رواية خلف الأضواء الفصل الثامن عشر بقلم نور الهادي
قال أحمد: «راشد يبقى عمك.»
بصله جاسر بصدمة كبيرة من اللي بيقوله.
قال أحمد: «راشد محمود الهاشمي...»
بصله جاسر، لأن ده اسم أبوه، باختلاف اسم راشد.
قال أحمد: «راشد مش تابع، راشد أخو كمال... عمك!»
بصله جاسر بصدمة كبيرة، وحس كأن إعصار هزّه. شال صباعه من على الزناد، وقرب من أحمد وهو لسه رافع سلاحه.
قال جاسر بذهول: «إنت بتقول إيه؟!»
قال أحمد: «أنا مقتلتش عيلتك.»
قال جاسر بغضب: «كدااااببب!»
قال أحمد: «أقسم لك بحياة بنتي!»
بصله جاسر بصدمة.
قال أحمد: «ديما... اللي مستعد أقسملك بحياتها إني مش أنا اللي قتلتهم.»
فلاش باك
كان أحمد بياخد الشاي من كمال، وقال: «فكرت في الموضوع اللي قولتلك عليه؟»
قال كمال: «إنت جاي عشان كده؟»
قال أحمد: «الجماعة بيسألوا عن أخبار البيع.»
قال كمال: «بيع؟ سبق ورفضت. الأرض دي هسيبها لمراتي وابني وولاده. مش هتتباع، زي ما أهلي رفضوا يبيعوها، فأنا باقي عليها.»
قال أحمد: «حتى برغم المبلغ اللي اتعرض عليك؟»
قال كمال: «الخير القليل أفضل من الشر. الموضوع منتهي.»
سمعوا صوت فجأة، فاستغرب أحمد، وقام كمال وهو بيقول: «سلوى؟!»
وقفت عينه لما شاف مراته بتنـزف وهي بتبصله بخوف. جري عليها، وقالت سلوى برعب: «مجرمين!»
ظهر حد من ورا كمال، فبصله أحمد بصدمة، وزقه بعيد عنه.
كان فيه رجالة، فصرخ فيهم أحمد بغضب:
«متفقناش على كددده!»
قال واحد منهم: «البيع برضا أو بالغصب! إحنا مش جايين نقنع، وإنت فشلت تقنعه، جه دورنا.»
هاجموا كمال، فضربهم بجنون، بينما أحمد اتعدل وبص، ليتفاجئ بسكينة دخلت في ضهر كمال، اللي اتنفض بألم ووقع على الأرض.
اتصدم أحمد وجري عليه: «كمال!»
بصله كمال بعينين مختنقتين، وبيشحب. أحمد مسك السكينة، لكن كمال كان بيتنفض معاه من شدة الألم.
قال كمال: «كنت عارف...»
قال أحمد بدموع: «أنا مش معاهم، أقسم بحياة بنتي! أنا مش معاهم، أنا جاي أزورك.»
قال كمال بصعوبة: «ج... جاسر...»
بصله أحمد بصدمة، وهو بيلفظ أنفاسه الأخيرة. سكت كمال، وأغمض عينيه.
غمض أحمد عينيه بحزن وندم، وسابه برفق على الأرض جنب زوجته المقتولة، وبص لإيده والسكينة اللي فيها دمه.
باك
بصله جاسر بشدة.
قال أحمد: «أنا غلطت لما سطوت، بس اعترافي مكنش هيفيد حاجة في قضية عيلتك. هما خافوا، ادّيتلهم... أنا مخدتش نسبتي، ولا خدت فلوس منهم، عشان مبقاش ليا إيد في الجريمة. أنا رفضت وسكت... غلطي سطوتي، لكني وقتها مكنتش قدهم.»
سكت جاسر بشدة، وهو بيفتكر أحمد والسكينة اللي كانت في إيده.
قرب منه أحمد وقال: «جاسر...»
قال جاسر بحدة: «إياك تتحرك!»
وقف أحمد مكانه، وهو بيبص في عيون جاسر اللي لا ترحم.
قال أحمد: «مش مصدقني؟»
قال جاسر: «إيه اللي يخليني أصدق واحد زيك؟»
قال أحمد: «لأنك قادر تعرف الحقيقة، وتفرق الكدب... بص لنفسك وسبب وجودك هنا، سبب إنك عايش.»
قال جاسر: «لأنه أنقذني منهم... جه وخدني قبل ما يلاقوني.»
قال أحمد: «كل ده كنت معاه، مش كده؟ لو هو فعلًا مجرد تابع وخدام، هيعرف إزاي يأويك ويتكفل بيك؟»
صمت جاسر وهو بيفتكر راشد، حينما أخده معاه. لقد رأى راشد وهو بيرتقي، بل إن راشد ساند جاسر من صغره، وهو اللي ساعده من فلوسه بعدما بقى غني من شغله. راشد كان فاهم، فساعده وخلاه يرتقي.
عشان كده جاسر منسيش فضله، وشايفه دايمًا رد معروف لأبوه وزيادة.
«أنت بمثابة ابني يا جاسر، يكفي إنك ابن كمال بيه.»
كان جاسر ساكت، شبه اللي علم حاجة لم يتخيلها يومًا.
