رواية ورطة الفصل الثامن 8 بقلم سما

مروان وشمس كانوا قدام البيت بيتكلموا..

مروان: وهنعمل ايه بقي؟

شمس: فيه إيه؟

مروان: في حوار كتب الكتاب ده..

شمس: متقلقش يومين وهينسوا..

مروان وهو بيغمز: طب ما ايه رايك؟

شمس: رأيي في إيه..

مروان: ما نكتب الكتاب..

شمس: بس ده مفهوش هزار..

مروان: ومين قال احنا هنهزر..

شمس: يعني إيه؟

مروان: يعني انا شايف الدنيا بينا زي الفل..

شمس: وبعدين؟

مروان: واحنا بقينا قربين من بعض..

شمس: ايوا..بس خطوه كتب الكتاب كبيره واحنا لسه منعرفش بعض كفايه..

مروان: طب ما أيه رأيك نقلب الخطوبه جد..واهو نعرف بعض اكتر..

شمس قلبها دق جامد وقالت بتوتر: انا وانت..

مروان: ايوا دحنا حتي حلوين اوي مع بعض..

شمس: انا مش عارفه..

مروان: مش عارفه ايه بقي..يعني موافقه ولا لأ..

شمس: انت فجأتني الصراحه ايه اللي خلاك تقول كده فجأه؟

مروان: اكيد لاني عايز ده فعلا..وحاسس بحاجه  من ناحيتك..

شمس حست انها فرحت من جواها لما قال كده وسكتت مش عارفه ترد تقول ايه..

مروان: هتفضلي ساكته قولي اي حاجه..

شمس: يعني انت معتش واخد الموضوع لعبه..

مروان: لا دنا شايفه جد الجد كمان..

شمس: طيب..

مروان: طيب إيه؟

شمس: يعني ماشي..

مروان: لو محتاجه وقت براحتك..انا معنديش مشكله..

شمس: مروان احنا مخطوبين اصلا..هفكر في إيه؟

مروان: بس اللي جاي مختلف..

شمس بابتسامة: ازاي يعني؟

مروان: يعني هتشوفي مروان تاني خالص..

شمس: اوكيه مع اني شايفه مروان ده حلو..

مروان بابتسامة: لا ده لسه فيه احلي..

شمس: اذا كان كده ماشي..

مروان: يعني موافقه..

شمس بابتسامة: نجرب هنخسر ايه..

مروان بابتسامة: لا دحنا هنكسب كتير اوي..

شمس ضحكت وقالت: حلو ده..

هنا جيت من بعيد وشافتهم واقفين راحت ناحيتهم..

هنا: ازيكوا..

شمس وهي بتسلم عليها: اهلا هنون عامله ايه..

هنا: بخير يا شموسه..

مروان: اهلا يا هنا..

هنا: اهلا يا مروان..

شمس: طيب يا مروان هدخل انا وهنا بقي مع السلامه..

مروان بابتسامة: سلام..هبقي اكلمك..

شمس بابتسامة: تمام..

ودخلت هي وهنا...

هنا: ايوا بقي ده الحب ولع في الدره..

شمس بابتسامة: بس با بت..

هنا: الله يسهله يا عم..

شمس: عقبالك ياعم..

هنا : يارب..

شمس: ما احنا عندنا العريس بس انتي اللي مش راضيه..

هنا: بجد مين؟

شمس: آسر..

هنا ضحكت وقالت: اسكتي مش هتصدقي..

شمس: إيه؟

هنا : طلع شغال في نفس الشركه اللي اتعينت فيها..

شمس: بتهزري..لا ده قدر بقي..

هنا: انتي كمان..وضحكت وقالت: طول النهار يقولي انتي جاتي هنا بدعوات امي..

شمس وهي بتضحك: والله دمه خفيف..متديله فرصه..

هنا بابتسامة: يا بنتي اصلا هو عسل اوي وبيضحكني بس لازم اعمل تقيله..

شمس: بس متفضليش كده كتير عشان ميزهقش..

هنا : بجد؟

شمس: ايوا كل واحد وليه طاقه..

