رواية حين تتغير الاقدار الفصل السادس بقلم سناء الهموندي
منذُ اليوم الأول معك .. وأنا علي يقين بأني أمسكت يد الرجل المُناسب الذي يستحقني وأستحقه ..❤💍
حجي بدر ابو محمد:خايبين عضيدي مات ماتتتت وعافني وحيد بلد الغرب .
ام محمد :منهههو المات حجي بدر احجي بروح ابوك تراك وكفت كلبي.
حسنه : بويه فدوه شكو .
حجي بدر : وين محمد وين ولدج يكرجيه خلنه نروح لبيت حجي مطر ونكللهم بلخبر عبن حجي مطر مات .
ام محمد : شنهيي ياععع من كون دهر جا هو مو اجه وياك للرضا ( ع) شصارله الزلمه.
حجي بدر : موش وكتج ام محمد أنا رايح انشد اهله عبنهم مايعلمون.
محمد : كاعد اشتغل بلكاع واجاني حمزه ابن اخوي يلهث كمت بفزعه خيرك ولك حمزه ابوك بي شي .
حمزه: الحك عمي اجه جدي ويصيح ومانعرف شجرا .
محمد : ابوي ولك حميزه ابوي موش أهنا انت تتقشمر .
حمزه : لاله وروح جدي هساع ابوي كتله وراح وهل اجيتكم انت وعمي اكللكم.
محمد : ركضت للبيت والفلح يصيحون وراي خيرك محتاج شي بس انا ماندل دربي بس اريدن اوصل عبن أنا العرفنه ابوي بسفر شجابه وشصاير وصلت للبيت وأشوفن الهوسه بلبيت وأمي تبجي .
ام محمد: يمه محمد الحك لبوك واخوك راحو بيت حجي مطر عبن ابوك يكول حجي مطر مات.
محمد : شنهي صدك تحجين يمه لحكت ابوي وحتى منتضرت اني جاوب وصدك اوصل لبيت حجي مطر وصوت العياط واصل لذاك الثوب لكيت لمه بلباب وأشوفن اخوي محمود واكف رحت يمه خير ابو حمزه شصاير .
محمود : يا خوي علمي علمك ابوي هساع وصل هوه والقافله واجاني حمزه كال جدي جاي ويصيح .
محمد : هوه وين ابوي .
محمود : طب للمضيف وانا هلتشوف الوادم لزمتني حتى يستفسرون مني.
محمد : دتعال تعال خلي نفوت للمضيف نشوف شنهي السالفه .
محمود : خوش يخوي فوت أنا جاي وراك .
محمد : فتت للمضيف وأشوفن ابوي الوجه مكلوب والعين حمره رحت بسته برأسه وكعدت كباله طب ابن اخو لحجي مطر للديوان وكال ..
مطشر : رحت صحت ابوي وأبو علي (ابو علي ابن حجي مطر ) .
محمد : طبو ابو علي وأبو مطشر وأبوي كام على حيله تقدم عليه ابو مطشر اخو لحجي مطر .
ابو مطشر : خيرك يبو محمد شصاير اشوفنك رديت خالي بدون اخوي .
ابو محمد : اكعد يبو مطشر وانت ابو علي وانتو يا جماعت الخير كعدو خلني احجيلكم شصار.
ابو مطشر : احجي يبو محمد تراك شغلت بالنه .
ابو محمد : جريت حسره وحجيت والله يخوي انت تعرف أنا واخوك حجي مطر كل زيارتنا سوه ومانتفارك بس يبو مطشر بوكت انطلاقنه بلقافله زرنه كربلاء وبعدهه نجف اخر شي رحنه لخطوة الامام علي (ع) وهناك القوافل ترتاح جم ساعه بعدهه نتوكل وصدك نمنه جم ساعه كعدت لكيت العالم محمله غراضهه أنا هم كعدت حجي مطر حتى نتوكل بس حجي كال.
حجي مطر : خلني نايم يرحم اهلك .