قال أحمد: «لسه عندك شك إن اتعملك غسيل دماغ؟»
قال جاسر بحدة: «ولا كلمة! سمعتني؟!»
قال أحمد: «الحقيقة أوقات بتبقى صعبة، خصوصًا لما تكون عايش حياتك على شيء...»
قال جاسر: «أنا مش مصدقك.»
قال أحمد: «أنا مكنتش عدو ليك. مفيش بيني وبينك غير ديما، بنتي... حقيقة إنت مين، وإنك ابن كمال، دي اللي صدمتني زي ما إنت اتصدمت في راشد.»
قال جاسر: «إزاي تعرفه وإنت شوفته ومتتصدمتش؟! لو إنت عارفه فعلًا، وإن كان ليا عم؟! إنت قابلته ومدّتش أي رد فعل!»
قال أحمد بصدمة: «قابلته؟!! أنا قابلت راشد؟!»
قال جاسر بغضب: «متمثلش! وإياك تكدددب!»
قال أحمد: «أنا معرفش شكله.»
قال جاسر: «قولت إنك تعرفه وإنه عمممي! ولا دلوقتي بتنكر كلامممك؟!»
قال أحمد: «أنا أعرفه اسمًا بس يا جاسر.»
قال جاسر: «عايزني أقتنع بكلامك؟!»
قال أحمد: «عرفته من والدك. كان كمال قايلي عن راشد، وإن في خلافات بينه وبين أخوه على الأرض، وبرغم كده مبعهاش.»
بصله جاسر بشدة.
فلاش باك
كان أحمد قاعد مع كمال.
قال أحمد: «المبلغ كبير، وكل اللي حواليك باعوا. أستاذ كمال، أنا شايفه ربح.»
قال كمال: «ليا ولا ليك يا أستاذ؟!»
قال أحمد: «اسمي أحمد. أنا مستثمر، والمشروع عجبني، فجيت أشوف المشكلة فين، ممكن نلاقي حل.»
قال كمال: «ممكن تسمي أسبابي تافهة، بس هي قوية. تقدر تقول انتماء. أنا كان عندي خلاف مع راشد بسبب الأرض، فتفتكر إني ممكن أبيع؟»
قال أحمد: «راشد؟!»
قال كمال بابتسامة: «أخويا. ممكن تبقى تقابله ده لو حصل، وبعت، وده مش هيحصل.»
باك
عاد أحمد للواقع، وهو بيبص في عيون جاسر المليئة بالفاجعة.
قال أحمد: «اللي شوفته يومها مش حقيقي. أنا مقتلتش كمال، أنا مقتلتش عيلتك يا جاسر. ليه عمك قالك كده؟»
قال جاسر: «أنا اللي شوفت.»
قال أحمد: «وليه هو مصححش ليك؟ مصححش إلا لو هو قاصد بفكرة انتقام موهوم.»
قال جاسر: «سميته موهوم بناءً على كلامك، لكن الحقيقة لسه ناقصة.»
قال أحمد: «أنا بنفسي مبقتش عارف الحقيقة. وجودك وإنك عايش فرحني، بس كون راشد هو اللي خدك في اليوم ده شيء غريب، مش كده؟!»
سكت جاسر، ونزل سلاحه تدريجيًا من شدة اللي بيسمعه.
قال أحمد: «اعرف الحقيقة يا جاسر. ولو كنت أنا القاتل وقتها، هخليك تقتلني من غير حتى ما أدافع عن نفسي.»
كان كلام أحمد بيشعل نيران جاسر أكتر من استسلامه، وسلاحه اللي نزّله قبل كده، حتى لما كان هيضرب نار عليه.
لف جاسر ومشي، وسابه واقف وراه. ومفيش ولا واحد من الرجالة اتعرضله بأمر من أحمد، اللي كان شايف جاسر بيغادر بعيون بتنطق بالجنون.
رن تليفونه، فرد أحمد وقال: «ألو؟»
قال سامح: «أحمد باشا، حضرتك فين؟ عرفت إنك قابلت جاسر.»
قال أحمد: «في حاجة يا سامح؟»
قال سامح: «ديما...»
رفع أحمد عينيه باهتمام وقال: «مالها ديما؟»
قال سامح: «عرفنا إن في بلاغ اتقدم ضدها، والبوليس بيحقق معاها.»
اتسعت عيون أحمد بصدمة.
خد جاسر عربيته، وهو بيعمل مكالمة. جاله الرد، فقال:
«أ...»
ومن غير أي مقدمات، قال: «إنت فين؟»
قال : «في المكتب. في حاجة؟»
قفل جاسر، ولم يسمع أكتر من كده. عرف مكانه وانطلق بعربيته بسرعة عالية، قسوة شقت الهوا بأكمله.
كانت عيونه محمرة وعروقه بارزة، وكأنه بيصارع وحش جواه، وكأنه بيصارع الجنون اللي ماسك راسه.
فضل كلام أحمد بيرن في دماغه وودنه. كانت عينه حمرا من هول الصدمة، وكأن فيه احتمالية إن كل اللي عاشه كان وهم... إنه عاش على باطل، إنه اتعرض لغسيل دماغ، إنه اتخدع... واتكسرت ثقته في شخص اعتبره أمان.
