رواية ومن الحب ماقتل الفصل الحادي عشر
وقبل ما نبدأ الحلقة نوحد الله ونصلي علي خير خلق الله سيدنا محمد. وعلي بركة الله نبدأ
بسم الله توكلت علي الله. وهو رب العرش العظيم
ومن جوة شقه عاصي يقعد عاصي وكان مع عز وعاصي كان في حاله لايرثي لها الشاب الوسيم اصبح مهمل في نفسه ومستني الموت في اي وقت فبص له عز وقال
ماينفعش اللي انت في ده
عاصي بياس
هو ايه اللي ما ينفعش انا كل ليله بخاف انام لمصحاش كل دقيقه بستني الموت ومش عارف مش عايز يجي ليه
عز
اهدئه يا عاصي مش كدة
فيقف عاصي بانفعال ويهجم علي عز ويقول
هو ايه اللي مش كدة انت ما جربتش يعني ايه مرض ويعني ايه موت بيقرب منك
ويمسكه من لاياقه القميص بمنتهي العنف ويقول
وبعدين انت ايه اللي جابك. انت لسه بتسال عليه عايز تشوفني وانا بموت وتشمت فيا. صح
عز وهو يختنق يقول بصعوبه
انا اشمت فيك. ده انت صاحبي الوحيد. سيب القميص هاتخنق. وهاموت
عاصي وهو يزيد من قوة المسكه
ماتموت. ما انا هاموت اشمعني انا
عز احمرت عيونه بسبب الاختناق وامتناع الدم من الوصول الي المخ وكان بيحاول ابعاد عاصي عنه ولكنه ماقدرش فقال بصعوبه
عاصي. انا بتخنق
عاصي
فرحان فيه زي ماكلهم فرحوا فيه لكن انا مش هاخلي حد يشمت فيا ولا هافضل مستني الموت. فاهم يا عز انا مش هاستني الموت انا اللي هاروح له
وساب قميص عز فوقع عز علي الارض وهو جثه هامدة فبص له عاصي مستغرب ايه اللي حصل ونزل علي ركبته وحاول يفوق عز و قال
عز انت موت. يا بختك موت وارتحت. انا كمان عايز اموت وارتاح.
وقف وخرج من شقته، ،،،،،
وبعدها بساعه يقف عاصي قدام المعلم صابر في مخزنه ويقول له
أنا نصبت عليك يا معلم وفلوس مش هتاخد واللي عندك اعمله. يالا خلي رجلتك يقتلوني
فضحك صابر هو ورجالته وقال
فلوس ايه اللي مش هاخدها
عاصي
فلوس البرشام
فضحك صابر كمان مرة وقال
الفوس جت لغايه عندي
عاصي باستغراب
جت. ازاي
صابر
امبارح بالليل عز جالي وباع لي الارض بتاعته اللي ورثها من ابوه
اتصدم عاصي وقال لنفسه
عز. عمل كدة عشاني بس يا خسارة مالهوش لزوم
وراح عاصي عند رجل المعلم صابر وباسها وقال
ابوس رجليك اقتلني.
صابر
يا ابني قتل ايه بس انت شايفني سفاح. وبعدين ابعد عني عشان المرض اللي عندك ده لتكون معدي ولا حاجه
وبص لرجالته وقال
خدو وارموا برة ،،،،،،،
وخرج عاصي من عند المعلم صابر بعد ما الرجاله رمو بالقوة ومشي في شوارع القاهرة وبص للعربيات وفكر ان يرمي نفسه قدام العربيات وهي ماشية بسرعه ولكنه خاف ورجع مرة تانية في قرارة لغاية ما رجع شقته ودخل الشقه والهم والحزن مرسومين علي ملامحه وشاف عماد وعبير ووداد وشمس واقفين قصاد منه بص لهم بلا مبالاة وقال
أيه وحشتكم جايين تشوفوني
عماد وهو باصص لجثة عز المرميه علي الارض
حتي صاحبك ماسلمش من غدرك
عاصي وهو باصص لجثه عز قال
كنته فاكرة جاي عشان يشمت فيه اتاري كان بيحبني بجد وباع اللي حلته عشاني
عماد
مش هو بس اللي كان بيحبك بجد وباع حاجات كتير عشانك.
وبص عاصي ل شمس اللي كانت باص له بقوة غريبة عليها وقال عاصي
عارف ان زي ماموت عز موت شمس لما غدرت بيها
بصت له شمس بتحدي
لا. انا لسه عايشه. مش عيب اني اختار غلط مرة العيب أني اكمل في الغلط وانت ولا غيرك من اللي بيلعبه بقلوب البنات حرام الدنيا تقف عند خسارتهم انا هاعيش واكمل حياتي ولو قلبي افتكرك تاني او رجع ينادي عليك يبقي الموت اهون لي.
