رواية حين تتغير الاقدار الفصل التاسع بقلم سناء الهموندي
هبني من الحب القليل القليلا...
واستبق ااشواقا له وسبيلا...
قد كان حبا لو ظفرت بنصفه...
لبقيت معلول الهوى مقتولا ....
في الحب اعرف انني لك شاعر ..
رسم المحبة ساحلا ونخيلا ...
رسم الشواطىء كي تكون مرافئا ..
لتظم كل العاشقين شمولا ...
كتب المحبة اية في فضة ..
ظلت ترتل في الهوى ترتيلا .//
ضويه : فتحت الباب وأشوفن عمتي ام صادق واكفه ودموعهه على خدهه أنا خفت شصاير يربي فوتي فرتي عمه شصاير بيج كليلي عمي بي شي .
ام صادق: بجي ونحيب خايبه لحكيننني يضاويييه خايبببه عمج كسر ضهري يضاويههه .
ضويه : بخوف فدوه عمه احجي شصاير لا تخوفيني.
ام صادق :ولج يمه عمج تزوج عليه البارحه جابهه بليل واجه .
ضويه : شنهي ععع ع عمي ابو صادق يتزوج خافنج مفتهمه السالفه غلط يعمه عبن عمي مايبدلج بميه مره.
ام صادق : بصوت مخنوك وبجي لا يضويه سواهه والبارحه جابهه للبيت وانا يامن يطلع الفجر واجي .
ضويه : شكلج يعمه الله يساعد كلبج خلني اكومن اسويلج غده .
ام صادق : كعدي بنتي ماريدن شي خليني انامن شويه عبن من البارحه ما نايمه وراسي راح يطك .
ضويه : أخذي راحتج تعال ولك نويري عوف جده تنام تعبانه.
ام صادق : خلي يمي يمه لا تحاجينه شوفي شحلاته كاعد فقير عبن يعرف بيبيته كلبهه موجر.
ضويه : رحت كملت الغده و كلساع اجي اشوفن عمتي خافن تحتاج شي والكيهه دايره وجهه ونايمه وأنور نام على واهسهه للعصر واجه صادق الله يساعدك ابو انور.
صادق : يساعد كلبج حبيبت كلبي شنهي وين الجهال شو مالهم حس .
ضويه : كعدتهم بلحجره الثانيه عبن امك عدنه نايمه وماريدنهم يكعدونهه.
صادق : بتفاجاء امي عدنه شعجب وشوكت جتي.
ضويه : اجت قبل الضهر .
صادق : جا ابوي وين .
ضويه : بتلعثم ااا ما ماجاي وياهه.
صادق : شنهي جا جايه بحيدهه ولج ضويه شصاير احجي .
ضويه : ماصاير شي بس هيه شوي تعبانه فوت انت ارتاح هساع تكعد هيه وتفهمك.
صادق : والله انا مامرتاح لازم اكو شي امي ماتجي وحيدهه صار سنين وهيه وأبوي يرحون ويجون سوه المهم صبيلي غده اتغده ونشوف شنو السالفه ياخبر بفلوس باجر بلاش.
ضويه : تغده صادق وجهال يلعبون على راسه كعدت كباله كلساع يرفع رأسه ويكلي .
صادق: يعني متحجيلي هسه .
ضويه : اكومن اصبلك جاي .
صادق : اي شردي شردي الحمدلله خلصت شيلي الاكل.
ضويه : جيت مديت ايدي اشيل الاكل لزم ايدي قوي وباوعلي بابتسامه .
صادق : ما فدوه اروح لمرتي المتعرف اضم عليه لج عيونج فاضحاتج هههه .
ضويه : مو مو أنا والله .
صادق : هههه روحي يكلبي لا تبررين أنا اعرفنج ماتحبين دخلين بشي .
ضويه : شلت الاكل وغسلت الماعين الجهال يلعبون بلحوش جيت طبيت اشوفن عمتي لكيت صادق كاعد يمهه ومدنج وهيه تسولف وتبجي شافتني طبيت وكفت درت وجهي جاي اطلع.
ام صادق : تعاي يمه قابل انتي غريبه انتي بنيتي.
صادق : تعاي يلضامه راسج .
ضويه : جبت الجهال كبالي وكعدت يمهم.
ام صادق : وهاي سالفه ابوك يصادق .