ابو محمد: يمعود حجي العالم مشت .
حجي مطر: الله وياهم كتلك هدني ارتاح تعبان.
ابو محمد : انت صدك تحجي يعني كل مره من وراك نتأخر علمود نومتك العالم عافتنه وراحت .
حجي مطر: وشمالك أصيح روح اصلا أنا ماجي وياكم راح اروح ويه قافله ال حويمد .
ابو محمد : ضل انا هم رايح انت تاخرني هاي صارلنا بحدود الشهر واحنه تفتر المراقد العدنه جا شوكت نروح لرضا ونزوره.
حجي مطر : روح الله وياك كتلك ما اجي.
ابو محمد : وصدك لحكت القافله الجنه بيهه وبعد مسيره ٢٨يوم وصلنه للامام زرت وضلينه يومين وانا كلبي واجعني على صديق دربي شون عفته لو باقي ويا وصدك رحت افتر بلامام وبلمنطقه الاحنه بيهه اسال على حجي مطر ماكو .
ابو مطشر: يااا جا وين اخوي الله يرضه عليك ابو محمد .
ابو محمد : خلني احجيلكم بلتفصيل حتى لا يوكع الوم كله عليه.
ابو علي : كمل حجي رحمه لهلك ابوي وين.
ابو محمد : اي يخوي وسبوع مر وانا ادور على حجي مطر ولحكه السبوع الثاني وهوه ماكو قافلتنه قررو يرجعون أنا كلت اكيد هوه جاي زاير وراد وانا ماشفته ردينه لبلادنه ونص الطريق وأشوفن كم شخص من قافله ال حويمد رحت سالت عن حجي مطر وصدك ويكلي الحجي توفى بمعصومه عليه السلام .
ابو مطشر : شنهي اخوي مات ياناس انكسر ظهري .
ابو علي : يرحم موتاك ابو محمد انت متاكد .
ابو محمد : أنا مثلك ماصدكت ورديت اردود للرضا وصلت وسالت ورحت حتى المعصوم عليه السلام واكدولي أنه مات والقافلة ماخذي ورادين لهله دورت القافله مالكيتهم وهل رديت أنا من غير صديقي وعضيدي.
محمد : شاع الخبر حجي مطر مات ولتمت الشيوخ والعالم ونصبنه جادره وذبايح ومواجيل ضلينه احنه ويه بيت حجي مطر عبن ابو علي صديقي ماهديته خلصن اول يوم الفاتحه والثاني والبجي الصريخ مال النساوين وأبوي هواي تأثر بي واحسنه محمل روحه ذنب موتت حجي مطر اليوم الثالث واحنه من الصبح ذبحنه وسوينه الغده غدينه الوادم وكاعدين وره الغده الشيخ يقره بلختمه على روح حجي مطر وأبوي صاح.
ابو محمد: حجي مطر خايبين اخوي مطررر.
محمود : بس يبوي موراح يصيرلك شي لا تخوفنه عليك.
ابو محمد : خايب ما تسكت اكله حجي مطر .
محمد : ابو كام على حيله ويريد يمشي لزمته اكعد حجي استهدي بلرحمن وين رايح وصدك وصارت هوسه وكلهه كامت تتراكض وأبوي دفعني وركض وياهم ولهناك وألمح حجي مطر بنص العالم عقلي وكف ورحت وراهم أنا والكاعدين بلجادر وأشوفن ابوي وحجي متحاضنين ويبجون سوه ويتعاتبون .
حجي مطر : هيج تفوفني يبو محمد يهون عليك تخليني.
ابو محمد : يا حجي انت تبطل سوالفك كل مره تاخرنه المهم حجي كلشي يهون بس المهم انت بخير وحقك عليه.
حجي مطر : شنهي يا ستار المن هذا الجادر منو المات.
ابو علي: هذا جادرك يأبه .
حجي مطر : لا بارك الله بيك من ولد ولك بيش طالبني.
ابو علي : عمرك طويل يأبه بس اسال ابو محمد هوه يجاوبك.
