رواية انجدني من الغرق الفصل الخامس عشر بقلم امل بكر
-انا عارف ان اول لقاء بينا مكنش احسن حاجه
-صح وعلشان كده مستغرب لي كلمتني !
-بخصوص اختي ليال
اتعدلت في قعدتي ،
-مالها !
-انا عرفت منها انك الشخص الي اخدها يوم لما شربت وكانت مع خاطيبها وعايزك تحكيلي كل حاجه يعني خاطيبها ده كان خايف متوتر مثلاً علشان كده سابها وخلاك تاخدها اصلها غريبه شويه انه يسيبها مع واحد وخصوصاً ميعرفهوش
-وانا شايف كده انه غريبه .علشان كده حذرتها منه
-انت حذرتها واختك حذرتها يبقي اكيد أتأكد من كده علشان بتقول كلامك بثقه
-بص الراجل بيبان من تصرفاته والتصرف ده مفيش كلام بعده.. اليوم ده كان بيبربر يعني يقول حاجه انا مسألتش عليها وواضح عليه فعلًا التوتر وده خلاني عيني تبقي عليه لغيت لما طلعو من المكان ولفت نظري انها مش عايزا تركب معاه
-انا ممكن اطلب منك طلب
-اي هو
-انك تشهد عليه بكل الكلام ده
-انت هترفع عليه قضيه !!
-بالظبط وكنت عايز أتأكد ويكون فيه شاهد وانت اهو
-معنديش مشكله اشهد بالحق بس اختك برده كانت في مكان زي ده يعني موقفها مش قوي انهم يصدقو انها مثلاً مشربتش بارداتها
ملامحه اتغيرت للضيق من كلامي ،
-اختي لاول مره تروح الاماكن دي وعمرها ماشربت و هي مكنتش تعرف انه هيوديها المكان ده بس فضلت فيه لانها فكرت انها كده هتبقي احسن تمام
كنت هنطق ولكنه كمل ،
-يمكن انت اخد فكره وحشه وده طبعاً طبيعي علشان الي عرفته بس اختي ليال لاء هي مش زينا ابداً ومسمحش انك تتكلم عنها تاني تمام ؟!!
اتنهد بضيق من نفسي ،
-مكنتش اعرف كل ده بس برده الكلام ده ميكفيش انهم يصدقوه !!
-والمفروض نعمل اي
-سيبني افكر وهرد عليك
-تمام عطلتك
-ولا يهمك
طلع وانا اتنفست وانا ببص في الفراغ ،
-شكلهم هيفضلو ورايا ورايا و انتي السبب ياكارما الزفت
"""""""""""""""""""""""""""""""""""""""
(نصل علي النبي )
استنيت يحيي في الجنينه لغيت بليل لما يجي واخيراً
شوفته بيدخل من البوابه
بهمس وانا بشاورله بايدي ،
-يحيي تعالا
قرب يحيي بخطوات ،
-قاعده هنا لي ؟!
-مستياك قولي كنت فين
-في الشغل
-بس بابا بيسأل عليك وموبايلك مقفول كمان !!
-اه م ما هو فصل
ضيقت عيوني ،
-مالك يايحيي انت مخبي اي
حط ايده في جيوبه وهو بيرفع كتافه ،
-هخبي اي يعني مفيش حاجه ياليال
هزيت راسي ،
-طيب تمام هطلع انام
مشيت خطوه وقفني ،
-استني
بصتله باستفهام ،
-ايي!!
-انا هرفع قضيه علي طارق بمناسبه كل الي عمله في اليوم ده
بخوف قولت ،
-ملهوش لازمه خلاص الي ح
قاطعني بعدم رضا علي كلامي قال وهو بيتك علي كلامه ،
-الي حصل مش هيعدي خلص الكلام انا قولت بس اعرفك
خلص كلامه ومشا دخل البيت دخلت ورا كنت هطلع اوضي بس وقفت لما بابا ندهه علي يحيي
-انت جيت من امتي ؟!!
-لسه دلوقتي
-ولي موبايلك مقفول !!! والشغل سايبه لي في حاجات عايزه تخلص !
-حاضر هطلع اشوفه من علي اللاب
-انت مش عاجبني وانت عارف اني مش بحب عدم الاستهتار ده
-عارف حاضر
بتحذير جادي ،
-يحيي انا مش عايز الحركات دي تتكرر تاني مفهوم
-ممكن اطلع اشوف الشغل ؟
شاورله بايده ،
-اطلع
"فضلت واقفه علي السلم حاضره الحوار دخلت اوضي ..دقيقه وسمعت صوت حاجه وقعت علي الارض جايه من اوضه يحيي الي جمبي روحتله خبط علي الباب وفتحته علطول "
بقلق ،
-في اي سمعت صوت !!
