبقي عارفة
برديس
وهاتكسبي اية لما تعملي كدة
سكينة
هاكسب ان ابني ما يفضلش يدور عليه عشان يسلمني للحكومة وهاكسب حب بوشي اللي بيحبه لعارفة ونرجع الفيلا وينسي سكينة دي خالص
فيقول الدكتور
بس دة غش
سكينة وهي بتخرج الرشاش الالي من عبايتها وتحطه في وش الدكتور وتقول
قولت اية
الدكتور وهو بيرفع ايدة لفوق ويقول بخوف
انتي صح
سكينة
يبقي كمان شوية تخش لبوشي وتقول له ماما جت
الدكتور وهو لسة مرعوب
حاضر، ،،،،،،،،،،،،
وبعدها بكام ساعه يجي بتاع المكياج وبقدرت قادر تتحول سكينة لي عارفة عارف معروف وتدخل علي بوشي الاوضه اللي محجوز فيها وهي معها برديس وزوبع فيفرح بوشي بشدة اول ما يشوفها. ويقوم من علي السرير وياخد سكينة في حضنة وهو يقول
واحشتيني اوي يا ماما
سكينة
حبيب امك
بوشي وهو في حضن سكينة
عرفتي يا عارفة ان سكينة اختك طلعت رئيسة عصابه
سكينة
حبيي انسي
بوشي
انسي اية دة مراة بنت ستين كلب مش كلب واحد
سكينة وهي كاتمة غيظها
ما خلاص بقي بلاش تعصب نفسك الدكتور قال كدة غلط وانا معاك اهو ولو شوفنا سكينة تاني هنبقي ننفخها
بوشي بص اوي ل سكينة وقال وهو بيخرج من حضنها
انتي فاكرة انك هاتضحكي علية
زوبع اللي كان واقف جنب سكينة مسكها من ذراعها وقال
يالا نجري باين علية عرف انك انتي سكينة
فتضربه سكينة في بطنة وتقول
اطلع برة
زوبع
مش طالع هي كانت اوضه امك
فيطير بوشي علي السرير وينام علي بطنة ويعمل ايدة مسدس ويقول
سكينة هنا. سلمي نفسك يا سكينة المكان كله محصور
زوبع
محاصر. عشان محصور دة يبقي حد عايز يخش الحمام
سكينة وهي رايحة ناحية بوشي
بوشي سكينة مش هنا. تعالي ماتخفش
وتاخذة في حضنها تاني عشان يهدي، ،،،،،،،،،
وبالليل ومن قدام السجن يقف ابو عزة وهو لابس لبس عسكري قدر يهرب بي وقال بتهديد
جاي لك يا سكينه عشان نصفي القديم والجديد
ويخرج مسدس من جيية وينظر للمسدس وهو ناوي علي الشر ، ،،،،
ومن جوة فيلا سكينة تفتح سكينة باب الفيلا وتدخل الي الفيلا ومعها زوبع وبوشي وبرديس وكانت بتقول
الف حمد لله علي سلامتك يا ابني
بوشي
الله يسلمك يا ماما عارفة
زوبع
هي فين ماما عارفة دي
فتضربة سكينة في معدتة فيقول
افتكرت افتكرت يخرب بيتك ايدك. تقيلة
سكينة لزوبع بعصبية
بتقول اية يا ابن هياتم
زوبع
مابقولش
وتبص سكينة لبرديس وتقول
يالا خدي جوزك واطلعي علي فوق خلي يدخل عليكي
بوشي
ادخل عليها يعني اية
سكينة باستغراب
