رواية الذكر مشمش الفصل الأول بقلم منة خلف
....انا بقا القط مشمش ...متستغربوش ايوا انا قط فعلًا ...واللي سماني مشمش هي البنت اللي مطهقاني في عيشتي دي ...اسمها فجر
...ركزوا معايا ....البنت فجر دي ...بنت معقدة ..اه زي ما بقولكم كدا ...بتكره الرجالة بشكل مبالغ فيه ....دا مرة زمان وهي عندها عشر سنين
فلاش باك
مازن ....رجعيلي الكورة يا فجر ...واوعدك اني مش هجبها ناحية بيتكم تاني
فجر ....لا هفرقعهالك
مازن ....طيب وليه الاذية....ما انا قولتلك مكنتش اقصد انها تيجي فيكي
فجر ....هو كدا انا رخمة ....وعشان تبطل تيجي تلعب عندنا تاني
مازن ....طيب هبطل ....بس سيبيها ...دا بابا لسة جيبهالي
***فجر بضحكة أطفال خبيثة .....اخدت كسر زجاجة ...وفرقعت الكورة
***وهنا مازن انفجر من العياط ....وضرب فجر بالطوبة...فانفتحت دماغها ....تقوم تسكت وتتهد ...لا ابدًا ...مسكت الزجاج وفتحت حاجب الواد
....وسعتها باباها عاقبها........لا وكمان كانت تعذبني ...اه زي ما انتوا سامعين كدا ...كانت تعملي ميكب وتحطلي فيونكات في شعري ...وتقولي انت هتبقى بنت مليش دعوة يعني اي حتى القط بتاعي يبقا ولد
.....اصل اللي انتوا متعرفهوش ان فجر عندها اخين ولاد .....وباباها بيفضلهم عليها ...اما مامتها فهي كانت الوحيدة اللي مدلعاها ...واهي ماتت بقالها تلت سنين
.....المهم بقا ان اللي مهون عليا العيشة الفار الكارثة .هي مسمياه كدا عشان بياكل الجبنة والخيار بتوعها...واه انا بحب الفار دا وهو صحبي ..سيبكم من شغل افلام سندريلا ...وان الفران والقطط أعداء...وبصراحة كدا رغم ان فجر عصبية جدًا ....إلا إنها حنينة جدًا جدًا
فجر ....انت بتعمل ايه يا مشمش
...نونو...يا شيخة سيبيني في حالي بقا
فجر ...تعالى هنا انت بتبصلي كدا ليه
....نو نو ...يعني عيزاني ابصلك ازاي ...هااا
فجر ...خلاص متزعلش ..مش هعملك فيونكات ...تعالى نخرج احنا هنقابل شهد النهاردة
....نونو....شهد الله اخيرًا بقا هشوف لولي
....نسيت اقولكم ان فجر صحبتها الوحيدة شهد ...وكمان عندها قطة ...قمر اسمها لولوي ...ادعولنا بقا اننا نتجوز
***وفعلًا فجر لبست وخلاص هنخرج ...ولكن وقفها صوت
يزن.......راحة فين يا حلوة
فجر ...خارجة مع صحبتي
فريد ....الله امال مين هيعمل الغدا
فجر ....وانا مالي ..النهاردة الغدا عليكم
يزن ....بس احنا النهاردة يوم اجازتنا الوحيد ...حتى دا هنتعب فيه
فجر ....طيب ما انا طول الاسبوع بعمل اكل ....جايين على اليوم الوحيد اللي بخرج فيه
فريد ....خليكِ ..اخت جدعة بقا واعمللنا انتِ الغدا
فجر ...مش هيحصل لاني مش فاضية ورايا مشاوير
يزن ...محسسانا انك مديرة أعمال...دا انتِ يا دوب دكتورة صيدلانية ولا راحت ولا جات
فريد .....هتعملي الاكل ولا مفيش خروج
