رواية ترميم الفصل الرابع عشر بقلم حبيبه منصور
ليلى : مفاجاه مش كده
يوسف بص لها بصدمه : ليلى !!! ، انتي جيتي هنا ازاي
و ازاي تطلعي من البيت وتسافري مكان تاني من غير ما تقوليلي
ليلى ضحكت بصوت عالي : لا يا شيخ ، تصدق ضحكتني بجد
المفروض ابقى قاعده مغفله ف البيت واما افوق ل نفسي اقولك معلش يا يوسف يحبيبي ممكن اجي اقفشك
يوسف : تقفشيني ايه و عبط ايه يا هبله انتي ، انا نزلت ف مطار اسكندريه و جيت هنا عند واحد صاحبي ، لميت هدومي اهي ف الشنطه و كنت نازل القاهره
ليلى : اومال فيه صاحبك ده مش شيفاه يعني
يوسف بتوتر: بيجيب حاجه من تحت
ليلى : انا مش عبيطه يا يوسف عشان تضحك عليا
يوسف : اهدي بس يا لولا في ايه
ليلى اتعصبت اكتر و ابتدت تكسر الحاجه اللي حواليها
ليلى : متقوليش اهديييييييييييييي، اهدى ايه و زفت اييييييه ، هو انت مفكرني مش عارفه حاجه
فجاه نبرت صوتها هديت و كملت ب وجع : ده انا ....ده انا ضحيت بكل حاجه عشانك ، عملت كل حاجه عشانك ، جبتلك شغل الكول سنتر معايا، وبيعت جهازي عشان اديك فلوس تجيبلي الدهب اللي هو من حقي انك انت اللي تجبهولي
و بيعت الدهب عشان أخليك تشتري تذكره تسافر بيها و خلتني استلف فلوس و امضي على وصولات وشيكات على بياض و انت عارف انك مش هتسد وهتسيبني وتمشي
طب قربت ليه من الاول ...هاا...رد قربت ليه
يوسف مسك أيدها: طب عشان خاطري ممكن تهدي
ليلى اتعصبت اكتر : متقوليش اهدي قولتلك كذااا مره
ربنا بعتلي اشارت كتير عشان اخد بالي بس انا اللي مغفله
يوسف : انتي فاهمه الحوار غلط يا ليلى
ابتسمت وسط دموعها: والله؟ فاهمه غلط ؟؟ ، طب فهمني انت كده ايه الصح ، ايه اللي المفروض أفهمه و الراجل اللي هيبقى جوزي مستغفلني ومخليني اشطب شقه هو عارف انها مش ملكنا
طب ..طب والفلوس اللي استلفتها....و الجهاز اللي بيعته عشان اعرف اخلص تجهيزات الشقه ...
كل ده راح ؟؟؟
سيبك من الشقه والفلوس و الدهب
طب وانا؟؟ ، انا عملت ايه ، شوفت مني ايه عشان تعمل كل ده معايااااااا
يوسف : عايز اأمن مستقبلي
ليلى : يا بجححح على حسااابي؟؟؟ ، تأمن نفسك على قفايااا
يوسف : اأمن مستقبلي عشاانك
ليلى : عشان مين ؟, انت عمرك ما عملت اي حاجه عشاني
يوسف : انتي عارفه اني بحبك يا ليلى ، وكنت محتاج اعمل مشروع بالمليون جنيه عشان اقدر اجيبلك شقه أحسن و أوسع بس لو كنت قولتلك اني عايزهم عشان مشروع مكنتيش هتتصدريلي لكن انتي رضيتي عشان بس شقه تعيشي فيها يبقى مين بقى اللي اناني
ليلى بصتله بصدمه: لا برافو، شطور بجد ف قلب الترابيزه
يوسف : انا مصدوم فيكي بجد ، ازاي مش بتثقي فيا ، وازاي بتدوري ورايا
ليلى : انت مجنون رسمي بقى
يوسف : احترمي نفسك معايا يا ليلى ، انا مقدر انك متعصبه بس كل حاجه ليها حل
ليلى بزعيق: حل اييه، واخد الفلوس محولها بنك امريكي وهتهرب وانا هتسجن وتقولي حل!!!!!!
يوسف قرب منها : طب ممكن تهدي بقى وتبطلي الجنان ده
ليلى زقته جامد : ابعد بعييد عني انا مش عايزه اسمع حاجه
كملت ب وجع : ماشيلي مع واحده اكبر منك وقاعد معاها بقالك ٣ شهور و مستغفلني ومفهمني انك ف شغل
مشوفتش ف وساختك بجد
يوسف : انتي عماله تغلطي وانا ساكتلك على فكره، انتي ليه مش عايزه تصدقي ان مفيش غيرك ف حياااتي
الاوهام دي في دماغك بس ، دماغك مسوحاكي
انا مش هتجوز غيرك
دينا خرجت وهي ماسكه دماغها : اوعي تصدقي الهبل ده يا مغفله.........
