رواية جريمة وهمية الفصل الأول بقلم محمود الأمين
3 جث. ة يعني 3 جرايم قت. ل.. وفي بينهم عامل مشترك، التلاتة دول هما صلاح عبد العزيز، وتوفيق طوخي، وعزيز سالم. دكاترة نفسيين، والتلاتة معاهم مصحة نفسية ملكهم، وكل واحد فيهم بيمتلك في المصحة دي نسبة.
فتخيل إن التلاتة يتقتلوا بنفس الشكل، والقاتل هنا ما استخدمش سكينة ولا حبل ولا مسدس حتى.. القاتل استخدم صاعق كهربا، وساعتها رجال الشرطة بتتقسم لـ 3 مجموعات، كل مجموعة في مسرح جري. مة، ومعاهم فريق من المعمل الجنائي والطب الشرعي لفحص الجث. ة ومسرح الجري. مة.
وفي الـ 3 حالات، الطب الشرعي بيؤكد إن سبب الوفاة تعرض المجني عليهم لكهربا تسببت في توقف عضلة القلب، ورجالة المعمل الجنائي بيقولوا إن مفيش بصمات في مسرح الجري. مة عشان يعرفوا من خلالها مين اللي عمل كده؟!
وفي الحالات اللي زي دي، إحنا بنعمل تحرياتنا عشان نعرف مين الشخص اللي ممكن يعمل كده.. هل في عداوات مع الأشخاص دي ممكن توصل حد إنه يقت. لهم بالشكل ده؟! خصوصًا إن كاميرات المراقبة في الـ 3 أماكن ظهر فيهم القاتل، ولكن كان لابس كاب وكمامة زرقة على وشه، ومن خلالهم مش واضحة ملامح الشخص.
وفي عز ما إحنا مشغولين بجمع تحريات عنهم، بيوصل بلاغ من شخص مجهول، والشخص اللي بلغ قال إن اللي قت. ل الأشخاص دول دكتور زيهم واسمه عيسى سليمان، وبعد ما بيتقال الاسم، الخط بيتقطع. بنحاول نعرف مين صاحب الرقم، ولكن للأسف بيكون مجهول هو كمان، ده غير إنه بقى خارج نطاق الخدمة، يعني الشخص اللي بلغ ده خلص المكالمة وكسر الخط.
ولما بنعمل تحريات عن الدكتور عيسى سليمان، الشخص اللي اتذكر في المكالمة، بتظهر بعض النقط اللي بتأكد إنه مش متزن نفسيًا.. وعشان كده، في قوة من القسم بتتحرك على بيت عيسى سليمان، ولما بيوصلوا هناك، بيتأكدوا إن هو اللي ارتكب الجرايم دي. كل حاجة في المكان بتقول إن الدكتور عيسى سليمان خطط كويس عشان يقت. ل الـ 3 ضحايا.. صورهم اللي موجودة في الشقة، الكاب والكمامة الزرقة واللبس.. والدكتور عيسى سليمان كان موجود في الشقة وماسك صورة بنت في إيده ومنهار من العياط. بيتقبض عليه وبيتحركوا بيه على قسم الشرطة.
وخلاص، القضية اتحلت. إحنا معانا القاتل، ورجال الشرطة لقيت صاعق الكهربا اللي هو سلاح الجري. مة، وكمان لقيت اللبس والكاب والكمامة، والقاتل كمان كان موجود في الشقة.. ولكن الغريب، لما رئيس المباحث سأل الدكتور عيسى سليمان: قتلتهم ليه؟.. فكان رده صورة لبنت عندها 10 سنين، وقال بمنتهى الهدوء: كنت بنتقم لبنتي، ودول اللي قتلوها.. وساعتها القضية اللي كانت هتتقفل بتتفتح على قضية تانية خالص، عشان تكون من أغرب القضايا اللي عدت في تاريخ الجري. مة.
....
جريمة وهمية
الجزء الأول
أنا المقدم منصور سالم، رئيس المباحث. من كام يوم وصلنا 3 بلاغات في منطقة سكنية واحدة، 3 جرايم قت. ل، والضحايا دكاتره وشركاء في مصحة نفسية. سبب الوفاة واحد، وما كانش في أي حاجة مسروقة من شقق المجني عليهم، يعني الغرض الأساسي للقاتل هو القت. ل، وكان باين من الطريقة اللي اتقتلوا بها فعل انتقام عند الشخص اللي قت. لهم.. عشان هو استخدم صاعق كهربا.
وبعدها بلاغ من مجهول، بنعرف من خلاله مين اللي ارتكب الجرايم دي.. دكتور نفسي في نفس التخصص بتاع الضحايا، واسمه عيسى سليمان. ولما بنروح ونفتش شقته، بنلاقي كل حاجة محتاجينها عشان تثبت عليه الجري. مة، والدكتور عيسى سليمان بيعترف إن هو قت. لهم فعلًا، ولكن بيتهمهم إن هما اللي قت. لوا بنته ياسمين، واللي عندها 10 سنين.. وفي اللحظة دي، الدكتور عيسى سليمان قاعد قدامي عشان أبدأ معاه تحقيق.
_ طيب، حضرتك بتقول إنك قتلتهم بدافع الانتقام، وإن الناس دي هما اللي قت. لوا بنتك؟.. ممكن نفهم منك الحكاية بالظبط من الأول، ونعرف إيه علاقتك بيهم، وإزاي وليه قت. لوا بنتك؟
= المصحة النفسية اللي بيملكوها هي صورة بس من بره، ولكن في الحقيقة اللي بيحصل جوه بشع، وما يليقش بالطب النفسي ولا ليه أدنى علاقة بيه.
