رواية أمانة الغائب الفصل الرابع عشر بقلم جمانه السعيدي
امل.....محد سئلني اذا كنت موافقه اولا
لان مبين عليه ضايجه وبعدني ماماخذه قراري
وهمه اكيد ميردون يضغطون عليه
فات يومين والسكوت مخيم على البيت حتى فيصل
بذني اليومين ما اجا بيتنا هوواي
يجي شويه يشوف عمي وخالتي ويروح بيته
اليوم الثالث اجا فيصل وبقى عدنا لليل
اسمعه يسولف على عمي ويكول على هبه
فيصل...مااعرف شبيها صار كم يوم حيل ضايجه وتعبانه
اسئلها تكول ماكو شي
واليوم كالت اهلي طالعين سفره اريد اروح وياهم
اخذلي اجازه باجر
وصلتلها البيت اهلها واجت
عمي...شكد تبقى
فيصل...احتمال عشر ايام او اسبوعين
عمي....ولله لو تزوج بذني الايام فرصه هبه ما موجوده
فيصل....اذا تقبل امل
واذا ما تقبل اني ماريد اجبرها على شي خطيه الي بيها مكفيها
لحد يضغط عليها الزواج مو غصب
احنا مايصير نلزمها من ايدها الي توجعها علمود الاطفال
خليها تفكر وتقرر بكيفها وعن قناعه
امل.....عمي وفيصل مايعرفون اني سمعت كل كلامهم
بس اني بعدني مجاي اكدر اخذ قرار
خاف اقبل واكون تسرعت اذا عرفت هبه بهذا الزواج
راح تكلب الدنيا علينا
واحتمال تخير فيصل بيني وبينها
اذا طلكني فيصل شنو راح يكون موقفي
هبه زوجته الأولى وعن حب هو اختارها
بس اني قرار ونفرض علي
النهار كله ماكعدت وياهم على الاكل
اخلص شغلي وادخل غرفتي
وخاصه اليوم فيصل كاعد عدنا ماطلع ابد
جمانه السعيدي
بليل علاوي كام يشكي من بطنه شويه وتقيئ بعدين وجها صار اصفر
طلعت عليهم
امل...عمي فدوه علاوي مااعرف شبي
اجا عمي وفيصل بس شافه فيصل سئله
هاا عمو وين الوجع شنو يوجعك
ااشرله على مكان الالم
امل...مرتين تقئ
فيصل.... الله يستر بس لا مصران اعور
بدلي بسرعه ناخذه للمستشفى
امل...بدلت ملابسي وبدلت العلاوي كلنا رحنا للمستشفى
اني وفيصل وخالتي وعمي وحتى زهراء نايمه شلتها بحضني
وصلنا للمستشفى فيصل راح على الدكتور وشرحله الحاله علاوي يتلوى مايكدر يوكف على طوله
الدكتور دزنا للتحليل
فيصل شال علاوي بحضنه ورحنا اني ويا للتحليل
بقينا ننتظر طلع الدكتور كال لا تنطونه مي خاف نحوله للعمليه احتمال زائده دوديه
ربع ساعه ووطلع التحليل فعلا طلع التهاب الزائده الدوديه
خابرو على الدكتور المقيم فيصل حجا ويااا
دكتور اختصاص مقيم بلمستشفى
اجا بس شاف التحليل دخل علاوي حتى يسوي عمليه
فيصل دخل وياهم واني عبالك كاعده على نار اقرا آيات قرائنيه وادعي
خفت يروح مني مثل ماابو راح وعافني
خالتي...تدعي وعمي واكف مايقبل يكعد
ساعه وربع يله طلع الدكتور وطمنا علي
فيصل بقا ويا بلغرفه منا لمن طلعو من غرفة العمليات
نقلو للغرفه بس بعده بلبنج ما كاعد
بقينا كلنا ويااا فيصل واكف على راسه
بقينا كلنا كاعدين للصبح محد يقبل ينام
منا لمن فتح عينه وااول كلمه كالها اريد مي
فيصل.....لا ماكو مي مزين عليك اصبر بعد شويه
بقا فيصل يسولف علي ويلهي مما لمن اجا الدكتور
فيصل...هاا دكتوره طمنا علي
الدكتور...ماشاء الله كلش زين
امل...دكتور يريد مي
الدكتور...اي عادي انطي مي واذا اكو شوربه
موزه عادي خل ياكل بس خبز مقليات مشويات مننوع
جمانه السعيدي
طلع الدكتور
عمي اني اخذ ام يحيى تسوي شوربه واجيبها واجي
فيصل....لا ترجع اني اجي ابدل علمود الدوام واجيب الشوربه ارتاح انت وامي
البارحه ما نمت والتعب موزين عليك خاف يصعد ضغطك
امل...خاله اخذي زهراء وياج
