رواية صرخة مؤجلة الفصل العشرون 20 بقلم ود الزهراء

 

 

 

 

رواية صرخة مؤجلة الفصل العشرون بقلم ود الزهراء




يا گمر لِيلي و بَساتين الرَبيع
و يَا مُدن حِيطانها بلُون البَنفسَج 🪼. 
••••••••••••••••••••••••••••••••

سَدف

عدن الايام روتينية بين تدريس الجهال و البيت، 
و من بعد آخر موقف بيني و بين غَطرَف كلش قوت علاقتنا اكثر من قبل و الف الحَمد​ُ لل​ّٰه اتعودت عليه اكثر و اكثر و صرت ما يكمل يومي اذا ما احچي وياه و هوَ همين، 
و مثل كل يوم گاعدة من الصبح وي اخواني علاوي بدل و مينا همين و گعدت گبالي امشط شعرها و اراجعلهم بالمحفوظة اذكرهم بيها حتى ما ينسونها لأن عندهم امتحان بيها 
كملت شعرات مينا و گمت سويتلهم ريوگ اجبان و چاي لأن ما يحبون البيض و سويت الغَطرَف مخلمة 
و رحت گعدت رواء لأن متفقة وياي اگعدها بساعة معينة قبل دوامها، انوب رحت على غَطرَف اريد اگعده علمود يتريگ و ياخذ مينا و علاوي للمدرسة، دگيت الباب  عليه صاح عليَّ علمود ادخل لگيته سابح و واگف گدام المرآية يمشط شعره

سَدف:: صباح الخير

غَطرَف:: صباح الورد حبيبتي

سَدف:: تعال اتريگ 

غَطرَف:: جاي، جاهزين الجهال؟ 

سَدف:: إيي مكملين جاي يتريگون

هز راسه و انا عفته و طلعت لگيت رواء تاكل وياهم صبيتلها چاي اجه اتريگ غَطرَف و اخذ الجهال و راحوا و مناك هوَ يروح للورشة، ورا شوي اجه ابا ذر على رواء علمود يروحون للدوام سويه، بطلت هيَّ من سايقها و ضلت تروح وياه
نظفت المطبخ وغسلت المواعين و رحت أنظف البيت عزلت بس الطايح بالگاع لأن ما بيه شي نظيف يومية ننظفه لو انا لو رواء ايدنه بيه

ورا ما كملت تعزيل رجعت للغرفة انام شوية حتى اگعد مصحصحة، گعدت الساعة بـ 11 الصبح طلعت من الغرفة لگيت خالة ام اسماعيل گاعدة بالهول تلگط بالخضرة
سَدف:: صباح الخير

ام اسماعيل:: صباح النور هلا سدوفة شلونچ خالة

سَدف:: زيارة مقبولة 

ام اسماعيل:: تقبل الله اعمالچ يروحي زرت و دعيتلچ بالاسم انتِ و غَطرَف و جبت الچ و للفريخات صوغات

سَدف:: فدوة اروحنلچ خالة عساچ سالمة

غسلت و رجعت گعدت يمها سولفت على الزيارة و شلون دورت هواي على گبر امي حسب ما وصفت الها انا
ام اسماعيل:: سألت هوايَّ ناس يلا دلوني بيه يمكن بالساعة احنه بس ندور عليه بس گلت ما ارجع اذا ما ازوره و الحمدلله لگيناه مكتوب اسمها بسيراميكة  ما بانينه گبرها

                                                            

              
                    

نزلن دموعي محترگة حرگ عليها
سَدف:: سودة عليَّ يا يمة 

بقت تسولفلي شلون حاچتها و انا ابچي و هيَّ تبچي وياي هيَّ و عمتي بهاي الاثناء دخل غَطرَف شايل علاليگ المسواگ هستوه جاي من الشغل باوعلنه مصدوم لأن كلنه نتباچة
غَطرَف:: يا ستار خو ما صاير شي! 