وصل جاسر لشركة راشد، ونزل من عربيته، وهو بيدخل من غير ما أي موظف يسأله عنها، لأن الشركة هنا بتعتبر جاسر واحد منهم، ورئيسهم، والكل عارف هو يبقى مين.
كان جاسر داخل عارف طريق الشركة وطريق المكتب، لكن وجهه مكنش يبشر بالخير.
وحين دخل، فتح الباب بقوة، فانتفض راشد بخضة من طريقته.
قال راشد: «جاسر؟!!»
جاسر، لما شافه، تقدم منه، وعينيه لا تبشران بالخير.
قال راشد: «في إيه يا جاسر؟»
قام راشد، لكن جاسر ضغط على كتفه وقعده على الكرسي مكانه، وحط سلاح عند راسه.
اتسعت عيون راشد بصدمة، وبص لجاسر ولعينه الحمراء المتحجر فيها الدموع.
قال راشد: «جاسر؟!»
قال جاسر: «أ... إنت مين؟»
قال راشد باستغراب: «بتعمل إيه يا جاسر؟ يعني أنا مين؟ أنا...»
قال جاسر: «عايز الحقيقة.»
سكت راشد من نبرة جاسر.
قال جاسر: «إنت تبقى مين يا راااشد؟!»
سكت راشد قدام صوته الجمهوري، فدخل الأمن.
قالوا: «راشد بيه!»
عمر جاسر سلاحه، وعلى راسه.
قال: «قربوا، وهيموت!»
توقف الرجال بصدمة.
قال راشد: «اخرجوا.»
قال الأمن: «بس...»
قال راشد بحدة: «سمعتوا؟! قولتلكوا إيه؟! اخرجوا!»
خرجوا بصدمة وخوف، وراشد لم يتحرك.
قال راشد: «خلينا نتكلم.»
قال جاسر: «مفيش كلام بيني وبينك.»
قال راشد: «نزّل السلاح ده يا جاسر، وهنتكلم بهدوء.»
قال جاسر: «لو مقولتش تبقى مين، هخلص عليك، وهعتبرك القاتل الحقيقي، وهصدق كل كلمة قالها.»
قال راشد: «قابلته؟»
قال جاسر: «قابلته، وكنت هقتله وأحقق انتقامي، بس... بس اكتشفت إن انتقامي في فراغ كبير. فراغ اتبنى على كدبة كبيرة بسببك إنت... إنت اللي كدبت وخبيت، وإنت اللي هتوضح كل حاجة يا راشد!»
قال راشد: «عايز تعرف إيه؟»
قال جاسر: «الحقيققققة... عايز الحقيقة! كفاااية كدددب! الحقيقة وبس!»
سكت راشد، وهو بيبص لعيون جاسر ونبرة صوته المتألمة، وكأنه غضب وخوف يكون اللي سمعه واللي بيفكر فيه صح.
قال جاسر: «إنت تبقى عمي؟»
قال راشد: «آه.»
اتصدم جاسر، ونظر له بصدمة كبيرة.
قال راشد: «كمال أبوك... كان أخويا.»
سالت دمعة من عيون جاسر، من بين دموعه المتحجرة. طلع راشد كل ده كداب، وإنه أخو أبوه!
قال جاسر: «كدبت كل ده، وقولت إنك مجرد خدام عنده؟!»
قال راشد: «لأني مكنتش عايزك تعرف.»
قال جاسر: «ليه؟ مخبي إيه تاني؟! كدبت عليا في إيه تاني؟!»
سكت راشد، وهو باصص في عيون جاسر.
قال جاسر: «اتكلممم! ليه قولت إنك خدام؟!»
قال راشد: «مش هقولك إني كنت سبب من أسباب غدر عيلتك.»
بصله جاسر بصدمة كبيرة، شقت مسامعه، وهو بيبص لراشد بشدة.
قال جاسر: «بتقول إيه؟!»
قال راشد: «أحمد قالك إيه؟»
قال جاسر: «أحمد بريء؟!»
قال راشد: «مش بريء هو كمان، أ...»
قاطعه جاسر: «طالما صدق في حقيقتك، يبقى كان بريء؟! إزاي قدرت تتكفل بيا وإنت مجرد خدام؟! الشركة اللي عملتها، وصرفت عليا منها، الفلوس اللي بدأت بيها كانت منيييين؟!»
سكت راشد، وكأن جاسر بدأ يرتب كل حاجة.
قال جاسر: «بنيت شركتك وشغلك منيييين؟! سندتني إزاي عشان أبقى هنا؟! جبت كل ده منين؟!»
قال راشد: «جاسر، خلينا نتكلم.»
قال جاسر: «مبقاش في كلام بيني وبينك! جبت الفلوس منين؟!»
قال راشد: «خدتها من الأرض.»
بصله جاسر بشدة.
قال: «أرض؟! أرض إيه؟! إنت... إنت كنت معاهم؟!»
فلاش باك
كان راشد مع المستثمرين.
قال : «أحمد ده متأكدين إنه هيقنع كمال؟»
قال راجل ماسك سيجارة غالية: «دي آخر محاولة هيحاولها أحمد، غير كده نحاول إحنا.»
قال راشد: «أنا عايزه يبيع، واديتكم موافقتي. ده عنوانه، أول ما تتموا الدفع معاه، بلغوني. هاخد نصيبي.»
