رواية ورطة الفصل التاسع 9 بقلم سما

مروان راح ورا شمس بسرعه وفضل ينادي عليها بس هي مش بترد..فجري بسرعه ووقف قدامها..

شمس: ممكن تمشي من قدامي.

مروان: مش زي مانتي فهمتي والله..

شمس: انا سمعت كل حاجه بودني..اه يابني دي لعبه..

مروان: انا كنت لسه هقوله والله..

شمس: كنت هتقوله دي هبله وبضحك عليها بكلمتين مش كده..

مروان: انتي بتقولي إيه..انا استحاله اعمل كده اصلا..

شمس: بقولك ايه يا مروان خلاص هي كانت لعبه فعلا وخلاص خلصنا..

مروان: بس انا معملتش حاجه لكل ده..

شمس: لا عملت لو انت فعلا كنت حبتني في الاول  زي ما قلت مكنتش قلتله انها لعبه..

مروان: هو صحبي واخويا وانا مش بخبي عليه اي حاجه.

شمس: طب ما هنا صاحبتي انا كمان..ولحد دلوقتي متعرفش اي حاجه..وقلتلها اني حبيتك من اول مره وكل الكلام ده..

مروان: طيب انا فعلا غلطت في الحاجه دي بس انا والله كنت لسه هقوله..

شمس: كنت زي ما قلتله انها لعبه كده..كنت روح وقله انها قلبت جد اشمعنا استنيت في دي..

مروان: والله ما كان في فرصه..

شمس: خلاص يا مروان..

مروان: يعني ايه خلاص..

شمس: يعني كل واحد يروح لحاله بقي هي كانت لعبه فعلا ولازم ندفع تمن ده..

مروان: بس انا مش هسيبك يا شمس..

شمس:  لا هتسيبني..هنستني اسبوعين كده وبعدين هنعرف اهلنا اننا سبنا بعض..

مروان: انتي بتقولي ايه؟

شمس: اللي سمعته وفي الاسبوعين دول ملكش دعوه بيا خالص..

مروان: بس انا مش موافق..

شمس: براحتك سلام .

مروان: شمس احنا لسه مخلصناش كلام..

شمس مشيت ومردتش عليه ودخلت البيت وطلعت علي اوضتها..

مروان: منك لله يا آسر..

شمس دموعها نزلت غصب عنها وقالت: انا مكنتش عايزه اوصل لده معاك يا مروان..بس انا مش هسيب نفسي اتأذي اكتر من كده..

>>>>>>>>>>>>>>>>>

تاني يوم شمس كانت قاعده في اوضتها وسانده رأسها علي السرير..وعماله تفكر..

فجأه موبايلها رن...بصت فيه لقته مروان قفلت ومردتش عليه..

رن تاني وبرضو مردتش..

بعدها بثواني جالها ماسدج علي واتساب منه..

شمس: يووه بقي..وفضل يبعت كتير لحد ما فتحت الرسايل..

مروان: ردي عليا يا شمس عشان متلقنيش قاعد مع طنط زينب تحت دلوقتي..

شمس كتبت: عايز ايه؟

مروان: هرن دلوقتى لو مردتيش حالا..هتلاقيني بخبط الباب..

شمس نفخت بزهق وفتحت..

شمس: هو مش انا قلتلك ملكش دعوه بيا..

مروان: بس انا مقتلكيش ماشي..

شمس: مش مهم انا خدت القرار خلاص..

مروان: ازاي تاخدي قرار زي ده يا شمس..ومفيش حاجه لده كله اصلا..

شمس: انتي شايف كده ماشي..انا بحب اكبر المواضيع..

مروان: انا مش قصدي كده..بس مش هقدر اسيبك يا شمس..

شمس: معلش يومين وهتنسي..

مروان: يعني مش هصعب عليكي..

شمس: مانت عايش حياتك وبتاكل وبتشرب عايز ايه تاني؟

مروان: عايزك..

