رواية قط وفار والقلب احتار الفصل الأول بقلم شيماء يسري زهران
| في شقة حنان|
قالت حنان اخت جوز نوال:
- ياختي أنا عارفة الواد بيحبها على ايه يا نوال!
- القلب وما يريد يا حنان، وبعدين مش عارفة بيحبها على ايه؟ اه منك اسكتي يا حنان.
- ماهو اصل حتى لو يعني عشان النادي وكده، بس متوصلش إن كل ما تطلب منه حاجة ينفذها! اللي مجنني البت مش محتاجة اصلا! ده كفاية اسم ابوها!
ردت نوال وهي بتضحك وبتغسل السمك:
- ياختي أنتِ طيبة مش فاهمة، الواحدة مننا كسِت حتى لو مش محتاجة الحاجة هي بتحب تدلع على راجلها، يعني بتحسسه بأنه هو الملك بتاعها كده.. هاتلي واعملي وكده يعني.
ردت حنان وهي بتعمل السلطة:
- لأ يا نوال! الكلام ده لو جوزها اقولك ماشي، إنما ده خطيبها لسه! دي كده ولا كأنها واحدة جعا.نة!
- ايوة هو معاكي حق بردو، بس يمكن هي مبتحسبهاش كده بردو، اصل هي عارفة هو شايفها ازاي وبنت مين فبتقول ادلع عادي براحتي..ناوليني التوابل دي كده.
اديتلها حنان التوابل في أيدها وردت في غيـ.ظ:
- تقوم طالبة منه تجدد عربيتها؟؟ أنا بدأت أحس طمعانة في نجاح الواد اللي ربنا قسمهوله.
- بتقولي ايه يا حنان اتقي ربنا! دي هتطمع في ابنك أنتِ؟؟ أنتِ مش شايفة هي مين! وبعدين ابنك بردو لسه في أول طريقة ده بياخد جنيهات بالنسبة لغيره.
- والله يا نوال انا قلبي حاسس ابني ده هيلمس السما كده وهينجح..هتشوفي وقولي حنان قالتها اذا كنت عايشة أو لأ.
- يا فقر.ية هاتي طيب السلطة دي خلينا ننجز.
| في اوضتي - في شقتنا|
حيث كانت الفوضى هي ست الكل هنا.. يعني عندك مثلا كتاب ع الأرض عامل كده🤪 وكتاب تاني عامل كده🕺🏼
قاعدة ع السرير حاطة قلم حبر احمر ورا ودني وقلم حبر اسود ورا ودني التانية، شعري منعكش شوية ولابسة النضارة.
| في المطبخ|
دخلت فوزية المطبخ واللي هي ماما ومرات اخو حنان التاني:
- ايه أنتِ وهي كل ده بتعملوا الأكل! ما تشهلي اومال يا حنان، جرا ايه يا نوال هاتي ياختي السمك ده.
ردت نوال:
- أنتِ لحقتي خلصتي الغسيل!
-اه طبعًا الواحدة لازم تبقى حركتها سريعة كده مش تفضل ساعتين في سمكتين، ايه يا نوال أنتِ بتغسلي السمكة ولا بتشطفيها!
ضحكت حنان بصوت عالي وهي بتربط الاشرب بتاعها عدِل على راسها وبتقول:
- انا بس اللي عطلتها في الكلام، اصل كنا بنتكلم على حوارات كده.
- حوارات ايه؟
- يعني حوارات كده على البيت ومش عارف ايه..المهم روحي أنتِ بس كملي بقية الشقة.
- طيب بس انجزي أنتِ وهي شوية، الراجل زمانه على وصول.
خرجت فوزية من المطبخ، اتكلمت نوال:
- بقى معقولة بتخبي على فوزية! يابت دي طيبة!
ردت حنان وهي عاو.جة بوقها في سخرية:
- ياختي اقعدي بلا طيبة والنبي، دي عنيها وحشة هي وبنتها، والله كنت كل ما اقولها زمان على حاجة الاقي المصا.يب نازلة ترُخ، إشي الواد رجله تتكـ.سر على إشي انا والراجل نمسك في بعض، ده اخر مرة من سنتين قولتلها اني جيبت جلبيتين نوع سعودي كده مستورد اللي هو غالي اوي ده.
- أيوة الحرير عارفاه.
- المهم ياختي لسه بس بقولها تاني يوم الاقي طرحة من بتاعتهم اتقطعت مني بالغلط شبكت في مُسمار.
مسكت نوال دقنها:
- يالهوي!!