يا سنة سوحه انت الحادثة نسيتك ازاي تدخل علي مراتك
بوشي
انا ماعرفش يعني اية الكلمة دي واعملها ازاي
سكينة
احية. مش عارف تعملها ازاي
زوبع وهو بيشرب سيجارة حشيش
انا بعرف ادخل. ادخل انا بداله
فتضربه سكينة كمان مرة وتقول
تدخل فين هي زريبة
فيتوجع زوبع وهو يمسك معدتة ويقول
وربنا لمشي واسيب لك الفيلا
و لسة هيمشي مسكته سكينة من قفاه وقالت
تعالي هنا رايح فين
زوبع
مروح
سكينة بصوت واطي
وتسيبني مع المصيبة دي لوحدي
زوبع
مصيبة اية بس
سكينة وهي بتبص لبوشي
بوشي اللي ناسي ازاي يدخل
زوبع
طيب وفيها اية
سكينة
فيها اني عايزا بوشي يدخل علي برديس عشان تحمل منه وتنسي الزفت اللي اسمه ابو عزة
زوبع
ااااااااااة. طيب وانا هاعمل له اية
سكينة
تعرفة ازاي يدخل انتم مش شباب زي بعض
زوبع وهو بيقفل اخر زرار في القميص وبيلف راسه بايشارب كان قدامه ويقول
انا مش الراجل دة يا هانم شوفي حد غيري جوز بنتك يتعلم في. فن ليلة الدخله
فتضربة سكينة بالقلم وتخلع الايشارب من علي راسه وهي بتقول
اتنيل واتوكس يا ابن الموكوسه انت فهمت اية. انا بقول لك تقعد تتكلم معه وتفهمه يعمل اية
زوبع وهو بيفك قميص الزرار ويقول
ااااااااة. فهمت
وسابها زوبع وراح ناحية بوشي وقال بعلو صوتة
بوشي خد برديس واطلع بيها اوضة النوم وقلعها ال،،،،،،،،
فتضربة سكينة بالشلوط وهي تقول
بتقول اية يا ابن الغبية
فيمسك زوبع مكان الشلوط وهو يقول لبوشي وهو بيعيط
خلاص سيبها بهدومها
فتضربة سكينة كمان مرة بالشلوط فيصرخ ويقول
يا سكينة يا مفترية لا كدة عاجب ولا كدة عاجب اعمل اية طيب
فيصرخ بوشي ويعمل ايدة علي شكل مسدس ويطير علي الارض وينام علي بطنه وهو يقول
سلمي نفسك يا سكينة المكان كله محصور
زوبع
يخرب بيتك كل ما تقول الجمله دي اعوز اخش الحمام
فتروح سكينة ناحيتة وهي تقول
روق يا حبيبي ماما جنبك وسكينة
وفكرت شوية وبعدها قالت
البوليس قبض عليها
بوشي وهو بيبص لسكينة
اشوفها الاول وبعد كدة اصدقك
سكينة
هاخليك تشوفها بس اهدئة
وتبص سكينة لبرديس وتقول
خدي جوزك واطلعي اوضتكم
فتروح برديس ناحية بوشي وتاخذه وهو يقول
سكينة فين يا برابيس
برديس
برابيس طيب تعالي بس نام ولما تصحي هاقول لك، ،،،،،،،،،
وبعد نص الليل ومن جوة اوضة نوم زوبع يقف بوشي قدام زوبع اللي كان نايم ويصحي ويبص له بوشي وقال ل زوبع
فين زوبع اللي شغال مع سكينة
فيفتح زوبع عيونه بالعافية ويقول باستغراب
بوشي انت بتعمل اية في اوضتي دلوقتي.