صادق : يمه بس انتي هم غلطانه يعني ابوي مو بيده انتي تعرفين كلش زين عيبه بحكه يرد الهديه .
ام صادق: جا موعيبه يتزوج بهل عمر عليه ويضحك نسوان عمك عليه
صادق : يمه أنا بس اريدن افهم انتي الحارك كلبج منهو ابوي لو نسوان عمي.
ام صادق : كلهم يمه ابوك كسرني كتله اذا جتي للبيت أنا ماضلن .
صادق : يمه كتلج أنا مادافع لابوي بس هوه هم مابيده شي وانا من عين باجر اخذ فرقد واروحن اشوفن شنهي سالفه .
ام صادق : بس خل بالك أنا ما اجي وياكم .
صادق : يمه فدوه اغديلج لا تصعبين الأمور علينه شنهيي تالي عمرج تردين تطلكين .
ام صادق : بجي لا تجبرني يمه اذا شوفني ثكيله عليك اروحن عد اخوي .
صادق : يمه الكاعد الماتشيلج احطنج على راسي بس انا ماريدن صيرون احجايه بحلك المايسوه عبن ابوي مو اول واحد يتزوج .
ضويه : صادق خلي عمتي ترتاح لا تضغط عليه .
صادق : اوف اوففف ييمه مادري منين جتنه هلطراكيع أنا راد للمحل أوصي عليه وامرن لفرقد أحاجي حتى نروح لللسلف نفتهم السالفه .
ضويه : الله وياك ..
صادق : رحت للسوك وصيت جماعتي على المحل وراهه تمشيت لبيت فرقد وافكر بسالفه زواج ابوي هوه بعز شبابه من خيروا بعمتي جميل واختهه من جني فصليات وهوه عارض و ماقبل يأخذ وحده منهن عبن يكول ماريدن اضلم أحد جا شنهي التغير هسه وصلت بيت فرقد دكيت الباب طلع فرقد ٠
فرقد : العفو خويه مشتبهه بلعنوان حضرتك .
صادق : سويلي طريق افوت مو وكت حجيك .
فرقد: اخخ مبين السالفه مليوصه .
صادق : هيه مال مليوصه اي بس خلينه نفوت شنهي نضل واكفين .
فرقد : حبيبتي اجه صادق .
انتضار : يا هلا بأبو انور تفضل خويه .
صادق : زاد فضلج خويه كعدت وجريت نفس قوي.
فرقد : سلامتك يخوي اجيبلك كلاص ماي
صادق : تعال كلشي ماريدن بس اكعد احاجيك .
فرقد : اي خويه كعدت احجي تراك خوفتني .
صادق : حجيت الفرقد كلشي وكتله لازم باجر احنه هناك حتى نروح نفتهم السالفه .
فرقد : يعني هسه امي عدك .
صادق : اي عدي وبس تبجي وانا خايف عليهه .
فرقد : تكدر تنتضرني أخذ انتضار لبيت خالي واجي اشوف امي واباتن عدكم حتى نطلع سوه الفجريه .
صادق : ياله انتضرك بس شويه تستعجلوا .
فرقد : ماعدنه شي ثواني .
صادق: راح فرقد حاجه انتضار اخذناهه بيت خالي ورجعنه لبيتنه .
صادق: جان جبتهه يم ضويه تبقه على واهسهه.
فرقد : مو مكتلهه على امي هاي اذا احجيلهه يراد يوم كامل نضل نتناقش.
صادق : هههههه الله يعينك رجعنه للبيت فرقد كلشي محجه ويه امي كال لتفتح موضوع وتغثهه نروح ونيتفسر من ابوي كعدنه شويه يم امي فرقد داهرهه وراهه فرشت ضويه ونمنه وره صلاة الصبح طلعنه للسلف وبعد طريق بعيد وممل وصلنه الغروب للسلف.
جوريه : مر جم يوم على جيتنه لبيتنه وانا الحمدلله مرتاحه بي عبن ماكو حجي ومغثه بنيت التنور طين عبن لكيته متفلش من المطر ورتبت البيت الحديقه خليت محمد يكلب طينهه وذبيتلهه بذر خضره أشكال بس بعدهه مطالعه بيوم كاعدين ضهريه محمد صفه بلايه كلشي لا شغل لا كاع كلشي ماكو اندك الباب طلع يشوف منو صاح.
