رواية جثة العناية الفصل الأول بقلم محمود الأمين
اتنين متجوزين عن حب، وعندهم طفل صغير عنده سبع سنين، وحياتهم سعيدة وتكاد تكون مثالية.. مفيش مشاكل، والكل بيحسدهم على العيشة اللي عايشينها، خصوصًا إن الراجل، واللي هو رب الأسرة، بيورث مبلغ كبير بعد وفاة أخته، والحالة المادية بتاعته هو وأسرته بتتحسن زيادة، ولكن فجأة وبدون سابق إنذار بتتحول الحياة السعيدة دي لكابوس.
وبيكون بداية الكابوس ده بلاغ غريب عن جري.مة ق. تل.. في شهر فبراير عام 2021، بيتفاجئ رجال الشرطة ببلاغ جاي من واحد اسمه الدكتور عادل، بيقول إنه رجع من شغله بدري عشان مراته تعبانة الفترة الأخيرة، ومراته دي دكتورة واسمها نهلة.. والتعب اللي عند نهلة كان غير مفهوم ومالوش أي سبب علمي.. نهلة كانت بتخس بشكل مش طبيعي، وتصرفاتها في الفترة الأخيرة كلها عصبية ومشاكل، سواء مع جوزها أو مع ابنها اللي عنده سبع سنين، واللي اسمه إياد.
والدكتور عادل بيقول في البلاغ إنه دخل الشقة، لقي ابنه واقع على الأرض ومتوف. ي، وقاعدة جنبه نهلة مراته، وكان شعرها منكوش وشكلها مش طبيعي، والجملة اللي قالتها وخلت الدكتور عادل مصدوم.. أنا اللي ق. تلته.
في البداية بيكون فاكرها بتهزر، لكن لما بيقرب من الولد بيلاقي آثار خنق على الرقبة فعلًا، وبيكون مصدوم من اللي شايفه، فبيبلغ الشرطة اللي بتيجي عشان تقبض على مراته، واللي قبل ما يتقبض عليها بتتعب بشكل مش طبيعي، وبيبتدي جسمها يترعش، وبتدخل في حال قيء شديدة، وبعدها بتفقد الوعي، والظابط لما بيوصل بيأمر بنقل الجث. ة للطب الشرعي، ونقل الدكتورة نهلة للمستشفى، وأول ما بيوصلوا المستشفى وبيتم الفحص المبدئي، الدكتور بيقول إنها لازم تدخل العناية المركزه فورًا.. وقال إن في انهيار كامل في أجهزة الجسم بدون سبب معلوم.
....
جث. ة_العناية
الجزء_الأول
بعد مرور أسبوع على الجري.مة، كنت قاعد في مكتبي مستني تليفون من المستشفى، يا إما يبلغوني إن حالة الدكتورة نهلة استقرت وإننا نقدر نحقق معاها عشان نعرف هي ليه عملت كده في ابنها؟
أو يبلغوني إن الدكتورة نهلة ماتت، وده كان الأقرب عشان كلام الدكاترة عن حالتها كان بيقول كده.
ولكن في الحقيقة، التليفون اللي وصل من المستشفى كان صدمة كبيرة، بس قبل ما أكمل أحب أعرفكم بنفسي، أنا المقدم صلاح أبو السعود، رئيس المباحث، واللي كنت متابع الجري.مة الأولى اللي حصلت في شقة الدكتور عادل من البداية.. ونرجع للتليفون اللي وصل من المستشفى، ولما فتحت الخط لقيت واحد بيتكلم وبيقول:
_ في جري.مة ق. تل حصلت في المستشفى.. المريضة اللي في غرفة العناية المركزه اتق. تلت.
= مين المريضة اللي في غرفة العناية؟
...
وكانت الإجابة إن المريضة دي هي الدكتورة نهلة، المتهمة بق. تل ابنها في الجري.مة الأولى.. وعلى طول اتحركت على المستشفى اللي حصلت فيها الجري.مة، واللي المفروض إن في عسكري موجود على باب غرفة العناية عشان المريضة اللي كانت جوه متهمة بجري.مة ق. تل.
ولما وصلت، الدنيا كانت مقلوبة ومفيش حد فاهم حاجة.. ومع وصولي لاحظت إن الدكتور عادل داخل هو كمان معايا من الباب، كانت حالته صعبة وبيعيط زي الطفل الصغير، طبطبت عليه وطلبت منه يهدى عشان نفهم إيه اللي حصل بالظبط.. وأول ما دخلت العناية، لقيت على السرير الدكتورة نهلة، وفي جسمها عدد من الطع. نات النافذة.
طبعًا منعنا أي حد إنه يدخل العناية المركزه، لأن الغرفة بقت مسرح جري.مة، وبعد أقل من نص ساعة كانت رجالة الطب الشرعي والمعمل الجنائي وصلت غرفة العناية المركزه لفحص الجثمان ومسرح الجري.مة.
وسبتهم يشوفوا شغلهم، وخرجت للعسكري اللي كان واقف على الباب ووشه جايب ألوان، وباين عليه التوتر والقلق.
_ إيه اللي حصل؟!.. إنت مش المفروض واقف هنا على الباب مش بتتحرك، إزاي واحد يدخل ويخلص عليها وإنت واقف؟!
= بصراحة يا فندم، أنا سبت مكاني عشان كنت عاوز أدخل الحمام، ولما رجعت لقيت في دكتور خارج من جوه والدنيا كانت هادية لحد ما لقيت ممرضة جاية تجري ودخلت بسرعة الغرفة وسمعت صراخها من جوه، ولما دخلت لقيت المنظر ده.
