رواية اخوات جوزي العقارب الفصل الاول 1 بقلم هويدا زغلول

في بيت في الصعيد كانت واقفه الكبيره ثريا واقفين معاها بناتها شوقيه ورقيه وشوقيه قالت ليها 

شوقيه 

الله الله يا حاجه يا كبيره البلد من بعد ابويا ما مات  وتيجي  واحده من البندر خليتك تمشي على العجين متلخبطيهوش بعد ما كنت ماشييه البلد دي كلها على رجل جات لك اللي تخليكي تسمعي كلام واحده اصغر منك 

وفي الوقت ده ثريا بتتعصب بتضرب بنتها بالقلم وبتقول لها 

ثريا 

اخرسي قطع لسانك انت يا بنت شكلك نسيتي نفسك ولا ايه امشي اطلعي على دارك يلا وما اشوفش وشك هنا تاني 

وقبل ما نبدا الحكايه اعرفكم على بطلتتنا اللي اسمها سما وكانت واقفه قدام قصر كبير في الصعيد وقال ليها رؤوف 

رؤوف 

جرى ايه يا سما في ايه مالك وقفتي ليه كده في حاجه حصلت 

سما 

مش عارفه والله يا رؤوف انا حاسه ان انا خايفه قوي من ساعه ما قولت ليا ان مامتك صعبه جدا وهي اللي مشيه البلد دي وانا بجد خايفه 

رؤوف 

معقول الكلام اللي انا بسمعه ده بقي سما اللي عمرها ما خافت من حد جايه دلوقتي وبتقول ليا الكلام ده 

سما 

هو انا مش خايفه قوي يعني بس عندي رهبه كده ان انا اقابل مامتك حاسه ان هي هتكون ست صعبه جدا ومش عارفه اتعامل معاها 

رؤوف 

على فكره ماما طيبه وغلبانه جدا بس الست ذكيه وانا عارف ان انتي ذكيه وهتكسبيها انتي كمان 

سما 

ربنا يسترها بقى يلا بينا نخش 

وبعدها فعلا دخلوا جوا وقدام باب القصر كلمت واقفه الحاجه ثريا وبنتها شوقيه ورقيه 

الأم 

يا بنات ما ينفعش اللي انتم عايزين تعملوه ده انا مش عايزه اخرب على اخوك والجوازه كفايه ان انا سمعت كلامكم وما حضرتش الفرح لا بجد انا مش هاجي عليه اكتر من كده 

رقيه 

اسمعي الكلام اللي بقول لك عليه بس يا ماما البنت دي فاكره نفسها ان هي دكتوره وهتكون ليها كلمه في البيت ده وانت لازم تكسريها من اولها 

الحمااااا 

يا يا بنات انا ما صدقت اخوك ساب مصر وجاي يعيش معانا هنا في الصعيد لا لا انا مش هعمل الكلام اللي انت بتقوله عليه ده 

شوقيه 

اعملي حسابك يا ماما لو انت ما عملتيش الكلام اللي احنا قولنا عليه ده انا مش هاجي لك الدار هنا ثاني وخلي ابنك ينفعك بقى يا حبيبتي 

وبعدها الام حطت ايديها على باب القصر وجه رؤوف ومع 

رؤوف 

هو في ايه يا ماما عقبالك وقفه ساده الباب ليه كده انت مش عايزانا نخش ولا ايه 

رقيه 

لا يا حبيبي طبعا تخش وتنور بيتك بس عروستك لازم تبوس ايد امك الاول وتقدم الولاء والطاعة 

سما 

ايه الكلام الفارغ اللي انت بتقولي عليه ده لا طبعا انا لا يمكن اعمل الكلام ده خالص 

ثريا شالت ايدها وبعدين قالت 

ثريا 

وليه بقى ان شاء الله مش ناوي تعملي الكلام ده هو انت مش ناويه تمشي تحت طوعي ولا ايه ولا فاكره ان انت جايه هنا الصعيد وهتمشي على مزاجك 

سما 

لا يا حبيبتي انا همشي بكلمه جوزي واللي هو عايزه انا هعمله غير كده انا مش هعمل 

شوقيه 

الحق عروستك يا رؤوف دي بتكسر كلامك من اول يوم 

سما 

مش هتعرفي توقعي ما بيني وما بين جوزي جوزي مطلبش مني ان انا غير كده ولا انت رايك ايه يا رؤوف 

رؤوف 

لا طبعا مش موافق على الكلام اللي بيحصل ده يلا بينا يا سما احنا نرجع القاهره وانا مش هاجي هنا تاني يا ماما 

