رواية صاعقة الحب الفصل التاسع
بسم الله ولا حول ولا قوه إلا بالله
بيوصل عتريس و رجالته و يسيطرو علي الفندق بعد ما تامر فضا الفندق من كل الي فيه حتي العمال عشان يقدرو ينفذو جريمتهم من غير ما يكون فيه اي شاهد او دليل عليهم و تامر وقف الكاميرات اللي موجوده في الفندق ورتبو كل حاجه بحيث ما يسبوش اي دليل وفعلا بيروح يحيي ومعاذ ورنا واميره الفندق وبمجرد ما يدخلوا تتقفل الابواب ويظهر منتصر وأخيرا اتقابلنا يا يحيي . يحيي بس دي هتكون اخر مقابله بينا . منتصر هي فعلا هتكون اخر مقابله . يحيي فين فلوسك . منتصر بيبتسم وانت مستعجل ليه يا يحيي لسا قدامنا كتير يعني ما تستعجلش .يحيي ضحك لا انا مش بحب الانتظار والاحسن اننا نخلص ونمشي . تامر بيظهر هو دخول الحمام زي خروجه . يحيي الله الله ده الحبايب كلهم متجمعين . تامر بيضحك بصوت عالي كان لازم اجي اودعك يا يحيي انتي والملاك الوديع ده .يحيي شكلي هنهي حياتك يا احقر خلق الله . منتصر ما تستعجلش محدش يعرف مين هينهي حياة مين يا يحيي . يحيي لمنتصر أنا مش جاي عشان اسمع كلام ما لوش اي لازمه فين الفلوس . منتصر الفلوس جاهزه الفلوس يا رجاله وبيدخلوا الرجاله بشنط وبيحطوها قدام يحيي . يحيي ايوه كده وبيفتح اول شنطه بيلاقي فيها ورق والتانيه والتالته الشنط كلهم ورق ايه ده . تامر بيسحب المسدس والرجاله كلهم بيسحبو السلاح عليهم وقعت يا يحيي ودي نهايتك . يحيي كان لازم اتوقع ان الشخص الي يتاجر في الاعضاء تتوقع منه كل حاجه تامر ضحك ايوه احنا بنتاجر في الاعضاء .منتصر بيضحك ومش احنا بس انا هقولك مين كمان معانا عشان تعرف انك دخلت عش الدبابير برجليك والسبب الملاك الوديع اللي حبت تنقذ طفل واحد ضيعت قدامه اربعه صح يا اميره احنا معانا ..... وبداء يسمي اسماء ناس تقيله في البلد وبعد كده كمل كلامه وقال ايوه احنا كنا بناخد اطفال الشوارع وناخذ اعضائهم و نبيعها عشان دول مش ليهم اهل ولا حد يسال عليهم دول عاله علي المجتمع انا بنظف الشوارع منهم بدل ما يطلعوا بلطجيه ولا يموتوا من الجوع انا بخدم البشريه ومن اول ما اتاسست المستشفي دي وهو ده شغلنا تجارة الاعضاء احنا بنقدم خدمه للبشريه . اميره خدمة ايه انتو لا يمكن تكونوا بني ادمين انتو شياطين مين انت عشان تقرر مين يموت ومين يعيش انت مجرد سبب حقير استخدمت علمك في الحرام وفاكر انك كده عايش للاسف انت ميت بالحياه وربنا مش هيسيبك تهرب بالي انت عملتوا . منتصر بيسقف لها برافو خطبه جميله وبسبب عنادك هتموتي دلوقت يا اميره انتي وشوية الكلاب اللي معاكي . رنا متكونش واثق اووي من نفسك ولا من الاسماء اللي انت قلتها عشان المساله مسالة وقت وكلكم هتتجمعو سوا في السجن وتدفعو تمن كل الي عملتوه . منتصر بيقرب منها وانتي الي هتخليني ادفع التمن .معاذ بيتقدم وبيوقف قدامه ايوه هي وكل راجل شريف في البلد دي . تامر ايه انتو مش بتشبعه من الشعارات دي منتصر احنا لسا هنتكلم يلا خلينا نخلص عليهم ونمشي . منتصر معاك حق كفايه الوقت يلا يا رجاله خلصوا عليهم . الرجاله واجهوا السلاح علي منتصر وتامر . منتصر انتو اتجننته ايه الي بتعملوه ده . رنا مش قولتلك انها مسالة وقت وهتدفع التمن بس بالقانون . وهنا بيدخل رامي كل واحد مكانه والكل يرمي سلاحه علي الارض . منتصر انتو متفقين سوا وكان قريب من سكينة الكهرباء نزل سكينه الكهرباء وطلع يجري لفوق وبسرعه يجري يحيي و يرفع سكينة الكهرباء وبيكون منتصر اختفي . رامي دور عليه في كل مكان وقبضو علي حضرة الضابط . تامر انت بتقول ايه يقبضو علي مين انا كنت جاي اقبض علي الارهابين دول . رامي