رواية انجدني من الغرق الفصل السادس عشر بقلم امل بكر
--انت بتشتغل حاجه تانيه من ورايا؟!!!
بصيت ليحيي بدهشه وهو بلع ريقه بصعوبه ..
-انطق الي سمعته صح
هز راسه بتأكيد ،
-ايوه صح دي الحاجه الي كنت حابب اكون فيها وانا كنت هعرف حضرتك بس انت عرفت بنفسك
خلص كلامه بكل هدوء وانا بصيت لبابا اشوف ردت فعله قال بانفعال ،
-انت سامع نفسك بتقول اي انت مكانك جمبي وفي الشغل الي انا عايزه انت فاهم مين لعب في دماغك كده!!! انا هعرف كل حاجه
يحيي بعدم قبول لكلامه الي شبع انه يسمع منه ،
-اسف بس المره دي انا بقولك لاء انا خلاص اخترت واخد قراري واستحاله ارجع فيه انا سيبت الشغل مع حضرتك وهشتغل الحاجه الي طول عمري كان نفسي اعملها
اتنفس بعصبيه لاول مره يحيي يرد عليه ويرفضله طلب او يكسر كلامه عدل وقفته وقال بشموخ وهو بيمدله ايده ،
-هات الفيزا وهات مفتاح العربيه واطلع من البيت ده مش عايز اشوف وشك ابداً
فتحت بوقي بصدمه وماما قالت برفض وهي بتمسك دراع يحيي ،
-لاء يامنصور متعملش كده ابني هيفضل عايش معايا
-خلاص ياماما
حط ايده في جيبه واداله كل حاجه في ايدي
بابا قال بشماته ،
-وريني بقي هتعرف تعيش ازاي
يحيي ابتسم بهدوء وقال ،
-يمكن فعلاً مش متعود بس انا بوعدك اني هتعود وهيبقي معايا احسن من الي انت اخدهم دلوقتي بس بالحلال يا بابا
"ضحك بسخريه وكأنه مش هامه بس انا متأكده انه متعصب جداً من كلام يحيي ومن طريقته ومن كل حاجه "
شاورله وقال،
-اطلع بره
ماما مسكته وقالت برفض ودموعها بتنزل ،
-لا يامنصور متعملش كده يحيي علشان خاطري خليك
-كده هبقي احسن ياماما كفايه الي ضاع
اتكلم بابا بسخريه ،
-حد معمله كلمتين بيقولهم لينا
يحيي مردش وباس راس ماما وقالها ،
-متعيطيش صدقيني انا كده هبقي مرتاح
-لا يا يحيي متمشيش
طبطب عليها ومشا بخطوات لبره البيت بابا بزعيق ،
-ادخلو جوه
كمل وهو بيبصلي ،
-ولا انتي عايزه تمشي كمان
ماما اتكلمت باندفاع لاول مره ،
-منصور !!! انت زودها اوي
دخل البيت وانا حاسه اني في صدمه كلام بابا مش بيرجع فيه ابداً ماما بصتلي والدموع في عنيها ،
-الحقي اخوكي اعرفي هيروح فين علي الاقل
هزيت راسي من غير كلام وجريت بسرعه لبره البوابه ولقيته بعيد شويه جريت وانا بنده عليه ،
-يحيي استني
وقفلي وقال ،
-ليال علشان خاطري مش قادر اتكلم
قولت بنبره حزن مكتومه ،
-قولي علي الاقل هتروح فين وانت من غير حاجه كده !!
-هروح لصاحبي
-مين صاحبك ده
-متعرفهوش ده صاحبي من زمان
-طب هتعمل اي
مد ايده في الهوا وقال ،
-ولا حاجه هبدء من الي كنت عايزه من زمان
-فهمني انت بتعمل اي واي اصلاً الي انت كنت عايزه من زمان !!
-صدقيني مش قادر اتكلم بس انا مش مسافر اكيد هشوفك يعني
-لاء يايحيي انت بتكذب انت هتسبني
قولت كده ومقدرتش اتحكم في نفسي وحطيت ايدي علي وشي وانا بعيط قرب مني وهو بيحضني ،
-ولي العياط دلوقتي عايزاني اقلق عليكي !!
قولت بانفعال ،
-اه اقلق لان انا محتاجك انا ما صدقت حسيت بالامان في وجودك يايحيي لي عايز ترجعني من غير حد !!
