رواية مابين العشق والكبرياء الفصل الثالث عشر
حصل شئ مفاجئ في عربيه معتز
زين .......وقف وقف يامعتز بسرعه
معتز.......مالك يازين في ايه
زين .......اصل انا لسه مفطرتش وشكل العربيات مدوخني مش عاوز اعرض عيوني ليهم
معتز......طب البس النضارة وهنجبلك اي حاجة تاكلها واحنا معديين
زين ......لا سبني اقعد ورا وهات ريماس قدام
معتز.......ابتسم لقتراح زين وقال لو ده هيريحك تعالي ياريماس انتي قدام
ريماس........طب ماتخلي انجي هي اللي تقعد قدام
زين .......انتي قطاعت ارزاق طول عمرك
ريماس........قولتلي طيب يا خويا يا نحنوح تعالي ورا
زين نزل من العربيه وقال لريماس وهما بره ......احبك وانتي فهماني
معتز.......بعد ما ركبوا بدأ يتحرك تاني وقال
معتز........مارينا حلوة اوي مش كده يا زين عقبال ما اخد مراتي كده جنبي في العربية زي ريماس بظبط وسحب ايد ريماس ومسكها وافضل ماسك ايدها كده زي ريماس بظبط
ريماس......مكسوفه من معتز ومش عارفه تعمل ايه
ريماس..... مراتي مراتي مش اما تتجوز الاول
معتز واطي ع ودن ريماس وقال منا اصلا متجوز
ريماس.. ....وشها احمر من كلمه معتز ومش عارفه تقول ايه
زين ...... الا قوليلي يا انجي هو انتي حلوة كدة ع طول
انجي ......سكتت ومعرفتش ترد عليه ووشها احمر
زين.......اي ده الطماطم دي كسوف ولا البلاشر زيادة شويه
انجي......احمرت اكتر بس المرة دي من الغضب ......تحب اقولك من ايه ومتزعلش
زين .......والنبي خليك شاهد يامعتز عليها اهي دي بقي كائن متوحش في وش ملاك
معتز.....بيبص لريماس ويقول ماهي مش جيباه من برة
ريماس......هي كمان اتعصبت تقصد مين يامعتز
معتز.......شايف يابني جبت انا حاجة من عندي عشان تعرف دول قوين ميقدرش عليهم الا ربنا
زين......المفتري عليه ربنا ياظلما
ضحكوا الاربعه لكلمه زين
وكان. طول الطريق هزار وضحك وغنا
اغنيه سهر الليالي
ونسيوا الاربعه ان معاهم حد تاني غيرهم عاشو الكام ساعة في ضحك وبس
زين .......اي يا ريماس كم الورد ده طالعه من مشتل
ريماس .. .....مش احسن من اللي فرحان بركبه كتك نيله دنتا حتي معضم
معتز.......تقصدي اي بقي
انجي .....اللي ع راسوا بطحه بقي
ضحكت ريماس ع رد انجي السريع
زين ......لانجي مابلاش انتي ياحجة فتكات بامثالك الشعبيه دي عملالي قاموس الحجة ذكيه للامثال الشعبيه
معتز.......ههههه حلوة حلوة يا زين
ريماس ......هيهيهي هي اي اللي حلوة يا معتز بسبوسه انت جعان ولا ايه
معتز........مابلاش انا يا حجة ازهار
انجي ........ازهار وده عند مين بقي
زين ..........عند ام ربيع اللي بتشتري وتبيع
فضل الاربعه يضحكوا طول الطريق ع بعض
وبعد مرور بضع ساعات وصلت عربيه معتز اللي كانت سبقاهم عربيه محمود وكانوا قامو بالحجز وللاسف ملقوش الا 3 اوض بس فاضين
قرار الشباب يقعدوا في اوضه واحدة والبنات يارا ومنه في اوضه وريماس وانجي في اوضه
طبعا ال3 اوض جنب بعض فقرر الشباب ياخدوا الاوضه اللي في النص عشان يخلي بالهم من الاربع بنات
اول ما وصلوا
معتز........انا هلكان تعبان بقالي حوالي 7 ساعات سايق خلوني اكل وطلعوني انااااام
زين. ......وانا كمان جعان جدا
ريماس. ......انا بقي محتاجه خروف
ضحك الكل ع ريماس
واتجهوا لمطعم الخاص بالفندق اكلوا وكلهم اتجهوا ع اوضهم عشان يناموا
خلص اليوم وابتدا اليوم الجديد