ضحك كل حاجه متسجله صوت وصوره ولا فاكر انك فصلت الكاميرات كلها لا يا حضرة الضابط انا حطيت كاميرات مخفيه غير كاميرات الفندق وبكده واخيرآ وقعت وما حدش سما عليك اخيرا بعد سنين من الفساد توقع يا تامر يلا خدوه . يحيي الاسماء المشتركه معاهم في تجارة الاعضاء اسماء كبيره هتعمل ايه . هبلغ القيادة وبعد كده اطلع اذن نيابه و نتحرك علي طول . يحيي الناس دي بمجرد ما تعرف هتلاقيهم هربوا بره البلد لازم يكون فيه سرعه اكتر من كده . رامي كلامك صحيح لكن انا مقدرش اتحرك لوحدي في موضوع زي ده . يحيي تمام يبقا نتصرف احنا معاذ خد قوه معاك وتحرك ومش عايز واحد منهم يفلت . رامي مش فاهم قوة ايه ومعاذ يقبض عليهم بصفته ايه . يحيي طلع كارنيه وده لي رامي . رامي بص له بصدمه ازاي ده الرائد يحيي من المخابرات العامه ازاي حضرتك ما تبلغناش . يحيي عشان دي مهمتي انا وكان لازم اقوم بيها انا ومعاذ لوحدنا اما دلوقت خلاص الحمد لله المهمه خلصت ومع ذلك مش عايز حد يعرف غير حضرنك . رامي تمام يا فندم حضرتك تؤمر بايه . يحيي الرجاله الي تبعي دول تسيبهم خلاص من دلوقت هيعيشه بالحلال وتقدر تمشي وانا هبقا اجيب اميره ونيجي عشان نقفل المحضر . رامي تمام بعد اذنك . يحيي اتفضل يلا يا معاذ بسرعه اكيد منتصر هيبلغهم . معاذ تمام يا فندم ما تقلقش . يلا يا رنا عشان اوصلك وبعد كده اخد اميره ونروح قسم الشرطه . رنا انا هاخد تاكسي و هروح وانتو روحوا اميره وهي ساكته ومش مصدقه اللي بيحصل بتمشي . يحيي رايحه فين يا اميره . اميره خلاص يا حضرة الضابط مهمتك انتهت وبتطلع تجري وهي بتبكي ويحيي بيجري وراها لكن بتوقف اول تاكسي قدامها وبتركب وبيتحرك وبيطلع بيها علي البيت وهي بتبكي وبتقول لنفسها كل ده كان تمثيل معقول انخدع بالطريقه دي انا عمري ما حبيت واول ما احب يطلع بيمثل عليا عشان المهمه وبتوصل شقتها وبتقفل الباب وبتسند ظهرها علي الباب وهي منهاره وبتنزل بالراحه لحد ما تقعد وظهرها علي الباب . يحيي بيخبط علي الباب اميره والله كل حاجه بينا كانت حقيقه انا بحبك ومش هقدر اعيش من غيرك افهمي بقا . اميره انا فهمت كل حاجه بس متاخر امشي من هنا مش عايزه اشوف وشك تاني انت ازاي تكدب عليا وتخدعني حرام عليك عشان مهمه تكسر قلبي وانا اللي كنت فاكره انك بتحبني بجد ومستعد تفديني بروحك لكن للاسف طلع كل ده كدب انت انسان كداب امشي . يحيي خلاص ماشي انا كداب و همشي بس ارجوكي اهدي وديني فرصه اكلمك لاخر مره وافتحى الباب . اميره خلاص مش هتعرف تضحك عليا تاني خلاص يا حضرة الضابط ومبروك الترقيه مش هو ده اللي انت عايزه . يحيي بيعرف ان الكلام مالهوش لازمه وبيمشي وهو بيفتكر لحظاتهم الجميله سواء وبيلاقي نفسه بيبكي من غير ما يحس اما اميره كانت منهاره وهي حاسه انها كانت وسيله عشان حضرة الضابط يقبض علي الشبكه دي لكن بتحاول تتماسك وبتقوم وبتنام علي السرير وهي بتبكي لحد الصبح واول ما الشمس بتطلع بتروح القسم وبتقول اقوالها وبترجع المستشفي الحكومي اللي شغاله فيها وبيعدي يوم واتنين ويحيي بيحاول يكلمها لكنها كانت بترفض . منتصر هرب وراح عند مكان مهجور في بيت معزول وكان قدامه زهرية ورد رفعها واخد المفتاح وفتح ودخل وهو متعصب كل ده بسببك يا اميره انا قبل ما موت لازم انتي تموتي حياتي كلها ادمرت بسببك انتي ومستحيل اسمح لك تعيشى وفتح التلفزيون وطلع التليفون عشان يرن علي الناس الي معاه وقبل ما يرن لقي علي التلفزيون خبر القبض عليهم كلهم ولقي كمان صورته منشوره بص للتلفزيون بصدمه ازاي ده حصل واي قوه في البلد تقدر تقبض علي الناس دي بسرعه دي وهنا عرف