طلعني من حضنه وعدلي شعري ،
-ومين قال كده انا هفضل جمبك انا برده ماصدقت حد يسمعني مع إن ملكيش لازمه يعني بس اهو بقي اي كلام يخليكي يبقي ليكي قيمه
ضربته في كتفه وانا بضحك غصب عني
اتنهد وقال،
-بصراحه انا متوقعتش ان ده الي يحصل بس برده مش مصدوم يعني طريقه منصور باشا تهدم اي توقعات
-انت عارف ان بابا مش هيرجع في كلامه ولا هيرجعلك اي حاجه اخذها منك دلوقتي الا لو انت رجعت اشتغلت معاه !!
-اه
-انت هترجع تشتغل معاه ؟..
-ابداً مش هيحصل انا قررت ومش هرجع
-طب ولو معرفتش تعيش هتعمل اي طبيعي انت اتعود علي حياة ازاي هتنزل كل ده
-كله بيتحل ياليال ان شاء الله
مسحت وشي من الدموع الي نشفت بكم التيشرت ،
-انا هاجي معاك
-بس ياهبله تيجي فين بقولك رايح لصاحبي
-خلينا نروح فندق نشوف اي حل تاني
-حضرتك انا معيش جنيه !؟
-متقلقش انا معايا
-لاء انا محدش يسرف عليا وبعدين انا مش عايز اي حاجه من فلوس منصور بيه
ضحكت ،
-خلاص معتش هتقوله بابا
زقني في كتفي بخفه ،
-خلاص بقي رغي ارجعي البيت يلا
-لا يايحيي بقولك انا محتاجك
مسح علي شعره وبعدين بصلي ،
-وانا مش هسيبك مش هتبقي عايشين مع وبس دي كل الفكره
-انا مش عيله بتضحك عليها بكلمتين
-انتي فعلاً عيله وزنانه كمان
-انا عيله !!
-وزنانه
-هكلمك ازاي
رفع الموبايل في الهوا ،
-لسه معايا ماخدوش لسه
ضحكت ،
-هيفتكره بكره
ضحك معايا ،
-يلا ارجعي البيت
اتنهد وقولت وانا صباعي في شه،
-اوعدني انك تاخد بالك من نفسك
-مش شايفه انك مأفوره شويه
بتصميم،
-ريحني واوعدني يايحيي
-ماشي حاضر عايزه حاجه تانيه ؟!
-لاء
-كويس يلا ارجعي
"كنت همشي خطوه بس قربت منه بتردد وحضنته ثانيه وهو حاوطني بايده وهو بيطبطب عليا براحه وكأنه خايف لاتكسر .. بعد عنه ومشيت وصلت للبيت وقبل لما ادخل من البوابه لفيت وشي لقيته متابعني من بعيد هزلي راسه وبعدين مشا "
دخلت البيت …تاني يوم موبايلي رن فتحت عيني من النوم ورديت ،
-ايوه ياليال هعدي عليكي اجهزي
-في اي
-لما اجي هقولك
-ماشي
(نصل علي النبي)
"قفلت معاه وقومت جهزت مظنش انه هيخرجني هو تاب خلاص من اخر مره نزلت ومشوفتش حد في البيت باين عليهم خرجو طلعت استنا قدام البوابه دقيقيتن ولقيته بيقف قدامي بعربيه هي مش احسن من بتاعته بس مش وحشه لونها رمادي ومش عاليه لي ؟ انا بحبها عاليه !! "
فتحت الباب الي جمبه وانا بقعد ،
-يحيي !! انت اشتريت عربيه ؟!!
-دي بتاعت صاحبي
-اممم بتاعتك احلا
-بس يالي مبتفهميش دي اغلا
لفيت راسي وانا ببص عليها وبقول ،
-بس مش عاليه بتاعتك كانت احسن
بسخريه ،
-عاليه اه !!
-المهم دلوقتي احنا رايحين فين ؟!
-القسم هتقدمي افادك بخصوص الي طارق عمله معاكي
لفيت بجسمي ليه بانتباه،
-بس انا مش عايزه اعمل كده يايحيي ما قولتلك !
-وانا برده قولتلك ان الي خلص مش هيعدي
-انت يعني مش عارف بابًا ممكن يعمل اي
-سيبك دلوقتي من ابوكي دلوقتي انتي هتقولي كل حاجه حصلت ومتخافيش ابداً
-وافرض بقي ابوك اذاك اكيد هيقولك انت السبب !!
