رواية المملكه السوداء الفصل الخامس 5 والاخير بقلم محمد منصور

                         ‏                               ‏

 والثعبان يعصر ضلوع قمر و تتألم بشده وباب المقبره بيتقفل والموت بقي قريب  من قمر يظهر جعفر اللي كان لي رأي تاني ويفتح باب ‏المقبره ويدخل وهو رافع سيفه ويقطع راس الثعبان الملفوف حولين قمر فتتحرر قمر من جسم الثعبان وتبعده عنها وتبص ل جعفر وتقول بصعوبة

الحمد لله. كنت هاموت.  بس أنت أيه اللي جابك ورايا

جعفر

بصراحه ماكنتش مصدقك كنت فاكرك مع يعقوب وبتحضري لشي مريب يعقوب خلاني أشك في كل اللي حوالين مني بعد مالقيت أخويا مروان بيساعده

فتضحك قمر وتقول

علي كل حال أنت لو ماكنتش شكيت فيه كان زماني ميته أنا مدينه لك بحياتي يا سيدي جعفر

جعفر

أنا احب ارد الدين اللي عليه وانتي أنقذتيني مره وانا انقذتك مره  خلينا بقي في المهم اللعنه مدفونة هنا 

قمر وهي بتبص ل جثة الراجل ومراته 

اللعنه أتزرعت في قلب الاتنين دول ولازم نخرج قلويهم ونحرقهم  وبكده تنفك اللعنه وينقلب اتباع يعقوب عليه ويموت هو والطفل

جعفر

ومستنيا أيه أبدئي وأنهي اللعنه الخبيثه دي

فتخرج قمر خنجرها.  وتفتح صدر الرجل وتخرج قلبه وتروح ناحيه مراته وتفتح صدرها وتخرج قلبها وتخرج هي وجعفر من المقبره ويقفلو باب المقبره وراهم ويبعدو عن الترب وتقول قمر 

ودلوقتي لازم نحرق القلبين دول وتنتهي اللعنه تماما

لكن قمر  شافت غراب يعقوب اللي كان بيطير فوق منهم وباصص ناحيتهم وهنا قمر خرجت تراب من هدومها وقالت 

بسم الله وقدرته 

ورمت التراب ناحية الغراب والتراب بقي حبل سميك قدرت تلف الخبل حوالين رقبه الغراب والغراب حاول يهرب منها لكنه ما اقدرش وسحبته ناحيتها وبصيت في عيون الغراب وقالت 

يعقوب أنا عارفه انك شايفني لانك فكيت السحر عن غرابك وسالت نفسك كتير مين كانت السبب في ان غرابك يبقي اعمي  انا اللي عملت في كدة قمر بنت الحطاب اللي انتو قطعتو راسه و أحب أأقول لك نهايتك قربت

وتفك الحبل من حوالين رقبه الغراب وتقول بصيغة الامر

طير 

فيطير الغراب فيبص لها جعفر ويقول

أنتي عملتي ليه كده

قمر 

هاقول لك،،،،،،،،

ومن جوة قصر جميلة كانت جميلة قاعدة  علي عرشها وقت ما دخل عليها جعفر ومع قمر  و ومعهم القلبين فتبص جميلة للقلبين و قالت باستغراب 

اللعنه هنا 

قمر 

أيوه هنا

وتروح قمر ناحية حائط من حوائط القصر  وتمسك الشعله المتعلقة علي الحائط. وتروح بالشعله ناحية  القلبين وتقرب النار من القلبين وتحاول أشعال النار فيهم ولكن النار لا تحرق القلبين فتصدم قمر  وتبص ناحيه جعفر و جميله فيقول لها جعفر

في أيه النار مش عايزه تحرق القلبين ليه

قمر باستغراب 

ماعرفش المفروض أنهم يتحرقوا

ا جميله

يعقوب الخبيث 

فيخرج لهم يعقوب من الحائط ويقول لهم

مين عايز يعقوب 

ويبص للقلبين ويضحك ثم يقول

أغبيه اللعنه بتاعتي من نار وأنتوا عايزين تحرقوها بالنار بس العيب في اللي ماتعلمتش حاجه من أبوها الساحر وانتوا مصدقنها

