رواية انجدني من الغرق الفصل العشرون 20 بقلم امل بكر

 


  رواية انجدني من الغرق الفصل العشرون والاخير بقلم امل بكر


-هتشهدو علي ابوكم علشان يدخل السجن ….

يحيي بتفهم الموضوع اكتر ،

-هنعمل كده ازاي ؟ !

اتعدل في قعدته وقال ،

-لو علي كده من طريقه شغله بكل سهوله يقدر يتقبض عليه وطبعاً انتو اكتر اتنين شاهدين علي كده وانت يايحيي عارف شغله بيمشي ازاي وده هيساعد ان الموضوع يمشي اسرع 

يحيي فكر دقيقه اشك انها كملت اصلاً !!

-موافق هعمل كل الي يطلع بايدي 

بابتسامه ،

-اتفقنا هفهمك هنبدء امتي  وتتحرك ازاي 

رد عليه بكل برود ،

-معنديش مشكله انا جاهز 

هما الاتنين بصولي مستنين رائي قولت بتردد،

-يعني مش ممكن ده يخليه يتعصب او يأذيكم اكتر

يحيي بضيق واضح ،

-كفايه كلام عن قد اي هو مرعب !

صالح كمل ،

-متقلقيش كل حاجه هتمشي بالقانون ولما يتمسك ببضاعه كبيره ده استحاله يعرف يطلع نفسه منها !

اتنهد بحيره صالح قال ،

-هي الطريقه الوحيدة الي تخلصي من مشاكلك وانا وعدك اني هنجدك بس لازم تساعدي بشهادك..

قولت بسخريه ،

-هي دي المساعده !! انا فكرت هتعمل حاجه هخزعبليه علشان تنجدني زي مابتقول !..

خلصت كلامي ببساطه يحيي بصلي الي هو ده هنفخك وصالح بنظره حيره عايزاني اعملك اي ؟! 

اخد بالي قولت اي !..

-بس طبعاً كتر خيرك افكارك هايله للحقيقه 

قال بتريقه لازعه ،

-لاء كتر خيرك انتي والله ..

-طيب خلاص مش قصدي قولي محتاج مني اي وانا هعمله 

-بكره هعرفكم كل حاجه 

-ماشي وانا مستني مش عارف اقولك اي بصراحه علي كل الي بتعمله ده 

-ولا اي حاجه ده واجبي وبصراحه مقدرش اشوف حاجه زي دي واسكت 

-سبحان الله تدابير ربنا انا بجهز اننا نسافر فا الحمدلله اننا هننتهي من كل حاجه قبل لما نمشي 

ابتسمت بفرحه اما صالح فا رد فعله فاجئتني الحقيقه ،

-تسافرو !!! يعني فـين ؟! 

-مقررتش لسه بس الفكره خلاص مفيهاش رجوع عايزين نرتاح ونبعد عن كل الي حصلنا 

انا عن نفسي مبسوطه اوي بس الي خلاني اركز مع صالح انه حاسا اضايق !! او مش عايزينا نسافر بس لي !! ده المفروض يفرح علشان كان بيضايق من شوفتي 

-ي يعني  فكر تاني…. هتسافر وبعدين فكرت في كده 

-هشتغل عادي ولسه هدرس سنه مش حوار هتصرف وادرسها في المكان الي هنقعد فيه واختي معايا عادي 

قال بتلاقئيه ،

-مش انت بتحب العربيات ونفسك تفتح معرض زي ده ؟! 

اظن ان يحيي استغرب زيي من محاولته انه بيلاقي حل من كل الجوانب باي شكل ! هنا ادم ادخل وهو بيقعد معانا ،

-اه والله ياحضره المحامي حلمه من واحنا صغيرين بس هو مصمم علي السفر ماتخليك يايحيي وبلاش عناد احنا هنا جمب بعض لكن هناك متعرفش حد 

صالح بمزايطه ،

-وانا شايف كده خليك هنا كلنا حوالين بعض 

كمل ادم ،

-وكمان انت معاك اختك هتسيبها مع مين ؟!