محمد : تفضل تفضل خويه محمود زارتنه البركه جوري جيبي طاسه مي اجانه محمود .
جوريه : طلعت خذت ماي وسويت جاي اخذتلهم فتت سلمت شونك خويه ابو حمزه .
محمود : الحمدلله انتي شونج يبعد اخوج انشالله مرتاحه .
جوريه : الحمدلله بخير قدمت لهم الجاي ورحت ستحيت اكعد خافن عدهم شي بينهم.
محمود : ادري يخوي انت تزعل من امي انت تعرفهه مره جبيره .
محمد : لا يبعد اخوك أنا ما زعلان من امي بس خلني مرتاح وخلي اسوي درس لصفيه عبنهه طغت من شافتني ساكت وما احجي عبن ماريدن اكدر خاطرهه بس هيه ماتقدر هلشي وماتحترم تعلي حسهه وتهدد كدام اهلي وأمي مايدتهه على الغلط
محمود : حكك والله حكك انشالله أحاجي امي وانت هم تعال حب على راسهه ورضيهه .
محمد : لا يخوي لا تحاجيهه ولا شي أنا فد يوم اجي اراضيهه بس مارجع هناك .
محمود : براحتك انت أنا رايح وإذا حتاجيت شي كلي بروح ابوي.
محمد : ماتقصر ابو حمزه .
جوريه : راح محمود ومحمد هم طلع كال اشوفلي شغله .
صادق : وصلنه لبيتنه الغروب دكينه الباب طلع ابوي شافنه دنج وكال .
ابو صادق : هلا بيكم بويه .
فرقد : بابتسامه حضنته وكتله مبروك عريس جا غير تعزمنه .
صادق : شونك بويه شون احوالك .
ابو صادق: فوتوا بويه فضضه وينج بويه هيري العشه لخوتج .
فضه : يااا هاي منو عدنه هلا بلسباع هلا بخوتي تقربت سلمت عليهم وتقربت الصادق همست امي شونهه.
صادق: بابتسامه زينه لا تشيلين همهه فتنه للهول وتلكتنه مره تطلع بلثلاثين او اكثر سلمت علينه .
ابو صادق : صادق فرقد بويه هاي ملكه زوجتي بت شيخ كاطع.
صادق : يا اهلا وسهلا بت حجي كاطع تشرفنه بيج كعدنه بلهول راحت فضه تسوي عشه ولحكتهه مرت ابوي بده أبويه يحجي.
ابو صادق : بويه انتم تعرفون شكد اعز امكم واحترمهه بس هيه ماخلتلي كل احترام.
صادق وفرقد : محشوم بويه .
صادق : بويه هيه محروك كلبهه عبن تزوجت.
ابو صادق : بويه أولا أنا تزوجت مو برضاي وانا فهمتهه السالفه أنا بيوم وكفت لحجي كاطع بسالفه ابنه هداني رضيعته الي هيه ملكه وانت تعرف اذا رديت الهديه معناهه أنا مو رجال وراح اصيرن سالفه بحلك اليسوه والميسوه وحتى البت راح تنعاب .
فرقد : حجيك عين العكل يبوي بس لو مفهمهه لامي وبعدين على كيفك جايب المره.
صادق : ما صار شي هذا حكك بويه بس امي شون بيهه كلش مقهوره.
ابو صادق : أنا حلفت أن طلعت ماردنهه بس تعرف هيه شكد عزيزه عليه انشالله يومين واجي وياكم .
صادق : انشالله صبت فضه العشه تعشينه ورحنه بيت جدي لكينه جده حالتهه كلش تعبانه وصدفه شفت مهدي صار بلسنتين ماشايفه ياهلا بأبو نوح شعجب شمجب.
مهدي : شونك خويه صادق شون كيفك ضويه شخبارهه .
صادق : الحمدلله بخير تسأل عليك .
مهدي : صار اسبوع جيت لبيت جدي عبن صارت مشاكل بيني وبين عمي ابو زوجتي علمود الكاع وحتى رابعه زوجتي طبكت ويه ابوهه عفت الديره واجيت بدون ما اكللهه كاعد يم جده واجو بيت عمي صادق وأشوفن فضه بت عمي ماشاء الله صايره مره وحليانه .
فرقد : شنهي يجده شمالج ترديلج رجل وهيج كضيانه عليه .