فجر ...ايه الغتاتة دي ...وبعدين أنا استأذنت بابا محدش فيكم ليه حكم عليا
يزن ...بقا كدا ...طيب ورينا هتخرجي ازاي
.....نو نو ...نو ....سيبوها بقا كرهت كرهتوها في الصنف كله
فجر ....بابا يا بابا...يا بابا
عامر ...ايه الهيصة دي في ايه
يزن ...شوف بنتك اللي مدلعها ...عايزة تخرج واحنا هنموت من الجوع
.....نو نو ....قال مدلعها قال ...دي البنت هتطفش منكم
عامر ...بس النهاردة يوم اجازتها ...والمفروض ان الغدا النهاردة عليكم
فريد ...بس احنا تعبانين وعايزين نرتاح
عامر ...وهي كمان من حقها ترتاح زيها زيكم ...مش عشان أنا ديمًا باجي في صفكم واقول أخواتها الرجالة ...يبقا تيجوا عليها
....نو نو ...ايوا بقا انصفها ولو مرة يا راجل
***وخرجت فجر وهي الدنيا مش سيعاها ..اخيرًا باباها نصفها
*****************************************************************
***دخل عامر اوضته ...وفضل يعيط وماسك صورة مراته ....وهو بيقرأ جوابها ...ان فجر بتكره اخواتها عشان باباها بيفضلهم ...وانها خايفة لما تسيبها متلاقيش ليها سند ...دي امانتي يا عامر
عامر ...حقك عليا يا ام فجر ....انا كنت بفرق بين فجر وأخواتها ...بس اوعدك يا غالية اني من دلوقتي عمري ما هفرق بينهم ...دي حتة منك يا غالية
***عند يزن وفريد
يزن ..يعني بقا يا بوب ...خلاص اتدبسنا
فريد.....انا عملت المرة اللي فاتت مكرونة وبانيه
يزن..انت هتقولي ...مكرونة معجنة ...والبانيه مقرمش من برة ...وني من جوة
فريد ....بس تنكر انه مقرمش
***زقه يزن
يزن ...طيب قوم ....عشان أنا مبعرفش اعمل حاجة لوحدي
فريد ....قوم يخويا قوم ...ربنا يكون في عونها اللي هتتجوزك
يزن ...وهي هتلاقي في حلاوتي فين
فريد ... يا اخي اتنيل
***********************************
**عند فجر وشهد
شهد ...وحشتيني يا فجر اوي
فجر ....يا بكاشة ما انا كل جمعة عندك
شهد ....وبتوحشيني ما بين الجمعة للجمعة
فجر ...هحاول اصدقك ...بس يلا بينا نجري بقا عشان نشتري الاسكين كير بتاعي ...بقالي تلت شهور بحوش
شهد .....استني طيب ....تعرفي ان اخويا عمر رجع امبارح....اقصد الرائد عمر اخويا بلا فخر رجع امبارح
فجر ...اه يعني أنا مالي مش فاهمة
شهد ...ماما مصممة نتغدا كلنا الأول......وبعدين نخرج
فجر ...انتِ بتهزري .....مقولتليش ليه قبل ما اتنيل اجي واضرب المشوار دا كله
شهد .....الحق عليا يعني ....وبعدين بصراحة وحشتيني اوي ...ووحشني كمان مشمش واكيد هو كمان وحش لولي ...مش كدا يا مشمش
.....نو نو ....اه وحشتني أوي
فجر ...دا مش مبرر يا شهد .....فاكرة اخر مرة اتقابلنا انا واخوكي وخدني القسم كمان .....ولولاش عرف اني صحبتك كان هيبيتني في الحجز
شهد ....احم ....متنكريش انك كنتِ غلطانة
....انا هحكيلكم اللي حصل.....ايوا انا مشمش ...وانتوا تحكموا مين اللي غلطان
فلاش باك..