ويبص  لقمر ويقول

كان نفسي أقطع راسك زي ما أتقطعت رأس أبوكي 

قمر بغضب

أوعي تجيب سيره والدي علي لسانك يا شيطان 

يعقوب

والدك الساحر الطيب.   الحطاب اللي راسه مزين بيها بيتي ومخليها ذكري منه أستفيد منها وأخبي فيها أسراري خساره والدك في الموت كان نفسي يكون عايش ويشوف

تلميذه وهو ملك 

جعفر بتحدي يقول 

مش هاتعيش لغايه ماتبقي ملك 

يعقوب يضحك ثم يقول

يعجني فيك يا جعفر أنك محارب عظيم وكان نفسي تكون وزير ليا لكن أنا وأنت مش هاننفع نعيش في زمن واحد

وفي بلد واحده ونفسي أقتلك بس أنا هاخليك تموت نفسك لما تشوفني قاعد علي العرش مكان أخوك مروان وأنت خدام عندي 

جعفر

مش هايحصل أنا عمري ما هاموت نفسي وأنت عمرك ما هاتبقي ملك ولو بقيت ملك أنا مش هابقي خدامك

يعقوب

هابقي ملك ويوم الحرب أنت هاتشوفني وأنا ملك

جعفر باستغراب يقول

حرب

يعقوب

أيوه الحرب الاخيره بين الملك مروان والملكه جميله أنت ماحدش قال لك ان أخوك هايهجم علي بلد الملكه جميله بعد يومين ومع بدايه الحرب هاتكون  نهايه الاتنين وأنا هاصبح الملك العظيم ملك المملكتين 

وضحك بمنتهي الشر وقال 

 أشوفكم في الحرب 

ويدي لهم ظهره ويستعد للمشي من قدامهم   فتنادي عليه قمر  وتقول

يعقوب

فيبص لها يعقوب فيلاقي القلبين مولعين  اتصدم  يعقوب وقال وهو بيحاول يطفئ النار 

أنتي أزاي عملتي كده القلبين هايتحرقوا وهاخسر كل حاجه أوقفي النار دي وهاخليكي ملكه

فتبص له قمر وتقول

أنا مش محتاجه اكون ملكه أنا كل اللي عايزا أشوفو نهيتك علي أيدي

فيتحول يعقوب الي وحش مخيف وضخم ويقول بمنتهي الشر

أوعي تفتكري أنك هاتقتدري عليه لسة  

ما أتخلقش اللي يموت يعقوب

جعفر

أتخلق وهاتموت علي أيده قريب جدا

ثم يسمعوا صوت اهل البلد وهما بينادوا علي الملكه جميله ويهتفون بحياتها فيبص  لهم يعقوب ويقول

يعقوب ما بيخسرش أبدا 

ويخرج يعقوب من القصر وهو زي المجنون  وهنا جميلة تقول ل قمر 

أنتي حرقتي القلبين أزاي مع ان اللعنه من نار

فتضحك قمر ويضحك جعفر فتقول  جميله

أنتوا بتضحكوا علي أيه

فتبص قمر للنار اللي بتحرق بيها القلبين وتشاور للنار بايدها فتنطفئ النار وتلاقي  الملكه القلبين زي ما هما ما اتحرقوش اتصدمت جميلة وقالت 

أنتي لعبتي عليه وسحرتي عيونه 

قمر 

لعبه سحريه أتعلمتها من والدي كان بيمارسها ديما كهنه فرعون قصاد سيدنا موسي وما يقدرش اي ساحر يكتشف انها خدعه  ومن حسن حظي ان والدي  ماقلهاش لاي حد من تلاميذه ويعقوب مايعرفهاش 

الملكه جميله 

يعني اللعنه زي ما هي بس أزاي و اهل البلد نادوا بأسمي بعد ماكان بينادوا بأسم يعقوب

