رواية شفرة اسر الفصل الاول
أنت مين ودخلت ازاى هنا… يااااه. …روحت فين!!!
فين الولد اللي كان هنا.. دورت في كل مكان لكنه اختفي.. معقول يكون بيتهيئ لي.. لأ لأ واضح أني اخدت غفوة وده كان مجرد حلم مش أكتر.. مافيش أى تفسير علمي للي حصل غير كدا..
اعرفكم بنفسي أنا المهندس عاصم.. مهندس تكنولوجيا وبرمجه. ماسك منصب، مهم جدا في أكتر من شركة..عقلاني جدا لأ أؤمن بالخرافات.
أحب عملي جدااا لدرجة أني بشتغل حتى في البيت.. أحياناً لأ اري أبنائي بالايام.. ل اندماجي في الشغل..
مراتي اشتكت مني كتير وفي الآخر استسلمت،. للامر الواقع وحتى في المناسبات الاجتماعية والأعياد والمصايف.
أنا مش موجود تماماً.. حبي ل شغلي خلاني أنسي حتى التحدث مع الآخرين.. وأصبح عملي هو صديقي الوحيد اللي بقضي معاه معظم الوقت…
جيهان زوجة المهندس عاصم…
إيه صوتك عالي كدا ليه.. خلاص نسيت كمان اسامي ولادك..
ع العموم هما في المدرسة ولسه ميعاد رجعهم بعد ساعة..
المهندس عاصم…
إيه اللي جابك هنا… أنا مش منبه أن محدش يدخلي المكتب. حتى لو حد جابلي القهوة يدخلها من غير صوت…
وكمان أنا مندهتش ع حد… اتفضلي سبيني أشوف شغلي .
جيهان…
دى مبقتش عيشه.. أنا زهقت، منك.. أنا نسيت إني متجوزة أصلا. أنت بقيت بالنسبة ليا آله بتجيب فلوس،. حتى ولادك حاسين أنهم أيتام.. أنا خارجه وخلي شغلك ينفعك لما تعجز،. ومتلاقيش حد يسأل عنك…
وخرجت قعدت في الجنينة منتظرة الأولاد.. أول ما يرجعوا من المدرسة هاخدهم واقعد عند ماما يومين..
المهندس عاصم…
قعدت قدام اللاب توب اكمل شغلي وأنا بقنع نفسي أن مافيش حد ظهرلي وان ده نتيجة إرهاق شغل مش أكتر..
فجأة كل اللي ع الشاشه اختفي، وبدأت حروف تتكتب
" أنا حقيقة وموجود ولست من وحي خيالك"..
وشوفت ظل طفل في الشاشه.. بصيت ورايا وفي الغرفة كلها لكن مافيش حد…
بس اكيد ده فيرس،. وحد باعته علشان يبوظلي شغلي أو يتجسسe, عليا وببص في اللاب توب اكتب لأ أنا هنا لكن يوجد أحد بالخارج يتصنت عليك!
مشيت براحه وفتحت الباب لقيت البنت مساعده البيت واقفه وماسكه كوب عصير ليمون.. قولت لها واقفه كدا ليه!؟؟
قالت أنا سمعت صوت حضرتك متعصب قولت اعملك عصير ليمون يهدئ أعصابك..
اخدت كوب العصير وقولت لها اتفضلي مجيش هنا إلا لما اطلبك..
وبعد ما مشيت قفلت الباب وببص ورايا لقيت طفل شكله برئ ووسيم وهادئ…
قولت له أنت مين وجيت هنا ازاى!! وازاى كتبت ع الشاشه من ع بعد!!! اكيد أنت عملت فيرس،ع اللاب توب بتاعي… قولي مين اللي باعتك.. وفين أهلك وازاى سيبينك لوحدك كدا؟!ايه مش خايفين، ابلغ عنك البو'ليس!!!
الطفل آسر…
أنا آسر وجئت من عالم مختلف وأنا هنا للمساعده ولن اتسبب في أى إيذاء،. لك ولا ل أسرتك..
أخرج حالا في سيارة ماشيه ع الطريق بسرعه عاليه وأولادك ع وصول… اسرع قبل أن يصابوا…
المهندس عاصم…
خرجت من الفيلا أجري بسرعة علشان أتأكد من كلامه.. وشوفت السيارة جايه من بعيد وأتوبيس المدرسة وصل والأولاد هتعدي الطريق… جريت لهم وأول ما مسكتهم عدت السيارة بسرعة..
يعني في أقل من لحظه كان ولادى ممكن يضيعوا.،مني… مسكت أيدهم وعدينا الطريق ودخلنا الفيلا وأول ما شافتني جيهان.
قالتلي أول مرة تخرج تستقبل ولادك.. ده أنت بقالك أكتر من شهر مشوفتهمش…
اتحرجت قدام الأولاد وقولت لها ما هما وحشوني علشان كدا خرجت استقبلهم..
وشوفت الطفل آسر بيبتسم ليا وفجأة اختفي،…
دخلت غرفة المكتب مرة تانية ادور ع الطفل وبعدين قولت بصوت واضح أنت عرفت منين بالسيارة وميعاد وصول ولادي وأنت واقف معايا…
أنت اكيد طفل جاي من المستقبل.،، أنا كان عندي يقين إني في يوم هقدر أتواصل مع حد من الكواكب الاخرة..
