رواية قط وفار والقلب احتار الفصل السابع عشر بقلم شيماء يسري زهران
اتوترت ونزلت اجري لتحت، كان مراد مش عارف يقف من غير توتر، حاول يلم اعصابه وطلع يقرب منه امه:
- وطي صوتك اهدي.
- بتحب بنت فوزية!!! انت اتجـ.ننت يا واد!!! دي اختك يابن الهـ.بلة!
- اختي ايه احنا هنستعـ.بط! خشي نتكلم جوا.
- نستعـ.بط!! دلوقتي بقينا هنستعبط؟؟ مش دي اللي طول عمرك تقول انك مربيها وعايز تفرح بيها في يوم؟؟؟
- ياستي خشي نتكلم جوا بدل دوشة السلم دي.
دخلها تاني، قعدوا في الصالة وقالت:
- فهمني ايه اللي بيحصل ده!
قال مراد في نبرة لسه متوترة مش ثابتة:
- مفيش حاجة، انا بقولها بحبك عادي حب اخوي.
علت صوتها عليه:
- انت هتستـ.هبل يا روح امك!!! اتكلم يا واد أنت!
- يا امي وطي صوتك بالله عليكي، مفيش حاجة.. معرفش..انا معرفش في ايه وازاي قولت كده والله انا في مصيبة مش عارف اعمل ايه ولا هي هتتصرف ازاي بعد ما سمعتني قولت كده خايف تقطـ.ع علاقتها بيا اصلا.
- لأ ياخويا؟؟ ع اساس اني مش هي اللي بتلف عليك بقى عشان طمعا.نة فيك!
استغرب مراد وقال:
- يا امي طمعا.نة فيا ايه حرام عليكي..دي تطمع فيا؟؟ دي بتحبلي الخير.
- وحياة امك يا واد! أيوة يعني ايه! ايه اللي بيحصل ده! بتحب بنت فوزية !! ازاي!!! انت عارف الصدمة اللي هياخدوها لو عرفوا!
- يا امي يعرفوا ايه! وطي صوتك الله يسترك.
زعقت عليه:
- جرا ايه!!! يعني انت عارف إني اللي انت فيه ده وضع غلط عشان كده خايف اهو.
- انا مش بخا.ف، انا بس مش فاهم ولا مستوعب اللي بيحصل، فمش عايز الموضوع يوسع وينتشر وإن شاء الله الحوار ده هعتبره غلطة خرجت مني.
- أيوة كده..وبعدين بلاش فوزية، فوزية عينها وحشة، البنات على قفا مين يشيل، مرام دي اختك عيب اصلا تفكر فيها كده.
- أيوة عندك حق..انا معرفش مالي الأيام دي بجد..ربنا يستر بعد اللي حصل..
- هي قالتلك بحبك بردو؟
- لأ مقالتش اي حاجة فضلت واقفة مصدومة مني ومكسوفة.
- يبقى شوفت بقى؟ البت ولا انت في بالها ومجرد اخ ليها..ربنا يهديك، اتنيل أخطب عشان فراغك العاطفي هيجرك من رقبتك يا حيلة امك.
- طيب انتي كنتي رايحة فين؟
- كنت نازلة اقعد مع فوزية شوية نتكلم على حوار نوال واللي عملته، التانية طلعت عقر.ب بردو، وربنا محدش سالك في أم البيت ده.
- طب ما بلاش فوزية دلوقتي..
بصيتله حنان في غـ.ضب:
- ياستي عشان مرام تحت وهتتوتر بعد ما شافتك ممكن تفكرك جاية تقولي لأمها حاجة.
- لأ متخافش يا روح امك، مش هجيب سيرة لأن اصلا فوزية ع قلبها زي العسل اني اتكلم.. تلاقيها هي اللي مسلطة بنتها زي نوال العقر.بة.
- أنتِ مش لسه قايلة هي اكيد شايفاني اخوها؟
- والله مانا عارفة يا واد، اصل محدش ليه امان..انا هنزل ارغي شوية تحت كده ومتقلقش..بس شيل الموضوع ده من دماغك.
