رواية قمر اسود ج 2 الفصل الثامن
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
بالليل وبمجرد ما عزة وقفت علي سور البالكونة واستعدت ل رمي نفسها تسمع هند صوت في بالكونة شقتها قامت من فوق سريرها وراحت ناحية البالكونة علشان تشوف عزة واقفة فوق السور فقالت هند
انتي بتعملي اية
لكن عزة ما ردتش ورمت نفسها جريت هند بسرعة ناحية البالكونة وبصت في الشارع لكنها ما لقتش اي اثر ل عزة استغربت وهنا حست بايد بتتحط علي كتفها بصت وراء منها علشان تشوف عزة صرخت هند من الفزع وعزة فتحت بوقها علشان يخرج منه دودد اسود كتير والغريية ان الدود ظهر له اجنحة وطار بمنتهي السرعة ناحية هند اللي بدات تلوش بايدها يمين وشمال علشان تبعد الدود دة عنها لكنها ما قدرتش واختل توازنها وجسمها خرج برة سور البالكونة وقبل ما تقع مسكت بايدها الاثنين في السور والرعب اتملك منها وعزة بصت لها برغبة شديدة في الانتقام وصرخت عزة علشان تترعب هند وتسيب السور وتقع من الدور ال 20 وجسمها يتخبط في الاسفلت ،،،، وهنا تفتح هند عيونها علشان تلاقي نفسها في المستشفي وقصاد منها هجين في صورة دكتور وكان بيقول
اهدي
هند بصت حوالين منها وقالت ودقات قلبها سريعة
نفس الكابوس ونفس الموته انا خلاص تعبت
هجين
هديكي حقنة دلوقتي وبعدها هتبقي كويسة
وفعلا اداها حقنة وخرج من عندها وهو متعصب علشان تقف قدام منه مساعدة من جنسة وكانت بتقول
حاله الجنان عندها زادد عن الحد المعقول و قريب وبالمعدل دة هتخرج عن السيطرة والعلاج بتاعك مش هيقدر يقصر فيها وهتشوف الحقيقية كاملة
هجين
كله من روح هند اللي قدرت تسيطر عليها وتخليها ترمي خصلة من شعرها ليهم ودول اسياد واحنا بالنسبة لهم مجرد عبيد وخصلات الشعر اللي كانت بتتقدم ليهم قربان بسببها هما بيهوبوني قوة فوق قوتي وهما عايزين هند تموت وتروح لهم
المساعدة
طالما خصلة شعرها عندهم فهما مش هيسبوها الا لما تموت نفسها والا عذابهم ليها هيكون شديد
هجين
وانا ما قدرش اسيبهم ليها
المساعدة
علشان بتعشقها
هجين
لا علشان ربط روحي ب روحها ومصيري هيكون مصيرها
المساعدة
انت ازاي تعمل كدة
هجين
كان عايز اطمئن انها مستحيل تهرب مني
المساعدة
كان في ايدك تعمل اي حاجة غير انك تربط مصيرك ب مصيرها
هجين
ما فيش في العهد بتاعنا اقوي من الربط لكن روح هند اللي بطاردني قدرت تخترق حاجز المنع اللي حصل بسبب الربط وخليت هند تروح برجلبها في طريق الهلاك
المساعدة
يبقي ما فيش غير انك تطلب من مجلس الجن انهم يسبوها ليك
هجين
ما حدش فيهم هيقبل ب كدة دة جسد ودم عذراء وكمان طفلة يعني كل اللي بيحبوا متوفر في هند
المساعدة
يبقي ما فيش غير انك تحل نفسك من الربط دة
هجين
ما ينفعش دة ربط العهد القديم ربط اهل القمر اللي مافيش منه حل
المساعدة
دة كدة فعلا بدات النهاية
هجين
مش هتكمل النهاية الا لما اختها الثالثة تشوفها ودة مش هيحصل
المساعدة
طيب انا من رايي انها تخرج وترجع شقتها وهناك تكون تحت مراقبتك وحمايتك افضل من هنا لانك هنا برضو تحت سيطرتهم
هجبن
صح انا هخرجها حالا ،،،،،،،،،
وترجع هند ل شقتها علشان بالليل تسمع صوت خبط علي باب الاوضة فقالت وهي علي السرير