نزلت ريماس وهي لابسه برتكول جينز وبادي مخطط ابيض في اسود وكوتشي اسود وتوكه طوق بيضه
انجي .....كانت لابسه بادي بينك ع كوتشي ابيض وبنطلون جينز ولفت شعرها شكل كحكه وحطت دبوس شعر فيونكه بينك كبير في اسفل كعكه الشعر
معتز اول ماشاف ريماس .....بصلها بغضب
معتز......اطلعي غيري البنطلون ده حالا
ريماس......ماله البنطلون فيه حاجة
معتز.......فيه ان نص رجلك باينه اطلعي البسي بنطلون طويل
ريماس....بس ااااا انا
معتز......بنبرة حادة مش هكرر كلمتي تاني
راحت ريماس ....تغير ولبست بنطلون جينز بس طويل
نزلت لقت يارا موجودة ولبسه جيبه جينز قصيرة وبادي اسود عليه رسوم باللون الروز الفاتح والكوتشي اسود
ريماس.....استغربت ان معتز مكلمش يارا ع لبسها
قعدوا ال 7 وفطروا
زين .....ها هنروح فين
انجي .......انا عندي اقتراح ريماس بتحبه اوووي
معتز.......يبقي انا موافق عليه من قبل ماتقوليه
محمود.........انا كمان طبعا موافق
يارا. .....مش لما نعرف الاقتراح الاول تبقوا توفقوا
انجي ......ع فكرة هيعجبك لانه بيعجب اي بنوته في الدنيا
ريماس.......اوعي تقولي .....ملالالالاهي
صوتت ريماس وانجي عند ذكر الكلمه وقاموا اتنططوا من مكانهم
منظر سعدتهم خلا محمود ومعتز وزين يستسلموا لاختيارهم
اضطريت يارا ومنه يسايرو الموقف
فطرو الكل واخدوا عربيتهم
في الملاهي بقي
معتز. .....انا هروح التكيتس واجي
جاب معتز التذاكر ودخلوا
اول ما دخلوا
محمود.......سحب ريماس من ايدها واخده وفضل يجري ناحيه بيت الرعب
معتز.....اضايق جدا منه واخد يارا وراح ناحيتهم
كل اتنين بيركبوا في عربيه
ركبت ريماس وقبل ما يركب محمود نط معتز مكانه
معتز......معلش يامحمود اركب انت مع يارا بقي
اضايق ...محمود ويارا بس ركبوا سوا
انجي ومنه وزين مع بعض والنيران مشتعله
زين.......متهيئلي بوضعنا ده نركب السجادة هي المكان بياخد 3 افراد
راحوا ع السجادة ومنه كانت عاوزة زين يقعد من جوة وهي جنبه وبعدها انجي
رفض زين وقعد في النص بينهم بحجه ياخد باله من الاتنين
نروح ع بيت الرعب
معتز .......حط ايده ع كتف ريماس وقربها لحضنه جامد
ريماس ......اي ده انت بتعمل ايه شيل ايدك
معتز.........لا انا مرتاح كده
ريماس......ودت وشها النحيه التانيه وابتسمت
يارا ومحمود .....في طريق ضلمه اووووي وفجأة يارا
يارا.......ااااااااااااااااااااااه ((احسن هههههه😂😂😂 ))
فجأه ظهر وش شبه المـــــــ سخ والانوار طالعه من عيونه وبتنزل من بوئه مادة لونها احمر
معتز ........حاضن ريماس وكل مايلاقي مكان ضلم فجأه يغمض عيون ريماس بايده
عند زين
اول ما السجادة اترفعت
صوتت انجي بصوت عالي جدا وكمان منهغمضت عيونها وفضلت تصوت
زين مسك ايد انجي جامد ومبقاش سايبها
منه كل ده مغمضة وبتصوت
زين في عالم تاني عمال يبص ع انجي
خرج معتز من بيت الرعب وريماس وشها احمر من كتر الكسوف
خرجوا بعدهم يارا ومحمود ويارا عامله تعيط من اللي شافته جوة
فضل الكل يضحك ع منظر يارا
ونزل زين ومنه وانجي من السجادة
انجي ......دنا هشرب ينسون لشهر قدام صواتي راح
زين........فضحتينا يقولوا علينا بنعمل ايه 😈😈
جريت انجي ورا زين بعد مافهمت كلمته وزين بيجري وعمال يضحك والكل بيضحك عليهم معدا طبعا يارا اللي بتعيط ومنه اللي هتموت من الغيظ
محمود..............ريمو قوليلي تحبي نروح فين
