رواية جواز بالاكراه الفصل السابع عشر
#بسم_الملك_المنتقم_الجبار_نبدآ
جيهان .......... ولا حاجه يا خالتو بس حسيت الدنيا بتلف بيا وعشان كده وقفت هنا وكنت بسند علي الباب
سعديه .......... اوعي تكوني شربتي حاجه عند الساحر الي رحتي له
جيهان ........ لا يا خالتو ما تقلقيش ده بس انا ليا يومين مش بنام
سعديه .......... انا هخلى مصطفي يهد البيت فوق راسه ويمشي من البلد
جيهان ........ لا عشان خاطري يا خالتو انا غلطت ومش هعمل كده تاني بس بلاش تقولي لمصطفي
سعديه ......... حاضر بس زي ما قولتلك اوعي تعملي حاجه من ورايا تاني فاهمه
جيهان ......... حاضر يا خالتو اروح انا عشان ارتاح
سعديه .......... تحبي اسندك
جيهان ......... لا انا بقيت بخير بعد اذنك
سعديه ......... اتفضلي يا بنتي
جيهان ......... بتدخل اوضتها وبتقول لنفسها و اخيرا هتجوز مصطفي ويطلق الغوريلا الي متجوزها
مصطفي ........ بسرعه يا رجاله مش عايز حاجه ناقصه عشان بكره الافتتاح
تيسير ........... تمام عايزه الانوار من هنا لحد باب المستشفي
مصطفي ......... بس انتي ترتاحي وصلي علي النبي ما تقلقيش كل حاجه هتكون زي ما انتي عايزه
تيسير .......... عليه افضل الصلاه والسلام وانت كمان وحد الله وارتاح انت ما قعدتش من الصبح
مصطفي .......... لا إله إلا الله ده مش وقت اننا نقعد
احمد ........ السلام عليكم
الكل ......... وعليكم السلام ورحمة الله وبركاته
مصطفي ........ عامل ايه يا احمد
احمد .......... الحمد لله انا بخير بس انت ليه اجلت معاد سفري
تيسير ......... بصراحه انا الي اجلته مش هو
احمد ............ ليه خير فيه حاجه وانتي بتعملي ايه هنا
تيسير ........... بكره افتتاح المستشفي
احمد .......... مستشفي ايه مش فاهم
مصطفي ....... هسيبكم انا وادخل اشوف لو فيه حاجه ناقصه جوه
احمد ........ اتفضل
تيسير .......... انا بقيت مديرة المستشفي دي
احمد ........... ازاي
تيسير ............ مصطفي كان بيجهز المستشفي دي عشان علاج اهل البلد والبلاد الي حوالينا و المستشفي مجهزه باحدث الاجهزه وان شاء الله هتكون اكبر مستشفي في الشرق الاوسط
احمد .......... يارب و اشوفك اكبر دكتوره في العالم يعني خلاص الحرب اللى بينك وبين مصطفي بيه خلصت
تيسير .......... دي حاجه ودي حاجه يا خفيف
احمد ......... والله عليا انا ده انتي طول ما انتي واقفه عينك عليه
تيسير .......... المهم بكره ليلي صاحبتي جايه من اسوان ممكن تروح تجيبها من سوهاج
احمد ......... الله الله كمان هشتغل سواق عند حضرتك
تيسير ........ بطل هزار يا رخم
احمد .......... ههههههه حاضر اكيد ممكن
تيسير ......... ربنا يحفظك ليا يارب
مصطفي ........ حس كاني في سكينه غرزه في قلبه و بيسند علي الحيطه
تيسير ......... هشوف مصطفي اتاخر ليه عشان الحجه مستنيه
احمد ........... الحجه برده ماشي وانا مستنيكم هنا
تيسير ......... بتلاقي مصطفي مرمي علي الارض تصرخ مصطفي وتجري عليه
مصطفي ........ بس اهدي مفيش حاجه انا بس دخت شويه
تيسير ........... انت وشك اصفر
مصطفي .. متكبريش الحكايه يمكن بس شوية ارهاق
تيسير .......... يعني انت كويس
مصطفي ..... اه واحسن منك كمان
تيسير ........... طاب تعالى في اوضة الكشف اطمن عليك
مصطفي .......... ايه تعملي عليا دكتوره