رفع كتفه ببساطه وهو بيشاور علي الارض ،
-مفيش ده اللاب وقع اتكسر
بصيت كان متفتفت فعلاً علي الارض ،
-يلهوي وقع منك ازاي ده !!.
-فلت من ايدي من غير قصد
-امم طب خلاص انت اتعورت او حاجه ؟!
-لا مفيش حاجه
-ماشي تصبح علي خير
-وانتي من اهله
"رجعت اوضي وفضلت افكر في كلام يحيي انه هيرفع قضيه خايفه لان بابا هيتعصب لان مفيش حاجه بتمشي الا بارداته مش من ورا خايفه جداً بس مطمنه بوجود يحيي "
"""""""""""""""""""""""""""""""""""""""
(نصلي علي النبي )
"خرجت من البيت وانا في طريقي لنفس المكان الي شربت فيه ليال اليوم ده مش قادر اعدي حاسس بالخنقة ان ازاي مكنتش شايفها في حياتي ازاي مكنتش بسألها انتي كويسه ولا اي .. اتنهد وانا بركز علي الطريق بعد عشر دقايق وصلت ونزلت وانا نفسي احرق المكان ده "
دخلت علطول واول لما قابلت الي بينظم المكان وقفته ،
-انا عايز مدير المكان ده
-هو مش هنا حالياً
-عايز اشوف الكاميرات تقدر تساعدني
-متأسف مينفعش غير بإذن المدير انا هنا شغال بس
بزهق قولت بجديه،
-بص لو عايز تعرفه عرفه مش عايز براحتك انا كده كده هشوفها يعني هشوفها
-يا يحيي بيه انا مقدرش ممكن اخسر شغلي استني علي ما يجي علي الاقل
-كويس انك عارفني وان….
"وقفت كلامي لاني افتكرت انا اخد قرار اي ومش عايز ارجع فيه ابداً و هو فضل باصصلي باستغراب من اني وقفت كلامي اتحمحت ورجعت اتكلمت
-زي ماقولتلك انا هشوفها برده ومتقلقش انا مش هخليك تخسر شغلك
بصيت للمكان ورجعت اقوله ،
-مع إن ده مش شغل حلال ومش من قيمتك كمان .. هااا اوضه الكاميرات منين
قال بهدوء ،
-تعالا ورايا
دخلت وقولت للبيراقب الكاميرات يجبلي اليوم واول لما اجت اللحظه الي دخلت فيها ووراها طارق قومت الراجل من علي الكرسي وقعد مكانه وفضلت مركز اوي قولت بعصبيه مكبوته ،
-رجعلي دقيقتين من تاني
-حاضر
طلعت موبايلي من جيبي وصورت فيديو خلصت وشكرت الراجل الي دخلني ،
-لو سمحت مش عايز مشاكل
-مفيش مشاكل انا وعدك
هز راسه ،
-ماشي
كنت هطلع من الباب بس وقفني ،
-هو حضرتك لي قولتلي كده
-قولت اي ؟
بنبره حزن حاول يداريها ،
-ان الشغل ده مش من قيمتي ومش حلال
-انت نفسك عارف بس مش عايز تعترف
"بصلي بصه الي هو عرفت ازاي !! "
-هاتلي موبايلك
-لي حضرتك
-هسيبلك رقمي
مد ايده في جيبه وعطاهولي كتبت الرقم وسجلته "يحيي" اخده مني وبص علي الاسم باستغراب سبقته وقولت ،
-ملهاش لازمه حضرتك انت اكبر مني كمان كلمني لما تحس نفسك قادر تسيب الشغل ده
ابتسم من غير كلام هزيتله راسي ومشيت ركبت العربيه وفتحت الفيديو من تاني وانا عايز امسك وش طارق اطلع كل كبت السنين عليه بصيت علي الساعه كان نفس معاد امبارح الي روحت للمحامي في مكتبه طلعت اسمه ودوست عليه وانا بحط الموبايل علي ودني
-ايوه
-فاضي اجيلك مكتبك ؟!