هنا: طيب هبقي اظبط الدنيا..

شمس: ايوا بلي ريقه..

هنا: بقولك يا شمس وانتي عرفتي امتي انك حبيتي مروان فعلا..

شمس ابتسمت وفضلت ساكته ثواني وقالت: لما لقيت نفسي ببقي فرحانه لما اشوفه او اتكلم معاها و اي حاجه معاه تبقي مختلفه اوي وليها طعم..

هنا: الله يا شمس عينك بتطلع قلوب..

شمس: تصدقي انا غلطانه..

هنا: طب خلاص كملي بالله عليكي..

شمس كملت: يعني لما تلاقيه مثلا مش عايز يزعلك ومهتم انه يعرفك اكتر ويشاركك اهتماماتك حتي لو عكس طبيعته..واحساس الحب ده هتلاقيكي حسيتي بيه فجأه وتقولي ايه ده دنا حبيته..

هنا بابتسامة: بجد ربنا يفرحك دايما يشموسه..

شمس: يارب انا وانتي..بقولك ايه حافظي علي الواد إياك تضيعيه من ايدك..

" ولاول مره شمس اعترفت لنفسها فعلا انها بتحب مروان..والكلام اللي قالته كان من قلبها بجد"

>>>>>>>>>>>>>>>>>>

تاني يوم شمس كانت جايه من الشغل ونزلت من عربيتها وخبطت الباب جامد..

شمس بضيق: كانت نقصاك انت كمان!

مروان جه من وراها فجأه وقال: مالك؟

شمس بخضه: بسم الله انت طلعت منين..

مروان وهو بيضحك: اتخضيتي..معلش.

شمس: عادي انا لو حد كح جنبي بتخض.

مروان: فيه ايه شكلك زهقانه..

شمس: شويه مشاكل في الشغل..

مروان: حاجه كبيره يعني..

شمس: اللاب توب بتاعي باظ وعليه شغل مهم اوي هسلمه الاسبوع الجاي..

مروان: طب خلاص متزهقيش هنحلها..

شمس: روحت عشان اصلحه المحل بس قافل..

مروان: هو معاكي؟

شمس: اه..

مروان: طب تعالي معايا..

شمس: هنروح فين؟

مروان: انا عارف حد كويس وهيصلحهولك بسرعه..

شمس: لا متتعبش نفسك..

مروان: عادي يا شمس..انا فاضي اصلا..

شمس: طب قولي علي المكان وانا هروح..

مروان: اركبي يا شمس..انا عايز اجي معاكي يستي..

شمس ابتسمت وقالت: تمام..

" وصلوا المكان وودوا اللاب يتصلح..وخرج هو وشمس من المحل"

شمس براحه: اخيرا كنت شايله هم اوي بجد..

مروان: ابقي كلميني يا شمس لو احتاجتي اي حاجه وانا هساعدك..

شمس بابتسامة: حاضر..

مروان: بقولك ايه تعالي..

شمس: فين؟

مروان: هندخل نشرب حاجه في الكافيه ده..

شمس: ماشي يلا..

ودخلوا الكافيه وقعدوا..

مروان بابتسامة: تشربي إيه؟

شمس: قهوه..

مروان: تمام وانا كمان..لو سمحت اتنين قهوه مظبوطه..

شمس: عرفت ازاي اني بشربها مظبوطه..

مروان: حسيت.

شمس: بجد بقي..

مروان: شفتك قبل كده..

شمس: دانت مركز بقي..

مروان بابتسامة: الصراحه مركز اوي..

شمس ابتسمت وقالت: ماشي..

مروان: ماشي حاف كده..

شمس بضحك: امال اقولك ايه؟

مروان: مثلا ماشي يا حبيبي..ماشي يا قلبي..

شمس بخجل: لا لا اسكت..

مروان: اسكت ايه..قوليلي اي حاجه طيب؟

شمس: خلاص بقي يا مروان..

مروان: طب انتي بتحبني ولا بتكرهيني ولا ايه؟

شمس: اكيد مش بكرهك يعني!!

