رواية جنون مراهقة الفصل الخامس 5 بقلم مجهول

رقية؛ بقيت ويه براهيم بس تعذيب جان يتفنن بتعذيبي من كتل خدمة كلشي كلشي تتوقعون من تعذيب سوة بية وشردت منة واكثر من مرة واروح البيت اهلي بس جان سالم يرجعني الة وياخذ الطريق كلة وهوة يكتلني .. وعمتي ام ابراهيم جانت هم معاملتها وياي مو زينة واجنت دور وياي المشاكل من ابراهيم يروح لدوام جانت هية تستلمني لو تخلي اخو براهيم يضربني بحيث من الضرب كمت ماحس جلدي تعود ع ضرب وستمر الحال سنة هيج بعدين عرفت اني حامل انقهرت حيل بس كلت بلكت يغير معاملتة الي بس نفس المعاملة ماتغير ذيل الجلب ماينعدل .. وزاد الضرب والمعاير وبدال مجان يضربني الوحدي هسة بنتي وياي اليعمرها 4 اسنوات واني صابرة ومتحملة ..

ويوم من الايام سهى بنتي لكيتها مصخنة حيل درجتها 42 جان براهيم بدوام رحت اركض العمتي 

عمة كومي سهى ماعرف مصخنة حيل اكعد

عمة: وشنو شتردين اسويلها 😕خليلها كمادات وتنزلةحرارتها ...

رقية : عمة سويت ومافاد كومي وياي فدوة وديها المستشفى ..   عمة: انتي تخبلتي ترديني اطلع بنص اليل اندور مستشفيات عمود بنتج ودفرتها ...

رقية: دفرتني ورجعت نام واني ضل كلي يلوب ع بنتي لضيت اليل كلة سهرانة اسويها كمادات وانطيتها خافض حرارة بس حرارتها مانزلت اول ماصبح اصبح رحت اركض الحماي بيتهم قريب علينة كتلة واخذنة بساع للمستشفى وكام يحجي ع امة لان مااخذتني من اليل ؤخلت البنية سوء حالتها .... وصلنة للمستشفى وشافها طبيب كال هاي حالتها صعبة وانتو متاخرين يالة جايبها انطوها علاج وشوية حرارة نزلت بس بعدهي عالية ...

طبيب : بابة بنتج هنا ماكو علاجها لازم تروحين البغداد المدينة الطب هناك علاجها وضروري تودونها