رد عليه هوا ،

-ايوه فعلاً اكيد النقطه دي فاتتك مش كده ؟!

كنت عماله اسمعهم ويحيي رد ،

-لاء مفاتتنيش عامل حسابها لاني عادي انا ممكن اخذها معايا الشغل

بصتله باستنكار ،

-تاخدني معاك الشغل يايحيي؟!!

بهمس ،

-بس انتي خليني اخلص من زنهم ده

قولت بتفهم ،

-ماشي 

صالح وهو بيقوم يجهز علشان يمشي ،

-خلينا نمشي وفكر في الموضوع تاني 

يحيي قام وقف قدامه ،

-تمام هستني منك خبر بكره 

-بإذن الله 

-احم عايزه تقعدي ؟!

قولت بتردد وانا ببص ليحييي فهمني واستأذن منهم ،

-بعد اذنكم 

بعدنا شويه عنهم قال ،

-مالك مش عايزه تروحي مع صالح ؟

-يا يحيي صالح رفع المسدس علي بابا متخيل ؟! وانت عارفه اتعصب جداً وانا ندمانه اني من الاول روحت عندهم بيتهم بقي مليان خوف وهما اصلاً عيله كويسه وملهاش دعوه بالناس 

سكت بتنهيده رد عليا ،

-انا فاهمك واحنا هننهي كل حاجه هنا وهنمشي 

-هو انا مردتش اتكلم قدامه بس هو احنا هنعمل كده بجد ؟! ي يعني ده مهما كان ابونا !

-لاء ياليال متحنيش علشان هو ولا مره كان بيعمل حاجه علشانا احنا !! الي عمله لازم يتحاسب الموضوع اتقفل 

روحت من تاني مع صالح وفات كام يوم وهو بيقابل يحيي وبيراقبه بابا وبيعرفو امتي هيتم التسليم علشان يبلغو البوليس لغيت لما اجي اليوم ده وفضلو مراقبين الوضع وحد اخد باله وضرب عليهم نار وهنا البوليس ادخل وكان بيتك التحقيق

 روحتله وقابلته قعد قدامه بس المره دي خوفي اتبخر توتري ورجفتي في الكلام قدرت انساهم 

شوفت في نظرته الصدمه والظابط بيقوله ان انا اعترفت عليه طلبت منه يسبنا شويه ،

-انا هقتلك بايدي سااااامعه

-تعرف انا قولت ازاي اعمل كده انت مهما كان منصور بيه وابويا كمان ! بس ووقفت عند حاجه انت عمرك ما حسستني انك اب ولا ليا ولا ليحيي انا معرفش لي عملت معانا كده لي خليتنا نعيش العمر ده في قسوتك وجبروتك ؟ انت اكيد معندكش الاجابه مش كده اصل هتقول اي ! 

والله انا كان نفسي افتكر حاجه حلوه تخليني معرفتش عليك شوفت ! حتي بعد معاملتك لينا دي وجفاء المشاعر الي عمري كله ضاع عليه طفله من يوم ما اتولدت مشافتش اي حاجه تخليها تنام وهي حاسه انها في امان متخيل يابابا …انا ديماً بنام وانا خايفه من بكره وده بسببك 

اتنهد وانا بحاول معيطش ،

-انت حتي ولا ماما كمان معلمتوناش دينا الي منعرفش عنه حاجه !! يمكن الكلام سهل بس دي مصيبه كبيره انت عملتها حتي كنت مانعني اتكلم مع حد لو ده كان موجود يمكن كنت عرفت يعني اي ابقي مسلمه حقيقيه

-استغفر ربنا يا بابا يمكن ربنا يغفرلك كل الذنوب الي عملتها دي 

كان بيبصلي بعدم فهم زي نظرتي الاوله لاي حد بيقولي حاجه عن الدين بشكل عادي جداً 

-انا ويحيي هنسافر بره البلد ومش هنرجع يمكن نعرف ننسي ويمكن نعمل حاجه احسن لينا ..مكنش فيه غير الطريقه دي الي نبعدك عننا وتدفع تمن ان كل حد شرب حاجه مش كويسه بسببك 

كان ساكت خلاص معتش ينفع يتكلم المره دي انا بتكلم وهو بيسمع !!