مين
صوت الخبط سكت والنور قطع وبقت هند وسط الظلمة بتحاول توصل للموبيل بتاعها علشان تشغل الكشاف وفعلا وصلت وحاولت اكتر من مرة تشغل الكشاف لكنها ما عرفتش الكشاف رافض يشتغل رمت الموبيل جنب منها علي السرير ب زهق وقت ما سمعت صوت جاي من تحت السرير صوت همسات سربعة مخيفة والهمسات بقت همهمات وكأن في اكتر من حد بيتكلم في وقت واحد والكشاف نور مسكت الكشاف ونزلت براسها رايحة ناحية ملايا السرير علشان ترفعها وتشوف مين اللي تحت السرير ورفعت ملايا السرير وشافت عشرين بنت مقتلوين وعلي كل راس بنت خصلة من شعرها برقت وشافت خصلات الشعر بتتحول ل افاعي سوداء وكلهم لدغوها في وقت واحد عشرين افعي بيلغدوا في وقت واحد تخيلو العذاب صرخت هند ووقعت من فوق السرير علشان الافاعي تدخل من كل فتحة في جسمها جوة منها وصرخت وصرخت وهنا تفتح عيونها علشان تلاقي نفسها علي السرير في اوضتها وهجين بيحاول يمنع اللي بيحصل لكنه محرم عليه الاقتراب منها بأمر من مجلس الجن واستمر عذاب هند ل شهور كابويس كتير وجثث البنات والعرائس اللي ماتو بسببها ديما تشوفهم لغاية ما قررت تولع في نفسها جوة الشقة ،،،،،،،،،،
ونرجع للمستشفي من تاني وحنان كانت بتسمع وهي بتغلي عرفت مين اللي عملت العمل ل اختها وعرفت مين اللي كانت السبب في موت اختها والغريبة انها اختها وهند كانت بتقول
ورغم ان النار كلت جسمي كله الا اني لسة عايشة ومش مكتوب لي ارتاح واموت
حنان بغضب مكتوم
الراحة هتكون قريب اوي ما تقلقيش ،،،،،،
بعدها بيوم ومع دقات الساعة 12 ظ تفتح حنان عيونها علي رنه موبيلها وصوت اميرة بتقول
حنان هند ماتت
حنان بلامبالاة
تموت ماهي مش احسن من اللي ماتت
اميرة
حنان مالك
حنان
بخير بخير اوي
وقفلت حنان مع اميرة ،،،،،،
بعدها بشوية حنان واقفة قصاد قبر اختها عزة وبتبص للقبر بحرقة شديدة وبتعيط وهي فرحانه وبتقول
جبت لك حقك من اللي عملت فيكي كدة عارفة طلعت مين اللي قتلتك اختنا الثالثة اصغر واحدة فينا وهي اكبر واحدة فينا
وعيطت اوي وقالت بحرقة
طبعا صعبانه عليه اتظلمت و دخلت جوة قصة وحكاية وهي ملهاش ذنب لكنها ما قومتش وضعفت واختارات تكون ملك موت ل كل عذراء دخلت برجليها عندها وكانت لازم تموت وماتت
وعيطت اكتر واكتر وبصت ل ايدها وقالت
دة تارك وكنت هجيبة هجيبة علشان ترتاحي في قبرك وما تعرفيش انا ارتحت ازاي وانا بغرز حقنة الهواء في رقبتها
وقالت بحرقة
صعب اوي ان الواحد مننا يحرم حد من حياته ازاي هي قدرت ازاي بس هعيش مرتاحة دي برضو اختي اللي قتلت اختي
وعيطت اكتر واكتر ،،،،،،،،،
واتحرق هجين بمجرد خروج روح هند وادفنت هند بمعرفة المستشفي وروح هند التانية رجعت لمستقرها الاخير لما جسمها رجع للارض رغم انه رجع مشوه لكنها كانت راضية ومرضية، وحنان راحت ل حماة عزة لقت المرض الخبيث اتمكن منها وهي في اخر ايامها كان انتقام ربنا اسرع من انتقام حنان اللي كانت ناوية علية وخلصت حكاية هند عزام صاحبة اشهر كوافير في فترة من الزمن وفي مصر وبسبب اعمالها السفلية ماتت بنات كتير واتوهب جسمهم ودمهم للجن قصة كتير هيقول انها مش حقيقية وكتير هيقول الحقيقية بقت اغرب من الخيال
تمت