- اه والله زي ما بقولك كده، لأ وبنتها بردو ياختي مقولكيش على عينها.
ضحكت نوال وقالت:
- يابت هي بنتها فيها عين؟ دي النضارة لحست نظرها.
ضحكت حنان وردت:
- ميغُركيش، البت بردو بسبب عينها كان ابويا يد.ب كل شوية خنا.قة معايا من غير سبب.
| في اوضتي|
متعصبة وانا حاطة القلم في بو.قي وبكتب على التابلت، رن الفون بتاعي:
- الو؟ نعم؟؟
ردت ريم:
- ايه يا مرام براحة يابنتي!
- الراحة عند الاستراحة يا ريم! بقولكم ايه انا اللي فيا مكفيني وسهرانة طول الليل على البريزنتشن الز.فت بتاع الكلية وفي الآخر ابو شنب اعداد.ي ده يقولك لأ وحش!
- يابنتي اهدي شوية، اهدي الحوار مش مستاهل كل ده و...
قاطعتها في غضـ.ب:
- لأ مستاهل! انتوا قولتوا عايزين نعمل البريزنتشن (العرض) ده بشكل مختلف شوية، قولنا يعني ازاي؟ قولتوا نعمل شكل سيناريو وتمثيلي وكده عشان ناخد درجات أعلى.
ندهت ماما من برا:
- يا مرااااام.
زعقت بصوت عالي:
- استني يا ماما جااااية..ركزي معايا ملكيش دعوة أنتِ، دلوقتي ده السيناريو اللي معايا والله مش عاجبكوا بقى انتوا حرين.
اتعصـ.بت ريم عليا:
- على فكرة ده مش اسلوب يا مرام! مش كده! احنا كلنا زمايل في بعض! يعني ايه الأسلوب ده احنا بنساعد بعض المفروض!
- مقولتش حاجة، لكن تيجوا عند الكاتبة مرام الهلفوتي وتعملوا كده؟
سمعت بصوت واطي :
- يا شيخة اتنيلي هلفو.تي ايه بس.
- أنتِ بتقولي ايه؟؟؟
- مش بقول حاجة، متو.جعيش راسي عندك الجروب كله واتساب روحي اتخانـقي معاهم، هي ناقصة صداع!
تييييييت تييييييت...
- الووووو! انا يتقالي تيت؟؟ بتقفلي المكالمة في وشي!! ماشي يا شلة متسواش بريمة حلق مصـ.دي.
- يا مراااااام.
خرجت اجري من الأوضة لقيت ماما واقفة بتركب الستاير، اتعصبت وقولت:
- ايه يا ماما!!! في ايه؟؟ مرام مرام مرام، ايه يا حبيبتي بتاخديني غياب؟؟؟ تحبي ارميلك نفسي من الشباك ده واخلص!!!!
- يا مقصو.فة الرقبة بطلي لسان ا.مك الطويل ده وتعالي ساعديني، الله يقـ.طع اوضتك اللي مش بتخرجي منها.
- ياسلام!!! ولما يقـ.طع اوضتي اروح فين؟؟ انام فوق النجفة؟؟ وبعدين مالها اوضتي!! هو أنا قاعدة جوا بلعب استغوماية؟؟ مانا متنيلة بكتب وبشتغل في حوارات الكلية!
زعقت امها عليها:
- بس! اقفلي بوقك أنتِ ايه؟؟ محرومة من الكلام! لما بتصدقي!!! ومنها لله الكتا.بة دي اللي خلت عنيكي قد حبات العدس، ما تركزي في الكلية وخلاص!
- انتِ عارفة كويس اني مكنتش عايزة ادخل تربية رياضية! انا مش عايزة ابقى مدرسة العاب انا! أخري هيبقى ايه؟؟ لاعبة كُرة زي التافه التاني؟؟
- التافه ده هو اللي فلح يابنت المو.كوسة، عقبالك.
ربعت ايدي بعد ما ضغطت ع النضارة اعدلها وقولت:
- فلح؟!! الكُرة بقت فلاح؟ عجبت لك يا زمن! ده سقراط بيقول ا...
حدفتني ماما بمخدة الانتريه:
- امشي يابت على اوضتك، امشي متساعدينيش في حاجة بلا سوخراط..سوخراط مين يابنت المجنو.نة.