خالتي.....اي راح أخذها تعبت
بقينا اني وفيصل بلمستشفى
امل...يمه وليدي جان راح مني
فيصل....لا تخافين مابي شي عدا مرحلة الخطر
رجع فيصل للبيت بدل ملابسه وجاب اكل العلي واكل اليه
فيصل.....هاج اكلي واني اوكل علاوي
امل...مااريد بعدني مهبوطه من البارحه
فيصل.... مايصير اكلي موزين عليج
امل..تعال اكل وياي
فيصل....اي اجيت
شويه وجماعة فيصل بلمستشفى سمعو ابن اخو مسوي عمليه واجو يطمنون علي
بس دخلو للغرفه فيصل صار بيني وبينهم
حتى لا يباوعون عليه
اني واكفه يم راس الجربايه وهو جان واكف كبالي
بس دخلو اجا وكف بصفي حتى لا يباوعون عليه
رغم اني لابسه عبايه وحجاب وملابس سود
خلاني ورا ضهره حتى لايركزون عليه
هما بس شافو هاي الحركه منه عرفو غيرته على عرضه
خمس دقايق وراحوووو
فيصل....ترحين للبيت واني ابقى ويا علاوي
امل...مااكدر اعوفه وحده
فيصل.....مااريد الرايح والجاي يباوع بوجهج
امل....غير لابسه عبايه
فيصل...حتلو
امل.....هنا كم ساعه ونطلع للبيت
بقا فيصل كاعد يمنا وابد ما طلع بس راح جاب علاج واجا
للعصر الدكتور كال وضعه تمام تكدرون اطلعون
بس اهم شي الاكل منا لمدة أسبوع كله سوائل ولا تهملون للعلاج
رجعنا للبيت
عمي...الحمد لله على سلامته
امل...الله يسلمك عمي
عمي....خلي بنام هنا
امل...لا ينام بجربايته حتى قريب عليه اطمن علي كل شويه
فيصل....اي خلي ينام بمكانه بس اني انام يمه
امل...ماكو داعي اني اذا صار شي لا سامح الله اجيك
خليته بغرفتي اول اليل فيصل كاعد يمه ويسولف علي
حتى انطها تليفونه طلع بي لعبه
منا لمن تعب ونام
فيصل....اذا كعد لو شي تعالي
امل...ميخالف
جمانه السعيدي
سديت باب الغرفه وتمددت بعد تعب يوم وليله
واني واكفه وكفه اخاف علي ابني
بس مايروح من بالي وكفت عمي وخالتي وفيصل علموده
صدك الاهل عزوه الاهل سند
لا سامح الله لو وحدي مجان كدرت ادبر اي شي
واني حتى المستشفى كلشي مااندل بيها
نمت الصبح اندكت الباب
امل...اجيت خليت الحجاب على شعري وطلعت
فيصل...صباح الخير أجيت اطمن على علي
امل.. تفضل
دخل شافه بعده نايم شاف حرارته
فيصل...الحمد لله
امل...الف مره الحمدلله والشكر مر عليه يوم صعب
فيصل....اذا تعبانه ارجعي نامي
امل...لا اخضرلك ريوك تروح للدوام
فيصل....لا تعبين نفسج اني احضر الريوك
امل...لا ولله ابد علما تغسل وتبدل اني اكمل كلشي
كملت الريوك كعدنا اني ويا عمي وخالتي نايمين
امل....اريد اسئلك سوال
فيصل...اي
امل.....انت مقتنع بهذا الارتباط لو لا بس احجي الصدك
باوع عليه وبعدين دنك
فيصل.....المسؤليه مسوليتي ويا جهال يحيى تخليني اقتنع لازم اقتنع لان ماكو حل ثاني
امل...وهبه هبه زوجتك وانت تحبها
فيصل.... اي هبه تبقى زوجتي ومراح اقصر وياها
امل.....اذا خيرتك بيني وبينها
فيصل....ماكو هيج شي هاي المسؤليه ما تتحمل
الاختيار لازم تقبل وترضى بهذا الوضع
امل.....زين اني اريده بس عقد عقد زواج وبس
لان بعدني ما متقبله الفكره ابد
انت خوش انسان بس اني بعمري مافكرت ممكن نكون زوج وزوجه
فيصل....شوفي الانسان بهاي الحياة مايكدر يختار كلشي بكيفه
مرات الضروف اجبره يقبل ويرضا حتى الحياة تمشي
واني وياج الضروف جبرتنا نقبل بهذا الوضع
امل....اني وافقت بس علمود جهالي لا يضيعون
بس بلحقيقه اني مالي واهس بلزواج ابد
فيصل...واني وافقت علمود الجهال علمود ابوي يرتاح
ابوي يريد يطمن على جهال يحيى