فجر ...فينك يا شهد بقالي ساعة في المول ...وتقوليلي وصلت وصلت ...امال وصلتي فين
شهد ....يا حبيبتي انا في حمام المول ....القهوة وقعت على الجيبة واتبهدلت ...بس عمر زمانه جييكي
فجر ...فينه المنيل...دا كمان ....اه ..مش تفتح يا اعمى
عمر ...بعتذر يا آنسة...وبعدين فتحي عينك كويس بدال ما عمالة تتكلمي في الفون وتخبطي في الناس
فجر .....اما انت بجح صحيح
عمر ...طيب لمي نفسك
فجر .....قبر ما يلمك يا بعيد ...كمان خابط فيا وليك عين تبجح .....وهقول ايه ما انتوا صنف قليل الأدب ومش متربي...عمركم ما تعترفوا بغلطكم
عمر ...ايه بكبورد فتح في وشي ....كلمة كمان وهاخدك على القسم
فجر ...انا مبتهددش يا أبا
عمر ...حلو اوي قدامي بقا
...بااااك
...احكموا انتوا بقا
فجر ...مش مبرر برضه يا شهد انه يبهدل أنثى كدا زيي
شهد ...يا شيخة دا انتِ ست مفترية
فجر ...انا المفترية ...ولا اخوكي اللي بيستقوى على الناس بمنصبه
شهد ...دا عمر دا حتت بغاشة ...مسيرك تعرفيه
فجر ..لا شكرًا مش عايزة اعرفه
عمر ...مين دا اللي مش عايزة تعرفيه
شهد ....هااا ..لا متخدش في بالك انت
**فجر بصتله من تحت لفوق كدا بقرف
عمر ....بتبوصيلي كدا ليه يا بت
فجر ...بت ما تبتتك يا بعيد ...يا ريتها قعدت عليك هي وبت وبتولدك...وكنا ارتحنا منك
عمر ....انتِ ايه يا بت ...لسانك دا متبري منك ...مبتحرميش ولا ايه
فجر ...اه متبري مني ملكش فيه
عمر......طيب لمي نفسك بقا ...وخلي بالك انا مبعدش كلامي مرتين واظن انتِ عارفة
***افتكرت فجر اللي حصل ..وبلعت لسانها
*******************************************
**عند مشمش
....نو ..نو ...يا بت يا لولي ..بصي عليا بقا
لولي...نو ..نو ....انت ايه اللي جابك يا غتت انت
...نونو ...ليه بس كدا يا بستي دا أنا حتى بحبك
لولي...نونو ...حبك برص يا بعيد
.....نونو ..ليه بس ..مش ناوية ترضي عني ونتجوز بقا
لولي..نو نو ...بقا انا اصبر اصبر ...وافطر على بصلة ...وكمان لونها برتقاني
...نونو ...بقا انا مشمش اتشبه بالبصلة
***نرجع للغدا
فجر ...تسلم ايدك يا رشا بجد الاكل تحفة
عمر ...رشا كدا حاف
شهد...هما متعودين على بعض يا عمر
عمر ...بس مش للدرجة دي واحدة كد امها
رشا ...على قلبي زي العسل ..اطلع انت منها
فجر بشماتة ....يا كسفتك يا حازم ....اه لو كل واحد يخليه في حاله
عمر ...انا ملاحظ انك خدتي عليا زيادة عن اللزوم ودا مش حلو عشانك
فجر بخباثة ...شايفين بيهددني قدامكم ......مش عامل اعتبار ليكِ يا رشا
رشا.....ولا يا عمر انت هتكبر عليا ولا ايه ...اتفضل اعتذر دي مهما كانت ضيفتنا
عمر ...بقا عمر البسيوني يعتذر
رشا ...ايه هتعترض على كلامي كمان ...هو عشان انت بقيت رائد هتشوف نفسك على مامتك
عمر ..انا
رشا ...لو معتذرتش ليها انا مش أكلة
عمر ..وهو بيجز على سنانه....اسف يا أستاذة فجر ...حلو كدا