اني الحكايه انتهت وزاد حقده علي اميره وقرر انه لازم ينتقم منها وفتح دولاب واخد منه مسدس فعلا كويس انى اشتريت البيت ده وهو نفع دلوقت اشتريته من سنين وجهزتة عشان اللحظه دي وبعد ما اخلص علي اميره هاجي وكمل حياتي هنا لحد ما لاقي طريقه واهرب بره مصر وبيطلع وبيستنا الليل عشان يتحرك ويقتل اميره . رنا بتروح لاميره وبتخبط علي الباب . اميره بتبص من العين السحريه وبتفتح الباب خير يا مدام رنا . رنا في ايه يا اميره طاب هما مخابرات انا مالي بقا ولا نسيتي لما كنا سوا ليل ونهار. اميره لا ما نسيتش بس كان لازم تقوليلي . رنا هنتكلم علي الباب . اميره اتفضلي . بتدخل رنا و تقعد انتي دكتوره و متعلمه وعارفه اني مش هقدر اقول حاجه وعرض حياة يحيي وجوزي للخطر والي ما تعرفهوش اني كنت في المخابرات ولما اتعرفت علي معاذ وحبينا بعض سبت الشغل عشان اتفرغ لي بيتي وانا متاكده اني يحيي بيحبك المهمه ما تجبرهوش انه يمثل عليكي كده كده هدفكم كان واحد وكمان ضابط المخابرات بيتنقى علي الفرازه وانتي شوفتي تعامل المقدم رامي مع يحيي مع ان يحيي اقل منه برتبه بس المخابرات اعلا إداره في البلد ومش اي حد يدخلها يحيي كان سعيد وهو عارف انك بتحبيه لشخصه مش لاي حاجه تانيه وهو بنسبالك يحيي وبس مش الرائد يحيي انا بقولك كده عشان انا اعرف يحيي كويس واعرف انك اول حب ليحيي واذا كنتي انتي بتتعذبي قيراط هو بيتعذب اربعه وعشرين قبراط وهو مش عايز من الدنيا غيرك انا اول مره اشوف يحيي بشكل ده فعلا والله بيحبك يا اميره بطلي بقا تقل و بطلي دلع البنات ده انا لسا سيباه كان رايح يقدم استقالته يعني مستقبله هيضيع وكل ده عشان يرضيكي هو مش عايز من الدنيا غيرك اللي يلاقي حد يحبه كده لازم يحافظ عليه مش يكون سبب في دمار حياته انا قولتلك اللي عندي وانتي زي اختي والله يحيي بيحبك وده رقمه وانتي حره ترني او لا وبتقوم رنا وتمشي . يحيي بيدخل إدارة المخابرات عشان يقدم استقالته لكن مديره يرفضها وبيدي له ٢٤ ساعه يفكر كويس ويمشي و بيروح قدام العماره اللي فيها شقة اميره و بيقعد بعيد يراقبها وهو قاعد بيجي عامل دليفري على موتوسيكل ويدخل العماره . اميره ماسكه الرقم والتليفون واخيرا قرارت ترن علي يحيي اللي مكنش مصدق لما فتح وسمع صوتها اخيرا بجد انا كنت هتجنن انا بحبك يا اميره ومستحيل اعيش من غيرك . اميره انا بكلمك دلوقت عشان رنا قالتلي انك هتقدم استقالتك فبلاش تخسر كل حاجه انا عارفه انك بتحب شغلك . انتي بتقولي ايه انتي بنسبالي كل حاجه يا اميره . وقبل اميره ما ترد بتسمع جرس الشقه وبتروح تبص من العين السحريه مش بتلاقي حد بتفتح الباب عشان تشوف مين بتلاقي منتصر في وشها وتصرخ ويوقع منها التليفون . يحيي اميره اميره في ايه ردي وبيقوم ويطلع جري وبيكون منتصر قفل الباب يحيي بيكسر الباب وبيطلع مسدسه وبيلاقي منتصر ماسك اميره وحاطط المسدس في دماغها . اميره اهرب يا يحيي . منتصر لا يا بطه يهرب ايه ده لازم يموت معاكي . يحيي سيبها و خدني انا . منتصر لا انا هاخدكم انته الاتنين عشان تتقابلوا في الجنه . يحيي يقرب منه . منتصر ما تقربش . لكن يحيي يقرب منه منتصر يضربه بالنار ويحيي في نفس الوقت يضربه في دماغه ومنتصر بيوقع منه المسدس وبيسيب اميره وبيوقع من البلكونه في الشارع .اميره بتجري علي يحيي ايه يا يحيي كنت مشيت . يحيي امشي ازاي وسيب روحي الحمد لله انك بخير وانا الي عايزك تعرفيه اني والله ما ضحكت عليكي انا بحبك يا اميره بحبك وبيغمي عليه . اميره لا يحيي ابوس ايدك خليك معايا انا هموت من غيرك وتصرخ بصوت بيزلزل الشقه يحيييييييييييي