قال الراجل بابتسامة: «اتفقنا.»
باك
قال راشد، وعيونه مطفية: «الفلوس اللي خدتها كانت من بيع الأرض.»
دمعت عيون جاسر وهو باصصله.
قال: «إنت كنت معاهم؟! كلكم كنتوا عليه؟!»
قال راشد: «أنا كنت عايز الفلوس بس يا جاسر. أنا معرفش إنهم هيقتلوهم.»
قال جاسر بغضب: «آخررررس! آخررررس!»
قال راشد: «أنا كنت هناك وقتها. ملحقتش كمال ولا أمك... لكني دورت عليك عشان كانوا هيقتلوك معاهم، لأنك كنت مالك في الأرض دي.»
قال جاسر: «كنت عارفهم! عارفهم كلهم، وكدبت عليا!»
قال راشد: «مكدبتش عليك! أحمد هو اللي قتلهم.»
قال جاسر: «كان موجود يومها وهما بيقتلوهم، لكنه مكنش القاااتل، لأنه مكنش يعرف! أما إنتتت... إنت القاتل الحقيقي!»
قال راشد: «أحمد هو اللي دلّهم على كمال والأرض. أحمد هو اللي زقهم على كمال والأرض عشان موقعها.»
قال جاسر بغضب: «آخررررس!»
سكت راشد من عيون جاسر اللي بتطلق شر.
قال جاسر: «إزاي عملت كده في أخوك؟!»
سكت راشد.
ضغط جاسر على الزناد وقال: «هما فين؟! دلّني عليهم! تعرف إنهم مش كده؟!»
رفع راشد عينيه لجاسر.
قال جاسر بصرخة: «اتكككلم! هما فييييينننن؟!»
كان جاسر مجنون بالانتقام والغضب.
قال راشد: «مبقوش موجودين.»
قال جاسر: «يعني إيه؟»
قال راشد: «قتلتهم.»
توقفت نبضات جاسر وهو باصص لراشد.
قال راشد: «قتلتهم ومسيبتش حد منهم عايش ليك... أنا آسف يا جاسر.»
زقه جاسر من إيده وصرخ: «خاااااااااااين!»
وقع راشد من على الكرسي، رمى جاسر السلاح ومسك راشد جامد، ونزل عليه ببوكس قوي.
اتألم راشد.
قال جاسر بغضب: «ليه عملت كددده؟! لييييه؟! عشان الفلوس اللي خدتهم مني؟!»
سكت راشد.
مسكه جاسر جامد وقال: «هقتلك يا راشد! هقتتتلك! وقعتني مع أحمد، ودلوقتي إنت... هو كلب، بس إنت أحقر منه! كلكم اتفقتوا عليهم! إنت كنت الفاعل الحقيقي! إنت اللي غدرت بيهم!»
قال راشد: «أتوقع إن الانتقام بالنسبالك انتهى.»
قال جاسر: «كنت هتخليني أقتل حد بريء؟!»
قال راشد: «لكنك مقتلتوش. وأعتقد إن دار بينكم نقاش قوي خلاك تيجي لي لحد هنا. نقاش خضته مع أحمد، برغم إنه في نظرك قاتل أبوك، لكنك خضت نقاش عشانه.»
قال جاسر: «خدعتني بأوهامك!»
قال راشد: «لو كنت معتبرني القاتل، يبقى هو كمان قاتل. بس إنت كنت هتوقف انتقامك منه حتى لما كان القاتل في عينك، عشانها. دلوقتي عايز تقتلني؟»
ضربه جاسر بغضب وقال: «آخررررس!»
نزل عليه ببوكس، وانتزع السلاح، وهو بيبص في عين راشد اللي كان باصص في عين جاسر بصمت.
بس عين جاسر كانت بتدمع، وكأنه كان شايف عدو اعتبره أمانه وشخصه الوحيد.
قال جاسر: «إزاي خدعتني وخلتني أثق فيك كده؟! أنا اعتبرتك... اعتبرتك عيلتي! اعتبرتك مكان أبويا اللي إنت خدته مني!»
صمت راشد، وبينه إيديه دموع جاسر في مقلتيه والغضب في عينه.
قال جاسر: «يمكن قتلتهم، بس لسه فاضل واحد... إنت! وهقتلك دلوقتي يا راشد! هقتلك وأريحك من ذنبهم، ده لو كان لسه عندك ضمير!»
قال راشد: «اقتلني يا جاسر، بس بلاش دلوقتي. عشانك إنت، مش عشاني.»
بصله جاسر.
قال راشد: «الصحافة بتدور عليك بعد قضية ديما. كل العيون عليك دلوقتي. قتلي هيبقى بمثابة نهايتك.»
قال جاسر: «ديما؟!»
قال راشد: «محتاج تروحلها وتلحقها، لأنها في خطر.»
قال جاسر بصدمة: «إنت عملت إيه؟!»
قال راشد: «هيتحكم عليها بقضية تعدد أزواج. مكانك هنا ولا هناك معاها؟»
رن تليفون جاسر.
بصله راشد وقال: «محتاجاك أكتر مني.»
نبض قلب جاسر خوفًا وغضبًا، ونزل ببوكس قوي على راشد، والدم سال من بقه.
مشي جاسر فورًا، وراشد بيتعدل.