محمد : رجع حجي مطر بسلامات ومشت الايام واخذتلي كاع صغيره بصف كاع ابو علي قريبه على بيتي البطرف البستان صار فتره صفيه كلش متعبتني يوميه طلابتهه الماتخلص رجعت للبيت وتلكتني مثل كل يوم .
صفيه: شو اكللك أنا بعد ماتحمل نعيش سوه يو طلكني يو طلك جوريه.
محمد : صفيه الله يرضه عليج شون تردين اطلكج وتعرفين أنا احبنج انتي مرتي وبت عمي.
صفيه : جا طلك جوريه شنهي مبقيهه صار سنه وهيه ماحبلت عبن يجوز مو صوجي ماخلف .
محمد : شنهو قصدج يبت عمي احجي البكلبج لا تلفين ودورين.
صفيه : ما قصدن شي بس انا ماريدن جوريه كبالي .
محمد : جاي احجي وأشوفن جوريه فاتت شايله الخبز وعينهه جتي بعيني كلهه دمع كسرت خاطري اكيد سمعت عبن صفيه صوتهه عالي .
صفيه : خير شكو هيج تباوعين امشي منا لا توكفين كبالي جنج غراب وانا ما طايقتج.
محمد : بعصبيه صفيه خليلي احترام ولا تتجاوزين عليهه كدامي البت مالهه لا صوت ولا اذيه على أحد عفتهه وطلعت من البيت رحت يم ابوي بلمضيف .
جوريه : كاعد اخبز واسمع صوت صفيه تحجي عليه وانا دموعي تنزل وافكر وين اروحن اذا صدك محمد عافني كضيت يومي وانا مقهوره وخايفه لليل كاعده يم عمتي وعمي ابو محمد يسولف على رحلته لإيران وانا استمعله واتمنا اروحن للرضا خطيه ذيج المره محمد مرتين أخذني لكربلاء ونجف نروح مشي ورحت على كبر امي وابوي كلت خلي اروحن للحجره اصلي وانامن رحت توضيت وفتت لكيت محمد كاعد بحجرتي اول مشفته عيني دمعت ذكرت حجي صفيه هوه من شافني كام تقربلي مسح دموعي وكال.
محمد : مسحي دموعج لاتصدكين بيوم اعوفنج انتي مرتي وانا مو ناقص غيره حته اكسر بيج وعد عليه مايخذني منج بس الموت .
جورية : اسم الله لا تكول هيج انت تعرف أنا مالي سند غيرك تقرب باس راسي وتنهد مرت الايام وعمي ابو محمد حالته دهورت كلساع يوكع يتخربط اخذو لحكيم بغداد وكال صاير بي سكر وصاربته جلطه ومعديه مرت السنين و .
تستمر القصة أدناه
ضويه : حياتي ماشيه وماكو شي جديد وهيج مرت الايام والسنين مرت سنتين ونص عمر انور سنه وحبلت وجبت ولد لأخ وسميته ازهر الي هسه عمره بل٨اشهر وأنور سنتين ونص وصادق وصل مرحله رابعه وجاي يمتحن اخير سنه كل فتره نروح للديره وأشوفن جوري فرقد بعد ممتزوج حاليا راح ثالث كليه وهم جاي يمتحن وخطيبته هم تدرس وانا ملتهيه بين شغل والجهال صادق اشتهر بلخياطه وصار مشهور بسوك الكاضم (ع) باقي سبوع وصادق يخلص ونروح للديره اخر مره رحت قبل أكثر من ثلاث اشهر عمتي ام صادق تموت على جهالي وتحير شسويلهم نوبات تجي تبقه يمنه سبوع وتروح ومن نروحلهم يصير عيده عدهه وتحير شسويلهم.