قومت وقفت ،

-انا ماشيه مع السلامه 

لفيت وقبل لما افتح الباب قال اسمي بصوت واطي ،

-لـيا ل

بصتله ،

-سامحيني 

بصتله باستغراب والظابط دخل ،

-لو سمحت اتفضلي بره 

هزيت راسي وانا مازالت باصه لبابا وفي لحظه قرب من الظابط وشد منه المسدس حطه علي دماغه ووو ضرب صووووت بصـدمه 

الظابط طلعني بره ويحيي وصالح بعدم فهم من صوت ضرب النار ،

-انتي كويسه في اي ؟!

بعياط ،

-قتل  نفسـه 

بدهشه راحو عن الاوضه وشافو مرمي علي الارض حطيت ايدي علي دماغي وانا مش قادره اقف ،

-ي يحيي يع يعني اي مات بسببنا ؟!

بعدم تصديق ميقلش عني اخدني في حضنه ضربات قلبه عاليه !

-ا اهدي 

فات يومين وطنط اتنازلت عن الشكوي بعد لما طارق حلف انه هيبعد عني وكده كده مش هاممني لان احنا ماشين فضلت في صدمه بنام وبصحي وشكل بابا مش بيروح من بالي يحيي اتصل عليا اول لما صحيت ،

-اخبارك اي ياحلوه ؟!

بتعب ،

-تمام 

-جهزي نفسك ساعتين وهعدي عليكي ..هنمشي انهارده 

اتعدلت في قعدتي ،

-انهارده هنمشي !!. 

-ايوه 

-ماشي هجهز واستناك مع السلامه 

قومت جهزت نفسي وبعدين خبط علي اوضه كارما ،

-فاضيه ؟

-ادخلي فاضيه تعالي 

قربت وقعد جمبها علي السرير ،

-انا جايه اودعك 

اتعدلت في قعدتها بدهشه ،

-هتمشي انهارده !!

-اهااا يحيي كلمني من شويه 

-فكري من تاني خليكي هنا انا اتعود عليكي 

ابتسمت بهدوء ،

-وانا كمان اتعود عليكي جداً ياكارما انتي غيرتيني كتير واتعملت منك حاجات حلوه كتير مش عارفه لو معرفتيكش كنت هفضل تايه لامتي !! ..

بحزن قالت ،

-مش عارفه اقولك اي انا بجد كل لما افتكر انك هتمشي بزعل اتفأجات انك هتمشي انهارده !

-هكلمك كل يوم ولسه في حاجات تانيه هتقوليهالي اكيد 

خلصت كلامي وانا برفع صباعي في  وشها وانا ببتسم بهدوء ابتسمت معايا ،

-انتي يعني بتاخديني علي قد عقلي 

-لا والله بتكلم بجد وخلاص بقي متزعليش علشان معيطش 

رفعت عيونها ليا  وقالت،

-هتبقي مرتاحه صح ؟!

-ادعيلي انتي 

اجي المعاد ويحيي اتصل عليا انزل صالح كان واقف هو واهله قدام الباب وكارما نازله جمبي ابتمست لمامته وباباه بود وقولت ،

-انا مش عارفه اشكركم ازاي علي الي عملتوه معايا واستقبالكم ليا في بيتكم عمتلكم مشاكل انتو ملكوش ذنب فيها متأسفه علي كل الي حصلكم 

لفيت لكارما وحضنتها وهي عيطت بتأثر وانا مسكت نفسي بالعافيه مشيت خطوه بسرعه بس مامته فجأتني لما وقفتني وهي بتحضنني وبتقول ،