مسحت عيوني بسرعة و عمتي تگله ما صاير شي گمت من مكاني للمطبخ غسلت وجهي، اجه وراي للمطبخ 
غَطرَف:: انعمت عيني تبچين؟ 

درت وجهي عنه حاولت احبس دموعي حتى لا تنزل مرة ثانية اجه عليَّ هوَ بسرعة شبگني يبوسني بوسات متتالية براسي و ختمها ببوسة خدي، ما گدرت ما ابچي انهضمت حيل، و هوَ من شافني بچيت اتخبل ضل يحلف من عين باچر يحاچي واحد من النجف يبني الگبر، بقى حاضني فترة يحاچي بية و يقنعني ما ابچي و انا ما جاي اگدر اسكت من اهتمامه فاهمين قصدي؟ اول مرة احس بأحد يهتم لبچاي 
حسيت روحي اريد اضل بحضنة ما اريده يعوفني ابد

‏‏‏احضـني،
انـا ضلوعـي مشتاقـة لأيديك
وابقـى حاضنـي وأبـد لتعوفنـي... 🦋

بس حاولت اميل عنه ما خلاني گتله
سَدف:: عيب هسه امك و خالتك شيگولن علينه

احچي و امسح بدموعي، ضحك و باس خدي موخرني عنه
غَطرَف:: سَدف يا راحتي و تعبي

سَدف:: اثنينهن؟ 

غَطرَف:: اثنينهن

سَدف:: شلون رهمتها؟ 

انتچة على الكاونتر بصفي مچتف إيده يشرحلي
غَطرَف:: لأن انتِ التعب اللي ما أمل منه و الراحة الما اريد افارگها

ابتسمت مستحية و هوَ ضل يضحك عليَّ لأن گدر يخليني استحي و لأول مرة اتجرأت رفعت نفسي المستواه و لزمت وجهة و بست خده بوسة سريعة، باوعلي مصدوم من حركتي المفاجأة  عفته مصدوم وحده و طلعت من المطبخ گعدت يم عمتي گلبي احسه راح يطلع من بين ضلوعي من گد ما يدگ  
طلع من المطبخ يباوعلي مبتسم درت وجهي عنه ما اباوعله لحد ما مشى للغرفة مالته

باوعت للساعة هم يالله اسويلهم غدا
بلشت اطبخ الغدا سويت مرگ بتيتة و تمن ابيض بهاي الاثناء راح هوَ جاب اخواني من المدرسة لأن هيچ وكت يحلون، رجعوا من المدرسة بدلوا و انا رحت اصب بالغدا و ورا شوي اجه ذَوّاد من الشغل يتغدون و يرجعون يكملون شغلهم، فرشت السفرة و عمتي نقلت الاكل عالسفرة و كلنه التمينه على السفرة ناقصنا بس رواء بعدها بالدوام، فتح غَطرَف موضوع عرسنا وي امه و اخوه و يمتى يسوونه و صار اتفاقهم يصير بعطلة نصف السنة العرس و ما بقى عليه غير شهر اما الحنة على اساس قبل العرس بيوم، من خلصنه من الاكل و بديت اغسل مواعين  اجتني عمتي تحچي وياي

ام ذَوّاد:: نروح العصر للسوگ حتى تجهزين؟ 

سَدف:: مو چن بعد وكت؟ 

                            

              
                    

ام ذَوّاد:: لا يمة وين بعد وكت هسه تشوفين الايام تطب منا تطلع منا و الجهاز ينرادله وكت حتى بس اكمل جهازچ نبدي بجهاز رواء 

سَدف:: إن شاء الله 

ام ذَوّاد:: حاچيت خالتچ هيَّ تروح وياچ 

هزيت راسي بـ اي و بسرعة بسرعة كملت المواعين و هيَّ ما گعدت ضلت تساعدني تعزل على ايدي، ضلت ببالي فكرة و اتمنى من كل گلبي تصير قبل عرسي و گلت استشير غَطرَف بيه
بس كملت مواعين خذيت الچاي مالته و رحت الغرفته دگيت الباب صاح
غَطرَف:: ادخلي سدوفة

فتحت الباب لگيته مدد على الچرباية اشرلي تعالي، دخلت مبتسمة و سديت الباب و رحتله انطيته الچاي  گتله
سَدف:: شلون عرفتني سَدف؟ 

غَطرَف:: لأن بس انتِ و رواء تدگن الباب بهذا البيت 

ضحكت و گتله
سَدف:: اريدن احاچيك بشغلة

گعد عدل عايف الچاي على الميز و اشرلي اگعد على طرف الچرباية
غَطرَف:: سولفي

سَدف:: باوع....اريدن گبل عرسنا نروح انا وياك العمامي اريدن اراضيهم

صفن بوجهي ساكت منتظرني اكمل
سَدف:: صحيح هُمَ أذوني هواي و شفت كلشي مو زين يمهم بس بالاخير اهلي، مهما ابتعدت عنهم يبقون جذوري و همين انا ما فكرت بس بنفسي فكرت بمينا و علاوي هم يكبرون و هم راح تتغير هواي اشياء فاهمني شلون؟ 