امل.....خلاص نعقد وبس وخلي الأمور تمشي
اني بعمري كله ما اختاريت شي يخص حياتي
اجي اليوم اختار
خلاص الضاهر اني مالي حق اختار اي شي
جمانه السعيدي
فيصل....اليوم من ارجع انطي الابوي خبر
امل.....تمام
طلع فيصل واني رجعت بغرفتي
مااعرف ليش خايفه من هيج قرار واحسه أصعب قرار
بحياتي
ماكدرت ارجع انام لان علاوي وزهراء كعدو
وعمي وخالتي اجو للغرفه يشوفوهم
حضرت الريوك وكعدت اوكل جهالي وعمي وخالتي يتركون كدامي
بعدها انطيت علاج علي وكمت للشغل
منا لمن رجع فيصل من الدوام
كبل اجا يشوف علي ويطمن على صحته
انطيته الغده ودخلت غرفتي
من كمل اجا للغرفه
فيصل.... اذا ما مقتنعه اانجل كلشي لمن تقتنعين
امل...يعني شنو الي راح يتغير مراح يتغير شي
احنا مجبورين نقبل
طلع فيصل كعد عمي وكاله امل قبلت
عمي....اااي الحمد لله اليوم انام مرتاح متت من التفكير
خفت ما تقبل وابقى محتار وشايل همها هيه وجهالها
بليل عمي حاب الشيخ ويا ولد صديق فيصل
واني بثوبي الاسود خالتي اتوسلت انزع الاسود بس ما قبلت مااكدر انزع الاسود بعدني حزينه
ومااكدر افرح
من شفت كلشي يمشي بهدوء اذكرت زواجي من يحيى
هم كلشي هدوء وسكته جان ابوي ستوه ميت
واي مظهر فرح ماكووو
مكتوبلي ازوج سكته وبكل مره اكون مجبوره بلزواج
عقدلنا الشيخ وطلع
عمي وخالتي باركو الفيصل
واني دخلت غرفتي وطبكت الباب
بقيت كاعده ويا جهالي منا لمن ناموووو
الصبح كعدت وطلعت لان جهالي كعدو يردون ريوك
لكيت فيصل طالع للدوام
مااعرف ليش احس نفسي مسويه جريمه
وعندي شوية ندم ليش قبلت مااعرف
اليوم فيصل رجع من وكت دخل لكاني بلمطبخ بس بدون حجاب
من شفته دخلت غرفتي لبست حجاب وطلعت
فيصل...شلونج امل وعلاوي شلونه
امل... الحمد لله احجي واني مدنكه استحي ارفع عيني بعينه
من دخلت هذا البيت الحد قبل اليوم واني معتبرته صديقي واحجيله كلشي حتى مشاكلي اني ويحيى
ومااستحي منه ابد
بس اليوم استحي ارفع عيني بعينه
كملت الاكل وخليته كدامهم
وطلعت جهالي كعدنا نتغده
جمانه السعيدي
كملت قبلهم غسلت للجهال وأخذت ملابس فيصل اغسلهن
اجا وراي للحمام
فيصل.. عوفبهن اني اغسلهن
امل.... لا اني اغسلهن
فيصل...لا تعبين نفسج انتي ما مسؤله عني اني اكدر اغسل ملابسي واحضر الاكل
امل....كل عمري اغسل ملابسك واحضرلك الاكل شمعنه اليوم
فيصل...قبل جان هذا الشي بأرادتج
بس اليوم يمكن انتي مجبوره علي
امل.....لا ماكو هيج شي اتصلت على هبه
فيصل.... هبه مو بحالي بالشمال جاي تتونس ودزلي صورها هناك
امل...خل اشوف الصور
فيصل...تعالي اشوفج صورها
طلعنا برا فتح التليفون وانطانيا
كمت اكلب بلصور البنيه عايشه حياتها لبس وونسه
امل...مبينه مرتاحه
فيصل...قبل لا تروح كالبه وجها وحزينه
مدري تمثل حتى اخليها تروح
امل...شكو بيها تتونس
فيصل.....لا ولله متعبتني حيل مالها خلك وحجايه والثانيه وصارت عصبيه كلما احجي وياها علمود الحمل
تخبلت عليه ومادري شلون راح تخلص وياها
امل...اصبر عليها بعدها طايشه
فيصل....طايشه تعرفين هيه اكبر منج وتتصرف بغباء
وانتي ازغر منها اعقل منها الف مره
امل....كل واحد يتصرف من الحياة الي يعيشها
هيه مدلله وبت عز ومتعلمه على الحياة الحلوه
واني من يوم فتحت عيني للدنيا تعب وقهر وضيم
يمكن لو اني بمكانها اتصرف اكثر من هيج
فيصل...مستحيل انتي معدله من يومج
ولو وين يخلوج تبقين معدله
امل... شكرا
شكرا لزيارتكم عالم روايات سكيرهوم
