رواية صاعقة الحب الفصل السادس
بسم الله والصلاه والسلام علي رسول الله
اميره هو ايه الي بيحصل ده .يحيي متقلقيش خليكي ورايا ويفتح الباب وفيه واحد ملثم يلا يا يحيي وينزل يحيي ومعاذ واميره وبيكون فيه موتوسيكلات جاهزه معاذ يركب وراه الملثم واميره تركب وراء يحيي و يطلعوا وتبدأ الشرطه في ملاحقتهم و يقطعوا الطريق عليهم لكن يدخلوا في طريق جانبي والشرطه وراهم و انقسموا لمجموعتين الملثم ومعاذ يطلعوا في طريق ويحيي واميره يطلعوا في طريق عشان يشتته الشرطه وبعد ساعات من المطارده يتمكن يحيي واميره من الهروب منهم وكمان الملثم ومعاذ وطبعا بعد ما اطمنوا ان مفيش حد وراهم طلعوا علي المكان الي يحيي وابن عمه متفقين عليه وفي نفس الوقت الي كان بيتم تهريب يحيي ومعاذ واميره كانت مجموعه تانيه بتنقذ رنا ولكن للاسف واحد من المجرمين يحط المسدس في راس رنا ويطلب منهم يرموا سلاحهم علي الارض وفي لمح البصر رنا تضربه براسها في دماغه و بتاخد منه المسدس و المجموعه بتاخدها وبتطلع علي المكان الي تجمعوا فيه و بتوصل رنا قبلهم واول ما يدخل معاذ و يشوف رنا يجري عليها و يحضنها و يطمن عليها و ياخدها بعيد و بيتكلمو رنا في ايه يا معاذ ايه الي بيحصل معاذ احنا في مهمه انا ويحيي رنا البنت الي معاكم تعرف حقيقة شغلكم معاذ لا طبعا دي جات في طريقنا صدفه وبفضلها قربنا نكشف اكبر منظمه بتشتغل في بيع الاعضاء رنا يعني حضرتك بعد الجواز لو ما طلبتش مني اني اسيب الشغل مش كان زمانا سوا في العمليه معاذ مستحيل اعرضك لخطر انا كنت هتجنن لما عرفت انهم خطفوكي ويحيي مرضيش يطلب مساعده من الادارة عشان كان عارف انك هتعرفي توصلينا ليكي رنا بصراحه انا عقلي كان واقف لحد ما يحيي فكرني بالنادي وكمان الخوف علي علياء بنتنا كان موقف عقلي والحمد لله ان ربنا جمعنا من تاني معاذ الحمد لله يا حبيبتي . الملثم بيشيل القناع . يحيي اعرفك سامي ابن عمي . اميره اهلا وسهلا . سامي اهلا وسهلا بيكي انا بره لو احتاجته حاجه . يحيي ماشي يا سامي اميره انت ازاي كده . يحيي كده اللي هو ايه . اميره احنا كده بقينا إرهابيين رسمي وازاي انت خطط لده كله . يحيي انا مش باخد خطوه غير وبكون حاسبها بالظبط ومهما حصل ان شاء الله الحقيقه هتظهر بس دلوقت انا هبعتك انتي ورنا علي الصعيد هناك تكونوا في امان .اميره لا انا مستحيل اسيبك انا اماني معاك انت يا يحيي . يحيي ولا انا عايز اسيبك بس انا خايف عليكي . اميره اول مره احس بالامان والسعاده وكل ده حسيته معاك ومستحيل ابعد عنك يا يحيي انا .. وسكتت. يحيي سكتي ليه انتي ايه يا اميره . اميره انا هفضل جنبك حتي لو هموت . يحيي انا ما صدقت الاقيكي يا اميره زي ما بكون كنت بدور عليكي اوعي تجيبي سيرت الموت تاني فاهمه . اميره موافقه بس افضل جنبك .يحيي وانا موافق مع اني هكون قلقان عليكي بس ان شاء الله ربنا هيسترها . معاذ يقرب من يحيي ايه يا صعيدي هتسبنا جعانين .يحيي لا طبعا حمدالله بسلامتك يا رنا . رنا الله يسلمك يا يحيي .اميره مش عارفه اقول ايه يا رنا انا السبب في كل ده بجد اسفه . رنا تقرب منها لا مفيش داعي للاسف معاذ حكالي كل حاجه واحنا كلنا معاكي يا اميره وان شاء الله هيتكشفه كلهم و يدخلو السجن وانتي هترجعي لحياتك الطبيعيه . اميره مش عارفه اشكرك ازاي وحده غيرك كان زمانها بتهجمني عشان انا كنت السبب في كل الي حصلك انتي وجوزك . رنا بالعكس انا بشكرك انك قدرتي توقفي قدامهم وما خوفتيش والبلد دي طول ما فيها ناس زيك هتفضل ام الدنيا . اميره انا باستغراب انتمائكم الكبير لمصر معقول في ناس بتحب مصر للدرجه دي . يحيي عندنا في الصعيد في مشاكل كتير بين العائلات دي سببها بيكون العصبيه القبليه كل واحد يتعصب ويوقف مع الي قريب منه