غَطرَف:: فاهمچ فاهمچ

سَدف:: اي فَـ اريد يكون اكو مرد الهم و الي صراحة

غَطرَف:: خلص التشوفينه

سَدف:: شتشوف انتَ؟ 

غَطرَف:: كلامچ عين العقل هُمَ غلطوا بحقچ صحيح بس لازم ترجعين علاقتچ بيهم بس اكو مشكلة

سَدف:: شنو هيَّ؟ 
غَطرَف:: غسان

سَدف:: يمعود هسه فد شخصية مهمة و تفكر بيه؟

غَطرَف:: مهم بالنسبة الي

سَدف:: خيولي معليك بيه،انا اذا رجعت علاقتي وي عمامي و ابوي اللي ما اعرف اخباره حتى قبل ما انهزم تنحل كل مشاكلي و اضل ما اهم بشي

غَطرَف:: هاي هيَّ وياچ بأي شي تردينه، يمتى تردين نروح؟ 

سَدف:: بكيفك يمتى ما تفرغ

غَطرَف:: إن شاء الله اشوف يمتى افرغ و آخذكم صار

ابتسمت مُمتنة لأفعاله وياي
سَدف:: شكرًا هواي هواي غَطرَف

غَطرَف:: لا شكر على واجب حبيبي، اني لو انطيچ روحي هم مقصر

بقيت أباوع بوجهه، ما عرفت شنو أرد مرات الكلام مهما چان بسيط يعوف أثر بالروح خصوصًا من يجي من شخص ما حسسچ بيوم إنُ طلباتچ ثگيلة عليه، لزمت چف إيده بأثنين أيديه
سَدف:: لا تحچي هيچ، انا ما اريدن منك غير تبقى وياي و ما تعوفني و هذا وحده عندي هواي

                            

              
                    

غَطرَف:: وين اكو واحد يعوف روحه؟ اني مكاني وين ما تكونين انتِ. 

كالعادة سَدف ينربط لسانها اذا حچة وياها غَطرَف كلمة ما تعرف ترد، گتله تأخر الوكت ورانا روحه للسوگ و هوَ ضل يوصي بية اشتري اليعجبچ لا تستحين ما يفيدچ المستحى و من هذا الكلام و يهدد

غَطرَف:: والله لو اسمع بيچ مستحية و ما مشترية هواي اغراض اموتچ

سَدف:: اي اي خوش

غَطرَف:: عفية

عفته و طلعت من الغرفة رحت گعدت وي اخواني اسولف وياهم جبت طاري العرس
س

َدف::  نامولكم شوي حتى بعدين نروح للسوك  أريد اجهز للعرس و آخذكم وياي

شفتهم غيموا وضاجوا من جبت هالطاري  گالت مينا
مينا:: يعني تعوفينه؟

سَدف::يااا وين اعوفكم، چا انا غير متزوجة غَطرَف 

علي الرضا:: اي نعرف يعني تبقون هنا؟ 

سَدف:: اكيد چا وين نروح قابل 

مينا::عبالنا تروحين و تعوفينه 

سَدف:: ما يصير تحچون هذا الحچي شنو متوقعيني اعوفكم؟

مينا گالت لا بس علاوي دنگ راسه ساكت 
سَدف:: شبيك علوش؟ 

علي الرضا:: هيَّ كلها عافتنه بقت عليچ؟ 

سَدف:: ياااا علي شلك بهذا الحچي! 

علي الرضا:: چا مچذب؟ مو امي عافتنا و ابوي همين و حتى بيت جدي

سَدف:: انچب علي انچب انا ما اعوفنكم

بسرعة تغير صوتي من ورا العبرة خنگتني، كلامه اكبر من عمره اباوعله سكت 
سَدف:: شو سكت هذا شمااله!! 