تيسير ............. ده وقت هزارك برده
مصطفي ........... مالك كده اوعي تكوني وقعتي فيا ولا حاجه لا سمح الله
تيسير .......... لا طبعا بس انت قدام الناس جوزي ولازم اخاف عليك
مصطفي ........ اديكي قولتي قدام الناس وهنا مفيش غيرى انا وانتي يلا بينا الحجه مستنيه
تيسير ......... بتحاول تساعده يقوم
مصطفي ........ لا شكرا انا بخير و بيقوم بعد ما حس فعلآ انه بخير والوجع راح
احمد .......... انا هاجي وراكم بعربيتي
تيسير ........... ماشي
مصطفي ........ اركبى
تيسير ......... تحب اسوق العربيه مكانك
مصطفي ........ قولتلك انا الحمد لله بخير ومش عايز اي حد يعرف الي حصل ده
تيسير ......... حاضر
مصطفي ........ اتفضل يا احمد
سعديه ......... اتفضل يا احمد يا ولدي نورت السرايا
احمد ........... السرايا منوره بيكم
سعديه ......... يلا الاكل هايبرد
تيسير ......... هي جيهان فين
سعديه ......... جات من بره وطلعت ترتاح شويه
مصطفي ......... بتطلع كتير قوي الايام دي مش بعاده يعني
سعديه ......... اهو بتغير جو
مصطفي .......... ماشي المهم بكره افتتاح المستشفي ومش عايز بيت في البلد ولا البلاد الي حوالينا ينام جعان يا امه
سعديه .......... ذبحنا ٨ عجول ووزعنا علي البلد كلها ولسا بكره هنكمل بقيت البلاد الي حوالينا
مصطفي ......... ربنا ما يحرمنا منك يا حجه
سعديه. ......... ولا منك يا ولدي وربنا يجعله في ميزان حسناتك
مصطفي .......... امين يارب العالمين
احمد .......... الحمد لله استاذن انا
مصطفي .......... ليه مستعجل استنا نشرب الشاي
احمد ............ تسلم يارب بس صاحبة الهانم هتيجي الصبح بدري ولازم انام عشان اجيبها الصبح واكون معاكم
مصطفي .......... خلاص ماشي اتفضل
جيهان ............. هو فيه ايه بكره
سعديه ........... انتي صحيتي
جيهان .......... ايوه
مصطفي ......... بكره افتتاح مستشفي الدكتوره تيسير اكيد هتكوني موجوده في الافتتاح
جيهان .......... اكيد طبعا وانا اقدر اسيبك في يوم زي ده
تيسير ............ الحمد لله بعد اذنك يا امه
سعديه ........... مالك يا بنتي انتي من اول ما قعدتي ما اكلتي حاجه
تيسير .......... لا الحمد لله اكلت
مصطفي ........ انا كمان لسا جعان يا فاطمه طلعي الاكل فوق يلا تصبحي علي خير
سعديه .......... وانت من اهله
جيهان ........... كنت عايزك يا مصطفي
مصطفي .......... بعدين و بيسيبها ويطلع هو وتيسير
تيسير ............ متعصبه علي الاخر
مصطفي .......... مالك متعصبه ليه
تيسير .......... مش متعصبه و هتعصب ليه
مصطفى بيضحك لا ماهو واضح
تيسير ........... انت كمان بتضحك.
مصطفي .......... مالك يا دكتوره
تيسير ........... بلاش كلمة دكتوره دي بتعصب منها
مصطفي .......... انتي بتغيرى من جيهان
تيسير ........... انا اغير من دي وبعدين اغير منها ليه اصلا
مصطفي ......... يلا كلي
تيسير ........... ماليش نفس
مصطفي .......... فعلآ الست وهي متعصبه و بتغير علي جوزها مش بتقدر تاكل
تيسير ......... انا باكل اهو و بدات تاكل
و فعلآ الحب ميعرفش متعلم ولا جاهل كبير ولا صغير تيسير بقيت زي بنت عندها ١٤ سنه و بدأت نار الحب تحرق قلبها وبدأت تتعلق بمصطفى لكن بتحاول تخبي الشعور ده حتي علي نفسها .........