فجر ...يعني ماشي الحال
شهد....خفي العب شوية ليقوم يبلعك
فجر ...هو أنا لسة عملت حاجة ...هي شوشو حطتلي فلفل اسود في الشربة
شهد ...اه وربنا يستر بقا عشان لو عمر عرف ان الفلفل الأسود دخل بيتنا ...هنعمل كوفتا
عمر ..بتتوشوشوا تقولوا ايه انتوا
فجر ....لا ابدًا بس انا حاسة ان طبق الشوربة في حاجة ...ما تدوق كدا
**شهد في نفسها ...استر يا رب
وعمر داق من هنا ...وعينكم ما تشوف الا النور
فجر بهمس ...هو هيتحول ولا ايه
***عمر وشه بقا زي الطماطم وعينه برقت ...وعروقه برزت ....وبقا يكح جامد
شهد ...خد اشرب ماية خد
***وبعد ما شرب وهدي
رشا ....سلامتك يا ابني
عمر بصوت ...مبحوح ...مين اللي حط فلفل اسود في الأكل...وانتوا عارفين اني عندي حساسية
رشا ...انا حطيت بس في طبق فجر لأنها بتحبه
**بصلها عمر بصة ....وكأنه هيبلعها
عمر ....وانتِ كنتِ عارفة اني عندي حساسية ...وخلتيني اكل منها
فجر بتوتر ...هااا ...لا صدقني مكنتش اعرف
***انفجر فيها عمر بعصبية
عمر ....انتِ باين عليكِ مجنونة ...انتِ ايه مبتفكريش .....كان ممكن اروح فيها .....انتِ فين عقلك ...وانتِ مين عشان تهزري معايا كدا ...انتِ بايخة ...وبايخة أوي كمان....والمفروض يا محترمة لما تعرفي اني موجود متدخليش البيت دا ....لأنك بنت ...ولا بنت ازاي ..هو في بنت بتتصرف كدا
***فجر صعبت عليها نفسها أوي....واتمنت الارض تنشق وتبلعها
فجر بصوت مبحوح ...وهي كاتمة عياطها....عندك حق انا اسفة اني جيت عندكم ....صدقني انا عمري ما هخطي هنا تاني
***وجريت فتحت الباب ومشيت
*******************************************
***مشمش كان بيجري وراها وينونو ...وهي فضلت تجري لحد ما وصلت للبحر...وانفجرت في العياط
....نو نو ...متزعليش يا فجر
***فجر فضلت تبكي بحرقة وتعيط
فجر ...جرحني بكلامه أوي يا مشمش.....مكنتش حابة اتحط في موقف زي دا
....نو نو ....عمر دا شخص رخم
****قرب منها مشمش وكان بيطبطب عليها
***بصتله فجر وابتسمت
فجر ......مش زعلانة يا مشمش...كدا كدا كلهم شبه بعض ...القسوة دي في دمهم
***وبعد حوالي ساعة ...رجعت فجر بيتها
********************************************
***في البيت
كان يزن وفريد بيحضروا السفرة ....ودخلت فجر
يزن ...تعالي ...تعالي شوفي عمايل ايديا وحياة عنيا
فجر .....ماليش نفس
عامر ...دا ازاي بس يا بنتي .....اكلتي برة ولا ايه
فجر ...لا يا بابا ..بس تعبانة شوية
عامر ...تعالي عشان خاطري ...مش هينفع اليوم كلت تبقي كدا
فريد ...متفوتيش العرض المغري دا ...دا احنا عاملين لازانيا ....وكمان يزن عامل كوفتا
يزن ...اما الحلو فعملنا جيلي
فجر ...بالهنا على قلبكم...بس انا مش قادرة
عامر ...يعني انتِ عايزة بابا ما يكلش....مش هاكل غير لما تاكلي