مروان بابتسامة: يعني بتحبني..؟!

شمس: انت شايف ايه..

مروان: انا  مبشوفش عايز اسمع..

شمس: ايوا يا مروان اسكت بقي..

مروان: وانا كمان بحبك علفكره..

شمس خدودها احمرت جامد و بصت الناحيه التانيه...

مروان: ياختااي انتي احمريتي كده ليه..

شمس ضحكت وقالت: حد يفاجئ حد كده..

مروان: خدي الكبيره بقي..عارفه انا بحبك من امتي؟

شمس: من امتي؟

مروان: من أول ما اتقابلنا تاني مره في الكافيه..

شمس: بتهزر..

مروان: لا بتكلم جد والله..

شمس: ازاي؟

مروان: يعني حسيتك مميزه كده في كلامك وصراحتك وبتبقي علي طبيعتك كده مش مطصنعه..وانا علفكره عمري ما كنت هاخد خطوه الخطوبه دي الا وانا كنت فعلا عايز ده..انا شخص بحسبها اوي..

شمس سكتت ثواني وقالت: تصدق صح..يعني كنت مهما تضايقني كنت بتحاول تراضيني..

مروان: كنت بقعد المح بس اقول ايه البعيده..

شمس قاطعته وقالت: اه كمل قول كلمه بقي واقفلني لحد اخر القاعده..

مروان ضحك وقال: خلاص انا شجره مش هتكلم...

شمس ابتسمت وقالت: بس علفكره انا كمان كنت حساك لذيذ كده ونفس جوي..

مروان: تعرفي انا مكنتش كده خالص انا كنت قفل بس لما شفتك كل حاجه اتغيرت..

شمس بابتسامة: وانا كمان انا كنت يعني زي ما بيقولوا كده بارده مش بعبر عن مشاعري مش بدي لحد فرصه كنت شايفه ان الحب ده حاجه مؤذيه وانا بخاف اتأذي اوي..

مروان بابتسامة: هو احلي من ان الواحد يحب ويتحب..

شمس بابتسامة: الاحلي بجد انه يلاقي حد شبهه حد يستحق الحب ده..

مروان فضل باصصلها بحب كأنه لاول مره هيقدر يطلع مشاعره براحته من غير ما يحاول يداريها..

>>>>>>>>>>>>>>>>>>>>>>>

هنا كانت في الشركه عماله ترتب الملفات بتبص لقت آسر معدي ومكلمهاش..

هنا باستغراب: ماله ده؟ يمكن مشافنيش..

هنا: بقولك يا ساره الملف بتاع المشروع الجديد فين؟

ساره:هتلاقيه مع آسر..

هنا: تمام وراحت عنده..آسر عايزه الملف..

آسر: انهو مشروع..

هنا:الجديد..

آسر جاب الملف وقال: اتفضلي..

هنا خدته منه وبصتله باستغراب وقالت: مالك؟

آسر: مفيش..

هنا: اصلك مش علي طبيعتك..

آسر: لا هي دي طبيعتي..

هنا هز كتفها وقالت: تمام ولفت عشان تمشي..

آسر: هنا!

هنا: نعم..

آسر: انا اسف لو كنت بزعجك..واتعديت حدودي ياريت تنسي اللي حصل ده وانا هتقبل الموضوع وخلاص..

هنا: علفكره انت متعدتش حدودك ولا حاجه ولا انت كنت كده فعلا انا كنت هعرف اخد موقف..

آسر: خلاص معلش كنت بضغط عليكي..

هنا: مالك يا آسر فيه إيه مانت كنت كويس امبارح..

آسر: أصل يا هنا انتي بتحسسني انك مش طايقاني بتتعملي مع كله حلو وتضحكي في وش كل واحد وتيجي عنده ومعرفرش ايه اللي بيحصل..

هنا: علفكره انا مش ببقي قاصده والله..وانا اسفه اني وصلتلك فكره زي دي..

آسر: خلاص يا هنا حصل خير..

