رواية حضرة الظابط والمراكمه الفصل التاسع
_ بابا.
_ تعال يا هاجر.
_ كنت عايزه اتكلم معاك في حاجة.
_ اتفضلي.
_ ممكن أنزل أنا وزهرة نتمشى شويه... ومش هنطول متقلقش.
_ معنديش مشكله بس تأخير لأ، أخركم 10:30 بالكتير.
قربت منه وطبعت بوسه خفيفه على راسه وكنت همشي بس هو مسك إيدي :
_ ممكن أنا أطلب منك حاجة بقا؟
_ امممممم، بقت كدا حاجة قصاد حاجة.
_اقعدي علشان مقولكيش مفيش نزول.
_ وعلى إيه الطيب أحسن.
_ جدعه وشطورة.
_ الإتنين؟!
شاورت بصوابعي الإتنين بضحك وقعدت على الكرسي المقابل ليه فإبتسم بحب :
_ حقك تخافي من كونها تجربة جديدة ليك بس دي سُنة الحياة وهيجي الوقت المقدر ليك وتخوضيها بس لو فضلت خايفه يمكن تضيعي الشخص المناسب وإنت مش واخده بالك، إحنا أهلك عارفينك يمكن أكتر من نفسك كمان وأكيد مش هنضحي بيك ونسيبك لأي حد والسلام لازم بنسأل ونشوف ونطمن هل دا الشخص اللي هيقدر يحافظ على بنتي ويوفر ليها ولعيالها في المستقبل سُبل الراحه ولا هيتعبها ويقرفها في عيشيتها، الجواز يا بنتي سَكن وطمأنينة وتأكدي إننا مش هنجبرك على حاجه مهما كانت.
_ واثقه من كدا يا بابا.
_ كل اللي طالبه منك المرة دي بس تتغلبي على خوفك و تقعدي معاه حسيتِ بقبول ناحيته نكمل وربنا يقدملكوا الخير محستيش عادي مفيش حد هيقدر يكلمك ولو بنص كلمه ها قولتي إيه؟
فكرت ثواني في الكلام حسيت إنها يمكن إشارات بتطمني وتخليني أواجه خوفي تجاه الموضوع دا بعينه لما كلهم يقولوا نفس الجملة "مش يمكن دا الشخص المناسب اللي مستنياه، وأنت تضيعيه" بإختلاف الصيغه فبصيت لبابا بملامح مرتبكه :
_ اللي تشوفه يا بابا.
##############
_ هتفضل رايح جاي كدا؟
_ أعمل إيه؟ أعمل إيه؟.
_ اقعد يا حبيب أخوك واهدي كدا مش امتحان ثانويه هو.
_ إنت يلا أطلع برا.
اتكلم بضحك :
_ ما إنت مش شايف نفسك عامل زي النحله رايح جاي جاي رايح.
_ حسام أنا حقيقي مش فايق دلوقت للهزار بتاعك.
_ يا آدم يـٰ حبيبي إنت عايز الرد وإحنا لسا جاين من عندهم مكماناش ٤٨ ساعة...
_إنت قولت أهو ٤٨ ساعة مش عارف فين الصعوبه في مستنينك تنورنا يا بني إنت و...
صوت الفون بتاع " آدم" قاطعنا وملامحه زادت توتر وهو بتكلم :
_ احلف بالله؟
_ إنت كويس يا بني.
_ أنا كويس جدًا دلوقت
فضل رايح جاي في المكتب بس المره دي حاسس إنه هيطير وأنا واقف زي الأطرش في الزفه مستنيه يخلص مكالمته :
_ هنكون في انتظاركوا إن شاء الله يوم الجمعة بعد العشا.
_ ماشي يـٰ عمي الف الف مبروك... احم مع السلامه.
ثواني واستوعبت لغبطتي في الكلام وأكيد الراجل بيقول عني مجنون دلوقت ولسا بسقف بحماس والف ظهري لقيت الكائن الفصيل " حسام" فجريت عليه حضنته وأنا بقوله:
_ وافقوا يـٰ حوووس، وافقوا و خلاص أخوك هينال مُراده.
#############
_أنا خلصت.
_ وأنا كمان.