جوريه: مرت سنتين ونص وانا ايامي متشابهه بين الشغل وعمتي وصفيه ماخلصت من مشاكل وياهن خصوص بعد وفات عمي ابو محمد من سنه اثر ارتفاع السكر عنده انا صرت اكضي كل شغلي من وكت واكعد بحجرتي اغلب وكتي اخلصه صلاة لامي وابوي وامنيتي اعرف أقره حته أقره قران جابليا محمد هديه ضويه كل فتره تجي ومحمد يأخذني اباتن ليله عد بيت عمي يمهه صار عدهه انور وازهر يخبلون ماشالله وكل ماتجي جايبتلي وياهه جم شغله خطيه وانا اكلهه شسوين بي عندي تكلي من اشتري إليه اذكرنج بي صار على زواجي بحدود تلاث اسنين وجم شهر ومحمد من يوم جينه لبيت اهله ينام أكثر شي عند صفيه بيوم ينام عندي يكعد يقره قران وانا اكعد يمه استمع كلش احب صوته من يقره وراهه ينام وانا انام بصفه كل هلسنين وانا ضني زواجنه كامل وكل المتزوجين مثلنه يصلون وينامون حته ما فديوم فكرت شلون يصير عندي جهال عبالي ادعي واصيرن حبله إلى أن بيوم جانت صفيه رايحه عند اهلهه وهيه من تروح تبقه سبوع أكثر اهلهه بغير محافظه بيوم محمد اجه من الشغل تعشه وشرب جاي وهوه ما شال عيونه مني
محمد : اباوع عليهه متغيره وكبرانه وصايره مره كلت بعد لازم أتمم زواجي منهه هيه مرتي وحلالي جنت منتضر تكبر وهسه ماشاء صايره مره مكمله رحت للحجره وصحتهه اجت فاتت عادي هيه متعلمه عليه بس أنا احسن شي جديد ويمكن مرتبك أكثر منهه عبن هيه بعدهه متعرف شنو السالفه
جوريه : صاحني محمد للحجره طبيت سد الباب وكالي .
محمد : كعدي ارد احاجيج واريدج تصغيلي وماتخجلين واتمنى ما تعارضيني عبن هالشي لازم يصير من اول ما تزوجنه.
جوريه : بستغراب وحيره نشالله اسوي كل الطلبه مني بس انا مافهمت شي أنا شنهو المطلوب مني.
محمد : سالتهه حبيبتي انتي مو دوم تساليني ليش ما يصير عندي خلفه وانا صراحه جاي اشوف ضغط امي عليج شلون تعايرج بلخلفه عبالهه انت ماتخلفين زين انتي ما تحبين تعرفين شلون تخلفين وانا ممكمل زواجي منج باوعتلي مستغربه وكالت .
جوريه : بدموع وخوف يعني يعني ششش نننو شنو أنا محرمه عليك قصدك عيشتي وياك حرام فدوه كلي .
محمد : بتسمت لبرائتهه وحجيت لا يروح محمد اروح فدوه لهل دموع انتي حلالي بس انا ماداخل عليج عبنج جنتي صغيره وخفت عليج بس هسه ماشاء الله تبارك الرحمن صايره مره كامله والكامل الله .
جوريه : جا انت مو بين يوم ويوم تدخل عليه للحجره شو أنا ماجاي افهمك شقصدك .
محمد : بابتسامه جاوبتهه انتي مو كل ما أقره قران تساليني شنو معناته وانا افسرلج .
جوريه : اي صح بس هم مافهمت شدخل القران.
محمد: بسم الله الرحمن الرحيم .
(ومن اياته أن خلق لكم من انفسكم ازواجا لتسكنوا إليها وجعل بينكم موده ورحمه أن في ذلك لايات لقوم يتفكرون)صدق الله العلي العظيم.
تذكرين هاي الايه من سالتني شنو معناتهه
جوريه :اي اتذكر كتلي خليهه لوكتهه صدك هيه شنهي معناته .
محمد : معناته الله سبحانه ذاكر بلقران لازم يصير بينه تقارب حته تصير الموده والرحمه بينه ونشالله ننرزق بطفل .