الأم 

استنى يا رؤوف ادخل جوه بس خليك فاكر ان مراتك كسرت كلمتي ومن النهارده مراتك ملهاش دعوه بيا خالص 

سما 

لو ده اللي هيريحك يا طنط انا ما عنديش مشكله بس انا مش هعمل حاجه غصب عني 

شوقيه 

لا والله يا ست ماما هو ده اللي انت قدرتي عليه انا لو منك كنت رميتهم في الشارع رميت الكلاب 

ولسه رؤوف هيرد وبعدين الام قالت 

الأم 

استنى عندك انت يا رؤوف ما تتكلمش انتي يا بنت انتي امشي اتفضلي على بيتك يلا مش عايزه اشوف وشك هنا واياك اسمعك تكلمي اخوكي بالطريقه دي تاني انتي سامعه ولا لا شكلك كده اتجننتي ونسيتي نفسك

رقيه 

يلا بينا يا شوقيه عشان الكلام اللي هيحصل بعد كده ولا هيعجبك ولا هيعجبني افرحي بابنك ياما 

وبعدها مشيوا هم الاثنين وبعدها الحماااا بصت  لسما وقالت لها 

الحمااااا 

ايه يا حبيبتي مستنيه يخرجني انا كمان من البيت ولا ايه ما تدخلي يلا على اوضتك 

سما 

لا انا مش داخله الا ما ابوس ايدك  وهعمل لك اللي انت عايزاه وعايزه اقول لك ان انا همشي تحت توعك وتحت كلامك والكلمه اللي هتقوليها هتتنفذ 

الحمااااا 

انت يا بنت مجنونه ايه الكلام اللي انت بتقوليه ده طب ما عملتيش كده ليه وخليتي اخواته ماشيين زعلانين 

سما 

عشان انا مش هسمع في البيت الا كلمتك انتي وكلمه جوزي انما كلمه اخواته لا وانا عارفه ومتاكده كويس قوي ان هم اللي طلبوا منك انك تعملي معايا كده 

وبعدها مسكت ايد  الام وقالت ليها 

سما 

لو سمحت عشان انا عايزه ادخل اوضتي هاتي ايدك 

وبعدها فعلا باست أيدها 

سما 

ربنا يخليكي لينا ويبارك لنا في عمرك ابدا بس انا كل اللي عايزه اطلبه منك انك ما تجيش عليا قدام حد وانا اوعدك اني هسمع كلامك في كل حاجه مش هكسرلك كلمه ابدا 

الأم 

ربنا يسعدك يا بنتي واشوفك متهنيه دايما 

وبعدها دخلوا الاوضه وفي الوقت ده كانت شوقيه ورقيه روحوا البيت وكان قاعد سيد جوز شوقيه ومحروس جوز رقيه 

سيد 

ايه عملتوا ايه نفذتوا الكلام اللي قلنا لكم عليه اخوكي اخذ مراته ومشي ثاني على مصر صح 

رقيه 

لا يا حبيبي ما انت عارف ومتاكد ان ماما مش هتعمل كده بس هم هيروحوا مننا فين عرفنا نوقع بينهم 

بكره تشوف اللي هنعمله انا وشوقيه هيخلي ماما تطردهم من البيت

محروس 

هو احنا لسه هنعمل مكايد بقولك اي انتي وهي لازم الأرض تكون مكتوبه ب اسمنا 

شوقيه

باسمك ليه يا حبيبي ان شاء الله وانا واختي رحنا فين بقول لك ايه احنا متفقين من الاول حاجه هتكون باسمنا احنا وانتم اللي هتنفذوا البيع 

محروس 

طبعا يا حبيبتي اللي انت عايزاها يحصل كله بس لازم كل حاجه تبقى باسمكم 

سيد 

طب انا عندي حل يريح كل ده اخوكو يموت وساعتها الحاجه تبقى باسمكم رسمي اصل انتم عارفينهم متاكدين ان امكم بتحب اخوكم قوي مش هتتنزل بسهوله كده 

وبعدها قامت رقيه وقالت 

رقيه 

اعمل حسابك يا سيد لو كلمتك الحوار ده تاني انا هطلق منك 

سيد 

جرى ايه يا رقيه في ايه هو انا كنت قلت حاجه عشان تقولي كده ده انا خايف عليكي وعلى مصلحتك انت واختك

شوقيه 

مش هيكون دلوقتي يا سيد اصبر بس لما نشوف امي هتعمل ايه عشان لو فضلت مخلياه هو فوق راسنا كده بجد انا اللي هعمل كده واخلص منه 