علي الرضا:: خوش هاي هيَّ بس لا تبچين شبييچ

جريت اذنه على كيف
سَدف:: بعد تعيد هذا الكلام؟؟ 

ضحك 
علي الرضا:: لا 

سَدف:: اشوفك تعيدها الا اطيح حظك

هز راسه بـ اي لميتهم الحضني عيوني الاشوف بيهن هُمَ يربي عبالهم أعوفهم ذوله ملائكتي ماعولت اطلع و اطلعهم من الحفرة الچنا بيها حتى بس نلمس خيط من الامان و نعيش انا وياهم سوى بعيدًا عن الوحوش الچانوا حوالينه
مددوا يمي مينا غفت و علي الرضا ضل صافن مسحت على راسه وضليت احجي ويا وافهمه أكثر، شوي اتطمن يلا نام

صار العصر و رحنا للسوگ و اجت ويانه رواء و مينا اما علاوي ما قبل يگعد بقى نايم، حضرت تحضيرات الحنة حجزنا فستان بسيط احمر و صالون همين انوب رحنه على الملابس اختاريت كم قطعة للطلعة و شي للبيت اشتريت تص و النص الثاني على الجية الثانية و بعد كم شغلة چان عبالي الموضوع بسيط بس طلع اكبر مما اتوقعت كلش تدوخ الفرة لو ما ام اسماعيل و رواء چان بقيت كلشي ما مشترية، مرت الايام و انا كلش هواي فرحانة و اكيد كل ما يمر يوم يزيد توتري اكثر بس غَطرَف ما خله التوتر يستوطني و حاول يخفف عني وشال مسؤولية التحضيرات نصها وخله عليَّ بس اكمل نفسي الاشياء اللي احتاجهن، صفنت للحظة بين كل هاي الهوسة اتذكرت أمي وانقهرت هواي اتمنيت تكون وياي بـ هاي اللحظات و تشاركني فرحتي و تخفف من توتري ببدل ما يقومن بواجبها احد ثاني مثل عمتي و خالتي ام اسماعيل ماكو كلمة توصف وگفتهن وياي حاولن يغطن مكان امي لكن ماكو احد يجي بمكانة امي، مهما كان وجود الام مهم كلش ما اتمنى لأي بنية تحس بـ هذا الشعور

                            

              
                    

بمرور الايام و اقتراب موعد الحنة گدرت اخلص كل نواقصي بقى بس الذهب على اساس بعد الحنة نروح انا و غَطرَف نختار 
قبل الحنة بأسبوع تقريبًا گعدنا الفجر بالساحة مثل گعداتنة قبل بس هالمرة ماكو توتر بيناتنا ولا اكو حدود بالكلام مثل قبل ولا نسولف بمواضيع عامه، لا هالمرة گاعدين نسولف بحياتنا بمستقبلنا بس هالمرة ما خفيت عنه خوفي و توتري من الايام الجاية
حچة وياي هواي حسيته صدك احتار شيسويلي 
سَدف::آسفة لأن جاي احيرك وياي بس شسوي مشاعري متلخبطة

غَطرَف:: سدوفة طبيعي فاهمچ

سَدف:: عُمر سدوفة

اخذ إيدي وباس باطنها 
غَطرَف:: والله ما مصدگ

سَدف::شنو؟

غَطرَف:: تدرين اني چنت مأيس من انُ تحبيني او حتى تتقبليني گلت هاي راسها يابس لو هسه ما ادري شسويلها ما تقتنع و تحبني و الدليل صار سنتين و احنه عاقدين و هسه يلا راح نتزوج، الحمدلله

ابتسمت 
سَدف:: الحمدلله يا ربي

اتمنيت لو ملتقين بغير طريقة او نتصادف بغير موقف بس..الحمدلله دائمًا و ابدًا لأن رزقني بشخص مثله اجه مثل شمعة و نورت حياتي، تغيرت من تعاسه واحزان الى امان حب غَطرَف حبي الاول و الاخير  صح الماضي ما اگدر امحيه من ذاكرتي ولا ينسي بس بمرور الايام إن شاء الله انسى و الخاطر غَطرَف يستاهل انطي فرصة العلاقتنا
بس الاثار باقية منحوته نحت بالذاكرة عمرها ماتنسي 

لحد العصر اجت غرفتنه شدوها من كملوها عمتي مسحتها بماي وملح وبخرتها وعزلن غراضي بالكنتور وبخرنهن والفرشه فرشوها وهذا كله انا ما شايفتها للغرفة قفلوها  و هيج بلشوا تجهيز وتنضيف البيت و ما خلني اسوي. أي شي على ابو عروس 