-وقتها انا الي هتكلم ملكيش دعوه انتي
-يايحيي بقي انت لي عايز تدمر نفسك
-انا مبعملش غير الصح وخلاص انتي مش شايفه احنا في طريقنا للقسم يعني مفيش رجوع
اتنهد وانا ببص قدامي علي الطريق
-وصالح المحامي بتاعك
بصتله بدهشه ،
-اييي !! ده صالح نفسه اخو كارما
-ايوه هو …دلوقتي مستنينا هناك
-واشمعنا اختارته هو
-علشان هو الي شاهد اليوم ده وفي نفس الوقت محامي حقاني واكتر حاجه اعرفها اليوم الي مرضاش يمسك قضيه ابوكي ويطلعه
-بس متفكريش باليوم انا مضايقه من نفسي مع إن هو اصلاً قليل الذوق
-خلاص اعتذريله
-لا طبعاً مش هعمل كده واسكت بقي لغيت ما نوصل
وصلنا القسم وقبل لما تدخل يحيي قال ،
-مكنتش عايز اخليكي تدخلي هنا بس لازم تيجي بنفسك
دخلنا ولقينا فعلاً صالح مستني قربنا منه انا بصيت بعيد عنه ويحيي اتكلم ،
-استنيت كتير ؟!
-لاء
شاور علي باب ،
-هتقدم افادتها هنا
-اه بس قبل ماندخل عايز اتكلم معاكي في الي هنقوله علشان ميكونش فيه اختلاف
بصتله وقولت وانا بشاور علي نفسي ،
-بتكلمني !!
نقل نظره ليحيي وبعدين ليا ،
-هو فيه غيرك هنا !!
-عايز اي اقول اي يعني ؟!
يحيي اتحمحم وميل عليا ،
-ليال انتي بتتكلمي كده ليه !! .. اتكلمي باسلوب احسن من كده
قولت بابتسامه مزيفه ،
-اتفضل يا استاذ صالح سمعني هقول اي
اتكلمنا في كل التفاصيل وكنت هدخل بس لفيت وشي وبصيت ليهم هما الاتنين ،
-هو انا هدخل لوحدي ؟!!!
يحيي قال ،
-مش هينفع ادخل معاكي
قال هو ،
-هدخلك بس بعد لما تخلصي
"هزيت راسي ودخلت وبعد شويه اسأله قولت كل الي المحامي قالهولي وهو نفسه الي حصل … شويه ودخل صالح قعد في الكرسي الي قدامي وفضل يتكلم وهو الظابط الي قاعد قدامه كلام بطريقه محاميه فعلاً اول مره اسمع محامي قدامي بيتكلم طريقته حلوه والله "
خرجنا يحيي اتكلم بتساؤل ،
-هااا عملته اي ؟!
هو رد عليه ،
-كله تمام كام دقيقه هتلاقيهم اخدوه من المكان الي فيه
-كويس اوي يلا بينا نطلع من هنا
"مشيت جمب يحيي وصالح من الجمب التاني هما بيتكلمو بس انا مش سامعه حاجه طلعنا بره خالص "
-انا ورايا شغل طبعا لو حد طلبها انا هيكون عندي علم ومعرفك
يحيي بابتسامه وهو بيمدله ايديه ،
-ماشي تعبناك معانا
مدله ايده ،
-مفيش حاجه ده شغلي
مشا وركب عربيته بصيت ليحيي بغيظ ،
-انت بتضحكله لي ؟!
عقد حواجبه ،
-تقصدي المحامي !
-ايوه هو
-انتي مش طايقاه لي ؟
-لا ياعم وانا مالي بيه يتفلق
ركبنا العربيه قولت،
-هتودينا فين
-هروحك البيت ياحبيبتي
-لا انا مش عايزه اروح خليني اجي معاك
-انا رايح الشغل هتيجي فين انتي!!
-عادي هقعد علي جمب مش هضايقك خالص
-لا مش هينفع بليل لو عرفت هاجي اخدك هرزعك علي اي رصيف وخلاص
سقفت بحماس ،
-موافقه
بصلي باستنكار ،
-موافقه تترزعي علي الرصيف
-اكيد لا بس هتمشيني ده المهم
سكتنا شويه وبعدين قولت انا بتردد ،
-تفتكر هيكون رد فعل ابوك اي من الي عملته !