الدكاترة دول بيفتحوا لايفات مرتبطة بالدارك ويب، وبيتلذذوا بعذاب المرضى في جلسات الكهربا اللي بتحصل بشكل غير قانوني، وحضرتك عارف إن الحاجات دي بيدفع فيها ملايين.. ده غير إنهم اتسببوا في وفاة حالات كتير عندهم، ولكن الغريبة إن دايمًا التقارير بتقول إن الوفاة طبيعية.
_ أنا لحد دلوقتي بسمع منك كلام مرسل، ومش فاهم إيه علاقة بنتك برضو بالمصحة دي؟
= أنا شخص عصبي بطبعي، ومراتي سماح وبنتي ياسمين كرهوني، وبسببي بنتي كانت بتعاني من اضطراب نفسي، وده اللي خلى والدتها تدخلها المصحة تحت إشراف دكتور نفسي، بس بنتي اللي دخلت عندها اضطراب نفسي طلعت من جوه جث. ة، وكالعادة الدكاترة المحترمين قالوا إن الوفاة طبيعية.. وأنا كان لازم أنتقم منهم.
....
بعد ما خلصنا كلام مع الدكتور عيسى سليمان، بدأنا نعمل تحريات عنه وعن مراته وبنته.. وعرفنا إنه متجوز مدام سماح من 11 سنة، وعنده منها بنت اسمها ياسمين عندها 10 سنين.. واتأكدنا من خلال التحريات إن في مشاكل فعلًا حصلت ما بين الدكتور عيسى ومدام سماح، وإن بنتهم ياسمين تضررت نفسيًا من الموضوع بسبب معاملة والدها ليها.. وفعلًا ياسمين اتحجزت في مصحة نفسية عشان الحالة اللي وصلتلها لا تتناسب أبدًا مع سنها.
ولكن المفاجأة في التحريات إن ما فيش أي حاجة بتقول إن ياسمين ماتت. هي خرجت من المصحة مع والدتها، ولكن هما فين دلوقتي؟.. محدش عارف.
ولكن التحريات بتثبت إن في علاقة فعلًا، غير موضوع البنت، ما بين الدكتور عيسى سليمان والـ 3 دكاترة اللي اتقتلوا.
والعلاقة دي بترجع لأيام الدراسة، واللي بعرف من خلالها إن الـ 3 دكاترة دول كانوا بيتنمروا على الدكتور عيسى سليمان بسبب طريقته في الكلام، واللي تبين إنه مش متزن نفسيًا، ده غير إن طريقة لبسه أيام الجامعة كانت بتخلي الطلبة دول بالذات يسخروا منه، والموضوع ده مع شخص مش متزن نفسيًا بيخلق جواه حالة من الغضب.. بس هل ممكن التنمر ده يكون هو السبب في إن الدكتور عيسى سليمان قت. لهم ولا لأ؟
وآخر معلومة كانت عندنا في التحريات إن الدكتور عيسى سليمان، بالرغم إنه دكتور نفسي، إلا إنه عرض نفسه على دكتور نفسي مقرب للعيلة عشان اللي حصل لبنته، واللي هو شايف إنه سبب أساسي فيه.
...
وبعد ما بنخلص التحريات، بيكون عندنا دافع ظهر من خلال التحريات بيعرفنا ليه الدكتور عيسى قت. ل الدكاترة دول، ورغم إن الموضوع عدى عليه سنين، ولكن ده ممكن يحصل.. وفي نفس الوقت، كنا بنحاول نوصل لمعلومة واحدة بتأكد إن ياسمين بنت الدكتور عيسى ماتت في المصحة أو ماتت في العموم.. البنت ووالدتها اختفوا تمامًا.
ولما بنواجه الدكتور عيسى بالكلام ده، وخصوصًا موضوع التنمر، بيتكلم وبيقول:
_ أنا عارف إنهم كانوا معايا أيام الدراسة.. كانوا بيغيروا مني بسبب إن مستوايا الدراسي أعلى منهم، وأنا كنت فاهم ده.. بس أنا شايف إن حضرتك بتلمح إني قتلتهم بسبب الموضوع ده.. طيب، معلش يعني، ليه بعد السنين دي كلها؟!
= اللي مخليني بقول كده هو إن التحريات بتقول إن مراتك وبنتك مختفيين من فترة، وإن بنتك فعلًا كانت بتتعالج في المصحة، ولكنها خرجت منها سليمة مع والدتها.. والغريبة إنك رغم اختفائهم ما عملتش بلاغ تغيب واحد، رغم إنك أنت الشخص الوحيد اللي المفروض تعمل البلاغ ده، خصوصًا إن مراتك مقطوعة من شجرة وما لهاش حد.
....
ولكن الدكتور عيسى سليمان كان بيأكد إن بنته ماتت في المصحة، وإنه عارف كمان مكان قبرها، وده خلاني أتحرك معاه، ومعانا قوة من القسم، على المقابر عشان نشوف جث. ة بنته اللي بيتكلم عنها. ولكن الصدمة إننا لما وصلنا قدام القبر، لقينا القفل مفتوح، ولما دخلنا ما لقيناش الجث. ة اللي بيتكلم عنها، وساعتها أنا ما كنتش قادر أتهمه بحاجة، خصوصًا مع موضوع القفل اللي كان مفتوح ده، واللي بيرجح إن في حد سرق الجث. ة من القبر.. ولا كان في نفس الوقت ده كان في ريحة بشعة موجودة في المكان، وده اللي خلاني نتحرك لقبر مفتوح كان جنب القبر اللي شاور عليه، ولما نزلنا كانت في انتظارنا مفاجأة غير متوقعة: كان في جثتين متفحمين، ولكن الصدمة إن الجثث دي كانت.
