رواية تزوجت مراهق الفصل الأول بقلم القطة الشريرة
نعرفكم بنفسي اسمي مريم عمري 16سنه شهاده ثانويه متزوجه��طبعا انتو عندكم عادي بس اللي مش عادي انه زوجي عمره18 ولد عمي و مانحبوش بعضنا��يعني زوجنا زواج تقليدي بس بالنسبه ليا و له زواج تكريهي���� ح نحكيلكم قصتي قبل الزواج انا بابا و ماما منفصلين و كل حد فيهم تزوج كنت عايشه مع حني ام ماما بس السنه اللي فاتت توفت حني و ماما قالت نبي بنتي تعيش عندي بس بابا موافقش و من هنا بدت معناتي��صارن مشاكل بين خوالي و عمامي و بابا ظالم شوي لانه مراته قالتله بنتك ماتقعدش عندي لانه في كل زيارة تصير عركه بينتنا يبال انه تجي تعيش عندنا بس هو مايبيش الناس تقول سيب بنته عند راجل غريب اللي هو زوج ماما بس زوج ماما طيب بكل و كويس و يعامل فيا زي بناته بالزبط عمره ماحسسني اني غريبه عنه❤بس للاسف بابا سكر راسه واضطريت اني نكسر الشر و نمشي نعيش عند جدي و حني هل بابا و حايلت ع ماما و رضيتها عشان ماتزعلش مني��عشت عند جدي الحق دارولي دار بروحي و خذيت دلال وراحه بس حني كانت ديما خايفه عليا لانه حوش جد و عويل عمي و عماتي امتى مايبو يجو و يباتو و هنا جدي خذا القرار اللي دمرني و دمر مستقبلي انه يزوجني��✋و كانت مرات عمي تزن على جدي عشان تبي تزوج وحيدها اللي جيها على عرم بنات��تبي تفرح بيه و تشيل عويله وهنا اسهلت المهمه عند جدي و حني و فرضو عليا و عليه انه يزوجنا لبعضنا انا كنت نبي نكمل قريتي و ماكنتش حاطه في بالي لا الزواج ولا حتى الحب و هو كان يبي بنت خالته��بس جدي قال كلمه و لما يقول كلمه تمشي غصبا عنى كلنا على بعضنا وفقت و امري لله بس ماكنتش نحساب انه هو يحب بنت خالته كنت نحساب انه امه هيا اللي تبيها له لاني لو كنت نعرف راهو رفضت ولو حتى على قطع رقبتي��المهم بدينا ف التجهيزات و خيتكن فرحانه تحسابه الزواج غير لبست الفيلو و رقص و اغاني و ضحك��وجدي عشان يبري ذمته حط لكل حد فينا ف حسابه مبلغ كبير و طلع الفرح ع حسابه هو و كان فرح كبير فرح الناس كلها حكت عليه و انا كنت فرحانه و قريب نطير من الفرح و اخيرا يبي يكون ليا حوش بروحي يعني استقرار و راحه ماحد يبي ياخذني عنده و فرحانه من الفرح اللي داره ليا جدي اي بنت تتمانه و ع الفلوس و ع كل شي بس ماكنتش نحساب انه يبن يجني ايام سوووده�� طلع الفرح و كان نفس الفرح اللي كنت نتخيله و رقصت انا و صحباتي و صورة و درت اللي في خاطري كله و هو ماباش يخش طلعني بابا وركبت ف السيارة👇👇