ام صالح : يا من كون امداك انت والرجل ولك أنا حتى النفس اجدي جداوه .
ابو صادق : ههههه عوف جديتك لا تعبهه .
فضه : طول ما احنه كاعدين اشوفن مهدي يباوعلي وانا اغلس شماله هذا مايستحي جا مو اخوتي كاعدين وهوه مو متزوج كمت رحت يم نسوان عمامي رغم أنا ماحبنهم عبن غثيثات كعدت شويه وصاحني فرقد ردينه للبيت فرشتلهم بلهول ابوي نام بحجرته وزوجه ابوي تنام يمي عبن تستحي صار جم يوم من جت ويه ابوي وهيه تنام بحجرتي مبين عليهه بت اوادم عبن لا حجت ولا دخلت فرشت بصف فراشي جتي وكفت صلت خلصت صلاة نجطلت بفراشهه سالتني .
ملكه : اكلج فضه انتي شكد عمرج .
فضه : أراح اطبن بلتسع طعش جنت ادرس بس ابوي كعدني عبن ماكو بلقريه مدارس قريبه .
ملكه : حرامات أنا كلش احبن الإعلام وجنت احلم اروحن مدرسه بس ابوي واخوتي ماخلوني اداوم عبن يكولون اولج وتاليج للرجال وبيت وجهال .
فضه : بعد كلمن وتفكيره وانتي شكد عمرج .
ملكه: ثنين وتلاثين ادري هسه تكولين شعجب ماتزوجتي .
فضه : بخجل لا براحتج لا تحجين .
ملكه : لاله أنا حابه احجيلج عبن رتاحيتلج أنا من عمري ١٥سنه اجاني خطابه ابن خالتي من بغداد بكتهه كيفت عبن يكولون بغداد حلوه وكلشي بيهه .
فضه : اي حبيبه كملي .
ملكه : اي امي كيفت وحاجت ابوي هم ماعارض كال اكل لعمامهه وارد خبر وصدك دز خبر ابوي لعمامي وانا مكيفه وافكر راح اعيشن بغداد وصدك يجيج ابن عمي ويهوس ابنص البيت يهوس صياحه وعياطه طلعوا ابوي واخواني يشوفون شكو واسمع ناضم ابن عمي يكول ملكه الي وماتصير لغيري وانا ناهي عليهه أنا تسودنت شنهي ناهي عليهه مو طلبني قبل فتره وماقبلت بيه.
فضه : وليش ما قبلتي بي جا هوه مو ابن عمج .
ملكه : اي صحيح بس هوه متزوج ثلاثه وحده ميته وضالات ثنين وعنده بل١٣جاهل شنهي متوازيه اقبل كتلهم ماريدنه ومن صارت سالفه ابن خالتي اجه يهوس أنا من سمعت بلنهوه كتله لابوي خليني طول عمري بليه زواج ولا أخذ ناضم .
فضه : حكج شنهي قابل الدنيه توكف عليه بس ماكلتيلي شون فك النهوه وشون اخوج هداج لابوي.
ملكه : ضليت اسنين معانده وهوه معاند كلما تجيني قسمه يخربهه لحد ما العالم ملت وبطلت تجيني لحد ما صار عمري ٢٨ ناضم مات مغدور مانعرف منو جتاله وانا ضليت لحد ما صارت سالفه اخوي الصغير وابوج ساعدنه عادين اخوي كله لابوي لازم نرد معروف ابو صادق ابوي كله سهله اخوي باوعلي وكال لابوي انا اكولن لو نهدي ملكه بساعتهه بجيت ومارضيت بس بيوم الكعده متفقين ابوي وأخوي وهاديني وانا مادري .
فضه : والله شكلج كلمن ضيمه شكل الله يساعدج .
ملكه : وساعد كلبج فضه فدوه لا تشيلين بكلبج عليه عبن أنا أعتبر خراب بيت امج وابوج بس أنا حالي حال امج مابيدي شي .
فضه : لا حبيبه انتي هم مابيدج شي سوينه عبن الحجايه صارت بنص ديوان ...نمنه أنا وملكه ثاني يوم طلع ابوي والولد ولليل ردو تعشوا ونامو بتلاثه بليل طلعوا لبغداد علمود امي
جوريه : اجه محمد مبتسم وكال.