قامت حنان تنزل، رمى مراد راسه لورا ع الكرسي واتنهد وهو بيخرج كل أنفاسه اللي كاتمها..افتكر ملامحها قدامه وهي مش عارفة تتكلم وبيعترفلها، اضا.يق من نفسه تاني أنه بيفكر وقال في ندم:
- انا ازاي عملت كده!! انا غـ.بي اوي بجد..د.مرت علاقتنا.
| في اوضتي|
د.افنة وشي في المخدة ومش عارفة اتحرك ..قاعدة مرعو.بة خايفة عمتو تفضح الدنيا وفي نفس الوقت حاسة اني قلبي ليه جناحات بسببه..وشي لسه كله احمر..ضر.بات قلبي مش عايزة تهدى خالص.
| في اوضة مراد|
مسك الفون بيحاول يبعت اي رسالة يصلح اللي هبـ.به ده..لكن عمال يمسح.
| في اوضتي|
سمعت صوت من الفون، بصيت ع الفون وانا مش قادرة افتحه..جسمي كله في حالة توتر، يا ترى باعت ايه؟
| في أوضته|
قاعد باصص ع الرسالة في قلق مستنيها ترد ..
| في اوضتي|
خدت الفون وفتحته:
" اللي حصل ده سوء تفاهم صدقيني، انا قصدي بحبك زي اختي عادي وصحبتي بس انا كان نفسي اقولك الكلمة دي كتعبير عن مشاعري ليكي مش اكتر.."
عملت سين ومردتش، فضلت باصة للرسالة وضحكت وفي نفس الوقت كنت مضا.يقة من أنه اتراجع..لكن في نفس الوقت قولت يمكن ده حقيقي وانا كمان مكنش ينفع افكر كده..
| في أوضته|
- هي عملت سين ليه!! يعني كده زعلت فعلًا؟؟
قرر يكتب تاني:
" متزعليش مني احنا لسه اخوات وصحاب صح؟"
فتحت الرسالة وقررت العب على مشاعره في خبا.ثة..كتبت:
"❤️🩹❤️🩹"
اتصد.م من ردي، كتب:
" يعني ايه ده!! انا عملت ايه يعني مانا وضحتلك قصدي .."
" قصدك؟؟؟ قصدك اللي هو ايه!!! انت مينفعش تبقى صاحبي تاني خلاص❤️🩹".
" بت أنتِ بتهزري؟ انا معملتش حاجة والله اسف طيب حقك عليا، انتي اختي وانا اللي مربيكي ومفيش اي حاجة من اللي في دماغك".
" بجد؟ بعد ما فضحتني قدام امك؟؟ "
" متخافيش من حوار امي ف حاجة، أنا فهمتها قصدي كان ايه باللي هي سمعته".
عملت سين وقفلت الفون بضحك عليه، قدرت اشم التوتر بتاعه من ورا الفون..بينزل البحر وهو مش قادر يعوم؟ دلوقتي عايز يطلع؟؟؟ بس يمكن معذور لو البحر في حورية بتشده وكان بيحاول يقاوم..
| في الصالة|
- تعالي يا حنان، اقعدي هعملك شاي.
- لا عايزة شاي ولا قهوة، انا ياختي جاية افضفض معاكي بكلمتين بخصوص اللي حصل، شو.فتي الولية؟
ردت ماما في زعل:
- والنبي مانا عارفة ايه بس اللي هي عملته ده، بس نوال طيبة والله.
- طيبة!!! طيبة ايه دي كانت هتلبس بنتها لابني! كل ده عشان طمعانة في الواد..
لقحت حنان بالكلام وقالت:
- ياختي والنبي مانا عارفة البيت كله طمعا.ن في الواد على ايه..ده لسه بيبدء حياته.
اتحرجت ماما وقالت:
- البيت كله؟ ياختي ايه اللي بتقوليه ده يعني انا هبص لابنك!
- يوه! مش قصدي يا ولية.
- ولا قصدك، انا جوزي محمود مكفيني من كل حاجة الحمدلله ربنا يحفظه مش محتاجة ابص لحد في حاجة.
- ياختي بتفهمي الكلام غلط ليه كده! انا قصدي ع نوال..
- اممم، ربنا يسهلها..أنتِ هتعملي ايه في حوار سليم كده؟ هتجوزيه هالة؟
- والله ياختي لسه عاملة معاه مشكلة فوق، قولتله الخطوبة دي مش هتم الواد عنيد وبيحبها من زمان بيقولي.
ردت ماما وهي بتقعد جمبها:
- معقولة؟ يعني بعد اللي حصل ده هتجوزيه بنت نوال؟
- اعمل ايه! انا سليم ده مقدرش عليه ده واد طالع لابوه د.ماغه ناشفة.
| بعد اسبوع|
في الفترة دي انا كنت بحاول أتجنب مراد ع قد ما اقدر، هو اللي كان بيحاول يبعتلي رسايل ويكلمني لكن معاملتي كانت بدأت تقل شوية وتبقى رسمية كده، اصلا بقاله اسبوع مش عايز يوريني وشه وبيبعت واتس بس، حاسس أنه محروج مني من اللي قاله..
لبست الفستان وفكيت شعري بعد ما خلصته خلاص بمكوة شعري:
- شيماء ناوليني الفرشاة دي..بقولك ايه، اسيب شعري كده ولا ارفعه؟
- لأ ارفعيه احلى عليكي اوي عشان تبيني الفستان.