فتحت موضوع عمامي وي غَطرَف مرة ثانية
گال باچر إن شاء الله ورا صلاة الفجر نروح المحافظتي القديمة
حضرت الجنطة اليدوية مالتي و عبايتي لأن ما راح نبات يمهم مجرد ما نحچي وياهم و نرجع، گلت الاخواني سبحتهم و انا همين ذبيت على روحي ماي اول ما صار الليل كبل نمت انا و مينا و علاوي برا وي ذَوّاد و غَطرَف طالعين و ماخذينه وياهم، فزيت قبل صلاة الفجر بساعة سويت ريوگ النه گعدت غَطرَف اتريگ انوب صلينا و بدلنا و بدلت للجهال طلعنه من البيت گعدت عمتي ام ذَوّاد ويانه توصي بغَطرَف عينه على الطريق و يسوق على كيفه لا يستعجل و غَطرَف خلصها عليها صار بالسياره واتوكلنه.. 

الطريق كله اني متوترة و خايفة و كل ما اتخيل لقاءنا شلون راح يصير تمغصني بطني،  وصلنه تقريبًا قبل صلاة الظهر بشوي نزلنا كلنا اخذت نفس وقويت نفسي و دگيت الباب ضلينا واگفين ننتظر على ما يفتحون ورا شوي فتحلنه الباب عمي رباح عگد حاجبه يحاول يستوعب وجهي و يدور عينه يباوع على اخواني اللي مخليتهم گدامي واگفين 

                            

              
                    

رباح:: شجابچ ولچ! 

ضليت ساكته مدنگه گلاله غَطرَف
غَطرَف:: نضل واگفين بالباب؟ 

ميل عن الباب فاتحلنه الطريق و گال فوتوا فتنه  للديوان لگيت عمامي اثنينهم بالديوان واحد مخليله چرباية و مدد عليها اللي هوَ عمي صباح و فلاح يباوع للتلفزيون، انصعقوا من شافونه انا و اخواني فلاح اتخبل ضل يصيح طلعوها ما تدخل البيتي هاي الادبسز و عمي رباح يسكت بيه عفته يصيح و رحت على عمي صباح دنگت عليه بسته براسه و وخرت عنه ما سيطرت على دموعي ضلن يصبن و هوَ داير وجهة عني سلم بس على علاوي و مينا، و مناك فلاح متسودن حاقد عليَّ حقد مو طبيعي
درت على عمي صباح نظراتي تتوسله ما يفشلني و يردني، دخلوا ولد عمي على صوت فلاح

عاط بيه عمي صباح يلا سكت هلّا بغَطرَف و استقبله هذاك الاستقبال الحلو، گعدنا و جابلنه ليث ماي و چاي 
هدوووء تام بالديوان كسر الصمت عمي صباح بعتابه و حچي هواي اللي يسمع كلامه يصدگ انا المذنبة و هُمَ مساكين، بس سكتت لأن انا جاية بس اصلح الموضوع ما اريدن اخربه اكثر، حچيت وياهم اعتذرت حتى بس اتكفى الشر سكتت من شفت راسهم يابس ما يقتنعون و مصرين انا الغلطانة و هُمَ الابرياء لأن جاي ادوس على گلبي و اغلط نفسي في سبيل يرضون بس ما گدرت اقلل من روحي اكثر 
ساعدني بالحچي غَطرَف وياهم و شدد كلامه وي فلاح لأن رباح و صباح بيهم مجال يقبلون بس هوَ يشيشهم عليَّ، گله هيچ و هيچ السالفة و انتم هم اذيتوها ولا تحقدون عليها تبقى بنيتكم و من هذا الكلام و هوَ ضل يتشكر من غَطرَف لأن على اساس اتبرع و خذاني!! رفعت عيني على غَطرَف اعصر بعبايتي

بس زلمتي ما قبل بحچية و خوش رده رد قوي بس بأحترام و بنهاية كلامه
غَطرَف:: أتمنى ما ينعاد هذا الحچي مرة ثانية لأن هسه هيَّ زوجتي و كرامتها من كرامتي و اريد تتركون الماضي لأن راح و انتهى انريد نحچي بهسه

دار عليَّ صباح يعترف بأغلاطهم و اخيرًا بس قاطعه فلاح ما خلاه يكمل  
صباح::صحيح احنه أذيناچ و تبقين إن شاء الله بنتنا و بنت اخونه.. 
فلاح:: بس السوته ما ينسكت عنه