===============================
في بيت صابرين
صابرين : يونس ... يا يونس
يونس : نعم يا ماما
صابرين : هو يوسف مرنش عليك
يونس : لأ يا ماما و برن عليه مش بيرد ولو رد بيقول ف ايدي شغل و بيقفل
صابرين : انا مش عارفه ايه اللي رماه ع المرار ده بس
يونس : هو اللي ف مرار يا ماما ولا البت اللي معلقها جمبو دي طفحانه الدم في الشقه وهو مش معبرها اساسا ولا حتى نزل اجازه يبص علينا
صابرين : متتكلمش على اخوك كده ، الشغل اكيد كتير عليه
يونس: يا حجه ما هو لو الشغل كتير المفروض تبقى الفلوس كتير ويعبرنا حتى ، أو ينزل يخلص شقته ويتجوز إنما هو كده بيعمل ايه
صابرين : الغايب حجته معاه
يونس: ابنك ده هيخسر ليلى على فكره بتصرفاته واهماله ده خلي بالك
زي ما خسر أخته اما سابها ف اهم يوم ف حياتها
صابرين : خلاص يا ابني بقى انت هتقعد تقلب عليا المواجع كل شويه
يونس : مقدرش يا حجه ، انا نازل
صابرين : رايح فين
يونس : كلمت عم مراد هنزل اشتغل معاه ف الورشه
صابرين: طب و مذاكرتك
يونس: هذاكر ازاي من غير ما اشتري اللي محتاجه
صابرين: اخوك يبعتلك
يونس بابتسامه مزيفه: انا نازل يا حجه عشان مقلبش المواجع
====================================
في بيت دينا
ليلى بابتسامه فيها وجع : الله الله ، ده السنيورة هنا كمان .
بصت ل يوسف ب دموع : فهمني بقى عشان دماغي متسوحنيش بتعمل ايه دي هنا
يوسف سكت.....
ليلى : ما ترد ، ولا اقولك خليك ساكت
ردي انتي يا محترمه بتعملي ايه مع واحد اعزب ف شقه لوحدكم ، هيتقال عليكي ايه اكتر من اللي بيتقال
دينا : لا يا حبيبتي قطع لسان اي حد يقول عليا نص كلمه
وبعدين ده جوزي على سنه الله ورسوله
ليلى بصتلها بصدمه : نعم!!!!
بصت ل يوسف وعنيها مليانه دموع والكلام بيطلع بالعافيه
ليلى : مراتك؟؟ ، اتجوزتها امتى يا يوسف
هو انت كنت عارف تتجوزني عشان تتجوزها
يوسف بص ل دينا : اخرسي خااالص
رجع بص ل ليلى. : كدابه يا ليلى انا متجوزتهاش
دينا : نعم يا روح امك ؟؟ ، لا يحبيبي العقد معايا
ولا مفكرني مغفله انا كمان ، واللي عملته ده يا يوسف وحياة امك ما هيعدي عادي
يوسف : هو ايه انتوا هتتلموا عليا ولا ايه
ليلى : انا بجد مصدومه فيك ، يعني بجد ازاي انا كنت مفكره انك شخص كويس هتحافظ عليا
مسحت دموعها: بس انت هتشوف انا هعمل ايه
يوسف : لا انا ساكتلكم من بدري اوي ، انا كده كده مسافر
ومش راجع تاني
وهفتح مشروع بالفلوس اللي ضحكت عليكي فيكي فيها
انتي بقى مغفله دي مشكلتك مش مشكلتي
ليلى ضربته بالقلم
يوسف بصلها بصدمه : ده انتي مطلعلكيش لسان بس ، ده طلعلك ايد كمان
ليلى : و هتديني فلوسي كلها دلوقت يا يوسف
يوسف : ده لما تشوفي حلمة ودنك، مش هتشوفي جنيه واحد ، وكده كده كلها شهر ولا حاجه و هيحبسوكي ، ويلا غوري بقى من وشي
زقها وقعها ع الأرض وفتح الباب وماشي
فجأه لقى حد خبطه ف وشه
ليلى قامت عدلت نفسها
دخل زين ومعاه ٤ رجاله
زين : كتفوه يا رجاله وكتفوا البت دي كمان
دخلت الرجاله ٢ مسكوا يوسف ، ضربوه و كتفوه
و ٢ مسكوا دينا وكتفوها على كرسي جمبه
زين جري على ليلى : انتي كويسه ؟؟
ليلى : اه الحمد لله ، مين دول و جبتهم ازاي ، وطلعت دلوقت ليه