جوريه: يعني أنا هسه شنهو المطلوب مني .
محمد : المطلوب نكوم نصلي ركعتين حتى الله يسهللنه وراهه تسلمين نفسج ليه وخلص هذا المطلوب هزت راسهه وراحت توضت وانا هم توضيت صلينه وراهه كعدت على التخت وصحتهه بديت اتقرب منهه بهدوءءوو...................... فضت سالفتنه وهيه ساعه تبجي وساعه ساكته مصدومه بس الي عرفته جوريه ماعدهه اي معلومه على العلاقه الزوجيه بحيث كلما اتقرب تبجي ومتقبل لحد ما هدئتهه وشرحتلهه والحمدلله فضت على خير.
جوريه : كعدت الفجر وكمت سبحت مثل معلمني محمد وصليت وهوه هم سبح وصله وانا ميته خجل وبطني توجعني بس استحي احجي سويتله ريوك تريك وراح لشغله وأحس بنفسي اريد انام بعد ماشبعت نوم كلت اعجن واخذلي غفه صدك عجنت وغفيت وكعدت على صياح عمتي خايبه جوريهه وينج فاتتلي للحجره شافتني نايمه كالت.
ام محمد: يا من كون طركاعه جا نايمه وعايفه العجينات واكعات بلكاع كمت فازه حطيت شيلتي براسي وطلعت للعجين لكيته مختمر زايد باوعت الشمس عاليه حيلل هاي أنا شكد نايمه خبزت علسريع وانا وجع بضهري وماكدر احجي نضفت ومرت حماي وياي جتي نصفت ثرمت الخباز وسويت غده إذن وانا بعدني كملت ورحت توضيت وصليت اجه محمد توني اشيل فراش الصلاة تقدم عليه باسني براسي وكلي كون تشكين من شي وجعانه هزيت راسي بلا استحي احجي صلوا كلهم وصبينه غده تغدينه وكلمن لحجرته الضهريه يرتاحون ساعه صيف حاره يكسر الجو ويطلعون هلسبوع محمد يمي وفرحان كلش بيه أمه كامت شوفه اول ميجي ياكل ويطب للحجره يصيحني اروحله كامت تحجي عليه وتكلي شنهي ماصدكتي ضرتج ماكو سبوع وجتي صفيه ويه اخوهه وكعدت تسولف على اهلهه امهه وخواتهه.
صفيه: يا سوده عليه امي حارت شتسويلي واخوتي فرحانين بيه وماقبلو اجي بس كلت اجي عبن محمد مايكدر بدوني.
من اسمعهه تسولف بامهه اذكر امي شون ماتت وانا ضني هيه نايمه واموت قهر واكول شيصير لو هيه موجوده واروحلهه واشكيلهه همومي واخلي راسي بحضنهه ..مر على جيت صفيه يومين اول مارجعت محمد بات عدهه وراهه عندي وره يومين اجه محمد من الزرع كال اليوم جايه اخيتج وره الغده اخذج الهه أنا تعلمت من تجي ضويه يأخذني بليل يجيبني ثاني يوم وره االضهر .
صفيه : شنهي يبن عمي هسه تاخذهه اخذهه بليل عدنه شغل .
ام محمد : ماتروح اله وهيه كاضيه شغلهه .
جوريه : مجاوب بس كمل اكل وكال.
محمد: الحمدلله وشكر جوري أنا اشربلي ستكين جاي الكيج لابسه عباتج ومتحضره .
جوريه : باوعت على عمتي وصفيه صارن نار بس بعد مايكدرن يحجن بذات صفيه . لبست عباتي وطلعنه دنيه ضهر حاره محد بلشارع بس انا ويا مشينه بتجاه البستان .
محمد : تعرفين جوري اخذتج هسه حته ارجعج بليل .
جوريه : باوعتله بتفاجا بعدني جاي احجي وهوه حجه.
محمد : اي شنهي بويه لاتنسين اليله الج وحنه نعتبر عرسان جدد أنا لو ما اخيتج عزيزه عليج جان ماخذيتج.