-حالياً لاء ممكن ساعه
-ماشي اكون خلصت مشوار
-مستنيك مع السلامه
-مع السلامه
"دورت العربيه وانا رايح للمكان الي كنت بحلم بيه طول عمري بس حتي دي كنت مخابيها علي نفسي ومش عايز اشوفها بعد شويه وصلت نزلت من العربيه وقربت علي الي واقف وضهره ليا ،
-اي الاخبار كله تمام ؟
لفلي وهو وشه كالعاده مضايق بص علي الشاب الي قدامه ،
-روح انت واعمل زي ماقولتلك واشتغلو كويس بقي
-حاضر يا استاذ ادم
-وانت فين مش بتصل بيك ؟
ضحكت علي عصبيته الزياده ،
-كنت في مشوار معلش حقك علينا
-بتضحك لي
-مفيش انا بحب الضحك خليك في حالك
اتنهد وبصلي باهتمام ،
-عملت اي في موضوع طارق ولا طبله ده
ضحكت وبعدين قولت بجديه وانا بشاور بايدي ،
-روحت نفس المكان ده وصورت اللقطه من اولها لاخرها
-امم كويس ده.. وروحت للمحامي الي هيساعدك
-لا لسه هو مش فاضي دلوقتي شويه وهروحله
-طيب اخبار كويسه انت مضايق لي ؟؟
زفرت بخنقه ،
-مضايق من نفسي يا ادم اني كنت مغيب دي اختي ازاي مكنتش شايفاها ولا واخد بالي منها
طبطب علي كتفي ،
-خلاص بقي يايحيي متفضلش تقول كده احمد ربنا ان انت فوقت بدري احسن ما كان يبقي متأخر عن كده كمان
-بدري اي بس ياعم ده انا حاسس ان اختي لسه مولوده امبارح ولنتعرف علي بعض
-مش كنت قايلي برده ان هي اكبر منك بسنيتين!!
-اه اي المشكله يعني !!
-يعني انت الي لسه مولود بالنسبالها بقي
"خلص كلامه وهو بيرفعلي حواجبه بمناكشه "
بصيت جمبي وشديت عصيا مركونه ضربته علي رجله وهو بعد بوجع ومازال برده بيضحك!!!
-اااه خلاص بهزر انت زعلت لي مش دي الحقيقه
بصتله وانا بقرب عليه بعد هو خطوه وهو ماسك رجله ،
-خلاص مش هتكلم وجعتني ياعم
رميت العصايا مكانها ،
-اي اخبار الشغل ؟!
-كله تمام انهارده في عربيات هتيجي المعرض انا مش فاضي تقدر تبص عليها انت ؟!
-ماشي ابعتلي التفاصيل والمكان
-كويس
فتح موبايله بعتلي كل التفاصيل بصيت من عندي وقولت ،
-تمام الموديلات دي الي اختارنهم مش كده
-ايوه العربيه الي انت جبتها الاسبوع الي فات زبون شافها وعجبته اوي علشان كده كررتها تاني
-كويس علي خير
طبطب علي كتفي ،
-احسن حاجه اننا اتشركنا فاكر كان حلمنا من واحنا عيال
ابتسمت وانا بفتكر ،
-احسن ايام ..بس ده معرضك انا مجرد صاحبك وبديك افكار متكبرش الموضوع
-احنا واحد ..انا مش فاهم انت لي مش عايز تشاركني!!!
-علشان ده تعبك وفتحت معرض بعد تعب مينفعش اجي انا في الاخر ويبقي مفيش فرق !..
-والله شكلك انت الي مش عايز تدفع وبتقول كل الكلام الي ملهوش لازمه ده
"خلاص كلامه بسخريه انا فاهمه عايزاني اقوله طب والله لادفعلك دلوقتي بس مش هعمل كده لان الفلوس الي معايا مش حلال وادم مش هيرضي بكده ابداً "
-انت لو عرفت هتقولي مش عايز مشاركتك اصلاً
-ولي هقول كده انت مخبي حاجه عني ؟!
-اه مخبي بس مش عايز احكي دلوقتي يعني ممكن مره تانيه
-حاجه مهمه يعني انت تمام ؟.
-هي معدتش مهمه بالنسبالي بس انا فعلاً عايز احكي لاني مخنوق
-طيب خلاص لما تحس نفسك عايز احكي اتصل عليا
-تسلم ياادم انت الحاجه الكويسه الي عرفتها
-علشان انت عايز تشوف كده
كمل وهي بيقومني ،
-تعالا قوم شوف الكام حته الي اجو الصبح ومتأكد هيعجبوك
ضحكت ،
-وممكن اشتري كمان
-بلاش افور انت مش هتدفع حاجه طالما مش عايز تشاركني
-متحاولش تستفزني علشان مشتريش المعرض ده كله دلوقتي
ضحك هو كمان ،
-خلاص تعالا اتفرج
بعد شويه ودعت ادم وروحت في طريقي للمحامي بعد لما اتصل بيا وصلت ليه
-تشرب اي
-قهوة ساده
طلب وبعدين بصلي ،
-قولي عايز تقول اي ؟!