***وهنا الأخوات التلاتة بقوا يبصوا البعض... اللي هو من امتى باباهم بقا يتصرف كدا ...وكمان نبرته بقت حنينة اوي مع فجر ...ودا مش من عادته
فجر ...هو حضرتك بتكلمني انا يا بابا
عامر.....اه ...مالك مستغربة كدا ليه
فجر بفرح...لا ابدًا ...هاكل عشان خاطر حضرتك
فريد ....يبختها مراتي بيا ....هتلاقي فين شاب حليوة وملتزم ...لا وكمان بطبخ حلو
عامر ...ربنا يسترها عليها ...هتعيش في المستشفى على كدا
فريد ...اتريقوا ..اتريقوا ...بس لما تدوقوا ...هتاكلوا صوابعكم وراها
يزن ..طيب يلا نسمي الله وناكل
ولسة بيبدأوا اكل ...فجر تفت في وش يزن
فجر ...ايه الطعم دا
عامر ...يا خبتكم ...عاملين لازانيا محلونة
فريد ...ولا يا يزن ...احنا حطينا سكر بدال الملح
يزن ...يا كسفتنا ....تعبنا راح على الفاضي
عامر ...عجبكم كدا
فريد ...غلطة يا حج غلطة ....ناكل كوفتا
***وبياكل عامر الكوفتا لفيها بتشد...وعمال يشد ...وهي تشد
عامر ...هي دي الكوفتا .....ربنا يكون في عونهم اللي هيتجوزوكوا
يزن ...احم ...عندك حق يا حج
***فجر بضحك...يا خسارة المواعين
فريد ...نعم يختي ...انتِ اللي هتغسليها
عامر ...يعني مبوظين الاكل ...وكمان بجحين ...عقابًا ليكم ...انتوا عليكم غسيل المواعين...وتوضيب المطبخ...مش كفاية هتكلفوني ...غدا من برة
يزن ...قوم يا خيبة خلينا نلم
فريد ...قوم يخويا ...لا وايه ...عمال تقولي الشيف يزن ..الشيف يزن ...لحد ما فضحتنا
*****************************************************
***في بيت شهد
رشا ...امتى هتبطل الخصلة اللي فيك دي
عمر ...برضو اللوم عليا انا
شهد ...على فكرة هي متقصدش
عمر ...ليه عيلة صغيرة مش عارفة الصح من الغلط
رشا ...بطل بقا ...وبعدين لولاش عارف ظروفها ...نفسي مرة بس تعرف تسيطر على ردود أفعالك الهمجية دي ...ليه تكسر بنفسها كدا
عمر ...هي اللي غلطانة ...وبعدين أنا مقولتش حاجة غلط ...هي ايه اللي جابها وانا هنا ...مش عاملة نفسها انها بتكره الرجالة ...وقرفانا بوستات الفيس بتاعتها
رشا ...هي مكنتش تعرف انك هنا ....دي كانت متفقة انها تخرج هي وشهد النهاردة
عمر ...وانا طرطور هنا ...مش المفروض اعرف ولا ايه
***شهد بتحاول تستوعب كدا وتجمع الكلام
شهد ...ثانية واحدة كدا ...وانت اش عرفك انها بتنزل بوستات عن الرجالة على الفيس
عمر بتوتر ....هااا.....عادي عرفت بالصدفة
شهد بصدمة ...عمر ...هو انت بتراقب فجر
عمر بتوتر ...بطلي عبط بقا ...انا هراقبها ليه يعني ...باين عليكِ اتجننتي ...انا خارج من وشك
لولي.....انا لازم اقول لمشمش على اللي حصل...بس هوصله ازاي بعد ما زعلته ...اكيد مقموص مني دلوقتي...منك لله يا عمر
************************************
***عند فجر
عامر ...يلا الاكل وصل ...تعالي يا فجر
فجر وهي مستغربة التحول اللي بقا باباها فيه
فجر.....حاضر يا بابا
يزن ....الله ...الله يا حج ...دا ايه الدلع دا
فريد ....الأكل ريحته تهبل