-لو حصل اي حاجه كلميني متخافيش
-طيب خلي موبايلك مفتوح
-حاضر يلا انزلي وصلنا
(نصل علي النبي )
"دخلت البيت وطلعت اوضي قعد علي السرير وانا بفتح موبايلي ولقيت فيديو لايف متصور لطارق والبوليس بياخده من كافيه كان قاعد فيه اتعدلت في قعدتي كان فيه ناس حواليه كتير بيصوره وهو بيحط ايده علي وشه بلعت ريقي بخوف من الي جاي وقفلت الموبايل وحطيته جمبي "
كنت خايفه اطلع من اوضي وكأني عامله عاملا اصل اني رفعت قضيه والحركات دي ومن ورا بابا دي مخوفاني انا عارفه ان ده الصح بس متوتره
بعدين قولت لنفسي بثقه ،
-لاء انا معملتش حاجه غلط ايوة ده الصح المفروض مخافش انا كنت بتمني ابقي كده من زمان اعمل الي عايزا من غير خوف
"معرفتش اعمل اي فرد جسمي علي السرير وانا باصه بسرحان لغيت ما نمت علي نفسي "
"""""""""""""""""""""""""""""""""""""""
معرفش بعد قد اي قومت من الخضه بسبب صوت حد بيزعق تحت غسلت وشي بصيت من الشباك اجي الليل …نزلت علي السلم وقفت مكاني لما لقيت طنط نڤين واقفه قدام بابا وماما بتزعق ،
-ازاي تفتري علي ابني كده انا هوريها
ماما بعدم فهم ،
-نڤين وطي صوتك انتي في بيتنا عماله تزعقي ومش فاهمين حاجه !!!!
بابا بحده ،
-لو هتحكي اتكلمي غير كده الحركات دي تعمليها في الشارع
طنط تڤين قالت بعصبيه ،
-بنتكم قدمت شكوي في طارق انه خلاها تشرب وكان هياخدها في العربيه وهي مكنتش حاسه بحاجه وكلام كتير كله افتري
ماما قالت ،
-استحاله الكلام الي بتقولي عليه ده
بابا بكل ثقه خلتني مندمش علي الي عملته ،
-ليال متعملش حاجه غير بأمري انا هي ملهاش قرار تمام ؟
طنط نڤين بضحكه سخريه ،
-اظهار انها قدرت تكسر كلامك يامنصور بيه
ماما بحده ،
-بس يانڤين شكلك مش سامعه بتقولي اي لما تهدي بنتكلم اتفضلي دلوقتي
معرفش عملتها ازاي بس نزلت ليهم وقولت ،
-طنط نڤين كلامها مظبوط انا قدمت شكوي في حق طارق لان الي قولته حصل وانا مفترتش علي حد تمام !!
بابا ملامحه اتغيرت خالص وماما اندهشت
طنط نڤين بعصبيه فلتت منها قربت مني وكانت هترفع ايديها عليا بس ماما زقتها وقالت بعصبيه ،
-اياكي ايديك تلمسها انتي شكلك مش في وعيك !!
بعصبيه متقلش عنها ،
-لا في وعي واوي كمان الي بنتك عملته والله هندمها عليه وهتشوفي ازاي
ماما كانت هترد بس بابا سابقها ،
-ليال اعصابها تعبانه وهتتنازل عن الشكوي
بصيت لبابا بعصبيه وقولت برفض ،
-انا مش هتنازل عن حاجه وكمان انا مبقتش اخاف تمام ؟
بصلي باصه حارقه وبعدين وجه نظره لطنط نڤين ،
-وتهديدك انا مش ناسيه اتفضلي انتي بقي
-انا مش همشي غير لما هي تتنازل عن الافتري الي عملته
-وانا مش هتنازل ومحدش يقدر يجبرني
بابا بزعيق ،
-لياااااال ولا صووو ت
بص لطنط نڤين وقال ،
-انا قولت كلمه هي هتتنازل خلصنا
-ماشي انا همشي بس لو محصلش هتندمو كلكم
خرجت من البيت. انا دقات قلبي مش بتسكت من الخوف انا اه رديت بس انا مرعوبه ،
-انتي ازاي تعملي كده قلبك مات للدرجه ؟
-ولا م
-اخرسي ولا كلمه اخوكي الي قواكي انا عارفك انتي اضعف من كده
فضلت اضغط علي ايدي جامد وشي سخن من العصبيه ومن اني مش عارفه انطق
سقف بسخريه وانا بيقرب مني خطوه ،
-براڤو العرض تحفه مسرحيه هايله لسه في باقي ؟!!
بزعيق ،
-هاااا ردي
قولت وانا بصاله ،
-انا مش هتنازل ده اخر كلام
مسكني من دراعي جامد ،
-هوو انتي الي تقـولي اخر كلاااا م ولا لاء
قفلت عيني ،
-ايدي بتـوجعني
ماما شالت ايده ،
-خلاص يا منصور هي هتتنازل
لفت وشها ليا وقالت وهي بتقفل عنيها ،
-مش كده ؟
اتنفست ومردتش
-يلا اطلعي البسي علشان تروحي
طلعت كام سلمه وقفني صوت بابا ،
-ثواني وتكوني قدامي …واخوكي الي بتتحامي فيه ده انا هقتلهولك لو مسمعتيش الكلام سامعه ؟!