جوريه : محمد اغديلك فدوه خلني ابات ليله والله مشتاقتلهه هيه والجهال .
محمد : جا وانا شيصبرني يجوري .
جوري : باوعتله بترجي .
محمد : وانا شكاتلني غير هلنضرات ابقي وباجر بليل اردج رتاحي شوي امري لربي حجاهه بضوجه
جوريه : ضحكت تسلم ماتقصر .
تستمر القصة أدناه
ضويه : اليوم جينه للسلف بعد ما صادق خلص امتحان وصلنه الصبح مرت عمي كلش فرحت بينه راحت فضه حطت ريوك تريكنه و خلصنه ولميت انا وفضه البيت صادق كال رايح لابوي طلع صادق عمتي كالت امشي نروح سلمي على حبوبتج حته نرجع نسوي غده رحنه بيت جدي ماشالله زايدين ههههه نسوان عمامي بين يوم ويوم يخلفن سلمت وكعدت يم جده جنت جايبتلهه قطعه قماش فرحت بيهه جهالي لازكين بجدتهم ممتعلمين علهوسه نسوان عمامي كلساع وكالن شنهي يمه جهالج متخليهم ويه الجهال .جاوبتهه مرت عمي.
ام صادق: لا خيه ذول ممتعلمين علهوسه خلهم بحضني اشبع منهم .
مرت عمي :يااااا خيه وشنهي احنه شفتينه همج جا هيه وينهه الهوسه.
ضويه: جاوبتهه لا عمه حشاج بس تعرفين احنه ماكو احد بلبيت نهاره كله هدوء وبس همه يلعبون متعلمين كعدنه ساعه ورجعنه لكينه عمي جايب سمج وراد هوه وصادق للبيت يسولفون بأمور شغل الكياعين عمتي كالت .
ام صادق: يمه ضويه تشوين السمجات بتنور الطيين اكو جيمه (حطب)يمج .
ضويه: بعيني عمه رحت شعلت النار وسمعت ازهر يبجي صاحتني فضه .
فضه: تعاي لبنج أنا أكمل خطيه فرفحت روحه .
ضويه : لا خيه أنا شعلت النار خلي يهفت علما ارضعه وارجع أكمل .
فضه : جا خوش خلني أنا انضف الخضره واخبط لبن .
ضويه : رضعت ازهر راسا نام تعبان من الطريق وأنور هم بده يغفي بحضن عمتي كاعده ارضعه ونسولف وعمتي كالت جا شو ماكلتيلي فرقد يريد يعرس هلفتره .
ضويه: بتفاجا يااا صدك شو أنا مادري وداعت نوير ياهو كالج
ام صادق : جا غير هسه عمج كالي صادق كايله .
ضويه : والله يا عمه توني سمعت منج جوز فرقد محاجي صادق بلمحل لان هوه ماجاينه هليام كمت سويت الغده تغدينه وجهال ضلو نايمين ماكعدو طلعت صوغت عمتي وفضه تحجي وتكلب بلدشداشه .
فضه :اكلج ضويه هاي شنهي الدشداشه تخبل منهو خيطهه أنتي يو صادق .
ضويه: ياااا صدك عجبتج هاي أنا خيطتهه .
فضه : يخبل وعلي جايبته فيت عليه عاشت ايديناتج .
ضويه : بلعافيه أنا خيطت الي شو عجبني وصيت صادق جابلي قماش وخيطت الج ولجوري اله صدك عمه جوري ماجايتكم .
ام صادق : لا والله يا يمه ماتجي بس على جيتج بس انا نوبات أمر عليهه وهيه تسأل دوم عليج .
ضويه : يا بعد كلبي ويه هلحجي وطبت جوريه ملهوفه .
جوريه : وصلنه لبيت عمي محمد كال .
محمد: على عمه عيني راح اخليج تبقين فوتي فوتي صيحيلي عمج اسلم عليه واروحن قبل ماغير رايي واخذج وارد .