دخل الأمن فورًا وقالوا: «راشد بيه!»
قال راشد: «اطلعوا برا.»
بصوله بقلق وخرجوا، وراشد فضل مكانه وقال: «عملتها يا أحمد.»
رفع عينه للصورة اللي على المكتب، كانت صورة ليه ولجاسر وهو صغير.
...........
وصل جاسر على الفيلا فورًا، ونزل من عربيته ودخل على جوه.
قال: «ديما!»
طلع فوق وفتح الباب فورًا بعنف، بس ملقاش حد.
اتصدم ومشي وهو بينادي: «ديماااا!»
جت مي وقالت: «جاسر!»
قال جاسر: «ديمااا فين؟!»
سكتت مي.
قال جاسر: «اتكلمي! هي فين؟! وأسامة فييييين؟! إزاي سمحتلهم ياخدوووها؟!»
قالت مي: «اهدى يا جاسر.»
قال جاسر: «أهدى إيه؟! عارفة زمانها فين دلوقتي؟! وعملوا فيها إيه؟!»
قالت مي: «ديما مروحتش معاهم.»
قال جاسر: «أمال هي فين؟!»
قالت مي: «معرفش.»
فلاش باك...
دخل الظباط الفيلا.
قال أسامة: «في إيه؟»
قال الظابط: «دي فيلا جاسر الهاشمي؟»
قال أسامة: «جاسر مش موجود. في حاجة؟»
قال الظابط: «ديما هنا؟»
ديما، اللي كانت بتسمع اسمها، قالت: «في إيه؟»
قال الظابط: «مطلوبة معانا للتحقيق.»
قلب ديما دق بخوف.
قالت: «بخصوص إيه؟»
قال أسامة: «اطلعلي يا ديما، هو في حاجة يا فندم؟»
قال الظابط: «آه، قضية تعدد أزواج متقدم بلاغ فيها.»
قلب ديما اترعب، وعرفت مصيرها المحتوم بالاسم اللي سمعته، وهي باصة للظباط اللي جايين عشانها.
قال الظابط: «اتفضلي معانا.»
قالت ديما: «أجي معاكم على فين... القسم؟»
سكت الظابط، وأسامة شاف ديما وعينيها بترتجف.
قالت ديما: «حسن اللي بعتكم؟»
سكت الظابط وقال: «اتفضلي.»
قالت ديما: «هتعملوا فيا إيه؟! أنا مكنتش أعرف!»
قال أسامة: «ديما، أنا هكون معاكي. أقدر أجي بالعربية وراكم، مش كده؟»
قال الظابط: «تقدر تيجي ورانا، لكن المدام هترافقنا.»
سكت أسامة، وهو عايز يضيّع وقت لحد ما جاسر ييجي، بس هو قلقان على جاسر أصلًا، ميعرفش هو فين، ولا إيه اللي حصل بينه وبين أحمد دلوقتي.
قال الظابط: «اتفضلي.»
قالت ديما: «ممكن... ممكن أغير هدومي وأجي معاكم؟»
قال الظابط: «مفيش مشكلة.»
طلعت ديما الأوضة، وأسامة بيبص لديما.
جت مي، وهي بتبص للظباط بشدة.
قالت: «أسامة، في إيه؟»
قال أسامة: «بعدين يا مي.»
كان السكون هادي.
قال الظابط: «اتأخرت ليه؟»
قالت مي: «هطلع أشوفها.»
طلعت مي الأوضة، والظابط كان بيبصلهم بشك.
مي لما طلعت ودخلت الأوضة، قالت: «ديما؟»
لكنها ملقتش حد. استغربت جدًا وخرجت.
قالت: «ديما مش في الجناح!»
طلع الظابط وأسامة.
قال الظابط: «إزاي؟! هي طلعت فوق تغير هدومها!»
دخل أسامة ولقى الشباك مفتوح. اتصدم وقال: «ديما!»
قال الظابط: «هربتوها؟!»
قال أسامة: «أكيد في سوء فهم.»
قال الظابط: «سوء فهم إيه؟! لما نلاقيها! دور لي عليها يا بني، إنت وهو، حالًا!»
مشي أسامة.
قالت مي بخوف: «راحت فين؟!»
قال أسامة: «معرفش، معرفش! لازم ألاقيها.»
وخرج فورًا.
ديما كانت خارجة من الفيلا، وهي بتبعد عن الظباط. كانت تايهة وبتجري، وملحقتش حتى تلبس الجزمة بتاعتها، ومشيت حافية.
كانت بتجري وهي بتهرب. مش همها حاجة غير إنها تهرب من ظلم وجريمة جديدة معملتهاش، وواثقة إن محدش هيصدقها.
كانت بتدمع بحزن وهي بتجري بعيد، زي الهربانة من العدالة بسبب ذنب ملهاش أي يد فيه.
كانت بتسمع صوت عربيات البوليس، فتستخبى وعينيها بتدمع، لحد ما يعدّوا ومش يشوفوها.
باك
جاسر لما عرف، اتصدم.
قال: «وهي فين؟! راحت فين؟!»
قالت مي: «أسامة خرج يدور عليها، ولحد دلوقتي مرجعش.»
قال جاسر: «يعني إيه مرجعش بيها لحد دلوقتي؟! يعني متعرفيش مكانها؟!»