عامر ...ايدك منك له ....الأكل دا لفجر ....هي لو رضيت تاكلكم معاها يبقا فل ...مرديتش يبقا تاكلوا من العك بتاعكم
يزن ....لا بقا يا حج ....انت بتفضل فجر علينا ...من الصبح وانت مش على بعضك ...تكون سخن
عامر ...سخن في عينك يا واد ...وماله لما اطلعها مش بنتي الوحيدة
فريد......بس يعني تي فجر زومبي عشان تاكل كل دا لوحدها
عامر ...ملكش فيه
***فجر كانت واقفة على جنب كدا ...مش مصدقة ان دا باباها ...وان كل الحنية دي كانت جواه ....واشمعنى دلوقتي قرر يطلعها
عامر .....تعالي يا فجر يا حبيبتي
فجر .....هااا....حاضر يا بابا
عامر ....بصي طلبتلك بيتزا بالفراخ عشان عارف إنك بتحبيها
فجر ....شكرًا ...شكرًا اوي يا بابا
عامر ...يا هبلة ...حد بيشكر ابوه
بدأوا اكل ...واول مرة فجر تحس باهتمام باباها ...كان طول عمره قاسي ميعرفش عنها حاجة ...كانت تخاف تطلب منه أبسط حقوقها ....وكانت اللي معوضاها عن كل دا مامتها ....فلما ماتت فجر دخلت في أزمة حرفيًا ....كانت بتبكي بهستريا ....وعدت الفترة عليها بسبب دعم صحبتها شهد ليها
*************************************************
****نرجع لعمر ...وهو على البحر
****عمر في نفسه .....هو أنا غلطت لما زعقتلها اوي كدا
عقل عمر ....لا مغلطتش ...هي بنت رخمة اصلًا هي مين عشان تهزر معاك كدا ...وبعدين اهو بسببها انت تعبت دلوقتي
القلب .....لا انت غلطت ...انت عارف ظروفها ...وانها وحيدة ...وبعدين عي مكنتش تستاهل منك كدا
دالعقل ...بس يا حنين انت ...محدش جايبنا لورا غير أفكارك....وحنيتك الزايدة دي ...ما تنشف كدا
القلب .....بس انت يا معدوم المشاعر والأحاسيس...سيب الراجل يحس بالذنب ...دي مهما ان كانت بنت ...متتحملش القسوة دي
العقل ....ايوه ابتدينا في المحن بقا ....دا حضرة الرائد عمر ....عايزه يبقا خيخة ولا ايه
القلب ...هو انت كدا ديمًا عدو الفرحة ...وبعدين الراجل عنس عنده 34سنة ...ولحد الآن متجوزش بسببك يا معقد
عمر لنفسه ....باااااس .....ايه الصراع دا ....انا فعلًا غلطت ...ولكن هي السبب في دا كله ...واهو اللي حصل حصل بقا
***وقام عمر راح... الكافيه المفضل ليه عشان يشرب قهوته ...ويهدي نفسه من الصراع دا
******************************************
***نروح لشهد
شهد ...شوفتي ابنك يا ماما ....انا من الصبح عمالة ارن على فجر ومش بترد عليا
رشا ...بصراحة حقها يا بنتي .....انا تعبت منه اخوكي دا ....بيبعد كل الناس عنه بسبب اسلوبه واندفاعه المبالغ فيه دا ...ولسانه اللي في الزعل بينقط سم
شهد ....طيب اعمل ايه يا ماما انا قلقانة عليها اوي
**تدخلت قطتنا لولي
لولي ...نو نو ....نروحلها ...ونصالحها
شهد... مش فهماكي يا لولي
لولي ....نو نو ....ايه اللي مش مفهوم في كلامي يعني ...بقولك نروحلها
شهد ...يووووه مش نقصاكي انتِ كمان