صار بيناتهم حچي و عمي فلاح ضاج كلش، 
ضل عمي رباح يحجي ويعاتب بيه و انا همين عاتبتهم هواي  لحد ما صفت على صلحنه الحمدلله تصالحنه ساعه كعدنه نحجي
 اشرلي غَطرَف عليهم فهمت قصده أكوم أبوسهم من راسهم حتى اذا اكو حقد باقي عليه يروح كمت بوست روسهم اعتذرت بأستثناء فلاح قبل حتى لا اوصله ضل يزمخ لا توصليلي لا تدنيلي گلت بگلبي بعد احسن ، عمي صباح صاير نسخة من جدي الله يرحمه حتى نفس التصرفات بس خطية كلش تعبان كضاني شبگني و باس راسي و اعتذر مني و باس اخواني و حط بيديهم فلوس

ضلينه للغدا اتغدينة يمهم و هذيچ اللمة الحلوة و غَطرَف گلالهم بفلان موعد عرسنا و اريدكم كلكم تجون سألتهم  على ابوي گال عمي
رباح:: على الله، جاي يتعالج كل شهر نروحله نشوفه و ندفع فلوس علاجه 

                            

              
                    

فرحت لأن هوَ بخير انا كل هاي الفترة چان عبالي ميت لأن ابد لا حس ولا خبر بس بعدني ما اگدر اسامحه لأن هو السبب الاكبر بدماري 
كملنه الغدا و ورا الغدا دخلت للمطبخ و شفت البنات سلمت على براء اتلگتني بشلون سلام يخبل و حتى نيروز صايرة تخبل و عرفت منها مخطوبة الواحد غريب و همين خوش رجال و عمتي وحيدة همين بس سلامها عادي هم بعدها حاقدة عليَّ هيَّ و رجلها لأن ما رضيت بأبنهم، للعصر يلا طلعنا من يمهم ردينا البغداد 
صار  الليل و احنه بعدنا بالطريق اخواني ناموا و انا هم نعست بس خفت غَطرَف ينعس و يصير النه قدر كل شوية اباوع لعيونه خاف نام

بس ما گدرت ما انام حيل تعبانه من الطريق 
سَدف::راح انام انا ديربالك بالطريق
غَطرَف:: نامي نامي
نمت ما داريه بشي ما فزيت الا على دغته لچتفي گال وصلنه البغداد باوعت گدامنه سيطرة عدلت حجابي و گعدت خاوية كلش