_ يبقى توكلنا على الله.
نزلنا فضلنا نتمشى كتير أوي ونلف الشوارع بدون أي هدف غير إننا نكون سوا ونسمع لبعض اتصورنا كتير لحد ما وقفنا عند مكانا المفضل :
_ بالتوت؟
_ والشيكولاته كمان.
_ ومالوا المصروف يضيع لأجل إننا نراضيك.
_اسمي من اسمك يـٰ هاجر.
_مشبسصديقتياقسم بالله.
ضحكنا واخدنا الآيس كريم وكملنا مشي وحكاوي وصور
من أحلى لحظات الإنسان اللحظات اللي بيقضيها مع حد بيحبه بجد، حد فاهمه، مستعد يسمعه من غير ولا كلمه، مستعد يطبطب ويداوي، مستعد يضحي بِـبرستيجه أحيانًا علشان يضحكنا اللحظه اللي بتنسي فيها همومك وتعيط من كتر الضحك، ودا بالظبط اللي كان بيمثل وقتنا سوا رغم بساطته :
_ يلا كفاية كدا علشان بابا ميقتلناش.
_ بس إحنا لسا بدري.
_ بدري من عمرك يا زوزا الساعه يدوب تبقي ١١ على ما نوصل البيت.
_آه يا خبررر.
_ سندريلي سندريلي، هنكمل سهرتنا في البيت بإندومي وشيبسي و حلويات.
_ مبحبش قدك في الدنيا دي.
###############
_ تفتكري هتفرح؟
_ أفتكر جدًا دي مفجأة جميلة وبدل ما كُنا إحنا اللي مستنينها تيجي هنروحلها.
_ خلاص هحجز على أول طيارة نازله وإنت جهزي الشنط.
_ ماشي يـٰ حبيبي.
نزل علشان يشوف شركة الطيران ويحجزلنا وأنا بدأت أجهز الشنط لحد ما قاطعني صوت فوني وكان المتصل شخص متوقعتهوش :
_ روقه!
_ فروحه وحشتيني.
_إنتوا كمان أوي، في حاجة عندكوا ولا إيه انتوا كويسين؟
_ إحنا عال العال إنتوا عاملين ايه ومحمد اخباركوا إيه.
_ وحشتيني أوي، إحنا بخير الحمد لله في نعمة، بس إيه سر المكالمه اللي بدري بدري دي؟!
قطعتنا " رُقيه" وهيا بتشد من ايديه الفون ناحيتها :
_ حذري فزري بنرن بدري ليه؟
_ ليه يـٰ ملكة الفوازير.
_هتقول إنت ولا أقول أنا؟
_ انتوا بتتعازموا على بعض قلقتوني.
لقيت الاتنين بيبصوا لبعض وبيبتسموا وقالوا في صوت واحد :
_ قراءة الفاتحة بتاع " هاجر " يوم الجمعه.
_ بجد الف الف مبروك ربنا يتمم على خير، ربنا يسعدها حبيبة عمتها طيب هيا فين اكلمها.
_ الله يبارك فيك يـٰ فروحه، هما في سابع نومه جوا كانوا برا امبارح هيا وزهرة بيتمشوا.
_سلمولي عليها كتير وعلى العيال وأنا لما محمد يجي هكلمكوا.
############
_ يا بنتي قومي الله يهديك الناس قربوا يوصلوا واخواتك بيجهزوا الدنيا برا.
_ يا ماما حرام عليك سيبيني أنام.
_ وسعي كدا يا ماما وأنا هصحيها.
فتحت عيني نص فتحه لقيتهم كلهم واقفين في القوضه وحاطين ماسك على وشهم وكل واحد في ايديه حاجه بيعملها اللي في ايديه حاجات تنضيف واللي في ايديه حاجات للأكل واللي في ايديه مايه :
_لأ يا ساره إياك... إياك أنا قولت...
و طبعًا قبل ما أكمل كانت الماية كلها فوقي وهيا بتجري على برا ودي أكتر حركة مستفزة لصحيان حد بعد الزن :
_ عجبك كدا يا ماما؟! والله ما هسيبهالك، وانتوا عاملين كدا ليه عندكوا فرح؟
_ لأ وإنت الصادقه عندنا العروسه مش راضيه تصحيٰ.