ريماس .........بص يامحمود ياخويا ان كنت ناوي تعزمني ع ايس كريم فانا معنديش ايتها مانع اروح معاك
محمود .......بقول نروح فين مش تاكلي ايه وايه ايتها دي عموما ماشي ياستي عاوزة ايس كريم ايه
معتز.........انت شكلك بخيل يامحمود اقولك انا
هتلنا انا وريماس ايس كريم بالشكولاته انجي وزين هتلهم ايس كريم كابتشينو اما بقي منه ويارا الصراحة معرفش ممكن تاخد يارا معاك
محمود........لا انا هاخد ريمو معايا
ريماس.......خلاص خلاص موافقون انا جاية معاك
معتز......اضايق من تصرف ريماس
حولت يارا ......تتقرب من معتز بس صدها معتز لانه كان متعصب ومضايق
زين .......اي يا ميزو مش هنكمل لعب انا بقول نلعب المنخل
معتز .......خد البنات والعبوا استني اما يجي محمود
جيه محمود وريماس .....وبتضحك ريماس بصوت عالي شافها معتز قام متعصب عليه
معتز......بغصب وعصبيه.صوتك يا مدام عالي واطي صوتك الناس بتتفرج عليكي
ريماس.....😨..تنحت من اللي قاله معتز قاعدة تقول يارب محدش يعلق ع كلمه مدام دي
محمود.......ههههه ايه يامعتز انت بيت الرعب اثر عليك ولا ايه ريمو لسه مبقتش مدام بس ادعيلي انت بس وتاخد هي اللقب ده
سمع معتز الكلمه مسيطرش ع نفسه الا وهو ايه قابضه ياقة محمود
محمود......اهدي يا معتز والله انا اقصد في الحلال
معتز.......هتعصبني عليك اكتر ليه
ريماس.......سيبه يامعتز
معتز.........انتي كمان عجبك يا هانم انه يقول عنك كده
زين........بسرعه لحق الموقف وهدا معتز وخد محمود ع جنب وقاله ان ريماس تعتبر اخت معتز واكيد هي قالتلك فهو مبحبش حد يتعدي حدوده ولا معاها ولا مع انجي
استوعب محمود كلام زين وراح اعتزر لمعتز
بس في نيته حاجة تانيه ناوي يعملها اما يرجعوا القاهرة
زين ......يلا بقي فكوا كده عاوزين نلعب لعبه الصراحة
راحو قعدوا ع تربيزة وجابوا ازازة وكل واحد بدأ يلف الازازة بالدور
اول حاجة يارا وجات الازازة عند زين
يارا .....بنظرة خبث قولي يازين اي اكتر حاجة بتشدك في موني
زين ......بص لانجي اللي حس انها اضيقت من السؤال ورد قال ...هو ممكن شقاوتها
منه ......تسلملي ياروحي
زين ....بصلها ببتسامه صغيرة وسكت
يارا .......الحب ولع في الدرة يا موني
جيه دور محمود وجت الازازة عند انجي
محمود......انجي انا بلاحظ ان ملامحك هادية ومع ذلك انتي مجنونة بمعني الكلمه احب تعرفيني ع انجي الحقيقية
زين ....بصوت يكاد يكون مسموع ..شكلي انا اللي هخلص عليك مش معتز
محمود.......بتقول حاجة يا زين
زين ......لا ابدا بقول سؤال كويس
انجي .......امممممم اقولك انجي بنوته عادية جدا بيجذبني اي شئ رومانسي وهادي يعني ممكن افرح بوردة وابتسم اوي لشكولاتاية بدوب اوي من ابسط كلمه حلوة تكون طالعه من القلب
بس في نفس الوقت مش ساذجه يعني محدش يضحك عليا بمشاعر مزيفه مسمحش لحد يفتكرني عبيطة بس دي انا
معتز......شابوووووه احييكي يا انجي
لفت منه الازازة وجات عند معتز
منه ... . قولي بقي يا معتز في بنت في حياتك ولا لا وقولنا صفاتها
معتز.........صفاتها بنوتة بمعني الكلمه فيها جمال عامل زي جمال الملايكة سحرتني وقت ماشفت عيونها المغمضه وشفيفها اللي لون الورد وهي نايمه ع شباك التاكسي
ريماس.....اتنبهت للكلمه وافتكرت لما كانت رايحه وزرة الدفاع ونمت واما صحيت في الاشارة حست ان كان في حد بيبص عليها