عبرناها للسيطرة و الحمدلله وصلنا البيتنا نزلت من السيارة فتحت الباب الخلفي للجهال حتى ينزلون دخلنا للبيت كلهم نايمين و انا بس غيرت ملابسي كملت نومتي انا و اخواني 
و هيچ عدن ايامنا روتينية لحد يوم الحنة... 

~~~~~~~~~~~~~~

رواء

طلعنه بالـ 9 الصبح اني و سَدف رحت ببدال خالتي لأن امي خطية بقت وحدها ما تگدر على البيت  وصلنه للصالون أني و سَدف بلشت بشعرها شسورته انوب سوت مكياجها طلعت تخبل تخبل مكياجها بسيط خلت حمرتها حمرة هيَّ اختارت هذا اللون و ام الصالون مطلعه اغاني و اني گوه لازمة نفسي ما ارگص فرحانة اكثر من العرسان 

 كملت التسريحة و اني كملت مكياجي و ما سويت تسريحة بس شسورت شعري، راحت سَدف لبست فستانها و سديته الها أني تموت طلعت ملامحها هادئه وحلوه نازكه كلشي چان بيها حلو ومميز
تقريبًا لحد الساعة 3 العصر يلا كملنه لأن اكو عرايس همين كملتهن يلا بدت بينه، خابرت ذَوّاد يجي علينه و بين ما يجي صورت سَدفصور كلش هواي بموبايلها و خليتها تصورني حتى ادز الصورة الابا ذر، شوي و اجانه ذَوّاد كاشخ و عطره مالي السيارة 

اخذنه للبيت اني متنگبة بالشال و سَدف مغطيتها بالبرگع ،وصلنه للبيت اتلگتنا امي من الباب دخلنا سَدف امي ممخلية واحد ما عازمته لگينه الدنيا مگلوبة بالبيت و عود هيَّ حنة شلون بينا بالعرس، العالم نصها جايه ونص بعد شويه يجوون من ضمن هاي العالم وعد و ام وعد اتلگت سَدف بالگولات و الهلاهل و تهوس بعبايتها

"طبت يالزهرة اتلگيها.. طبت يالزهرة اتلگيها" 

من دخلناها للبيت و وخرت البرگع من عندها گالت گولة ثانية

"خيه منين جبتيها كلها تعجبت بيها" 

انخبص الجو بالهلاهل اباوع السَدف صارت طماطية من المستحى، بلشت مراسيم الحنه دخل للهول غَطرَف عينه ما شالها منها حناها و الابتسامة ما مفارگة وجهة

                            

              
                    

روحي يمها تصير ابد مو مالتي
 بية اضمها و غيري ليشوفونها 
 الله مدري شحاط فوگ خيالها ترفة تعثر بالضوة توكع سهر، النجمة تعرفها يغازلها الكمر النسمة النسمة بس عشاكها يشمونها

 و سوت سوالفها عمتي ام ابا ذر شلون ما سوت وياي بالخطوبة و خلتني محتارة وين انطي وجهي تگله بوسها و اخوي وجهة صار احمر يمسح وجهة بكلينسة بس هنه ما عافنه لحن عليه امي و عمتي لحد ما باسها 

گصوا الكيكة و اني گبالهم لازمة موبايلي اصورهم و كل شوي اگللهم يسوون وضعية، بقى يمنة شويه وطلع لحفلته بالشارع 
طلعنه اغاني و اني و امي و خالتي و ويانه وعد ذبينه لحم بالرگص بس مالحكت أفهم شي من ورا التوزيع لازم اي احد يدخل انطيه كيك و ببسي امي ما تگدر و كل ساعة رايدين شي الولد البرا ولازم انطيهم و اكيد صديقتي الصدوقة ما عافتني تحضر وياي بس خطية بقت متقيدة لأن كل شوي يدخل ذَوّاد ياخذ الصواني

خلصت الحنه واحنه هلكانين من التعب خو سَدف انتهت اول ما طلعوا العالم گبل غسلت وجهة وبدلت گالت راح انام امي گلتلها روحي، اجه غَطرَف يريد يشوف سَدف أمي ما خلته يشوفها تگله ما يصير   باچر يلا تگدر تشوفها لأن باچر عرسهم، گام يلطم
ام ذَوّاد:: البنية نايمة دعوفها

سكت و راح الغرفته 
صار الصبح وكلشي چان تمام بس سَدف واضح عليها التوتر 
رحنه للصالون ونفس الشي بس هل مره الزفة اجت للصالون، سوتلها تسريحة مرفوعة و فستانها الابيض هيَّ المحليته
بس ركاض ركاض لأن هالمرة ام الصالون عليها ازدحام و اتأخرت بسَدف اجه غَطرَف دخل للصالون مستعجلين لأن السيارات بالباب بس اني اصريت يگصون صورة قبل لا ياخذ سدوفة من الصالون
صورتهم صورة وحدة على السريع انوب لبستها البرگع و هوَ من وراي ضل يعدل بيه لفها لف وطلعها  للسيارة

 صعدنه بالسيارة صارت سيارة العرسان كدامنه نصفك ونهلهل من نوصل يم سيارتهم اطكهم بهلهوله شعلاواتها أخلي ذَوّاد وغَطرَف  يخوزرون  و اني ما مهتمه وهلهل لأن هوَ غَطرَف يومية معرس؟ خلي نتونس

~~~~~~~~~~~~~~~~~~~

سَدف

صعدنا ورا انا وياه و گدام رجال چبير معگل و ذَوّاد السايق و الاغاني شعلواتها 
انا اتخربطت احوالي اجاني خفقان بگلبي و إيدي ضلن يرجفن همستله
سَدف:: اجوا عمامي؟ 

غَطرَف:: إيي اجوا قبل شوي بس عمچ صباح و رباح هذاك الثالث ما اجه

سَدف:: مو مهم عادي 

اصدقائة لعبوا لعب بالهورنات وگاموا يتراوغون بين سيارتنه ذَوّاد ضل يصيح عليهم لا يصير النه قدر،
فزيت لا اردايًا من لزم إيدي خليت راسي على چتفه  وهوه يحجي ويَّ ذَوّاد ويمسد على أيدي اللازمها. 


تعليقات