-متزعليش مني علي الي قولته في يوم المستشفي 

ابتسمت وانا ببعد عنها ،

-خالص مش زعلانه منك انك متفهمه 

هزت راسها بتفهم ،

-خلي بالك من نفسك ولو احتاجتي حاجه احنا موجودين 

-شكراً عارفه 

صالح وقف مع يحيي قربت عليهم وسمعت صالح بيقول ،

-هوصلكم لغايه المطار 

-ملهوش لازوم انت تعبت معانا 

-معلش خليني اوصلكم 

ركبنا معا ووصلنا للمطار وادم كمان صاحب يحيي اجه يودعه وقاله ،

-يعني خلاص اخر كلام ؟!

-ايوه وبعدين خلاص احنا في المطار !

صالح كان ساكت خالص ادم هزه في كتفه وقال بصوت هامس ولكن قدرت اني اسمعه ،

-اتكلم ياجدع خلاص الفرصه هضيع 

اتنهد وكان هيتكلم بس يحيي قال وهو بيسلم عليهم ،

-اشوفكم علي خير ياحبايبي خلي بالكم من نفسكم 

ادم هز راسه بيأس وهو نظره علي صالح بعدين رد ،

-ان شاء الله خلو بالكم من نفسكم انتم

فضلت مستنيه يتكلم يقول مع السلامه اي حاجه حاسه بشعور وحش اوي وكأني مش عايزه امشي !!

اتكلمت انا ،

-مع السلامه ياصالح شكراً علي كل حاجه 

قال بتلاقئيه ،

-خليكي ! 

قلبي دق وبصيت ليحيي الي هز راسه وهو مش فاهم قال كده لي !؟

ادم ابتسم كان متوقع انه هيقول كده ! 

-يحيي تعالا معايا ثانيه 

بعده عننا  فضلت عيني متثبته عليهم وبعد لما خلصو يحيي ندهلي اقرب منه ،

-في حاجه ؟! يلا مش هنمشي ! 

-صالح عايز يتكلم معاكي 

رجع يقف مع صاحبه وانا بصيت لصالح اتكلم ،

-لو قولتلك متمشيش هتوافقي ؟!

بصيت حوالينا قولت بلاعكبه ،

-وانت عايزاني اقعد لي اظن ان انت مكنتش بتحب تشوفني حتي !

ابتسم ،

-خلي قلبك ابيض ده كان زمان 

-ودلوقتي ؟

اتنهد بنفاذ صبر ،

-من الاخر ومن غير لف ودوران تقبلي تبقي في حياتي  ووو 

قاطعته بضيق طفولي ،

-اي ده هي دي المقدمه !

باستغراب بصلي قولت ،

-شكلك مدربتش حتي !

-لا الصراحه 

رفعت كتافي ،

-خلاص لما تدرب تعالا

-لاء ما هو ما هستني كتير انتي مش هتسافري خلاص 

ضحكت غصب عني علي طريقته ،

-بس انا مقولتش موافقه 

رفع ايده بالتذكره بتاعتي ،

-ازاي من غيرها ؟

مفهمتش غير لما قطعها شهقت بصدمه ،

-اي الي انت عملته ده !!!

قال ببساطه ،

-ولا حاجه انتي هتقعدي هنا 

بصيت ليحيي وانا بقوله ،

-احنا مش هنسافر ؟!

