رواية ولو بعد حين الجزء الثاني الفصل السابع
سمعت توقف محرك سيارة خارج بيتى، كانت الساعه عدت منتصف الليل وانا منسجم من تخيلاتى ،رحل الطيف فجأه
وسمعت طرقات على الباب.
طلعت مسدسى المحشو بالرصاص ،ثم فكرت للحظه لو كان اقتحام ما سمعت طرقات الباب
قربت من الباب ومن غير ما اسأل مين فتحت الباب
وجدت شخصين ببذات رسميه
استاذ ادم ؟
قلت ايوه
ممكن كلمتين على انفراد؟
وقف واحد منهم امام المنزل ودخل الانحف إلى الصاله
كانت لديه نظرات مريبه متفقدة لاغراضى
ممكن تشرفنى بأسمك وسبب الزياره إلى بعد نص الليل؟
على ما يبدو برودى آثار حماسه لدرجه كبيره، كان يتوقع شخص مرتعب
انا مش هسألك انت مختار بيت منزوى لية ومنعزل عن الناس
وليه شخص زيك يدفن نفسه قرب البحر
الماضى ميهمنيش فى حاجه يا سيد ادم
وادركت انه شخص محنك، ربما عميل فى امن الدوله
او عنصر فى المخابرات
الانسه صوفيا الصباغ طلباك تشتغل عندها حارس شخصى
ورغم انى عارف انك من غير مؤهلات ولا تمتلك خبره تؤهلك
لكن رأى غير مهم، إلى يهمنى صوفيا الصباغ مش عايز اى أذى يصيبها من ناحيتك
عارف صوفيا الصباغ تبقى بنت مين ؟
قلتله عارف
ولعت سيجاره ،كلامك بيقول انى معنديش فرصه للرفض ؟
ابتسم الرجل شكلك شخص عاقل يا ادم
نفخت دخان سيجارتى ،طالما كده مفيش مانع، لكن انا مش هكون مخبر سرى
تنهد الراجل انت ليه هتبداء تضايقنى يا ادم، لسه كنت بقول عليك شخص عاقل
اسمع انتو مش محتاجين مخبر سرى ينقلكم تحركات صوفيا هانم،انا عارف حتى النفس إلى بتتنفسه مراقب
انا عايز اكون بره اللعبه ولما صوفيا هانم تخلص نزوتها ارجع بسلام لعزلتى ،تقدر توعدنى بكدة ؟
مش سلطتى اوعدك بأى حاجه يا ادم، لكن طالما هتكون شخص مسالم مش هيكون فيه مشاكل.
وطالما عارف انها نزوة ياريت تدعى انها تعدى على خير
لان الباشا بتاعنا خنقه ضيق وبيحب صوفيا اكتر من نفسه
صوفيا تمثل كل ما يملكه فى الحياه
مفهوم يا باشا مفهوم، وكان يثاورنى قلق ان مزيد من البحث
فى خلفيتى سيكشف ما أحاول الهرب منه
وكنت مقتنع اننى انتهيت من الهرب اخيرا ولا رغبه لدى فى الركض على الإطلاق.
