رواية وصية حب الفصل الأول بقلم رميساء ماهر
ورد... ورد
بت يا ورد
ااااه ياني على الغيبوبه اللي عايشه معايا دي
= سمعتك على فكرة
_حمدالله على السلامه يا استاذه ورد ما لسه بدري
مواصلات الحلم كانت صعبه ولا ايه
قامت ورد من على السرير وراحت لأغلى ما تملك في حياتها
جدتها آمنه
= صباح القمر عليكي ياعسل
_صباح الانوار ياختي كل ده انتي هتتأخري على شغلك كده والله معرفش ازاي قبلوكي في الشغلانه بتاعتك دي
رفعت راسي وقلت بنبرة ثقة وغرور مصطنعه
= علشان ذكائي وعقلي العبقري
_فعلا عقلك اللي طاير
ضحكت ورد على كلام جدتها
_يلا يا غيبوبه علشان تفطري وتلحقي شغلك
= حاضر ياست الكل
هغسل وشي وهصلي وهاجيلك... هوا وهكون عندك
_متنسيش النور مفتوح زي كل مره...... المره الجايه هشيل النور ده بسببك
= قلت بصعبانيه... انا..... انا يا مون مون بعمل كده
_امشي يابت من قدامي بدل ما تلاقي ابو ورده معلم على وشك
طلعت أجري من قدامها وأنا بضحك
خلصت وصليت فرضي
وفطرت مع تيتا الفطار المصري الأصيل
وجهزت نفسي علشان أنزل الشغل لبست دريس لونو زيتوني غامق بدانتيل من الاكمام وعليه طرحه طويله اوف وايت بصت في المرايه ولفت حوالين نفسي
= ياختي قمر أنا الله أكبر عليا
طلعت برا عند تيتا في الصاله
= عايزه حاجه يا تيتا انا ماشيه
_ اللهم بارك ايه القمر ده ربنا يحفظك ويحميكي من كل شر
خدت تيتا بالحضن
_انا بموت فيكي يا أحلي تيتا في الدنيا
طبطبت تيتا على ضهري
_ربنا مايحرمنيش منك أبدا يا ورد
يلا بقي انتي اتأخرتي جامد
طلعت من الشقه ووقفت قدام الاسانسير اللي كان مشغول في الدور 10 وانا في الخامس بصيت على الساعه لقيت الساعه بقيت 8 الا ربع اتصدمت وطلعت أجري على السلم وسبت الاسانسير
= يالهوي علياااا ده انا هتعمل كفته مشويه لو عرف الدكتور أحمد اني اتأخرت
طلعت أجري لحد ما وصلت الجراش ونفسي بينقطع ورحت أركب العربيه بتاعتي. ومشيت بيها بسرعه رنيت على صحبتي تسنيم... تسنيم صحبتي عشرت عمري من وإحنا صغيرين مع بعض وعمرنا ما افترقنا عن بعض مقدرش اقول عليها صحبتي بس دي صحبتي وأختي وكل حاجه حلوه
ردت عليا تسنيم
_صباح الورد على الورده القمر بتاعتنا
= صباح النيله يا جزمة الجزم مش قولتي هاتيجي تصحيني ونمشي مع بعض
_الله يسامحك ده انا بقول عليكي الورده القمر صدقي خسارة فيكي الدلع والكلمه الحلوه
= بت يا تسنيم مش عليا الشويتين دول
_اصل الصراحه يعني الصراحه
= ايوا ياختي الصراحه
_نسيت اصلا اننا اتفقنا نتقابل
= نسيكي الموت يا بعيده
_والله ياورد أنا سهرت جامد بسبب الحاجات اللي طلبها مننا دكتور أحمد وطلع عيني حسبنا الله ونعم الوكيل في الظالمه
=انتي كمان فكرت اني أنا بس اللي كنت معجونه في الأبحاث والمشاريع
_هوا انتي بتتكلمي وانتي بتسوقي العربيه
= ايوا ليه يعني
_طب خلي بالك وركزي في السواقه لتغبطي.........
ولسه تسنيم مخلصتش كلامها وعربية ورد سلمت على العرببه اللي قدامها
_يا وجعه طين
أهرب على فين.... أهرب على فين،، أهرب من تحت عقب الباب مش هيجي على مقاسي باب ايه دلوقتي أنا في الشارع
رجعت بصيت على العربيه تاني
لقيت قدامي اللهم بارك حيطه طالعه من العربيه مش بني ادم ده محتاج سلم علشان اعرف اشوف وشو
لقيت صاحب العربيه بيطلع منها وكان وشو كلو انفعال وعصبيه وجاي نحيتي وراح خبط على الازاز بتاع الشباك
نزلت الازاز بتوتر وابسمت ابتسامه متوتره
_ايه اللي انتي عملتيه ده
= معلش مقصدش
_هوا ايه اللي مقصدش انتي طبقتي العربيه يا شيخه الله يسامحك طالما مش بتعرفو تسوقو بتركبوا عربيات ليه
اتعصبت من كلامو وزعقت في وشو
= هوا في ايه يا جدع انت مش قولنا معلش
_يعني غلطانه وكمان بتزعقي
= غلطانه في ايه انت اللي وقفت مره واحده اعملك ايه يعني
_كان في عربيه معديه من قدامي ادخل فيها يعني ولا ايه علشان جنابك تمشي وكمان مش انا اديت لمبة فرامل قبل ما اقف ولا البعيدة مش بتشوف
/// عايزه اقولكم اني معرفتي بالعربيات لا تتعدي الفرامل والبنزين فمعرفش مصطلح لمبة الفرامل صح ولا لأ،، سألت Chat GBT ويارب مايكونش ضحك عليا وخرف من عندو ╥﹏╥ احم نرجع تاني....