_عروسه! مين العروسه.
_ يا ميلت بختك في خلفتك يا "رُقية".
اتدخلت "زهرة" وهيا بتضحك وبتحاول تهديها كل دا وأنا بحاول استوعب لسا اللي بيحصل واللي بيتقال ومين العروسه:
_ اهدي بس يا روقه ما انتي عارفه إن بنتك بتصحي فاقدة الذاكرة، اطلعي إنت جهزي البشاميل على ما افوقها واجيلك.
_ متتأخروش.
_ جدعة يـٰ زوزا بنت عمتي اللي مليش غيرها خدي الباب في ايدك بقا وسبوني أنام.
_ وحياة أمك يا بت دا أنا مسكاهم عنك بالقوه الناس على وصول اخلصي علشان تجهزي يـٰ عروسه.
_ قال قوليلي يـٰ زوزا.
_ إيه يا أختي خير.
_ مين العروسه اللي عمالين تقولوا عليها من الصبح دي؟
بصلتي وهيا بتخبط كف على كف ومسكت المخده ورمتها في وشي قبل ما تطلع وهيا بتقول :
_ بكل آسف إنت العروسه.
_ أنا العروسه؟
#############
" جماعي call "
_ انتوا فين؟؟
_طيب نقول سلام عليكم الأول.
_ اخلصوا هتهربوني ازاي زي ما خلوتوني أوافق.
ليلى بضحك :
_ قولتلك هتيجي بكرا وتقوليلي مش عايزه.
_فرحانه بيك.
_دا وقته إنت وهيا؟ زي ما دخلوتني خرجوني مليش دعوة.
_حاضر هنخرجك حاضر.
_ يلا متتأخروش مش هدخل بالشربات غير لما توصلوا.
_نص ساعة بالظبط ونكون عندك.
_سلام.
##############
_كل حاجه تمام.
_ أيوه متقلقش كله زي الفل.
_جبت الحلويات والجاتوه و...
_حيلك حيلك إنت مالك أصلا بالحاجات دي.
_ يعم رد عايز كل حاجة تكون مظبوطه.
_ متقلقش " طمطم" هتجيب الحلويات وزمانها على وصول، و البدله جاهزه و...
_ لولولولولي
صوت زغاريط وفرحة فابتسمت بحب على دخول ماما وخالتوا وهما بيباركولي وبصيت لـِ " حسام" بإمتنان على كل لحظات عمري اللي كان شريك فيها وتمنيت من قلبي إننا نفضل كدا دايمًا والفرحه تكتمل بوجودها في عفو وعافية.
_ إيه يـٰ عم روحت فين؟
_ها.. هنا أهو.
_ سرحان من أولها.
_ تستاهل يا طمطم.
_ الحقي ابنك يا أختي.
_ سيبيه يتهنى حبيب أمه.
_حبيبتي يـٰ بسبوسه.
_طيب يلا علشان تلبسوا إحنا داخلين على المغرب يدوب نصلي وننزل.
###############
العودة لأرض الوطن الحبيب "مــصــر"
_ نرن عليهم دلوقت؟
_ لأ نخليها مفاجأة هيفرحوا أوي وهاجر وزهراء هينبسطوا جدًا.
.......... _
_ إيه إنت مش مبسوط؟
_إزاي دا وأنا معاك ومبقاش مبسوط.
_اومال ليه بتبص كدا؟
_ تاني يـٰ فرح وإحنا في الشارع؟
_ بحب اسمعها منك.
_ بحب عيونك وبحبها أكتر لما تلمع وإنت بتتكلمي عن حبايبك.
_اللي إنت أولهم.
##############
_ وصلوا، وصلوا.
قالها "يوسف" من برا وأنا رديت عليه بتلقائيه :
_حمد الله على السلامة.
ضحكوا كلهم عليا وعلى توتري ولقيت زهرة جاية تمسك إيدي وسارة فرحانه ونرمين وليلى بيبصولي بحب وكل واحده منهم بتحط التاتش بتاعها اللي ظبطت الدريس واللي لبستني الهيلز واللي ساعدتني في الميك أب واللي حطت المناكير وسط أجواء الفرح واللذاذه والزغاريط اكتشفت إن ليا عيلة تانية غير عيلتي بس دول اللي اختارتهم سألتهم بتوتر :
_ خلصتوا؟ شكلي حلو.