قولت متعصبة وانا بعدل نضارتي وبحط المخدة مكانها:
- سوخراط؟ عجبت لك يا زمن والله.
|نادي الحلم الرياضي|
كان لابس اللبس الرياضي بتاع الفرقة اللي هو فيها، بيحط ايده على شعره وبيمسح وشه بعدها وهو بيفتح ازازة الماية بيشرب وبيسيبها، بيتحرك كتير بسرعة في حركا.ت تسخين لأنه نا.زل الشوط.
قال المدرب:
- يلا جاهز؟
هز رأسه بقول أيوة ونزل الملعب يبدء الشوت، بيجري وبيتحرك شمال، الكورة معاه ماشي بيها.. فجأة الفريق التاني خدها..
اتحرك تاني وحد بصهاله قدر يمشي بيها، مشي بيها لقدام وخلاص هيدخلها جول لكن فجأة واحد من الفريق التاني كعبله، وقع ع الأرض جا.مد ماسـ.ك رجله وعلى وشه تعبيرات الألم، قام بعدها بيحاول يتحرك وقرب من اللي كعبله..
زقه في صدره جا.مد ووقعه ع الأرض:
- انت قاصد! ده شغل بها.يم مش رياضيين!
قام التاني من ع الأرض متعصب وبقية فريقه محمو.قله:
- وده أسلوب رياضي انك تقلبه؟
قال بزعيق:
- هو اللي كعبلني انت مجنون!!!
ادخلت المدربين والحكم بعد ما المشكلة كبرت، قاله المدرب:
- مش كده يا مراد! مكنش واضح أنه قاصد!
- يا كابتن والله قاصد! انا شايفه بيبُص بغِل.
ــــــــــــــــــــــــــــ
الساعة كانت حوالي أربعة العصر لما زغرطت ماما من الفرحة وهي باصة من الشباك برا في الصالة وجريت ع الدور اللي فوق.
كانوا خلاص انتهوا من الاكل بس بينضفوا المطبخ:
- انتوا لسه!! الراجل جيه.
ردت نوال في فرحة:
- بجد؟ لأ خلاص خلصنا، هو فين وحشني؟
- تعالوا يلا هو طالع تحت.
كان مطلعه ابنه جوز فوزية وجوز نوال:
- معلش يابني متقل عليك؟
رد محمود جوز فوزية:
- يابويا انت على راسي يابويا، تعالى بس الف سلامة عليك يا حبيبنا.
اتكلم فتحي ابنه التاني وجوز نوال:
- نورت بيتك والله، البيت كان مضلـ.م من غيرك.
طلع لحد الدور الأول ووقف يستريح شوية، لحد ما بدأوا يساعدوه يطلع للدور التاني ولقى فوزية واقفة، قربت تبوس ايده وتعيط:
- سلامتك يا حاج، والله متبهـ.دلين من غيرك.
بص لابنه محمود وسأل:
- زعلتها ياض ولا ايه؟
- لأ والله يابويا، هي بس بتحبك متعلقة بيك زي ابوها بالظبط.
دخل الحاج ضياء جوا في شقة فوزية، في نفس الوقت في الدور التالت كانت واقفة نوال وحنان مستنيينوا يطلع، قالت حنان:
- شوفي! دخلها هي بعد ما رجعلي وجعـ.تني في المطبخ!
- يا حنان كلنا واحد بيشوفنا زيك كده بناته، تعالي اومال.
- طب وربنا ما نازلة!
سابتها حنان ودخلت شقتها تر.زع الباب، نزلت نوال دخلت شقة فوزية:
- ازيك يا حاج.
- اهلًا ببنت الناس الطيبة، ازيك يابنتي تعالي
ابتسم جوزها فتحي وقال:
- والله يابا كل شوية تسأل عنك..اقولها متخافيش هو خلاص قرب يخرج من المستشفى بردو تقولي نفسي اشوفه.
- مرا.تك نوال دي بنت اصول ياض، هي وفوزية بردو يا محمود، ستات أصيلة مفيش منهم في الزمن ده.
قالت فوزية في فرح:
- والله ده انت اللي اصيل يا سيد الكل، ده انا جهزتلك انا ونوال وحنان أكلة السمك اللي انت بتحبها.
قال:
- سمك! جوعتيني يابنتي والله تسلم ايديكم، إنما فين حنان يعني؟
سألت فوزية نوال:
- أيوة صح فين يابت يا نوال حنان اندهيلها وانا هروح انده البت مرام.
طلع فجأة على السلم اللي حاطط السماعة في ودنه ولابس لبس الكُرة وشنطته على ضهره، لمح الباب مفتوح وشاف جده..