رقيه 

معقول الكلام اللي انت بتقولي على اخوك ده انا مش قادره اصدق ان في حد بالجحود ده 

شوقيه 

وان امك مفضلاها عننا ده حاجه كويسه يعني بقى جوزي وجوزك هما اللي شايلين كل حاجه وامك مخلياهم خدامتها عندها وفي الاخر كل حاجه اخوك ياخدها 

محروس 

خلاص يا جماعه مش وقته الكلام ده احنا هنطلع ننام دلوقتي علشان بكره نروح عندكم القصر ونشوف الموضوع وصل لايه 

شوقيه 

انا متاكده كويس قوي ان امي مش هتخليهم يباتوا في البيت النهارده برده مهما كان اللي عملته مرات رؤوف ما كانش سهل 

محروس قام وقف وبعدين قال

محروس

خلاص يا جماعه يلا بينا عشان نطلع

وبعدها فعلا طلعوا وفي اوضه رؤوف كانت قاعده سما وراح رؤوف جنبها 

رؤوف 

بجد انا مش قادره اصدق اللي انت فيه ده انت ازاي قدرتي تكسبي حب ماما قوي كده 

سما 

والله مامتك فعلا شكلها طيبه جدا وغلبانه بس حاسه ان اخواتك هم اللي بيولعوا الدنيا ومش فاهمه هيستفادوا ايه يعني المفروض يكونوا فرحانين ان انت موجود معاهم هنا 

رؤوف 

خلاص يا حبيبتي مش وقته الكلام ده بس بجد انت فرحتيني قوي انك سمعتي كلام ماما 

سما 

المهم انا عايزاك تكون ايديها ورجلها وتكون فاهم كل حاجه في شغل باباك ما ينفعش ان انت عامله ده وسايب كل حاجه لجوزات اخواتك كده 

رؤوف 

معقول يا سما عايزاني اضيع حلمي والمستشفى اللي انا عايزه ابنيها وبقى في التجاره والكلام ده لا لا طبعا مش هقدر 

سما 

مامتك جايباك هنا البلد علشان خاطر كل حاجه تكون تحت ايديك حاول ما تكسرش كلامها 

رؤوف 

تمام ماشي يا حبيبتي اللي انتي عايزه اعمله 

يلا بينا علشان ننام 

وبعدها كانت الأم واقفه علي الباب وسمعت الكلام وتاني يوم كانت واقفه ثريا في المطبخ ودخلوا بنتها 

رقيه 

صباح الخير يا ست الكل ايه ده غريبه يعني من امتى وانتي بتقفي في المطبخ 

ثريا 

عايزه اعمل فطار للعرايس بايدي النهارده كويس ان انتوا جيتوا كنت هزعل قوي لو ما جيتوش 

شوقيه 

غريبه يعني يا ماما ده انت عمرك ما عملتيها انت اللي واقفه بنفسك في المطبخ وبتعملي الاكل دي الحلوه سحرها عالي قوي بعد اللي عملته امبارح انتي بتعملي كده 

وبعدها ثريا واقفت ليها وقالت 

ثريا 

البنت نفذت كل الكلام اللي انا قلت لها عليه بس بعد ما انتم مشيتوا وناويه تمشي تحت طوعي بس برايي انا مش برايكم انتم خفي شويه شوقيه بقى 

شوقيه 

لا والله طب لما هي ناويه تعمل كده ما عملتش قدامنا ليه هو انت بتصدقي يا ماما اللي بيحصل ده هتلاقي ابنك اللي قال لها 

ثريا 

اهدي شويه يا شوقيه وبطلي الحريقه اللي انت فيها دي البنت كويسه قوي وبتسمع كلامي وبتحبني ده انا امبارح سمعتها وهي بتقول له انا عايزاك تمسك كل حاجه في شغل ابوك وانتم عارفين دي الحاجه اللي انا نفسي فيها 

وشوقيه اتعصبت وقالت 

شوقيه 

ايه الكلام الفارغ ده هو واخد الدكتوراه عشان يمسك هو التجاره ما هي التجاره مع جوازتنا يا امي ولا هم دلوقتي بقوا وحشين ومش عايزاهم ياخدوا حاجه 

ثريا 

اقفلي خشمك يا بنت انت وما اسمعش صوتك تاني انت سامعه ولا لا واياك تتكلمي معايا بالطريقه اللي انت بتتكلمي بيها دي وانا اخلي الغريب يمسك الحاجه ليه وانا ابني موجود

 

