رواية عريس مزيف الفصل الاول
البارت 1
#عريس مزيف
نبدأ بسم الله الرحمن الرحيم
ـــــ
.. هو إيه اللي أنا بعمله في نفسي ده يا ربي معقولة هو أنا لدرجة دي اتجننت عشان أوافق بس جمدي قلبك ووقعي خلاص اللي حصل حصل ومش هتقدري تغيري فيه حاجة خلاص.
كانت تتحدث مع نفسها وهي ترتدي فستان أبيض وحولها الكثير من الرجال كانت مترددة من فعلتها ولكن ليس أمامها شيء آخر لفعله لقد كانت تتمنى هذا اليوم كثيراً مع من يحلو لقلبها كان يجلس على المقعد بجوارها ذلك الشخص التي كانت تريده بشدة كبيرة ولكن الآن لا تريده بسبب ما فعله بها.
أردف أحد الجالسين.. وقعي يا بنتي عشان نكمل كتب الكتاب على خير.
أمسكت بالقلم ويدها ترتجف من الخوف وكانت تنظر إلى أحد بنظرات لا يعلمها سواه هو وهي فقط.. قامت بالتوقيع على عقد الزواج أخيراً.
أردف المأذون.. وإنت كمان يا عريس وقع هنا.
ذلك الشاب كان حزين 😔 جداً لأن يتزوج من الفتاة التي وقع في حبها ولكن بغير إرادته.
نعم يا سادة هو يتزوج من الفتاة التي يريدها لكن بغير إرادته.. قلبه يشتعل من داخله كان ينظر إلى الفتاة التي لا تريده بعد فعلته تلك بها ولكن هو لا يعلم إن كل ذلك بأمر من والده.
أمسك القلم وقام بالتوقيع ونهض من مقعده تفاجأ الجميع بذلك ولكنه أردف بخنقة.. بابا أنا بوكلك مكاني.
أردف المأذون.. يا ابني هذا لا يجوز.
حاول إخراج صوته.. زي ما أبوها وكيلها أنا كمان بوكل أبويا مكاني.
لحظة صمت وتركهم وغادر المكان دون الرد على أحد.
تجمعت الدموع في جفن الفتاة ولكن والده قام للجلوس محله وقام بوضع يده في يد والد الفتاة وتم عقد القران على خير.
أما هو في الخارج ينظر إلى السماء بحيرة وحزن شديد وضع أحدهم يده على كتفه.. استدار هو له وكانت شقيقته الصغرى.. أردفت بحزن.. يوسف مالك؟
أردف يوسف وهو يحاول إخراج الحديث.. مفيش بس خلاص انتهت مهمتي للنهارده.
أردفت شقيقته.. اهدى وعدي اليوم على خير لأن بابا مش هيسامحك لو حصل حاجة.
أردف يوسف بغضب.. أبوكي إنتي عارفة أبوكي بيعمل إيه دلوقتي أبوكي بيخدع الناس الموجودة جوه دي بيا عارفة يعني إيه لما يكون أنا العريس قدام الكل و الحقيقة في عريس تاني.
وضعت شقيقته يدها بسرعة على فمه خوفاً من سماع أحدهم الحديث.. ششش اسكت ما تقولش الكلام ده لحد يسمعك.
أردف هو بغضب.. إنتي بتتكلمي بجد إنتي خايفة حد يسمعنا ولما يعرفوا الحقيقة هيبقى إيه وقتها ريهام إنتي بنت زيها وهترضي على نفسك لو اتعمل فيكي نفس اللي بيتعمل فيها جوه ده.
أردفت ريهام بحزن.. لا بس ما تنسيش يا يوسف إنت السبب في كل ده واللي بيحصل جوه ده مكنش هيحصل غير بسببك إنت.
تركته شقيقته وغادرت إلى الداخل ظل هو ينفخ بغضب شديد وتذكر شيء جعله يلعن نفسه ألف مرة
ــــــفلاش
استووب نتعرف على الشخصيات اللي هتعمل لينا إيرور دي 😂
هالة بنت عندها 23 سنة وقعت في حب شاب عنده 25 سنة وبتكون صاحبة ريهام أخت يوسف حبت يوسف بجنون ولكن هو عمل حاجات خلتها كرهته للأبد وهي دلوقتي بتتجوزه قدام الناس ولكن في عريس تاني هو بيكون العريس الحقي وفي ألعاب كتيرة في حياتها هنعرفها سوا وهل هالة هتتقبل بالوضع ده ولا لا.
يوسف عنده 25 سنة بتاع بنات ولعب على هالة لعبة عشان رهان كان بينه وبين صحابه ولكن اتقلب السحر على الساحر ووقع في بلوة هو مش عارف يخرج منها.
ريهام من عمر هالة بتحبهم الاتنين وهي الوحيدة اللي عارفة الحقيقة ولكن مجبورة تسكت وهنعرف ليه؟
عمرو توأم يوسف وهو ده اللي كان معاه الرهان وهو اللي راح قال لهالة الحقيقة وعنده 26 سنة.
وفي أبطال كتيرة معانا هنعرفهم مع بعض
المهم نكمل ولا لا ونعرف مين هو العريس المزيف.