ع العموم أنا عاوز اشكرك واسألك ع معلومات تخص كوكبكم واستفاد من خبرتك…
ما اكيد هما مش هيبعتوا أى حد… واضح أنك لك مكانه مهمة عندهم. وممكن تكون مش طفل أصلا ودى اعماركم أو احجام كم هناك… ياتري أنت من المريخ، ولا المشتري…
أنا كنت قرأت كتير عن كائنات عايشة، في سفن فضائيةe. أنت منهم…
الطفل آسر…
كنت سامع كل كلام المهندس عاصم وكتبت له ع شاشه اللاب توب "اهدئ وبدل ما تسأل وتستفسر عن عالمي. اجلس مع أولادك واطمئن عليهم.. يوجد الكثير لا تعرفه عنهم"...
يزن.. ياسين..
أول ما دخلنا الفيلا بابا تركنا ودخل مكتبه تاني كالعادة.. سألنا ماما. أمتي بابا يقعد معانا. إحنا ع طول في النادي أو حفلات المدرسة بنشوف آباء أصحابنا معاهم وبيلعبوا مع بعض… اشمعني إحنا..
جيهان…
بابا مسؤول، مهم في الشركة،.. ده غير شغله الخاص به ومعندوش وقت خالص حتى للنوم، وكل ده علشان يوفر لكم حياة ومعيشة كويسه وتقدروا تدخلوا مدرسة انترناشونال، وتشتركوا في نادي كبير وتقعدوا في فيلا…
لولا شغل بابا مكنش هيكون في كل ده… يلا اطلعوا خدوا شاور وجهزوا ملابسكم هنروح عند تيتا يومين نغير جو..
وأول ما الأولاد طلعوا غرفهم،. صعبوا، عليا أوى.. أنا ولادي عايشين زى الأيتام، بدون اب.. ومش قادرة أعمل حاجه غير أني بكذبe عليهم…
وببص لقيت عاصم خارج من مكتبه وبيقولي فين الأولاد.. يلا علشان نتغدي مع بعض!!!
قولت له أنت كويس.. في وعيك، اصلا.. أنت بقالك سنين بتاكل لوحدك…
وناديت ع مديرة، المنزل قولت لها جهزوا الغداء واعملوا حساب المهندس عاصم هياكل معانا..
المهندس عاصم…
مكنش عندي رد.. أنا كل اللي كان شغلني إني أنفذ كلام الطفل علشان يجاوبني ع أسئلتي..
أما أولادي فأنا مطمن لأن جيهان معاهم ع طول وكمان الدادة ومستواهم في الدراسي والرياضي كويس جدا.. بشوف الشهادات والميداليات في دولاب الجوائز…
وبعد انتهاء من وجبه الغداء سألت الأولاد عن أحوالهم وعرفت أن يزن زعلان علشان عنده مشكله في المدرسة والمديرة طلبت مقابلتي لكن مامته اللي راحت بدالي.. وقالت إني مسافر خارج مصرe.. وزملائه في الفصل اتريقوا، عليه..
وظهر الطفل آسر وشاور ليا ب ايده ع الموبايل وببص لقيت مكتوب
" اذهب مع أولادك المدرسة وحل مشاكلهم واخذ إجازة من الشغل واقضي اليوم معهم"
كتبت في الملاحظات مينفعش عندي اجتماع مهم مع عملاء جدد!
آسر… " من مصلحتك تسمع كلامي ثق في"
عاصم… أنا معرفكش أصلا يبقي ازاى اثق فيك..
آسر… " ع الأقل أجل موعد الاجتماع للساعه 3 ولن تخسرr شئ.. بالعكس سوف تكسب حياتك"...
المهندس عاصم…
أنا مش مقتنع ب كلام الطفل بس مضطرr اهاوده لحد ما أجمع أكبر عدد من المعلومات…
وقولت ل أولادي أنا جاي المدرسة بكره، واقابل المدير، وزملائكم في الفصل وفرحوا أوى وحضنوني..
وجيهان فضلت بصالي ومستغربه… وأنا مكنش عندي أى تفسير ل افعالي…
سليمان ملك،مملكة.الجانn…
هل تم التواصل مع البشري يا وزير..
الوزير. برك…
نعم. لقد ظهر آسر للمهندس عاصم ونجح في التواصل معه..
سليمان ملك،مملكة.الجانn..
هل علم أن آسر. من عالم الجانn…
الوزير.برك….
لأ أن عاصم شخص عقلاني جدا واعتقد أن آسر من كوكب آخر… ولقد نفذ آسر الخطة دون ما يخبره بأى شئ عنه.. سيحاول في البداية اكتساب ثقته حتى يستطيع تنفيذ، مهمته بنجاح..
الطفل آسر…
كنت اختفي، واراقب، المهندس عاصم دون أن يشعر بي…
وبعد ما تأكدت أنه نام.. دخلت إلي اللاب توب واخذت منه بعد البيانات….
المهندس عاصم…
تاني يوم الصبح روحت للأولاد المدرسة ومعايا جيهان وقابلت كل المدرسين ودخلت فصول يزن وياسين وعرفت كل زملائهم إني والدهم وكنت مسافر ولسه راجع من السفر…
واتصلت أجلت الإجتماع بدل الساعه 11 يكون الساعه 3عصرا..
وع الساعه 11وربع جالي إتصال من السكرتيرة بتقولي
الحق يا بشمهندس حصل……..
إيه ازاى ده!!!!! آسر؟؟!
