رواية عاصفة النسور الفصل السادس
محمود .. بيخبط علي الباب
اسامه .. ادخل
محمود .. بيدخل وبيدي التحيه
اسامه .. حمد الله بالسلامه يا محمود اتفضل ارتاح
محمود .. بيقعد الله يسلمك يا فندم
اسامه .. وصلت معلومات من الاستخبارات ان اكبر قيادة في تنظيم داع ش وقادة المنظمات الارهابيه هيعقده اجتماع في اسطنبول ودي فرصه عشان نضرب التنظيم في مقتل
محمود .. وهو مركز معاه تمام يا فندم وايه اوامر حضرتك
اسامه .. بيرجع وبيسند ظهره علي الكرسي وبابتسامه هاديه هتسافره لتركيا ومهمتكم تصفية العناصر
الداع ش يه
محمود .. تمام يا فندم
اسامه .. بيفتح درج المكتب وبيطلع ظرف دي جوازت السفر بتاعتكم باسماء ومهن مختلفه
محمود .. بياخد الظرف تمام يا فندم السفر هيكون امتي
اسامه .. بيبص في الساعه قدامكم ساعتين وتكونوا في المطار
محمود .. تمام يا فندم اي اوامر تاني
اسامه ..( بيقول كل التفصيل لمحمود ) بلغ ضياء عشان ينزل اجازته ولا هتحتاجه معاك
محمود .. لا يا فندم خليه ينزل اجازته
اسامه .. تمام اول ما توصل هناك الاستخبارات هتتواصل معاك وهيوفر لك الامدادات الاجستيه والاسلحه يلا علي بركة الله ربنا يوفقك
محمود .. بيوقف شكرا يا فندم بعد اذنك وبيطلع من عند القائد وبيطلع علي ارض التدريب وبصوت عالي فريق النسور
الكل .. بيتجمع قدامه في لحظه امرك يا فندم
محمود .. قدامكم ربع ساعه والكل يكون جاهز هنتحرك بعد ٢٠ دقيقه بالظبط مسافرين بره مصر وبيطلع الجوزات وبيدهالهم مش عايز اي ملابس عسكريه ولا اي حاجه ممكن تكشف شخصيتكم الحقيقيه كل واحد فينا هيكون لوحده ومهما حصل مش لازم حد يعرف اننا سوا وده المكان اللي هنتجمع فيه ويطلع خريطه هنا هنتجمع وهتيجي عربيات تاخدنا علي مزرعه تبعد عن اسطنبول خمسين كيلو ولحد ما نتجمع هناك مش عايز غلطه مفهوم
الكل .. مفهوم يا فندم
محمود .. يلا الكل يجهز نفسه ضياء استنا عايزك
ضياء .. تمام يا فندم و يقرب منه
محمود .. انت هتنزل اجازه
ضياء .. ازاي انتو تروحه عمليه وانا انزل اجازه
محمود .. انت ليك فتره هنا والعقيد اسامه طلب مني ابلغك انك اجازه من دلوقت
ضياء .. تمام يا فندم
محمود .. اجازه سعيده يا صاحبي
ضياء .. تسلم يارب مع اني كنت عايز اكون معاكم
محمود .. انسا كل حاجه وركز في اجازتك يلا نتقابل علي خير مع السلامه
ضياء .. الله يسلمك
محمود .. بيدخل المبيت وبيجهز شنطته ويغير اللبس الميري و ببلبس لبس ملكي
... وتجي العربيه و بيتحركه علي المطار وكل واحد منهم يتحرك لوحده و بيخلصه اجراءات السفر في مطار القاهره الدولي وبيركبه الطياره وبيوصله اسطنبول وبيدخله عشان ياخده تاشيرت الدخول لكن حصلت حاجه غريب الامن في المطار بعد ما شاف جواز السفر بتاع مصطفي اخدوه علي مكتب الضابط المسئول محمود كمل وهو بيتصرف عادي لحد ما طلع من المطار وكل واحد في الفريق اخد تاكسي وتحرك علي نقطة اللقاء لحد ما تجمعه عند مبني مهجور وجات عربيه عشان تاخدهم ونزل منها شخص وقرب منهم ..
عاطف .. حمد الله بالسلامه يا ابطال
الكل .. الله يسلمك
محمود .. مصطفي اخده في المطار علي مكتب الضابط المختص ولازم اعرف حصل ايه
عاطف .. اطمن مصطفي طلع من المطار و واحد من عناصرنا هيجيبه لحد المزرعه اكيد حضرتك القائد
محمود .. ايوه انا محمود
عاطف .. وانا عاطف هكون معاكم هنا واي حاجه تحتاجوها هوفرها لكم اتفضلوا
محمود .. تمام يلا بينا مش هينفع نفضل هنا اكتر من كده
.. وبيركبه العربيه وبيتحرك عاطف علي مزرعه مهجوره في وسطها بيت وبينزله من العربيه وبيدخله البيت ..