جوريه : ضحكت وكتله تامر امر فتت سلمت على عمي وصادق جان يمه كاعد سلمت وكتلهم محمد بلباب واكف طلع صادق وانا فتت لكيت ضويه كاعده سولف رحت بلهفه حضنتهه وسلمت على مرت عمي وفضه وخطيه فضه راحت جابتلي مي شربت وحجيت جا شو نايمين نوير وزهير .
ضويه : خلني اشبع منج أول وبعدين يكعدون وشبعي بيهم شونج يبعد كلبي انشالله بخير .
جوريه : الحمدلله مرتاحه كمت بست جهالهه وهمه نايمين شنهي ضويه شوكت يكعدون .
مرت عمي : تعبانين مال طريق يمه هسه يكعدون وشبعي شوف بيهم .
صادق : كاعدين أنا وأبوي بلمضيف حجيتله على فرقد يريد يقدم زواجه قبل لا نجي للسلف اجاني للمحل وطلب مني أحاجي امي وابوي بسالفه عرسه واجه محمد طلعت فوته للمضيف ضيفته كهوه شرب شويه كعد وراح
تستمر القصة أدناه
ضويه: جوريه بقت عدنه وانا طرت بيهه كعدو الجهال وهيه تلعب بيهم وتغنيلهم وهمه مكيفيلهه احسهه عيونهه كلهه تعب بس هيه ما تحجي بليل صحتهه طبينه الغرفتي القديمه وسالتهه شبيج يبعد بيتي ليش احسنج تعبانه وعيونج مهمومه .
جوريه: مابيه خيه شبيه شو جني العافيه مرتاحه وخير من الله .
ضويه: دومج نشالله تعالي شوفي جبتلج شغيلات تخبل .
جوريه : وليش تكلفين روحج خيه أنا شوفتج عيد عندي انتي وجهالج .
ضويه : يا بعد كلبي طلعتلهه الغراض وشافت الدشداشه تخبل عليهه نمنه أنا وياهه وفضه ومرت عمي بغرفتي القديمه وصادق هوه وعمي بلهول.
جوريه : كعدت ويه الصلاة صليت لكيت مرت عمي عاجنه ومختمر كاعده شنك كعدت فضه وضويه للصلاة ورحت اخذت بمكانهه وكلتلهه أنا اخبز .
ام صادق: يا ااا يمه خافن تتعبين خلي أنا أكمل انتي ناقصج ضيم.
جوريه : لا عمه صار قابل أنا مدللله هناك خبزته وهيه كعدت تسولفلي على زوجهه من عمي وعلى ايامهم وانا استمعلهه واخبز جتي ضويه .
ضويه : صبحكم الله بالخير شنهي اليوم راح ناكل خبزات جوريه جا خلني اسلك بيضات حته نتريك سويه.
جوريه : ابتسمت لحجي ضويه كتلهه جا شنهي ولدج ماكعدو اريدن اشبع منهم قبل ماروحن .
ام صادق : يا يايمه شعندج دبقيلج يومين ويه اخيتج .
ضويه : اي جوري دبقي خلني اترس شوكي بشوفتج والله ماشبعت منج .
جوريه : لا خيه أنا واعدت محمد ارجع اليوم ويا ماكدر اخلف بوعدي .
ضويه : والله انا بعدني ماشفتج زين بس اخليج براحتج يروح اخيتج أنا باقيه هنا سبوعين نشالله قبل ماروح اذا ماجيتي أنا امرلج ولو أنا ماحب التقي بعمتج عبنهه كلامهه ثكيل الله يغفر الهه .
جوريه : ههههه شنهي خيه شلج غرض بيهه انتي جايه عليه .
ضويه : الله كريم بلكي انتي تجين ياله أنا أشوف البيض وأحضر الريوك .