كمل معتز كلامه .......بتحسي اد ايه هي قويه كأن مفيش راجل ممكن ينتصر عليها بريئه اوي لدرجه السذاجة وقويه اوي لدرجه العند ولما بتتقمص بقي دور الولد ههههههه بحس اني شايف نفسي اللي هي عايزة تشوفها فيا
انجي .......هيييييح دي مين دي اللي عملت فيك كل ده
معتز. . ..ة.بتلقائيه شديدة .....مرااتي
الجميع في صوات واحد
مرااااااااااااااااتك
ريماس ......عيونها كانت قربت تدمع من كلام معتز معقولة معتز شايل كل الحب ده جواه ليها هي معقول يقصدها
لاحظ معتز .....عيون ريماس وحس انه اتسرع لما قال كده كان لازم يصرحلها هي قبل اي حد وقرر يحل الازمه دي
معتز ......طبعا مراتي في المستقبل ان شاء الله
ريماس ......اتنهدت وكان حمل واتزاح من عليها
انتهي اليوم ده بانهم راحوا ع الفندق اتعشوا في المطعم وكلهم طلعوا ع اوضهم عشان ينامو
---
وابتدا يوم جديد المفروض هيقضوه في البحر خلونا نشوف لبسهم
منه نزلت وكانت لابسه لبس مكشوف جداً
شفها زين اللي كان لابس تيشرت كط وشورت شاطئ بالوان كتير اضايق من طريقة لبسها لكن محسش ان دي غيرة نهائي عليها
وكمان يارا اللي كانت لابسه لبس مقارب من لبس منه بس طويل شويه عنها ( هو لبس تبع السباحه وكده طبعاً عارفين انا اقصد ايه صح، بس انا محبش اوصف حاجة زي دي تمام)
معتز معترضش ع لبس يارا وحس انه مش من حقه يقولها تغير لبسها
جري معتز ع السلم قبل ما ريماس وانجي ينزلوا
خبط ع الباب
ريماس ......بتفتح
ريماس ........اي يامعتز احنا كنا هننزل
معتز .......انا جاي انبهك لو لبسك معجبنيش مفهاش طلوع من اوضتك مش من الفندق فهمتي يا مدام
ريماس.......خافت تتجادل مع معتز صوتهم يعلي وانجي موجودة قامت قالت ....مدام ولبسي طب روح يامعتز استننا تحت
نزل معتز وبعده بشويه نزلت ريماس وانجي اللي كانوا لابسين
مايوه اسلامي محترم عليها رسومات كتير مابين اوراق الشجر والالوان المتدخله
محمود ........قمر في اي حاجة بتلبسيها يا ريمو
ريماس ......ابتسمت لكلام محمود
معتز.....في نفسه ربنا يعدي اليوم ده ع خير قبل ما اقتله واخلص
((تفتكرو اليوم هيعدي ع خير خلينا نشوف ))
اتجهوا جميعا الي الشاطئ نزعت يارا ومنه ملابسهم لتكشف عن اجسادهم فتجذب انظار كل من كان موجود ع الشاطئ الا ابطالنا ال3
زين .......حاسس ان لاول مرة بحس ان الجمال هو فعلا الجمال المستخبي زي جمال انجي مش عاوز عيون تشوفها غيري
معتز .......والله ريماس لو لبست كده كنت دبحتها لولا مليش حكم عليهم كان زماني مرجعهم الفندق بمنظرهم المقزز ده
اما ريماس ويارا فكانو لابسين مايو بردوا بس مايو شرعي بدون الحجاب الخاص بيه
معتز......اول ما شافهم ابتسم جدا وحس ان هي دي الزوجه اللي تستاهل تشيل اسمه بجد
معتز ومحمود وزين قلعوا تيشرتاتهم لتظهر اجسامهم تلك الاجسام الرياضيه التي ارتسمت كل جزء منهم بعضلاته المقسمه
زين......الظاهر تدريبات الجيش كان ليها فضل كبير عليكم انا بفكر ادخل الجيش انا كمان
نزلوا كلهم المياة فضلوا يغرقوا بعض
فجأه غطس معتز لتحت وااااااا
ريماس...........ااااااه
فضل الكل يضحك ع ريماس
خرجوا من المياة وقرروا يلعبوا كورة فريق البنات مقابل فريق الشباب والفريق الفايز كل شخص فيه هيختار شخص من الفريق الخسران ويطلب منه طلب
ابتدا الحماس
الكورة مع فريق البنات بتسجل ريماس اول نقطه