احمد ....... حضرتك دكتوره ليلي
ليلي ........ ايوه انت استاذ احمد
احمد .......... اتفضلى
ليلي .......... هي المستشفي الي هشتغل فيها عندكم في البلد
احمد ........ ايوه
ليلي ........ هو ده بيت تيسير
احمد ......... اه دي السرايا
ليلي ......... اول مره اشوف التصميم الجميل ده
احمد .......... دي اجمل حاجه في البلد اتفضلي
تيسير .......... حبيبتي حمد الله بالسلامه
ليلي ......... الله يسلمك يارب و تحضنها
مصطفي ........ حمد الله بالسلامه يا دكتوره
ليلي .......... الله يسلمك
تيسير ......... تعالي معايا انتي وحشاني بعد اذنكم
ليلي .......... مين الي كان واقف جنبك
تيسير ........ مصطفي
ليلي ........... معقول ده مصطفي بيه
تيسير ......... مش انتي بتقولي انك تعرفيه
ليلي .......... اعرفه من اللي الناس بتحكي عنه ده طلع مز يا بت
تيسير .......... اتلمي
ليلي .......... لا بجد انا من كلام الناس عنه واحترام الناس ليه كنت رسمه له صوره في عقلي انه كشري ووحش بس ده طلع حاجه تانيه خالص وكنتي مش عايزه تتجوزيه
تيسير ........... وبعدين معاكي
ليلي .......... خلاص والله انا بهزر طمنيني مفيش حاجه جايه في الطريق
تيسير ......... لا لسا
ليلي ........... ربنا يكرمكم بالذريه الصالحه
تيسير ...........اللهم امين يارب العالمين
مصطفي ......... يلا بينا نشوف التجهيزات
احمد ........... يلا بينا تعالي نروح بعربيتي
مصطفي ......... ماشي اطلع الاول علي الفيلا عشان اطمن علي الحاج ناجح
احمد .......... حاضر
مصطفي ........ اخبارك يا حاج ناجح ......... الحمد لله يا ولدي شويه تعب بسيط نزلت برد والحمد لله بقيت بخير بس اوعى تكون تيسير عرفت حاجه
مصطفي. ........... لا ما تقلقش والحمد لله اني اطمأنت عليك
ناجح ............ تسلم يا ولدي
مصطفي .......... الجمعه بتاذن يلا نروح المسجد نصلي سوا ناجح .. يلا
بت يا نعمه
نعمه .......... نعم يا حاج
ناجح ..........جهزي الغداء لحد ما نصلي ونجي و يعدي الوقت و يبداء الاحتفال والمحافظه كلها بتكون موجوده وكبار المسئولين
فتحيه ......... هي الحجه ما جاتش ليه
جيهان .......... ما انتي عارفه خالتو مش بتحب الحاجات دي و الزحمه وكده
فتحيه ......... طمنيني عملتي ايه
جيهان .......... كل حاجه تمام ما تقلقيش وغيري الموضوع لحسن حد يسمعني
فتحيه .......... معاكي حق يا عروسه ومبروك مقدما
جيهان ......... بتضحك الله يبارك فيكي
عادل ........... وشك باين عليه التعب يا مصطفي بيه
مصطفي ........ ارهاق مش اكتر يا ابن عمي
احمد .......... ايه رايك في الحفله
ليلي ......... جميله جدآ انت بتشتغل
احمد ........ ان شاء الله همسك حسابات مجموعة شركات الجارحي
ليلي ......... ربنا يوفقك
احمد ......... ويوفقك انتي كمان
تيسير ......... بترحب بالمعازيم من الستات
مصطفي ......... بيرحب بالرجاله وهما سوا
تيسير ........ انت حاسس بتعب
مصطفي ........ لا انا بخير ليه بتقولي كده
تيسير ........... مش عارفه بس وشك اصفر اووي و حاسه انك تعبان
مصطفي ......... بيبتسم لا بلاش احساسك ده انا احسن منك هروح اطمن ان كل حاجه تمام
تيسير .......... اجي معاك
مصطفي ......... لا خليكي مع صاحبتك دي واكله مخ احمد
تيسير ........... بتضحك حاضر
مصطفي ......... يدخل المستشفي من جوه و بيصرخ اه الالم هيموتني هو ايه ده و بيغمي عليه
تيسير .......... بتدخل وراه عشان هي حاسه انه مش بخير واول ما بتلاقيه مرمي علي الارض تجري عليه و بتنزل علي الارض و بترفع مصطفي رد عليا و بتحاول تفوقه
مصطفي ........... بداء يفوق
تيسير .......... الحمد لله وطلعت التلبفون
مصطفي ........ مش عايز حد يعرف حاجه
تيسير ........ ازاي الدكاتره كلهم بره هرن علي ليلي تجيب الدكاتره و نعمل لك كل التحاليل والفحوصات عشان نعرف سبب التعب الي عندك ده
مصطفي ......... ليه هو انتي مش دكتوره
تيسير .......... انا لسا متخرجه اما الي بره دكاتره كبار
مصطفي ......... انا موافق اعمل التحاليل والفحوصات بس انتي الي تعمليها ومش عايز اي حد يعرف بحالتي دي لحد ما رتب كل حاجه وإلا لو موت البلد كلها تتقلب وكل الي حاولت اعملوا هيتهد فاهمه
تيسير ........... حاضر بس بلاش سيره الموت ده تعب عادي وانشاء الله هتكون بخير
مصطفي ......... انا الوحيد الي حاسس بالي جوايا الالم بيموتنى
تيسير .......... بعد الشر عليك و تجري تجيب مسكن و بتدهوله
مصطفي ........ الالم يزيد
تيسير ............ مستحيل المسكن الي ادتهولك قوي جدآ
مصطفي .......... شكلك خلاص هترتاحي مني
تيسير .......... ما تقولش كده يا مصطفي انا
مصطفي ........ انتي ايه
تيسير ........... انا
مصطفي ......... بيغمي عليه
تيسير ............ تصرخ بحبببببببببببببك