لولي...نو نو ...وانا مالي يا لمبي ....هو انتوا بتيجوا على الغلبان
****فشدت لولي طرف بنطلون شهد ...وراحت عن الباب
شهد ...مش وقت خروج دلوقتي يا لولي
لولي.....نو نو...انتِ غبية ولا ايه
***فراحت لولي عند صورة فجر وفضلت تشاور على الباب
رشا ...افهمي يا بت هي قصدها انك تروحلها
لولي....نو نو ...اخيرًا فهمت فهمتوني بقا
شهد ...بس لو عمر عرف ممكن يبلعني
رشا ...استني لبكرة ...وانا هكلمه ..وان شاء الله خير
شهد ...يا رب يا ماما
****************************************
***نروح لاسي عمر
خالد ...اهلًا اهلًا ...الرائد عمر بنفسه ...يبقا في مصيبة
***نوقف هنا شوية اعرفكم على خالد ....خالد دا كان ظابط شرطة وزميل مقرب لعمر ...ولكنه قدم استقالته بسبب جريمة اتحكم على صاحبها بالإعدام وهو بريئ....وفتح مافيه وكبره...وفتح فرعين كمان في محافظات مختلفة ..ولكن هو بيفضل فرع اسكندرية ...لانه كان أول خطوة ليه في كل حاجة مختلفة ..واول قرار صح
**نرجع لابطالنا
عمر.....اتريق يخويا اتريق ....بص انا على اخري فهات قهوتي لاني راسي هتنفجر
خالد ...سلامتك يخويا ...بس طول ما جيت يبقا حاسس بالذنب ومحتاج خبرتي
عمر ...هتشوف نفسك عليا هقوم
خالد ..بطل تسرعك دا اقعد بقا ....هجيب القهوة واجيلك نتكلم
عمر ..هو انت فاضي ولا انا معطلك
خالد ...افضالك يا باشا ...عيب دا انت الشق
****بعد عشر دقايق
خالد ..اتفضل وفضفض يا باشا
***عمر حكاله على كل اللي حصل
خالد ...انت غبي يا ابني ...مش هي البنت دي اللي انت معجب بيها وكنت مشدودلها ....ولا انا غلطان
عمر ...احم ...اه هي
خالد ...ولما هي يا رني آدم...بتعمل معاها كدا ليه ....بتضيعها من ايديك ليه
عمر ....اهو اللي حصل ...وبعدين ما هي غلطانة
خالد ...حتى ولو ..المثل بيقول حبيبك بتبلعله الظلط.....وانت بسم الله ما شاء الله بتبلعها هي
عمر ...متقطمنيش الله ...مش هتبقى انت وقلبي عليا ...انا اول مرة احس الاحساس دا...قلبي موجوع عليها
خالد ....انت جرحتها ..وجرحت كرمتها ....وبعدين شكلك وقعت يا شق ولا حدش سمى عليك
عمر ....وقعت ايه بس .....دا مجرد إعجاب وتعاطف بسبب حياتها ...هو أنا مش حكيلك
خالد ...انت بتضحك عليا ولا على نفسك ...انا اول نظرة اشوف عنيك بتروح وتيجي كدا لما بتتكلم عنها ...وبتقلب طفل صغير ...الوحش عمر ...بيبقا طفل ....اوعاك تخسرها يا عمر
عمر ....يووه بقا متزودش الحمل عليى يعني اعمل يعني
خالد.. بص بقا ...انت زي الشاطر تروح تجبلها هدية وتعتذرلها
عمر ...انت باين عليك اتجننت انا اعتذرلها ...وكمان اجيب هدية
خالد ...متكابرش ....الكبر في الحب بيضيعه....بص يا صاحبي نصيحة مني ...انا اول مرة اشوف جبل اتحرك ....فطول ما قلبك مال امشي وراه ...ومتخسرهاش
عمر ...خلاص ...هخلي شهد هي اللي توصلها الهدية
خالد ...احم ...طيب وانا مش ناوي تريح قلبي
عمر............
