رواية عاصفة النسور الفصل الثامن والعشرون
محمود .. بيلبس وقبل ما بينزل بيقرب من شقة نجلاء وبيخبط علي الباب
نجلاء .. بتفتح الباب واول ما بتشوف محمود لبس الافرول انت راجع الكتيبه
محمود .. ايوه قولت اسلم عليكي قبل ما امشي وكمان اطمن علي وعد
وعد .. بتقرب من الباب ايه ده يا عمو محمود انت ضابط
محمود .. ايوه يا حبيبتي ضابط جيش طمنيني عامله ايه دلوقت
وعد .. الحمد لله طنط نجلاء مش مخلياني محتاجه حاجه
محمود .. يفتكر اسيل اللي لو لسا عايشه كانت في سن وعد ويبقى نفسه يحضنها لكن بيمنع نفسه اتفضلي يا وعد وبيديها علبه كانت في ايده
وعد .. ايه ده يا عمو ده تليفون
محمود .. ايوه يا حبيبتي وجبتلك خط وسجلتلك رقمي عندك في اي وقت تحتاجي اي حاجه كلميني علي طول اتفقنا
وعد .. اتفقنا ان فعلآ مش عارفه اقول ايه ودموعها نزلت من عنيها
محمود .. بيمسح دموعها بايده من النهارده يا وعد ما فيش دموع مفهوم
وعد .. بتاخد نفس وبطلعه مفهوم يا فندم
محمود .. بيبتسم يلا ادخلي شوفي تليفونك برحتك
نجلاء .. انت حنين اووي يا محمود
محمود .. انا ما شوفتش في حنيتك وقلبك الطيب يا نوجا اول مره ابقا مش عايز امشي
نجلاء .. وانا كمان حاسه اني قلبي بيوجعني
محمود .. لا لازم تتعودي يا اجمل دكتوره
نجلاء .. اتعود ماشي هحاول
محمود .. ان شاء الله اول ما ارجع هتقدم رسمي ولا عندك مانع
نجلاء .. مانع ايه وانا ليا عشر سنين مستنياك يا رخم
محمود .. معلش يا حبيبتي انا فعلآ رخم بس اعمل ايه دماغي كده رغم حبي ليكي فضلت احاول اني ابعد لكن للاسف ما قدرتش
نجلاء .. وكمان بتقول للاسف
محمود .. كنت خايف عليكي انا السبب في موت مراتي وبنتي الله يرحمهم وكنت هكون السبب في موتك لكن الحمد لله ان ربنا انقذك
نجلاء .. لكل اجل كتاب وانت مش سبب في موتهم هما عمرهم خلص وربنا عز وجل جعل لكل شئ سبب
محمود .. ونعم بالله يلا ده مش وقت الكلام ده
نجلاء .. لا ده وقته ولا بعدين انا مش عايزك تفتح الموضوع ده تاني مفهوم يا حضرت الضابط
محمود .. بيضرب التحيه العسكريه تمام يا فندم همشي انا بقا عشان متاخرش
نجلاء .. ماشي يا حبيبي لا إله إلا الله
محمود .. سيدنا محمد رسول الله
.. محمود بيتحرك وبيتجمعه في المطار وبيركبه الطائره الهليكوبتر اللي بتاخدهم علي الكتيبه واول ما يوصله محمود بيتحرك علي مكتب اللواء اسامه وبيخبط علي الباب ..
اسامه .. ادخل
محمود .. بيدخل وبيدي التحيه العسكريه تمام يا فندم فريق النسور جاهز
اسامه .. بيوقف وبيسلم علي محمود اتفضل يا ابني
محمود .. شكرآ يا فندم وبيقعد
اسامه .. الاستخبارات وصلت للخليه اللي نفذت العمليه و للاسف حصل اشتباك وتم القضاء علي جميع العناصر كنا عايزينهم عايشين
محمود .. دول عندهم يموته وما يتكلموش
اسامه .. كلامك صحيح بس الحمد لله اخده ضربه هتوقفهم شويه لحد ما يقدره يكونه خلايه جديده
محمود .. احنا لازم نوصل لي راس الحيه يا فندم
اسامه .. للاسف ما فيش حد يعرفه ولا حد شافه وكمان عايش بره مصر بس هيروح مننا فين المهم خلينا في موضوعنا
محمود .. خير يا فندم
اسامه .. الاستخبارات وصلت لمعلومات خطيره ان فيه عنصر من الموساد بيحمل الجنسيه الروسيه حالين بيكون خاليه عشان يستخدمها في مصر والمطلوب تجبوه هنا عشان نعرف كل خططهم او لو مقدرتوش تقتلوه وتجيبه الاب بتاعه وتليفونه
محمود .. تمام يا فندم ان شاء الله هنجيبه
اسامه .. الحكايه مش بالسهوله دي يا محمود دنيان شمعون من انشط عناصر المو س اد وفيه مجموعه من النخبه بتكون معاه في اي مكان بيروحه وزي العاده عايزين عمليه نظيفه يا محمود مش عايزين وجع دماغ وما تنساش ان الاستخبارات الامريكيه لسا فاكره اللي حصل فيها لما انقذنا الدكاتره يعني اي خطأ ممكن يكلفكم حياتكم
محمود .. ما تقلقش يا فندم
اسامه .. ربنا معاكم يا بطل وبيفتح الدرج دي جوزات السفر
محمود .. بيمسكهم وبيفتح واحد منهم حلو جوزات السفر روسيه
اسامه .. عشان تقدره تتحركه بحريه اكتر
محمود .. بيوقف وبيدي التحيه تمام يا فندم وبيطلع علي ساحة التدريب
... الفريق كله بيكون واقف ضياء بيدي التحيه لمحمود الفريق جاهز يا قائد ..
