رواية لا أمان لك الفصل العاشر 10 بقلم ورود الخالدي

البارت١٠والاخير

@أبرز المعجبين 

امنية:::

من طلع من بيتنا كعدت اعاتب ماما واكولها 

شلون هنت عليج تتفقين ويا عليه شلون مأمنه بيه لهلدرجة وفضلتي تخليني بهيج موقف حتى هو يحصلني ويرتاح!!

حضنتني بسرعة وكالت:

ولج يمه انتي متعرفين النار البكلبي من اشوف البنات الي بعمرج معرسات ومخلفات ولو مو هذا السبب الاساسي الي خلاني ..اتحمل اسوي هالسوايه الي..مستحيل على كل ام تسويها..يمه ..يعمر من اجه حجه وياي حسيت هو شكد يحبج ومشتريج..اني مو غشيمه عن اليحب يمه هذا يعمر الماراضيه بيه راح يخليج اسعد مرة بالدنيا..هسه تكولين مو امان وعنده ماضي وارجع اكولج انتي يمكن ممعاشرتهم لا هو ولا اهله لان روحاتج الهم من الشاكة ..باكة..اني يمه يوميه عدهم وشايفه حياتهم واعرف مكانة يعمر بالبيت..اعرفة زلمة معدل ونشمي..بنيتي الي شايل هم امه وابو وهم اخوانه زغار وكبار حتى المزوج يخلي بجيبة مصرفه هذا..نامي بسده وامني مو شغله ماديات وبس..لا..شغله قابلية على تحمل المسؤولية شغله رجولة وشهامة ووفه واخلاص للعائلة العايش بيها..ذوله عائلته شحال من ياخذ مرة..ذبح روحة..وما اتنازل عنها وقبل ..يجي يتوسل بامها..ويكولها ساعديني اذا ما اخذها اموت..ما اكدر اعيش بدونها..هسه تتزوجيه وتتعلمين عليه..وتكولين امي من سوت هالشكل مغلطت والحمد لله زوجتني لهيج رجال..

يوم يعمر..صح يحلفلي ويحاول يطمني بس كلبي ..ممطمن!!

لان جان يشرب ويدور نسوان..وداعتج معظم الزلم بشبابهم ماخلو باب مادكو بس شنو بستر وبسكته..الفرق انه يعمر مجان يعترف بحجي الناس يتصرف بلي يعجبه وجان مالاكي بنيه يحبها..وتخلي باله بالحب والزواج ومن حبج..هاي هيه عقل وصار ادمي..لتضلين توهوسين وتخربين فرحتج باجر عرسج ..افرحي تره البنيه مرة وحده بحياتها تفرح..وهيه بليلة عرسها..اطمني يمه ..والله هذه كلها تصير سوالف ..من تعيشين سعيدة وبسد رجال يحبج ويحترمج..

خليت راسي ع رجلها وكلت:

الله كريم..يوم اني خلصت عمري صابرة وممعقوله رب العالمين ضاملي شي موزين اكيد يجازي صبري بخير!!

اي عفيه بنيتي العاقله هالشكل فكري..كومي نزعي بدلتج واكليلج لكمه..ونامي وارتاحي حتى تصبحين مثل الورده..

ماشي ماما..

راحت ماما نامت بغرفتها هي ورفوله واني بقيت بالصاله كعدت شويه افكر بكلام ماما بعدين كمت بدلت..وطلعت اكل اكلت شويه . ..شو تليفوني كل شويه يجي اشعار فتحته لكيت رسائل ع الواتس برقم يعمر...يااا شو هذا دخلي ع الواتس كتبتله

اريد انام..تالي وياك..نطردك من البيت تطلع بالتليفون

رأسا اتصل..فتحت اتصال:

شتريد!!

ليش مخليتيني ابات..؟؟

شلون بله واذا بتت شتحصل..!

شلون شحصل ..هوايه احصل..احجي لو تكولين مستهتر..

اي اكول مستهتر..

امنية..امج نامت!!؟؟

اي نامت..

انتي مشفتي الغرفة مالتج غير سويتها تخبل..شتكولين لو اجي اجيبج لبيتنا مادام كولهم نايمين تشوفيها خمس دقايق وترجعين!!

يله تعال!!

صدك..اجي!!بروح ابوج اجي

وروح بابا ..اله اخليك بالشارع مشتول بالبرد من كل عقلك تحجي!!