نزل السماعة بسرعة وقال في صدمة ممزوجة بفرحة وهو بيدخل الشقة ويحضنه:
- ايه ده!! ابو الضوء كله هنا!!! يا حبيبي خرجت امتى!
ضحك ضياء وقال:
- اه منك يا محمد صلاح المستقبل انت، وحشتني منك كلمة ابو الضوء كله دي..عامل ايه يا حبيبي؟
- انا كويس! لكن كده محدش يقولي انك خارج النهاردة!
قالت نوال:
- امك قالتلي عملاها ليك مفاجأة.
قال وهو بيبوس راسه:
- ليه كده بس، والله لو كده مكنتش روحت النادي النهاردة كنت ممكن اعتذر، عندنا كام ضياء يعني!
قال محمود:
- طب روح انده امك يا مراد.
- هي فين صح! مش معاكم ليه؟
غمزتله نوال، قال:
- طيب انا طالع اشوفها..عن اذنك يا ابو الضوء.
خدت بالها حنان من الغمزة بس مركزتش اوي.
كنت في الأوضة بلم شعري لورا وبغير هدومي عدلت النضارة لكن وقفت قدام المرايا حساني مبهدلة شوية، مش مهم هي خطوبة!!! عادي يعني خارجة اسلم على جدو.
خرجت فجأة:
- أهلًا بجدووو ضوئيات!
قال بابا وهو بيضحك :
- يابت احترمي نفسك.
ردت ماما:
- لسه كنت داخلة اندهلك.
قال جدو:
- وحشتيني يا نجيب محفوظ المستقبل.. ماشاء الله احفادي الاتنين دول موهوبين مفيش غيرهم في العيلة، باقي احفادي على الله حكايتهم.
قال فتحي:
- بناتي واحدة همها تبقي مهندسة والتانية عايزة تخلص الكلية وتعمل ماچيستير ودكتوراه..دول أعلى من المواهب يابا.
- ماشاءالله يابني مقولتش حاجة، بس قصدي مرام والواد مراد فيهم مواهب ربانية كده، مش بتكلم ع الدراسة يعني ..
قولت:
- شوفت يا جدو! قولهم بقى..قول لماما، كل شوية تقعد تتريق ع الكتابة!
- يابت أنا عشان عينك اللي راحت!
رد جدو:
- لأ يا فوزية سيبيها تشق حلمها.. إن شاءالله اسمها يبقى ع الجرايد كده.
رديت متعصبة:
- جرايد ايه يا جدو هو أنا صحفية! بقولك بكتب قصص وروايات!
رد بابا:
- بت أنتِ صوتك يوطى وأنتِ بتكلمي جدك.
قولت وانا بطلع لساني لبابا وببو.س خد جدو:
- ملكش دعوة، جدو ضوئيات حبيبي.
زعقت ماما:
- يابت كلمي أبوكي كمان عدل! اه ياربي البت مدلعة ع الأخر عجبك كده يا محمود!
رد ضياء:
- تدلع براحتها يا فوزية البت وحيدة امها وأبوها.
ــــــــــــــــــــــــــــــــ
| في شقة حنان|
حط مراد المفاتيح على الترابيزة ودخل ينده:
- امي أنت فين..يا امي.
خرجت حنان من الأوضة :
- ايه يا قلب امك، جيت أخيرًا، تعالى يا واد ابخرك وارقيك من عيون الناس كلها.
- يا أمي وحدي الله بقى الحافظ هو الله بخور ايه! منزلتيش ليه ده أبوكي تحت؟
قالت في احراج فيه شوية غضـ.ب:
- اه عارفة..مش طايقة انزل، اول ما طلع بيدخل شقة مرات ابنه، بدل ما يطلع شقة بنته ويقعد معايا.
قال مراد وهو بيخلع شنطته ويحطها ع الكرسي:
- يا حنان مش كده يا حنان! مش كده يا حنون يا مجنو.ن!
- مش فايقة لهزارك، ومش بهزر، انا زعلانة بجد منه.
قرب مراد منها:
- يا امي انزلي وبطلي اللي بتقوليه ده..ده ضياء تحت سأل عليكي.
ردت في لهفة:
- سأل عليا يعني جاب سيرتي يا واد؟
- اه طبعًا، أنتِ بنته وربنا لا اله الا الله يا حنٌون!
- طيب اوعى كده لما انزل.
ضحك مراد على تصر.فات امه وقرب يفتح التلاجة يطلع علبة السلطة بتاعته وقط.ع البانيه عشان يعملها وياكل.
رن الفون بتاعه، خد الفون من الشنطة:
- ايه يا لوكة القلب.