شمس: كان فيه منه وخلص..

مروان: عجبك كده دنا عمال اسمع عبد الحليم واندب حظي..

شمس: اندبه مليش دعوه..

مروان: انتي بجد جايبه القساوه دي منين..؟!

شمس: هو انا كده..

مروان: يعني مش هترجعي عن رأيك يا شمس..

شمس: للاسف لا متضيعش وقتك بقي..

مروان: ماشي يا شمس..بس افتكري انك محاولتيش تديني فرصه حتي..

شمس: حاضر هفتكر..

مروان: انا مش عارف اقولك ايه بجد؟

شمس: متقولش..مع السلامه وقفلت الموبايل ورمته علي السرير..

شمس خدت نفس عميق وقالت: ايه اللي انا بعمله ده بس..

>>>>>>>>>>>>>>>>>>

الصبح كانت شمس خارجه راحه الشغل وقفلت الباب وراحه تركب عربيتها..

لقت مروان واقف هناك ومستنيها..

شمس: دانت مصمم بقي..

مروان: انا مصمم مش ماشي قبل ما اتكلم..

شمس: شاطر متغنيش تاني بقي..

مروان: مش حلوه طب استني هقولك واحده تانيه..

شمس: ممكن تبعد عشان اروح الشغل..

مروان: لا..

شمس: روح شغلك يا مروان متضيعش وقتك علي الفاضي..

مروان: انتي اهم من الشغل..

شمس: لا الشغل اهم اصل انا مش هبقي موجوده..

مروان: شمس متقوليش كده بجد..

شمس: دي الحقيقه..

مروان: طب ممكن تسمعيني..

شمس: كلامك مش هيغير حاجه..صدقني..

مروان: طب ايه اللي مزعلك اني قلت لأسر..قلتلك حقك عليا وغلطت خلاص بقي..

شمس:  انت اللي مزعلني .. انا مكنتش مستنيه منك ده مكنتش عايزاك تعمل كده حتي لو هي كانت لعبه بس مسمعش منه كلمه زي دي..

مروان: هو غلط مكانش يعرف..

شمس: محدش غلط غيرك يا مروان..متعملش الغلط وتلوم الناس..

مروان: شمس انا شايف ان الموضوع مش مستاهل كل ده.. طيب هو انا للدرجادي مش فارق معاكي..

شمس: طالما انت شايف كده خلاص بس انا مش غلطانه وده حقي..

مروان: ايوا حقك تزعلي بس خلاص قلتلك انا اسف وحقك عليا مليون مره..

شمس: مش كفايه..

مروان: طيب انتي عايزه ايه؟

شمس: انا مش عارفه يا مروان..انا خايفه ومش عايزه اتأذي منك انت بالذات..

مروان: وانا عمري ما هأذيكي..

شمس: مش عارفه..

مروان: مش عارفه ايه يعني انتي مش واثقه فيا؟

شمس سكتت ومردتش..

مروان: مش واثقه فيا يا شمس؟!

شمس: مش حكايه كده انا مش فاهمه انا حاسه بإيه اصلا..

مروان: تمام لما تفهمي بقي ابقي قوليلي..

شمس: يعني ده ردك؟!

مروان: ايوا عايزاني اعمل  ايه يعني وانتي اصلا خايفه مني..

شمس: خلاص يا مروان سيبني لو سمحت..

مروان: خلاص يا شمس..براحتك..وسابها ومشي..

شمس بصت علي مروان وهو ماشي بيأس وفتحت الباب وركبت العربيه..ومشيت..

>>>>>>>>>>>>>>>>>>

عدي كذا يوم وهما الاتنين كانوا بيحاولوا ميشوفوش بعض خالص لحد ما كل واحد فيهم يفكر ويوصل لقرار مع نفسه..

شمس كانت قاعده في اوضتها..وكانت ماسكه موبايلها وبعدين دخلت علي المكالمات وفضلت تبص علي اسمه وكانت هتضغط وترن عليه..بس قفلت الموبايل وحطيته جنبها..