بص لها عماد وهو فرحان بكلامها وقال وهو باصص ل عاصي
شوفت بقي بنت عم امام عرفت تنساك وانت حتي واقف قدمها بقيت مش شيفاك. مش كدة وبس دي شمس اللي جايه من وراء الجاموسه زي ما انت قولت هي اللي علمت عليك
عاصي بأستغراب
علمت عليه
بص عماد لشمس ووداد وعبير وقال لهم
هو ما حدش قاله ان شمس هي اللي كانت بتحطي له البرشام في العصير اللي بيخلي يصدع ويحس بهمدان في جسمه
شمس
لا. نسيت اقول له
عماد باستهزاء
يعني ينفع كدة. اهو صدق انه عيان وهايموت
وبص عماد لعاصي ويقول
متخافش انت سليم بس انا وعدك اني هاخليك تموت موته تليق بيك واهو خليتك كل يوم تتمني الموت ومش عارف تموت
عاصي والدهشه تتملك منه
يعني انا ماعنديش ورم في دماغي
عماد وهو يغمز له بعيونه كحركه أستفزازيه
ولا اي ورم انت صحتك احسن مننا كلنا. وفرصه بقي لغايه ما يجي البوليس احكي لك اللي حصل.
ومسك عاصي معدته ويتالم وعماد يقول
بعد ماخرجت من عندي من المكتب واتفرجت علي الفلاشه اياها اتجننت وكنت عايزا اكسر الفلاشه واقتلك. لكن ربنا هداني لفكرة ان بالفلاشه دي تبقي انت فضحت نفسك قدام شمس اللي كانت ما بتصدقش حد غيرك وينقلب السحر علي الساحر وعن طريق شمس ابدا انتقم منك وخد الفلاشه واللاب وروحت لشمس ،،،،، ،
ونرجع بالاحداث قليلا الي اليوم اللي كانت شمس في بتقيس فستان الفرح واثناء ماكانت وداد بتتخانق مع شمس يسمعوا الاثنين صوت خبط علي باب الفيلا فنزلت وداد وفتحت الباب فلقيت عماد قدام منها فبصت له وقالت
الحقني يا عماد يا ابني
عماد
في ايه بس
وداد
انا تعبت من شمس ودماغها الناشفه مصممه تتجوز عاصي
عماد
ماتخفيش انا جاي النهاردة عشان امنع الجوازة دي واكشف عاصي لشمس علي حقيقته
وداد فرحا
بجد طيب ادخل
ودخل عماد وقعد وتنادي وداد علي شمس وتنزل شمس وبعد التحيه بينها وبين عماد حكي لها عماد كل شي تم بين عبير وعاصي واتفاق اخته معه وبعد ما قال اللي عنده حط عماد الفلاشه في اللاب توب بتاعه وشغل الفلاشه وتشوف وداد وشمس اول كام ثانية من الفيديو وما قدروش يكملو الفيديو وشال عماد الفلاشة فتنصدم شمس وتعيط بحرقه وتبعد اللاب توب بايدها وتقول شمس
الحيوان. طيب وعبير عامله ايه
عماد
عبير. لسه بتسالي علي عبير بعد اللي كانت عايزا تعمله فيكي
شمس
ربنا يسامحها. المهم هي حالتها ايه دلوقتي
عماد
سايبها نايمه وحالتها صعبه جدا
وداد
بنتي. انا لازم اكون معها وماسيبهاش لوحديها
عماد
انتوا ازاي كدة. ازاي بتعرفوا تسامحوا بسرعه مع انها كانت،،،،
فتقاطعه وداد
ما فيش وقت للكلام ده. احنا لازم نكون جنبها هي دلوقتي محتاج لينا كلنا اكتر من اي وقت تاني
شمس
صح. لازم نكون جنبها وقبل اي حاجه لازم نجيب حقها من عاصي
عماد
شمس انتي اللي بتقولي كدة
شمس
أيوة انا. عبير زي اختي ولازم حقها يجي. وقبل ما حقها يجي.