جوريه : بقيت بيت عمي تغدينه ونضفنه وتونست ويه البنات للغروب اجه محمد عليه وطلعتله ورحنه للبيت اول ماطبيت لكيت إخوته ونسوانهم كلهه جايه عمتي تريد تسوي ثواب سلمت وصلت لعمتي كالت ياله همي نفسج ويه البنيات جاوبتهه تامرين ورحت وياهن نحضر ونسوي بلثواب وتعبنه تعب من الركض وهوسه جهالهم خلصنه وزعنه الثواب محمد يطب ويطلع يباوعلي ويبتسم وانا اخجل كدامهم كملنه توزيع واحنه صبينه تعشينه وكلمن راح لبيته وره العشه عمتي توضت وراحت كعدت بلهول اصلي صفيه فاتت لحجرتهه وهيه كالبه وجهه كلب ماعرف شبيهه حتى على العشه طب محمد من بره .
محمد : سلام عليكم شنهي وينهم طشو و عافوج وحيدج .
جوريه : لاله شعندي أنا أكمل وروح انامن تقرب كلش يمي يم الحوض مال ماعين بلكاع اغسل كال .
محمد : تنامين وتعوفيني جا وانا ناطرج على نار كفيلج العباس اعد بلساعات عبن مشتاقلج كلش .
جوريه : جاوبته بخجل موش عبالي تنام عد صفيه.
محمد : ومنهو كال جاا أنا مو صار يومين عدهه لا يبعد بيتي اليله عدج لو ما ترديني .
جوريه : هااا لا أنا افرح عبن احب صوتك من تقره ايات وتحجيلي القصص ال بالقران
محمد: اغديلج فدوه لعيونج التلمع أنا اروح اصليلي ركعتين لما تكملين ناطرج بلحجره لا تبطين عليه من حيث اليوم اكو قصه جديده اريدن احجيلج ياهه.
جوريه : لا مابطي مابقالي شويه واخلص توضه يمي بلحوض وراح وانا غسلت الماعين وكمت حطيتهن مكانهن وكنست الكاع وطبيت لكيته يقره قران اخذت من الثياب الجابتهن ضويه ورحت غسلت ورجعت للحجره اجيت كعدت على تخت هوه وره شويه صدق وسد القران خلا مكانه ولتفت عليه يباوعلي نضراته كلهه شوك وفرح وانا افرح من اباوع لعيونه تقرب مني وبده يسولف وراههه (امشن عيب شنو تردون كلشي احجيلكم مره ورجال احنه شكو 😂😂 )وثاني يوم راح لشغله عنده شغل بغير محافضه وكال يتاخر ياله يجي وانا كعدت الصبح عجنت ونضفت ويه صفيه كالت أنا اخبز انتي سوي الغده رحت سويت الغده عمتي هاي الايام الله هاديهه .
مالهه شغل بيه يمكن محمد محاجيهه بس صفيه كلساع وغاثتني بحجايه اخر شي ختمتهه تكلي.
صفيه : اكلج شنو اخوج متبري منجن خافجن وكحات وهيج مارايدجن أنا ماشايفه اخ مايسال على أخته اله اذا مسويه شي أنا اخوتي اذا سبوع ماجوي وسالوا اتخبل شنهي مايحن عليجن لو عايفجن عبنجن مبينات مسمومات.
جوريه : ماتحملت وحجيت بحس شبه عالي عبن غثتني شنهي انتي شتحجين شو حجيج مادري شونه شنهي شفتي علينه وهيج تحجين شو سمعتنه كلهه تحلف بيهه ولو صدك احنه وكحات ما جان عمي ابو محمد الله يرحمه خطبني لمحمد أنا ساكتتلج عبن اريدن خاطر محمد وماحبن المشاكل وانتي اكبر مني وماريدن انزل من حترامج ...
ام محمد : بسجن شنهي هلحس لا تخلني اجي اجسرجن بلعصا شوفي يجوريه خلي بالج أنا قررت وقراري لازم يتنفذ وان ما تنفذ أنا اتبره من محمد قررت أنا لازم .................
شكرا لزيارتكم عالم روايات سكيرهوم