سكتت مي.
قال جاسر: «ملهاش مكان تروحه! هتكون راااحت فين؟!»
ومشي فورًا.
قالت مي بقلق: «جاسر...»
جاسر مشي وسابها، وشاف عربية بينك، وكانت روز بتنزل منها.
قالت: «جاسر!»
جاسر ركب عربيته وهو بيتجاهلها. قربت روز منه، لكنه ركب عربيته ببرود وانطلق بيها.
بصتله روز بشدة، وخروجه من الفيلا بالسرعة دي خلاها تضرب رجليها في الأرض بغضب وغيظ من إنه بيهرب منها زي الغلطانة.
قالت: «ماشي يا جاسر، زمانك بتجري تلحقها دلوقتي.»
ابتسمت وقالت: «معذور، بس ماشي.»
..........
في الفيلا، كانت منى قاعدة في أوضة مقفولة عليها، وهي بتخبط على الباب جامد.
قالت: «افتحولي! عايزة أشوف بناتي فييييين! افتحوا، بقولكم!»
كان مراد واقف عند الباب ساكت. دخل عندها، فبصتله منى.
قالت: «إنت مين؟»
قال مراد: «إحنا مش خايفينك، لكن بابا بلغني إنك مينفعش تخرجي من هنا تحت أي ظرف.»
قالت منى: «بابا؟! إنت...»
بصلها مراد بشدة، مستغرب إنها تعرفه.
قالت منى: «ابنها، مش كده؟»
قال مراد: «تعرفيني منين؟»
قالت منى: «أعرف والدتك، ومستحيل أنساك... بتقولّي عليه أبوك.»
ابتسمت بسخرية وقالت: «واضح إن جوازكم كان مستقر بينكم أوي.»
قال مراد: «أنا معرفش إنتِ مين، ولا اللي عرفتيه إيه، بس مش هينفع تخرجي غير لما ييجي ونشوف في إيه. أتمنى تتفهمي ده.»
سكتت منى، مستغربة من هدوئه، عكس أحمد.
خرج مراد وسابها، وقابل ميرفت، أمه.
قالت ميرفت: «مراد!»
بصت ميرفت على الأوضة.
قال مراد: «إيه اللي جابك هنا يا ماما؟»
قالت ميرفت: «مين الست دي يا مراد؟»
قال مراد: «ضيف عند بابا.»
قالت ميرفت: «ضيف إيه؟! وتبقى مين أصلًا؟»
قال مراد: «صدقيني، لسه معرفش، لكن بابا قال لازم تفضل هنا.»
قالت ميرفت: «دي ولا كأنها مغصوبة! ضيف إيه؟! قولي في إيه، وإيه اللي بيحصل معاكم؟»
قال مراد: «سمعت حاجة مش متأكد منها.»
قالت ميرفت: «هي إيه؟!»
قال مراد: «أعتقد بابا عرف حاجة عن بنته... عرف هي مين.»
قالت ميرفت بصدمة: «بنت أحمد؟! بنت أحمد؟!»
أومأ مراد.
قالت ميرفت: «دي ميتة يا مراد!»
قال مراد: «لا.»
قالت ميرفت: «يعني إيه؟!»
قال مراد: «كنا فاكرين كده، بس هي مش ميتة، لأنه ذكرلي اسمها... هي واحدة عايشة، وأنا شوفتها بنفسي.»
قالت ميرفت: «بتقول إيه يا مراد؟! ده مستحيل!»
................
كانت ديما ماشية في الشوارع بليل، وهي بتدور بعينيها، كأنها مستنية جاسر ييجي ينقذها ويلاقيها.
بس كانت بعيدة عن البيت، حتى التليفون مكنش معاها تكلمه يلحقها.
كانت قاعدة في الشارع، مش عارفة تروح فين ولا تيجي فين.
عدّى راجل من جنبها، وبصلها من شكلها.
قال: «إنتِ يا بنتي، روحي بيتك! مش شايفة الليل؟ وكلاب السكك كتير.»
قالت ديما: «يا ريتني كنت أقدر.»
قعد جنبها وقال: «فين بيتك؟»
سكتت ديما، وعينيها بتدمع.
قالت جملة صادقة من قلبها: «مليش بيت.»
سكت الراجل من وقع كلامها.
قال: «شكلك بنت ناس. قوليلي إنتِ بنت مين، وجيتي هنا إزاي؟»
قالت ديما: «معرفش أنا مين، لكن الظروف حطتني هنا. الظروف رمتني زي ما بترميني في كل مرة.»
قال: «لا إله إلا الله! طب أساعدك إزاي؟ ما أنا مش هينفع أسيبك هنا.»
قالت ديما: «في مكان عايزة أروحه، بس مش عارفة... ممكن تساعدني؟»
...............
كان إبراهيم قاعد، ووشه مليان ضرب، وهو مربوط في مخزن.
قال: «سيبوني... عايز أشرب!»
مكنش حد بيرد عليه، لحد ما الباب اتفتح، وبيشوف أحمد السيوفي قدامه وهو بيدخل.
اتوتر إبراهيم بشدة من رؤيته.
قال أحمد: «أحمد!»
قال أحمد: «عدّى وقت كتير يا إبراهيم.»
وفجأة نزل بقلم على وشه.