-خلينا نحضر فرحك وبعدين هقضي شهر العسل معاكم معنديش مشكله 

فات اسبوع وبعدها يحيي حضر امتحاناته وكان بيشتغل واجرنا شقه مريحه وماما عرفت مكانا وطالبه اننا نرجع بس رفضنا وهي قالت خلاص انا الي هقعد معاكم  ..وصالح اجه اتقدم بشكل رسمي جدًا 

وبعد شهرين كنا بنتعامل بحدود هو الي طالب وفهمني ان كلامنا تعارف نفهم بعض بس اي كلام رومانسي او كده فا ده مينفعش وافقت علي كلامه وخصوصاً بعد لما كلمت كارما واستفهمت منها اكتر 

انتظمت علي الصلاة اكتر حاجه ندمانه اوي اني مكنتش بعملها طول عمري ..واجه يوم مكنتش اتوقعه ان يحيي يكلمني ويقولي ان صالح طالب نكتب الكتاب وانه مرتاح 

فرحت جداً ولكن بعد لما فكرت شويه روحت ليحيي تاني ورفض اتفاجئ بتحولي لاني كنت مرتاحه ومبسوطه ودلوقتي بقول عكس كده ..

كارما كلمتني ،

-قولي من غير لف ودوران مالك ؟!

اتنهد وفهمت اقصد اي بسؤالها ،

-بعد لما فكرت كويس حسيت ان هو يستاهل حد احسن مني يعني انا مش محجبه مش فاهمه هو لي مُصر عليا ؟! هو ماشاء الله احسن مني في الدين مظنش اني اليق بيه ياكارما 

-ماشي مفيش نقاش في الي قولتيه بس انتي برده بقيتي فاهمه حاجات كتير في الدين واي حاجه مش عارفها علطول ابحثي وشوفي ده حرام ولا حلال او اسأليني الموضوع بسيط متعقدهوش وبعدين يمكن ربنا جعل صالح يكون من نصيبك علشان يرشدك للطريق الصح

وانتي عارفه كمان ان الحجاب فرض يعني لازم مفيهاش حريه شخصيه متفقين علي الكلام ده وانتي لو عايزه تكلمي في الدنيا من غير ما تعملي الي ربنا أمرك بيه فا انتي الي هتتحاسبي مفيش حد غيرك 

كلامها مفيهوش تذويق ودي اكتر حاجه بحبها في كارما لان الكلام في المواضيع دي لازم تقولو بكل وضوح مفيهاش بقي طب انا لسه صغيره طب شويه !

واخر حاجه هقولها انتي لو بتفكري في موضوع الحجاب فا انتي هتلبسي علشان ربنا أمرنا بكده ..وطبعاً صالح لما يبقي زوجك هيتحاسب عليكي فا لازم تفكري في النقطه دي 

قفلت معاها وفضلت افكر شويه لغيت لما قومت اتوضيت ولبست الاسدال الي جبته وبدأت اصلي وادعي ربنا كتير وهيط كتير انا حبيته ومش عايزه اخسره بس في كلام في عقلي ان انا وحشه وهو يستاهل احسن 

خلصت صلاة ونمت التاني يوم وصحيت علي صوت الموبايل وكان هو فتحت  عليه وصلي صوته ،

-صباح الخير 

اول لما بسمع صوته بحس بشعور الذنب واقول لاء ماهو مش معقول الراجل ده هيبقي لحد غيري !

-صباح النور 

-شكلك لسه نايمه 

-لاء خلاص صحيت في حاجه 

-عادي يطمن عليكي كويسه 

-بخير الحمدلله وانت ؟

-الحمدلله .. كنت عايز اتكلم معاكي انهارده 

-قلقتني في اي ؟! انت كويس 

-لا مفيش حاجه بخصوص رفضك لكتب الكتاب !

بلعت ريقي وقولت ،

-عايز تقنعني؟

-مش كده اكيد عايز افهم لي الرفض ؟

-هو كده احنا اصلاً لسه مخطوبين !

-ايوه ما انا عارف بس من وجه نظري حاسس ان ده الاريح لينا 

-لا ماظنش لو مش متقبل الموضوع ا..

قاطعني بتسأول ضيق ،

-ايوه لو مش عاجبني اعمل اي ؟!

قولت بحيره ،

-مفيش خلاص شوف هتيجي امتي وقولي 

-بعد العشا

-هستناك 

قفلت معاه قومت غسلت وشي بضيق من نفسي حسيت اني ضيقته هو عملي اي اصلاً !