شمس: هو وافق ولا ايه؟ماشي هو حر..مانتي اللي قلتي يا شمس..انا مش عارفه بقي..يعني هو كده مش هيكلمني..يوه بقي..

آسر: وبعدين يا مروان..

مروان: مش عارف بس انا مش هعرف اسيبها..معرفش انا حبيتها ده كله امتي..

آسر: طب خلاص يا مروان حاول تاني يمكن هي عايزاك تثبتلها انك بتحبها بجد..

مروان: فكرك كده..

آسر: ايوا لو انت بتحبها بجد..

مروان: معاك حق..انا مش هسيبها غير لما تسامحني..

آسر: ربنا معاك يا صاحبي..

بليل شمس كانت قاعده مع مامتها بيتفرجوا علي فيلم..

زينب وهي بتضحك: فيلم عسسل..

شمس بضحك: ايوا..

وبعدين سمعوا صوت من بره..

زينب: ايه الصوت ده؟

شمس اتعدلت وقالت: ده مروان..

مروان: يا شمس..

شمس طلعت بسرعه ولقيته واقف قدام البيت.

شمس: فيه ايه؟

مروان: بحبك يا شمس..

شمس ضحكت وقالت: خلاص وطي صوتك..

زينب: مالك يا مروان؟

شمس: مفيش يماما خشي..

مروان: قوليلها تصالحني يا طنط زينب..

زينب: انتي مزعله الواد ليه ي بت؟

شمس: انا اللي مزعلاه!!

زينب: خلي عندك دم وصالحي الواد..

مروان: ايوا..

شمس: خلاص يا ماما خشي انتي جوه وانا هصالحه..

زينب: لو مرضتش تصالحك تعالالي يا واد..

مروان: حاضر..

زينب دخلت وشمس راحت عند مروان..

شمس: عجبك كده؟

مروان: مانتي اللي مش عايزه تتصالحي الله..

شمس: وكده هتصالح يعني..

مروان: منا مش همشي من هنا غير لما نرجع حبايب..

شمس: ده بعينك..

مروان: يعني ده اخر كلام؟

شمس: اه

مروان: طيب متزعليش من اللي هعمله.

شمس: هتعمل إيه؟

مروان بصوت عالي: يا جماعة أنا بحب شمس ومقدرش اعيش من غيرها..قولوها تصالحني بقي!

شمس ضحكت وقالت: اسكت يا مروان! الناس هتقول علينا إيه؟

مروان: خليهم يقولوا، المهم تعرفي إني مش هسيبك.

شمس: خلاص يا مروان، سامحتك..

مروان بابتسامة: قولي والله..

شمس بابتسامة: والله..

مروان: اقسم بالله وحشتيني..

شمس بخجل: طيب..

مروان: ايه طيب دي قوليلي انت كمان..

شمس بابتسامة: وانت كمان..

مروان بابتسامة: احلفي..

شمس: خلاص بقي..

مروان: يخرابي يا ناس كنت هعيش من غير القمر ده ازاي؟

شمس: متزعلش القمر تاني بقي..

مروان: مقدرش..

شمس: طيب اما اشوف..

مروان: شوفتي وشي نور ازاي...

شمس ضحكت وقالت: مشفتوش ضلم يعني..

مروان: دنا كلي كنت مضلم اقسم بالله..

شمس بابتسامة: معلش زعلتك شويه..بس كان لازم احس انك بتحبني شويه..

مروان بابتسامة: انتي براحتك يا حبيبتي..مهما تعملي كنت هفضل وراكي برضو..

شمس: بجد انا قلت انت زهقت بقي..

مروان: مزهقتش من الخصام علي قد ما زهقت انك زعلانه بسببي او انا حاسستك باحساس وحش..

شمس بابتسامة: خلاص حصل خير..