اتألم إبراهيم وقال: «سبوني، أبوس إيدك!»
قال أحمد: «لحد دلوقتي مقولتش حاجة.»
قلّل إبراهيم: «أقول إيه؟! أنا معرفش إنتوا عايزين مني إيه!»
قال أحمد: «إنت هتستعبط؟! هو إنت لو مش عامل مصيبة، كنت هربت زي الجبان الندل لما شوفتني؟!»
قال إبراهيم: «أنا معرفش جيت ليه! إيه اللي ظهرك دلوقتي؟!»
قال أحمد: «حظك الأسود! واعرف إنك مش هتخرج من هنا سليم.»
قال إبراهيم: «أنا معملتش حاجة!»
نزل أحمد بقلم أقوى على وشه، فاتألم إبراهيم.
قال أحمد: «معييش وقت! لو مقولتش الحقيقة، هقتلك إنت والكلب التاني!»
قال إبراهيم بحزن: «إنت عرفت منين؟!»
قال أحمد: «مخصكش! انطق! البوليس بيتحرك، ولو جابها، صدقني، ميهنولك مني غير أذية تندمك عمرك كله!»
قال إبراهيم: «أنا خوفت لما شوفتك... جيت عشان ديما، بنتك.»
قال أحمد: «لييييه؟!»
قال إبراهيم: «عشان... عشان هربت من البيت بسبب اللي عملته لما جوزتها لحسن غصب عنها، من غير موافقتها، وهي متعرفش.»
بصله أحمد، وعيون الشر بتطلق من عينه، وبصوت تقيل وفحيح، كمل.
قال إبراهيم: «خدت فلوس من عنده عشان أجوزهاله، وعملت كده. ولما رجعت، حسن خدها، بس هي كانت متجوزة واحد كمان.»
توقف أحمد ونظر إليه.
قال: «متجوزة؟!»
أومأ له إبراهيم.
قال: «جاسر الهاشمي، الفنان والمستثمر اللي بنسمع عنه، جه وقال إنها مراته، بس هي نفت ده وخليته يمشي عشان كان فيه صحفيين.»
قبض أحمد على إيده، وهو بيفتكر كلام سامح:
«متجوزة اتنين يا أحمد باشا! دي هتبقى قضية كبيرة، إن جاسر جوز تاني!»
افتكر أحمد ديما، وهو بيقولها:
«بنتي متعيشيش مع واحد في الحرام زيك!»
ابتسم بمرارة وهو بيجز على أسنانه.
قال: «مراته...»
بصله إبراهيم وقال: «هتسبني؟!»
نزل أحمد بقلم على وشه. المرة دي إبراهيم وقع من على الكرسي من قوته.
مسكه أحمد من هدومه زي الكلب وقال: «بتبيع بنتي يا كلب؟!»
قال إبراهيم: «أنا معملتش حاجة! سيبني، أبوس إيدك!»
قال أحمد: «هتندم على كل اللي عملته فيها! بس قبل كل ده، هتقول اللي إنت قولتهولي، بس مش هنا... في القسم.»
قال إبراهيم بصدمة: «مستحييييل! مستحيل! لااا! إنت عايزني أتخبس؟!»
قال أحمد: «تتحبس ولا أقتلك؟!»
بصله إبراهيم بشدة وقال: «أنا مش هعمل كده!»
قال أحمد: «هتعمل يا إبراهيم، لأني مبهزرش معاك.»
خرج سكينه وحطها على رقبته.
اتصدم إبراهيم.
قال أحمد: «أنا مش هضحي بيها تاني... خاف على روحك، لأن على حسابها مش هيهمني روحك إنت!»
دخل سامح، وشاف أحمد، فاتصدم.
قال: «أحمد باشا!»
قال إبراهيم: «الحقوني!»
ضغط أحمد على رقبته بالسكينة، فصرخ إبراهيم.
................
كان حسن قاعد بيتألم بين زوجاته، وقال: «أنا يتعمل فيا كده؟!»
قالت الولية: «كفاية بقى اللي حصل فيك.»
قال حسن: «وربنا ما أنا سايبها!»
الباب خبط جامد، فاترعب حسن وقال: «مين؟!»
ابتسمت مراته بسخرية وهي بتقوم تفتح، واتصدمت لما لقت جاسر.
قالت: «إ... إنت؟!»
دخل جاسر وقال: «هو فين؟»
قالت: «عايز إيه تاني؟!»
دخل جاسر مندفعًا لجوه، وراح ناحية حسن، اللي اترعب لما شافه، ومراته بعدت عنه فورًا.
قال حسن: «في إيه؟! إياك تقربلي!»
مسكه جاسر جامد.
صرخ حسن: «سيبني!»
قال جاسر بشر: «ديما فييييين؟!»
قال حسن: «أنا أعرف منيننن؟! أنا مقربتش منها تاني، ولا شوفتها من ساعة ما خدتها!»
قال جاسر: «فين العقد؟!»
قال حسن: «عايز منه إيه؟!»
نزل جاسر ببوكس على وشه.
اتألم حسن وقال: «في الدولاب!»
جره جاسر من هدومه وقال: «قوم! هاته!»
قام حسن وهو بيعرج ومرعوب، وفتح الدولاب وهو متردد، وبيبص بجنب عينه لجاسر، وهو بيخرج العقد.