اجي الليل كنت بصلي وسمعت صوته بره وماما ويحيي بيسلمو عليه قومت من علي السجاده بعد لما خلصت بصيت المرايا وكنت هشيل الطرحه ولكني اتراجعت وطلعت زي مانا سلمت عليه وفضلو يتكلمو شويه لغيت لما صالح استأذن انه عايز نتكلم 

قومنا وقعدنا في البلاكونه الي مفتوحه علي الصاله 

-تحب اعملك قهوة ؟

-بتعرفي تعمليها !

ابتسمت وانا بنفي براسي ،

-لاء هخليك تعملنا احنا الاتنين 

ابتسم عليا ،

-انتي الي مش عايزه تتعلميها 

قولت بتلاقئيه وانا بهز كتفي ،

-مظنش ان طعمها هيبقي حلو زي بتاعتك 

-اهو شوفتي مش زي قهوة الماكينه هااا 

ضحكت وسكتنا شويه ،

-ممكن بقي تقوليلي لي رافضه 

-طب ممكن قبل لما اقولك تقولي انت لي مُصر نكتب الكتاب 

-علشان في كلام كتير عايز اقوله وعلشان نرتاح في الكلام وكمان هنظبط بعدها معاد الفرح 

-وانا كمان علفكره في حاجات كتير عايزه اقولها  

-يعني متفقين اهو ! اي المشكله احكيلي 

-بص بكل صراحه انا حاسه انك احسن مني في معلوماتك عن الدين وانا الي اعرفه  محدود او لما يحيي قالي مش هكذب فرحت ووافقت ولكن بعد لما فكرت حسيت ان لاء معرفش بقي دي غيره ولا اي !! 

رديت علي نفسي بسرعه ،

-ولا اقولك اه انا غيرانه فعلاً ومش عايزه تبقي احسن مني علي الاقل نبقي زي بعض 

فضل يسمع بتركيز لغيت لما قولت اخر كلامي ضحك غصب عنه ،

-انت بتضحك عليا !

خلص ضحكه وقال ،

-هقولك الغيره دي مش وحشه بالعكس دي حاجه حلوه اوي انك تغيري وعايزه تبقي احسن مني في حاجه هترضي ربنا فا مفيش احسن من كده !

-بس هي دي الحاجه ؟!

-لا ء انا برضه حسيت اني مش عارفه اخد الخطوه خصوصاً لما كارما فوقتني من ناحيه الحجاب وقالتلي اننا كمان لما نتجوز انت هتتحاسب عليا 

كملت بصوت هادي ،

-وانا مرضاش بصراحه تتحاسب علي حاجه زي دي انا اقدر ارضي بيها طبعاً ربنا الاول 

-طب ما الموضوع سهل اهو وانتي حلتيه بنفسك 

-يعني البس الحجاب ؟!

-ليال انتي عارفه كويس انه فرض ولو عايزاني افهمك اكتر ماشي عادي ..وانا متأكد انك هتاخدي القرار الصح علشان انتي بقيتي احسن وبقيتي بتحاولي .. لاء و بتغيري كمان !

خلص كلامه بمشاكسه ،

-بس بقي ياريتني ماقولتلك 

-فكري علي راحتك بس انا واثق ومتأكد انتي هتعملي اي 

قام وقف قولت بزعل ،

-انت هتمشي ؟!