= سبت مكانك ودخلت الحمام.. أمممم، وشكله إيه الدكتور اللي إنت شوفته خارج من جوه ده؟
_ بصراحة ما ركزتش معاه.. هو كان باصص في التليفون ولابس نضارة، لكن شكله إيه مش عارف.
= تمام.. استلقى وعدك بقى، لأنك إنت هتتحاسب حساب كبير.
....
سبت العسكري ورجعت دخلت تاني غرفة العناية المركزه، واتكلمت مع دكتور الطب الشرعي اللي اتكلم وقال:
_ الطع. نات اللي في الجسم كانت بشكل عشوائي.. ورغم كده أنا برجح إن اللي ق. تل مش أول مره يق. تل، ده واحد إيده ثابته ومش بتتهز، وعشان كده الطع. نات كلها كانت نافذة.. الق. اتل ما رفعش ماسك الأكسجين عن المجني عليها عشان رفع ماسك الأكسجين كان هيدي جرس عند الممرضة، وهنا أقدر أقولك إن الق. اتل شخص سريع جدًا وخرج من الغرفة قبل ما الجهاز يدي إشارات إن المريضة ماتت.
= معنى كلامك إن اللي ق. تلها شخص فاهم بغض النظر إن الطع. نات تمت بشكل عشوائي.
_ بالظبط، شخص فاهم وعارف موضوع الأجهزة والجرس يعني بشكل كبير اللي ارتكب الجري.مة من داخل المستشفى.. وأكيد مع التحريات يا فندم في حاجات كتير هتظهر وهتوضح مين هو الق. اتل.
...
وبعد ما الرجاله خلصت شغلها، اتنقلت جث. ة الدكتورة نهلة للطب الشرعي عشان تتشرح.. ورجعت على مكتبي عشان نبدأ التحريات ون حاجة عن الدكتورة نهلة إبراهيم.
والمعلومات اللي بتوصلنا من البحث الجنائي بتوضح إن الدكتورة نهلة كانت دكتورة سيئة السمعة.. بمعنى إنها تسببت قبل كده في م. وت مريضة رغم التحذيرات اللي جاتلها من الدكاترة اللي أكبر منها.
الدكتورة نهلة كانت دكتورة جراحة ومن الدكاترة اللي عندهم درجة كبيرة من الكفاءة، ولكن في الفترة الأخيرة الكل لاحظ إن الدكتورة نهلة مش مركزة، ده غير إنها كانت بتتعامل مع الناس كلها بطريقة وحشة، وده اللي خلى مدير المستشفى يحاول كذا مرة يديها إجازة عشان أعصابها ترتاح، ولكن الدكتورة نهلة كانت بترفض.
ومن المشاكل اللي قابلت الدكتورة نهلة في المستشفى إنها تسببت في م. وت واحدة اسمها مروة.. ومروة دي تبقى أخت دكتور اسمه الدكتور شريف في المستشفى، والمشكلة ساعتها إن العملية كانت عملية بسيطة، مروة أخت الدكتور شريف كان عندها الزايدة، وبسبب خطأ طبي في العملية انفجرت المرارة وماتت مروة أخت الدكتور شريف، وكل الدكاترة وقتها كانوا محذرين الدكتورة نهلة من العملية في التوقيت ده، ولكن هي أصرت على كده.
والدكتور شريف لسه راجع المستشفى من أسبوع وحالته النفسية كانت صعبة.
طيب هل المشاكل وقفت لحد هنا؟.. لا.
الدكتورة نهلة ضربت حارس الأمن اللي واقف على باب المستشفى بالقلم على وشه، وقالت إن الحارس ده، واللي كان اسمه عبد الله، عاكسها، وعبد الله ده من الصعيد وكان حاسس بالإهانة، وقال إنه مش هيسيب حقه وهينتقم من الدكتورة نهلة.. بس الغريبه مش في المشكلة دي، الغريبه إن لما اتراجعت الكاميرات طلع عبد الله حارس المستشفى بريء، وإن الدكتورة نهلة بتتبلى عليه..
ونروح لأهم جزئية في التحريات، وهي المشكلة اللي كانت ما بين مدام نهلة والدكتور عادل.. والمشكلة دي ظهرت بعد ما الدكتور عادل استلم الميراث بعد وفاة أخته، قبل الجري.مة الأولى ما تحصل بشهر، كانت بدأت تتدهور حالة مدام نهلة، وفي مشكلة إن المشاكل اللي كانت دايرة ما بينهم في الفترة دي، مدام نهلة قالت للدكتور عادل بالنص إنها هي اللي ق. تلت أخته زينب، وإن الميراث اللي هو ورثه ده بسببها.
والغريبه إن الدكتور عادل رفض استخراج جث. ة أخته، واتهم مراته بالجنون، رغم إن العيلة كلها كانت عاوزه تتأكد من كلام مراته، ولكل كان مستغرب رفض الدكتور عادل في استخراج الجث. ة والتشريح.
....
قفلت ملف التحريات وأنا بسأل نفسي.. إيه اللي وصل دكتورة زي الدكتورة نهلة لكل ده؟.. ما بين عيلة عايشه حياه سعيده للكابوس اللي هما عايشين فيه دلوقتي.
ولكن في الوقت ده بيظهر تقرير المعمل الجنائي والبصمات، واللي بيثبت إن البصمات الموجوده في مسرح الجري.مه.. وساعتها وقفت وأنا ببص على الاسم ومش مصدق نفسي عشان البصمات دي تبقى بصمات..