تنزل شمس الي عند رجل وداد وتبوس رجليها وتقول وهي بتعيط
حقك عليه كنت هابيعك بالرخيص وانتي الغاليه
فتبص لها وداد وترفعها لفوق وتاخذها في حضنها وهي بتعيط وتقول
مسمحاكي يا بنتي. المهم دلوقتي حق عبير
وتبص وداد لعماد
اقبض عليه وخليهم يعدموا
عماد
مش هاقدر. لاني بيهددني لو قبض عليه الفيديو هاينزل علي النت
شمس
طيب والعمل
عماد
لازم العب معه بوساخه زي ما بيعلب معانا كلنا بوساخه
وداد
شوف انت ناوي علي ايه واحنا معاك
عماد
اول حاجه لازم نعملها ان الجوازة دي ماتمش
شمس
غلط
عماد
غلط
شمس
عشان تنتقم من اللي زي عاصي ده لازم تلعب معه نفس اللعبه اللي بيلعبها معانا وده كلامك. بمعني انك تعشمه بان هو المتحكم في كل حاجه وكل اللي بيحلم بي اتحقق وفجاة يصحي من حلمه يلاقي نفسه بيخسر كل حاجه لا وكمان الموت بينادي عليه
عماد
يعني تقصدي نحاربه نفسيه
شمس
بالظبط. ده في علم النفس اصعب انواع العذاب انك تستني الموت والموت مايجيش
عماد باستغراب
شمس. انا مش مصدقك ازاي انتي اللي بتفكري في تدمير عاصي
شمس وهي بتمسح دموعها
عشان اخد حق قلبي. جرح القلوب بيوجع قوي وانا حبيته قوي وزي ما حبيته زي ما هاجرحه
عماد
طيب وازاي عايزا تتمي الجوازة يعني هتباتي في حضنه
شمس
مش هايلمس شعرة مني انا هادخل الفرح عذراء وهاطلق منه عذراء
عماد
مش قادر افهمك
شمس
عاصي لازم يخاف من الموت وفي نفس الوقت بيتمني الموت ودي بقي شغلتي، ،،،،،،
ونرجع ل شقه عاصي وهو لسة باصص لهم ويتوجع ويمسك معدته وعماد يقول
وفعلا جيت الفرح انا وعبير وعملنا نفسينا هانقتلك وشمس حطت لك برشامه في العصير اللي شربته من ايدها ليله دخلتك والليله اللي بعديها واللي بعديها وحتي لما جيت شقتك فضلت شمس تحط لك البرشامه في الميه اللي بتشربها والبرشامه دي بتسبب صداع وبتعلي الضغط بشكل يخوف وبتعمل همدان في الجسم وصدقت انك عيان وعن طريق الدكتور شوقي خلينا الدكتور التاني ياكد لك انك عيان وعشمناك بانك هاتخف وخرجت من اوضه العمليات باتفاق بينا وبين الدكتور.
وبص ل شمس وقال
شوفت بقي اللي جايه من وراء الجاموسه عملت فيك ايه يا اذكي مجرم انا كنت بتطاردته في حياتي كلها
فيص عاصي ل شمس وهو واقع علي الارض بيتوجع
انتي يطلع منك ده كله
شمس
ماتلومش علي بنت بتاخد حق قلبها
فيخرج دم من بوق عاصي فبص له عماد وقال
ايه الدم ده انت عملت ايه في نفسك
عاصي
قبل ما أطلع علي هنا شربت سم عشان مافضلش مستني الموت
ويتوجع بشدة ويصرخ ويغمض عيونه وتخرج روحه لخالقها وله من الله ما يستحق، ،،،،،،
وبعد اللي حصل بشهر ومن قدام بيت سيف يقعد سيف ومعه مراته وهي بنت عمته واسمها حوريه وكان سيف بيتكلم معها وهو بيضحك فتقف قدامه شمس وتبص له فيبص لها ويتوقف عن الضحك فتلاحظ حوريه تغير وش سيف وشمس تقول له
سيف ازيك
سيف بحدة
عايزا ايه
شمس وهي بتبص لحوريه قالت
ممكن أتكلم معاك لوحدينا
سيف
قولي اللي انتي عايزا انا ما بخبيش حاجه عن مراتي
فتنصدم شمس وتقول
مراتك
سيف
اه. ولا انتي كنت فاكرا اني هاموت من بعدك
حوريه. وهي بتبص لشمس
سيف هي دي شمس
سيف
اة. هي دي شمس اللي حكيت لك عنها شوفتي حلوة ازاي
ثم مسك سيف ايد حوريه وباسها بكل حب الدنيا وقال
بس انتي احلي منها في عيني وحبك في قلبي نساني اللي شوفته منها
فتعيط شمس وتمشي وسيف ما يبصش ليها ويكمل كلامه مع حوريه مراته ، ،،،،
ورجعت عبير تقرب من شمس ووداد ورجعت من تاني وداد ام لعبير وعماد. وقدر عماد يقبض علي المعلم صابر واترقي عماد وبدا يكبر في شغله وفضلت الايام تلف وتدور وعماد حبه لشمس بيكبر وشمس بدات تحب عماد لاهتمامه ولي خوفه عليها وكل شي يقول ان العذراء اتولد في قلبها قصه حب جديدة لكنها مش مسمومه وتخرجت شمس وتزوجت عماد وعاشت شمس في القاهرة العاصمه وراحت الحسين وراحت الاهرمات وفضلت مبهورة بي اضواء العاصمه، ،،،،،،،،
تمت بحمد الله