محمد : ربج مايكطع دبرتلي شغله انعيش منهه .
جوريه : خير انشالله وين هلشغله ويه منو.
محمد : ويه ابو علي ابن حجي مطر .
جوريه : ها خوش بيت ابو علي خوش ناس .
محمد : اي ونعم منهم راح اشتغل بكاعه ونشالله خير .
جوريه : انشالله مرت الايام ومحمد مرتاح بشغله وام علي يوميه الصبح تجي يمي ونوبات اطلع وياهه للكاع مالتهم
ام علي ونعم المره معدله وكلش خوش مره وكفتلي وكفت اخت وعلى طول تريد تساعدني بلبيت وانا ماقبل مره جتي وجايبه وياهه مخضر من كاعدهم زعلت وكتلهه هالمره ماردنج عبن تعنيتي بيهن بس مره ثانيه عذريني ام علي ماقبل هيه اخذت السالفه بشقا وكالت هاي هيه تامرين أمر . مرت سبوعين على رجعتي لبيتنه والحديقه طلعت خضره بس بعده صغار وحياتي ماشيه ويه محمد الصار يطلع ويه صلاة الصبح يرجع المغرب مرات وره الغروب يتعشه ويصلي وينام احسن بي يشرد من تفكيره بامه عبن مايكدر يزعلهه اليوم اجه قبل الصلاة المغرب سبح ورتاح كعدت يمه كتله شبيك يبو بيتي.
محمد : مابيه أبويه انتي .
جوريه : احسن بيك مضايج وانا ادري شنهي المضايجك .
محمد : بابتسامه وانا اكدر اضمن عليج .
جوريه : جا احجيلي .
محمد : امي جوري ماكدر اعوفنهه زعلانه عبن احسن حتى الله سبحانه مراضي عليه .
جوريه : ما صار شي روح وطيب خاطرهه هاي امك والام الله سبحانه موصي بيهه مو هيج انت كتلي بلقران .
محمد : هههه اي صح أنا كتلج شرايج اعلمج على قراء القران .
جوريه : ياريت بس اول انت ارتاح عبن ماحبن اشوفنك مضايج .
محمد : تقربت عليهه بست راسهه وكتلهه يارت يشوفون طيبت كلبج يجوريه .
جوريه : الله كريم.
صادق : ولصنه للبغداد واجه ابوي يحاجي امي عفناهم وحيدهم وطلعنه .
ابو صادق : شونج ام صادق .
ام صادق : الحمدلله من الله بخير باوعت عليه وكلت بس من عبده ماكو كل خير
ابو صادق : خلف الله عليج المهم أنا جيت احبن على راسج واردج وياي بيتج موحش بدونج.
ام صادق : ماعاد بيتي وانا حلفت .
ابو صادق : وانا بعد حلفت اذا طلعتي من عتبت الباب ماجيج وهاي كسرت حلفاني .
ام صادق : جا شجابك اذا حالف .
ابو صادق عبن احبنج واريدن خاطرج .
ام صادق : شوف حازم أنا انطيك من الاخير رجعه مارجع لو مدري شيصير عبنك كسرتني وماخليتلي قيمه.
ابو صادق : اخر كلام عدج .
ام صادق : اي هاي هيه كلشي انتهى أنا ضاله هنا بيت ابني وذا ابني ماحملني اروحن بيت اخوي.
صادق : سمعنه صوتهم على طبيت صحت يمه استهدي بلرحمن لا تستعجلين بقرارج .
ام صادق : مالك غرض وإذا تشوفني ثكيله أنا هساع اروحن بيت اخوي .
ضويه : عمه صدك جذب هذا بيتج .
ابو صادق : ام صادق لا حركين دمي نعلي الشيطان ومشينه .
ام صادق : انت اكثر واحد يعرفني كلت مارجع يعني مارجع.
ابو صادق : جا دضلي هاي ضلتج أنا راد للديره .
صادق وفرقد : يأبه انعل الشيطان شجاكم ماتكلولي .
صادق : بتوسل يأبه تعال ارتاح وانا فتره خل نفسيتهه ترتاح واجيبنهه بيدي والله.
ابو صادق : جا نشوف شكو برانه .
فضه : كاعده اسوي غده واجتي مرت ملكه تصيح.
ملكه : ولججج ولج فضه ماتت هذا هذا يكول ماتتتتتت.