شوقيه 

الله الله يا حاجه يا كبيره البلد من بعد ابويا ما مات  وتيجي  واحده من البندر خليتك تمشي على العجين متلخبطيهوش بعد ما كنت ماشييه البلد دي كلها على رجل جات لك اللي تخليكي تسمعي كلام واحده اصغر منك 

وفي الوقت ده ثريا بتتعصب بتضرب بنتها بالقلم وبتقول لها 

ثريا 

اخرسي قطع لسانك انت يا بنت شكلك نسيتي نفسك ولا ايه امشي اطلعي على دارك يلا وما اشوفش وشك هنا تاني

شوقيه 

خلاص افرحي بيه بقى وخلي هو اللي يشيل كل حاجه وانا من النهارده هقول لسيد ومحروس ما لهمش دعوه باي حاجه 

ثريا 

هو انتي اتجننت يا بنت انتي عشان تقفي تتكلمي معايا بالطريقه اللي انت بتتكلمي بيها دي

شوقيه 

انا عايزه اقول لك يا امي ان انت اللي هتخسرينا بعض وهتخلينا نكره اخويا باللي انت بتفكري 

وبعدها خرجت وشويه وخرجت وراها رقيه وكانت سما نازله من فوق وشوقيه اول لما شافتها قالت ليها 

شوقيه 

يا رب تكوني فرحانه لما نخلص من اخونا بسببك منك لله علي اليوم اللي فكرتي تيجي فيه هنا 

سما 

انت ايه طريقه الكلام اللي بتتكلمي معايا بها دي انا ما اسمحلكيش حتى لو كنت اخت جوزي لازم يكون في احترام ما بيني وما بينك 

شوقيه 

ماشي يا سما والله لحزنك عليه ما اخليك تطولي قشايه 

وبعدها خدت بعضها ومشيت ورقيه وراها وفي الوقت ده خرجت ثريا من المطبخ ولقوف نزل من فوق

رؤوف 

هو في ايه بالظبط اللي حصل وشوقيه مالها كانت عماله تزعق معاكي ليه كده 

سما 

والله ما يا رؤوف انا لقيتها قدام مني وعماله تكلمني بالطريقه دي وما اعرفش ايه اللي حصل 

ثريا 

اتعصبت جدا لما عرفت ان انت هتمسك كل حاجه في البلد زي مراتك ما قالت 

سما استغربت وقالت 

سما 

وهي عرفت منين بالكلام اللي انا قولته انا وجوزي هو انتم مركبين كاميرات في اوضه النوم ولا ايه انا مش فاهمه حاجه 

ثريا 

لا طبعا ايه الكلام اللي انت بتقوليه ده احنا مش بالاخلاق دي انا بصراحه كده كنت معديه امبارح وسمعتك وانت بتقولي كده وفرحت جدا 

سما 

هو انت كنت واقفه تتصنتي على الباب يا طنط ايه الكلام اللي انا بسمعه ده انا يستحيل اعيش في البلد هنا لحظه واحده انا هاخد هدومي وامشي دلوقتي 

وبعدها طلعت فوق ورؤوف قال لامه 

رؤوف 

ايه يا ماما اللي انت عملتيه ده ينفع انك تقفي تسمعي على الباب اللي انا بقوله انا ومراتي 

ثريا 

مش وقته الكلام الفارغ اللي انت بتقول عليه ده انا بجد ما كنتش عايزه اي عداوه ما بينك وما بين اخواتك بس هما اللي عملوها 

رؤوف 

بجد انا كرهت اليوم اللي جيت فيه البلد هنا مش عارف ايه اللي انا عملته في نفسي ده 

ثريا 

ارجوك يا رؤوف انا اسفه بس اطلع خلي مراتك تقعد انا مش عايزاك يا ابني تسيبني وتمشي تاني 

رؤوف 

ربنا يهدي الحال يا امي 

وبعدها فوق وسما كانت بتلم هدومها وهو قال ليها 

رؤوف 

حقك عليا انا ما تزعليش بس بالله عليك اوعي تسيبيني طب انا ذنبي ايه او عملتلك ايه عشان تعمل ايه كده 

سما 

بجد كانت اكبر غلطه في حياتي وما فكرت اني عايش معاك في البلد هنا بجد انا مش هكون مرتاحه وحسن اهلك مش بيحبوني ده في اول يومين وشفت اللي حصل لو سمحت يا رؤوف لو عايزنا نعيش مبسوطين تعالى نرجع القاهره 

رؤوف 

هو ده اللي انت كنت بتقولي عليه ما انت اللي مخلياني اجي هنا وعايزاني امسك كل حاجه وبجد دلوقتي انا فكرت في الكلام وان الموضوع ده هو الصح