لسه هيضربه، بس جاسر ضغط على رقبته وثبته بين حافة السرير.
قال جاسر: «ضربة واحدة هتخليك تطلع لخلقك! متخلنيش أوسخ إيدي في واحد زيك... هات العقد!»
قال حسن: «هتعمل بيه إيه؟!»
خده جاسر من إيده وشافه. كان بيشوف إمضاء إبراهيم مكان ديما، وإنه وكيل.
قال جاسر: «فين المأذون ده؟!»
قال حسن: «هرب من ساعة ما دفعتله الفلوس، زي الندل إبراهيم!»
قال جاسر: «دافع للمأذون وجوّز أمها... يا ولاد الكلب!»
قال حسن: «بس وحياة أمي، ما هسيبها!»
مسكه جاسر من رقبته وقال: «اسمع يلااااا! ديما تنسااااها! سمعتتتني؟! لو لمحتك بتتكلم عني وعن شرفي، لأكون دفنك هنا في بيتك!»
قال حسن: «إنت عايز إيه؟! أنا هوديك في داهية!»
قال جاسر: «ابقى اعمل اللي تقدر عليه، بس لما تيجي معايا.»
قال حسن: «على فين؟! أنا مالي؟! هو اللي جوزهالي!»
قال جاسر: « انت هتالف هو مش انت ابى رفعت القضيه
قال حسن_قضية اى انا معملتش حاجه انا مش قادر اروخ القسم ثم هروح اورط نفسي لى
بصله جاسر قال_هو مش انت الى بلغت
حسن_لا مش اناا سبنى بقا
يكت جاسر وهو باصصله وقبض عليه قال_ عقد مزور، قضية اعتداء وخطف وتزوير! يا هتعترف، يا هقتلك وهتتسجن في الحالتين. مش هسيبك!»
قال حسن: «إنت طلعتلي منيييين؟! أنا مش هودي نفسي في داهية بعد كل اللي دفعته! ولا لمستها واتمرمط!»
قال جاسر: «هديك الفلوس اللي دفعتها قصاد ده. متورينيش وشك وتقول اللي عملته!»
قال حسن: «قولتلك لااا! مش هعمل كده!»
جره جاسر من رقبته.
قال حسن: «خلااااص! سيبببني!»
لم يسمع جاسر، وهو بيجره. زوجاته كانوا بيبصوله بخوف.
قالت واحدة منهم: «قمور أوي، جامد حتى في الحقيقة!»
قالت التانية: «ينفع أخد صورة معاه؟!»
بصتلهم التالتة بشدة، وهم بيتفرجوا بنظرات الإعجاب على جاسر، وهو ساحل جوزهم في إيده زي الكلب.
رمى جاسر حسن في العربية، وانطلق بيه، بعينين باردتين كالشر.
رن تليفون جاسر من رقم غريب.
رد جاسر: «ألو؟»
جه صوت أنثوي رقيق.
«جاسر...»
سمع جاسر الصوت، وقلبه دق جامد.
قال: «ديما؟!»
بص لحسن.
قال جاسر: «ديييما! إنتي فين؟!»
قالت ديما: «جاسر، أنا خايفة.»
قال جاسر: «قوليلي مكانك.»
قالت ديما: «هيلاقوني... أنا خايفة يا جاسر.»
قال جاسر: «ديما... محدش هيعملك حاجة. قوليلي مكانك حالًا يا ديما.»
سكتت ديما، وجاسر بيسمع صوت نشيجها.
قال جاسر: «ديما...ثقى فيا»
.........
وقفت عربية قدام الشاليه، ونزل منها جاسر. لما وصل بأقصى سرعته، كان نفسه الشاليه اللي جه فيه لما اتجوز.
دخل جاسر لجوه فورًا وقال: ـ ديمااا!
مكنش فيه صوت في الشاليه. جاسر بيبص بقلق ولهفة، وقال: ـ ديمااا!
بتقف عينه لما يشوفها وهي خارجة من الممر، وكأنها كانت مستخبية خوفًا من إن حد ييجي غيره.
بص لها جاسر، ومن شكلها قالت ديما: ـ جاسر!
لقد كانت نبرة صوتها قادرة على أن تقتله وهو بيبصلها من الحاله الى فيها وخوفها
قرب جاسر منها بسرعة عالية، وديما جريت عليه وحضنته. جاسر دخلها في حضنه بين ضلوعه جامد، وقال: ـ ديما...
ربت عليها وقال: ـ بس اهدي، أنا معاكي. محدش يقدر يقربلك.
بعد عنها وبصلها في عيونها، وقال: ـ إنتِ كويسة؟
أومأت له ديما وقالت: ـ أنا كويسة.
قال جاسر: ـ جيتي هنا إزاي؟ ولمين الرقم ده؟
قالت ديما: ـ في حد ساعدني وجابني لهنا، عشان قالّي إن البوليس حوالين الفيلا، مستنيين أرجع، فخليته يجيبني هنا.
قال جاسر باستغراب: ـ حد مين؟!
قالت ديما: ـ هناك، بتشاور.
رفع جاسر عينه، ووقف لوهلة لما شاف حد متخيلوش..لقد كان مراد.
شكرا لزيارتكم عالم روايات سكيرهوم