اهون عليج!!

والله تهون ..وتهون...وتهون ..عبالك هاي هيه ..وعبالك اكتفيت بالعضة من سوايتك السودة..وجذبك..لك شلون هنت عليك مو تكول احبج..اكو واحد يعيش حبيبته بهيج كابوس ..ممصدكة بنفسي شلون مفتت للمطبخ وجبتلي سجينه وضربتك بكلبك ع القهر والحركة العيشتني بيهن!!

ههههه..تضربيني سجينه والله وكحة وتسويها ما استبعدها منج اويلي ايدي..ورمت من العضة شلون عضه مال حقد..وكره...بس لتلوميني وحدي اصلا كوله منج ..ولج اجيتج..واني ميت شوك وحب وحنان ولهفة وكتلج اريدج على سنه الله ورسوله وانتي شلون بكل برود..ما اريدك ما اقبل بيك حتى لو تصير نبي..كلت هاي متريدني حتى لو صرت نبي لعد خلي اصير شيطان بلكي تريدني!!

شيطان شنو اصلا الشيطان يكعد بالرحلة الاخيرة ويصفكلك!!

هههههه..هسه معلينه بالشيطان....راح اجي اطلعيلي اجيبج وياي اشوفج غرفتنا وارجعج....خمس دقايق..وارجعج!

هلو..هلو خوش عليك خمس دقايق..روح نام راح اقفل موبايلي....باااااااااااي

وسديت الاتصال وفقلت موبايلي ..شعباله ..اضل اتسامر ويا للصبح. ثاني يوم جان يوم عرسي رغم كولشي بس من اعترفولي قبل يوم عرسي شويه كلبي ارتاح يمكن لو باقين مكايليلي ع الحقيقة جان اليوم حسيته مو يوم عرسي لا يوم موتي ..المهم اخذوني للصالون واني طبعي ميتغير ما احب التسريحات الهوسه والماشات الكومه والشعر المثبت بسبريه جنه عظم اول مبلشت بيه ام الصالون كتلها اريد مثل تسريحة سيلين بمسلسل بنات الشمس هيج تسريحة بسيطة ونازكة وطوك على كصتي ويا بركع خفيف ..مشكل ..من وره بماشات قليلات بس المكياج كتلها انتي بكيفج مكيجيني وبصراحة سوتلي مكياج يجنن ..واني اصلا عيوني حيل كبار وعندي خدود..حلوات طلعت..كولش حلوه واخذوني من الصالون..للقاعة ..وهناك جانو الكل موجودين بصراحة..الكل فرحانين..بس..نازك مموجوده ويه بتها بالمستشفى لان بعدها بالخدج....طبعا شكد شفت عرسان فرحانين باعراسهم بس مثل الفرحة..الي بعيون يعمر مشفت حيل فرحان وجماله الناس حاسين بفرحته..حتى اخو صفوان يشوفه ..طاير من الفرح يكوله:

على كيفك ويه روحك خلي الطاقه هاي مال الفرح لتوالي الليل..

هو يضحك..وكل شويه يباوع بعيوني خو من كعدنا لازم ايدي وكل شويه يدنه ويهمس باذني

احبج..

اني ادنك واستحي خلصها عليه من بدت الكعده بالقاعة الى ان زفونا الغرفتنا..احبج..احبج..احبج ..عبالك..معنده غيرها..من فرحته..ومن دخلنا لغرفتنا ..واهله فاتو ويانا يهوسون من رادو يطلعون..كلهم:

ديروا بالكم احد يدك الباب علينا لو ينفجر الفندق لحد يفكر يدك عليه الباب..اكلب الدنيا..

ضحكو وراحو..

اخذني من ايدي وكعدني كباله دنكت حيل مستحيه..منه وفوكاها ادري بيه شكد متلهف واعرفه مستهتر ..والف فكرة وخوفه صارت ابالي يربي شلون حيتصرف وياي..هذا ..الخبرة..بس هوواول مكعدنا لزم ايدي..وكلي..

شيلي راسج بعد عمري..

شلت راسي ..ابتسم..وكلي..

يعني اني موخوش ادمي جنت..شعجب الله هالكد يحبني..

ابتسمت ودنكت اعرف شيقصد مد ايده ع حنجي ورفع راسي..

والله احجي جديات..الله شكد يحبني وانطاني هالنعمة..الي ميحلم بيها اي واحد..