قالت ملك خطيبته بنبرة مايعة:
- ايه يا حياتي، روحت البيت؟
- أيوة..أنتِ صحتك عاملة ايه دلوقتي طمنيني عليكي؟
- أنا بخير دلوقتي يا حياتي، حقك عليا معرفتش احضر الماتش بتاعك النهاردة..صحيت حرارتي عالية.
- سلامة حرا.رتك يا مشعلل حرارتي.
رقعت ملك ضحكتها العالية، ضحك وقال:
- صوتك بس، يلا سلام هكلمك كمان شوية.
- سلام يا حياتي.
بدء يحضر الأكل وهو بيدندن كده لكن فجأة سمع صوت عالي تحت.
| في شقة فوزية|
كنت ماسكة ابن نوال بديله شلا.ليت:
- وربنا ما هسيبك يالا، بتدخل تلعب في التابلت ليه!
قالت نوال لفوزية (ماما):
- جرا ايه يا فوزية! بنتك تهدى شوية ده عيل صغير خلاص!
بدأت اعيط متعصبة:
- يعني ايه يعني! بقولك كان هيمسح شغل الكلية!
ردت ماما:
- يابت كفاية فضا.يح وبطلي شغل العيال ده اوعي.
نزل مراد يدخل الشقة:
- في ايه؟ مش كده خضيتوني وربنا فكرت جدي حصله حاجة!
لقاني بعيط:
- في ايه يا مرام؟ عملك ايه زياد؟
رديت وانا بعيط:
- خد التابلت! عليه شغل الكلية! قولت مليون مرة محدش يدخل اوضتي!
- طيب اهدي معلش، أنت يالا بتدخل أوضتها ليه؟ مش عيب؟
- لأ مش عيب، عادي كنت عايز العب عندها صابواي.
- صـ...ايه؟ ما تلمي ابنك يا مرات خالي (نوال)!
ردت نوال:
- طب ما تلاعبه بالكورة بتاعتك يا مراد معلش؟ خليه يتلهي.
اتكلمت حنان وهي قاعدة جمب ابوها بتقشرله برتقان:
- كورة ايه يا نوال! هو ياختي انا عايشة في الاستاد ومعرفش! الكورة دي في النادي.
حط مراد ايده على دماغه في إرهاق ونفاد صبر:
- لأ انتوا كلكوا صداع بجد! اكبري بقى يابت أنتِ لو هو عيل ناخده على قد دما.غه عشان أنا مش قادرلكم، وجدو لسه خارج من المستشفى..نهدى شوية.
اتعصـ.بت وقولت:
- انت بتكلمني كده ليه يا مراد! هو كل حاجة تجيبوها عليا! أنا زهقت!
شوح بايده وهو مرهق وطلع شقتهم تاني فوق لقى الأكل اتحر.ق، رمى طبق كان فاضي بعيد وهو على آخره، ولف ينزل تاني.
كانوا بدأو يفرشوا الأكل ع الأرض تحت في شقة فوزية، دخل يمشي لجوا يدور عليا لكن لقى باب اوضتي مقفول ومرة واحدة فتحه.. قومت من ع السرير مخضوضة:
- هو انت طبيعي؟؟ مراد انت بتفتح باب الاوضة عليا من غير تخـ.بيط!!
- الأكل بتاعي اتحر.ق بسبب الهبل بتاعك!
- هو في ايه!! هو انت كل حاجة تتعصب عليا! انا كمان بعرف اتعصب والكتابة لحست عقلي ومجنو.نة على فكرة!
قعد ع السرير وهو بيتنهد وبيوطي صوته بتمثيل حزين:
- عارف، العيلة كلها حزينة عليكي.
- ليه إن شاءالله؟ كنت هبـ.لة زيك مضيعة وقتي في جلدة مدورة؟؟
ضحك بصوت عالي وقام يقرب منها يهديها:
- طب خلاص اهدي، والله انا اللي نازل متعـ.صب بس شكلك ده بيضحكني كل مرة.
- ماله شكلي!! يا مااامااا، اخرج برا اوضتي! انا عارفة خطيبتك دي مستحملاك ازاي!
ضحك باستفزاز:
- جرا ايه يا عد.سات!
- يا ماماااا..اطلع برا بقولك!
زقيته جا.مد اتخبط في الباب، مسك دراعه وهو غضبـ.ان وشـ.خط:
- أنتِ بت حما.رة؟؟؟!
وفجأة شد نضارتي من وشي ورماها في الأرض.