مصر نفس الكلام انا طول ما المشكله جوه القريه بتعصب لعائلتي لو مع قريه تانيه بتعصب لقريتي و بنسى مشاكلي مع العائلات التانيه وبكون واقف معاهم وظهري في ظهرهم لكن لما الموضوع يتعلق بمصر اروحنا ترخص عشانها ومستحيل نسمح لحد يقرب منها . اميره بس العصبيه دي وحشه انا بسمع ان في عائلات كتير بتقتل في بعضها وكمان حكايه اني مفيش بنات تطلع بره العائله وكده . يحيي الحاجات دي كانت زمان يا اميره دلوقت العائلات كلها متعلمه ولو فيه مشكله بتتحل اه فعلا في اشخاص لسا بتفكرها القديم بس الصعيد من سنين وهو منبع للعلم والاصول وياما طلع علماء ومشايخ قدموا كتير للبشريه واذا كانت في حالات بتبوظ سمعة الصعيد فدي حالات فرديه والمفروض انك تفتخري باهلك . اميره اهلي الي كانوا السبب اني اعيش في القاهره سنين لوحدي من غير اهل كل االي اعرفهم هما ابويا وعمي وبعد ما ماتو اعيش وحيده احساس الوحده وحش اووي يا يحيي انا بكرهم اووي ومستحيل اسامحهم علي اللي عملوه . يحيي كل حاجه وليها وقتها هقوم دلوقت اجهز الاكل عشان انا حاسس ان معاذ ممكن ياكولني . اميره لا انا هجهز الاكل . رنا لا يا حبيبتي سيبي يحيي ده عليه شوية اكل يجننوا وتعالي انا عايزه اتكلم معاكي شويه وفعلا رنا واميره يقعدوا يدردشه سوا ويحيي يجهز الاكل ومعاذ يقرب منه انا مش فاهم حاجه انت ليه دخلت ابن عمك .يحيي عشان المهمه دي لو اتدخل اي حد من الإداره عندنا ممكن نتكشف وما تقلقش انا مظبط كل حاجه معاهم وكمان رامي عنده فكره ان تامر بيعمل حاجه غلط وحكاية هروبنا هو الي رسم خطتها . معاذ امتي و ازاي وهو يعرف احنا مين . يحيي اكيد لا طبعا ميعرفش بس لما سامي كان بيزورني بعد ما مشي دخل عليا رامي وقال انا عارف انكم ما عملتوش اي حاجه من الجرائم دي وان في حاجه وراء اعترفكم وياريت تقولي هي ايه وانا اوعدك اني هكون معاكم لحد ما اثبت برائتكم . ووقتها انا كنت خلاص عرفت مكان رنا و حكيت له كل حاجه ووقتها اتفقنا انه يبعد رجالته عشان نهرب وانا طلبت منه ان ابن عمي يكون معاهم عشان تامر و منتصر يفتكرو اني اهلي هما الي دبروا الحكايه دي ودلوقت بدأ العد التنازلي لتامر و منتصر وهما اللي هيوصلونا لاسماء كل اللي متورط في تجارة الاعضاء ويلا عشان الاكل جاهز معاذ يلا يا بنات وبيقعدو و بياكلو سوا رنا ايه رايك يا اميره كلامى صح ولا لا .اميره ايه ده الاكل يجنن بجد اول مره اكل اكل بالجمال ده تسلم ايدك يا يحيي . يحيي يسلم قلبك يا ميرو اهو مش حرمك من حاجه . اميره ههههه معاك حق انا معاك عشت الاكشن والرعب والمغامره مش فاضل حاجه تاني . معاذ ولسا انتي شوفتي حاجه ده شكله هيعمل لينا سوبر مان ويطير . يحيي لا ده ان شاء الله المره الجايه و اكلو وهما بتتكلموا وبيدردشه.
منتصر ازاي يهربوا ومش بس هما لا وكمان قدروا يوصلوا لرنا وكده احنا اللي بقينا تحت رحمتهم .
تامر انا كنت حاسس ان يحيي ده مش سهل ازي ما فهمتش ده عسكري جيش وكمان كان صاعقه يعني اكيد لما كان بيكلم رنا كان في هدف في دماغه ومسك الكراسه وفتحها ولقي مكتوب عنوان المخزن الي رنا كانت فيه ورمى الكراسه علي الارض بقا كده تضحك علينا كلنا انا الي استهترت بيك بس هتدفع تمن اللي عملتوا غالي يا يحيي
منتصر عندك رجاله في الصعيد . منتصر انا ليا رجاله في كل مكان . تامر يحيي عنده اخت وحيده هنخطفها وهقتلها قدامه عشان يعرف ازي يفكر يلعب معايا . منتصر هات العنوان وانا هبعت الرجاله يجبوها . تامر اتفضل العنوان وكده الحرب بدات و نهايتهم قربت . منتصر بس ازاي خطط لده كله. تامر معاه ابن عمه جالو زياره وانا ما كنتش موجود ورامي سمح له يقعد معاه وشكلهم رتبه كل حاجه والناس دي مش بيهمهم حاجه . منتصر الموضوع ده لازم يخلص انا من وقتها مش عارف اعمل ولا عمليه خايف نتكشف . تامر احسن حاجه عملتها لازم نخلص منهم الاول وما تقلقش بمجرد ما اخت يحيي تبقي في ايدي هعرف اجيبهم ووقتها مش يدخلوا السجن لا هيدخلوا القبر . منتصر انا مش عارف اميره دي طلعت لنا من فين . تامر ما تقلقش انت بس نفذ الي قولتلك عليه و سيب الباقي عليا منتصر مسك التليفون ورن علي واحد من رجالته و داله العنوان و الرجاله اتحركت بالفعل والجو كان برد اووي و مفيش اي حد في الشارع ودخلوا البيت و فتحه باب الاوضه بالراحه و لقيتها نايمه و متغطيه و يقربو منها بالراحه عشان يخدروها
