رواية غيرة السلايف الفصل الاول
حفلة زفاف في بيت ريفي بسيط.. داخل زكريا شاب اسود عيون بني شعر أسمر.. ماسك عروسته قمر.. بنت جميله اوى بيضاء شعر بني عيونها خضراء..
يدخل بعدهم هادي شاب جميل جداً قمحاوي عيونه عسلي شعر أسود.. ماسك عروسته رحمه سوده عيونها بني متحجبة.. الكل فرحان لا رحمه بين عليها الزعل والكسوف.. وهي بتسمع كلام المعازيم.
واحده
والله ياختي النصيب ده غريب بقا هادي اللي بنات القرية كانوا هيموتوا عليها يتجوز دي.
ترد واحده تانيه.
نعمل ايه ياختي الجواز ده حظوظ ودي حظها عكس شكلها.. بس قمر اللي عسل الله واكبر عليها شكلها يفتح النفس.
هادي يبص لرحمة باستغراب
هادي
مالك ياروحي قلبه بوزك ليه كده؟
رحمه
انت مش سامع كلام النااس عليا. بيجاملوا في جمال مرات اخوك وبيهزقوا فيا.(تبص لقمر بغيظ)
هادي يمسكها من وسطها بحب
هادي بابتسامة
حبيبتي انتي في قلبي انا مش في كلام النااس. خلي اللي عنده كلمة يقوله انا اللي اعرفك وانا اللى بحبك مش النااس اتفقنا.
رحمه تبص له بخجل وتسكت… قمر تسمع كلام هادي تبص لهم بغيظ وتبص زكريا اللي بيرقص بحنق.
قمر بتفكير
يالهوي علي حظي الهباب بقي انا اتجوز الاهطل ده والمعفنة دي تتجوز هادي..(تبص للرحمة بغيظ)
هادي ياخد رحمه ويدخل شقتهم.. وزكريا ياخد قمر ويدخل شقتهم.
—-----------
في شقه قمر وزكريا
قمر قاعده علي السرير بتنفخ بزهق… يدخل زكريا يبص لها باستغراب.
زكريا
انتي لسه زي ما انتي وانا اللي قاعد بره مستنيكي تخلصي..
قمر بحنق
انت مش مذكر الليله دي ولا ايه وحتي لو مش مذكر ما خدش بالك اني عروسه ولبسه فستان تقيل وهعوز حضرتك تساعدني وكده
زكريا
طيب ما انتي عاوزه مساعدة ما زعقتيش عليا ليه؟
قمر تبص له بزهق.
هو انا لازم انادي وقول علشان حضرتك تفهم ولا ايه؟.
زكريا باستغراب
مالك مش طايقني ولا طايقة نفسك ليه كده انت متجاوزني غصب ولا ايه الحكاية مش فاهمه.
قمر بتفكير
ده اللي ناقصني اوف… هفضل اعصر علي نفسي للمون لحد امتي بس ياربي… بس لازم استحمل مش هجي بعد كل ده واخرب كل اللي عملته.
تابتسم بخبث وهي بتقوم وتقرب من زكريا
قمر بخبث
اي الكلام اللي بتقوله ده انا بس مضيقة شويه عاوزك تدلعني تخلعني فستاني وتفهم من نفسك واحسن اني عروسة.
زكريا بزهق
طيب يا ستي اديري هفكلك السوستة وانتي غيري علي ما طلع من الحمام عشان نتعشي.
قمر تبص له بذهول
انا بقولك تدلعني تقولي افكلك السوسته علي ما اطلع من الحمام عشان نتعشي..
زكريا باستغراب
امال انتي عاوزه ايه مش فاهم؟
قمر بصدمة
احيييه عليا وعلي حظي الاسود بدري هو انا اللي هفهمك دي كمان.
—----------
في شقة هادي ورحمة.
هادي واقف قدام باب الحمام، مش لابس غير البنطلون…
هادي باستغراب:
رحمة بتعملي إيه كل ده؟ يا بنتي بقالك ساعة في الحمام.
رحمة واقفة في الحمام لابسة فستان أحمر قصير وفردة شعرها أسود طويل..
رحمة بكسوف:
مكسوفة أوي، مش قادرة أطلع كده، الفستان قصير خالص.
هادي بضحك:
طيب معلش اطلعي، عاوز أشوف قصير لحد فين؟
رحمة:
طيب اطلع بره على ما أطلع وأغيره يخفيف.
هادي:
حاضر هطلع، بس بعد سنتين تلاتة على ما أشبع من قمر زيك. ويلا اطلعي بقى أصل أكسر الباب.
رحمة بكسوف:
لا، مش طالعة غير لما تطلع إنت الأول.
هادي:
رحمة مش بهزر، اطلعي اخلصي، لا أكسر الباب أقسم بالله، وتبقي فضيحة وإنتِ حرة.
رحمة:
هادي وحياة أمك ما تهزر، والله ما هقدر أطلع كده قدامك خالص.
هادي:
هعد من واحد لتلاتة، لو ما طلعتيش هكسره، أنا بقولك اهو… واحد اتنين.
رحمة تطلع بسرعة.
رحمة:
خلاص طلعت اهو…
هادي يبص لها بصدمة:
يا خربيت أمك، إيه يا بت القمر ده؟
رحمة بكسوف:
هادي بطل رخامة، والله هموت من الكسوف.
هادي يقرب منها ويشيلها وهو بيقول:
هادي:
وأنا هموت وراكي، حد يكون معاه قمر كده ويقدر يعيش من غيره يا ناس؟