-عندي شغل معلش انا خطفت ساعه اكلمك وافهم السبب 

-طب استني مش هتعمل قهوة

-بنعملها في بيتنا بقي 

خلص كلامه وطلع عند الباب ابتسمت بهدوء ودعته ومشا بعد يوم اتفقنا نحدد معاد جهزنا المكان كان شكله حلو وهادي اوي كارما ومامتها وماما  اجو اوضه الفندق عندي بعد لما لبست الفستان وجهزت 

كارما ،

-لو فضلت اقول تحفه مش هقدر التحفه دي اللهم بارك 

مامت كارما ،

-ماشاء الله ربنا يحميكي 

ماما ،

-ياحبيبتي علي الحلاوي 

ابتسمت ليهم وشكرتهم كنت متوتره وقالو ان صالح طالع الباب خبط فتحولو دور بعينه لغيت لما شافني اندهش وهو بيرفع حاجبه وبعدين ابتسم وهو بيقول ،

-يلا ننزل المأذون في الطريق 

نزلت جمبه بضيق منه ازاي مقالش اي كلمه حلوه اي حاجه ! قعد جمبه والمأذون اجه والمصور شغال تصوير كان قلبي بيدق برهبه وفضلت افكر معقول بتجوز صالح الي مكنتش حابه طريقته قليله الذوق ضحكت غصب عني حتي هو بصلي وهو بيبتسم باستغراب 

قولتله بهمس ليه،

-اتصرف وانا هدفعلك كاش 

ثانيه وافتكر وضحك وانا ضحكت معاه انتهي كتب الكتاب قومنا وقفنا انا كنت مرتبه هعمل اي اول لما الكتاب يتكتب اي ده انا نسيت اعمل اي !!! 

بس هو مستناش افتكر وفتح ايده دخلت في حضنه وانا بقفل عيني بعدنا عن بعض وبدأنا نسلم علي اهلنا ماما حضنتني جامد ،

-حقك عليا متزعليش مني انا هعوضك علي الي فات 

طلعتني من حضنها وكملت بدموع فرحه،

-ربنا يحميكي مش مصدقه انا مبسوطه اوي ياحبيبتي 

مسحت دموعها الي نزلو بايدي ،

-مش زعلانه انا بحبك اوي خلينا نبقي كويسين في الجاي 

ابتسمت 

-وانا بحبك اكتر انا جمبك ومش هسيبك 

-وانا واثقه فيكي خلينا نعوض الي فات يا امي 

 فضلنا نتصور كتير بصلي بتفحص وقال ،

-شكلك حلو اوي ياليال ربنا يحميكي ياحبيبتي انا 

-بجد انا حاسه ان شكلي حلو بالحجاب 

-حلو جداً كمان …ربنا يثبتك يارب 

-انت بجد كنت متوقع  اني هلبسه ؟

-انتي كويسه وعايزه ترضي ربنا فا توقعي كان  في محله 

ابتسمت ،

-انا فرحانه انك من نصيبي ياصالح 

-وانا بحبكك جداً 

وبعد سنتين فهمت ان الي بعيد عن ربنا كأنه ضايع في غابه كبيره اوي وعمره ماهيرجع لبيته الا لو كان واثق انه معاه ربنا الاول و رجع لربنا وتاب توبه من قلبه حقيقه .. كلنا بنتعلم وانا اتعلمت حاجه حلوه اوي من عيله دخلت حياتي وخلتني احسن وطبعاً كله بترتيب ربنا عز وجل .. بس انا كنت ندمانه علي كل وقت ضاع مني وانا بعيده اوي عن ربنا ومش عارفه حاجه عن ديني ودي حاجه خلتني اني اتمسك اكتر ومضيعش ثواني غير وانا بعوض كل الي فاتني الحمدلله اني فوقت يمكن متأخر بس ولو وده كان تيسير وتوفيق من عند ربنا 

ودلوقتي بقيت ام ومش هسيب ولادي لوحدهم ابداً همشي معاهم خطوه بخطوه هكون حنينه ومصدر امان ليهم وبدعي ربنا التوفيق ويجعلهم ذريه صالحه ويجعلهم سبب لدخولي انا وابوهم الجنه 


انتهت احداث الرواية نتمني أن تكون نالت اعجابكم وبانتظار آراءكم في التعليقات شكرا لزيارتكم عالم روايات سكير هوم



شكرا لزيارتكم عالم روايات سكيرهوم

تعليقات