= تعرف أنا لولا مستعجله كنت عرفتك مقامك كويس
_انتي يا أم شبر ونص هتعرفيني مقامي
= شبر ونص أنا شبر ونص يا عمود النور انت، يازرافة الغابة، صدق انت واحد مش محترم
_ ايه بلاعة اتفتحت وكمان بتقوليلي أنا مش محترم... انتي عارفه انتي بتتكلمي مع مين
قلت فى نفسي : هيرفع مناخيرو علينا اهو مفكر نفسو شاروخان ده ولا ايه
= وميشرفنيش اني أعرف واحد زيك
_ نعم ياختي انتي شكلك مش عارفه أنا ممكن أعمل ايه
شافت ورد الساعه بقت 8 ولسه موصليتش
= ياعم روح الله يسهلك انا فضيالك وسبتو و مشيت
= انسان استغفرالله العظيم داهية تاخدك
اتخضيت لما لقيت في صوت حد عمال يضحك وافتكرت ان تسنيم لسه معايا على التليفون
= انتي بتضحكي ماشي اما جيلك بس اصبري عليا
_الله وانا مالي يا لمبي وكمان انتي اللي غلطانه وعمالة تزعقي فى الراجل
= طب اسكتي يا زفته وانا جيالك دلوقتي... هوا صحيح الدكتور احمد جه
_هوا لو كان جه كنت هعرف اكلمك في التليفون كده-
يالهوي ده جه وقفلت الموبايل ..
= انا عارفه هوا يوم باين من اولو
يارب انا غلبانه استرها عليا ياااااارب
وصلت المستشفي
لقيت تسنيم بعتتلي
_ انتي فين يا مصيبه الاجتماع هيبدأ
تنتني أجري لحد ما وصلت قدام غرفة الاجتماع فتحت الباب ولسه هتدخل
= انا اسف-..... لسه هكمل لقيت الدكتور احمد بيقول
_وده نموذج اهو من الدكاتره المستهتره
المرضي مش هيستنو حضرتك على ما تشرفي
= ما كلو بسببك لو مكنتش طلبت مني كل التقارير ونمت متأخره بسببها كنت وصلت بدري
_بتقولي حاجه
= لا أبدا انا اسفه لحضرتك ومش هتتكر تاني
_ادخلي وياريت نلتزم بالمواعيد
دخلت وأنا بدعي عليه كل الدعوات اللي أعرفها بسبب الاحراج اللي عملو روحت وقعدت جنب تسنيم وسند
سند دي بقي بقيت المثلث بتاعنا دي العاقله والوحيده في شلتنا المهيبره دي
= سند وحشتيني يا معفنه
_وانتي ك......
_ مش اجتماع تعارف هوا ركزي معايا يادكتوره انتي وهيا
= ياربي عليه ايه ده
_ بتقولي حاجه
= لا أبدا
وبدأ الدكتور محمد الاجتماع وتفاصيل العملية اللي هبدأو فيها قريب
بعد ما خلص الاجتماع والكل بيخرج
ورد وهيا بتفرد جسمها
= أخيرا يا ناس احنا لو في خطة تحرير سينا مش هنقعد كله ده
تسنيم _حسبنا الله ونعم الوكيل هوا علشان الكرسي بتاعو متنجد واحنا لأ
_ سند : يلا يا حلوه انتي وهيا لأحسن حد يسمعنا ونروح كلنا في داهيه
خرجوا من غرفة الاجتماعات وهما ماشين مع بعض
حسيت بجوع مش قادره استحمل حد يجبلي أكل مسكت بطني ومكشره وشي
= بقولكم ايه انا جعانه والله لو ما كلت هعيطلكم هنا
ضحكت عليا سند وتسنيم جامد
_بتقولك هعيط انتي لسه بتعيطي من الجوع لحد دلوقتي يا ورد
وقفت وربعت ايدي وكشرت أكتر
= اه ياختي انتي وهيا لسه بعيط لو مجبناش اكل دلوقتي هفرج علينا المستشفى كلها
_لأ وعلى ايه ياختي تحبي تاكلي ايه يا دكتوره ورد
= نفسي في شاورما
_شاورما مره واحده ماشي
كل واحده شاندوتش شاورما و......
= سندوتش واحد ايه ده انا عايزه اتنين
قلتها وأنا بشاور بإيدي في وشها
_اتنين ده انتي شويه وهاتكلينا
= الله أكبر ياختي الله أكبر
_طب يلا انا هط.....
رن جرس الإنذار من الطوارئ
اتخضو كلهم وبصو لبعض بصدمه وطلعو يجرو علي قسم الطوارئ
وصلو قدام قسم الطوارئ واتفاجؤ بالعساكر الموجوده واقفين قدام سرير حد من المرضي روحت ناحيتهم
= لوسمحت ممكن توسعو المكان شويه انتو كده هتخنقو المريض
بدأت أحاول أقرب شويه مش شافيه من الحيتان اللي قدامي دي لحد ما الرؤيه بدأت توضح تدريجيا وشوفت المصاب اللي على السرير بصيت بصدمه
هوا انت .............