قمر 

مولاتي يعقوب شاف وسمع اللي انا عايزا  يعقوب دلوقتي عينه وودانه  تحت تاثير سحري

الملكه جميله

وانتي عملتي ليه ده كله

جعفر

علشان يعقوب يطلع اللي مخبي وغرابه معانا هايعرفنا طريقه وكل حاجه تخص اللعنة

الملكه جميله

ويعقوب هايفضل مصدق اللي شافه وسمعه ده خبيث واكيد هايعرف أنها لعبه

قمر 

طبعا هايعرف 

جميله

ولما يعرف هايحصل أيه والحرب اللي هايشنها عليه مروان هاعمل فيها أيه وانا من غير جيش واهل البلد مش معايا

جعفر

ساعه الحرب هاتبقي ساعه نهايه الشر ،،،،،،

ويعدي يومين والملك مروان ومعه يعقوب اللي علي كتفه الطفل الملعون ومعاهم  جيش مكون من. ميت الف  جندي رايحين  ناحيه بلد الملكه جميله ووصلو عند قصر الملكه جميله ووقفو قصاد بوابه القصر اللي كان مقفول وقال يعقوب باعلي صوت عنده 

جميله بامر من الملك مروان  اخرجي من قصرك تحفظي حياتك من الهلاك وتعيشي مع حريم الملك مروان في امان هاترفضي هايكون الموت مصيرك ومصير اي حد معاكي

تتفتح بوابة القصر وتخرج جميلة وتقف قصاد يعقوب ومروان وتقول بتحدي 

انت جاي بلدي وبلد اجدادي ليه يا مروان وبتعلن عليه الحرب واحنا في هدنه دي اخلاق الرجال مش هقول الملوك لانك ما تنفعش تبقي ملك 

الملك مروان

جميله انا مش جاي علشان اتكلم معاكي  اركعي ليا واطلبي الرحمه يمكن ارحمك

فيخرج جعفر ويقف وراء جميلة ويقول بتحدي 

الملكه جميله مابتركعش الا للي خلقها ولا بتطلب الرحمه الا من الله سبحانه وتعالي

الملك مروان

انت اللي بتتكلم بعد ما خونتني واتحالفت مع عدوتي

يعقوب

قولت لك يا مولاي كان لازم يموت

جعفر

الموت قريب جدا من اي حد بس انت قبرك اتفتح وكفنك جاهز

يعقوب

هو انت مش شايف الجيش مع مين وانت وجميله لوحديكم والساحره قمر خدعتها انا اكتشفتها وقدرت ارجع ل صوابي    يعني بامر من مولاي انتوا اللي هاتخشوا قوبوركم

هنا تظهر قمر وتقف جنب جعفر وتقول 

مين قال ان الجيش معاكم الجيش معانا احنا والسحر انقلب علي الساحر 

يعقوب يضحك ثم يقول

حيله غبيه زي اللي عملتيها قبل كده ولو ضحكتي عليه مره مش هاتضحكي عليه تاني

قمر

المره دي مش حيله اللعنه اتقلبت عليك وعلي اللي معاك

يعقوب

انتي كدابه انا لسه في ايديه اللعنه وكل دول ملكي

قمر 

انت واهم يا يعقوب 

وتبص للسماء ويبص يعقوب مكان ما هي بصيت فيلاقي الغراب بتاعه بيطير فوق القصر ومتعلق في رجله راس الحطاب اللي كتب عليها  اللعنه اتصدم يعقوب وشاور للغراب بالرجوع لبيته براس الحطاب لكن الغراب رفض وقالت قمر 

غرابك  دلوقتي ملكي انا وانت دلوقتي مالكش سيطره عليه والحيله الغبيه اللي عملتها فيك قبل كده هي اللي وصلتني