هنا: وعلفكره بقي انت لو فكرت فيها كنت هتعرف اني بعملك مختلف عن الكل عشان انت عندي غيرهم وكنت بتعامل معاك علي طبيعتي بس انت اللي مفهمتش ده..

آسر : انا غبي اقسم بالله..

هنا: اسكت حرقت دمي.

آسر: طب خلاص حقك عليا..

هنا: لا وعامل فيها مقموص..

آسر: ايوا الا كرامتي..

هنا: برضو!!

آسر بضحك: خلاص خلاص بهزر والله..

هنا: طيب انا هروح اكمل شغلي..

آسر: تشربي قهوه..

هنا بابتسامة: وماله..

آسر: احلي كوبايه قهوه..لاحلي هنون..

هنا: بس دي ليك..

آسر: اجيب غيرها عادي..

هنا بابتسامة: شكرا..

>>>>>>>>>>>>>>>>>

مروان: بقولك ايه ما تطلعلي بره دقيقه

شمس: ايه ده انت بره وطلعت البلكونه وشافته..

مروان: تعالي..

شمس بابتسامة: حاضر..وطلعته..

مروان اول ما شافها ابتسم وقال: يا مساء الفل..

شمس: انت ده كله كنت مع صحابك يا باشا..

مروان: محصلش..

شمس: والله!!

مروان: ده هما ساعتين يعني يا شمس..

شمس: امم طيب اخر مره..

مروان: حاضر..كنتي بتعملي ايه؟

شمس: كنت قاعده بخلص شويه شغل.

مروان: زمانك تعبتي..

شمس: اه اوي..بس قربت اخلص..

مروان: امم خدي..

شمس: ايه ده؟

مروان: شويه حاجات كده انتي بتحبيهم..

شمس بابتسامة: الله ده كله..جم في وقتهم والله..

مروان: بحس بيكي بقي..

شمس ابتسمت وقالت: انا مش عارفه اقولك ايه بجد..انتي علطول بتفرحني كده..

مروان: قوليل بحبك..

شمس: عيب بقي..

مروان: اقسم بالله ما عيب..طب اي حاجه طيب..

شمس ابتسمت وقالت: شكرا يا حبيبي..

مروان بابتسامة: يخرابي انا بحلم ولا ايه يا جدعان..قوليها كمان مره..

شمس: شكرا..

مروان: لا مش دي..

شمس: خلاص حلو كده..

مروان: يلا متعوضه..بقولك إيه..

شمس: قول..

مروان: إيه رايك نطلع نتغدي بكره بره..وبعدين..

شمس: إيه؟

مروان: نروح الملاهي.

شمس بابتسامة : احلف..

مروان: وحياتك..

شمس: ايوا بقي .

مروان: موافقه؟

شمس: اكيد يعني..

مروان: خلاص اتفقنا..

شمس: اشطا..

مروان: يلا انا همشي انا..

شمس: سلام..

مروان: إلي اللقاء..

شمس: كلمتيي!

مروان ضحك عليها وبعدين كل واحد دخل بيته..

>>>>>>>>>>>>>>>

تاني يوم مروان كان واقف مع آسر..

مروان: يا بني امشي بقي بقولك مش فاضي..

آسر:لابس و متشيك ورايح فين كده من غيري..

مروان: ملكش دعوه..

آسر: طب مش هتحرك من هنا غير لما تقول..

مروان: خارج انا وشمس..

شمس كانت جايه وشايفاهم بس هما كانوا ساندين علي العربيه ومش شايفينها..

آسر: لا والله..هتعمل فيها خاطب بقي وكده

مروان: منا خاطب يابني..

آسر: يا بنتي انت مش قلت دي لعبه وكل واحد هيروح لحاله..

مروان: اه لعبه يا بني..وشويه كده و قلنا شويه  هنسيب بعض..

شمس كانت قربت منهم وسمعتهم ووقفت مكانها..

شمس: والله؟

مروان لف وقال: شمس انتي جيتي؟

شمس: اه هي لعبه فعلا وهتخلص خلاص..ومشيت.

مروان: شمس استني..وراح وراها..

آسر: انا مش فاهم حاجه..