اني ساكته بس اسمعه..كلي:

ليش ساكته..متلوكلج السكته اني متعلم ع البي كي سي ..ترمي صلي ..بوجهي..

ضحكت..

ههههه..يعني غير عروسه واستحي؛

منين تستحين..بله..شو من عرفتج وعرفتيني ميانتنه فول وواحد ..يقسم للثاني هسه استحيتي..

دنكت اخذ ايدي فتحها وباسها ونزعني محابسي وحلقتي اني محجيت بعدين.ادنه نزعني التراجي والكلادة كتله:

شنو تريد تبيعهن؟؟

..خرب ضحك:

ههههه..لا..مو ذني يصيرن مثل الفاصل بيناتنا اني ما اريد فواصل اصبري..

خررب فشلني يكولي صبري.سكتت شكد عيب هذا يفشل الميتفشل خلي اسكت احسلي..

فتح البركع والطوك..الي ع كصتي والماشات شمرهن ع الميز..وراديفتح سحابه بدلتي كتله..

فدوة يعمر مو اكو حمام هنا خلي اروح انزع البدله هناك..فدوة والله استحي..

امنية تستحين شنو كتلج ما اريد فواصل !!❤️❤️❤️🤭🤭

فدوه..فدوة اروح اني ابدل هناك.واجي حباب..

اويلي امنية تتوسل😏..يله روحي..الج دقيقة ونص..

ركضت..فتحت الجنطة واخذت الروب وفتت للحمام..بسرعة حتى متخلص الدقيقة نزعت البدله ولبست الروب..مستعجلة ..وطلعت:..بس كلبي يدوك..لكيته نازع السترة وفاتح قميصه كام لزمني من ايدي وكعدني..كباله..وكلي..

ادري بيج وافقتي كوه..بس مثل مكتلج راح اخليج تكولين ياريتني عرفتك من سنين ومضيعت دقيقة من عمري بعيدة عنك.

.اخذني بحضنه وبقه شابكنني يمكن ٣دقايق وكلي..الحمد لله صرتي الي..الحمد لله ضاع موبايلج..وخلاني اصادف احله صدفه بحياتي..وبده يبوس بشعري وبركبتي...هيج بوسات هادئات..وهالكد مجان حباب وحنين خلاني..هديت وكلبي اطمن..وصرنا لبعض..ومستحيل اوصف الطريقة ..الرومنسية الهادئة الرقيقة االشفافة الي تعامل بيها وياي حتى صرت اله..وخلصت ذيج الدقايق على خير..مجنت متوقعة..لطفة وعاطفته ولهفته ومحبته الي حسيته صدوك يحبني..وهالكد موصلي احساسه..فكرت واني بحضنه يعني هو جان ابو نسوان وبنات هم جان هيج حنين وحباب ورمانسي ويتصرف هالشكل وياهن..بقيت افكر حتى من دخلت للحمام سبحت وبدلت..وطلعت وكعدت امشط شعري..وهالكد مجان عندي فضول اعرف سألته:

يعمر!!

عيونه

اكدر اسألك سؤال زغيروني!!

اي ..سألي بكيفج سؤال وغيروني ..سؤال جبيروني ..براحتج ..روحي انتي:

يعني..اقصد انت..

وسكتت..

اي شبيه اني!!

اقصد انت حيل حباب وعاطفي وحنين..انت..من جنت تعرف بنات ..هم جنت تتصرف وياهن هالشكل؛؛

شفته ضاج وكلي..

امنية شنو الداعي لهلسؤال مو كتلج كولشي انتهى..ليش تفكرين بهيج اشياء..

دنكت كتله:

ماشي اسحب سؤالي:

اجه ..لزم ايدي واخذ المشط خلا ع الميز وكومني كعدني كباله وكلي:

اجاوبج..لتضوجين...شوفي امنيه وثقي بالله ..عرفت نسوان بكد شعر راسج الحلو هذا بس وداعة امي وابويه بعمري مخليت حلكي بحلك بنيه بعمري محضنت بنيه..بعمري مطولت ويه بنيه اكثر من ربع ساعة مجرد..تفريغ غريزة وبس ولتتصورين اني..فد يوم اهتميت لبنيه لو فكرت بيها..ولو هالحجي يمكن مو محله بس والله ربع ساعة واشمر عليها فلوس واطلع من..يمها احس نفسي جزعانه من الدنيا..ولتتخيلين ابد ..انه الحرام فد شي حلو..لا والله جربت الحرام ويه كل اشكال النسوان بس ..ملكيت بيه لحظة وحده حلوه تساوي لزمة ايدج هاي..تعرفين ليش لان الحرام يحسس الرجل انه هو مجرد حيوان يشمر غريزته بلحظات وتخلص ..بس الحلال شي مختلف هيج..احساس اله طعم ما اله وصف وما اله مثيل..احساس يشبه المشاركة بالمشاعر يخلي الانسان مو بس يفكر بمتعته لا..يحاول بكل طاقته يحسس...حلاله بكل نفس بكل لهفة بكل لحظة متعة....واني كشخص شاف وعاف ..اكول الله يطيح حظ كل واحد يفضل الحرام المعفن..ع الحلال الطاهر..والله يطيح حظ كل رجال عنده مرة بت اوادم وصاينته وممقصره ويا ويروح يدور عليها..حرام...فانتي ..انسي..فد يوم عيني راح تشوف غيرج لا والله وحق حبج..الي احلف بيه لان اعتبره من مقدساتي....

وهالكد متاثرت بكلامة كتله:

الله يخليك الي..

ويخليج لكلبي ولروحي..

وبقينا نسولف ..للصبح منمنه جانت..مثل مكالت ماما احلى ليلة اعيشها بحياتي..وتمنيت كل ليلة بحياتي تكون هالشكل وفعلا يعمر ..مخيب..ضني ..ومرت الايام وكل يوم احسه يحبني ويدللني اكثر زواجنا جان ابداية الشتا جان يطلع العصروبس تصير الساعة بثمانيه اعرف راح يتصل من يتصل يكولي:

جاي حبيبتي..جاي وبردان حضريلي حضنج..

ويجي من وكت وبعد ميطلع الا لثاني يوم..عشت اول ٣,شهور من زواجي كولهن عسل وحب..ورومنسيه..بس جنت احس انه اني..مو مثله هو يعبر عن حبه بكل الطرق اني حته ما اكدر اكوله حبيتك..حبك الي..ودلالك واهتمامك خلاني احبك واموت عليك..بس للاسف مجنت اكدر اعبر مرات يسالني..ويكولي:

.شوكت تحبيني ..استحي اجاوبه شكد اني لسان وجريئة بس استحي اكولها..دائما جنت اغير الموضوع لو اسكت هو..هم ميلح..يمكن متفهمني ..وره ال٣شهور..صارت فد شغله غيرت كولشي وخلتني اتجرأ اكول الي بكلبي..جان هو بالشمال كم يوم يتفق ويه جماعة يبيعون سيارات ومن رجع ..للبيت فات وهولابس كمامه وجفوف واول مدخل كال:

اني مصاب..بكورونا وما انام مستشفى تعرفوني ما اتحمل مستشفى راح اصعد لغرفتي ممنوع اي بشر يدخل لغرفتي ...احاجيكم ع الواتس اذا احتاج شي...الاكل يصعدلي بادوات سفري ..استعمال واحد..واني اجمعهن بسطل وانزلهن اذا كدرت ممنوع اي احد يصعدلي ويدوك الباب خصوصا امي وابويه ومرتي..علاج جايب وياي مال اسبوعين واذا احتاج اوكسجين اني اتصل..واخلي..مضمدين يصعدو الي..صار معلوم.

امه راسا بجت..

اهووو..لحد يبجي مراح اموت..بس ما اريد اعدي احد منكم اعيد واكرر لحد يصعدلي لاي سبب الاكل تخلو بالباب وترحون..

اني صافنه بوجهه متقرب مني بس كلي'

امنية ممنوع تصعدين نحجي ع الواتس..ماشي..

سكتت..

ماشي؟؟

شفته مختنك كوه يحجي مردت اتعبه ..كتله

ماشي..ماشي

 ..وصعد فوك بقه ٤ايام ساد الغرفه عليه بس اصعدله الاكلةواحاجيه ع الواتس احس كلبي رايح مني ..متعودة انام بحضنه من تزوجته لليوم وعلى ريحة جسمه تغفه عيني ما اكدر اتحمل هووفوك ومريض..ومن افتح كامره احس وجهه مخطوف وكوه يتنفس..بيوم الرابع صعدتله الريوك ونزلت صعدت وره ساعتين لكيته مماخذ الاكل..اتصلت واتس مجاوب عقلي طار..بعد ما اتحمل ابقه جوه صعدت دكيت الباب حيل جاوبني صوته ضعيف ..