_ زي القمر.
_ تُحفـة اللهم بارك.
_ أنا مشوفتش في حلاوتك
_أختي قمر ١٤.
_أنا بحبكوا أوي.
_وإحنا كمان.
حضنا بعض كلنا وبعدين قولتلهم بدراما :
_ ممكن تهربوني وابقى العروسه الهاربه؟!
الباب اتفتح فجأة وماما دخلت علشان تاخدني :
_ايه الحلاوة دي عيني عليك بارده يـٰ حبيبتي ماشاء الله.
_حبيبتي يا ماما.
_مالكوا مبلمين كدا ليه منك ليها ليها مشفتوش عروسه حلوه كدا قبل كدا.
بصيتلهم بتهديد من إن حد يتكلم أو يقول حاجة وهما استجابوا وضحكوا وماما شيليتني الصينيه وهما كانوا ورايا اللي بتصور واللي تسقف واللي تزغرط دخلت سلمت عليهم كلهم لحد ما وصلت ليه واتفاجئت بإنه العريس :
_ إنت بتعمل إيه هنا؟؟
_لابس بدلة وشكلي كاريزما وماسك بوكية ورد هبقي بعمل إيه بتخرج؟
_ دا إنت بتهزر بقا.
_انتوا تعرفوا بعض ولا إيه يـٰ ولاد ؟
بابا سألنا فبصيتله ورجعت بصيت لبابا تاني وأنا بهز دماغي بالنفي وغالبًا اللي انقذني في الوقت دا رن الجرس وزوزا تولت المهمه :
_ بابا... ماما! إنتوا بجد؟
_ بشحمنا ولحمنا.
_حمد الله على السلامة.
سلموا على بعض ودخلوا سلموا علينا كلنا وباركولنا وبعدين سابونا لوحدنا تاني :
_ مش عيب لما حبيبتي تكون كذابه؟
_ حبيبتك؟!
_ إنت عبيط يسطا؟.
ابتسم :
_ ششش بيبصوا علينا، وعيب لما تقولي لزوجك المستقبلي عبيط دي.
ابتسمت وأنا بكلمه بنفس الهمس : زوج مين إنت شارب حاجة؟
_ لسا هشرب قهوة من ايديك زي ما قولتلك يومها.
_انت عايز إيه؟
الجرس رن تاني ووقتها زهرة بصلتي مستغربه اللي بيحصل وكلهم عامة ما عدا " ليلى" هيا الوحيده اللي فهمت الدنيا وكانت مبتسمه بإنشكاح :
_ مش هنخلص انهارده من فتح الباب أنا عارفه.
_السلام عليكم معلش اتأخرت كنت بركن العربية...
_إنت بتعملي إيه هنا؟
_إنتِ اللي بتعملب إيه أكيد العنوان غلط.
كنت هقفل الباب بس هو حط رجله يمنعه :
_مش عيب تبقي عنيك حلوة كدا وقليلة الذوق.
_مين يـٰ زهرة.
_ واحد يا خالو شكله متلغبط في العنوان و...
_تعال يا بني منور اتأخرت ليه.
_ أبدًا يا عمي والله كنت بركن العربية تحت وطلعت علطول.
_اتفضل اتفضل.
سلم على خالو وهو بيغمزلي بعيونه قليل الذوق دا ودخل كأنه بيت أبوه وعرفت إنه يبقى صاحب العريس فدخلت وأنا مش طايقاه :
_ يعني إنت العريس اللي المفروض جاي نقرأ الفاتحه.
_امممممم.
_وأنا العروسه اللي المفروض توافق علشان تقرائوا الفاتحه.
_ على حد علمي آه.
_ طيب أنا مش موافقه.
_ أنا عارف إني مترفدش ذوقك عالي.
_ إنت ظابط إزاي؟ بقولك مش موافقه.
_ها يا ولاد اتفقتوا.
_طبعًا يا عمي.
قرب مني وهو بيهمس:
_هساعدك في الشيتات والمحاضرات يا مراكمة.