لراس والدي الحطاب واللي كانت بالنسبه لك مكان تخبئ في طلاسم لعنتك الخبيثه

يعقوب

انت ازاي عرفتي مكان راس الحطاب

قمر 

بعد ما خرجت من قصر الملكه جميله واتوهمت بان القلبين اتحرقوا واللعنه اتقلبت عليك امرت غرابك بانه

يطير وراك لاني كنت متاكده انك هتخرج من القصر للمكان اللي انت مخبئ في راس الحطاب وفعلا انت عملت كدة وروحت للمكان اللي في الراس  وطلعت راس

والدي  واتاكد ان طلاسم اللعنه زي ماهي محفورة جوة جمجمة والدي  وخرجت من

عندك وقدرت تستعيد وعيك وعيونك وسمعك   واستعديت للحرب وانا امرت غرابك تاني بانه يجيب راس والدي الحطاب وقلبت اللعنه عليك علشان

تعرف اني اتعلمت كتير من والدي الحطاب وزي ماوعدك نهايتك علي ايدي

وبصيت جعفر بطرف عيونها لجعفر وتقول 

دلوقتي يا سيدي جعفر 

خرج جعفر سهم من جراب علي ظهره وقمر نفخت في السهم والنار مسكت في راس السهم وجعفر حط السهم في القوس وضرب السهم في راس الحطاب فتمسك النار في راس الحطاب فيصرخ الطفل

الملعون ويتالم ثم يفتح بوقه علي اخره ويخرج من بوقه  ومن ودانه  ومن عيونه  دود اسود ميت كثير ويدخل هذا

الدود في جسم يعقوب والملك مروان ويصرخوا الاثنين  من شده الالم والدود ياكل في لحمهم لغاية ما  يتحولوا الي

هياكل عظميه.  ومع انهم كانو بيطلبو الرحمة لكن من لايرحم  لا يرحم. 

و المرض يزول عن اهل البلد والجيش يفك

عنه اللعنه ويهتفوا باسم الملكه جميله فتبص الملكه جميله الي جعفر وقمر  ويمسكوا الثلاثه أيد بعض وتقول جميلة 

المملكتين هيعيشو في امان في عهد الملك جعفر خليفة الملك الظالم مروان 

ويهتف كل الموجودين بحياة جميلة وجعفر 

وسكتهم جعفر باشارة من ايدة وقال 

زي مابقي في نهاية للحرب لازم تكون في نهاية للسحر الاسود اللي بقي كل حاجة في زمنا وجه الوقت نرجع للقران ونصدق اياته وكفاية بقي شر لغاية كدة 

الملكة جميلة

بعد اللي انت عملتة معابا مستحبل اكون ضدك في اي قرار انت شايف في مصلحة البلدين  ومن النهاردة يحكم بالسجن سنه كاملة لاي حد قرر استخدام السحر في امور حياته ومنع السحراء من ممارسة الطقوس الشيطانية الخبيثة 

جعفر 

جه الوقت نترحم علي اللي ماتو بسبب غبائنا وجهلنا ونطلب الرحمة والمغفرة في اللي جاي من حياتنا 

ويبص لقمر ويقول 

وانتي يا قمر لولاكي ما كناش قدرنا علي يعقوب

قمر

الشكر كلة لله ولوالدي الحطاب الساحر اللي علمني كل حيل السحر وخلاني اقدر علي شيطان زي يعقوب.  وعقبال ما نقدر علي كل الشياطين اللي في زمنا ،،،،،،،

وتعدي السنين والارض تبقي غير الارض لكن الشر ما بيخلص والمملكة السوادء رجع منها اخبث ساحر عرفته البشرية وفي بلد الشيخ راغب ووسط الخضراء تخرج ايد محروقة بظوافر سوداء  من تحت الارض وكانها بداية لشر جديد.  

انتهت أحداث الرواية نتمني ان تكون نالت اعجابكم وبإرائكم في التعليقات وشكرا لزيارتكم عالم روايات سكيرهوم

للمزيد من الروايات الحصرية زورو قناتنا علي التليجرام من هنا

شكرا لزيارتكم عالم روايات سكيرهوم