منو..ديدك بالباب..

اني امنية..

شتريدين اتصلي بيه..

انت متجاوب يعمر افتحلي الباب خلي اشوفك..

وج روحي مبيه شي..

بجيت 

يعمر افتحلي الباب الله يخليك..

انتظري واوكفي بعيد..

وره شويه فتحلي الباب لابس كمامة ..وشكله بالموبايل مو مثل الحقيقة حيل متغير لان هو ميطلع حتى مينزل للحمام الجوه لان ..يروح للحمامات الفوك..فميخلي احد يلتقي بيه صار اربع ايام حابس نفسه واني ميته من القلق عليه وهلكد مقلقانة ومشتاقتله بس فتح الباب ركضتله وشبكته..

يعمر..بعد عمري شلونك..متت من القلق..انت حيل متغير..

خطيه مصخن كوه دفعني عنه وكلي:

وج تخبلتي....طلعي لا اعديج..

من لهفتي ركضت مره لخ فاجأته نزعته الكمامه وبسته بحلكة حيل..وبسرعة بجيت كتله:

اعديني..اني اريدك تعديني حتى ابقى يمك..

خررب..امنية..ليش ..ليش هالشكل حبيبتي هاي كورونا مو لعب..

رجعت شبكته..

اعديني خلي ابقه يمك صار اربع ايام كوه اغمض عيني ما اكدرانام اله بحضنك وع ريحة انفاسك وجسمك تغمض عيوني

شلت راسي باوعت بعيونه هو كح ودار وجهه ورجع كلي:

وج متتحملين ..شايفه شلون كوه اتنفس وجسمي كوله يوجعني..متتحملين..!!

هاي هيه اعتبر نفسي انعديت ما اطلع من يمك والله ..والله..

جرني بحضنه بس هيج بهوه ايده وكلي،:

هاا..تحبيني امنية متنامين اله يمي ..عادي تتمرضين بس كون تبقين يمي!!

اي..احبك..والله احبك شعندي..غيرك..

حضني وكال..يعني مكلتي احبك اله وكت كورونا؛؛

ضحكت كتله ..

هههههه..كورونا تجمعنا!!

وبقيت يمه فعلا انعديت منه ههه..بس اني اداريه وهو يداريني الى ان طبنا اثنينا ورحنا حللنا والحمد لله تحلينا صار نظيف يعني ماكو كورونا...وره كورونا بكم..شهر صرت حامل.. واكثر احد فرح بحملي ماما خصوصا من اخذت سونار وره فتره وطلعت حامل بولد..الحمد لله يعمر وفه بوعده..وعيشني ملكة..مثل موعدني...

انتهت❤️❤️❤️❤️❤️❤️

احبتي تخبركم روايتي بعده امور ونصائح اولها نصيحة هامة لكل شاب يعيش حياته بين احضان الفواحش والرذائل ففي سطور الرواية شرح مفصل ..نوعا ما..لما تخلفه حياة الفاحشة من اثر سلبي على شخصية الفرد وسمعته..وصوره عائلته في المجتمع..ونصيحيتي له اغني نفسك بالحلال واكسب رضا خالقك ورضا الناس ورضا نفسك....

ثانيا تتضمن الرواية نصيحة هامة لكل فتاة وهي ان تحافظ على عفتها وتضع خطوطا حمراء بينها وبين اي شاب يصادفها ...او يجمعها به موقف ما....وان تضع عائلتها نصب عينيها ولا تتصرف في الخفاء دون علمهم..كان تخفي تعرض احدهم لها او محاولته التحرش بها..لان لذلك ابعاد ونتائج لاتحمد عقباها..

 اما النصيحة الثالثه..فهي ايضا للشباب..وفيها اقول..لهم ان وجدت الحب الحقيقي الذي بامكانه تغييرك نحو الافضل فلاتتخلى عنه ..واسعى للوصول اليه بكل قواك..

اتمنى ان تكون..سطور..روايتي قد راقت لكم واستفدتم من محتواها..وامتعتكم..فصولها..اكتبوا لي..

احبكم❤️❤️❤️❤️❤️❤️❤️❤️

انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم

شكرا لزيارتكم عالم روايات سكيرهوم