محمود .. بيتفقد البيت وبيلاقي انه فيه ثلاث غرف نوم ليلي
ليلي .. افندم
محمود .. دي اوضتك
ليلي .. تمام يا فندم
محمود .. شباب في اوضتين هنقسم نفسنا عليهم
الكل .. تمام يا فندم
عاطف .. التلاجه فيها كل حاجه ممكن تحتاجوها ارتاحوا دلوقت وان شاء الله بالليل هاجي ونتكلم في المهمه
محمود .. تمام
مصطفي .. بيدخل من الباب السلام عليكم
الكل .. وعليكم السلام ورحمة الله وبركاته
محمود .. انت علي طول عامل قلق
مصطفي .. شكلهم كانوا عايزين يستفيده من خبراتي
سامح .. بيقرب وهو بيحط ايده علي كتف مصطفي خبرتك والله ضحكتني
مصطفي .. بيضحك اه مش مصدق تعالى نرجع وخليهم يقولولك بنفسهم ايه رايك
محمود .. يبتسم كفايه نقار انتو الاتنين ويلا ارتاحوا شويه
مصطفي وسامح .. بيضحكه تمام يا فندم وكل اربعه بيدخله اوضه
ليلي .. بتروح ناحيت المطبخ
محمود .. ايه مش هترتاحي
ليلي .. انا تمام يا فندم هجهز الاكل
محمود .. بالله عليكي انا مش عايز اموت في الغربه
ليلي .. ثق فيا يا سيادة النقيب
محمود .. تمام يا سيادة الملازم انا هاخد دش وبعد ما اخد الدش دخل الاوضه ونام
ليلي .. بتخلص الاكل وبتاخد دش وبتنام
محمود .. بيصحي علي الساعه التاسعه مساء وبيصحي الكل
ليلي .. بتجهز الاكل
.. الكل بيتجمع علي السفره وعاطف بيوصل وبيعزمه عليه وبيقعد ياكل معاهم ..
عاطف .. لا كده انا هتمنا المهمه دي ما تخلصش
محمود .. ليه يعني
عاطف .. ليا سنين ما اكلتش اكل مصري
ليلي .. بس كده كل يوم نعزمك علي اكل مصري
عاطف .. بصراحه تسلم ايدك الاكل يجنن
ليلي .. شكرا علي المجامله
محمود .. لا بجد تسلم ايدك انا ما كنتش عارف انك شاطره في الاكل كده بصراحه كنت حاطط ايدي علي قلبي
عبد الرحمن .. مصطفي
مصطفي .. عايز ايه يا عبود
عبد الرحمن .. ما قولتش رايك في الاكل
مصطفي .. اقول ازاي ما انا باكل
عبد الرحمن .. يعني ايه رايك بصفتك اكبر اكيل في الفريق
مصطفي .. عبود خليني اركز في الهبر دي
.. الكل بيضحك ليلي قامت عملت الشاي والشباب شاله الاطباق من علي السفره ..
محمود .. تمام يا عاطف نقدر نتكلم في المهمه
عاطف .. بيفتح الاب توب وبيدخل علي خريطه مكان اجتماع القاده هيكون هنا والمكان متامن بقوات كتير و المكان عباره عن مزرعه وعشان كده المهمه خطيره وانت عارف معنى نجاحنا في العمليه دي خصوصآ في الوقت اللي داع ش بترهب العالم كله ومنظمات كتير بدات تتحد معاها وفي الاجتماع ده هيكون موجود قادة المنظمات الارهابيه علي مستوي العالم وعشان كده لازم يتم اغ تي ال الكل والمهم ما حدش يعرف مين الجهه اللي قامت بالعمليه
محمود .. تمام توكلنا علي الله الاجتماع هيكون امتي
عاطف .. بكره بالليل الساعه عشره
محمود .. انا عايز اشوف المكان الصبح
عاطف .. بس مش عايزين نلفت انتباهم
محمود .. ما تقلقش هروح انا وليلي بس
عاطف .. تمام يلا اسيبك تصبحه علي خير
محمود .. وانت من اهله
.. وبيعدي الوقت والفريق بيتكلمه سوا وبيهزره وبعد كده بينامه ..
محمود .. بيصحي وبيطلع من الغرفه
ليلي .. بتكون طلعه من المطبخ صباح الخير يا فندم
محمود .. صباح النور جاهزه
ليلي .. اه بس تعالي افطر الاول
محمود .. بيقعد يفطر حاولي ما تتعبيش نفسك احنا فريق واحد وهنجهز كل حاجه سوا
ليلي .. بالعكس انا بحب اعمل الاكل بايدي
محمود .. عشان كده بيطلع حلو
.. وبعد الاكل بيتحركه من المزرعه وبيطلعه علي المزرعه اللي هيتم فيها الاجتماع وبيقربه منها بالعربيه ..