بصيتله وابتسمت منكرش إنه جميل وشدني بخفة دمه وكاريزمته وهيساعدني في الشيتات زي ما قال وكمان ظابط وفاكر التفاصيل فغمز وقال :
_قولتي إيه؟
_ موافقه.
قرائنا الفاتحة و زغاريط ملت المكان والضحكات والمناقرة اللي كانت بينا :
_ قد كلمتك؟
_لو مكنتش قدها مكنتش جيت شربت قهوة مع الحاج.
كنت فرحانة باليوم وفرحانة بكل اللي حواليا وفرحانه بـ " آدم" الراجل الجميل اللي قد كلمته فعلًا وفوقت على صوته وأصحابي وهما بينادوا علينا علشان نرقص :
_عارف إني جميل بس إنت أجمل ودلوقت أقدر أقول تمنيت أن أنال لها والآن أنا لها.
#############
الأجواء لذيذة آهلي موجودين وأنا في مصر بلدي حبيبتي و بنت خالي أختي وأعز أصدقائي بتفرح دلوقت وكلنا بنتمايل ونضحك بانبساط لحد ما :
_ إيه رأيك نقرأ الفاتحة مرتين.
_ نعم؟ ودا ليه؟
_ علشان مثلًا عيونك دي تبقي ليا لوحدي.
_ إيه يلا!
اتدخل بابا وماما تحت صدمتي وهما بيضحكوا ويقفوا جمبي :
_ قولتي إيه يا حبيبة بابا
_ بصراحة الولد جميل يا زهرة.
_ ولد مين يا ماما أنا مش فاهمه.
_أصل يـٰ آنسه أنا طالب إيدك و طنط فرح و عمي محمد مرحبين ناقص رأيك
كان بيعدل لياقة قميصه ومستني ردي ابتسمت وأنا بفتكر أول موقف جمعنا وقتها كنت بهرب من شخص وخبطت في شخص تاني عمري ما شوفته غير المرة دي ودلوقت هو قدامي طالب أيدي غريبة ترتيب الصُدف :
_ مش موافقة.
_ أنا قولت كدا برضوا يلا يا جماعة نقرأ الفاتحة.
_ إيه دا في إيه بقول مش موافقة.
شدني من ايدي والأغاني وقفت وهاجر قربت مني وهيا بتبتسم وبتقول :
_الأحلام طلعت بتتحقق أهو.
_أحلام إيه؟ بقول مش موافقة.
_ ليه؟ مش احنا كان نفسنا نتجوز اتنين صحاب أو أخوات.
_أيوه.
_وهما الإتنين صحاب وأخوات.
هزيت راسي وأنا عيوني بتروح وتيجي على كل اللي حواليا وفي نفس الوقت هاجر بتكمل كلامها :
_وكان نفسك في حد كاريزما، دمه خفيف، حنين،....
_ وبعضلات ودقن.
كملت كلامي بشكل تلقائي وأنا من جوايا في قبول وراحة تجاهه وشايفه نفس القبول والراحه دي على آهلي :
_ يلا بسم الله الرحمن الرحيم.
_ يا بني اهدي مش كدا.
_ابعد عني انت اللي قريت عليا وقولتلي بكرا تقع واهو يا اخويا عيونها جابتني وودتني.
ضحكنا كلنا بصوت عالي وفي نفس الوقت هو وقف جمبي :
_ ها قولتي إيه؟
_ موافقة.
_ بجد؟
ابتسمت :
_بجد.
صوت زغاريط من تاني بس المرة دي ليا وكله بيباركلنا وقبل ما نقرأ الفاتحة ادونا وقت لوحدنا شويه :
_ هتطمني؟
_ هطمنك.
_ هتخليني أهرب منك في يوم من الأيام؟
بصلي بنظرات حنينه جدًا وهو بيقول بنبره مشابها لنظراته :
_ هخليك دايمًا تهربي ليا.
تمت بحمد الله
انتهت أحداث الرواية نتمني ان تكون نالت اعجابكم وبإرائكم في التعليقات وشكرا لزيارتكم عالم روايات سكيرهوم
شكرا لزيارتكم عالم روايات سكيرهوم