محمود .. بيدي كل واحد جواز سفره معاكم عشر دقايق وتكونه هنا جاهزين بلبس المدني
الفريق .. تمام يا فندم
ضياء .. يقترب من محمود الايام اللي فاتت كانت صعبه عليك نجاة حكتلي كل حاجه ازاي ما تكلمنيش وتقولي
محمود .. الحمد لله ربنا لطف بينا وما فيش حاجه حصلت وده المهم
ضياء .. الحمد لله وناوي علي ايه
محمود .. ابتسم هعمل ايه يعني هتجوز
ضياء .. بتقول ايه اخيرآ يا صاحبي
محمود .. اه يا ضياء ان شاء الله بعد ما نرجع من المهمه هطلب ايد نجلاء رسمي
ضياء .. الف مليون مبروك وربنا يتمم بخير يارب
محمود .. عقبال ربنا ما يكرمك بالذريه الصالحه يا صاحبي
ضياء .. يارب يا صاحبي وانا ونجاة مش عايزين غير طفل يملاء علينا حياتنا بس كل الدكاتره بيقوله ده مستحيل
محمود .. خالي عندك امل في لطف ربنا ورحمته اطلب من ربنا اللي الدكاتره شايفاه مستحيل عشان المستحيل بنسبالهم مش مستحيل عند ربنا عز وجل
ضياء .. كلامك صح يا محمود يلا عشان نغير احنا كمان
محمود .. يلا يا صاحبي
.. وبعد ما الكل بيجهز بيركبه طياره علي إيطاليا ومن إيطاليا علي روسيا ..
نجلاء .. بتدخل تصحي وعد وبتقرب منها وبتفضل تبصلها وهي نايمه زي الملايكه وبصوت كله حب وعد حبيبتي
وعد .. بتفتح عنيها صباح الخير
نجلاء .. صباح الفل يا قلبي يلا الفجر اذن عشان نصلي سوا
وعد .. نصلي
نجلاء .. اه انتي مش بتصلي
وعد .. لا طبعآ بصلي
نجلاء .. يلا يا حبيبتي قومي اتوضي وانا مستنياكي
وعد .. بتمسك التليفون وبعد كده بتسيبه وبتقوم تتوضي وتصلي مع نجلاء
نجلاء .. انا هجهز الفطار اقولك يا وعد انتى مش في مدرسه
وعد .. اه كنت في مدرسه وبعد اللي حصل سبتها
نجلاء .. خلاص نفطر وانا هاخدك ونروح نسحب ملفك ونقدمه هنا في مدرسه قريبه جنبنا
وعد .. ماشي يا طنط
نجلاء .. ايه طنط دي قوليلي يا نجلاء علي طول مش خلاص بقينا اصحاب
وعد .. حاضر يا نجلاء
نجلاء .. بتدخل المطبخ عشان تجهز الاكل
وعد .. بتدخل وراها وبتساعدها
.. وبعد الفطار بيفضله يتكلمه سوا ووعد بتحكي كل حاحه لنجلاء ونجلاء بتحضنها خلاص يا وعد انسي كل اللي فات من دلوقت انا مش هسيبك لحظه ..
وعد .. بس انا سمعت عمو محمود انه هيتجوزك واكيد هتسبيني
نجلاء .. اوعي تقولي كده تاني عمو محمود بيحبك واحنا مستحيل نسيبك فاهمه يا وعد
وعد .. بتهز راسها بالموافقه
.. الباب بيخبط ..
نجلاء .. الساعه ٨ مين هيجي بدري كده
وعد .. خليكي انتي يا نجلاء انا هفتح
نجلاء .. لا يا حبيبتي ادخلي اوضتك وما تطلعيش غير لو ندهت عليكي
وعد .. بتدخل اوضتها وهي فاتحه الباب شويه صغيرين عشان تعرف مين جاي
نجلاء .. بتقرب من الباب مين اللي بيخبط