بوشي بعصبية وهو بيخرج كرنية نادي الجزيرة وبيحطة في وش زوبع وبيقول
انا المقدم بشير الاسكندراني من المحابس العامة
ويمسك زوبع من قفا ويخرج بي من اوضة النوم ويخلي يقعد علي تربيزة قدامه ويقول
انطق يالا فين زوبع
زوبع باستغراب
بوشي
فيضربة بوشي بالقلم وهو يقول
المقدم بشير يا حيوان
زوبع وهو يمسك خده ويقول
هو ما حدش بيضرب في القصة الزفت دي غيري لية
ولسة هيقف بوشي مسكه من لايقة القميص قعده تاني وقال
رايح فين
زوبع بعصبية
وربنا لانا خارج من القصة بلا قلة قيمة بقي
بوشي وهو بيقعد زوبع غصب عنه وبيقول
اقعد يلا. وقولي مين فيكم زوبع
فيبص زوبع حوالين منه وميلقيش حد غيرة فيقول
بشير انت بتشرب حشيش
فيقول بوشي بعصبيه شديدة وكانه ظابط فعلا
انطق يا روح امك مين فيكم زوبع
زوبع خائفا
انا زوبع
فيضربه بوشي بالقلم وهو يقول
فين سكينة يا زوبع. واوعي تنكر التحريات اثبتت انك خالتها وهي خالتك قولي هي فين
زوبع
خالتها انا خالتها. انت دماغك رجعت توش تاني عموما انا ماعرفش مكانها
فيقرب بوشي من زوبع ويبص في عيونه ويقول
ماتعرفش يبقي ما تزعلش من اللي هاعمله فيك
زوبع هخاف وبدا قلبه يدق بسرعه وقال
هاتعمل اية
بوشي
انت لو مكاني تعمل اية
زوبع بعد تفكير للحظات
ابدا بتخليع الظوافر. دي بتجيب موت مع اي كلب
فتلمع عيون بوشي ويقول
صح.
ويمسك بوشي رجل زوبع ويزقه علي الارض فيقع زوبع ويقعد بوشي فوق منه ويخرج كماشة كبيرة من جيبة ويمسك رجل زوبع فيبص زوبع لبوشي ويقول
انت هاتعمل اية يا مجنون
بوشي
هاخلع لك ظوافرك
فيصرخ زوبع ويقول
لاااااااااااااااااااا.
بوشي
هاتقول فين سكينة
زوبع بخوف شديد
هاقول هاقول ،،،،،،،،،
ودقت الساعة 2 صباحا ووقت ما كانت سكينة في سريرها يدخل من شباك الاوضه ابو عزة وهو في ايدة مسدس ولابس هدوم ست منقبة عشان ماحدش يعرفه وبيتسحب فتحس بي سكينة فتولع نور الاوضة من الزرار اللي جنبها وتبص له وتقول
انتي مين
فيبص لها ابو عزة ومايعرفهاش بسبب المكياج اللي غير شكلها تماما ويقول
انتي اللي مين
سكينة بخباثة بعد ماعرفت ابو عزة من صوته
انا عارفة اخت سكينة
ابو عزة
انتي اللي تايهه من سنين لقوكي ازاي
سكينة
اهو ربنا أمر
ابو عزة
اومال فين اللي يتخفي اسمها
سكينة
تقصد سكينة
ابو عزة
اسم الله عليكي
سكينة
دي نايمة في الاوضة التانية
وفي الوقت دة يتكسر باب الاوضة ويدخل من الباب زوبع وهو طاير ومتعور في كذا حتة في وشة وبيقول بصعوبه
قسما بالله العيلة دي كلها معاتي طول الطريق عمال اقول لبوشي انا هاقول لك علي عنوان سكينة بلاش تضرب وهو يضرب فيه ومصدق انه هو ظابط علي الاخر
سكينة
وهو فين بوشي
فيبص زوبع ناحية باب الاوضة ويدخل بوشي الي الاوضة وهو بيقول
انا هنا اهون فين سكينة يا زوبع
وبمكر التعالب تشاور سكينة علي ابو عزة وتقول
الحقني يا بشير سكينة هربت من السجن وعايزا تقتلني عايزا تقتل امك حبيبتك
ابو عزة وهو بيبص لسكينة
انا سك،،،،،،،،،
وقبل ما يكمل الجمله لقي ابو عزة بوشي طار ناحيتة وخده ووقع بي علي الارض وبوشي بقي فوق منه وبيبص له وبيقول
كنتي فاكرة انكم هاتعرفوا تهربوا مني كتير يا سكينة يا عارف يا معروف
فيبص زوبع لسكينة ويقول وهو مفتح عين والعين التانية مقفوله من كتر الضرب
يا بنت الكلب. ولية دماغك سو
فبصيت له سكينة بغضب فغمض زوبع عينه التانية وعمل نفسه ميت، ،،،،،،،،،،،،،