مروان: بس الصلح ميمشيش كده؟

شمس: امال ايه؟

مروان راح عند عربيته وجاب حاجه حطها ورا ضهره..

مروان طلع بوكيه ورد وقال: يمشي كده وطلع شنطه كمان وقال: وكده..

شمس بابتسامة: الله حلو اوي..

مروان: شوفي اللي في الشنطه..

شمس ابتسمت وقالت: كل الشكولاته دي عشاني..

مروان: لازم ادفع التمن برضو..

شمس بابتسامة : ربنا يخليك ليا يا حبيبي..

مروان بابتسامة: ويخليكي ليا يا قلبي..

"شمس اخيرا حست انه بيحبها بجد مكنتش قاسيه بس كانت عايزه تتأكد من مشاعره ناحيتها وتحس بحبه ليها وده حقها"

>>>>>>>>>>>>>>>>>>>>>>>>>

آسر لقي هنا قاعده لوحدها راح عندها..

آسر: سرحانه في إيه؟

هنا: مفيش بفكر في حاجه..

آسر: قوليلي وافكر معاكي..

هنا: آسر هو انت بتحبني بجد ولا عجباك وخلاص؟

آسر ابتسم وقال: يعني لو عجباني وخلاص كنت افضل أزن ده كله..

هنا: معاك حق..

آسر: وانتي يا هنا محستيش بأي حاجه من ناحيتي؟

هنا: اكيد انا بني ادمه ولازم اتأثر بالاهتمام ده..

آسر: انا مش عايزك تتأثري يا هنا انا عايزك تحبيني..

هنا: وانت فعلا يا آسر بقيت بالنسبالي حد مهم اوي..

آسر بابتسامة: بجد؟

هنا: ايوا..

آسر: طب ما يلا بقي..

هنا بضحك: يلا إيه؟

آسر: احبك وتحبيني والبسك دبله تنور ايدك كده..

هنا ضحكت وقالت: يلا..

آسر : انت بتهزري؟

هنا: لا والله بتكلم جد..اصل انت بتحبني وانا منكرش اني اتشديتلك..وانا بحب الرسمي يعني بتحبني ادخل البيت من بابه..

آسر بابتسامة: ينهار ابيض انا شفت الحلم ده كتير قبل كده..

هنا ضحكت وقالت: انت بتحلم بيا كمان؟!

آسر: كل يوم وحياتك..

هنا بابتسامة: وانا حلمت بيك علفكره..

آسر: وحياه امك..

هنا بضحك: وحياه امي..

آسر: هااه اجيب امي واجي امتي؟

هنا : هكلم بابا واقولك..

آسر: يا بركه دعاكي يامي..

هنا بضحك: شكلها بتدعي بذمه..

آسر: اوووي..

>>>>>>>>>>>>>>>>>>

شمس: اه خلصت وهطلع اهوه..

مروان: طالعه خلاص؟

شمس: اه بلم حاجتي اهوه..

مروان: تمام..ابقي اكلميني اما تروحي..

شمس: اوكيه مع السلامه..

مروان: سلام يا حبيبتي..

شمس طلعت من الاسانسير وخرجت من الشركه لقت مروان في وشها واقف وساند علي العربيه..

شمس ضحكت بفرحه وقالت: إيه ده انت جيت امتي؟

مروان: من حوالي نص ساعة..

شمس: طيب مقلتيليش ليه كنت هطلعلك..

مروان بابتسامة: كنت عايز اعملهالك مفجأه..

شمس بابتسامة: احلي مفجأه في حياتي..

مروان: يلا تعالي اركبي..عندنا مشوار..

شمس: مشوار إيه؟

مروان: الغدا اللي باظ قبل كده لازم نعوضه..

شمس بابتسامة: مروان انت جميل اوي بجد..

مروان بابتسامة: مش أجمل منك يا حبيبتي..وفتح لها الباب وقال: يلا اركبي بقي..

شمس بابتسامة: حاضر..

الفصل العاشر من هنا