- هو الفستان حلو؟
- حلو ايه بس يا مرام ده تحفة اوي بجد، لايق عليكي اوي.
- أنتِ اللي قمر وفستانك قمر يا شيموءة، مع اني بخاف اشتري حاجة اونلاين بس طلع حلو عن توقعاتي.
| في شقة نوال|
جهزت هالة كان معها هاجر بتساعدها، زغرطت هاجر بعدها وهي هالة خارجة من الأوضة، كان صوت الاغاني عالي.. وسليم برا شافها وحس أنه اسعد واحد في الدنيا إني النهاردة هالة هتبقى خطيبته..
بصت نوال لحنان:
- خلاص ياختي بقى سقفي اومال، حقك عليا.
- اوعي يا نوال اوعي، ياختي والله ما قادرة اسامح.
- ياختي حقك عليا هاتي راسك ابوسها اهيه، وانا يعني عملت كل ده ليه ماهو عشان نفسي اجوز البت التانية لابنك من حبي فيكي بس هي مش بتحبه ياختي فمكنتش هترضى.
- تقومي تعملي كده!
دخلت ماما في النص تشد حنان من أيدها:
- خلاص بقى اومال كلنا اخوات يا حنان والنهاردة خطوبة عيالكم.
زغرطت ماما ومسكت ايد حنان لنوال وبدأت نوال تحاول ترقص حنان وتبتسملها.
دخلت شقة نوال ومعايا شيماء اول حد لمحني بعد ما كان ببسقف وفرحان هي هاجر..جابتني من فوق لتحت في غيرة..عملت نفسي مش شيفاها.
بدء يطلع ناس كتير جيران لعمتو، اصل عمتو حد اجتماعي غير ماما..
عدى شوية وقت ولقيته داخل الشقة..ضر.بات قلبي زادت من هيئته، لابس بدلة رصاصي وقميص أبيض..
كان بيحاول ميبصش شمال ويمين خايف يشوفني ولكنه حصل ولقاني باصة عليه..
بلع ريقه كده في شوية توتر وبص ع فستاني الأزرق من بعيد..شال عينيه من عليا بسرعة.
دخل يسلم على اللي موجود وكده وقعد بعيد عني شوية، بس بعد شوية لقيت حاجة غريبة بتحصل في مناسبات كتير..
لقيت ست كبيرة صاحبة عمتو بتكلم ابنها في ودنه كده وهي بتسقف وبتبص عليا..
بص عليا ابنها لثواني، بصيتله، بصيت لمراد لقيته باصص ع اللي بيحصل وملاحظ..اتوترت من الموقف كله وسيبتهم وقررت أصيب الصالة وادخل البلكونة.
عدى دقايق ولقيته جاي ورايا ودخل البلكونة، يادي النيلة اروح فين دلوقتي!
قال في احراج:
- عاملة ايه؟
رديت ع قد السؤال:
- الحمدلله.
سكت شوية ورجع يبص تاني قدامه واحنا باصين، قال:
- فستانك ملفت، هي خطوبتك أنتِ عشان تلبسيه؟
- ملفت بجد!! ليه ده كيوت اوي ورقيق.
- لأ ملفت..هو، هو الواد اللي برا ده تعرفيه؟
- واد مين؟
- اللي واقف جمب امه ده، كان بيبُصلك وبتبصيله.
- اه، ده امه بتقوله بص العروسة دي عجباك ولا ايه، مصلحة جواز يعني..ومن ساعتها وهو مش منزل عينه من عليا ..يظهر عجبه الفستان.
كنت بحاول اغيظه ومعرفش ليه حقيقي بس حاسة اني بستلذ بأنه يغير.. عمل نفسه مش في باله وقال:
- بجد؟ ما عشان كده يابنتي قولتلك ملفت..
- اممم، بس حلو مش كده؟
- يعني مش بطال..
بصيت قدامي تاني لقيته بيحاول يبص عليا في الخبا.ثة بطرف عينيه، بصيتله لقيته بعد عينه، بصيت قدامي وفجأة بصيتله لقيته باصصلي واتوتر..
- هو انتي عايزة تقولي حاجة؟
- لأ انت عايز تقول حاجة؟
- لأ..
اتنهدت ولفيت اخرج:
- طيب..انا داخلة.
- مرام ..
بصيت ورايا تاني:
- ايه؟
- متزعليش مني من اخر مرة..
- مش زعلانة، انا فاهمة كان قصدك ايه بتحبني بشكل اخوي بس حصل سوء تفاهم..
- أيوة صدقيني..
- مصدقاك..