زين : انتي نسيتي انك فاتحه مكالمه عشان اسمعك لو حصل حاجه ، وحوار الرجاله هفهمك كل حاجه بعدين
يوسف : ليلى بطلي الجناااااااان داااااااااااا ، خليهم يفكوني
ليلى مسحت دموعها: هاتوا الباسبور من جيبه
يوسف بعصبية اكتر : يا ليلى بجد هزعلكككككك
ليلى ضحكت : تزعلي؟! ، ع أساس اللي فات كله ده كنت بتزغزني وانا مش واخده بالي
زين ضحك غصب عنه
ليلى بصت له : مش وقت ضحك
زين : يعني ده وقت افيهات
يوسف بعصبية: مين ده بقى ان شاء الله
ليلى : ده اللي لولاه مكنتش هعرف مكانك دلوقت ، واللي لولاه كان زمانك جريت دلوقت وسيبتني اتسجن
يوسف : يا بنتي خلاص خلصت انا ولا بحبك ولا عااايزك سيبيني بقى و كل واحد يروح ل حاله
ليلى بضحك: انت عبيط صح؟؟ ، شايفني انا اللي متمسكه بيك، ولا شايفني غبيه عشان اسيبك كده عادي و اتسجن انا
يوسف : اعملي اللي تعمليه لو هتقتليني كده مش هرجع فلوس
ليلى : ومين اللي قال بس اني هقتلك ، ده انا هخلي الرجاله دي تضرب فيك لحد ما يبان لك صاحب
يوسف : ليلى بطلي جناااااان
ليلى : جنان ؟؟, هو انت لسه شوفت جنان
رجعت بصت ل زين: هما مش قابضين كويس؟؟
زين : قابضين طبعا
ليلى : طب مبيشتغلوش ليه
زين : جرا ايه يا رجاله هتحرجوني قدام الاستاذه ولا ايه
ما تشتغلوا........
=================================
في بيت ليلى
هند : متعرفيش اسمها ايه صاحبتها دي يا تمارا
تمارا : والله يا ماما ما اعرف
هند : تليفونها مقفول وانا كده قلقت
تمارا : مش هي كلمتك وهي هناك
هند : اه
تمارا :طب خلاص متخافيش ، هتلاقي صاحبتها دي محتاجاها شويه ولا حاجه و ياما وقفوا معاها جه دورها بقى
هند : انا مقولتش حاجه كلهم على دماغي بس انا قلبي واجعني عليها اوي وهي شكلها تعبانه اصلا
تمارا: انا هبقى ارن عليها تاني متقلقيش
هند : طيب
تمارا : هنزل بقى عشان مأخرش ع الدرس
ادعيلي يا حجه
هند: ربنا يوفقك يارب وميشمتش فيكي حد ابدا
==================================
في بيت دينا
ليلى : انت هتمضي على الشيكات دي دلوقت و تحول الفلوس للراجل زي ما خدتها وتديني الفلوس اللي انا صرفتها ع الشقه و فلوس الدهب اللي انا بيعته
يوسف وشه جايب دم من كل حته : انا مش هعمل حاجه من الهبل ده
رجعت بصت ل زين : انت مش قولت الرجاله قبضت ، مش شغالين بضمير ليه
نزلوا ضرب فيه تاني .......
ليلى : استنوا !!!! ، كده مش نافع
ليلى بتهديد: انا مش باقيه على حاجه يا يوسف
انا ممكن ايدك دي أحرقها دلوقت ايه رايك
اصل انا مش همشي غير لما الفلوس ترجع
يوسف : اعملي اللي تعمليه
ليلى بتفكير : حلو اوي يبقى نجيب المكوه الحلوه دي
نسخنها كده .......
فضلت مستنيه ٥ دقايق
ليلى : هاا تحب العلامه ف وشك ولا ف ايدك
سكتت ورجعت كملت : لأ ايدك محتاجينها ف نخليها وشك عشان محدش يبصلك ، مع ان اصلا مفيش واحده هتعبرك ولا هتبصلك ، هحرقك انت و بعد كده اروح للسنيوره و ارجعلك تاني و افضل رايحه جايه بقى لحد ما تنجز.....
ليلى : واحد .....
دينا : ما تسمع الكلام وتمضي اخلص
ليلى : اتنين......
دينا بخوف : يلا ياااا يوسف خلصصصصص!!!!
ليلى: تلاته
فجأه دينا صوتت................
شكرا لزيارتكم عالم روايات سكيرهوم