بعد ما مشيو كلمت ماجى، كانت منفعله لانى مردتش على اتصالاتها المتكرره
قلتلها انا فى دوامه بسببك وبحملك المسؤليه كامله عن اى حاجه تحصلى
سالت ماجى بنبره جاده ليه ؟
قلت صوفيا الصباغ بعتت رجال ابوها واجبرونى على الشغل عندها ومش عايز اقلك طبعا صوفيا تعرفت عليه ازاى؟
لانى عمرى ما شفتها وصوفيا صديقتك المقربه
صمتت ماجى دقيقه، صوفيا شافت صورتك عندى، لكن مكنتش اعتقد انها بتتكلم بجد لما قالت انك هتبقى حارسها الشخصى
قلتلها والعمل ؟
ابتسمت ماجى، انا قبلت شغلك فى القضيه بتاعت والدى
لان عونى وبقية المحققين محلك سر
ثم وجودك جنب صوفيا ممكن يسهل أمور كتير عليه
سألت ازاى؟
قالت يعنى المعلومات الى هتطلبها هتكون تحت ايدك فى دقايق ،انت عندك مكتب الماسك الكل بنفسه
انتى مش حاسه بالانزعاج إلى انا فيه يا ماجى هانم
انا هقدملك عرض جديد
خلصينى من ماجى وهسلمك إلى قتل والدك وجدك من قبله
وانت عرفت ازاى انه قتل جدى يا ادم ؟
هو انا مش محقق ولا ايه يا ماجى هانم، الحجات دى شغلتى
وانا بوعدك لما صوفيا تقولى انت مرفوض
اسم إلى قتل والدك هيكون قدامك
ليه بتوعد بحاجه مش فى ايدك يا استاذ ادم ؟
كتير قبلك حاولو وفشلو ،كيف نطلب منى اصدقك
قلت ببساطه لان الطلب إلى طلبته منك مش كبير وفى ايدك وانك مش هتخسرى اى حاجه لما تضغطى على صوفيا
ولو ما وفيتش بوعدى اسمى عندك وشخصيتي وتقدرى تجيبينى فى اى وقت.
بعد صمت قليل همست ماجى ديل سيد ادم
اتفقنا.
الصبح كان لازم اسيب بيتى وانزل على القاهره، الراجل قال ميعاد لازم اكون موجود فيه
لكن انا كان عندى مشوار تانى لازم اروحه قبل الشغل
زيارة عونى
كان لازم اشوف عونى واتكلم معاه، عونى الوحيد إلى هيقدر يساعدنى
ولان عونى شخص فضولى لما عرفته بنفسى وطلبت مقابلته وافق على طول
انتظرنى فى مقهى حقير جنب الدائري، كان قاعد بيدخن سجاير لما وصلت
سلمت عليه وعرفته بنفسى، قعدت وعاينا بعض بنظرات مسروقه
قلتله انت اكيد عارف انا مين
قال تقريبا اعرفك
ابتسمت، عونى انت عارف كل حاجه عنى تقريبا من اول يوم شفتنى فيه فى زيارة دكتور فوزى
لازم نختصر التفاصيل عشان نوصل للاهم
منحنى عونى ابتسامه هو الاخر، قلتله انا بتمنى انا وانت نتعاون فى حل قضية هادى ،عارف انك بتحب تشتغل لوحدك لكن انا ممكن اكون مفيد بالنسبه ليك
وقبل ما عونى يرفض او يفكر فى الاحتمالات قلت ،ولما نعرف اسم القاتل الشرف هيكون ليك وحدك انا مش هظهر فى القضيه خالص.
صمت عونى وبص فيا بتركيز، وهمس وايه فايدة إلى انت بتعمله طالما أنك مش هتظهر فى الصوره ؟
اصلك لا يمكن تكون قديس او راهب ،كل شخص ليه غايه
مهما كانت حالته العقليه.
ثم انت ابعد ما يكون عن شخص يمثل الفضيله
ممكن اعرف السبب؟
انحنى عونى على الطاوله وقرب منى قول يا ادم
قلت وانا ببتسم بسخريه لانك هتخلصنى من شخص نظير خدماتى
اها ،همس عونى ونفخ دخان سيجارته ،انت بتطلب منى اخلصك من شخص ؟
غريبه دى، انا متأكد انك شخص ممكن تفجر العالم كله لو كنت عايز
همست وانت الشخص الوحيد إلى ممكن يخلصني من شخص ذى الشعره من العجين من غير شوائب
سأل مين ؟
قتله صوفيا الصباغ
صمت عونى لكن لم تتغير ملامحه، عايزه منك ايه؟
قلت شغل، حارس شخصى
قال اها وطبعا الصباغ مش هيسيب فى حالك حتى لو كنت ملاك ؟
قلتله كويس انك عارف
انا بقا عايزك تخلصنى من صوفيا قبل ما اتورط ويكون قتلى أفضل حل ليهم.
كان الصباغ عمد منذ سنوات على قتل كل من يقترب من ابنته صوفيا، ليس لأنهم اناس سيئون او أشرار
بل فقط لأن كانو يعرفون أكثر من الازم عن صوفيا ونزواتها المتكرره.