طلعت قفلت الباب ورايا بالمفتاح وانهارت في العياط هو اكتر حاجه معصباه ان ازاي عملت كده من ورا ومش من الي عملته نفسه
قولت بعصبيه وانا بخبط ايدي في الحيطه ،
-انا مش ضعيفه مش هسمحلك تقول عليا كده تاني
مسحت دموعي بعنف واتصلت علي يحيي بسرعه بس موبايله مقفول اتصلت اكتر من مره برده مفيش فايده
فضلت راحه جايه ومش عارفه اعمل اتنفست بأمل لما افتكرت صالح هو الوحيد الي يقدر يساعدني ايوه مفيش غيره فضلت ادور علي رقمه دوست عليه بسرعه مردش قولت برفض ،
-لا لا علشان خاطري رد
حطيته علي ودني تاني قلبي دق بأمل لما سمعت صوته
-السلام عليكم
قولت بسرعه ،
-وعليكم السلام ورحمة صالح انا ليال
-في اي انتي كويسه ؟!
-لا انا مش عارفه اوصل ليحيي وبابا نت
وقفت كلام وانا مش عارفه اتكلم من الخوف ،
-طب اهدي علشان افهم
-بابا عايزني اتنازل عن الشكوي قدام ان ممكن يأذي يحيي ممكن تساعدني مفيش غيرك انا مش عارفه اعمل هو مستني تحت علشان اروح اتنازل
سكت ومستمتعش صوته ،
-انت سامعني !!!
-ايوه ايوه سامعك بفكر اعمل اي
قولت بعياط ،
-متسكتش تاني لو سمحت
قال برضا ،
-حاضر بصي روحي معاه وانا هطلع وراكو بالعربيه
صوته كان بينهج ،
-حتي بصي انا بركب العربيه اهو يعني دقيقه وهموم قدام بيتك ونكون وراكي تمام
قولت وانا اعصابي تعبانه ،
-يعني اتنازل عادي اعمل اي قولي
-لاء طبعاً انتي في نص الطريق هتقولي انك عايزه تدخلي الحمام في اول كافي يجي في طريقك تمام وانا هتصرف بعد كده متخافيش
-علشان خاطري اوعك تسبني بس يحيي مش ممكن يأذي انا خايفه عليه !!
-هو بيهددك … هنتصرف بعدين يلا اعملي زي ماقولتلك
-حاضر
نزلت بسرعه بعد لما غيرت حاجه تانيه علشان ميشكش بصلي وقال ،
-قدامي يلاااا
طلعت هو ركب ورا وانا جمبه والسواق اتحرك بلعت ريقي وانا بحاول اشوف هو ماشي فعلاً ورانا !!
"انا مش خايفه غير علي يحيي بابا جبروت ويعملها من غير قلب ولا هيشوف انه ابنه حتي اكتر حاجه بيكرها ان حد يعمل حاجه من ورا وزي ماقال هو متعود اننا ملناش قرار يارتني ماعملت كده وخليت الامور اوصل لكده "
عيني لمحت كافيه قولت بسرعه ،
-انا عايزة ادخل الحمام مش قادره
-استحملي
بصيت علي الكافيه وهو بيبعد قولت برفض ،
-مش قادره عايزه ادخل الحمام !!!
اتنفس بنفاذ صبر ،
-اقف يابني …واخلصي
هزيت راسي ونزلت بصيت ورايا لقيته قاعد في العربيه هزلي راسه وشاورلي ادخل
اخد نفس ودخلت الحمام لقيت مسج من صالح
-دقيقتين واطلعي اركبي العربيه بسرعه ومتقفيش وانزلي لتحت متخليش حد يشوفك
"فضلت اغسل وشي سمعت صوت ناس اصواتهم عاليه اول لماطلعت لقيت ناس كتير حوالين العربيه بتاعه بابا ركبت بسرعه العربيه بس صالح مكنش فيها قلبي دق بخوف معقول حصوله حاجه او بابا هو
مكملتش تفكيري لما لقيته بيركب بعصبيه وبيتمتم بكلام مسموع وبابا هو الي بيرد عليه !! مشا بسرعه
-اطلعي خلاص عدينا
شكرا لزيارتكم عالم روايات سكيرهوم