-انا اخد تسجيل الكاميرات بتاع المكان الي كانت اختي فيه
-طيب وريني
طلعته وهو اتفرج عليه وبعدين مدلي ايده بالموبايل ،
-كويس بس يعني هي اختك سابته
-اكيد بعد الي حصل كان لازم تسيبه هي مكنتش عايزا من الاول هو مش مناسب ليها مع علينا هنعمل اي دلوقتي ؟!
-كله بقي سهل دلوقتي تقدر ترفع قضيه وانا معنديش مشكله اني اشهد طالما بالحق
-انا عايزك تبقي المحامي تابعها
اتنهد وقال ،
-تمام
-اتفقنا تفتكر انه ممكن يتسجن ؟
-بصراحه انا معرفش اي الحاجه الي ممكن تحصل يعني ممكن هو يقول كلام صح زي انها شربت بارادتها في ممكن يكون فعلاً الاتهامات ضده بس منعرفش اي الي هيحصل فاهمني ؟!
-امم ياريت ناخد الاجراءات باسرع وقت
بصلي وقال باستغراب ،
-انت شاكك في حاجه اتكلم علشان اقدر اساعدك
-بابا ممكن يعمل حاجه من غير موافقه ليال ومن معرفتي ليه فانا متأكد انه ممكن يعمل كده
-حاجه زي اي
-انه يجوزها طارق مثلاً او يسفرها معاه غصب انا بتيجي علي بالي حاجات كتير وحشه ومش عايز ابداً حد يأذيها وخصوصاً بابا
-واضح انك عارفه كويس تقدر ترفع القضيه انهارده
-تمام تسلم يا صالح
-ده واجبي هكلمك بكره علشان تجيب اختك وتقدم افادتها
-هو لازم يعني مينفعش انا ..مش حابب تدخل هي الامكان دي
-للاسف لازم هي بنفسها
قومت وقفت ،
-همشي انا لو فيه حاجه كملني
-ان شاء الله
"""""""""""""""""""""""""""""""""""""""
(نصل علي النبي )
فضلت امشي راحه جايه بزهق في الجنينه لغيت لما بابا اجه واتكلم بضيق ،
-فين اخوكي ده ؟!
هزيت كتفي ،
-معرفش يا بابا اكيد في الشغل
-شغل اي الي معايا ده سايب الشغل ومعرفش بيروح فين
كان صوته عالي ومتعصب جداً
-خلاص يا بابا اهدي انا هتصل بيه
فتحت موبايلي وحطيته علي ودني رد ،
-ايوه يا يحيي فينك ؟..
-ادخل علي البيت مالك ؟؟
قولت وانا بدي لي بابا ضهري ،
-بابا متعصب جداً وعايزك
-ماشي جاي اهو
-طيب
-فين حضرتك !!
-قالي جاي في الطريق
ماما طلعت علي صوت بابا ،
-في اي يامنصور ؟!
قال وهو بيشوح بايده بعصبيه ،
-في ان ابنك سايب الشغل ومش بيرد عليا لا والشغل الي قالي نخلصه امبارح معملش اي حاجه والناس فوق راسي عايزين بضاعتهم
-طيب خلاص اهدي هتتعب كده استني لما يجي هنشوف اكيد ليه عذره
-عذر اي وزفت اي بس .. هو عارف ان الي بيعمله ده نتيجته خطر الناس عايزه بضاعتها ملهمش دعوه بقي عذر ولا غيره
-اهو اجه بس اهدي علشان خاطري
"بصيت علي يحيي الي دخل البيت بهدوء تماماً مش مناسب للجو ده "
-قولي بقي فين الشغل بتاع امبارح الي قولت هتخلصه
-اللالب اتكسر امبارح ومعرفتش اشتغل
بزعيق ،
-انت بتقول اي الشغل ده كان معاك وبس يعني اي راح !!!
-وقع مني من غير قصد بس نعوضها ان شاء الله
كان هيجم عليه بس انا وماما وقفنا في النص بسرعه ،
-نعوض اي انت مستوعب بقول اي الناس عايزه بضاعتهم انت مش بتفهم !!..
اتنهد يحيي بنفاذ صبر ومردش وبابا موبايله رن رد
فضل يسمع الشخص التاني وبعدين قفل بص ليحيي وقال ،
-انت كنت فين ؟
-مشوار عادي !
رفع حاجبه ،
-انت بتشتغل حاجه تانيه من ورايا؟!!!
بصيت ليحيي بدهشه وهو بلع ريقه بصعوبه ..
شكرا لزيارتكم عالم روايات سكيرهوم