بيمسك معتز الكورة وبيضربها مبتعرفش تلحقها يارا وبيسجل نقطه التعادل
انجي بتضرب الكورة بيصدها زين وبترجع قوية في اتجاه منه بتعرف تصدها بترجع تاني ومبيصدهاش محمود وبتبقي 2:1 لفريق البنات
بيشتعل الحماس اكتر وكل فريق مصمم ع الفوز
بيجيب زين النقطه التانيه بيكون التعادل من تاني بس معتز بيحصل ع ال3 وبتنتهي المبارة بفوز فريق الشباب
ويلا خلونا نعرف العقوبه
معتز...اول واحد بيختار وبيتعمد يقطع المسافة ع محمود لانه عارف انه هيختار ريماس
معتز.......انا عقوبتي هتبقي صعبه جدا وانتي اللي هتنفذيها يا ريماس
ريماس........انا عارفه حظي المنيل وقعني معاك ليه قول يا سيدي
بيقول معتز انا هروح الحمام وارجع اقولك ((الحقيقة معتز ناوي يأجل العقاب لحد مايبقوا لوحدهم ))
محمود.......وانا هختار منه
منه........انت شكلك احول انا عارفه قول ياعم وخلصني
محمود. ......عاوزك تروحي لحد الكافيتريا تطلبي مشروب وتشاوري ع واحد من اللي ع البحر وتقولي ان هو اللي طالبه
بالفعل .....راحت منه وكلهم بيرقبوها الاول وقفت اتكلمت مع شخص من اللي قاعدين ع الشاطئ وعرفت اسمه
راحت ع الكافيتريا وطلبت كميه مشروبات كتيرة جدا ونادت عليه وهي هناك فبتسم وشاورلها
مشيت منه وراحت نحيتهم واستخبوا ورقبوا الموقف
الخناقه اللي قامت بين الجرسون والشخص ع سعر المشروبات فضل الكل يضحك
وجه دور زين .....اللي اختار انجي
زين .....عقابك هيكون سهل جدا هتمثلي دور انك بتحبيني
وانا ادامك دلوقت وحاولي تمثلي دورك برومانسيه بقي وتقولي بحبك وكده
انجي......كانت مكسوفه شويه بس اقنعت نفسها ان دي لعبه
انجي.... . زين انا عايزة اقولك انا من اول لحظة شفتك فيها من اول موقف بنا وقت ما بتضحك وقت ما بتهزر بحس اني اكتر واحدة فهماك كل الناس بتقول عنك طايش وبتاع بنات انا اكتر واحدة عارفه انك بقلب واحد وبس قلبك قفله ب100 قفل معايا بس مفتاحهم جوايا ليك احساس مهما اوصفه مش هقدر اديله حقه نظرة عيونك ليا وانت حاسسني اوي وقت مابحس انك عاوز تحضني بعيونك وتخبيني من الدنيا دي
زين انا اناااااااااااا. انا بحبك
منه .......كان فضلها شويه وتموت انجي
زين ......😍سهم وحاسس ان كل كلمه بتقولها انجي من قلبها اوي كانها حاسه بيه زي هو كمان ما حاسس بيها
معتز ......حس بانجي وبزين وابتسم واتمني يكون احساسه صحيح
محمود..... انجي والله انتي لو اشتغلتي ممثله هتاخدي الاوسكار
اتجه الجميع للفندق
معتز.....ريماس تعالي معايا ثانيه
اخد معتز ريماس وبعد شوية
معتز.......روحي البسي انا عزمك ع العشا بره ومتجبيش حد معانا لان متنسيش ان عليكي عقوبه
ريماس .... هي دي العقوبه يعني
معتز......لا هتعرفي العقوبه لما نروح
طلعت ريماس غيرة هدومها وكان كلها كاجول مكنتش لاقيه حاجة مناسبه واخيرا اختارت
تلبس فستان اسود طويل صيفي قررت تضفله بعض اللمسات عشان ينفع يبقي فستان كلاسيك
فرفعت شعرها لفوق ع هيئه كعكه منفوشه ونزلت خصلتين من جنب ودنها رفيعين ولبست حلق لؤلؤه وسلسله رفيعه فيها لؤلؤه نفس شكل الحلق
وحطت حزم يشبه السلسله ع الفستان لتعطيه مظهر مناسب ولبست جزمه عاليه
ونزلت لمعتز اللي كان لابس قميص سادة من اللون الاسود مع بنطلون من الجينز الغامق
تنزل ريماس من ع السلم بعد ما وضعت بعض لمسات المكياج
ليزهل معتز من منظرها 😍😍😍😍