اطمن وقال:
- يعني لسه صحاب؟
ابتسمت باستهبال وقولت:
- أيوة..وبما إننا صحاب عايزة اخد رايك في حاجة.
فرح وقالي في حماس:
- ايه هي؟
- هو الواد اللي برا ده شكله مناسب؟ اصل شكل امه مش هتمشي غير لما تكلم ماما، فقولي من دلوقتي عشان انت مكنتش مرتاح لحسام.
بلع لسانه فجأة قدامي وحاول يبان طبيعي وسأل:
- مناسب لايه؟
- اكيد مش هيخطب ماما، ماهو واضح امه بتدورله على عروسة وكان عمال يبص عليا جا.مد..هو بصراحة احلى من حسام وحساه عسول كده.
مقدرش يكمل تمثيل وقال في قر.ف:
- عسول ازاي؟ ده عسول؟ ده طويل واهـ.بل!
- طب مانت طويل واهـ.بل ومحدش اتكلم!
- أنتِ هتستهبلي! انا طويل زيه كده؟؟ ده هيلمس السقف!
ضحكت وقولت:
- بس اهبل زيه.
قرب مني وهو متعـ.صب ولوى دراعاتي الاتنين لورا، نفسي اعرف ليه بضحك في كل مرة بيعمل كده، اتاوهت وانا ببعده:
- هو انت كل ما متلاقيش رد تلوي ايدي!
قال في نبرة هادية كلها غـ.ضب:
- واكـ.سر دما.غك لو حابة..حابة؟
بصيت في عيونه لثواني من غير رد، وقولت:
- حابة..
سرح ثواني مستغرب ردي..اتضا.يق وقال في نبرة سرحانة:
- أنتِ ليه بتتكلمي بالطريقة دي وبتبصيلي في عيني؟
- طريقة ايه؟
- طريقتك دي.. كأنك قاصدة توتريني.
- اوترك ازاي؟ هوترك ليه اصلًا؟ انت اللي جبا.ن.
- انا مش جبا.ن..
- عندك حق..انت وسيم.
كتمت ضحكتي وانا بصاله، وشه جاب الوان تاني وافتكر اخر مرة، قولت:
- خاصة بالبدلة دي..تحفة عليك اوي..
فضل ساكت سرحان فيا لثواني، قولت:
- اوعى بقى خليني اخرج ..
تقل ايده على دراعاتي معرفتش اتحرك، قولت:
- عايزة اخرج بقولك ..وبعدين الواد اللي برا ده عسول بردو..وسيم زيك.
قر.ص كف ايدي خلاني اتاوهت:
- كده هتهزر بقى اوعى انا اتو.جعت.
- أنتِ شايفة ده وسيم زيي؟
- اه..
- ليه طيب القر.ص ده بجد اوعى يا مراد.
- بت! متعصبينيش عليكي!
- وتتعصب ليه؟ مش انت اخويا وباخد رايك في واحد عايز يتجوزني؟
- أنتِ محدش هيتجوزك..
- ليه؟ ناقصة ايه إن شاءالله؟
- ناقصة رباية.
- طب اوعى.
زقني مكاني تاني وقال بنبرة أشبه بالرجاء :
- أنتِ ليه بتعملي فيا كده؟
- انا عملت ايه؟
- هو أنا مش قولتلك وسيم ومش وسيم دي متقوليهاش وخليها لنفسك؟
- بدلتك حلوة طيب اعمل ايه؟
اتحرج تاني وقالي:
- بت أنتِ اتكلمي عدل بدل ما اقول كلام يوديني في داهية.
ضحكت ومردتش عليه، قال:
- أنتِ مش متخيلة أنتِ تهبلي ازاي بالفستان ده.
مردتش.. بدأت اتكسف انا، قرب مني وقال بصوت واطي:
- هعلقك وهعلق اللي برا ده لو لمحتك بصتيله.
بدأت اترعش في احساس غريب بسبب طريقته..بعد وشه لورا وبص في عيوني:
- فهمتي؟
مقدرتش ارد، قالي:
- قريب هقلعك النضارة دي..عيونك محتاجة تظهر عشان اعرف اشوفها كويس.
بصيتله وقولت في تلعثم:
- تا..تاني عيوني؟
- اه..مش أنتِ اللي بدأتي وحبيتي تعرفيني اني وسيم؟ ايدك كلها تلج، عرفتي مين اللي جبان؟
.بعد عني وهو مبتسم في مكر وسابني لازقة في الحيطة بحاول اجمع انفاسي، فتح باب البلكونة لقى الواد ده في وشه كان داخل البلكونة، ضر*به مراد في وشه.
شكرا لزيارتكم عالم روايات سكيرهوم
